shtutgart

Gjendet akordi, Bajerni blen 18-vjeçarin shqiptar

Sport Ekspres — Tue, 16 Jul 2019 07:14:34 +0000

Bajerni i Mynihut ka mbyllur me sukses negociatat me klubin e Shtutgartit për kartonin Leon Dajakut. Sulmuesi 18-vjeçar ka qenë një ndër lojtarët më të spikatur në Bundesligën U19, ku shënoi 17 gola dhe regjistroi 7 asiste në një sezon ku skuadra u ndal në finalen e kompeticionit nga Borusia e Dortmundit.

Sipas “BILD”, Dajaku do të kryejë ditën e sotme vizitat mjekësore dhe pak orë më vonë marrëveshja do të marrë formë zyrtare. I riu me origjinë shqiptare pritet të aktivizohet me skuadrën rezervë të Bajernit që sezonin e ardhshëm militon në Bundesliga.3.

Shuma që bavarezët paguan për kartonin e 18-vjeçarit raportohet të jetë tek përafërsisht 1.5 milionë euro. Transferimi i Dajakut çon në tre numrin e lojtarëve shqiptarë te Bajerni i Mynihut. Krahas 18-vjeçarit pjesë e Bajernit janë dhe Meritan Shabani dhe Marvin Çuni.

E bujshme | Bajerni në bisedime për goleadorin shqiptar

Sport Ekspres — Mon, 15 Jul 2019 15:55:27 +0000

Sulmuesi i Shtutgartit, Leon Dajaku, është pranë kalimit te Bajerni i Mynihut. Lajmi bëhet i ditur nga media e njohur gjermane “kicker”. 18-vjeçari me origjinë shqiptare është një ndër talentet më premtues të akademisë së Shtutgartit, çka ka tërhequr interesin e kampionëve të Gjermanisë.

Dajaku debutoi sezonin e kaluar në Bundesligë me Shtutgartin kur ishte vetëm 17 vjeç, ndërsa te grupmoshat ishte lojtari me më shumë gola i një ekipi që shkoi deri në finalen e Bundesligës U19 ku u mundën nga Borusia Dortmund.

Palët janë ende në bisedime dhe për momentin akoma nuk është arritur diçka konkrete. Nëse Dajaku kalon te kampionët e Gjermanisë, do i duhet të marrë minuta me ekipin B, që këtë sezon militon në “Bundesliga.3”.

Dajaku aktivizohet me kombëtaret e grupmoshave të Gjermanisë, por i riu shqiptar i plotëson të gjitha kushtet që në të ardhmen të veshë fanellën e Kosovës ose Shqipërisë.

Ditë vendimtare për sulmuesin shqiptar, Shtutgarti i jep një dorë

Sport Ekspres — Thu, 27 Jun 2019 18:30:22 +0000

Në vitet e fundit është rritur numri i lojtarëve shqiptarë që spikasin në akademitë e klubeve gjermane. Pas Elvis Rexhbeçajt, Florent Muslisë dhe Meritan Shabanit, talenti i radhës duket se është Leon Dajaku.

Futbollisti 18-vjeçar është pjesë e akademisë së Shtutgartit dhe në sezonin që lamë pas debutoi në Bundesligë edhe pse asokohe ende s’i kishte mbushur të 18-at. Sulmuesi spikati fillimisht me ekipin U19, ku ishte golashënuesi i skuadrës me 11 gola.

Dajaku ka qenë një ndër lojtarët më të aktivizuar në fazën përgatitore të Shtutgartit në Tirol të Austrisë. Të riut shqiptar po i jepet shansi për të treguar veten në një ndër klubet më të mëdhenj të Gjermanisë.

Rënia e Shtutgartit në Bundesligën e dytë mund t’i shërbejë 18-vjeçarit duke marrë parasysh faktin se kemi të bëjmë me një kampionat ku niveli i futbollit ndryshon shumë nga ai i Bundesligës së parë.

Të hënën prezantohet, një 19-vjeçar blindon mbrojtjen e Milanit

Sport Ekspres — Sat, 22 Jun 2019 20:27:09 +0000

Milani ka arritur të mbyllë me sukses transferimin e futbollistit turk Ozan Kabak. Sipas “calciomercato”, Shtutgarti ka pranuar ofertën prej 17 milionë euro (2 në formë bonusi) të bërë nga “djalli”.

Qendërmbrojtësi 19-vjeçar do të firmosë një kontratë 5-vjeçare me pagë vjetore 1.6 milionë euro në sezon. Prezantimi i talentit turk do të kryhet ditën e hënë. Krahas Milanit interes për lojtarin shfaqi Bajerni i Mynihut dhe Uest Hemi.

