Kuqezinjtë janë mposhtur me rezultatin 73 – 51 nga Bjellorusia. Vizitorët bjellorusë dominuan në secilën periodë në takimin e zhvilluar në sallën e “Feti Borova”.

Përfaqësuesja e Kosovës nuk ia ka dalë të fitojë në transfertë ndaj Luksemburgut. Të zotët e shtëpisë mposhtën “dardanët” me rezultatin  88:80 (23:21, 24:25, 19:18, 22:16).

President që në vitin 2002: “Po, ka qenë një punë e palodhshme e imja dhe e stafit tim. Kemi arritur suksese dhe objektiva historikë për ne. Tani jemi në një fazë të vështirë, të rikonfirmojmë sukseset që kemi arritur deri më tani.

Europiani Euro2016: “Padiskutim që ishte një arritje historike, për ne dhe për popullin shqiptar. Meritë absolute kanë lojtarët dhe trajneri Xhani De Biazi, pasi bënë një punë të shkëlqyer”.

Panuçi: “Një person shumë i mirë, por ende me mentalitetin që kishte si lojtar. Nuk ishte një eksperiencë e bukur, por duhet të pranojmë se të kushdo që do të ishte pasuesi i DE Biazit, do ta kishte të vështirë”.

Edi Reja: “Reja i jep shumë prioritet faktit që çdo rrezik duhet shamgnur. Karriera e tij flet vetë”, përfundoi Duka.

Palët nuk rinovuan kontratën, 27-vjeçari doli lojtar i lirë dhe Parma përfitoi për t’i dhuruar një kontratë. Katër vite ka nënshkruar Dermaku me klubin emilian.

Parma i ka uruar mirëseardhjen lojtarit të lindur në Itali, ndërsa Dermaku, i cili ka zhvilluar tre ndeshje me Shqipërinë, është gati të provojë forcat në Serie A.

Welcome Kastriot #Dermaku! ????

?? https://t.co/BKlgRTYgkF#NextchApter #ForzaParma pic.twitter.com/WKbDKExXPG

— Parma Calcio 1913 (@ParmaCalcio_en) July 7, 2019

KOMBËTARJA – “Jam i lumtur që kam luajtur si titullar te Shqipëria, Reja na ka rritur shumë. Nuk e njeh gjuhën shqipe, por di gjuhë të tjera. Me të kemi punuar shumë në palestër dhe në fushë. Duhet të vijë të pushojë këtu, Hajduku nuk e ka harruar, edhe pse ai ka ikur prej disa kohësh”.

“Kualifikueset? Me pak fat mund të merrnim një pikë në Islandë. Grupi është shumë i vështirë, me skuadra si Turqia, Franca dhe Islanda. Nuk jemi favoritët, por mund t’ua bëjmë jetën të vështirë të tjerëve. Në shtator shkojmë në Francë dhe pastaj presim Islandën. Pas këtyre dy ndeshjeve gjërat do të jenë më të qarta për ne”, shtoi mbrojtësi qendror.

HAJDUKU – “Hajduku është një nga top klubet e futbollit kroat. Nga fillimi i sezonit do të luftojmë për vendin e parë dhe për t’u kualifikuar në Champions. Hajduku është klubi më i madh në rajon dhe jam i bindur që pas paraqitjeve mjaft të mira në pranverë ne mund të bëjmë shumë në sezonin e ardhshëm.

Europa? Jam gjithmonë optimist, por kjo nuk do të thotë që duhet ta nënvlerësojmë ekipin maltez në Europë. Jemi favorit, por turin mund ta kalojmë vetëm nëse japim maksimumin tonë”, deklaron Ismajli në intervistën e dhënë për Sportske novosti.

KARTONËT – Ismajli është nga ata lojtarë që ndëshkohet shpesh me të verdhë, por mbrojtësi këmbëngul se nëse do kishte VAR gjërat do ishin ndryshe. “Në kampionat i marr pak më lehtë kartonët, sepse arbitrat duken paksa të tensionuar nga ndërhyrjet e mia. Besoj se VAR mund të më ndihmojë mua, sepse unë së pari jam një luftëtar. Jam ky që jam”, përfundon Ismajli.

Kombëtarja U20 e Shqipërisë në Volejboll ka fituar ndeshjen përcaktuese për vendin e tretë në turneun “Kampionati Ballkanik”. Kuqezinjtë mundën Serbinë 3 – 2 (22 – 25, 25 – 20, 23 – 26, 25 – 14, 15 – 5) në ndeshjen e zhvilluar në sallën e lojërave “Feti Borova”.

Shqipëria e nisi mirë turneun duke fituar të tri ndeshjet e fazës së grupeve ndaj Kosovës, por në gjysmëfinale kuqezinjtë u ndalën nga Mali i Zi. Turneu “Kampionati Ballkanik” u zhvillua në Tiranë në datat 24 – 28 qershor dhe në të morën pjesë tetë skuadra nga Ballkani.

