Megjithatë, te Ostende kanë menduar për të shtuar konkurrencën në sulm. Mediet belge raportojnë se klubi belg ka arritur akordin me Zulte Varegen për huazimin 1-vjeçar të sulmuesit nga Guinea, Idrisa Syla.

Futbollisti afrikan do të jetë rivali kryesor i Gurit për një vend në formacioni titullar te skuadra belge. Syla, 28 vjeç, ka një ”CV” interesante me eksperienca të mëparshme në ekipe si Anderleht dhe anglezët e  QPR.

Në intervistën e dhënë për mediet belge në përfundim të takimit, Guri vlerësoi besimin e dhënë nga trajneri i ri, Kore Ingebrigtsen, si dhe bëri një krahasim me trajnerët e shumtë që ai pati gjatë sezonit të kaluar, ku Ostende rrezikoi rënien nga kategoria.

GOLI I PARË  – “Të them të drejtën, trajneri më ka thënë që të qëndroj pranë shtyllës së dytë gjatë harkimeve, por si sulmues ndonjëherë e ndjen se ku duhet të jesh në një moment të caktuar”.

“Është një paraqitje që më jep shumë besim dhe më qetëson. Një sulmues që shënon është një sulmues i gëzuar. Trajneri i ri më jep më shumë besim. Tani trajneri udhëzon skuadrën të më pasojë më shumë dhe të luajmë futboll më të bukur. Më duhet ta falënderoj. Sezonin e kaluar trajnerët nuk patën shumë besim tek unë. Vetëm vrapoja pafund.”.

Tifozët e Anderleht përgatitën një koreografi gjigante në nder të rikthimit të Kompani në klub pas më shumë se një dakade.

Sulmuesi shqiptar Sindrit Guri pritej të ishte në formacion e Ostendes në këtë 90-minutësh, por një dëmtim i lehtë i ditëve të fundit e ka bërë të pamundur grumbullimin e shkodranit për këtë takim.

Për momentin Guri është i vetmi qendërsulmues në radhët e Ostendes. Në mungesë të ish-lojtarit të Kukësit, trajneri i Ostendes, iu desh të përshtaste një mesfushor.

https://www.youtube.com/watch?v=NXFJBWzSXVg

Ky ishte goli i tretë i gurit në kampionatin belg, ku këtë sezon është aktivizuar në 24 ndeshje kryesisht si zëvendësues.

Norvegjezi Kore Ingebrigtsen është prezantuar sot nga drejtuesit e klubit. Tekniku 53-vjeçar vjen eksperience te Rossenborg në Norvegji, skuadër ku fitoi tri kampione radhazi dhe dy kupa.

Në fjalët e tij të para si trajner i Ostendes, norvegjezi u shpreh se ishte i lumtur që iu dha mundësia të punonte në një klub jashtë atdheut të tij. Ndër të tjera Ingebrigtsen tha para gazetarëve se drejtuesit e klubit kanë një plan ambicioz dhe përforcime janë piketuar që tani.

E ardhmja e Sindrit Gurit te klubi belg mbetet ende në pikëpyetje. Futbollisti shkodran ka shënuar 2 gola në 28 paraqitje në kampionat, ku më së shumti aktivizohet si zëvendësues. Kontrata e 25-vjeçarit me Ostenden zgjat deri në qershor të vitit 2021.

Në Greqi Andi Lila nuk ka marrë asnjë minutë në sfidën Lamia-Pas Janina. Kavajasi qëndroi gjatë gjithë ndeshjes në stol. Skuadra e futbollistit të kombëtares mori një pikë dhe gjërat mund të shkonin edhe më keq, pasi vetëm në minutën e 86-të shënuan golin e barazimit. Pas Janina po kalon në një moment të vështirë dhe është në vendin e katërt nga fundi.

Arisi i Selanikut nuk e ka përballuar dot forcën e Olimpiakosit, që fitoi me rezultatin 4-1. Migjen Basha sërish e nisi nga stoli. Mesfushori u aktivizua në minutën e 79-të, kur shanset për të ndryshuar diçka ishin të pakta, pasi skuadra e tij po humbiste 3-1. Në shtesë pësuan edhe të katërtin.

“Diferenca e nivelit të futbollit në Superiore dhe këtu në Belgjikë është më e madhe nga sa e kisha pritur. Përgjatë këtyre muajve, gjithsesi jam bërë një bërë një lojtar më i mirë dhe gjërat po shkojnë në drejtimin e duhur”, deklaron sulmuesi shkodran, i cili ka shënuar vetëm dy gola në kampionatin belg me fanellën e Ostendes.

