“Nuk ka kënaqësi më të madhe se të respektohesh nga vendlindja ku jam lindur e rritur. Ka 40 vite që kam ikur, por këtu e kam prejardhjen dhe këtu kam nisur hapat e parë si futbollit. Më bën krenar për familjen, miqtë dhe të gjithë”, tha mes të tjerash Gega, i cili falënderoi edhe kryebashkiakun Besnik Dushaj.

Ky i fundit, për Supersport shtoi: “Skënder Gega mbetet ikonë e futbollit dhe është i nderuar si futbollist dhe qytetar. Ai dhe familja e tij janë të nderuar e të respektuar në këtë krahinë”. Ndërkohë, Gega i ngacmuar nëse do të kishte dëshirë që një ditë të drejtonte Valbonën, as që e vë në diskutim. Sidomos në elitë.

“Patjetër do doja të ishte trajneri i parë. Shpresoj që brezi i ri të merret me sport në këtë kompleks që është bërë”, u shpreh Gega, i cili momentalisht nuk është i angazhuar me asnjë klub që prej largimit nga Partizani muajin e shkuar.

“Kjo mania e trajnerëve të huaj mua më duket se ka kaluar në sindromë. Jo se jam kundër trajnerëve të huaj, se tek e fundit bëhet edhe njëfarë zhvillimi i futbollit. Partizani ishte një ekip i ngritur, që po bënte mirë dhe kishte zhvillim”, thotë fillimisht Sejdini në një intervistë për “ABC News”.

“Xhaxhi” vijon me arsyetimin e tij: “Nuk e kuptova se si nga Gega u kalua te një trajner tjetër, siç është italiani Franko Lerda. Eksperiencën Partizani e kishte, pasi nuk është se pati ndonjë sukses me trajnerët e huaj. Për më tepër me italianët. Mendoj që nuk ishte një hap i zgjuar, duke qenë një ekip i ngritur, me themele, kurse tani e nis nga e para”.

Sejdini jep mendimin e tij në lidhje me problemet trajnerët e huaj kanë në vendin tonë: “Problemi numër një është fakti se mungon profesionalizmi. Ne akoma nuk jemi në stadin profesional, siç janë klubet në Europë. E dyta nuk kemi kushtet stërvitore.

Llogarisni ju që Partizani nuk ka fushë, stadium, një ambient. Edhe nga ana psikologjike është shumë e vështirë të barazohesh me një klub të huaj. Trajnerët shqiptarë janë të përgatitur mirë, por nga ana tjetër përshtaten më mirë me situatën. Të huajt e kanë të vështirë dhe këtu nisin kontradiktat, duke mos qenë të gjitha hallkat në union”.

Trajneri i ri Franko Lerda, zgjedhja e juaj apo e drejtorit Olsi Rama? 

Siç e dini, e ka thënë edhe drejtori, mbas ikjes së Gegës për një problem familjar mbetëm dhe bëmë disa interesime. E morëm italian sepse duam të arrijmë një nivel më lart sepse kuptohet për teknikën dhe të gjitha. Kishim disa trajnerë, por drejtori zgjodhi Franko Lerdën, të cilit unë i kam dhënë besimin e plotë. Mendojmë se do bëjmë një ekip më të mirë se sa e kemi pasur në aspektin taktik, rregullit dhe disiplinës.

Shorti në Champions me Karabak, do dëshironit një skuadër tjetër?

Kuptohet që Karabak është një ekip me më eksperiencë se ne. Ka shumë vite kampion i Azerbajxhanit, me kualitete të mira, ka qenë deri në grupet e Champions League.  Gjithsesi unë nuk kisha pretendim për ndonjë ekip tjetër sepse tek e fundit 11 me 11 luajmë. Unë kam besim te ekipi im, te stafi im, te drejtori. Me disa përforcime që do bëjmë, besoj se është i kalueshëm.

Kompleksi i Partizanit. Gjici ka thënë se stadiumi i Kukësit do përfundojë më shpejt. Keni një koment? 

Nuk e di çfarë ka thënë presidenti Gjici sepse atij stadiumin ia bën bashkia dhe federata. Ne si Partizanin po e bëjmë vetë. Unë nuk jam në garë se çfarë bën Gjici, unë shpresoj që ta mbaroj sa më shpejt.

Ka ndonjë datë se kur do të rinisin punimet?

Shpresoj shumë që kampionatin ta nisim te ky ministadiumi jonë.

Gega, përse u largua trajneri? Thuhet për arsye personale, por këto ditë ai është parë në Shqipëri… 

Trajnerin Gega e uroj për fitoren e titullit. Ka qenë një trajner i respektuar. Gegën e kam sjellë unë te Partizani. Kjo është hera e parë dhe e vetme që unë sjell trajner te Partizani. Kemi dhënë dorën si burrat dhe ka ardhur pa kontratë te Partizani. Pas disa muajsh me drejtorin Rama, pa më thënë mua, bënë kontratën. Që të jemi korrekt ajo kontratë u bë me të gjitha kushtet që donte Gega.

Më ka ardhur një ditë bukur, mbasi ka folur me drejtorin, për një problem familjar. I kam dhënë dorën dhe i kam thënë familja është mbi të gjitha. Kështu që ka qenë një ndarje xhentëllmenësh. Ka pasur vetëm një problem familjar. Asnjë prapaskenë tjetër unë nuk e di të ketë. E dija që ka ikur në Amerikë, ju po thoni që është këtu, nuk kam informacion. Megjithatë unë i uroj fat dhe gjithë të mirat. Nëse ikën në një skuadër tjetër,  pastë fat dhe ishalla mos të ketë ato problemet që më tha mua.

Tirana shumë aktive në merkato. Ka marrë dy lojtarë të Partizanit. Mendoni se do ndryshojë historia në derbi? Keni thënë që nuk fitojnë sa të jeni ju president… 

Tani, derbi dihet që është derbi. Unë i pari po gëzohem shumë që Tirana po përforcohet. Tek e fundit këto dy ekipe kanë qenë vlera e shumë viteve në kampionatin shqiptar. Me oshilacionet e të dyjave, sepse Partizani ka pasur të vetat dhe gjithashtu edhe Tirana. Për këto lojtarët që ka marrë nuk kam informacion sepse unë nuk i ndjek skuadrat e tjera. Derbi do të jetë prapë derbi, të treja rezultat janë brenda.  Besoj se ne do të jemi gjithmonë më të fortë.

Për merkaton. Flitet se do të afrohet Balaj dhe Ramadani

Në informacionin tim, sepse me këtë punë merret drejtori, e ka ekskluzive, e ka marrë vetë përsipër. Shpresoj se do sjellë lojtarë shumë të mirë të cilët besoj se do bëjnë diferencën. Është në punë çdo ditë për të sjellë lojtarë cilësor, siç e dinë të gjithë nuk është e lehtë sepse dihet opinion për Shqipërinë, megjithatë jemi në rrugë të mbarë.

Për dy prurjet nga kampionati shqiptar flitet se janë lojtarë shumë cilësor. Si Melo (Uilliam Kordeiro ashtu edhe ish-lojtari jonë që luante te Teuta (Hakaj). Drejtori është shumë entuziast për të sjellë disa prurje shumë serioze dhe shumë të forta.

Gega nuk do të bëjë zhurmë, për një sezon të tërë vetëm në një konferencë “shpërtheu” dhe e bëri për shkak të dënimit të tifozëve. Zyrtarisht ka ikur për arsye personale, por e vërteta është ndryshe. Raporti i tij me drejtuesit ka pësuar një krisje, kjo për shkak se pas fitimit të titullit u bënë shqiptarë në sjellje. Titullin e fituan si amerikanë. Por “ujku qimen e ndërron dhe zakonin s’e harron”.

Një nga ata që ka mbetur i zhgënjyer nga largimi i Skënder Gegës është edhe trajneri Edmond Lutaj, i cili më parë ka drejtuar Flamurtarin. Me ish-trajnerin e Partizanit ka njohje personale, ndërkohë që në llogarinë e tij në Facebook ka postuar një foto me Gegën dhe shkruan çfarë mendon.

“Zhgënjimi i radhës në futbollin shqiptar. Një ekip që e kam në zemër. Partizani del kampion mbas 26 vitesh.  Normalisht trajnerit i rriten kompetencat, përmirësohet kontrata dhe vihen piketat për të ardhmen. Çfarë bën Partizani?! Zgjedh një trajner tjetër për arsye se ky trajneri tjetër nuk ka shumë pretendime për stafin.

Misioni i tij do të jetë vetëm përgatitja teknike e skuadrës, ndërsa menaxhimi dhe merkatoja ka mbetur kompetencë e drejtuesve. Por kur drejtuesit janë aq të zotë, pse nuk bëjnë dhe anën teknike?! Dalin përsëri kampion dhe me kosto minimale. Gjithë kjo lëvizje më le shije shumë të keqe. Respekt për stemën, tifozët dhe ish-trajnerin Skënder Gega”, shkruan Lutaj.

“Prishtina po i vazhdon përgatitjet. Mirel Josa së bashku me shtabin teknik po kryejnë punën e tyre të duhur. E konfirmojmë edhe njëherë dhe për të disatën herë, se FC Prishtina ka kryetrajner edhe për dy vitet e ardhshme. Mirel Josës, FC Prishtina i qëndron prapa deri në përpikëri. Josa vazhdon të ketë besimin e plotë nga të gjithë anëtarët e FC Prishtina.

Edhe pse na vjen keq që mbase dikush nëpërmjet medieve të ndryshme po provon të trazojë ujërat, kryetrajneri Josa dhe futbollistët, me qetësinë optimale janë duke i bërë përgatitjet e duhura në fazën përgatitore në Pejë për ndeshjet e rëndësishme në Europa Ligë”, shkruhet në qëndrimin e Prishtinës.

Kolegët e “Ora News” raportojnë se drejtuesit e Prishtinës kishin nisur bisedimet me Gegën dhe është gjetur marrëveshja, në lidhje me kohëzgjatjen e kontratës dhe përfitimet financiare. Ndër të tjera thuhet se ish-trajneri i Partizanit do e marrë drejtimin pas ndeshjeve të kupave të Europës.

Momentalisht Prishtina drejtohet nga Mirel Josa, i cili në krye të bardhekaltërve ka dalë dy sezone radhazi në vendin e dytë. Trajneri kryeqytetas, nuk ia ka dalë në dt raste në ndeshjet e fundit. Vjet ishte Drita që u shpall kampionë, kurse sivjet Feronikeli.

Prishtina kërkon të kthehet te titulli dhe për këtë ka zgjedhur një trajner kampion si Gega. Mbetet për t’u parë se si do të pritet ky lajm nga Josa, pasi është ai që po e drejton skuadrën dhe do mundohet të bëjë mirë në kupat e Europës. Gjatë kampionatit ka pasur shpesh kontestime për të, sidomos nga grupimi Plisat.

Gjithçka ka nisur në fund të sezonit 2015-2016, atëherë kur Mirel Josa ngriti trofeun me Skënderbeun. Ishte një cikël me shumë suksese dhe tekniku kryeqytetas u rikthye të drejtonte Tiranën. Një vit më pas e pësoi Ernest Gjoka.

Kampion me Kukësin, por presidenti Safet Gjici mendon se e fitoi ai titullin kampion. Nëse kujtohet ndeshja me Skënderbeun, ndoshta ka edhe të drejtë. Gjithsesi, verilindorët në ndeshjet direkte me rivalët treguan forcën e tyre. Gjoka vijoi në kupat e Europës dhe eliminimi nga Champions-i bëri që presidenti Gjici ta shkarkonte.

Sezoni 2017-2018, Skënderbeu kampion dhe fitues i Kupës së Shqipërisë. Trajneri Ilir Daja e mbylli në fund të sezonit. Dënimi i UEFA-s ndikoi, ndërkohë që nga ana tjetër ai kërkonte edhe një sfidë të re. Largimet e shumta nga korçarët treguan se Skënderbeu nuk do të ishte favorit për titullin.  I fundit që largohet pas titullit kampion është Skënder Gega, për arsye personale.

Sezoni 2018-2019 | Partizani kampion, largohet Skënder Gega
Sezoni 2017-2018 | Skënderbeu kampion, largohet Ilir Daja
Sezoni 2016-2017 | Kukësi kampion, largohet Ernest Gjoka
Sezoni 2015-2016 | Skënderbeu kampion, largohet Mirel Josa

Alban Hoxha dhe Egzon Belica, lojtarë këta që kanë mbajtur shiritin e kapitenit, ndryshe nga shokët e tjerë të skuadrës nuk janë zgjatur shumë. Portieri shkruan “Suksese profesor”, kurse qendërmbrojtësi “Gjithë të mirat”.

Labinot Ibrahimi zbulon edhe si i thërriste profesor Gegës dhe e falënderon për mbështetjen e madhe. Mbrojtësi i shpreh gjithë mirënjohjen e tij, ndërkohë që edhe Ardit Hila ka bërë gjithashtu një postim për trajner dhe shprehet se ndihet krenar që ka qenë nën urdhrat e tij.

Vlonjatët, Bruno Telushi dhe Hetkor Idrizaj kanë gjithashtu dedikimet e tyre për ish-trajnerin e Partizanit. “Do të jem gjithmonë krahu yt i djathtë”, shkruan mesfushori. Anësori i djathtë punoi pak kohë me Gegën, por vlerësimi për të është maksimal.

Jasir Asani nuk di vetëm të shënojë dhe të asistojë. Fjalët për Gegën janë të përzgjedhura dhe sulmuesi i krahut e falënderon shumë ish-trajnerin e tij. “Je ai që më mbështetur dhe më ke ndryshuar”, shkruan mes të tjerash Asani.