Forma e mirë tërhoqi vëmendjen e Evertonit. Klubi anglez pagoi 4 milionë euro për kartonin e talentit, ndërsa Tarashaj përfitoi kontratën e jetës, katër vite me pagë 1 milionë euro në sezon. Firma me anglezët tërheq vëmendjen e trajnerit të përfaqësueses helvete, Vladimir Petkoviç, i cili e mori në Europianin e zhvilluar asokohe në Francë. Vetëm një aktivizim, jo më shumë se katër minuta. Aq mjaftuan që tani e tutje të jetë përjetë i Zvicrës.

Në tri sezonet e mëpasshme Tarashaj gjërat s’mund të shkonin më keq për. Në tri vite sulmuesi është aktivizuar vetëm 534 minuta, ndërsa kombëtarja zvicerane me të drejtë e ka harruar, kujtimi i vetëm është ai katër minutësh ndaj Rumanisë në Europian. Dëmtimet nuk e kanë lënë të qetë në asnjë moment. Sezonin e fundit u rikthye aty ku shkëlqeu, te Grasshopers, por historia nuk pati një fund të lumtur, teksa në një vit u aktivizua në 9 takime, të gjitha nga stoli. Edhe pse 24 vjeç, karriera e Tarashajt është vënë në udhëkryq.

Në një intervistë për “Sportbuzzer”, 21-vjeçari flet mbi ish-trajnerin Bruno Labadia dhe faktin që nuk mori një ftesë nga trajneri i Gjermanisë U21 Stefan Kunc për Europianin U21.

KOMBËTARJA GJERMANE – “Qëllimi im ka qenë gjithmonë që të isha pjesë e ekipit të parë të Volfsburgut. Besoj se kam arritur diçka të madhe dhe jam shumë krenar për këtë gjë. Shumë nga shokët e mi më kanë thënë se meritoja një ftesë për në kombëtaren U21, por nuk jam i mërzitur, i detyrohem shumë këtij kombi Nëse do të ndodhte do ishte diçka e mrekullueshme. Çdokush e ëndërron këtë. Shpresoj që skuadra U21 të vazhdojë kështu, jam i sigurt që do të arrijnë në finale.”.

ISH-TRAJNERI LABADIA – “Gjithmonë e kam vlerësuar besimin e madhe që trajneri Labadia pati tek unë. Kur më futi për herë të parë kundër Bajernit kisha shumë emocione, por më pas gjithçka u mësova dhe futesha i qetë në çdo ndeshje. Ai më inkurajonte që gjuaja shpesh portën, jam bërë një lojtar më sulmues falë tij”.

“Mezi po pres të luaj në Europa League. Dua ta provoj veten kundër klubeve të mëdha si Mançester Junajtid dhe Roma. Skuadra është në formë të shkëlqyer, sezonin e kaluar ishim ekipi që vrapuam më shumë”, përfundoi Rexhbecaj.

“Bëjnë një futboll shumë atraktiv, por unë do doja të flisja për mënyrën se si Kosova ka ardhur në këtë situatë ku mund t’i afrohet kualifikimit. Kanë përpara skuadra të forta, Çekia është një skuadër që do të kërkojë më shumë forcë se Bullgaria dhe Mali i Zi”.

“Diçka shumë e rëndësishme është entuziazmi që  kjo skuadër ka, kombëtarja shqiptare e ka humbur këtë gjë. Kosova ka një repart sulmues shumë të fortë, por kanë disa probleme mbrapa dhe në mesfushë. Megjithatë entuziazmi i skuadrës dhe i publikut e shtyn skuadrën të luajë aty ku ka pikën më të fortë”.

“Në ndeshjen me Bullgarinë kishin të dëmtuar 3 mesfushorët titullarë që kanë luajtur në të gjithë ndeshjet e tjera, Kryeziu, Berisha dhe Shala. Të gjithë lojtarët e tyre kanë bërë hapa cilësorë në karrierën e tyre në klube. Muriqi për shembull nga një lojtar në normal në një klub të vogël turk është kthyer në një lojtar që po kërkohet nga klube të mëdha. Në kualifikueset e kaluara Rrahmani nuk ishte titullar te Dinamo e Zagrebit, ndërsa Rashica nuk u përshtat mirë në fillimet e tij në Gjermani”

“Unë nuk mendoj se ka diferenca të mëdha në cilësi lojtarësh, por ne na mungon entuziazmi çfarë është kryesorja. Dakord, Rashicën s’mund ta krahasojmë më asnjë, por për të tjerët mundemi si për shembull Zenelin me Roshin”.

“Ne kemi probleme të tjera. Tani kemi arritur në një pikë ku i dimë të gjithë lojtarët e formacionit bazë, madje edhe zëvendësimet. Te Shqipëria nuk grumbullojmë lojtarë që duhet të jenë pjesë e kombëtares si Rei Manaj, Endri Çekiçi, Keidi Bare dhe Liridon Latifi”.

