Mbrojtësi i majtë tregon edhe rritjen që ka parë: “Që kur kam ardhur te Kukësi është rritur niveli në çdo aspekt. Kjo  teknologji e re ka ardhur në futboll dhe i ka ndihmuar ekipet, sidomos trajnerët që të vlerësojnë stëvritjen. Me këtë GPS-në matet intensiteti dhe distanca në ndeshje dhe stërvitje. Tregon nivelin e lojtarit dhe nëse është gati për ndeshje”.

“Rivaliteti për titullin? Më pëlqen shumë, sepse kampionati është shumë i fortë dhe ka konkurrencë. Ka ekipe të forta me lojtarë të mirë. Deri tani shoh ekipin tonë dhe Partizanin që do luftojmë deri në fund. Uroj të ketë edhe ekipe të tjera që të jetë edhe më konkurrent kampionati. Shpresoj që ne të bëjmë punën tonë dhe të arrijmë aty ku duhet, ku edhe e ka vendin Kukësi”, ka përfunduar Rrumbullaku.

“Kam qenë jashtë fushave shumë kohë, u bënë gjashtë javë. Kjo ndikon për një lojtar, kjo është jeta jonë. Me Kamzën ekipi tregoi cilësi, morëm tre pikët. Sot kemi ndeshje të vështirë me Luftëtarin dhe do bëjmë maksimumin të fitojmë”.

“Shameti ka shumë kohë këtu. Është gjë e mirë të jemi të gjithë bashkë dhe të arrijmë te fitorja. Si është përjetuar largimi i Musollit? Kjo gjë na ka mërzitur shumë, ai është lojtar i rëndësishëm dhe kapiten. I urojmë suksese në të ardhmen dhe të kthehet më i fortë. Nuk di të them pse erdhi largimi. Marrëdhënia e Musollit me ekipin ishte shumë e mirë, nuk e dimë çfarë ka ndodhur”.

“Sigurisht që çdo ndeshje është e rëndësishme. E dimë se përballë kemi një kundërshtar të organizuar mirë, por ne do të shkojmë atje për të marrë tre pikët. Skuadra është në presion të vazhdueshëm para çdo ndeshjeje, por i tillë është futbolli dhe veçanërisht kur luan për një klub si Kukësi pretendent për titullin kampion. Tani kemi ndeshjen e radhës dhe e respektojmë Luftëtarin. Megjithatë shkojmë vetëm për fitore”.

“Distanca me kreun? Nuk besoj se kemi mbetur prapa me rivalët, jemi vetëm 7 pikë larg dhe në dy ndeshje situata përmbyset. Ne duhet të gjejmë mënyrën se si ta minimizojmë këtë diferencë dhe besoj se do t’ia dalim”.

“Dëshira ime është të shënoj në çdo ndeshje dhe të jem sa më afër portës, por e rëndësishme është të fitojë skuadra. Në fund qëllimi im është të shënoj më shumë se 18 gola. Dua ta tejkaloj sezonin e shkuar”.

RIKTHIMET – Ylli Shameti është bashkuar me grupin dhe mendohet se do të jetë gati për ndeshjen me Luftëtarin. Po ashtu edhe mbrojtësi Simo Rrumbullaku. Ky i fundit madje edhe ka folur para takimit ndaj skuadrës së origjinës.

“Kam punuar shumë individualisht, rikuperimi ka shkuar shumë mirë. Shpresoj të jem gati për këtë ndeshje. Normal është një ndeshje në transfertë, një ndeshje e vështirë. Duhet të luftojmë si në ndeshjen me Kamzën. Kishim një formë të mirë javën e shkuar, shpresoj që edhe këtë javë do jemi të përqendruar që të marrim tre pikët”.

Përmes një postimi në llogarinë e tij në “Instagram” ai njofton se do mungojë për ca kohë, ndërkohë që i falënderon të gjithë për mbështetjen. “Ndonjëherë gjërat nuk na vijnë ashtu siç ne i dëshirojmë apo i presim. Rëndësi ka të mundemi të menaxhojmë një situatë që na është shfaqur. Një dëmtim tjetër në kohë të fundit do më lërë jashtë fushave disa kohë akoma, por shpresoj të rikthehem sa më shpejt dhe akoma më i fortë. Dua t’ju falënderoj për mbështetjen”, shkruan mbrojtësi i majtë.

Në këtë mënyrë Rrumbullaku nuk do të jetë i gatshëm për trajnerin Cungu të paktën në gjashtë ndeshjet e radhës. Ai mund të kthehet për takimin me Skënderbeun me 9 dhjetor, por edhe atëherë mund të kursehet.

https://www.instagram.com/p/BpUwNrIgk5p/?utm_source=ig_web_copy_link

Nuk dihet se sa kohë do të qëndrojë jashtë, por kontrollet mjekësore në vendin tonë i kanë zbuluar se ka pësuar një tërheqje. Minimalisht dy javë do të qëndrojë pa luajtur, ndërkohë që për të hequr merakun do të bëjë edhe një kontroll tjetër në Greqi.