Kabak u ble Shtutgart në merkaton e janarit. Klubi gjerman pagoi 11 milionë euro në arkat e Gallatasarajit për të marrë shërbimet e futbollistit. Edhe pse në moshë shumë të rë, Kabak është kthyer në një lojtar stabël në formacionin e kombëtares turke.

Gjithçka e thjeshtë, objektivi i Milanit ndahet me klubin gjerman

Sport Ekspres — Thu, 20 Jun 2019 21:48:53 +0000

Milani, nën presionin e dënimit për shkelje të ndershmërisë financiare, po mundohet të bëjë një merkato të kujdesshme. Gazidis është përqëndruar te lojtarë që premtojnë për të ardhmen dhe nuk kanë çmim të lartë. Më në fund ka ardhur një lajm i mirë për kuqezinjtë. Ozan Kabak është një prej lojtarëve nën shënjestrën e klubit kuqezi.
19-vjeçari është pjesë e Shtutgartit. Ekipi gjerman ka rënë në Bundesligën e dytë dhe disa nga lojtarët pritet të largohen. Drejtori sportiv i klubit gjerman është shprehur se do e lejojnë të gjejë një ekip tjetër djaloshin turk. “Nuk mendoj se do qëndrojë me në. Në të tilla raste duhet të tregohesh i matur dhe realist”, u shpreh përfaqësuesi i Shtutgart.

Ata e blenë nga Gallatasaraj në muajin janar për shifrën e 11 milionë eurove. Kabak me ardhjen e tij ka spikatur. Ai arrin të luajë si qendërmbrojtës dhe mesfushor difensiv. Për të interesohen edhe klube si Shalke, Arsenal dhe Bajern. Shifra që do e lejonte largimin e tij është rreth 15 milionë euro.

Historike | Union Berlin prek për herë të parë Bundesligën, bie Shtutgarti

Sport Ekspres — Mon, 27 May 2019 20:37:11 +0000

Klubi i Union Berlin ka arritur një sukses historik, duke siguruar kalimin në elitën e futbollit gjerman për herë të parë në historinë 56-vjeçare të klubit nga lindja e Berlinit.

Një barazim 0-0 ndaj Shtutgartit u mjaftoi kryeqytetasve (takimi i parë përfundoi 2-2) për të siguruar biletën për në Bundesligë. Një ndeshje e dominuar nga Shtutgarti për pjesën më të madhe të tij, por edhe një gol që u shënua, u anulua për një pozicion jashtë loje të një futbollisti të Shtutgartit, në pjesën e parë. Në pjesën e dytë Union Berlini mori zemër, goditi dy herë shtyllën dhe pati raste të arta, por rëndësi kishte të mos pësonte gol.

Një dështim kolosal për Shtutgartin, një ndër klubet më të mëdhenj në Gjermani, që ka një ndër stadiumet me më shumë tifozë në Europë. Një dështim i gatuar prej kohësh, por javën e shkuar në Shtutgart mbi të gjitha, me avantazhin e shpërdoruar dy herë.

WE ARE FUCKING UP! pic.twitter.com/IpRZjQgarH

— 1. FC Union Berlin (English) (@fcunion_en) May 27, 2019

Në këtë moment nuk kishte si të mungonte një pushtim fushe nga tifozët besnikë të Unionit, që e prisnin prej dekadash këtë moment. Skenat në fund të takimit janë tepër mallëngjyese, lojtarë dhe tifozë të përqafuar së bashkë, të gjithë me lot gëzimi në sytë e tyre.

Shtutgarti “hap thesin” për një talent turk, Bajerni fshihet nga pas?

Sport Ekspres — Fri, 18 Jan 2019 17:18:10 +0000

Ditën e djeshme, klubi i Shtutgartit zyrtarizoi transferimin e talentit Ozan Kabak nga Gallatasaraji. Kampionët e Turqisë përfituan 12 milionë euro nga shitja e 18-vjeçarit, i cili është një ndër talentet më premtues që ka nxjerrë akademia e klubit nga Stambolli.

Ndërkohë, media gjermane “Kicker” ka nxjerrë së fundmi një lajm të bujshëm, ku raporton se mbas këtij transferimi relativisht të shtrenjtë për financat e Shtutgartit, fshihet Bajerni i Mynihut. Sipas revistës gjermane, Bajerni ndërhyri në këtë transferim dhe e projektin të riun turk si pjesë të tyre, gjithmonë nëse ky i fundit arrin të përbushë pritshmëritë e tyre gjatë viteve të parë me Shtutgartit.

