Numri një i stolit u ka kërkuar drejtuesve të klubit që seancat stërvitore deri për ndeshjen shumë të rëndësishme kundër maltezve të zhvillohen në një fushë me bar. Zyrtarët e verilindorëve janë lidhur me drejtuesit e Tiranës dhe kanë arritur marrëveshjen që nënkampionët e Shqipërisë të zhvillojnë përgatitjet e tyre në “Skënder Halili”.

Ekipi nuk do të përgatitet në Pezë Helmes në kompleksin “Internacional”, në një fushë me bar artificial, por në fushën me bar natyral të “Skënder Halilit”. Një zgjedhje mjaft e mirë e kuksianëve. Ditën e premte, me shumë mundësi do të luhet takimi miqësor kundër Kastriotit, pavarësisht se ende nuk është konfirmuar diçka e tillë.