Më tej Guri tregohet optimist. “Jam i gëzuar që më në fund munda të ndihmoj ekipin. Në të shkuarën kam shënuar gola në thuajse çdo ndeshje, por kjo nuk po ndodh prej një kohe të gjatë. Jam i bindur që do të kem sukses edhe këtu, nëse ia dal të fitoj besimin”.

Gurin është formuar si lojtar te Vllaznia, por vëmendjen e tërhoqi me Korabin në Kategorinë e Parë, teksa arriti të shënonte 20 gola. Një vit më pas e bleu Kukësi dhe u shpall kampion me verilindorët. Në sezonin e parë munguan hapësirat për të dhe realizoi vetëm 2 herë, kurse në sezonin pasardhës ishte lideri i sulmit dhe shënoi 10-fish më shumë. Kjo bindi edhe Ostenden, që pagoi 710 mijë euro për kartonin e tij.

Goli  i fundit i Gurit në kampionatin belg datonte më 5 gusht, ku gjeti rrugën e rrjetës përballë Anderlehtit. Që prej asaj ndeshjeje Guri nuk arriti të gjente golin në 16 ndeshjet e ardhshme ku u aktivizua.

Gjashtë minuta më vonë futbollisti shqiptar fitoi një penallti për të tijtë që u ekzekutua nga belgu Bonen, që edhe pse gaboi në ekzekutim e shleu duke shtyrë topin në rrjetë pas pritjes së portierit. Avantazhi i Ostendes zgjati pak, pasi në minutat e fundit të takimit Kilian Hazard barazoi shifrat në 2 – 2.

Megjithatë në pjesën e mbetur të sezonit Gurit mund t’i jepen akoma më shumë mundësi. Së fudmi skuadra e Ostendes ka zyrtarizuar largimin e sulmuesit serbo-holandez Riçairo Zivkoviç, i cili është shitur për 800 mijë euro te skuadra kineze e Çangçun  Jatait.

Zivkoviç megjithëse në rol natyral është një sulmues krahu, i hapi jo pak probleme Gurit, duke e mbajtur në stol për muaj të tërë.

“Sindrit Guri shënoi dje kundër Utreht dhe nuk ishte rastësi. Guri është stërvitur shumë mirë, çka e tregoi edhe me atë goditje dënimi të shkëlqyer më herët.  Shqiptari ka gjetur vetëbesimin gjatë kësaj faze përgatitore. Ne shpresojmë që ai të vazhdojë këtë linjë edhe gjatë muajit janar, që është i ngarkuar me ndeshje. Ndoshta, pse jo, ai mund të shënojë me një gjuajtje të tillë edhe në gjysmëfinale”, shkruan klubi belg, që ka postuar edhe videon e perlës së Gurit në stërvitje.

Topi i gjuajtur prej tij shkoi në rrjetë dhe te Breshia nisi festa, pasi ishte minuta e 90-të e takimit. Ekipi i Ndojit e nisi mirë, pasi kaloi në epërsi të dyfishtë, por më pas gjithçka u barazua dhe situata u komplikua. Ndoj nuk i shpëtoi as kartonit të verdhë sot, por me rëndësi që Breshia fitoi dhe renditet në vendin e dytë në klasifikim.

SHQIPTARËT NË BELGJIKË – Sindrit Guri nuk preferohet nga trajneri i Ostendes. Sulmuesi shkodran nuk ëshët aktivizuar në tre ndeshjet e fundit, dy në kampionat dhe një në kupë. Sot skuadra e tij barazoi në shtëpi me rezultatin 1-1 kundër Sint-Truiden dhe shkodrani e ndoqi takimin nga stoli.

Guri nuk është aktivizuar më parë në kampionat kundër Standard Liezh dhe në kupë kundër AS Eupen. Një periudhë jo e mirë për shkodranin, i cili këtë sezon ka arritur të shënojë vetëm një gol në kampionat kundër Anderlehtiti. Gjithashtu ai numëron edhe dy rrjeta të tundura në Kupë.

Shumë pak për një sulmues, për të cilin Ostende ka shpenzuar 710 mijë euro te skuadra e Kukësit. Ndërkohë, ndryshe nga Guri, rregullisht po aktivizohet mbrojtësi Mërgim Vojvoda me Mouskron. Sot skuadra e tij u mposht në transfertë nga Antverp me rezultatin 2-1. Ish-lojtari i Shqipërisë U21, i cili mbron ngjyrat e Kosovës tani, qëndroi në fushë deri në fund.

