43-vjeçari ishte ndër më të kërkuarit në ditët e para të merkatos. Juventusi dhe Milani u interesuan për të, por Lotito dhe Tare vepruan shpejt dhe e bindën që të qëndrojë.

Inzagi ka firmosur kontratën e rinovimit deri në vitin 2021 me Lacion. Rroga e tij është rritur dhe ai do të përfitojë 2 milionë euro në sezon. Klubi bardhekaltër ka konfirmuar gjithçka në faqen e vet në rrjetet sociale dhe i vogli i dinastisë Inzagi është gati të nisë sezonin e katërt në krye të Lacios.

View this post on Instagram

? S.S. Lazio have extended the contract of head coach Simone Inzaghi until 30/06/2021 #Inzaghi2021 #CMonEagles ?

A post shared by S.S. Lazio (@official_sslazio) on Jun 6, 2019 at 1:51am PDT

“Kemi rinovuar kontratën me trajnerin. Nuk u shqetësova kurrë, pasi e njoh mirë Inzagin dhe ne jemi një familje e madhe. Raporti jonë shkon përtej anës profesionale dhe do të vazhdojmë së bashku. Nuk kemi hezituar aspak në këtë pikë”, thekson presidenti i Lacios.

Lotito ndalet edhe te situata e Sergej Milinkoviç-Saviç. Serbi nuk zhvilloi një sezon pozitiv, por e mbylli me një gol në finalen e kupës së fituar përballë Atalantës. Vjet u refuzua çdo ofertë për të, ndërsa sivjet ndryshon gjithçka. Në fund edhe konfirmimi për Çiro Imobilen. Sulmuesi kryesor ka hasur vështirësi, por kualiteti i tij nuk është vënë kurrë në dyshim.

“Vitin e kaluar refuzuam të gjitha ofertat për lojtarët tanë. Sivjet do të bëjmë atë që është e nevojshme, në mënyrë që lojtarët të kenë stimujt e duhur për të qëndruar me ne. Imobile? Nuk e kemi vënë kurrë në diskutim. Ka shënuar një numër golash për t’u respektuar. Vitin e kaluar shënoi shumë dhe ishte kandidat për ‘Këpucën e Artë’, sivjet kishte një rënie. Çiro mbetet një lojtar me vlera dhe do të vazhdojë të jetë pjesë e Lacios”, përfundon Klaudio Lotito.

Pavarësisht se emri i tij u përfol për stolat e klubeve si Juventusi dhe Milani, Inzagi do të vazhdojë aventurën me ekipin bardhekaltër.

Sipas raportimeve të “Sky Sport”, trajneri ka firmosur kontratën e re, që do e mbajë lidhur me Lacion deri në verën e vitit 2021. Rroga e tij ka shkuar në 2 milionë euro në sezon, ndërsa zyrtarizimi i rinovimit do të vijë gjatë ditës së nesërme.

Sipas raportimeve të “Sky Sport”, trajneri do të takohet sonte në mbrëmje me presidentin Lotito dhe Igli Taren, drejtorin sportiv të bardhekaltërve.

Palët kanë gjetur në parim akordin për të firmosur, ndërsa ka mbetur për t’u përcaktuar vetëm aspekti financiar. Dakordësia për këtë aspekt do të ndodhë gjatë takimit trepalësh dhe me shumë gjasa Inzagi do të vazhdojë të ulet në stolin e Lacios.

Milani i dha fund bashkëpunimit me Xhenaro Gatuzon dhe tani po punon për gjetjen e një trajneri të ri. Gazidis dhe Maldini kanë diskutuar gjatë mes tyre, duke arritur në një konkluzion të përbashkët. Simone Inzagi është emri i zgjedhur për stolin kuqezi.

“Djalli” pritet t’i ofrojë një kontratë 3-vjeçare me 2.5 milionë euro rrogë sezonale. Problem mbetet kontrata e tij me Lacion. Lotito nuk toleron dhe të negociosh me të është gjithmonë e vështirë.

Tre herë është takuar Inzagi me të gjatë këtyre ditëve, por asnjë akord. Trajnerit, i cili është gati të transferohet në Milanelo, i duhet të gjejë mënyrën për t’u ndarë me Lacion. Sapo të ndodhë diçka e tillë, Maldini do t’i ofronte firmosjen e kontratës me kuqezinjtë.

Alternativë mbetet edhe Marko Xhampaolo, por garës për trajnerin e Sampdorias i është bashkuar fuqishëm Roma, që mbeti thatë pas refuzimit të Gasperinit.

