Sir Alex Ferguson

Çmenduri për çamçakëzin e Ferguson, ankandi kap shifrën e frikshme

Sport Ekspres — Wed, 20 Mar 2019 14:12:14 +0000

Çamçakëzat e përtypur e më pas të hedhur në tokë janë diçka “e shpifur” në jetën urbane, por për fansat e Junajtid nuk është aspak kështu për çamçakëzin që më parë e ka konsumuar Sër Aleks Ferguson. Madje është shitur dhe ka kushtuar plot 390 mijë paund.

Ai ishte çamçakëzi i fundit i trajnerit legjendar në ndeshjet zyrtare me Mançester Junajtid. Një fans i Junajtid e pati marrë atë duke e ruajtur që nga viti 2013 dhe priti momentin për ta shfaqur si një relike të çmuar.

Ai e nxorri në e-Bay ku organizoi një ankand dhe e shiti për shifrën e çmendur. Paratë e fituara do t’i kalojnë fondacionit të klubit, që më pas do t’i përdorë për bamirësi.

Solskjaer menjëherë në gjurmët e Sër Aleks, statistikat e konfirmojnë

Sport Ekspres — Tue, 25 Dec 2018 08:35:56 +0000

Shkarkimi i Zhose Murinjos në mesjavë dhe ardhja në krye të pankinës së Mançester Junajtid e Ole Gunar Solskjaer, ishte padyshim një lajm që habiti jo pak. Sipas mediave në Angli, norvegjezi do të jetë zgjedhje e përkohëshme, pasi në fundin e sezonit besohet se do të mbyllë punën e tij në “Old Traford”.

Pasditen e djeshme, Solskjaer nisi aventurën e tij zyrtarisht, ku bëri debutimin në stol në ndeshjen ndaj Kardif Sitit në transfertë. Sfida hapëse për ish-lojtarin e Junajtid nuk kishte si të shkonte më mirë, teksa mori një fitore të thellë 1-5 dhe përveç kësaj, loja e ekipit të tij bindi.

Në rast se i referohemi statistikave, tekniku më i ri i “djajve të kuq” është vënë menjëherë në hapat e Sër Aleks Ferguson. Prej vitit 2013, kur në atë kohë në pankinë ishte Ferguson, nuk ndodhte që Junajtid të shënonte 5 gola në një ndeshje të Premier Ligës. Nisur nga statistikat, drejtuesit e Junajtid duhet të mendohen, në rast se duan ta kenë bashkëpunimin me teknikun vetëm 6 muaj.

5 – Man Utd have scored 5+ goals in a Premier League game for the first time since Sir Alex Ferguson’s final match in charge in May 2013 versus West Brom (5-5). Gunnar. #CARMUN pic.twitter.com/uc9jYCKv0C

— OptaJoe (@OptaJoe) December 22, 2018

VIDEO | Sot 32 vite më parë në Angli nisi një epokë, ajo e Sër Aleks Ferguson

Sport Ekspres — Tue, 06 Nov 2018 20:03:16 +0000

Ditën e sotme data shënon 6 nëntor. Viti aktual është 2018, por në qoftë se do të shkojmë 32 vite pas në vitin 1986 do të kuptojmë se kjo datë i përket nisjes së një epoke në futbollin anglez, më konkretisht në Mançester. Junajtid vendos në krye të saj trajnerin më të ri, skocezin Aleksandër Çepman Ferguson. Sot ai njihet nga e gjithë bota si, Sër Aleks Ferguson.

Nga viti i largët 1986, Sër Aleks qëndroi në krye të “djajve të kuq” për plot 27 vite, ku mori trofe të pafund, përfshirë këtu dhe 2 herë fitimin e tripletës, apo dhe 13 herë Premier Ligën. Sot mbushen plot 32 vite nga dita historike e nënshkrimit të tij me Junajtid dhe klubi nga “Old Traford”, nuk mund ta harrojë kurrsesi trajnerin më të suksesshëm të historisë së tyre.

Momentet më të bukura të 27 viteve të teknikut skocez në krye të Junajtid janë përmbledhur në videon e mëposhtme, që me shumë mundësi do të përlotë shumë tifozë. Gjithashtu në video bëjnë pjesë dhe lojtarë legjendarë të Mançesterit si, Rajan Gigs, Pol Skolls dhe Geri Nevill. Përmbysja e çmendur në finalen e Championsit po ashtu nuk kishte si të mungonte, në momentet më kulmore të Sër Aleks Ferguson.

#OnThisDay, 32 years ago, Manchester United appointed Sir Alex Ferguson as manager. This will give you goosebumps. Simply the greatest of all time. ???? #mufc pic.twitter.com/RAR7DcMgrQ

— United Xtra (@utdxtra) November 6, 2018