Në Belgjikë u luajtën çerekfinalet e Kupës. Sindrit Guri pa fitoren e 0 – 1 të Ostendes ndaj Ojpenit nga stoli i rezervave. Sulmuesi shkodran kishte pasur një ecuri të mirë në takimet e mëparshme të kupës, ku kishte shënuar në të dyja takimet e tureve të pëparshme, por mesa duket, cilësia e kundërshtarit ka bërë që trajneri i ekipit belg t’i besojë titullarëve këtë takim.

Plot 20 gola të shënuar, që bindën Kristian Panuçin ta grumbullonte edhe në kombëtare. Në Shqipëri për sulmuesin kishte udhëtuar edhe trajneri i Ostende dhe e kishte bindur Gurin që ekipi i tij ishte i duhuri për të.

“Genti ka disa sulmues dhe me një ndeshje jo të mirë mund të përfundosh në stol. Te ne do jesh sulmuesi kryesor dhe mundësitë nuk do të mungojnë, edhe nëse nuk do të shënosh për disa ndeshje”, i pat thënë pak a shumë trajneri Gert Verhejen sulmuesit shkodran, sikurse mëson “SportEkspres.com”.

Belgu pritej të gradohej trajneri i Ostendes dhe pasi e kishte parë me kujdes Gurin, ishte i bindur për cilësitë e tij. Fillimi ishte i mirë për shkodranin, që realizoi në miqësoret e verës. Futbollisti 25-vjeçar ishte optimist dhe mendonte se do arrinte të shënonte deri në 15 gola.

Ostende u pa si “trampolinë” për Gurin, por futbolli në Belgjikë nuk është aspak i lehtë. Sulmuesi luajti pesë ndeshje radhazi si titullar dhe realizoi vetëm një gol mjaft të bukur kundër Anderlehtit. Verhejen e mbajti premtimin e dhënë.

Tanimë Guri po luan më pak, ndërkohë që ka humbur edhe vendin në kombëtare. Trajneri Panuçi nuk e ka ftuar as për ndeshjet me Skocinë dhe Uellsin. Së fundmi Guri ka luajtur titullar në takimin mes rezervave të Ostendes dhe Anderlehtit. Për t’u përmendur, nuk ka asnjë dënim, thjesht një pjesë e lojtarëve kanë pasur mundësi të ruajnë ritmin dhe i janë përgjigjur pozitivisht sugjerimit të trajnerit për të luajtur me rezervat. Nuk ka shënuar as aty në humbjen 2-0 që ekipi i tij ka pësuar.

Një moment “jo” për sulmuesin, i cili duhet të rifitojë minuta me ekipin e parë dhe të shënojë. Ky ngërç me siguri do kalohet shpejt nga Guri, i cili duhet të tregojë se jo më kot klubi belg pagoi për të plot 710 mijë euro. Cilësitë e tij nuk diskutohen, mjafton një gol për ta liruar…

VLADIMIR PRENGA

Ai u aktivizua për Ahmat Grozni në minutën e 82-të kundër Dinamos së Moskës. Ndeshja u mbyll në barazim pa gola dhe sulmuesi i kombëtares nuk e ndihmoi dot skuadrën e tij të fitonte në shtëpi. Sindrit Guri, tjetër sulmues në orbitën kuqezi, nuk luajti asnjë minutë të shtunën me Ostenden.

Albasete fitoi me përmbysje dje ndaj Ekstremadura dhe nuk pati nevojë për kontributin e Rei Manajt. Sulmuesi lushnjar e ndoqi të gjithë takimin nga stoli. Edhe Eros Grezda nuk mori asnjë minutë në ndeshjen gjysmëfinale të Kupës, që Rejnxhërs e humbi me Aberdenin 1-0.

Edhe për Xhakomo Vrionin nuk kishte minuta të premten. Sulmuesi, i cili debutoi me Izraelin, nuk mori në asnjë minutë në ndeshjen që Venecia barazoi në transfetë me Palermon. Uzuni është nga ata që po luan rregullisht me Lokomotivën. Edhe këtë javë ishte titullar në fitoren 4-0 që mori skuadra kroate. Por as beratasi nuk shënoi këtë herë.

E parashikuar nga rregullorja e FIFA-s, ajo duhet të paguhet dhe është KF Shkodra që kërkon të marrë atë që i takon. Bëhet fjalë për shumën e 10 mijë eurove që duhet t’i marrë klubi privat, që ka formuar lojtarë cilësorë ndër vite.