KEQKUPTIMET NË KOSOVË – “Po është e vërtetë, por këto janë punë e disa qarqeve të caktuara atje që unë s’kam dëshirë të merrem. Çdo gjë që them unë janë mendimet e mia subjektive”.

Islandezët janë ngjitur me 5 vende dhe tanimë renditen në vendin e 35-të. Dy pozicione ka ngjitur edhe Turqia, që pozicionohet e 37-ta. Moldavia renditet në vendin e 170-të, një pozicion më lart se muajin e shkuar. Andorra, nga ekipet e grupit tonë, ka zbritur pesë vende (139).

Kosova vazhdon ngjitjen. Barazimi me Malin e Zi dhe triumfi me Bullgarinë ka sjellë ngjitjen e gjashtë shkallëve në renditje. Dardanët tanimë pozicionohen në vendin e 121-të. Rritje më të madhe kanë pësuar Hungaria (42), Armenia (97) dhe Malajzia (159), që janë renditur 9 vende më lart. Austria (26) ka ngjitur 8 shkallë, kurse  Çekia (41) rivale e Kosovës, shtatë.

DHJETË MË TË MIRAT – Belgjika ruan kryesimin në renditjen e FIFA-s, ndërkohë e ndjekin Franca dhe Brazili. Në vendin e katërt është pozicionuar Anglia. Portugalia është ngjitur me dy pozicione, ashtu si Gjermani dhe Spanja. Kroacia ka zbritur në vendin e gjashtë, duke humbur një pozicion. Një vend më poshtë ka rënë edhe Zvicra.

Korçarit, edhe pse i është dashur të presë të veshë fanellën e kombëtares,  nuk i ka humbur besimi dhe ka vazhduar të punojë. “E kam pritur me padurim debutimin. Gjithsesi nuk e kam pasur problem. Edhe në të shkuarën me ekipet kam pasur durim, kam punuar. Më dha shansin trajneri. Shpresoj të shkoj mirë dhe të vazhdojmë kështu”.

Xhaka dhe Ndoj ishin në nxehje, por trajneri Edi Reja zgjodhi Qosen të zbriste në fushë. Edhe pse dy mesfushorët luajnë në klube më të rëndësishme, nuk u aktivizuan. Mesfushori, i pyetur nëse kjo ishte një shenjë e madhe besimi ndaj tij prej trajnerit, deklaroi: “Ndoshta është kështu. Trajneri në atë pjesë të lojës kishte nevojë për një lojtar me tipare mbrojtëse, prandaj më aktivizoi mua. Shpresoj që edhe unë të shkoj shumë shpejt në një kampionat më të fortë”.

E ARDHMJA – Qose ka bërë një sezon të mirë në Sllovaki, madje edhe duke shënuar shpesh. Në lidhje me të ardhmen ai tha: “Shpresoj të ndryshoj skuadër,  po pres menaxherin. Kam dy oferta, por nuk janë akoma zyrtare. Deri më tani ka vetëm bisedime, fjalë. Ende nuk është hapur merkatoja. Serie A, dëshira? Patjetër, por mendoj se është shumë e vështirë të kaloj aty nga kampionati sllovak. Ndoshta Serie B ose Kroaci, të shohim”.

Shkodrani, në deklaratën e dhënë për mediat pas ndeshjes së djeshme, u shfaq i kënaqur me paraqitjen e bërë nga kombëtarja jonë: “Është shumë gjë e bukur të fitosh duke luajtur mirë. Patëm shumë raste, thjesht nuk patëm fat që ta shënonim golin në pjesë të parë. Do vazhdojmë kështu dhe do kemi shumë raste golash, siç e patë edhe ndaj Moldavisë”.

Hysaj flet edhe për pozicionin e ri, ndërkohë që u jep një mesazh edhe atyre që mendojnë se ai di vetëm të mbrojë. “Ndihem shumë mirë, pasi jam duke u gjendur shumë mirë në rolin e ri. Po më pëlqen mënyra se si po kërkoj të shënoj, është diçka e bukur të kërkosh portën. Thjesht më duhet ca kohë të mësohem me ambientin e zonës së portës dhe shpresoj që të realizoj.

Mund të më ndihmojë edhe në Itali ky rol, në lidhje me identitetin tim. Njerëzit mendojnë se jam vetëm mbrojtës, por po tregoj në këto dy ndeshje që kam edhe fazën e sulmit”, u shpreh mbrojtësi i Napolit, i cili këtë verë mund të ndryshojë skuadër. Oferta nuk i kanë munguar, por ka kontratë me klubin italian deri në qershorin e vitit 2021.

BATUTA – Në Islandë Hysaj kishte një mundësi shënimi, por këmba e majtë nuk është më e mira për mbrojtësin. I ndodhi e njëjta gjë edhe me Moldavinë dhe gjuajtja e tij u ndal nga një mbrojtës. I pyetur se si ka mundësi që në rastet më të mira topi i del në këmbën e majtë, Hysaj shton: “(Qesh) Do e stërvit të majtën më shumë, çdo ditë. Mos ndoshta prej fushatës që keni bërë për të majtën ju del në atë krah topi? Jo, jo, unë nuk kam fushatë (qesh)”.

