Miqësore | Testi i parë për Partizanin, Asani nuk mjafton për “demat”

Sport Ekspres — Wed, 09 Jan 2019 14:23:13 +0000

Partizani ka zhvilluar sot ndeshjen e parë miqësore në Antalia të Turqisë. “Demat” u ndeshën me skuadrën e Superligës turke, Sivaspor, në një takim që u mbyll barazim 1 – 1.

Partizani doli i pari në avantazh me anë të Asanit në fillim të pjesës së dytë. Avantazhi zgjati deri në minutën e 67-të. Turqit barazuan me anë të rumunit Torje, i cili shtyu topin, pasi Xhika priti penalltinë e realizuar po nga rumuni.

Sivasspor 1 – 1 Partizani

Miqësorja me Sivaspor, Partizani gjen rrugën e rrjetës

Sport Ekspres — Wed, 09 Jan 2019 13:17:31 +0000

Partizani po luan në këto momente ndeshjen e parë miqësore në tokën turke. Skuadra e Skënder Gegës po përballet me ekipin e Sivasporit. Pjesa e parë u mbyll me rrjeta të paprekura, ndërsa fraksioni i dytë ka nisur në mënyrën më të mirë të mundshme.

Kryeqytetasit kanë mundur që të gjejnë rrugën e rrjetës në minutën e 47-të me anë të Jasir Asanit. Skuadra e kuqe po arrin të fitojë, por ka ende shumë minuta lojë për t’u luajtur.

Partizani i ka zhvendosur përgatitjet në Turqi prej pak ditësh, me synimin që skuadra të ketë kushte sa më të mira për t’u përgatitur për gjysmën e dytë të sezonit. Në dy fazat e para Partizani ka bërë mjaft mirë, duke u shpallur dhe kampion dimri.