Drejtuesit nuk kanë humbur kohë dhe po merren me gjetjen e pasardhësit të tij. Tre janë alternativat kryesore sipas mediave afër klubit të “djallit”: Leonardo Zhardim, Simone Inzagi dhe Marko Xhampaolo.

Portugezi është lakuar edhe herë të tjera afër stolit të Milanit. Zhardim u rikthye për të shpëtuar Monakon nga rënia një kategori më poshtë dhe ia doli. Pikat e tij më të forta janë puna e mirë me të rinjtë dhe përmirësimi i madh i lojtarëve.

Simone Inzagi ishte shumë pranë Juventusit, ndërsa tani garës për të i është bashkuar edhe Milani. Laciali është një nga trajnerët e rinj më të mirë dhe pika e tij e fortë është loja ofensive dhe menaxhimi i mirë i grupit të lojtarëve.

Nuk mbetet pas as surpriza Xhampaolo. Futbolli i tij është i këndshëm, ka kualitet si trajner dhe është gati të marrë një ekip të madh. Milani do të ishte perfekt për trajnerin, që ka formuar një skuadër shumë të mirë te Sampdoria.

Igli Tare ka folur në lidhje me këtë çështje. Drejtori sportiv i Lacios konfirmon faktin që Inzagi ka edhe një vit kontratë. Ai dhe presidenti Lotito kanë një dëshirë të përbashkët, që është qëndrimi i trajnerit në kryeqytet.

“Takimet bëhen për të kuptuar shumë gjëra. Inzagit nuk i përfundon kontrata tani. Ai ka edhe një vit me ne. Më duket e ekzagjeruar kjo vëmendje që po krijohet. Ka folur presidenti, po e përsëris edhe unë. Sigurisht që duam të qëndrojë, nuk ekziston asnjë dyshim për diçka të tillë”, përfundon biondi shqiptar.

“Nuk ka asnjë bisedim me Inzagin, por në ditët e ardhshme do të ulemi së bashku për të bërë një hap të madh përpara.  Janë momente reflektimi për të gjitha palët. Kemi drekuar një ditë më parë dhe jemi ndjerë të gjithë mirë, edhe presidenti. Ishim të qartë, si unë ashtu edhe presidenti. Mendoj se edhe Inzagi dëshiron të njëjtën gjë. Në ditën në vazhdim do të takohemi”, tha Tare.

I ngacmuar rreth interesimit të Juventusit për Inzagin, vlonjatin shton: “Nuk mund të përgjigjem unë, nuk i kam bërë kurrë gjërat më nëse apo sikur. Nuk e kam pyetur veten ndonjëherë nëse Juventusi e do apo jo. Po këmbëngulim për të njëjtën gjë, ndoshta ju dëshironi që të largohet, por për ne duhet të qëndrojë, sepse është lacial kokë e këmbë”.

Guardiola mbetet një ëndërr, ndërsa Gasperini dhe Sarri janë shumë afër Romës dhe Milanit.

Gara do të jetë e ashpër deri në fund, madje nuk përjashtohet ndonjë emër i ri, i cili mund të dalë në skenë. Megjithatë, mediat italiane shohin një favorit dhe ai është Simone Inzagi.

Trajneri pritet të japë dorëheqjen nga Lacio në fund të sezonit. Emri i tij ka qarkulluar edhe vite të tjera si pasardhës i Alegrit dhe kjo mund të jetë vera fatlume për Inzagin e vogël.

Pikat e forta të tij quhen Fabio Paratiçi dhe Pavël Nedved. Me drejtorin sportiv të Juves e lidh një miqësi e fortë, ndërsa me çekun kanë luftuar së bashku me bluzën bardhekaltër mbi supe.

Inzagi njihet për menaxhimin e mirë të grupit të lojtarëve, ndërsa eksperienca ndërkombëtare është pika e tij e dobët. Një skuadër që kërkon fitimin e Champions Ligës zakonisht i besohet një trajneri ekspert, por Juventusi mund të vendosë të bazohet më shumë te cilësitë e mira të trajnerit lacial.

LARGIMI – Trajneri donte të dinte planet e klubit dhe synonte të ishte i rëndësishëm. Kontrata e re për të nuk kishte shumë rëndësi në aspektin financiar. Ai kërkonte bashkëpunim të gjatë, të paktën deri në vitin 2022. Gjithashtu ish-trajneri kërkonte të paktën katër afrime cilësore. Shqetësimi kryesor i tij ishte reparti i mbrojtjes, teksa Aleks Sandro dhe Zhoao Kanselo nuk bënin pjesë më në planet e tij. E njëjtë situatë edhe për Paolo Dibala, që me Alegrin i kishte paketuar valixhet.