Taip dhe Rudi Piraniqi, të cilët drejtojnë KF Shkodrën, sikurse raporton Telesport, kanë pasur një kontakt me juristin e Kukësit, Arsen Selmanaj. Ai ka kërkuar dokumentacionin që provon se Guri ka qenë pjesë e KF Shkodra, gjë që i është vënë në dispozicion.

Telenovela ka vijuar më tej, teksa nga ana e Kukësit është garantuar se taksa e solidaritetit do të merret nga Ostende. Këta të fundit nuk kanë ndërmend ta paguajnë dhe sqarimi i tyre është i qartë: sipas kontratës, Kukësi ka marrë përsipër ta bëjë pagesën.

Këtu ka mbetur gjithçka dhe pritet që KF Shkodra ta çojë çështjen në FIFA nëse nuk merr atë që i takon. Janë të shumta klubet e vogla që i kanë fituar çështje të tilla dhe Kukësi, apo Ostende, duhet t’i japë drejtim kësaj çështjeje.

Të parin në kampionat ia shënoi Anderlehtit me një finte, ndërkohë që dje shënoi në Kupë kundër Hogstraten. Shkodrani gjeti rrugën e rrjetës që në minutën e nëntë në fitoren 1-3 që Ostende regjistroi.

Një top i fituar në mesfushë, marrje e topit, shmangie e mbrojtësit kundërshtar dhe “vrastar” përpara portierit. Gjuajtja e gurit shkoi në rrjetë dhe për golin e shënuar vlerësimet kanë qenë pozitive.

https://www.facebook.com/KVOostende/videos/880474082154737/

Këtë verë ka pasur disa transferime, flasim për ato që janë shoqëruar me blerjen e kartonit. Kristal Abazaj është ai për të cilin është paguar më së shumti, ndërkohë që Skënderbeu është klubi që ka përfituar më shumë.

Veç Abazajt, ata kanë shitur edhe nigerianin Xhejms Adeniji. Listës së lojtarëve të transferuar u bashkohen edhe Sindrit Guri e Myrto Uzuni. Në total në arkat e klubeve shqiptare kanë shkuar 2 milionë e 60 mijë euro.

Një shifër e konsiderueshme, që vit pas viti do të vijë duke u rritur nëse vazhdohet të punohet me të rinjtë. Me siguri edhe verën e ardhshme do të ketë të tjerë lojtarë që do të shiten. Sfida tjetër e klubeve tona është t’i zëvendësojnë ata.

[Best_Wordpress_Gallery id=”141″ gal_title=”4 transferimet e superiores”]

Shkodrani është treguar një “gjahtar” i vërtetë goli, pasi me mjaft zgjuarsi ka arritur ta çojë topin në rrjetë, pas një pasimi të marr nga e djathta me finte.

Goli i parë për Gurin, por që ka një vlerë akoma dhe më të madhe, pasi u realizua në sytë e trajnerit të Kombëtares së Shqipërisë, Kristian Panuçit. 24-vjeçari duket se është një nga lojtarët më në formë, pasi edhe një javë më parë ishte protagonist, duke dhënë një asist.

Kështu ai e ka humbur derbin me Sindrit Gurin, sulmuesin shkodran që është përzgjedhur sërish të jetë titullar. E pritshme diçka të tillë, pasi Ostende e bleu lojtarin e kombëtares te Kukësi për ta pasur sulmuesin kryesor. Një javë më parë ai arrit të jepte asist, ndërsa këtë herë do mundohet të gjejë rrugën e rrjetës.

Ka shënuar disa gola në miqësore, ka asistuar dhe ka treguar se mund të jetë një lider në skuadrën e tij. Sulmuesi, i cili ka fituar edhe një vend në kombëtare, kërkon që Ostende të jetë një “trampolinë” për të. Stafi teknik i ka dhënë besim që pa e blerë, pasi para transferimit Guri ka pasur një takim me trajnerin, i cili e ka garantuar që do të jetë sulmuesi kryesor.

Kjo ishte arsyeja kryesore pse Guri zgjodhi Ostenden. Edhe Gent ofronte thuajse të njëjtën shumë, por me rëndësi për sulmuesin ishte të luante. Në Belgjikë kanë nisur të shkuajnë që tani për sulmuesin, autor të 20 golave vjet me skuadrën e Kukësit.

“Le Soir Plus” ka bërë një artikull, ku analizon prurjet e bëra këtë vit në Belgjikë dhe liston një formacion me lojtarët nga të cilët pritet shumë. Një nga 11 bastet e këtij sezoni është edhe Sindrit Guri, që për herë të parë provon të luajë jashtë vendit.