Trajneri Cungu për takimin e radhës me Laçin duhet t’i bëjë llogaritë pa Rrumbullakun në krahun e majtë të mbrojtjes. Mbetet për t’u parë se kush do ta zëvendësojë. Alternativat janë Vangjel Zguro dhe braziliani Uilliam Kordeiro.

“Pësova një dëmtim në ndeshjen e dytë ndaj Flamurtarit. Fillimisht u mendua se ishte një dëmtim i lehtë, por nuk rezultoi aspak i tillë. Faza e rikuperimit u planifikua të ishte dy javë, por mbeta 40 ditë larg fushave. Kam punuar shumë dhe them se jam gati. Trajneri e di nëse do të luaj apo jo. Kam punuar shumë, por them se jam gati”, deklaron gjirokastriti për “RTSH Sport”.

Mbrojtësi nuk e fsheh se ka kaluar një situatë jo të lehtë: “Ishte një periudhë e vështirë në të gjitha aspektet. Nga ana psikologjike nuk është mirë të jesh larg fushave, pasi kjo është puna jonë kryesore. Tani jam gati dhe do jap më të mirën time.”

“Është pak e vështirë kur nuk je në fushën e blertë. Humbëm dy ndeshje ndaj rivalëve dhe kjo gjë na ka përzitur pak, por them se kjo ndërprerje e kampionatit për shkak të ndeshjeve të Kombëtareve na bëri mirë, për të fituar atë besimin që kishim humbur në këto dy takime”.

Rrumbullaku e ka të qartë se as Kastrioti nuk duhet nënvlerësuar: “Sa kemi parë në futboll nuk ka kundërshtar të lehtë. Të gjithë bëjnë maksimumin e tyre dhe këto janë ndeshjet më të vështira, pasi janë skuadra që nuk kanë çfarë të humbasin dhe luajnë pa presion. Presioni për pikët është në anën tonë. Mendoj dhe shpresoj që do bëjmë një ndeshje të mirë që në fillim. Jemi përgatitur mirë për këtë ndeshje”.

Gjithashtu nuk ia del dot as mesfushori Besar Musolli. Ndaj Teutës ai la fushën e lojës në pjesën e parë dhe ende pret përgjigjen e rezonancës për të mësuar shkallën e dëmtimit dhe kohën e rikuperimit.

Për momentin e sigurt është që nuk do të jetë në ndeshjen e kësaj jave me Kamzën. Në dyshim mbetet ende kapiteni Ylli Shameti, i cili mungoi edhe në ndeshjen e javës së shkuar ndaj durrsakëve.

Të dy për shkak dëmtimesh u detyruan ta ndjekin takimin nga tribuna, por së fundmi ka lajme të mira. Ata janë përgatitur me grupin në seancën e fundit stërvitore dhe pritet që të jenë në dispozicion të trajnerit Cungu për ndeshjen e radhës.

Verilindorët presin Kamzën e drejtuar nga Klodian Duro. Synimi është fitorja, pasi edhe objektivat e Kukësit janë madhore. Atmosfera në kampin blu është mjaft e mirë, ndërkohë që tanimë edhe grupi është më i plotë. Mbetet për t’u parë shkalla e dëmtimit të Musollit, që u zëvendësua që në pjesën e parë kundër Teutës.

Por trajner Armando Cungu ka marrë një lajm jo të mirë, pasi Rexhinaldo për shkak të një problemi në kofshë mund të mungojë jo pak, por rreth tre javë. Kështu më Teutën sulmuesi do të mbetet jashtë.

Sulmuesi nga Mozambiku, autor i tre golave kundër Tiranës, është ndalur në një moment të mirë. Haris Harba do të ketë “barrën” e sulmit në ndeshjen kundër Teutës. Boshnjaku akoma nuk ka shënuar në kampionat.

Veç Rexhinaldos, me probleme vijon të jetë edhe mbrojtësi i majtë Simo Rrumbullaku. Gjirokastriti mungoi edhe ndaj Tiranës dhe vijon fazën rikuperuese. Në ditët në vijim do shihet gjendja e tij dhe do të përcaktohet nëse do grumbullohet apo jo për ndeshjen kundër durrsakëve.

Pesë qepje për të dhe rikthehet i gatshëm për stafin teknik pas dhjetë ditësh. Sikurse kuptohet, Rrumbullaku nuk do të jetë nën urdhrat e trajnerit Armando Cungu për ndeshen e së dielës kundër Tiranës.

Pushimi i kombëtares i vjen në ndihmë lojtarit për t’u rikuperuar dhe për të qenë në formën e duhur për javën e katërt të kampionatit. Kështu do të jetë Zguro ai që ndaj bardhebluve do të luajë në linjën e majtë të prapavijës.