Direkt pas ndeshjes ai ka folur i emocionuar dhe dedikimet për golin e shënuar nuk munguan: “Nuk e gjuajta fanellën, ishte gëzim për mua. Ta fillosh me gol në kualifikuese për mua është ndjenjë e veçantë. Golin ia dedikoj familjes time, gjithë stafit, fansave dhe gjithë atyre që ishin prezent në stadium”.

NUMRI I ÇUDITSHËM – Ramadani e pranon vetë, numri 9 e ka befasuar. Magazinieri, Tosi, sa duket e ka ndjerë se mesfushori do shënonte. “(Qesh) U çudita kur e pashë,  besoj se Memushaj më solli fat. Ma dhanë këtë numër, sa duket e kishin menduar që do shënoja (qesh)”, shprehet Ramadani me buzën në gaz.

PARTIZANI – Gjatë kësaj periudhe është përfolur shumë për një kalim të mesfushorit te Partizani. Ramadani, pas ndeshjes pranoi se kishte pasur bisedime dhe tregon se ka edhe dy vite kontratë me danezët e Vejle BK. Kështu transferimi nuk është krejtësisht në dorën e tij, edhe pse një rikthim te Partizani ai nuk do ta konsideronte një hap prapa.

“Flet menaxheri im

për këto gjëra, nuk i diskutoj unë. Nuk ka pasur gjëra konkrete. Kanë biseduar me menaxherin tim dhe thjesht kanë qenë biseda. Nuk do ishte një hap prapa kthimi në Shqipëri, sepse Partizani luan në Champions League. Besoj se do të qëndroj në Danimarkë, por edhe mund të lëvizim. Të shohim se çfarë do të ndodhë. Kam edhe dy vite kontratë te Vejle BK”, përfundoi Ramadani.

VLADIMIR PRENGA

“I falënderoj të gjithë, trajnerin, lojtarët dhe publikun. As në ëndërr nuk e kisha menduar këtë gol.  Të jem i sinqertë nuk e prisja të isha në formacion. Sot në mëngjes trajneri më takoi dhe më tha: “A je gati? Gjithmonë gati i thashë”.

GOLI –“Nuk mendova për të gjuajtur topin. Thjesht e mora për ta lëvizur më pas pashë një hapësirë dhe provova goditjen”,

E ARDHMJA – “Për të ardhmen time mendon menaxheri im. Tani kam nevojë për pak pushime”.

NDESHJA – “Na duhej fitorja, na duhej më shumë besim dhe më pak frikë. E nisëm mirë, por nuk po dilte goli dhe rivali mori zemër. Lojtarët ishin pak të zhgënjyer nga ndeshja në Islandë dhe hyri pak frikë, sepse nëse nuk fitonim as sot bëhej shumë e vështirë”.

FORMACIONI – “Basha? Lojtarët janë të gjithë në dispozicion, sot provova disa lojtarë të tjerë, duhet t’i shoh të gjithë. Nuk mund të shpik për 15 ditë lojë dhe zgjidhje. Duhet qetësi, të rritemi dhe pastaj do të kemi kënaqësi të mëdha”.

SKEMA – “Për momentin zgjodhëm këtë skemë, por në pjesën e dytë luajtëm me 4 sulmues dhe gjithashtu kërkova më shumë ekuilibër. E vërtetë është që vuajtëm, por futbolli është vuajtje dhe na duhet shpirti i garës që treguam sot”.

KUNDËRSHTARI – “E njihja Moldavinë, është skuadër që zhbalancohet në sulm dhe lë hapësira, por në nuk i shfrytëzuam. Kur gabon aq shumë në sulm, është normale të vuash. Në pjesën e dytë bëmë ndërrime dhe Roshi dhe Cikalleshi ndryshuan shumë gjëra, Cikalleshi luftoi si luan dhe i dha frymëmarrje lojës”.

SULMI – “Uzuni është lojtar që luan mes linjave, i jep shumë lëvizje ekipit dhe lidh mesfushën me sulmin duke krijuar hapësira. Problemi është se patëm pak depërtime nga mesfushorët, ishim më mirë në Islandë”.

Ndeshja nisi shumë më mirë për Shqipërinë, që e dominoi të gjithë pjesën e parë. Hysaj dhe Sadiku kishin raste të mira, si dhe një penallti që nuk u akordua në favor tanëve. Pjesa e parë u mbyll pa gola.

Pjesa e dytë nisi me të njëjtin ritëm, me Shqipërinë që kërkoi në çdo sekondë golin. Edi Reja bëri zëvendësimet e duhura, duke aktivizuar Cikalleshin dhe Roshin. Ishin pikërisht këto dy futbollistë që kombinuan me njëri-tjetrin, duke shënuar golin e pare të sfidës.