Der #VfB verpflichtet Ozan #Kabak. Der 18-jährige Innenverteidiger wechselt mit sofortiger Wirkung vom türkischen Spitzenverein @GalatasaraySK zum VfB Stuttgart. Ozan #Kabak unterschrieb nach dem Medizincheck einen Vertrag bis zum 30. Juni 2024. #MERHABAOZAN pic.twitter.com/bvUEUeDOTg

— VfB Stuttgart (@VfB) January 17, 2019

Megjithatë, kjo nuk është hera e parë që Bajerni përfshihet si palë e tretë. Një rast shumë i ngjashëm ka ndodhur me Serzh Gnabri, të cilin Verder Bremen e bleu nga Arsenali pas garancisë së kampionëve të Gjermani, ndërsa më pas Bajerni në pronësi kartoni e tij për tetë milionë euro.

Fitorja e Shtutgartit kthehet në dramë, vdes në stadium babai i kapitenit

Sport Ekspres — Sun, 16 Dec 2018 10:38:18 +0000

Shtutgarti arriti një fitore tepër të rëndësishme në shtëpi përballë Hertës së Berlinit. Dygolëshi i Mario Gomez, i cili nuk shënonte që nga fillimi i tetorit, dërgoi ekipin jashtë zonës së rrezikut për momentin dhe tifozët në festë.

Megjithatë, festa është kthyer në dramë. Një lajm i rëndë ka befasuar ekipin dhe sidomos Kristian Gentner. Babai i kapitenit 33-vjeçar, Herbert Gentner, ka humbur jetën si pasojë e një infarkti. Ai ka qenë i pranishëm në stadium, por zemra e tij nuk ka duruar më.

Lajmi është dhënë nga klubi i Shtutgartit, që ka komentuar shkurt ngjarjen e dhimbshme: “Pas përfundimit të ndeshjes me Hertën, kemi humbur Herbert Gentner. Klubi ndodhet pranë familjes në këto momente të vështira.”

Lojtari ishte lajmëruar për problemet e shfaqura nga i ati, një mjek shkoi në tribunën VIP për ta shpëtuar, por pa ia dalë dot mbanë. Lojtarët e Shtutgartit u larguan pas ndeshjes pa dhënë asnjë deklaratë dhe trishtimi në fytyrat e tyre dallohej lehtësisht. Duhej të ishte një e shtunë festive, por u kthye në një moment dhimbje.

Durimi merr fund, në Bundesligë bëjnë “kurban” trajnerin e parë

Sport Ekspres — Sun, 07 Oct 2018 15:59:55 +0000

Janë dashur që të zhvillohen shtatë javë, që në Bundesligë të shkarkohet një trajner. Fatkeqi ka qenë trajneri i Shtutgartit, Tajfun Korkut, i cili ditën e sotme i është bërë e ditur se kontrata e tij është prishur në mënyrë të njëanshme.

Tekniku turko-gjerman mori drejtimin e skuadrës në muajin shkurt dhe arriti ta nxirrte ekipin nga kriza e rezultateve, madje iu afrua dhe vendeve që të siguronin një biletë në “Europa League”.

Ky sezon ka qenë një zhgenjim i pamasë për Shtutgartin, që në shtatë ndeshje ka grumbulluar vetëm pesë pike dhe kësisoj ndodhet në vendin e fundit të tabelës.

Pavard: Interesi i Bajernit me gëzon, por unë i kam gjërat e qarta

Sport Ekspres — Wed, 05 Sep 2018 17:24:36 +0000

Emri i Benzhamin Pavard u përfol si një ndër transferimet më të mundshme të Bajernit gjatë merkatos së kaluar. Por, në fund nuk rezultoi kështu, ndoshta edhe për shkak të hezitimit të PSG-së për të shpenzuar 50 milionë euro për kartonin e Zherom Boateng, transferim ky që nëse do kryhej do t’i hapte rrugë kalimit të francezit te kampionët e Gjermanisë.

Por, për qendërmbrojtësin e Shtutgartit, nuk ka asnjë hatër mbetje. Në një intervistë të kryer në qendrën stërvitore të përfaqësueses franceze, Pavard tha: Në mendjen time gjithçka ka qenë e qartë që në fillim. Gazetarët më kishin veshur fanellën e Bajernit që pas Botërorit, por kjo është puna e tyre, të krijojnë lajme.

“Tani jam pjesë e një klubi të madh si Shtutgarti dhe ndihem shumë mirë atje. Interesi i Bajernit më emocionoi, pasi bëhet fjalë për një skuadër elitare, por asgjë më shumë. E ardhmja ime do të vendoset verën e ardhshme”, tha 22-vjeçari.