Tekniku italian, veç Ramsej kërkonte edhe një tjetër mesfushor. Alegri ka qenë i qartë ndaj presidenti Andrea Anjeli dhe drejtuesve të tjerë. Ai ka kërkuar që në skuadër të merrte Toni Kros nga Reali i Madridit, një preferencë e Kristiano Ronaldos. Tanimë në kampin bardhezi kanë llogari të tjera për të bërë, pasi Alegri është zyrtarisht i shkarkuar.

Gjithsesi, klima që ka mbizotëruar në ambientet e bardhekaltërve nuk ka qenë edhe fort e qetë, kjo lidhur me faktin se e ardhmja e trajnerit Simone Inzagi është vënë shpesh në pikëpyetje. Pas përfundimit të finales, numri një i stolit të Lacios foli për mediat, ku në momentin që u pyet mbi të ardhmen nuk dha një përgjigje.
“Bëmë një ndeshje të mirë dhe të jep sadisfaksion të madh, kur e mbyll në një mënyrë të tillë këtë rrugëtim. E kërkuam dhe e deshëm këtë Kupë, tani na duhet ta shijojmë. E ardhmja? Faleminderit për pyetjet.”

Gjithsesi, më i drejtpërdrejtë ishte presidenti Lotito, i cili u shpreh i qartë mbi të ardhmen e Inzagit. “Nuk ka qenë kurrë në pikëpyetje. Do të vazhdojë të jetë trajner i Lacios.”
Gjithashtu, përveç Klaudio Lotitos, foli edhe ish-lojtari i Kombëtares tonë, Igli Tare, i cili foli qartë: “Inzagi qëndron te Lacio dhe për këtë gjë nuk ka dyshime. Do të flasim në ditët e ardhshme për rinovimin e kontratës.”

Simone Inzagi ka qenë i lidhur me një kalim të mundshëm edhe te Milani, ku është përfolur si një pasardhës i mundshëm i Xhenaro Gatuzos.

Ishte viti 2008. Vlonjati mori licencën dhe filloi një vit më vonë zyrtarisht detyrën që mban edhe sot. Të gjithë iu turrën Lotitos atëherë, ndërsa kritikët kanë zgjedhur heshtjen sot. Më saktë, nuk kanë se çfarë thonë, pasi flet vetë puna fantastike e drejtorit shqiptar.

Presidenti tregon edhe një detaj në lidhje me trajnerin Inzagi, ndërsa zbulon të vërtetën në lidhje me Marselo Bielsën. Akordi me trajnerin e famshëm argjentinas ishte arritur, por ai nuk i shijoi kurrë emocionet e futbollit italian.

TARE – “Shumë persona nuk e pranuan këtë zgjedhje, por ishte një zgjedhje e madhe. E kishim lënë për t’u takuar dhe për të rinovuar kontratën. Igli erdhi bashkë me agjentin e tij dhe i thashë: ‘Shiko, nuk do ta rinovoj kontratën’. ‘Si ka mundësi, ju më dhatë fjalën, nuk është korrekte dhe as serioze‘, u përgjigj ai. I thashë që kisha qëllim ta bëja drejtor sportiv të Lacios. ‘Si i bëhet, unë nuk kam as licencë’, ma ktheu Igli. I thashë që të mos merakosej për atë gjë dhe se kishte 30 minuta kohë për t’u menduar. U kthye pas gjysmë ore dhe më tha se e pranonte propozimin tim.”

INZAGI – “Kur u bëra president, fillova të thërras lojtarët për rinovimin e kontratave. I ra radha Simones dhe erdhi bashkë me agjentin e tij. Ju ofrova 5.3 milionë euro për 5 sezone. Agjenti u kënaq. ‘U morëm vesh, do ju jap 5.3 milionë për 5 vite?’, pyeta. ‘Në vit?’, tha Simone. ‘Jo, në total’, iu përgjigja unë… Pastaj ndodhi më e bukura. Ai më kërkoi që të flisnim vetëm për vetëm. Çfarë dëshiron që të bësh më vonë e pyeta dhe ai mu përgjigj se dëshironte të bëhej trajner! ‘Do të të bëj trajner të Lacios’, i thashë… ”