Në minutat e fundit, Ramadani do të shënonte golin e dytë për kuqezinjtë tanë, pasi mposht portierin moldav me një goditje nga jashtë zone, duke hipotekuar fitoren e Shqipërisë.

EURO 2020, kualifikuese
“Elbasan Arena”, Elbasan

Shqipëri – Moldavi 2-0
Cikalleshi 66′, Ramadani 90+2′

Shqipëri: Berisha, Hysaj, Ismajli, Mavraj, Veseli, Lenjani (Roshi 58′), Ramadani, Kaçe (Qose 83′), Abrashi, Sadiku (Cikalleshi 58′, Uzuni. Trajner: Edi Reja

Moldavi: Koshele, Jardan (Graur 76′), Efros, Armash, Cebotaru, Carp, Antoniuc, Reabciuk, Suvorov (Cociuc 74′), Damashcan (Boiciuc 70′), Ginsari. Trajner: Aleksandru Spiridon

Kartonë të verdhë: Ramadani 90+3′ / Armash 56’, Karp 76′

EPISODET –

90+’ – Mbyllet sfida në “Elbasan Arena”, Shqipëria mposht pastër Moldavinë 2-0.

90+2’ – Goooool!! Shënojnë sërish kuqezinjtë tanë, kësaj radhe me anë të Ramadanit. Mesfushori bën gjithçka mirë dhe shënon një supergol, duke mbyllur historinë e takimit.

83’ – Reja kryen dhe zëvendësimin e fundit. Kaçe largohet nga fusha e blertë, në vend të tij Kristi Qose

79’ – Kërcënojnë moldavët, por tentativa e sulmuesit Ginsari me kokë shkon mbi tra

66’ – Goooool!! Shënon Shqipëria. Sokol Cikalleshi merr një pasim të shkëlqyer nga Odise Roshi dhe gjen rrjetën, duke kaluar kuqezinjtë në avantazh. Zëvendësimet e Rejës janë të arta

58’ – Dy ndryshime nga Edi Reja. Sadiku i bën vend Cikalleshit, ndërsa Roshi aktivizohet në vend të Lenjanit

53’ – Një aksion i gjatë i Shqipërisë përfundon te këmbët e Sadikut në hyrje të zonës, por gjuajtja e numrit 10 bllokohet

46’ – Fillon pjesa e dytë, Shqipëria në kërkim të golit

45’ – Mbyllet pjesa e parë në “Elbasan Arena”. Kuqezinjtë tanë dominuan gjithë fraksionin e parë të lojës, por goli mungoi.

31’ – Shqipëria pretendon për penallti. Gjuajtja e Armando Sadikut me kokë ndalet nga mbrojtësi moldav me dorë, por gjyqtari nuk akordon penallti. Rast i dyshimtë

23’ – Armando Sadiku godet befasishëm nga jashtë zone dhe topi po i drejtohej cepit të portës. Portieri moldav arrin të grushtojë, duke i mohuar golin kuqezinjve tanë

9’ – Shans ideal për Elseid Hysaj. Mbrojtësi gjen mirë hapësirë brenda zonës dhe mundohet të shënojë nga një krosim i Lenjanit, por tregohet i pasaktë.

3’ – Mundësi e mirë për kuqezinjtë tanë. Hysaj del i lirë nga e djathta dhe kroson në qendër, aty ku kërcen Uzuni, por tentativa e sulmuesit me kokë shkon mbi tra

1’ – Fillon takimi në “Elbasan Arena”

“Po, është hera e parë live këtu në stadium që ndjek Taulantin dhe ekipin e Shqipërisë. Krenar, jam tepër krenar për Kosovën, por dhe për Shqipërinë. Dje nuk e kishin të lehtë, por bënë një ndeshje të madhe dhe jam shumë krenar për ta.

E dimë se Shqipëria nuk po kalon një fazë të mirë, por shpresoj që sot të marrin një fitore. Unë mbrëmë mbarova stërvitjet, udhëtova sot në mëngjes për në Prishtinë. Erdha me familjarët e mi që të shikoj kombëtaren e Shqipërisë. Do të rri dhe një javë në Prishtinë dhe pastaj do të rikthehem në Angli.

Kosova ka një skuadër shumë të bukur, shumë të mirë. Kanë marrë shumë fitore dhe ishalla vazhdojnë kështu, siç luajtën mbrëmë. Taulanti ka dhe dy vite kontratë me Bazelin, nuk e dimë çfarë do të ndodhë me të ardhmen e tij. Ai është i lumtur me Bazelin, por do të shohim çfarë do të ndodhë.

Pas një humbje me Islandën, shpresoj që Shqipëria të rikthehet te fitoja, të bëjë një lojë të bukur dhe të marrë tri pikët”, u shpreh Xhaka.

Mihaj zhvilloi një sezon të kënaqshëm në kampionatin grek me Panetolikos, ndërsa tashmë po përgatitet për një kalim në një klub më të madh. Teksa sezoni ka përfunduar, 20-vjeçari i Kombëtares, merr një vlerësim nga francezët e “Foot Mercato“, të cilët kanë zgjedhur formacionin më të mirë me talentet nga Europa Lindore.