Lorenc Trashi gjithashtu i ka bërë një dedikim Gegës: “Do i mungosh të gjithëve dhe do të kujtojnë si ai që bëri historinë me ketë ekipin. Kurrë nuk do harrohesh”. Fjalë zemre edhe nga Esat Mala për ish-trajnerin.

Nipi i tij ndodhet me të në stol për momentin. Më pas ndoshta nuk do të lejohet, për shkak të rregullave. Gega po përjeton momente të bukura dhe në stadium i ka ardhur e gjithë familja nga Shtetet e Bashkuara të Amerikës.

“Lojtarët që janë te kombëtarja bashkohen sot me ne. Ka qenë motivim dhe kënaqësi për ne. Grupi bëhet më i fortë me ta. Jemi stërvitur normalisht, si në fillim të kampionatit. Jemi profesionistë dhe të gjithë paguhemi të stërvitemi dhe të tregojmë vlerat, sikurse kemi bërë gjithë vitin”.

“Jemi të kënaqur dhe të lumtur, djersa e tyre është shpërblyer. Është pozitive që e ka bërë këtë zbor trajneri i kombëtares. E rëndësishme është që këto të katër kanë marrë frytet e punës së tyre. Ne jemi të kënaqur, ashtu si edhe shokët e tyre. Zgjedhjet i takojnë Rejës, por me rëndësi është që sheh kampionatin dhe duket se do t;i japë hakun secilit. Shpresoj që nga kampionati ynë të marrin shanse. Është detyra e tij të zgjedhë. Ai mundohet të bëjë përzgjedhjen më të mirë, ku është vështirë të futet kushdo. “Asani? Nuk ka ndikuar tek ai. Çdo lojtar që ka pasaportë shqiptare ka të drejtën morale të dëshirojë të bashkohet, sidomos kur ka shënuar gola. Është zgjedhja e Rejës”.

BATUTA E GJUNJËVE – “Gjoka dhe Gjici janë përgjegjës për çfarë ndodh te Kukësi dhe si janë gjunjët e Kukësit. Kjo ishte thjesht një batutë e një presidenti që ka vite në Superiore dhe ka sjellë disa risi ndër vite. Unë e kam thënë me parë që koha do të tregonte si i kishim gjunjët”.

TAKIMI ME TAKAJN – “Presidenti Takaj është shoku im prej 30 vitesh, kam luajtur futboll moshash me të. Isha me familjen e takova rastësisht. Me një celular Samsung mund të besh filma këto ditë. Unë jam pjesë e Partizanit dhe nuk mund të ndryshoj”.

Në lidhje me impenjimin në vazhdim, Gega tha: “Kemi plane, kemi një ide që këtë javë që ata që nuk kanë pasur hapësira të luajnë. Kanë dhënë kontributin e tyre edhe ata. Impenjimi ka qenë maksimal, veç Alban Hoxhës që e kemi lënë pushim për shkak të probleme shëndetësore”

RELAKSIMI – “Shoh që lojtarët po kënaqen në stërvitje dhe shfaqen gjëra që s’i kemi provuar. Shkojmë në Durrës për të luajtur futboll, nuk kemi presionin e dështimit. Përfaqësojmë Partizanin dhe do luajmë me dinjitet. Fusha do tregojë kush e meriton fitoren”.

“Do ulem me presidentin dhe drejtorin dhe do flasim. Pa zbehur vlerat e askujt, do shikojmë të jemi të kujdesshëm që ata që nuk kanë pasur hapësira të luajnë. Nuk varet e ardhmja e tyre, duam t’u japim kënaqësinë e asaj qe kemi arritur. Nëse nuk kanë luajtur, do të thotë që ka pasur diferenca. Kualiteti është i pari. Ata që kanë luajtur më shumë kanë treguar se kanë qenë më të denjë”.

“U arrit objektivi kryesor, titulli. Do doja të kishim sa më shumë pikë. Do i shikojmë ndeshjet me radhë, bëjmë më të mirën me Teutën. Pastaj me Kukësin. Do jetë pranë festës dhe do i marrin me radhë. Kështu duhet të funksionojë”.

RËNIE E BARDHIT – “Ky ekip ka vlera dhe janë teknike. Filozofia jonë ka qenë t;u gjejmë vendin e duhrtu dhe t;u marrim maksimumin. Keni parë edhe Trashin, kishte mendime të ndryshme për pozicionin e tij. Në filozofinë time mendoja se bënte mbrojtësin. Mala nuk ka qenë sulmues krahu. Hoqëm atë idenë e sulmuesit kryesor. Katërshja e sulmit ka bërë mirë. Bardhi nuk ka dalë në pah dhe ka bërë spektaklin, por është një nga ata që ka bërë shumë kilometra dhe ka dhënë kilometra. Ka pasur shumë probleme me rrëzat e kofshëve, ka sakrifikuar. Pati një lodhje fizike. Ka luajtur dhe ka bërë maksimumin, duke mbajtur në panik Tiranën. Grupi nuk funksionon i ndarë, repartet kanë ndihmuar njëri-tjetrin. Çdo njeri mund të rritet, sikurse Bardhi dhe çdo lojtar”.

MERKATO – “Kur e kam nisur, baza ka qenë. Nuk ishte brilante, pasi kemi pasur probleme. Edhe Ibrahimi që u tha se ishte ne limite, u rrit dhe korrigjoi veten. Ndërhyrjet nuk do jenë drastike. Nuk është vetëm Championsi sezoni ynë, punojmë për të ardhmen. Nuk do tentojmë të bëjmë spektakël. Kemi nevojë për afrime, sikurse Reali dhe Barcelona. Kam dëshirë që ky grup të respektohet. Po të ishte për mua, do i mbajmë të gjithë. Sezoni i ardhshëm do jetë ndryshe, do na presin si kampionë. Kam lexuar emra, por asnjë nuk është në lupën time apo të kemi bërë biseda. Nëse bashkohet dëshira dhe mundësitë, pse jo. Shitjet? Nëse një lojtar fiton titullin pas 26 vitesh dhe merr një ofertë shumë të mirë, do e mbështesja. Gjithsesi ka marrëveshje mes tij dhe klubit, janë të tjerë që drejtojnë”.

“Çinari nuk ka pasur asnjë problem. Është një garë luajnë 11 deri në 14 lojtarë. Lojtarët kanë marrë pjesët e veta. Nëse te Vllaznia ka pasur hapësirë, është ndryshe këtu. Partizani nuk është Shkodra, që është në Kategorinë e Parë. Ka qenë 19 vjeç kur ka luajtur athe. Ka ardhur i mirëpritur. Jemi të kënaqur për atë që ka bërë. I duruari i fituari. Gjërat nuk merren të shkëputura. Nuk ka as marrëveshje për minuta. Nëse bën më mirë se shoku, do luash nga fillimi. Për fat të mirë kushdo që ka luajtur ka bërë mirë”.

GOLAT E PAKTË – “Dua ta shoh në aspektin e një trajneri. Nuk kam parë sulmues klasik që të bëjë ligjin. Ndoshta nuk kanë marrë pritshmëritë e duhura. Nuk shoh një sulmues tipik, por nëse nuk shkrihet me grupin nuk bën efekt. Nuk ka shumë sulmues në qarkullim. Me rëndësi është që çdo lojtar që është përpara të mendojë si sulmues”.

“Nuk ka xhelozi brenda, i kam marr përsipër momentet e vështira. Nuk kam vënë gishtin te lojtarët, jam munduar t’i mbroj. I ndodh kujtdo të gabojë. Nuk di kush është bërë xheloz, secili ka bërë punën e vet. Kam dëgjuar perceptime të ndryshme. E kam thënë që pjesë e festës mund të bëhet kushdo. Nëse nuk do ishim këtu, përgjegjësia do të ishte e imja”.

KOMBËTARJA – “Zgjedh ai dhe pres të ketë edhe lojtarë të tjerë. Para disa kohësh u mor Trashi. Do kënaqesha të kishte edhe nga ekipe të tjera. Duhet të mbështetet Superiorja. Ky është kampionati ynë dhe uroj të ketë sa më shumë”.

MENAXHIMI I LOJTARËVE NGA GEGA – “Mbaj mend kur ishin në fazë përgatitore në Ohër, ai nuk filloi menjëherë ta na bënte stërvitjen, por organizoi disa mbledhje tek e tek. Pyeti çdo lojtar për vështirësitë që kishte pasur në sezonin e kaluar, unë i tregova për problemet që hasa me fizikun, pata shumë dëmtime. Ai diti si të fliste me lojtarët, na kuptoi çfarë karakteresh kishim. Me disa sillej sikur e kishte shok, me disa të tjerë sikur i kishte fëmijë”.

GARA ME RIVALËT – “Në fillim të sezonit Flamurtari ishte një ekip shumë i mirë, por filluan problemet financiare. Pas disa javësh rivali kryesor ishte Kukësi. Ata na kanë motivuar, i falënderoj me deklaratat që kanë bërë: “Jo gjunjtë, jo biçikleta”. Ndonjëherë kur të mungon karikimi, këto deklarata të karikojnë”.

TIRANA DHE DËSHTIMI NË DERBI – “Normalisht që kjo ndikon. Me kaq shumë kohë sa ka Tirana pa fituar, shtohet presioni pasi kërkon medoemos fitoren. Dihet që presioni i tepërt të bën keq në ekip. Unë mendoj se Tirana gabimin e ka bërë që në fillim. U frynë shumë, me foto etj. . E kam provuar vetë te Flamurtari në 2015-ën. Ekip me emra shumë, por 0. Edhe Partizanin në sezoni e shkuar. Futbolli i sotëm duhet të kesh një grup shumë të fortë që të arrish te suksesi. Vetëm Mesi dhe Ronaldo janë të aftë të marrin ekipet përdore”.

FILLIMI I SEZONIT – “Titulli kampion nuk ishte objektiv. Kjo ka bërë dhe mirë për grupi, pasi nuk ishte ai presioni: ‘O kampion o s’ka’. Pas javës së 10-të grupi filloi ta kuptonte se titulli ishte i mundshëm”.

PREMIO E TITULLIT – “Jemi ulur me presidentin dhe na ka thënë: Djema mendojeni vetë shifrën e premios. Gjithsesi ne lojtarët ende nuk jemi mbledhur që të vendosim për këtë gjë”.

I pyetur nga drejtuesi i emisionit, nw lidhje me banderolën “Kampion me VKM” të bërë nga tifozët e Tiranës, Telushi tha:“Ne e kemi treguar në fushë që kemi marrë çdo gjë me meritë. Olsi Rama ka qenë një ndër personat që gjithmonë më ka udhëzuar të jem i qetë me arbitrat në çdo rast. Mbaj mend gjatë derbit, tifozët e Tiranës se ç’kishin një shprehje për Erion Braçen dhe tifozët në krahun e Partizanit filluan të acarohen dhe shajnë, Olsi ishte i pari që u ngrit dhe filloi të qetësonte tifozët”.

PËRPLASJA – “Ka qenë në ndeshjen me Skënderbeun. Ka rezultuar mirë në ekip, ishte mësim për të gjithë. Kur gaboj unë, të tjerët nuk duhet ta bëjnë atë gabim. Ai ndëshkim që mora tregoi se klubi është mbi të gjitha dhe Asani, Mala apo Bardhi nuk mund ta bëjnë diçka të tillë. Pavarësisht se u humb, përgjegjësitë i mbajti trajneri. Na e tha që mbi të gjitha është Disiplina”.

RAPORTI ME TRAJNERIN – “Ka qenë vit ndryshe. Normalisht afrimiteti i trajnerit me lojtarët ka qenë ndryshe. Ky ishte çelësi i suksesit. Ky vit është më i suksesshmi, pasi vitet e tjera kemi shkuar deri në fund për shumë arsye”.

TITULLI – “Nuk ka pasur besim nga jashtë. U ndërtua ekip i ri. 3-4 vetë ishim nga vjet. Klubi mendoi për bazën e ekipit, jo vetëm për këtë vit. U mendua të bëhej ekipi i fortë për të ardhmen. U bë ekipi i duhur, krijuam besim dhe fituam titullin”.

GARA – “Dua të flas pak për konkurrencën. Nuk e kuptoj si thuhet kjo që Partizani nuk ka pasur konkurrencë. Ne ishim ekip i ri. Ishin disa që luanin për herë të parë në Superiore. Albani, Ibrahimi dhe unë ishim nga të vjetrit. Kukësi ka ekip të mirë dhe lojtarë që paguhen shumë. Skënderbeu ka lojtarë si Bregu, Vangjeli, Muzaka e Radas. Edhe Teuta po ashtu ka ekip të mirë. Duhet ta themi që jemi gjithë vitin në krye dhe nuk kemi pasur luhatje”.

FUNDI I NDESHJES – “Kur mbaroi ndeshja, u futën gjithë tifozët dhe nuk dilja dot. Ngela aty mes tyre. Njoha njërin prej tyre dhe i thashë: ‘Të lutem më nxirr nga këtu’. Sigurisht dola pa fanellën. Fitorja e titullit në derbi është shumë ndryshe. Do dilnim kampion edhe po të luanim në Elbasan Arena”, u shpreh Trashi gjatë emisionit.

ECURIA E KORÇARËVE – “Skënderbeu ka bërë 6-7 vite të mrekullueshme. Shqiptarët krenohen me kombëtaren, erdhi një moment që krenoheshin me Skënderbeun. Duhet ndjekur strategjia e tyre. Nuk është turp ta ndjekim edhe ne, në mënyrë që dhe Partizani të ecë në Europë”.

KËRKESA E TIFOZËVE PËR DERBIN – “Vitin e parë te Partizani, në derbi na erdhën tifozët dhe na takuan. Na kërkuan vetëm derbin, jo titullin. Erdhi moment që donin titullin, jo derbin. Ua plotësuam dhe i fituam të dyja”.

