Sigurdson

Sigurdson: Shqipëria s’është më e njëjta

Sport Ekspres — Wed, 05 Jun 2019 16:13:54 +0000

Shtatë vite më parë Shqipëria dhe Islanda ishin pjesë e të njëjtit grup në kualifikueset e Botërorit “Brazil 2014”. Të dyja takimet u fituan nga ‘vikingët’ me rezultatin 2 – 1. Sot, tri ditë nga përballja në Reikjavik, shumë pak gjëra kanë ndryshuar te kundërshtarët tanë. E njëjta gjë s’mund të thuhet për kombëtaren kuqezi.

Një ndër protagonistët e dy takimeve të mëparshme ka qenë Gylfi Sigurdson. Një mesfushor me tipare sulmuese që njihet për kreativitetin dhe rrezikshmërinë në goditjet nga distanca. Shtatë vite më parë ishte një talent premtues, ndërsa sot 29-vjeçari është një ndër lojtarët kyç të Evertonit, ekip ku u transferua për një shumë rekord prej 50 milionë eurosh.

Në një intervistë për “ruv.is”, 29-vjeçari foli për takimin ndaj Shqipërisë, ku vuri në pah faktin se kombëtarja jonë ka ndryshuar shumë nga ajo e shtatë viteve më parë: “Jemi ndeshur më parë me Shqipërinë, por nuk është më i njëjti ekip. Kanë ndryshuar katër ose pesë trajnerë, ndërsa grupi i lojtarëve nuk është më ai i shtatë viteve më parë. Gjithsesi, është mirë që kemi pasur eksperienca të mëparshme. Moti ka qenë i mirë këto ditë. Temperatura optimale dhe pa reshje shiu, kjo do të jetë një plus për ndeshjet”.

FORMACIONET E DY NDESHJEVE TË MËPARSHME

Islanda publikon listën, Shqipëria e gjen të “sakatuar” në sulm

Sport Ekspres — Sat, 01 Jun 2019 17:34:16 +0000

Trajneri i përfaqësueses së Islandës ka zbuluar listën me 25 lojtarët e përzgjedhur për takimet ndaj Shqipërisë dhe Turqisë. Grupi i “vikingëve” mbetet kryesisht ai i njëjti që ka bërë histori gjatë gjashtë pesë viteve të fundit.

Problematika e vetme e kombëtares islandeze është reparti i sulmit, ku dëmtimet Finbogason dhe Bergman kanë detyruar trajnerin Hamren që të shikojë për alternativa të tjera si Kolbein Sigthorson dhe Viktor Kjartason, të dy sulmues që kanë luajnë në kampionatin suedez dhe prej vitesh nuk ishin më pjesë e grumbullimeve të kombëtares.

Portierë: Halldorson, Runarson, Kristinson
Mbrojtës: Sevarson, Hermanson, Arnason, R.Sigurdson, Ingason, Fjoluson, Magnuson, Skulason, Fjoluson
Mesfushorë: Gislason , Gudmundson, Sigurjonson, Bjarnason, Palson, Gunnarson, Hallfredson, Traustason.
Sulmues: G.Sigurdson, Bodvarson, Kjartanson, Gudmundson, A.Sigurdson, Sigthorson

Formacioni i javës në Angli, surpriza është një shqiptar

Sport Ekspres — Wed, 14 Nov 2018 08:25:08 +0000

Kampionati anglez konsiderohet si më i forti ndër 5 ligat elitare në Europë. Sigurisht që për të qenë pjesë e 11 më të mirëve duhet që të shkëlqesh në një ndeshje. Ajo që bie në sy është se në 11-shen e përzgjedhur nga “Sky Sports” rezulton dhe një shqiptar.

Më se normale që formacioni i javës dominohet nga lojtarë të 5 skuadrave të para, duke nisur me Loris të Totenhemin që është përzgjedhur si “gardiani” më i spikatur. Në mbrojtje është radha e Tripier, Laporte Alonsos dhe surprizës Shkodran Mustafi, siç dhe vetë sajti prestigjioz e ka konsideruar. Një vlerësim jo i vogël për Mustafin, i cili ndonëse është një lojtar me origjinë shqiptare ka zgjedhur që të përfaqësojë skuadrën e Gjermanisë, ku dhe ka fituar Kupën e Botës.

Në repartet e avancuara nuk mund të mungonin emra si Muhamed Salah, David Silva, Stërling e Sigurdson. Në sulm Hazard dhe Aguero kanë bërë më mirë se sulmuesit e tjerë në javën e 12-të të Premier League-s.