27-vjeçari ka pësuar një tjetër dëmtim dhe mund të përfundojë në operacion. Klubi zikaltër nuk e ka federuar për pjesën e dytë të kampionatit, kështu që aventurës së tij në Serie A i ka ardhur fundi. Ai pritet të kryejë ndërhyrjen kirurgjikale dhe mund të qëndrojë disa muaj pushim.

Kroati do të rikthehet tek Atletiko për të nisur fazën e rikuperimit. Gjatë aventurës me ekipin e Spaletit, Vërsaljko zhvilloi vetëm 13 ndeshje midis kampionatit, Kupës së Italisë dhe Champions Ligës.

Marota veproi shpejt duke marrë nga Sauthemptoni mbrojtësin e djathtë Sedrik Soarez. Portugezi ka ardhur në huazim, por Interi ka të drejtën e blerjes së tij në fund të sezonit për shumën e 11 milionë eurove.

Mbrojtësi i majtë është larguar nga fusha në minutën e 27, duke i lënë vendin Antonio Miliç. 26-vjeçari është përplasur me Markus Rashford dhe atij i është dashur të largohet.

Nuk bëhet akoma e ditur shkalla e dëmtimit të mbrojtësit të djathtë, por një gjë e tillë e ka bërë me dhimbje koke trajnerin Spaleti. Mungesa e tij është e rëndësishme, pasi ndeshjet e radhës janë kundër Frozinones, Totenhemit, Romës dhe Juventusit.

Në varësi të gjendjes së tij fizike stafi do të vendosë në rast se kapiteni mund ta nisë nga minuta e parë. Në rast se një gjë e tillë nuk ndodh pritet që Keita Balde të jetë në majë të sulmit si në sfidën e fundit ndaj Bolonjës.

Gjithashtu ka pasur zhvillime edhe për kroatin Sime Vërsaljko. Kroati, i cili braktisi fushën ndaj Spanjës vetëm pas 20 minutash për një problem në gju, ka punuar së bashku me bashkëkombësit e tij, Perisiç dhe Brozoviç, të cilët u bashkuan më vonë me grupin.

E rëndësishme është që gjendja e tij nuk shkakton panik. Dita e nesërme, përveç ndonjë surprize të pakëndshme, pritet ta rikthejë në stërvitje normale me ekipin mbrojtësin.

“Zgjodha të vi tek Inter dhe mendoj që mund të luftojmë për të fituar titullin. Dëshiroja zikaltrit dhe kemi sakrifikuar si unë si dhe klubi për të realizuar këtë transferim. Më në fund erdha këtu dhe ndihem si në shtëpinë time. Kemi disa lojtarë që numërojnë shumë ndeshje në Serinë A, si dhe shumë lojtarë të rinj, kështu qe mendoj që do luftojmë për të fituar titullin.”

Anësori i krahut të djathtë të mbrojtjes flet dhe për mikun e tij, Luka Modriç, i cili është objektivi kryesor i interistëve.

“Luka është miku im, por kam shumë respekt për të dhe nuk i kam kërkuar asnjëherë asgjë. Të luanim finalen e Botërorit ishte një eksperiencë e bukur, që mund të më ndihmojë të vazhdoj të bëj mirë. Perisiç dhe Brozoviç do të m’i lehtësojnë gjërat dhe kisha komunikim të vazhdueshëm me to gjatë negociatave. Spaleti? Më ka thënë gjërat e duhura, që më nevojiten për momentin”, përfundon Vërsaljko.

Të gjithë janë të fiksuar mbas Modriç, por zikaltrit po përgatisin një tjetër afrim. Drejtuesit e klubit janë në tratativa me Cërvena Zvezdën dhe objektivi është Bogdan Joçiç. Vetëm 17-vjeçar, Joçiç luan në rolin e mesfushorit ofensiv dhe tratativat janë në një fazë të avancuar.