RAPORTI ME FEDERATËN – “Vitet e mëparshme janë ndryshe. Nuk mendoj se ka pasur luftë me federatën. Është fryrë më shumë dhe jemi cilësuar si një ekip që vetëm protestojmë për arbitrat”

ÇINARI – “Jam krenar dhe shumë i lumtur për Çinarin. Në fillim s’kemi pasur shumë mundësi t’i japim minuta pasi kemi pasur në sulm një treshe të shkëlqyer, por në fund durimi fiton”.

FESTA NË FUND – “Nuk po dija nga të shkoja kur mbaroi ndeshja. Doja të përfaqësoja tifozët, lojtarët, stafin të gjithë, thjesht s’dija çfarë të bëja”.

MOMENTI MË I VËSHTIRË –“Ndeshja me Luftëtarin ka qenë një zhgënjim për mua. Ishin tri ndeshje rresht, që vetëbesimi na u kthye ne mosbesim. Ai ka qenë momenti më i vështirë i gjithë sezonit, për fat ndeshjen tjetër reaguam dhe çdo gjë u harrua”.

“Ndjej qe lojtarët më duan jashtë fushe, ndërsa unë i dua akoma dhe më shumë. Në momente të vështira u jam gjendur pranë”, përfundoi Gega.

“Çelësi i suksesit? Është festë dhe nuk dua të flas për probleme. I jap meritë ekipit, klubit, mbështetësve, kolegëve e gazetarëve. Kur erdha ka pasur paragjykime pa dashje. Ndjej keqardhje. Sot jam i lumtur dhe i falënderoj të gjithë ata që më kanë besuar”.

“Nuk më besohet që jemi kampionë. Çdo minutë që kalon do më pëlqejë më tepër për lodhjen e sakrificën, për familjen që ka qëndruar larg meje. (Shpërthen në lot). Kam shumë miq që kanë jetuar me shqetësimin pranë meje. Janë edhe miqtë. Kam merita bashkë me çunat, por Gaz Demi është njeriu që më dha kurajo në momentet më të vështira. Kur të jem më i qetë do ndaj gjërat e mira, jo të këqijat”.

“E kam pasur të vështirë deri kur hyra në autobusin e Partizanit, më pas kam pasur besimin te vetja që gjërat do i bëj siç duhet dhe për t’i dhënë njerëzve atë që meritojnë. Njeriu ka karakter dhe formim, ndaj kur jepet shansi duhet ta shfrytëzosh. Faji nuk duhet shpërndarë dhe këtë kam dashur të bëj. Jam munduar të kuptohem me stafin dhe me të gjithë jam munduar të përçoj idenë se vetëm të bashkuar dilet. Falënderoj Mehmetin, Sakonen dhe Ristanin, Dajlanin menaxher i ekipit. Gaz Demi ka meritë të veçantë, pasi kisha dëgjuar gjëra. Njihja lojtarë dhe kam folur me ta. Me Demin kam fol tre herë teknikisht. Nëse diçka nuk shkon mirë e marr vetë përsipër dhe ai nuk e ka humbur besimin. Edhe me Olsi Ramën kemi pasur bashkëpunim të ngushtë, ndoshta jo perfekt”.

“Nëse Tirana bie, ju vjen keq për fitoren? U munduam t’i qetësojmë djemtë. Jemi vend i vogël dhe paragjykojmë pa baza. Ka qenë traditë. Te Partizani janë krenarë që kemi fituar me meritë, kemi ardhur këtu me meritë, kundër paragjykimeve. Jemi këtu dhe kush ka dyshuar ju përgjigjëm me titullin. Njeriu duhet të punojë dhe të ballafaqohet me çdo pengesë dhe paragjykim. E rëndësishme është që ky grup hyri me bindje se nëse jemi të pastër, vjen kjo ditë. Bëmë të pamundurën dhe morëm maksimumin”

“Do e pranonit ofertën e Tiranës? Jam pjesë e partizanit, jam rritur këtu. Kjo ishte ëndrra, që kur të me jepej shansi të kontribuoja. Nuk jam armik me Tiranës, as me Kukësin. Jap kontributin tim kudo që mund të ndihem rehat. I uroj suksese Tiranës dhe çdo ekipi të Superiores”.

Presioni është në krahun e Tiranës për rezultatin, por nuk mungon as te Partizani. Fjalët e shumta për ndonjë tolerim të mundshëm bëjnë që të besuarit e Gegës me çdo kusht të kërkojnë të marrin pikë. Vetëm kështu mund të mbyllen “gojët e liga”. Presidenti Gazment Demi ka qenë i qartë një ditë më parë më futbollistët.

Ai ka ndjekur stërvitjen dhe nga ajo çka u diskutua një mbrëmje më parë në emisionin “Zona Gol” në Supersport, Demi u është drejtuar lojtarëve me pak a shumë këto fjalë: “Kur humba në vitin 2014 kam dhënë një intervistë dhe kam thënë se nuk do të humbas në derbi më. Unë jam nga ata që i mbajnë fjalët dhe kërkoj angazhim maksimal edhe nga ana juaj”.

FORMACIONET – Në fushë ekipet zbresin prej orës 16:30 dhe pa rënë bilbili do të jetë momenti i spektaklit në tribuna. Fanatics mungojnë dhe kjo e bën derbin ndryshe. Ndërkohë ka mungesa në të dy krahët. Karabeci e Kërçiku janë mungesat “big” të Tiranës, kurse në anën tjetër Mensah, Asani dhe Telushi janë të pezulluar.

Gega do të rreshtojë një skuadër me modulin e zakonshëm 4-2-3-1. Dihet që në portë do të jetë Alban Hoxha, kurse nga krahët e mbrojtjes luajnë të zakonshmit Ibrahimi e Trashi. Rikthehet Belica në qendër dhe partner i tij do të jetë Rexhepi. Atanda e Hila do të ngrenë një “digë” në mesfushë, kurse organizmin e lojës do e ketë përsipër Duka. Bardhi, i mbështetur nga Mala e Çinari, do të jetë në majë të sulmit.

Mema në krahun tjetër kërkon të bllokojë krahët dhe për këtë Daja e Doka do të mbulojnë linjën e djathtë, kurse linjën e majtë Hoxhallari e Greca. Turtulli e Imami do të luajnë në qendër të mbrojtjes, ndërsa para këtij reparti do të vendoset Mauxhe. Hasani e Kobina do të luajnë pak më përpara, kurse në sulm Ngo do të tentojë të kthehet në heroin e derbit.

KATEGORIA SUPERIORE – JAVA 33
E SHTUNË, MË 4 MAJ 2019, ORA 16:30

PARTIZANI-TIRANA
Partizani (4-2-3-1): Hoxha – Ibrahimi, Belica, Rexhepi, Trashi – Hila, Atanda – Mala, Duka Çinari – Bardhi. Trajner: Skënder Gega
Tirana (4-1-4-1): Abibi – Daja, Turtulli, Imami, Hoxhallari – Mauexhe – Doka, Kobina, Hasani, Greca – Ngo. Trajner: Ardian Mema

DERBI – “Është ndeshja e radhës por është ndaj Tiranës dhe është specifike, aq më tepër kur sheh pozicionet që jemi. Besoj se ka ardhur fundi dhe shpresoj që tja dalim edhe me derbin edhe me rrugëtimin e gjatë që kemi bërë.

Tirana ka problematikat e veta, nuk është detyra jonë të analizojmë Tiranën. Tifozëve shpresoj që t’ia shpërblejmë, pasi nuk na janë ndarë as në kohë të vështira. Shpresoj që nesër të jetë një stadium i mbushur plot dhe të gëzojmë të gjithë bashkë. Megjithatë, është një 90 minutësh që nuk i dihet.”

MUNGESAT – “Janë tre lojtarë që kanë kontribut të jashtëzakonshëm, por për fat të mirë edhe pjesa tjetër është munduar gjithmonë dhe shpresoj të vijojë e njëjta performancë. E treguam dhe në Vlorë që Partizani është në rrugën e duhur dhe i qetë. Nesër është një tjetër ndeshje, por ne i kemi bërë përgatitjet tona ashtu siç dimë ne, pa bërë ndryshime. Çdo njeri që do të luajë do të mundohet të bëjë punën e Asanit, Mensah apo Telushit.”

DERBI MË I VEÇANTË – “Kemi bërë tre derbi dhe kemi marrë shtatë  pikë. I vetmi ndryshim është që duam ta mbyllim sa më shpejt kampionatin.”

TITULLI KAMPION – “Tradita është e mirë të vazhdohet. Për mua është shumë e rëndësishme të arrihet objektivi final. Pavarësisht se fillimisht nuk është përmendur titullin, kemi mbërritur këtu dhe jemi pranë një finaleje. Derbit ngelin në histori dhe janë adrenalinë, por e rëndësishme është që Partizani të ngrejë trofeun.”

MBËSHTETJA – “Ka konçiduar që derbi ndoshta mund të jetë finalizimi i gjithë punës tonë. Nesër jam i sigurt që do të vijnë nga gjithë Shqipëria dhe presin nga ne t’i gëzojmë. Jemi munduar në çdo ndeshje të bëjmë maksimumin dhe nesër është ndeshja jonë. Luajmë si pritës dhe besoj që stadiumi do të ndizet.”

EUFORIA – “Ne si profesionistë e dimë që kampionati nuk ka mbaruar dhe jemi me këmbë në tokë. Kjo frymë është dhe në ekip. Askush nuk e ka fjetur mendjen. Është futboll dhe luajmë ndaj Tiranës. Do të bëjmë maksimumin që gjërat të shkojnë ashtu siç duam ne.”

PARAGJYKIMET – “Paragjykimet nuk i kemi ne në dorë. Vetëm zoti nuk paragjykohet se nuk është në tokë. Të gjithë kush jemi këtu kemi hapësira për t’u paragjykuar. E rëndësishme është të jemi në rregull me ndërgjegjien tonë. Tirana është një ekip i madh dhe derbit gjithmonë kanë pasur rivalitet dhe nuk ka pasur rëndësi pozitat e ekipit. Do mundohemi ta menaxhojmë ndeshjen, paragjykimet nuk janë në dorën tonë.”

FRIKA – “Mua më tremb çdo ndeshje. Nga minuta e parë deri në minutën e 90-të duhet menaxhuar mirë. Duhet të kapim situatat dhe të zbatojmë detyrat. Nuk duhet të kemi firo. Shpresoj dhe uroj të mos dënohemi me gjëra që janë anësore. Shpresoj që të gëzohemi të gjithë.”

MUNGOJNË GOLASHËNUESIT MË TË MIRË – “Asnjëherë nuk kemi caktuar gola, pasi ato vijnë gjatë ndeshjes. Shpresoj që çdokush të bëjë më të mirën. Alban Hoxha mund të shënojë nesër. Nuk e di si vjen situata. Penallti apo korne, e rëndësishme është ta përfundojmë me sukses. Ditën e parë që kam ardhur nuk kemi premtuar trofeun, por një ekip me mentalitet fitues. Jam krenar për të gjithë çunat dhe për stafin për të gjithë.”

PRESIONI – “E kam presionin tim të mjaftueshëm. Presioni i Tiranës është i Tiranës dhe nuk mund të them se sa është. Uroj që te ne të jetë presioni sa më i vogël dhe të marrim maksimumin.”

MERITAT E TITULLIT – “Sot jemi para Tiranës. Nëse do të arrijmë çdo gjë me sukses, urojmë të takohemi dhe të bëjmë një konferencë shumë shumë të gjatë. Jemi munduar të jemi fair play dhe me këmbë në tokë. Gaz Demi është ai që ka shpirtin e madh dhe është “gentleman” dhe jam i sigurt që nëse do të vijë festa torta do të jetë e madhe dhe secili do të ketë pjesën e tij.”

ARDIAN MEMA KA REFUZUAR TË JETË NË FESTË – “Nuk i mbyllim derën njeriu. Është produkt i Tiranës dhe trajner i saj si dhe ka luajtur me Partizanin. Nuk kemi bërë ftesa për njeri dhe për festën janë dyert e hapura. Të mbarojmë ndeshjen si fillim, më pas është e thjeshtë për të çuar ftesa.”

PEZULLIMI – “Kam qen në pezullim në pankinë, por jo gjatë punës. Kam qen gjithë kohës në kontakt me ekipin si dhe me stafin gjithashtu. Ekipi ka një vit që është ndërtuar dhe nuk ka sekrete, sikur unë mos të jem fare në stadium. Nesër do të jem në derbi dhe është një tjetër adrenalinë.”

LARGIMI I BELICËS – “Kam lexuar për Belicën dhe për Asanin si dhe lojtarë të tjerë. Sot janë të Partizanit dhe nesër nuk e di se çfarë do të ndodhë. Çdokush ka një pakt me klubin. E rëndësishme është të mbarojmë një herë në kampionat. Sot për sot jemi të fokusuar te fundi i kampionatit. Nuk kemi akoma asnjë emër në tavolinë. Të mbyllim sezonin dhe më pas do të merremi me të ardhmen.

FIRMOS PËR BARAZIM GEGA? – “Derbi është shumë i veçantë dhe shpresoj të firmos për atë që ne duam, një pikë apo tre pikë. Loja është ajo që do të vendosë dhe të shohim se çfarë do të na japë.”

Gjithsesi në kampin e kuq po mendojnë për ndeshjen e së shtunës me Flamurtarin në transfertë. Për të shmangur presionin është menduar edhe të mos ketë konferencë për shtyp para ndeshjes me kuqezinjtë e drejtuar nga Ilir Daja.

Me Gegën të pezulluar, do të jetë Dritan Mehmeti ai që do të drejtojë skuadrën. Ish-trajneri i Dinamos ka mundësinë të jetë në krye të Partizanit të paktën në ndeshjen me Flamurtarin. Partizani këtë javë do të jetë më i plotë, pasi janë rikthyer Atanda dhe Rexhepi. Të dy ishin të pezulluar me kartonë dhe e ndoqën ndeshjen me Laçin nga tribuna.

