“Ne e shikojmë të pamundur vazhdimin e aktivitetit pa prezencën e policisë së shtetit. Do të kërkojmë të bëjmë takime me krerët e policisë së shtetit për të parë reagimin e tyre. Ligji e thotë qartë, neni 51, pika 1 e thotë se policia e ka detyrim institucional për të garantuar sigurinë në eventet sportive”.

“Po shkojmë drejt fundit të kampionatit dhe tensioni do të rritet, pasi do të vendoset se kush ekip do bie nga Kategoria dhe kush do të shkojë në Kupat e Europës. Pa policinë nuk mund të vazhdojmë. Në biseda që kam pasur disa me policë, më kanë thënë se i marrin nga shtëpitë dhe i mbajnë për 4 orë jashtë ambienteve të stadiumit. Shteti duhet të bëhet palë më ne, nëse dëshiron që futbolli të vazhdojë”.

DËNIMI I KAMZËS – “Për momentin askush nuk e di se çfarë dënimi do të merret. E përsëris këto raste duhet të dënohen me ashpërsi maksimale”, përfundoi Shulku.

“Presidenti Duka është në një agjendë të ngjeshur me takime me kandidatë për stolin kuqezi. Nuk mund të përmendim emra, por ai takon kandidatët thuajse çdo ditë. Shumë shpejt do të kemi një emër”.

Për sa u përket kampionateve dhe datave kur do të fillojnë, Shulku tha: “Komiteti Ekzekutiv do të mblidhet javën e ardhshme dhe do të vendosë se kur do të nisë kampionati. Gjithashtu, do të vendosë edhe për Kategorinë e Parë. Për Superioren dy janë mundësitë, në 10-ditëshin e fundit të gushtit ose në atë të shtatorit. Klubet na kanë kthyer përgjigje dhe javën e ardhshme do të ketë një vendim përfundimtar në lidhje me këtë çështje. Tirana? Kur është bërë ndarja e skuadrave në grupe në Kategorinë e Parë dy vite më parë, pozicioni gjeografik ishte një prej kritereve. Ky është mendimi im për Tiranën, besoj kështu do të vendoset edhe nga Sektori i Garave”.