BIELSA – “Marselon e largova unë. Kur isha në Francë, Tare më telefononte dhe më thoshte se kishte blerë lojtarët që i pëlqejnë Bielsës, por trajneri ndërronte mendje pas tre minutash. U ktheva në Formelo dhe e morëm në telefon. Tare i fliste dhe ai përgjigjej sikur të ishte ndonjë shkencëtar. Nuk durova më dhe i mora telefonin nga dora Iglit. ‘Dëgjo mister, mori fund, ju duhet të largoheni’. Iglit nuk i mbeti pikë gjaku në fytyrë…”

Lacialët janë kthyer në stërvitje mëngjesin e sotëm. Simone Inzagi ka qenë shumë i nxehur me lojtarët e tij, duke u munduar që ata të kuptojnë gabimet dhe të rikthehen te paraqitjet pozitive. Edhe vetë trajneri ndjen presion të madh mbi supe pas lajmeve të fundit në lidhje me një largim të tij.

Ndeshja e ardhshme është gjysmëfinalja e Kupës së Italisë ndaj Milanit. Pas kësaj sfide pritet të vendoset shumë rreth të ardhmes së Inzagit. Kualifikimi kundër kuqezinjve do të qetësonte ambjentin dhe do i jepte mundësinë Lacios për ta mbyllur sezonin me trofe.

Në rast të shkarkimit të trajnerit, emrat e lakuar për ta zëvëndësuar janë Roberto De Zerbi i Sasuolos, Leonardo Semplici i SPAL dhe Valter Maxarri i Torinos. Ky i fundit shihet si më i pëlqyeri nga presidenti Lotito. Edhe De Zerbi është një kanditaturë serioze dhe preferohet për stilin e tij të futbollit.

Lufta për Champions- “Ëndërroj t’i shoh të dy në Champions League. Lacio e meritonte vitin e kaluar, por janë rikthyer në garë edhe këtë vit. Mes Milanit dhe Lacios do të jetë një ndeshje që më gëzon pavarësisht rezultatit”.

Periudha e vështirë në Milano- “Ne jemi mësuar ta shohim Milanin të fitojë Championsin e trofe të tjerë, por ka edhe periudha të vështira. Do të ngrihet përsëri siç ka bërë më parë”.

Piatek dhe Kutrone- “I dija cilësitë e Piatek. I pëlqen të luajë brenda zonës. Di mjaft mirë të pozicionohet. Është një transferim shumë i mirë. Kutrone luan pak. Mendoj se mund të bëjë më mirë. E kam trajnuar tek të rinjtë dhe e njoh mirë. Ai është numri 9-të i ekipit dhe s’duhet të largohet”, përfundoi Inzagi.

Për të dy është si një finale, Filipo ka nevojë për pikë për të shpëtuar Bolonjën dhe për të vazhduar aventurën me ekipin, ndërsa Simone nuk dëshiron ta lëshojë më vendin e katërt dhe do bëjë maksimumin për ta mposhtur vëllanë e madh. Filipo Inzagi ka folur në konferencën për shtyp, duke u komentuar “derbin” e vëllezërve dhe emocionet e forta të kësaj përballje.

“Do të jetë një ndeshje e çuditshme, por dhe emocionuese për familjen tonë dhe ata që na duan të mirën. Nipat e mi do të jenë në stadium dhe le të fitojë më i miri. Do të jetë e çuditshme, por çdokush do të mendojë për të mirën e skuadrës së tij. Në këto lloj ndeshjesh nevojitet klasikja ‘ndeshja perfekte’ për të arritur fitoren”, përfundon SuperPipo.

“Krijuam shanse, askush nuk ka luajtur kaq mirë në Bergamo sa Lacio sot. Jemi ende të pestët në renditje dhe do të na duhet të shikojmë se çfarë do të bëjë Milani nesër kundër Bolonjës. Të shtunën na duhet i njëjti shpirt loje që treguam sot”.

“Duhet të punojmë me efikasitetin e lojës sonë, pasi prodhojmë shumë e shënojmë pak. Bëmë 27 gjuajtje ndaj Sampdorias dhe ata na barazuan në minutën e 99-të. Po kalojmë një periudhë ku tre pikët na janë bërë makth. Sot humbëm disa pikë të rëndësishme, por jam i bindur se do të rikthehemi së shpejti te fitoret. Bëmë një hap mbrapa, por mbetemi në vendin e pestë dhe do të vazhdojmë të luftojmë për një vend në Europë ”, përfundoi Inzagi.