Telushi do të jetë i pezulluar për katër ndeshje, ndërsa trajneri i të kuqve do të jetë për dy ndeshje, si pasojë e sjelljes josportive ndaj zyrtarit të ndeshjes. Gjithashtu, gjoba ka pasur edhe për Tiranën e Skënderbeun, kjo si pasojë e sjelljes së tifozëve.

VENDIMET E DISIPLINËS
1. KF “Tirana”, për sjellje të gabuar të tifozëve, në bazë të Nenit 66/2 të KDS, dënohet gjobë në masën 100.000 (njëqindmijë) lek.

2. Lojtari i KF “Partizani”, Bruno Telushi, për sjellje jo sportive ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktivitetet.

3. Zyrtari i KF “Partizani”, Skënder Gega, për protesta ndaj zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

4. KF “Skënderbeu”, për sjellje të gabuar të tifozëve, në bazë të Nenit 66/1 të KDS, dënohet gjobë në masën 100.000 (njëqindmijë) lek.

5. Zyrtari i KF “Erzeni”,Altion Keçi , për ndërprerje të përkohëshme të lojës duke tërhequr ekipin, në bazë të Nenit 49/3 të KDS, dënohet me gjobë në masën 100.000 (njëqindmijë) lek. Në aplikim të Nenit 136/1/a të KDS, gjoba shlyhet në masën 50%.

6. Lojtari i KF “Erzeni”, Ermal Vathi, për sjellje jo sportive ndaj zyrtareve të ndeshjes ,në bazë të Nenit 49/1/a të KDS, dënohet me 8 (tetë) ndeshje pezullim nga aktivitetet.

7. Zyrtari i KF “Burreli”, Elvis Muca ,për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

8. Zyrtari i KF “Vora”, Gazmend Fucia, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

9. Zyrtari i KF “Vora”, Bledar Malaj, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

10. Zyrtari i KF “Shkumbini”, Arjanit Ballhysa, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

11. Lojtari i KF “Shkumbini”, Alban Bizhyti ,për sjellje jo sportive ndaj zyrtareve të ndeshjes ,në bazë të Nenit 49/1 /a të KDS, dënohet me 5 (pesë) ndeshje pezullim nga aktivitetet.

12. Lojtari i KF “Maliqi”, Stavioldi Treni ,për sjellje jo sportive ndaj zyrtareve të ndeshjes ,në bazë të Nenit 49/1/a të KDS, dënohet me 4 (katër) ndeshje pezullim nga aktivitetet.

13. KF “Korabi” U-19, për mosparaqitje në ndeshje me KF “Spartaku” U-19, në bazë t Nenit 55/1 të KDS, dënohet me humbjen e ndeshjes në tavoline me rezultatin 3-0 dhe zbritjen e 3(tre) pikëve nga klasifikimi. Në aplikim të Nenit 40/1 të KDS dhe Nenit 86/2/e dhe 86/2/d të Rregullores së Veprimtarisë Futbollistike, KF “Korabi” U-19, është përsëritës i shkeljes e mësipërme, për këtë arsye dënohet me përjashtimin nga aktiviteti për këtë sezon futbollistik dhe zbritjen e një kategorie më të ulët.

14. Lojtari i KF “Kukësi” U-19, Aurel Sokoli, për sjellje josportive ndaj zyrtarit të ndeshjes dhe ndaj kundërshtarit,në bazë te Nenit 49/1/a dhe 48/1/d të KDS,dënohet me 5 (pesë) ndeshje pezullim nga aktivitetet.

15. KF “Bylis” U-19, për mos paraqitje në ndeshje kundër KF “Butrinti” U-19, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

16. KF “Vlora” U-19, për mos paraqitje në ndeshje kundër “Republica” U-19, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

17. Zyrtari i KF “Vllaznia” U-17, Brikeno Bizi, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

18. KS “Luftëtari” U-17, për mos paraqitje në ndeshje kundër KF “Elbasani” U-17, në bazë të Nenit 55/1 të KDS, humbet ndeshjen në tavolinë me rezultatin 3 me 0 dhe zbritjen e 3(tre) pikëve nga klasifikimi.

19. Lojtari i KF “Termi” U-17 ,Sergent Llukovi , për dhunë ndaj kundërshtarit të ndeshjes dhe për inicim të dhunës, në bazë të Nenit 48/1/e të KDS, dënohet me 7(shtatë) ndeshje pezullim nga aktivitetet.

20. Lojtari i KF “Shkëndija B.T” U-17 ,Damiano Braho, për dhunë ndaj kundërshtarit të ndeshjes, në bazë të Nenit 48/1/e të KDS, dënohet me 5(pesë) ndeshje pezullim nga aktivitetet.

21. KF “Burreli” U-17, për mos paraqitje në ndeshje kundër KF “Spartaku” U-17, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

22. Lojtari i KF “Divjaka”, Gerist Malko, për dhunë ndaj lojtarit kundërshtar, në bazë të Nenit 48/1/e të KDS, dënohet me 7 (shtatë) ndeshje pezullim nga aktivitetet.

23. Lojtari i KF “Mirdita”, Elton Marku, për dhunë ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktivitetet.

24. Çeljen e hetimit disiplinor për incidentin midis lojtarit të FC “Flamurtari”, Idriz Batha dhe lojtarit të KF “Skënderbeu”, Marko Radas.

Në emisionin “Gol pas Goli” trajneri i të kuqve pranoi se fundi i kampionatit sjell që skuadra të bëhet nervoze, ndërsa shtoi se çdo kush ka të drejtë të kërkojë llogari te trupa e gjyqtarëve përsa kohë nuk kalon limitet.

ARBITRIMI – “Secili i shikon gjërat me perceptimin e vet. Ne që jemi aty në fushë, i shohim gjërat dhe i krahasojmë me atë që presim nga gjyqtari. Megjithatë, të kërkosh llogari për gabimet, por mos të kalosh limitin, është diçka krejt normale. Patjetër që ka nervozizëm, pasi jemi në fund të kampionatin. I marr unë përsipër pjesën time që më takon, për gjyqtarin patjetër që ka limite për të bërë ankesa. Unë gjithmonë i jam shmangur gjyqtarëve. E mbani mend shumë mirë në Laç çfarë ndodhi, por u solla “Fair Play”. Unë kam të drejtën e plotë ta pyes çfarë po ndodh”.

ZGJIDHJA E NDESHJES – “Nuk besoj se është te karikimi sa është te presioni që po krijohet. Ne mundohemi t’i zgjidhim gjërat sa më shpejt. Jemi në limite të gabimeve dhe nuk u treguam të vëmendshëm. Laçi shfrytëzoi rastin që pati. Pas golit, bënë të pamundurën të ruanin rezultatin. Ne i aktivizuam të gjithë lojtarët që kishim në dispozicion. Por gjërat nuk shkuan në favorin tonë. U munduam të marrin krahët, por ata u kthyen në mbrojtje dhe u mbyllën mirë, ishtë e vështirë për ne”.

MESFUSHA – “E filluam me 4-1-4-1. Mala ishte mbështetës dhe Bardhi sulmues kryesor. Pastaj kaluam me 4-2-3-1, kaluam Mensah pas sulmuesit. Është shumë e vështirë të krijosh raste në kampionatin shqiptar, sidomos kur një ekip kundërshtar të mblidhet mbrapa. Me hyrjen e Telushit dhe me shtyrjen para të Asanit dhe Trashit, bëmë shumë mirë, por nuk arritëm të merrnim maksimumin”, u shpreh Gega.

RITAKIMI I PARTIZANIT ME STAROVËN – “Partizani nuk është vetëm i Starovës dhe i Gegës, është i shumë “ish”-ëve. E rëndësishme është që është futboll dhe dëshira ime më e madhe është ta fitoj këtë garë. Nuk ka rëndësi kush është në krye të Laçit, thjesht e shoh si kundërshtar të radhës dhe do mundohem të marr maksimumin.”

TRAJNERI I FUNDIT KAMPION ME PARTIZANIN DHE TRAJNERI AKTUAL – “Nuk kanë të bëjnë trajnerët. Jam me fat që jam trajner i Partizanit dhe kanë qenë ditët më të mira të karrierës time. Nuk ka një përballje mes personash apo trajnerësh, por mes dy ekipeve. Jo rastësisht jemi në vend të parë dhe kemi kaq kohë që udhëheqim kampionatin. Duhet të jemi të njëjtë deri në fund.”

LOJTARËT – “Është e vërtetë që në momentin e parë që dolëm të parët, që nga ajo ditë deri më sot janë shumë e shumë javë që është pyetur për titullin. Jemi munduar të qëndrojmë me këmbë në tokë. Lojtarët stërviten njësoj si ditën e parë dhe ky është sekreti. Nuk kam asnjë merak dhe asnjë lloj frike ndaj ekipit. Njerëzit rrotull ndoshta nuk e dinë mirë futbollin. T’i shohim gjërat me radhë. Kemi Laçin përpara, një ndeshje e vështirë. Luajm në Tiranë dhe kemi tifozët, që nuk na ndahen. Besoj se do jetë numri më i madh dhe shpresoj t’ia shpërblejmë.”

FRIKA NGA ALEANCAT – “Nuk kam asnjë lloj argumenti dhe asnjë lloj prove që janë bërë aleana. As nuk më intereson. E rëndësishme është që Partizani nuk merret dhe nuk do të merret me gjëra të tilla.”

NDESHJA E NESËRME – “Futbolli ka interpretim dhe nuk ka shumë sekrete. Këta lojtarë janë stërvitur nga Starova dhe trajnerë të tjerë, ndërsa sot drejtohen nga unë në mënyrën time. Siç kam bërë deri tani, do mundohem edhe nesër.”

BARAZIM ME LAÇIN – “Barazimi, nëse vjen, do e pranojmë. A më kënaq? Mua më kënaq vetëm maksimumi. Gjithsesi, pa nisur ndeshja nuk mund të flasim as për rezultat, as për asgjë.”

ALUDIMET – “Gojët e liga nuk do mbyllen kurrë, as me ikjen e Gegës. Puna dhe rezultatet do e tregojnë se kush është në rrugën e duhur dhe paragjykimet do mbeten pas shumë shpejt. Laçi është ndeshja kryesore për ne, më pas shkojmë në Vlorë.”

MUNGESAT – “Çdo javë kemi pasur mungesa, vetëm kanë ndryshuar emrat. Për fat të mirë, kush është futur ka dhënë maksimumin. Gjithmonë kjo ka qenë forca e grupit, pasi edhe pjesa tjetër ka qenë në gatishmëri. Kështu që edhe nesër i kemi lojtarët dhe do mundohemi t’i zëvendësojmë.”

KALARI – “Kalari është veteran, por i ri nga këmbët dhe nga zemra. Nëse i vjen momenti nesër, do të jetë Kalari i ri, agresiv dhe i fortë, dhe do të na japë ndihmë të madhe, megjithëse ende nuk kemi vendosur. Kalari luan në çdo pozicion. E rëndësishmë është ta ndihmojë ekipin. Një lojtar me eksperiencë mund të luajë kudo. Sidoqoftë, nuk kemi vendosur ende për formacionin.”

RIVALËT NUK PËRMENDEN KOHËT E FUNDIT – “Mbase rivalët kanë ndërruar drejtim. Ne jemi munduar që sa herë na janë përmendur t’i respektojmë dhe t’i vlerësojmë si kundërshtarë. Mendoj se vijojnë të jenë një ekip i mirë dhe i fortë. Ne jemi në fokus vetëm te puna jonë dhe rivali është vetëm vetja jonë.”

GJICI PËRMENDI QË PARTIZANI NUK ËSHTË AS PËR VEND TË KATËRT – “Askush nuk na përçmon. Puna dhe fusha e tregojnë. Ne nuk merremi me problemet e Kukësit. Ai është president i një klubi që ka pasur një 5-vjeçar të mirë. Është e drejta e tij të flasi. Unë jam në fushën timë në futboll, ndërsa presidenti Gjici është biznesmen. Ai flet në mënyrën e vet. Është e drejta e tij dhe nuk kam asnjë koment për këtë.

Gaz Demin nuk e kam parë asnjëherë të flasë për asnjë klub dhe për asnjë ish-trajner. Përkundrazi, i ka mbështetur ata që kanë ikur edhe kundërshtarët. E rëndësishme është që klubi ynë funksionon. Klubet e tjera kanë të drejtën e tyre dhe perceptimin e tyre. Fusha e ka treguar dhe do ta tregojë kush do ja dalë maratonës deri në fund. Shpresoj që të jemi ne.”

Tensioni – “Kjo ndeshje i pati të gjitha për të patur tension. U ndëshkuam me karton të kuq, kishim edh mungesa. Do kem edhe më shumë ndeshjen tjetër. Mungojnë Atanda e Rexhepi me kartonë. Kjo na vështirësonin, por kemi besim se gjërat do të shkojnë mirë”.

Festa e titullit – “Unë gjatë gjithë javës, por edhe drejtori, ashtu edhe presidenti, nuk mendojmë se ka mbaruar. Jemi munduar të mbajmë skuadrën në ritëm. Kemi edhe gjashtë ndeshje, duhet t’i marrim seriozisht. Mendojmë për Laçin”.

Mesazhet – “Ka dashamirës që i bëjnë festat përpara, ka njerëz që kanë ëndërr, sikurse edhe ne kemi ëndrra brenda vete. Kur të vijë momenti do ua themi edhe ëndrrat”.