Mihaj është në qendër së bashku me talentin e Partizanit të Beogradit, Markoviç. Në fjalët që thuhen për Mihajn, spikat krahasimi me Lorik Canën, të cilët francezët e njohin shumë mirë. Gjithashtu shkruhet se tashmë mbrojtësi është gati për kalimin në një klub të madh.

Që nga tërheqja e Lorik Canës, Shqipëria nuk ka arritur të gjejë një lojtar të afrë për të ”dirigjuar“ prapavijën. Duke parë sezonin e fundit, Enea Mihaj duket lojtari që mund ta zërë vendin e Canës. I lindur në Greqi dhe aktualisht tek ekipi i Panetolikos, qendërmbrojtësi ka zhvilluar sezonin e tij të dytë si profesionist. Përveç një dëmtimi që e mbajti jashtë për disa kohë, ai ka treguar një ekuilibër të vërtetë në mbrojtje. Ndërhyrje të pastra, i fort në duele, çdo ndeshje e më shumë konfirmon potencialin e tij. Tashmë, Mihaj duket gati për kapërcimin e madh, me ekipe si Benfika, Napoli apo Leh Poznan që interesohen për të. Gjithashtu, ai ka bërë dhe debutimin me Kombëtaren e Shqipërisë.

Dy vite më vonë situata është krejt ndryshe. “Nations League” ka fituar zemrat e të gjithëve, sidomos në Portugali, shtet ky që u shpall fituesi i parë i këtij turneu.

Te ardhurat që UEFA shpërndan për këtë turne nuk janë të pakta sidomos për federatat relativisht të vogla si ajo e Shqipërisë dhe Kosovës. Federata Shqiptare ka arkëtuar 1.125 milionë euro për pjesëmarrjen e saj në Ligën C, ndërsa Kosova ka arkëtuar 1.5 milionë euro, 750 mijë për pjesëmarrjen në Ligën D dhe 750 mijë të tjera për kryesimin e grupit.

Portugalia fituese ka arkëtuar shifrën rekord prej 10 milionë eurosh, ndërsa finalistët e Holandës kthehen në shtëpi me 9 milionë euro. Anglia dhe Zvicra kanë marrë nga 8 dhe 7 milionë euro.

“Na mungoi finalizimi me Islandën. Mesfusha ishte e duhura, bëmë ndeshje të bukur, ata na erdhën vetëm një herë në portë. Kemi edhe 24 orë për të vendosur. Mund të ketë 3-4 ndryshime, mesfushorët janë të lodhur goxha. Do flas me lojtarët përpara dhe t’u them se kush do të luajë. Nuk e them formacionin këtu”.

“Skema 3-5-2, i ka Shqipëria lojtarët e duhur? Po, i ka. Na duhet një ekuilibër në mbrojtje. Na duhen disa mesfushorë të mirë. Siç u pa në ndeshjen me Islandën, Hysaj bëri mirë nga e djathta”.

“Sadiku e Uzuni janë gati dhe presin shansin e tyre. Do vlerësojmë gjendjen e çdo lojtari. Sadiku është një lojtar që ka një marrëdhënie të mirë me golin. Mbrojtësit kanë bërë mirë, do ketë 3-4 ndryshime”.

“Kundërshtari? Nuk ka skuadra të lehta më në futboll. Duhet të luajmë me personalitet dhe përqendrim. Superioriteti tregohet në fushë, duke luajtur fort, duke treguar grintë”.

“Sëmundja e golave të pësuar? Në Islandë zotëruam lojën, na shënuan me një rast. Tani po fillojmë të kemi një skuadër, do shohim më tej”.

“Do luftohet për vendin e tretë? Shoh shtëpinë time, jo Turqinë dhe Francën. Kam shumë besim te skuadra ime. Duhet të vazhdojmë në këtë rrugë. Pres qe njerëzit të na mbështesin. Objektivi ynë është të bëjmë më të mirën. Ka edhe shumë ndeshje, skuadra do përmirësohet. Me rëndësi të futemi në fushë për të fituar dhe të dalim kryelartë”.

“Fitorja, detyrim, a rëndon psikologjikisht? Kemi nevojë të bëjmë një paraqitje të mirë dhe të fitojmë. Nëse ndodh kjo, do ishte super në aspektin moral. Fitorja na ndihmon shumë për të vazhduar në rrugën e duhur”.

“Hera e parë si trajner kombëtareje? Është ndryshe, këtu nuk ke shumë kohë. Në vetëm një javë duhet të bësh gati një ndeshje në mënyrën perfekte. Lojtarët kanë treguar që mund ta asimilojnë shpejt mënyrën tonë të lojës. Lojtarët luajnë jashtë, në Itali, Zvicër e Kroaci. Një problem është fakti që lojtarët luajnë në kampionate të ndryshme. Gjithsesi futbolli është unik”.