Armando Sadiku është në shitje. Mediat spanjolle e kanë bërë me dije prej kohësh. Levante e ka blerë 1.5 milionë euro nga Legia e Varshavës, ndërkohë që për të janë ofruar 700 mijë euro nga turqit e Rizespor. Duhet rritur edhe pak oferta për të përmbyllur gjithçka.

Sokol Cikalleshi është në dorë të Osmanlispor. Sulmuesi 27-vjeçar ka edhe dy vite kontratë. Në Turqi nuk është se nuk ka para dhe për të siguruar rikthimin në Superligë sa më shpejt, nuk përjashtohet mundësia që kavajasi të bllokohet.

Sindrit Guri është nga ata lojtarë që nuk mendon për të ardhmen e tij, pasi sapo është transferuar në Belgjikë tek Ostende. Për Manajn situata është tjetër. Getafe, Leganes, Selta Vigo dhe Albasete në Spanjë interesohen për të. Në Itali Parma është lakuar më parë. I duhet të luajë edhe atij dhe pret të mësojë të ardhmen, sikurse edhe shokët e tjerë të kombëtares.

Tekniku italian është apostafat për Sindrit Gurin në këtë takim dhe me shumë gjasa shkodrani do të jetë në listën e tij për takimin miqësor me Ukrainën. Nëse zgjidhet edhe problemi me autoritet zvicerane, atëherë do të luhet dhe një miqësore me Kosovën dhe këto dy takime do ishin shumë të vlefshme për trajnerin e kombëtares, por edhe për lojtarët e ftuar që të tregonin cilësitë e tyre në ndeshje dhe jo vetëm gjatë periudhës përgatitore në Zvicër.

Lojtari më i lakuar i Kukësit në këtë merkato ka qenë Sindrit Guri. Sulmuesi ka qenë dëshira e disa klubeve jashtë Shqipërie, të parët që shfaqen hapur interes ishin moldavët e Sherif Tiraspolit. Performanca e mirë e shkodranit në ndeshjet kundër tyre bëri që ekipi kundërshtar të pyeste hapur për kartonin e tij. Kukësi nuk e pengon sulmuesin të largohet, por sigurisht duke paguar klauzolën e largimit. Kampionët e Shqipërisë kërkojnë 300 mijë euro për 23-vjeçarin.
Ekipi i fundit që ka shfaqur interes për shërbimet e shkodranit është skuadra e Mantovës në Serinë D. Italianët e kanë studiuar dhe e kanë ndjekur prej disa kohësh sulmuesin shqiptar dhe mendojnë se është i duhuri për të investuar në të, zbulon “Sport Ekspres”.
IDEJA MANTOVA – Skuadra e Mantovës ka zbritur këtë sezon në Serinë D dhe një investim “i çmendur” nuk i shkon përshtat një klubi të këtij niveli. Megjithatë, 23-vjeçari shihet si një potencial i mirë për të ardhmen. Në kuadër të kësaj ideje, italianët kanë lëvizur kartat. Ata, me anë të disa menaxherëve në Shqipëri, kanë kërkuar kontakte të drejtpërdrejta me skuadrën verilindore. Pasi i kanë arritur ato, kanë nisur edhe negociatat për të ditur edhe çmimin e Gurit.
Kukësi është ulur në bisedime dhe ka dëgjuar interesin e skuadrës italiane. Verilindorët janë treguar të qartë me italianët dhe kanë kërkuar 300 mijë euro për sulmuesin. Nëse paguhet kjo shifër, ata e lënë të lirë Gurin. Shuma e kërkuar nga skuadra kampione e Shqipërisë është e lartë dhe Mantova nuk do të marrë guximin për të hedhur edhe hapin e fundit.
ARSYEJA – Një ndër arsyet kryesore se pse Mantova këmbënguli për Gurin është fakti se shkodrani ka letrat italiane. Kjo e bën atë që të mos jetë ekstrakomunitar dhe ta ketë më të lehtë për të gjetur ekip. Guri nuk ka qenë një titullar fiks në sezonin e shkuar, por performancat e tij ka qenë në rritje, derisa arriti kulmin e formës në ndeshjet ndaj Sherif Tiraspolit. 23-vjeçari me shumë mundësi do të vazhdojë të jetë pjesë e Kukësit. Ai do të ketë konkurrencë të fortë me Bakajn dhe Alijevin.