Mungesat – “Së pari fusha nuk lejon të interpretosh. Ne punojmë në fusha të mira dhe të gjesh gropa para pesë metërshit… Kemi qenë në tension. Është e vështirë, themi që kemi 25 lojtarë, por çdo lojtarë ka pozicionin e tij. Jam i kënaqur nga Atanda dhe Kalari. I jap të gjitha lëvdatat. Do shikojmë zgjidhjet më të mira dhe ata që paraqiten më mirë do luajnë”.

Kartoni i kuq – “Rexhepi i tërhoqa vëmendjen, mori një të verdhë të panevojshëm. Është pak trup i madh, duken faullet si ekstrem. Mos t’i kthehem arbitrimit, kishte gjëra për të dyja palët. Me rëndësi është të mendojmë për ndeshjen me Laçin. Nuk e pashë shumë mirë ndërhyrjen e dytë, mund ta evitonte arbitri. Ai është kompetenti dhe i respektojmë vendimet e tij”.

Nder të tjerëve – “Doja tre pikët, nuk kemi punuar për njeri. Ndonjëherë u jep një shans të tjerëve. Kështu funksionon. Ne synojmë të mbyllim ndeshjet me sukses. Kush përfiton nga fitoret tona është diçka që nuk na takon ne”.

“Kastriotit i duhen pikët doemos? Secili ka objektivat e veta, nuk do ndikohemi nga nevojat e askujt. Jemi profesionistë  dhe nuk ka mbaruar asgjë. Janë edhe 7 javë. Duhet të jemi të kujdesshëm dhe seriozë për të marrë frytet e gjithë asaj punë që kemi bërë. Gabimet në Fushë-Krujë? Është e vërtetë që e kam thënë, ashtu ishte. Nga 2-0 për ne, Kastrioti shënoi dhe pjesa e dytë u tjetërsua. Mund ta barazonte ndeshjen për gabime tonat. Shpresoj që të mos përsërisim të njëjtat gabime. Kemi punuar për këtë ndeshje dhe do mundohemi të marrim maksimumin”.

FATET E KAMPIONATET NË DORË TË PARTIZANIT -“Asnjëherë nuk kemi thënë që jemi të pathyeshëm. E kemi nisur me një humbje në Korçë. Jetojmë në një vend të vogël ku gjërat dihen. Jam paragjykuar nga unë i pari e deri te lojtari më i ri. Ka pasur skeptikë, njerëz që kanë bërë analiza ndryshe nga ne. Pikët na bëjnë të jemi komodë dhe të mos kemi presion. Do mundohemi të mos ndikojmë te pozicioni i askujt. Janë disa gjëra që duhet të funksionojnë të gjitha bashkë. Grupi ka funksionuar, u kemi marrë ndoshta edhe më tepër se ç;kemi pritur. Do i marrim me radhë gjërat”.

“Mund të toleroni me Tiranën, nëse e keni siguruar titullin para derbit? Kam përçuar një mesazh ‘fair-play’, që kundërshtarët tanë shekullorë nuk është se nuk i duam në ligë. Është punë e tyre, nuk marr asgjë nga ata. Jam trajner i Partizanit. Mendoj si profesionist. Tirana i jep bukuri, ashtu si Dinamo dhe Vllaznia. Teknikisht do doja të ishin në ligë gjithmonë, por nuk ka lidhje me atë që të ndihmojmë Tiranën. Derbi i fundit është i veçantë, do kërkojmë ta fitojmë. Nuk mendojmë për ta”.

ARMËT E DEMAVE – “Kemi pikët më shumë se të tjerët. Ka një arsye që kemi ardhur deri këtë. Kemi grupin më të fortë, është nj grup me lojtarë cilësorë, kanë kualitet, luajnë mirë taktikisht, e njohin fanellën dhe kanë përgjegjësi. Kjo është arsyeja pse kemi bërë diferencën”.

FUSHA NË REDI MALOKU – “Nuk ka ndeshje të lehta, Jemi përgatitur për fushën dhe ambientin. As unë nuk kam qenë i kënaqur nga fusha dhe ambienti, kemi luajtur atje në Kupë dhe kampionat. Nuk është faji i lojtarëve, nuk i rregullojmë dot tani këto gjëra. Do kisha dëshirë që edhe Kruja të luante në një fushë më të mirë, por edhe ne që jemi miqtë e tyre. I druhemi çdo rezultati, por do mundohemi të marrim maksimumin. E kemi potencialin për të fituar kudo”.

“Luhet në tavolina, sa ju bezdis kjo? Me gjithë respektin, në konferencë nuk mund të bëjmë muhabet tavolinash, Është perceptimi i tij dhe është e drejta e tij se çfarë thotë. E kemi thënë, nuk jemi të pathyeshëm. Luftëtari nuk na ka mundur vetëm ne. I nxorëm mësime. Nuk kam asnjë koment për ato që flasin kolegët neper klube apo nëpër tavolina”.

KUKËSI PËR VENDIN E DYTË – “Ka hyrë diplomacia te Kukësi, ndoshta edhe më tepër. Tani po  shohin gjërat më me diplomaci dhe me më qetësi. Janë përballë një fakti që në jemi shkëputur. Unë personalisht deri ndeshjen e fundit nuk do them që jemi kampionë. Kjo jo për të ulur presionin. Do i marrim ndeshjet me radhë. Shohim ndeshjen me Kastriotin, duhet kaluar me sukses. Ata kanë një ekip me ego, me dëshirë. Nuk është fusha ajo që i heq meritat atij grupi. Kanë krijuar formatin e tyre. I druhemi çdo minute. Gjithsesi ne jemi Partizani”.

MUNGESA E IBRAHIMIT – “Jam i lumtur që kemi nisur e ndjejmë mungesën e Ibrahimit. Që javën e parë jemi paragjykuar edhe për përzgjedhjen, për moshën. Mënyra se si stërvitet ai dhe Kalari, shumë vonë do e lënë futbollin. Janë shembuj dhe kanë pasur kontribut këtë vit. Ka momente që e shohim Ibrahimin në gjumë, pasi është njeri që e ka fituar me djersë e sakrificë vendin. Do jetë mungesë për ne, është lojtar që ka mbajtur peshë për ne. Nuk do dalim me 10 vetë. Do e zbulojmë nesër kush luan. Nuk jam i qartë, kemi edhe një seanca sot. Do shohim edhe kundërshtarin”.

POSTIMI I HEBAJT – “Nuk e di të them të drejtën, nuk kam Instagram. E ardhmja jonë e afërt është finalizimi i kampionatit. Pas kampionatit gjërat do të qetësohen dhe do të qartësohen, si për pozicionin tim si për lojtarët. Klubi do të ulet dhe do të bëjë një projekt. Uroj që të jetë një projekt pas një fitoreje. Nuk e kam idenë e postimeve. Nëse hapim postimet e Instagramit, konferenca do të na shkonte shumë gjatë. Është një 20-vjeçar që ka ardhur me dëshirë dhe ka kontribuar me sa ka pasur mundësi. Vetëm i uroj suksese dhe është pjesë e jona”.

MERKATO – “Jemi në prill, deri në korrik janë shumë muaj. Ky grup ishte ai që luajti ndaj Mariborit edhe dolëm nga atje me duartrokitje nga vetë tifozët. Nuk është ky Partizan që është sot, nuk ishte ky Partizan që është sot, pasi lojtarët janë bërë më të përgjegjshëm dhe janë rritur. Unë e dua këtë grup dhe sikur mos të vijë asnjë lojtar tjetër sërish do bëj maksimumin dhe jam besimplotë që ky grup pa asnjë ndryshim do të ketë performancë të jashtëzakonshme. Është puna që e bën diferencën. Nëse punojmë dhe vrapojmë shumë, nuk ka ekipe të mëdha dhe të vogla, por ka ekipe që punojnë fort dhe vrapojnë shumë. Ky është dhe sekreti ynë”.

“Kemi bërë një kampionat shumë të mirë. Merita është e të gjithëve jo vetëm e imja. Të gjithë kemi bërë maksimumin që të jemi në vend të parë”

“Jemi përmirësuar të gjithë jo vetëm unë. Në ndeshjet trajneri na jep detyra të vështira, por duke thënë maksimumin kemi arritur t’ia dalim të fitojmë shumë herë. Kthimin në mbrojtje e kam pasur shumë problem, por ardhja e trajnerit Gega  më ka ndihmuar shumë”

“Kemi edhe shtatë ndeshje. Duhet t’i marrim ngadalë ngadalë një nga një, pasi akoma nuk kemi mbaruar. Sipas meje duhet të japim maksimumin dhe këto katër ndeshje”, përfundoi Asani.

“Patëm një 10-ditësh jo shumë të mirë. Edhe pse humbëm ndeshjen e parë me Luftëtarin, me Kukësin treguam që ishim aty. Reflektuam pak, por më pas pati edhe eufori. Është e pandalshme kjo në futboll. Ekipi reagoi mirë me Skënderbeun, jam i kënaqur nga të gjithë çunat, duke nisur nga Atanda i pari”, deklaron Gega fillimisht.

“Transformimi brenda pak ditësh? Siç është një ditë, nuk është dita tjetër. Nëse e fillon mirë, e mbaron mirë. Nëse e nis keq, është shumë e vështirë ta korrigjosh. Besoj se jemi këtu me meritë dhe kemi besuar shumë shumë pak në tre faza.  Kemi gabuar shumë më pak se ekipet e tjera. Rëndësi ka që të ishim përpara”, shtoi tekniku i të kuqve.

FITORJA E KUKËSIT – Para se Partizani të zbriste në fushë me Skënderbeun, kishte mësuar se Kukësi rival mori pikët e plota kundër Laçit. Gega thotë mendimin e tij nëse ndikoi ai takim te skuadra e tij: “I ka të dyja medaljet kur di rezultatin e kundërshtarit. Deri sa nuk ka nisur ndeshja, ka një farë përgjegjësie, një farë tensioni. Ndonjëherë shërben për mirë dhe nga ajo që pashë kështu ndodhi”.

DUKA –  Dilaver Duka e nisi titullar dhe në momentin e zëvendësimit pati duartrokitje nga tifozët. Tekniku i të kuqve e komenton kështu paraqitjen e mesfushorit: “Nuk besoj se është në maksimum. Po e bën pjesën e tij mirë. Shpresoj dhe kam besim se do e bëjë shumë më mirë. Do një kohë të përshtatet, fizikisht ka pasur probleme. Për aq kohë sa luajti, mendoj se bëri mirë”.

TITULLI DHE DËSHIRA E IBRAHIMIT – Edhe pse kanë mbetur edhe 7 ndeshje për t’u luajtur në fushë, te Partizani nuk kanë dëshirë të flasin për titullin kampion. Gega është i prerë: “Kur llogarisni të festoni titullin? Në Gjirokastër. Ta ruajmë këtë distancë me 9 pikë. Do mundohemi të rikuperohemi këto ditë që nuk luajmë me Kamzën. Tre pikët i marrim siç i kanë marrë të tjerët. Do mendojmë për ndeshjen e radhës, që është po aq e vështirë”.

“Ibrahimi do donte që titullin ta festonte në derbi? Ibrahimi ka eksperiencë këtu, unë jam i ri në kampionat në krahasim me të. Nëse e ka thënë, uroj t’i dalë. Për mua ai luajti mirë dhe tregoi se futbolli nuk ka moshë”, deklaron trajneri i Partizanit.

DEKLARATA E STAROVËS – Para pak ditësh, Sulejman Starova deklaroi në emisionin “Zona Gol” në Supersport se Partizani i para dy viteve, me Ekuban dhe Torasën, nuk krahasohet me ekipin aktual. Madje “Bobi” theksonte se ishin si nata me ditën. Gega, edhe këtë herë shmanget:

“Secili është i dashuruar me punën e vet, me grupin e vet. Unë këta nuk i ndërroj me asnjë. Pjesën më të madhe i kam gjetur, nuk është se kam sjellë diçka me vete. Jam munduar të punoj me mënyrën time. Rëndësi ka që të arrijmë objektivin dhe të jemi të gjithë të kënaqur. Starova dhe gjithë ish-trajnerët e tjerë kanë vënë nga një tullë. Kur të vijë koha për të festuar, besoj se edhe ai do jetë pjesë shumë e rëndësishme”.

VLADIMIR PRENGA

FITORJA – “Fituam se fitoi Kukësi (qesh). Javën e kaluar, ishte presion, që ndoshta na vuri gjumë. Kthehem mbrapsht te Gjirokastra, pasi gabuam shumë pak. Kemi gabuar 5 ndeshje për 3 faza dhe kjo gjë na vuri në presion pak. Fitorja e Kukësit na bëri mirë dhe jemi përgatitur shumë mirë. Jemi të përgjegjshëm se nuk jemi perfekt, edhe sot nuk ishim perfekt, por dhamë maksimumin dhe u shpërblyem. Goli i Rexhepit? Për mua është faull, ka vendosur duart te kundërshtari”.

FAMILJA – “Unë jam i sigurt dhe të humbësh në futboll, nuk është turp, por një ngecje dhe diçka që tregon që nuk e ke bërë mirë punën. Fjala turp më vret. Nëse rëndohesh për diçka që nuk e ke bërë mirë, është diçka jo e mirë. Pas humbjes së parë me Gjirokastrën, reflektuam dhe mund të merrnim më shumë kundër Kukësit. Humbja në kampionat ishte pjekuri për ne. Jam munduar t’i mbroj lojtarët, janë pjesë e familjes time. Atanda gaboi në tre raste dhe gjatë analizës kam bërë të gjithë ekipin fajtor, jo vetëm Atandën. Jam besimplotë se ky ekip nuk ka ardhur këtu ku është pa meritë. Kemi mundur shumë rivalë, kemi gabuar në disa momente të vogla. Shpresoj që deri kur të vijë ndeshja e radhës, të jemi qartësuar dhe të tregojmë karakter, në mënyrë që të bëjmë sa më mirë”.