“Kapiteni? Ky nuk është problem. Mavraj është kapiteni kur luan, nëse jo është Hysaj. Kjo është zgjedhja përfundimtare”.

Shkodrani i Napolit do të jetë sërish kapiten në mungesë të Mërgim Mavrajt. Hysaj flet për rolin e ri, analizon kundërshtarin dhe tregon mënyrën e duhur se si shkohet te tre pikët.

POZICIONI – “Është një rol i ri, por nuk e kam problem. Duhet të bëj më të mirën. Nuk prisja ta bëja aq mirë.”

KUALIFIKIMI – “Duhet të luajmë për rritjen e kombëtares, trajneri është i ri. E nisim nga zero për të ndërtuar një skuadër si dikur. Duhet koha e duhur që të punojmë.”

SHIRITI – “Kjo është zgjedhje e trajnerit. Jam gjithmonë i kënaqur të mbaj shiritin. Nuk është gjëja më e rëndësishme. Është një ëndërr që po më realizohet. Kushdo dëshiron ta mbajë shiritin e kapitenit.”

FINALIZIMI – “Duhet të ishim më konkrete në konkretizimin e aksioneve. Nëse do ndodhte, atëherë mund të fitonim me Islandën. Nuk besoj se kemi luajtur me top të gjatë. Kemi dashur të shkojmë të porta kundërshtare për të shënuar”.

TIFOZËT – “Jemi një skuadër që luajmë për kombin tonë, ata na kanë dhënë zemër. Sa më shumë tifozë të kemi, aq më shumë marrim zemër. Tani do vazhdojnë të vijnë, pasi po rritemi në lojë gradualisht.”

MOLDAVIA – “Do e mendojë edhe trajneri se çfarë duhet të bëjmë më shumë. Pjesa e finalizimit duhet të rregullohet, si dhe t’u shërbejmë sulmuesve. Besoj se do t’ia dalim të fitojmë.”

17-vjeçari shënoi fillimisht në minutën e 48’, duke zhbllokuar sfidën. Më pas, në minutën e 60’, Broja shënon sërish, duke dyfishuar avantazhin e kuqezinjve tanë. Uellsi do të shkurtonte diferencat në minutën e 80’ me anë të Pjuh, por Shpresat ia dolën që të ruanin rezultatin deri në fund dhe të merrnin fitoren në këtë miqësore.

Miqësore, U-21

Shqipëri – Uells  2-1
Broja 48’ 60’ / Pjuh 80’

GOLI –  “Kaloi 3-4 lojtarë, mund të evitohej, ishte meritë e tij. Ndoshta duhet të bënim një faull jashtë rregullave të “Fair-Play”. Bëri lëvizje shumë të bukur. Moduli? Kemi shkuar mirë, pati mirëkuptim me skemën e re. Është fillimi dhe mundtë përmirësohemi.  Tërheqja e mbrojtjes? E bëmë diçka të tillë se ata u vunë në kundërsulm”.

E ardhmja? “Kam edhe dy vite kontratë me Empolin. Shpresoj që nëse vjen ndonjë ofertë më e mirë, në Serie A apo ndonjë kampionat tjetër i rëndësishëm, do kisha bërë një ndryshim për më mirë”.

RIKTHIMI – “Shiko, sot më ka mërzitur rezultati, pasi me lojën që zhvilluam, mund të arrinim diçka më të mirë. Për mua, që të rikthehem në kombëtare dhe të jap kontributin tim, është nder. Me sistemin e ri, me partner në sulm (Balajn), bëjmë shumë mirë. Më vjen keq që nuk shënuam as unë as Balaj. Jemi të mërzitur nga rezultati”.

LOJA – “I kisha si detyrë rikthimet në mbrojtje, pasi kundështari i përdor shumë mirë rivëniet anësore. Ia dola në pjesën e parë, por harxhuam shumë energji. I patëm rastet për të shënuar, kishte dhe një episod për penalltinë që pretenduam. Në pjesën e dytë, nuk kishim shumë forca për të dalë në sulm. Pjesën e parë, kishim erën në favor, por nuk e shfrytëzuam. Në pjesën e dytë, ishte më vështirë. Edhe goli që pësuam, na uli disi vetëbesimin, moralin. Gjithsesi, nuk dorëzohemi, vazhdojmë. Me trajnerin e ri dhe me skemën që përdorëm, treguam që dimë të luajmë. Nuk është më ajo Shqipëria që vetëm mbrohet. Nuk e pranoj dot këtë rezultat.

MOLDAVIA – “Me Moldavinë, do të jetë ndeshje ndryshe, pasi kundërshtarët nuk janë të njëjtë. Islanda ishte shumë e fortë fizikisht. Luftuam me ta për çdo top, nuk pësuam nga goditjet standarte. Me Moldavinë, duhet të arrijmë me doemos fitoren, por nuk duhet të flasim këtu, por të bëjmë një ndeshje shumë të mirë në fushën e lojës”, përfundoi sulmuesi kavajas.