ROMA NË VËSHTIRËSI – Jo, nuk besoj. Jemi në fillim të kampionatit. Mund të jetë një moment i vështirë, por tani ata vijnë nga një fitore dhe duan të bëjnë një ndeshje të mirë. Ne duhet të vazhdojmë në këtë rrugë, pa u ndalur. Kampionati po ecën shpejt. Ne e dimë se është një ekip shumë i organizuar dhe agresiv, ne duhet të jemi mirë në posedimin e topit. Ndeshjet si kjo janë të vendosur për episode të veçanta.”

DERBI – Është një ndeshje shumë e rëndësishme për ne dhe tifozët tanë. Duam të vazhdojmë rrugën tonë, duke e ditur se përballë do të kemi një skuadër të madhe dhe diferencën do ta bëjë mbajtja e presionit. Djemtë duhet të kenë ‘urinë’ e duhur për këtë ndeshje.

MODULI – Kundër Bolonjës dhe Frozinones ata kanë luajtur në mënyra të ndryshme. Ne jemi gati për të dy modulet e tyre. Ata mund të luajnë me 4-3-3, por ne jemi gati për çdo skenar.

FRIKA NGA HUMBJA APO SHPRESË PËR FITORE – Padyshim për fitore, për ne do të ishte një gjë e madhe, do të na jepte efekt në rezultatet tona, na rrit vetëbesimin. Është java e shtatë dhe është herët për të bërë bilance. Ne patëm vështirësi në fillim të kampionatit, tani po e vuan Roma. Por katër pikë diferencë tani nuk do të thonë asgjë. Ndoshta në letër janë zvogëluar diferencat. Por ne duam të jemi më lart dhe e dimë se të gjitha ekipet e kreut janë forcuar. Unë jam i kënaqur me lojtarët e mi, kemi përfshirë në ekip lojtarë që mund ta na ndihmojnë, sikurse ndodhi këtë javë. Në Udine ishte një ndeshje shumë e vlefshme dhe kisha nevojë t’i përdorja të gjithë lojtarët. Më dhanë një përgjigje të mirë”.

DI FRANÇESKO – “Unë kam një respekt të madh për Eusebion. E di se çdo të thotë të trajnosh një ekip në Romë. Ai bëri mjaft mirë sezonin e kaluar, mjafton të kujtohet ecuria në Champions. Këtë vit e ka nisur pak me vështirësi por është një trajner dhe një njeri i mirë.”

NDESHJA E JETËS – “Unë mendoj se është një ndeshje që veçohet krahasuar me ndeshjet e tjera të kampionatit. Tifozët para se të tërhiqesha nga futbolli vinin javë përpara dhe na thoshin se mezi po prisnin derbin. Mendoj se ky është derbi në të cilin kemi pasur më pak kohë për të akumuluar stresin. Ne duhet të përpiqemi ta përgatitim në mënyrën më të mirë, pa humbur energji në aspektin mendor dhe kjo do të jetë e rëndësishme.”

BOLONJA E PIPOS TRIUMFOI NDAJ ROMËS – “Pipo Inzagi më impresionoi me Bolonjën e tij, ata ishin shumë mirë atë ndeshje. Ne kemi analizuar lojën, Roma kanë luajtur me 4-3-3 dhe më pas ka luajtur me 4-2-3-1. Duke e ditur se ata kanë luajtur me De Rosin dhe Nzonzin, lanë Kristante të pushojë në ndeshjen e fundit, na bën të mendojmë se do të luajnë si ndaj Bolonjës.”

EKIPI – “Mendimi im është që në derbi të gjithë lojtarët duhet të jenë burra. Duhet patjetër dhe bashkëpunim në grup në maksimum, i vetëm nuk mund të fitosh kurrsesi. Grupi është ai që e bën një skuadër fitimtare dhe unë kam një grup të madh.”

ROMA DHE NDRYSHIMET NË EKIP – “Roma bëri disa ndryshime, humbën lojtarë të rëndësishëm si Naingolan, Alison apo Strotman, por morën disa të tjerë. Kanë disa probleme, por ato janë momente të kampionatit. Bënë një fitore të thellë në mesjavë dhe janë rikthyer të fortë.”

TIFOZËT – “Unë mendoj se ata gjithmonë do të përgjigjen si zakonisht, unë vetëm mund t’i falënderoj ata. Në Empoli kemi ardhur në stadium dhe kemi gjetur mbi dy mijë tifozë duke pritur për ne. Vinim nga dy humbje dhe një fitore me Frosinone. Tifozët nuk na kanë tradhtuar kurrë mua dhe nesër do të na bëjnë të ndihemi sikur jemi ne pritës”, ka përfunduar fjalët e tij tekniku italian.