GRUPI – “Ne kemi një grup të shëndoshë, kemi dhe tifozë shumë të shëndoshë. I druhesha mediave online, duhej t’i ruhesha këtyre, pasi flasin fjalë të paqena. Jam munduar t’i mbaj lojtarët afër dhe të kalojmë çdo periudhë negative”.

KUKËSI – “Nuk i kemi në dorë humbjet apo fitoret e Kukësit, por në këtë periudhë që është kampionati, çdo ngecje e Kukësit na ndihmon dhe na shtyn edhe më shumë afër objektivave tanë”, përfundoi Gega.

Pjesa më e madhe e pyetjeve u fokusuan te humbja në fundjavë ndaj Luftëtarit, të cilën Gega e konsideroi si një gabim, ndoshta i ndodhur dhe për shkak të humbjes së Kukësit ndaj Kastriotit, një rezultat ky që uli agresivitetin e skuadrës së tij.

REAGIM PAS HUMBJES – “Kemi bërë një analizë të hollësishme. E rëndësishme është që të ndërgjegjësohemi dhe e dimë që kemi gabuar në një moment jo të përshtatshëm. Ishte një rezultat i papritur. Tifozët e klubit kishin pritshmëri të mëdha, mirëpo ky është futbolli. Besoj se me Skënderbeun s’do të ketë të njëjtat gabime”.

HAMENDËSIMET TOLERIM –  “Varet se kush hamendëson. Nëse dikush ka shumë argumente teknike, jam i gatshëm të ulem në tavolinë e të ballafaqohem me çdo njeri. Unë e di sa fort ka luftuar ky klubi e ky grup për të qenë në këtë pozitë ku ndodhemi. Shqiptarët përflasin e paragjykojnë edhe kampionatet e huaja. Megjithatë, ne jemi të ndërgjegjshëm për atë që bëjmë. Respektojmë çdo opinion, por në fund fare njohim e respektojmë veten më shumë se të gjithë të tjerët”.

 “Lojtarët janë profesionistë. Nga java në javë përflitemi se jemi cinik e nuk shënojmë shumë gola. Kur shënojmë thuhet se është faji i mbrojtësve kundërshtarë, këtë radhë është faji i dikujt tjetër. Ka dhe tetë javë, hallet i heqim bashkë, ndërsa festat do i ndajmë me të tjerët. Pata shumë keqardhje që ndodhi kjo humbje, por ju keni parë dhe ligat e tjera evropiane, ka surprizat. Për fat keq na ndodhem dhe ne. Do mundohemi ta korrigjojmë për tifozët.

NDIKOI HUBMJA E KUKËSIT – “Ishte një entuziazëm brenda ekipit për humbjen e rivalëve. Ndoshta ka ndikuar, ndoshta kanë menduar se ka qenë më e lehtë dhe është ulur ritmi, por është diçka që ka kaluar. Tani mundohemi të shikojmë përpara. Unë nuk kam probleme me oraret e ndeshjeve. Do mundohemi të jemi më të qetë e të bëjmë lojën tonë”.

PËRGJEGJËSITË – “Unë jam i përgatitur për çdo situatë. Unë marrë përgjegjësitë për humbjen dhe për atë që ndodh te Partizani. Do jem gjithmonë i njëjti deri në fund. Teknikisht do mundohem të korrigjohem aty ku gaboj”.

PARTIZANI NË KRIZË – “Në fazën e parë morëm 22 pikë, 15 të dytën, ndërsa të tretën 17. 2 Humbjet në Kupë e kampionat bëjnë që të duket sikur është një minikrizë. Është një periudhë e keqe, aq më tepër që humbja e kundërshtarit direkt uli agresivitetin e ekipit. Janë eksperienca, nesër kemi përballë një ekip të fortë e duhet të përgjigjemi fort kundër tyre”.

DËMTIMET – “Në 10 ditë, 6 dëmtime, asnjë ekip nuk i ka pasur. U munduam që të grupi tjetër që do t’i zëvendësojë të ketë besimin e duhur. Për fat të mirë janë kthyer 2 ose 3 lojtarë të rëndësishëm. Skënderbeu ka pasur pushim këtë fundjavë nuk e di a ndikon për mirë ose për keq”.

GJENDJA E BARDHIT DHE HEBAJT – “Bardhi është shumë mirë se sa ka qenë, ndërsa Hebaj vazhdon të testohet. Akoma nuk i është bashkuar grupit, por të presim deri nesër. Është diçka që vendoset 1 orë para ndeshjes”.

ATANDA – “Atanda ka bërë një sezon të jashtëzakonshëm. Është përfolur nga specialistë e dashamirës për një gabim që ka bërë, nëse Atanda është pjesë e gabimit, unë mendoj se i gjithë ekipi është pjesë e gabimit. Edhe Alban Hoxha ka gabuar, askush nuk është perfekt. Atanda në dy rolet edhe si mbrojtës edhe në mesfushë është vlerë e shtuar e ekipit, e ka besimin tim të plotë. Kur erdha unë Atanda ishte me çantë në dorë, vinte pas një sezoni jo të mirë e jo aktiv. Ndoshta sot ka bërë sezonin e tij më të mirë”.

“Derisa të mbarojë momenti i fundit jemi në lojë. Asgjë s’ka mbaruar. Kemi edhe nëntë finale. Kjo është një finale e kësaj jave. Skënderbeu përbën interes pasi janë ekipi kampion.

PA DERBI VITIN TJETËR ? – “Unë personalisht them se derbi është aset i jetës shqiptare, jo vetëm i jetës shqiptare. Uroj që Tirana të jetë gjithmonë në derbi, ndërsa Dinamo nuk ekziston. Është për të ardhur keq nëse mendohet. Nëse dikush gëzohet se kampionati shqiptar nuk e ka elitën e ekipeve me traditë atëherë e zbeh dhe e nxin futbollin. Uroj që të kthehet edhe Lushnja edhe Elbasani e Vllaznia, që jeta e sporti të jenë më mirë”.

“Humbja e Kukësit? E morëm më tepër se seriozisht. Ndoshta presioni, sepse donim që gjerat të shkonin mirë. Kur ke presion edhe gabon. Pjesa e parë ishte e dobët, edhe pse ata nuk bënë presion. Nuk patëm forcën e duhur. Lëvizëm në pjesën e dytë, por ishim të zbehtë në sulm. Mundësitë që pati, Luftëtari i realizoi”.

“Nuk ishin shumë më mirë, por e zgjidhën më mirë. Mbrojtja ka qenë reparti më i mirë, por sot pati përqendrim. Nëse shikon golat, kemi gabuar. Gabuan ata që nuk e kanë bërë zakonisht”.

“Nuk kemi bërë spektakël, sot gabuam në rreshtim. U gabua në qendër dhe çdo gjë shkon drejt portës. U ndëshkuam në moment jo të përshtatshëm. Ne kemi qenë cinikë nga fillimi i kampionatit. Jemi munduar t’ua shpërblejmë tifozëve. Në futboll ka momente të veçanta që me tre gabime dënohesh tre herë. Është një zhgënjim por, nuk jemi klubi i parë në planet që na ndodh. Nuk kthehet gjë mbrapsht dhe në vazhdim të marrim përgjegjësitë. Nga unë i pari. Lojtarët janë këta që na kanë çuar 9 pikë para Kukësit. Hodhëm në fushë gjithë arsenalin. Nuk u bë interpretimi i duhur në fushë dhe ndodhi ajo që ndodhi”.

MUNGESAT – Në Gjirokastër Partizani nuk kishte disa titullarë: “Mungesat kanë qenë të shumta në dy ndeshjet e fundit. Besoj se do rikthehen 2-2 lojtarë të rëndësishëm. E rëndësishme është që të rikuperohen edhe të tjerë, Kemi ndeshjes edhe në mesjavë. Gjithsesi një pjesë e madhe e ekipit po ndjen lodhjen, pasi nuk kanë bërë pushim. Hila është kthyer, Bardhi do të kontrollohet sot. Më vjen keq, uroj që të jenë gati sa më shpejt, sepse kanë vrapuar shumë dhe janë të rëndësishëm. Hebaj? Uroj të jetë gati për fazën tjetër”.

“Lodhja është më e madhe fizike apo mendore? Lodhja fizike ndikon edhe tek ajo mendore, natyrisht. Skuadra është në një moment që po luan shumë ndeshje e po sforcohet, edhe gjërat nuk dalin ashtu si duam ndonjëherë”.

NERVOZIZMI – “Asani nuk ishte i kënaqur me lojën, me veten e vet, ndoshta më ekipin, por ky nuk është problemi i tij të zgjidhë problemet e klubit. Është lojtar i rëndësishëm, që ka kualitet dhe kontribut. Me rëndësi është që nuk ka diçka me klubin, por me veten e vet. Mënyra se si reagoi nuk është e këndshme. Kemi bërë një analizë, kam biseduar me atë dhe e rëndësishme është të mos përsëriten dhe të japë kontribut në vazhdim.

“Gjobat? Janë kompetenca të presidentit masat. Ai nuk para merr masa, është njeri që dëgjon. Ai nuk ndërhyn shpesh, por ka një marrëveshje me lojtarët për disa objektiva. Nëse merr masa, është e drejta e atij dhe është e drejtë. Asani dhe Trashi do jenë në fushë këtë fundjavë, nuk ka asnjë problem. Nuk kanë bërë asgjë për të menduar për ndëshkim”.

PREMIO NGA RIVALËT – “Jam trajner i Partizanit, nuk kam asnjë post tjetër veç trajnerit. Do kisha dëshirë të merrja gjërat parasysh nga ana teknike. Madje edhe në këtë aspekt nuk i di të gjitha, kam nevojë të mësoj. Nuk më takon mua kjo, por as klubit. Bëjmë punën tonë, nuk kemi asnjë aleancë. Aleanca jonë është Partizani. Të tjerët kanë mënyrat e tyre për të ecur. Ne kemi ardhur deri këtu falë punës”.

TROFEU DHE TITULLARËT – “Kemi përpara 9 finale, kaq mjafton. Jemi më afër se gjithë të tjerët. Nuk ka sekrete. E kemi ëndërr dhe duan ta bëjmë realitet. Luftëtari është finalja e parë. Më mirë të mendosh për ndeshjen e radhës, kaq. Nuk parashikojmë dot çfarë ndodh pas katër javës. Duam fitore, pa asnjë dëmtim. Se sa fitore na duhen për titullin, varet nga kundërshtarët. Shkallët ngjiten një nga një, kush kërcen shumë rrezikon.

“Titullarët? Ata na kanë çuar deri këtu. Jo rastësisht 11 lojtarë kanë luajtur me shumë nga të tjerët, nuk mund të kemi 25 lojtarë në të njëjtin nivel, disa janë më të rëndësishëm dhe më cilësorë. Normalisht ka diferenca. Edhe ata që kanë luajtur më pak kanë bërë më të mirën e tyre. Kemi të rinj pa eksperiencë, që kanë nevojë për minuta dhe të përshtaten. Mendojmë për kampionatin, do fusim më të mirët”.

DHUNA – “Unë punoj në një ambient shumë komod e të qetë, të tjerat nuk na takojnë. Jemi munduar të jemi shembullorë, duhet sjellje perfekte, besoj se jemi në rrugën e duhur. Me vjen keq për ato që po ndodhin, është një kulturë e ndërtuar ndër vite. Do doja të mos ndodhte asgjë”.

KUKËSI RIVAL – “Ne bëjmë garën tonë, respektojmë çdo kundërshtar. I llogaritim kundërshtarët, nuk luajmë me veten. Rivalët kanë vlerat e tyre. Nëse nuk do kishte rivalë, nuk do kishte shumë vlerë. Kam respekti për të gjithë, duke nisur nga Kukësi. Është kampionat shumë i ngjeshur, pa diferenca të mëdha”.

Veç këtyre tre lojtarëve, nuk ia kanë dalë të rikuperohen edhe Esat Mala e Rubin Hebaj. Mungesa të shumta dhe të rëndësishme për Partizanin, që gjithsesi kërkon të marrë maksimumin. Nuk do të jetë e lehtë, duke pasur parasysh ndeshjen e parë.

Në stadiumin “Elbasan Arena” Luftëtari fitoi me rezultatin 1-2 dhe i mjafton të mos humbasë në takimin me të kuqtë për të kaluar në fazën gjysmëfinale të Kupës së Shqipërisë. Ndeshja do të zhvillohet nesër dhe nis prej orës 14:00.

“Kemi marrë maksimumin në dy ndeshjet e shkuara, por nuk ka rëndësi, tani kemi një ndeshje me rëndësi të veçantë. Kemi pasur një periudhë pushimi, por edhe dëmtimin e Telushit, më përpara Idrizajn. Patëm edhe Bardhin e Hebaj jashtë, i pari duhet të jetë gati për nesër. Jemi gati, përtej mungesave. Edhe kundërshtarët kanë pasur mungesa. Hila i ka dhënë besim skuadrës. Atanda e bëri mirë. E rëndësishme është të ruhet performanca”, thotë Gega fillimisht.

“Ka emra në ekip për ta zëvendësuar Telushin. Ai është Telushi. Çdokush rritet. Do mundohemi ta kompensojmë. Grupi e ka forcën të luajë për Telushin dhe për atë që do e zëvendësojë atë. Janë djem që stërviten mirë dhe për mua kjo ka rëndësi, pasi i kanë këmbët e freskëta. Nuk them dot para se ai që e zëvendëson Telushin e mbush hapësirën që lë ai”.

“Në janar erdhën lojtarë. Edhe te ekipet e tjera nuk kanë luajtur shpejt afrimet e janarit, përveç Dukës dhe Rexhepit që jemi munduar t’i ingranojmë.  Pas kësaj ndeshjeje grupi do të jetë më i plotë. Një javë përpara kishim 6 pikë më shumë, nuk pati gjë fatale. Tani jemi nëntë. Edhe sikur të fitojmë, nuk besoj se e kemi ngritur Kupën. Duhet të kemi vazhdimësi deri në fund. Jemi optimistë dhe besimplotë”.

“Çmimi i biletave? Jam i sigurt, që edhe në Bangladesh po të na çojnë do kemi tifozë. Partizanin e kanë ndjekur në transfertat jashtë, kanë bërë 18 orë rrugë. S’ka shans që dikush të ketë më shumë tifozë se ne. Të ishte për mua, në këtë vend, me këtë ekonomi, do e bëja hyrjen falas në stadiume. Gjithsesi, nuk jam për hakmarrje, nuk do e bëja diçka të tillë në ndeshjen pasardhëse ndaj Kukësit”.

“E prisja që të rikthehesha sa më i fortë. Nuk e kisha menduar që do shënoja, sidomos ndaj Teutës. Humbja e Kukësit na motivoi, tani pas kësaj fitoreje jemi shumë më të qetë”.

“Penalltitë janë caktuar Telushit dhe Asanit, me sa di unë do e gjuante Asani, por kisha një dedikim për djalin tim që është 4 muajsh dhe Telushi dhe Asani s’kishin si të ma refuzonin këtë kërkesë”.

“Unë e kisha deklaruar më parë që s’do të festoja, por ndoshta dhe nga fakti që jam rikthyer nga dëmtimi më emocionoi shumë. Në një moment s’po dija çfarë të bëja të festoja ose jo”.

“Kur je në një ekip të madh si Partizani ke objektiva për kupën e titullin kampion. Sezonin e kaluar te Teuta e nisëm mirë, por më pas gjithçka shkoi për keq, të paktën siguruam qëndrimin në Superligë”.

“Jemi të gëzuar, por qëndrojmë me këmbë në tokë. Kemi ndeshje shumë të rëndësishme ndaj Kukësit më pas të shikojmë”.

“E rëndësishme është që morëm tre pikët. Patëm shumë vështirësi para takimit, dy sulmuesit tanë u dëmtuan në harkun e dy ditëve, falënderoj çunat që u futën në fushë për lojën që bëmë. Falë grupit kemi krijuar një stabilitet dhe prandaj jemi këtu. Jemi një ekip me karakter”.

“Duhet të jemi të qetë. Që nga java e 10-të më jam pyetur për titull. Unë them që duhet të marrim ndeshje pas ndeshjeje. Unë dhe ekipi e kemi të qartë çfarë duhet të bëjmë. Duhet të besojmë që i kemi këmbët e forta. Janë edhe 10 javë, rivalët si Teuta dhe Kukësi kanë ekipe të mira”.

“Në disa momente duhet të tregohemi më profesionistë. Me aq sa kuptoj në ndeshjen me Luftëtarin e morëm pak lehtë”.

“Ne nuk e kemi një sulmues kryesor, zgjidhja jonë ka qenë një lojë sulmi në grup. Lojtarët e repartit sulmues e kanë kompensuar këtë. Një grup që të shfaqet duhet të funksionojnë të gjithë elementët. Është një lojë kolektive që nëse 2 ose 3 lojtarë nuk do ishin të ndërgjegjshëm nuk do të arrinim deri këtu. Fatmirësisht kam pasur një grup të ndërgjegjshëm shpresoj që të vazhdojmë kështu”.

“Eksperienca është shumë e rëndësishme, por akoma më e rëndësishme është që të kesh këmbë të freskëta dhe forcë karakteri. Jemi munduar të korrigjojmë aty ku çalojmë dhe t’i japim besimin  e duhur kujtdo, s’kemi vend gishtin te ndokund për asnjë problem”.

HUMBJA ME LUFTËTARIN – “Çdo rezultat jo pozitiv ka efektin e vet. Ne nuk kemi bërë shumë luhatje. Barazuam në derbi dhe ai i ka të gjitha rezultatet. Aty nuk kanë rëndësi pozicionet. Më rëndësi që nuk humbëm. Sa i takon Kupën, ishte një rezultat surprizë. Ekipi dominoi, por në dy raste nuk ishim të përqendruar dhe e pësuam. Kemi potencialin dhe anën profesionale të nxjerrim mësime. Kemi një shans tjetër për kualifikimin. Mendojmë për Teutën”.

TEUTA DHE TITULLI – “Nëse i mundni, do jetë një rival më pak për titullin? Ne shikojmë përpara. Jemi ai ajo makina që sheh nga dy pasqyrat. Përpara nuk kemi njeri. E respektojmë kundërshtarin, por vlerësojmë edhe veten tonë”.

“Janë sfida të rëndësishme këto me Teutën e Kukësin. Gjithsesi janë edhe 11 ndeshje. Nuk mund të themi se vendosen tani përqindjet. Do mundohemi t’i marrim maksimumin dhe të mundohemi të gabojmë sa më pak. Shpresoj që rivalët të gabojnë. Është rrugë e gjatë deri në fund”.

“Pritshmëritë? Çdo ndeshje ka specifikat e veta. Kemi pasur luhatje ne dhe rivalët. Është normale që gjërat të mos shkojnë 100% mirë”.

PROBLEMI I GOLIT – “I tillë është futbolli. Ka pasur ndeshje që kemi luajtur me kujdes dhe kemi shënuar 2 apo tre gola. Me Teutën ndeshjen e parë luajtëm me kujdes dhe shfrytëzuam tre rastet e para. Më pas kontrolluam lojën. Me Luftëtarin dominuam totalisht, dhamë 40 krose. Tregoi se kemi probleme në sulm. Sulmuesit tanë janë të rinj dhe ne e dimë këtë, Nuk i kanë parametrat e ndonjë finalizuesi brilant, por janë ndarë golat. Nuk kemi shënuar shumë, por e rëndësishme është t’ia dalim”.

PROBLEMET NË MBROJTJE – “Nga dëshira për të sulmuar u hapëm dhe pati hapësira. Kundërshtari shfrytëzoi goditjet standarde. Kur ke dëshirë dhe e mban kundërshtarin në gjysmëfushën e vet, patjetër që edhe kundërshtari sulmon. Nuk ishte problemi te mbrojtja, por te impenjimi dhe përqendrimi. Nuk mund të dënohesh dy herë në goditje standarde. Tani mundohemi t;i shohim gjërat pozitivisht”.

KUPA – “Nuk kam hequr dorë. Unë dua të fitoj çdo ndeshje, edhe miqësore dhe ndeshje kontrolli. Janë luajtur 90 minuta, ka edhe 90 t tjera. Vërtetë kanë shënuar dy gola, po ri kemi të gjitha mundësitë. Synojmë çdo kompeticion”.

RUATJA E DIFERENCËS ME RIVALËT – “Jam i kënaqur të marrim maksimumin në këto dy ndeshje. Me rëndësi të jemi 100% me Teutën. Pastaj mendojmë për Kukësin. Këtu jemi falë punës. Na kthehen tifozët, që janë frymëmarrja e ekipit. Jemi optimistë, pasi kemi mbështetjen e tyre dhe nuk do të jetë e lehtë për askënd”.

SITUATA NË EKIP  – “Hila u bënë dy javë që është rikthyer. Kaloi një periudhë të vështirë. Nuk është 100% prej krahut. Do hedhim në fushë lojtarët më të mirë. Ai ka vlerat e veta. Çdo mungesë është e vështirë të kompensohet. Atanda ka cilësi të tjera, por ka dalë mirë edhe më të. Ka pasur raste edhe që nuk ka funksionuar. Jemi munduat të krijojmë balancat. Herë dalin ato që parashikojmë, herë jo”.

DËNIMI I KAMZËS – “Kam dëgjuar shumë. Është diçka e kryer, nuk mund të kthehemi mbrapa. Nëse do të ishte Kamza do të ishte më mirë dhe nëse do të luante “Fair Play” ndaj çdo ekipi. Ndonjëherë kundërshtari yt direkt mund të humbasë. Sa më shumë ekipe të ketë, rivaliteti është më i madh. Personalisht mendoj se nuk na ka ndëshkuar”.

BATUTAT – “Zakonisht, në mars ekipet kapin formën e tyre maksimale. A po ndodh diçka e tillë me Partizanin? Mendoj se jemi gati për marsin dhe majin. Do i kalojmë shumë mirë këta muaj. Gjunjët? Ne kemi gjunjët tanë dhe matësin tonë për gjunjët. Nuk dua t’i kthehem, pasi u bënë legjendë gjunjët. E vërtetë që çdo ekip ka periudhë të vështirë, por ne nuk e kemi do e kalojmë këtë pjesë”.

NGO – “Unë asnjëherë s’e kam kërkuar Ngo. E kam vlerësuar si lojtar, dëshirat e mia i di vetëm klubi, asnjë tjetër. Pjesa tjetër janë dëshira e gazetarëve. I kemi lojtarët. Kur të hapet merkato flasim për njerëz të rinj”.

“Hap fals, ka edhe një ndeshje. Shpresoj të bëjmë ne atë që bëri Luftëtari në Gjirokastër. Nuk ka lojtarë më të mirë, 11 janë ata që luajnë. Të mësojmë nga kjo ndeshje e humbur”, u shpreh Gega fillimisht.

“Kishim mundësi ta mbyllnim ndeshjen. Pas 1-0 u përgjumëm. Bëmë dy gabime dhe pësuam. Do u jap mundësinë atyre që e meritojnë. Ata që janë në stol kanë arsye. Vazhdojmë kështu si jemi. Nuk ndryshojmë se kemi humbur një ndeshje në Kupë”.

“Përqendrimi i skuadrës? Kishte përgjumje, edhe pse u kërkua përqendrim. Kërkuam presing dhe nuk duhet të kishte panik. Shpresoj të na shërbejë dhe t’i shohim gabimet. Do ikim në Gjirokastër, asgjë nuk është mbyllur”.

“Momenti më i vështirë? Kemi pasur edhe humbje në kampionat dhe kemi ditur të reagojmë. Nuk jemi shumë pesimistë. Kemi edhe 90 minuta. U dhanë shumë krose. Ata luajtën në mesfushë. Nëse nuk shënon, patjetër kundërshtari shfrytëzon ato pak raste. Gabuam dhe duhet të korrigjojmë. Shanset e kualifikimit? Kemi aq shanse sa kishte Luftëtari para se të niste lojë.

“Do mundohemi që gjërat pozitive t’i përmirësojmë. Gjërat negative t’i eliminojmë. Me Teutën do jetë ndeshje tjetër nga impenjimi dhe gjithçka. E kishim vlerësuar, pavarësisht përgjumjes te gola. Do shohim ndeshjes e radhës”.

Me shumë mundësi në fundjavë do të luhen ndeshjet e Kupës, por gjithsesi ende nuk është marrë një vendim. Nesër do të ketë një takim me kryeministrin Rama dhe ministra të kabinetit të tij qeveritar, kurse sot ishte Armand Duka ai që foli në lidhje me vazhdimësinë  e kampionatit.

“Kemi lajmëruar se është një mbledhje ku do marrin pjesë ministra, kryeministra, klubet shqiptare dhe do të diskutojmë për problematikën që kemi dhe çfarë mund të bëjmë për ndryshimet ligjore për të mirën e sportit, futbollit në rastin tonë. Nëse nuk rikthehet policia e shtetit? Do ta diskutojmë nesër në takim. Nuk mund ta di ende”, është shprehur Duka për “Ora News”.

Olsi Rama, drejtori i përgjithshëm i Partizanit, është optimist se kjo situatë do të zgjidhet: “Mendoj se është një proces i cili do të kalojë së shpejti, duke gjetur gjuhën e përbashkët dhe duke vijuar garën në lojën më të bukur, futbollin. Gjithmonë jemi të përgatitur për çdo lloj situate. Do ta kthejmë çdo aspekt të saj në një aspekt pozitiv për klubin tonë”.

Skënder Gega e ka komentuar gjithashtu situatën që ka përfshirë futbollin shqiptar: “Klubet janë pajtuar me këtë vendim. Besoj dhe shpresoj që t’i bëjë mirë. Ditët kalojnë shumë shpejt. Ne jemi stërvitur për shumë arsye. Edhe na ka shërbyer, pasi ka pasur ndoshta edhe probleme, megjithatë duhet ta fillojmë garën bashkë dhe gjërat të mos përsëriten. Duhet të jemi më optimist për të ardhmen.

Unë jam për një shtet të fortë. Edhe Federata brenda shtetit besoj se do të gjej një bashkëpunim dhe secili të marrë përgjegjësinë e vet. Por edhe ne si pjesë e futbollit të jemi shembull dhe duhet të japim edhe mesazhet e “Fair Play”. Sporti duhet të na bashkojë dhe jo të na ndajë”.

Një tjetër personazh që ka folur është edhe Bamir Topi, i cili dikur ishte shpesh në stadium në ndjekje të Tiranës. “Futbolli mos mendoni se është vrarë në 24 orët e fundit. Futbolli ka vite që vritet çdo ditë. Shqipëria nuk e ka luksin që të trajtohet me stjuartë, sikurse janë vendet e tjera. Janë vite drite larg”, deklaroi ish-presidenti i Republikës së Shqipërisë.

I ftuar në emisionin “Kampionët” në Vizion Plus, Gega foli për derbin e fundit, lojën e skuadrës së tij dhe garën për titullin. Ai pranoi se tentuan të afrojnë një sulmues në janar, por në fund nuk ia dolën dot. Një ngacmim nëse do pranonte ofertën e Tiranës dhe në fund një koment edhe për arbitrat e dhunën në stadiumet tona.

DERBI – “Siç gabojnë lojtarët në situata të ndryshme, gabojmë edhe ne si trajnerë. Patëm një situatë të ndërlikuar, sepse na mungoi Trashi që është shumë i rëndësishëm për ne. Edhe Idrizi  na u dëmtua. Lojtarët u vunë në vështirësi në pjesën e parë dhe e ekuilibruan disi në pjesën e dytë. Në derbi, për hir të së vërtetës, nuk është parë kurrë renditja. Tirana nuk pati trysninë tonë, sepse ne jemi në krye dhe kemi më shumë përgjegjësi. Kampionati ynë tregon që diferencat nuk janë shumë të mëdha”.

“Ne nuk jemi ekip brilant. Nuk mund të bëjmë spektakël me këtë përbërje, ama djemtë po japin 100% dhe kemi marrë maksimumin. Filozofia jonë është që të ndihmojmë njëri-tjetrin dhe të jemi një grup i fortë. Ndonjëherë e kemi pasur vetë si taktike që të presim kundërshtarin, t’i studiojmë dhe t’i godasim. Por ndoshta edhe trysnia e rezultateve është shumë e lartë te ne”.

GARA– “Unë besoj se do të jetë një garë e fortë deri në javën e fundit. E vlerësoj shumë Teutën për ekipin dhe përbërjen që ka. Kukësi është rivali ynë direk, e ka potencialin për të qenë rivali më i afërt. Durrësin e shoh pak më prapa në këtë drejtim. Mendoj se 12 javët e fundit do të jenë kryesisht llogari. Ne nuk kemi asnjë lloj arsye që të kemi panik, ndryshe nëse do të kemi ne, çfarë do të ndodhë me Kukësin. Këtu kemi ardhur me djerse dhe sakrifice. Ekipi e ka karakterin për t’ia dalë”.

SULMUESI DHE E ARDHMJA – “Patëm 4 objektiva në merkato për sulmues cilësore por ata bënë zgjedhja të tjera. Klubin e pata në mbështetje në këtë drejtim. Ne nuk kemi probleme financash dhe harmoninë dhe ky është suksesi ynë”, u shpreh Gega. I ngacmuar nëse do pranonte një ofertë të Tiranës, ai thotë: “Nuk besoj se bardheblutë do të telefonin një të kuq”.

DHUNA – “Dikush duhet të përgjigjet për këtë situatë. Kjo nuk mund të vazhdojë më kështu. Në fakt është një problem i shoqërisë, jo vetëm i futbollit. Fatkeqësisht po shohim që dhuna po merr përmasa shqetësuese. Po përhapet edhe në disa qytete që kanë reflektuar kulture ndër vite. Aktorët duhet të ulen dhe të gjejnë një zgjidhje. Policia e shtetit nuk është rajonale, edhe ajo është pjesë e shoqërisë dhe ka përgjegjësi, kështu që edhe forcat blu duhet të jenë pjesë e zgjidhjes.

“Incidenti në ndeshjen me Flamurtarin? Nuk dua ta justifikoj aspak incidentet në takimin kundër Flamurtarit ama nga informacionet që ne kemi, rezulton që ata tifozë që u futën në fushë nuk ishin pjesë e tifo-grupeve tona, ndonëse nuk dua aspak ta justifikoj ngjarjen e cila duhet të ishte shmangur”.

ARBITRAT – “Për 24 javë jam munduar të qëndroj larg paragjykimeve. Jam i sigurt që ka njerëz shumë të aftë në arbitrim, por ka edhe të paaftë. Është e vështirë të gjykoj nëse janë të qëllimshme. Sigurisht që gabime ka, por nuk mund të kalohet deri këtu. Fatkeqësisht në Shqipëri askush nuk e pranon humbjen, por akuzojmë njëri-tjetrin. Dikur, kur luanim ne futboll, nuk bëhej fjalë të ndodhnin këto ngjarje të rënda”.

NDESHJA – “Prisja më tepër nga skuadra. Derbi ka adrenalinën, tensionin e vet. Sidomos kur vjen përballë një ekipi që ka 20 pikë më pak dhe nuk ka presion. Tirana dhe maksimumin në pjesën e parë, pa i hequr meritat, por në pjesën e dytë ne ishim më mirë dhe prisja më shumë.”

LOJA – “Mënyra sesi luajtëm ne ishte e tillë. Ndoshta nuk japim shumë spektakël dhe nuk shquhemi për goditje në portë. Gjithsesi, kjo mënyrë loje na ka sjellë këto rezultate dhe nuk është e thënë të gjuash pafund që të marrësh rezultatet e duhura.”

DUKA – “Duka ishte në presion. Nuk bëri shumë gabime, por nuk u fut në lojë. U munduam ta linim para Malës dhe Telushit, por megjithatë e pamë të arsyeshme për ta ndërruar në pjesë të dytë dhe futa Rexhepin. Ishim shumë më të qetë se në pjesën e parë.”

KUKËSI-LUFTËTARI – “Luftëtari ka biznesin e vet. Nëse duan të luajnë fort, ose lehtë përballë Kukësit, nuk është puna jonë. Ne shohim ekipin tonë, na rikthehet Trashi dhe shohim vetëm grupin tonë.”

FORMACIONI – “Pjesën e parë do e bëja sërish të njëjtë. Na penalizoi vetëm fusha, pasi bëmë më të mirën. U munduam në pjesën e dytë të korrigjonin diçka dhe me lojtarët që kishim në dispozicion, bëra zgjedhjet e duhura. Jo çdo gjë është perfekte: ndonjëherë futesh nga stoli, jep maksimumin, ndonjëherë asgjë. Luajtëm përballë Tiranës, një skuadër që di të të vendosë në presion. Fitorja për ne ishte domosdoshmëri, por në futboll ka dhe barazim.”

QETËSIA – “Besoj se është e vërtetë. Skuadra nuk ishte shumë e qetë. U munduam të rrinim të qetë dhe t’i largoheshim presionit, por atmosfera e derbit ndikoi shumë. U munduam të futeshim në ritmin e duhur, por Ngo dhe Hasani janë të rrezikshëm dhe duhej të shikonim dhe pas. Nuk e bëmë perfekt kundërsulmin, humbën disa topa të panevojshëm. Por ky është futbolli dhe si unë, si ekipi, do të bëjmë ndryshimet e duhura për ndeshjen kundër Kukësit. Analiza para ndeshjes? Asnjë strategji. Dolëm fiks nga hoteli, por trafiku në Tiranë dihet. U bllokuam në rrugë dhe kjo ishte gjëja që ndodhi. Nuk ishte strategji ardhja me vonesë.”

Skënder Gega ka analizuar ndeshjen e sotme në emisionin “Gol pas Goli” në “Supersport”, aty ku komenton fitoren, ndërhyrjen e Trashit, episodin e ndodhur me tifozët dhe derbin kundër Tiranës.

FITORJA – “Sa vjen dhe shtohet presioni, pasi kemi qenë në vend të parë prej shumë kohësh. E filluam ndeshjen në avantazh dhe luajtëm mirë. Pas momentit kur Trashi u ndëshkua me të verdhë, u shpërqendruam. Nuk jam i qartë te goli i pësuar. U vendosëm keq dhe me një top pas shpine u ndëshkuam.”

STOLI – “Patjetër që jam i kënaqur. Ky është ekipi dhe e kam thënë që në fillim se kemi opsione kur kthejmë kokën nga stoli. Jo gjithmonë ndërrimet janë perfekte, por ndonjëherë funksionojnë. Për fatin tonë të mirë, sot funksionoi, sidomos me Hebajn, pasi kemi shumë kohë që duam t’i japim besim.”

TRASHI – “Është një tërheqje në bluze dhe e verdha mund të jetë e drejtë. Por pak minuta më përpara, qenë shumë të ashpra ndërhyrjet ndaj Malës dhe Dukës, por nuk pati karton. Trashi mori të verdhë, vendim që nuk kthehet dhe në derbi do të jetë një mungesë e madhe. 90 minutat shkuan mirë dhe kjo gjë është e rëndësishme. Trashi u gëzua që fitoi ekipi.”

GJYQTARËT – “Asnjëherë nuk i kam paragjykuar gjyqtarët. Kam dhënë mendimin tim teknik, nëse është apo s’është. Nuk është në të drejtën time të them nëse ka gabuar. Më vjen keq nëse ka gabuar.”

APELI PËR TIFOZËT – “Në derbin që kaloi, Hebaj bëri dy gola dhe në fushë u futën 2-3 fëmijë të vegjël, për 30 sekonda. U dënuam! Unë nuk dua të flas për këto gjëra, i takojnë dikujt tjetër. Unë dua që çdo tifoz, pa pasur parasysh moshën dhe statusin, të vijnë dhe të na mbështesin. Unë kam dëshirë që jo vetëm në Tiranë, por kudo në Shqipëri tifozët të jenë ‘Fair-Play’.”

DERBI – “Unë kam respekt për Tiranën. Është ndeshja e radhës dhe një derbi që na jep adrenalinë të dyja palëve. Uroj me shpirt të fitojë më i mirë dhe të japim një mesazh që futbolli na bashkon, e nuk na ndan.”

FORMACIONI – “Edhe Duka, edhe Mensah janë alternativa të mira. Mensah është më i ambientuar, por duke parë që kemi edhe 14 ndeshje, iu jap shansin të gjithëve për të kontribuar. Sot e filluam me Dukën, nesër me dikë tjetër. E rëndësishme është që ai që luan, të japë maksimumin për familjen tonë. Jam shumë i kënaqur që ata që vijnë nga stoli, janë plus. Sa i përket Ibrahimit, mundohem të gjej balancat. Është një lojtar që ka pika të mira, por dhe të dobëta, si çdokush tjetër. Edhe Trashi i tillë është. Asnjë nuk është i pagabueshëm. U bënë shumë sulmues në pjesën e dytë dhe i kërkova të qëndrojë prapa. E rëndësishme është që morëm tri pikë.”

ATANDA-REXHEPI – “Atanda është një alternativë shumë e mirë. Rexhepi është aktivizuar sot me qëllimin që të ambientohet sa më shpejt. Pjesëmarrja e tij në lojë ishte më shumë ambientim. Gabuam, në një moment duhet të ishim më të vëmendshëm. Duke pasur Atandën, e kthyem në mbrojtje, një alternativë shumë e mirë për ne. Kush do të jetë në 100%, do të jetë ai që do të nisi lojën.”

“Është gjë e mirë kur ka shumë gazetarë. Pas disa fitoreve kishte pak gazetarë, tani pas humbjes është rritur interesimi. Por kështu është futbolli, nuk kemi garantuar se nuk mposhtemi. I kemi parë ndeshjet një e nga një. Nuk dua të kthehem te ndeshja me Laçin, mendoj edhe për Vlorën”.

“E morët lehtë Laçin, që kishte humbur ndeshje më të lehta? Nuk e di për Laçin, çfarë zhgënjimesh kanë ata. Kështu funksionon futbolli, klube shumë më të mëdha se ne u ndodhin këto. Çdo gjë ka një arsye. Nuk di kur janë thyer rivalët, më intereson puna jonë. Jemi në rrugën e duhur. Kemi nxjerrë mësimet”.

“Penalltia në Laç? Jetojmë në një vend të vogël ku ka ndikime dhe opinione. Do doja të ishit të drejtpërdrejtë. Nuk duhet të abuzohet me fjalët e mia. Nuk kam thënë që vdiq futbolli. Nuk shkuam ku deshëm, u ul ritmi. Unë nuk dal nga vetja, nuk kam pakt me asnjë. Nuk i kemi borxh asnjërit. Kemi zgjedhur të punojmë dhe duke lënë anash fjalët”.

“Gjendja e ekipit? A është ndeshje e lehtë, merret vesh pas 90 minutave. Ata kanë kualitet, ne jemi në gjendje optimale. Vetëm Hyseni është i dëmtuar, është rikthyer Lum Rexhepi”.

“Përgjigja e skuadrës pas humbjes? Edhe para Laçit ekipi është përgjigjur mirë. Ndeshja ishte tjetër. Punon mirë ekipi. Jam shumë komod dhe me fat që punoj me këtë grup, e njohin përgjegjësinë dhe rri larg presionit. Kemi punuar, kemi parë ku nuk funksionojmë. Kur nisi kampionati nuk kemi qenë 7 pikë para rivalëve. Lojtarët kanë bërë maksimumin dhe po mundohen. Nuk ka asnjë presion”.

“Vetëkënaqësi? Ishim optimistë në Laç. Kishim besim për t’ia dalë. Jo çdo gjë është absolute. Gjatë një ndeshje ka pjesë jo të mira. Ka pasur në derbi, por edhe me Krujën 45  minutat e para. Ekipi është me këmbë në tokë. Janë profesionistë dhe ndaj thashë që jam me fat që i drejtoj”.

“Nuk duam ta kthejmë në traditë që të rikthehemi pas humbjeve. Është rrugë e gjatë përpara. Ia lëmë kohës çdo gjë. Ende nuk kemi luajtur me rivalët? Edhe ata nuk kanë luajtur me ne. Ata janë rivalët tanë. Jemi gati për çdo gjë”.

“Gjici ka thënë që Partizani merret më shumë me Kukësin se me Teutën? E kam thënë, nuk merrem. Me gjithë respektin për Gjicin, nuk kam asnjë koment. Fokusohem te Partizani, kjo është familja ime”.

“Nënvlerësim? Duhet të mos ketë ndikim. Vërtetë mund të kenë ikur lojtarë, por ka të tjerë që mund të kenë dëshirë më shumë. Do marrim masa që çdo lojtar të tyre ta vlerësojmë drejt. Nuk besoj se ata do kenë shumë ndryshime. Vetëm në emra, por jo në mënyrën e lojës”.

“Ibrahimi e Idrizi djathtas? E provuam. Nuk donim që Atanda të shkonte përpara. Janë prova, do ketë mundësi edhe për të tjerë. Uroj të ketë progres. Jo çdo ndryshim sjell fryte menjëherë. Edhe ndërrimet shpesh janë të goditura, shpesh nuk japin rezultat”.