“Ne kemi detyra që i kemi punuar gjithë javën dhe duhet të jemi rigorozë. Një goditje në fund të pjesës së p arë mund ta gjuanim ose Bekimi, por donte ta godiste Lenjani. Nëse shënonim gjërat do ishin ndryshe. Jam i mendimit, që edhe pse bëmë një pjesë të parë të mirë, më vjen keq për rezultatin”, shtoi Cikalleshi per Supersport.

“Goli i pësuar? Ishte gabim i joni, jemi 4 kundër 1, ose pesë. Është e pamundur që një të na kalojë pesë vetëve. Duhet ta korrigjojmë diçka tillë, ndryshe nuk ecët më përpara. Ata vetëm dy raste patën”.

“Sistemi? Jam ndjerë mirë në rolin ku isha. Besimin e kam për të shkuar përpara. Do shohim disa gjëra të vogla”, tha Hysaj, i cili më pas foli edhe për RTSH. “Na vjen shumë keq që e humbën ne ndeshjen, pasi luajtëm shumë mirë. Më vjen keq dhe për trajnerin, pasi ka punuar shumë këtë javë.

Më vjen shumë keq. Rasti më erdhi te këmba e gabuar, por dhe portieri pati merita. Po e kërkoj golin e parë, por nuk po vjen. Besoj se duhet të vazhdojmë me vetëdijen që jemi të fortë. Të vazhdojmë kështu dhe pastaj do të bëjmë llogaritë”, u shpreh shkodrani.

Islandë më të dobët Shqipëria nuk mund të gjejë në një moment tjetër. Statistikat flasin vetë, teksa në 17 ndeshjet e fundit kanë fituar vetëm një herë. Tashmë u shtohet edhe një triumf tjetër në shifrat e tyre. Vendasit fituan dhe e bënë diçka të tillë edhe pa luajtur më mirë se ne, pavarësisht se duhet thënë se në disa momente ishin të rrezikshëm.

Freskia e tyre fizike u shërbyer për të ndërprerë shumicën e aksioneve tona dhe duke na mbajtur larg portës. Ia arritën qëllimit dhe në fund iu gëzuan tre pikëve, kurse Shqipëria duhet të mendojë për ndeshjen e radhës, atë me Moldavinë në Elbasan.

EUROPEAN QUALIFIERS 2020 – GRUPI H
E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

ISLANDË-SHQIPËRI 1-0
Shënues: Gudmundson 22′

ISLANDA: Halldorsson, Hermannsson, Arnason, R. Sigurdsson, Skulason, Gudmundsson (Traustason 56′), Gunnarsson, Bjarnason, Sigurjonsson, G. Sigurdsson, Kjartansson

SHQIPËRIA: Berisha – Ismajli, Dermaku, Veseli – Hysaj, Xhaka (Ndoj 72′), Basha (Kaçe 67′), Abrashi, Lenjani – Balaj, Cikalleshi (Sadiku 80′). Trajner: Edi Reja

Gjyqtarë: Bobby Madden (SCO), Douglas Ross (SCO), David Roome (SCO), Donald Robertson (SCO)

EPISODET

94′ – Berisha shpëtoi Shqipërinë nga një gol tjetër, pasi devijoi gjuajtjen e Sigurdson në dy kohë.

82′ – Ndoj, në hyrje të zonës, provon me një goditje të fortë. Topi i goditur prej mesfushorit të Breshias shkoi pak mbi traun e portës.

80′ – Armando Sadiku ishte lëvizja e fundit e trajneri Edi Reja, i cili nxori nga fusha sulmuesin Sokol Cikalleshi.

67′ – Migjen Basha lë fushën e lojës dhe në vend të tij aktivizohet mesfushori Ergys Kaçe. Reja do më shumë fantazi dhe freski.

66′ –  Arnason mund ta ndëshkonte Shqipërinë pas një krosi në që anësori e arrin dhe e devijon jashtë porte.

45-60′ Shqipëria është më kërkuese, por i mungon qartësia për të shkuar te porta e Islandës. Vendasit janë agresivë dhe ndërpresin shumicën e aksioneve

PUSHIMI I NDESHJES – Humbasim me rezultat, por jo me lojë. Kuqezinjtë kanë luajtur shumë mirë, kanë qenë të barabartë në zotërim topi e kanë tentuar më shumë goditje drejt portës, por falëm një gol në mënyrë naive dhe në fund arbitri nuk pa një penallti në favorin tonë.

45′ – Shqipëria proteston për një penallti, me pretendimin se lojtari i Islandës prek një top me dorë në zonë. Pamjet tregojnë që ka një përkulje të mbrojtësit islandez, duke penallti e qartë, por arbitri ishte shumë pranë dhe nuk e ndali lojën, mes protestave të lojtarëve tanë.

28′ goditje këndi e krosuar në zonë nga Lenjani, topi mbetet në zonë dhe Dermaku gjuan drejt portës. Topi shkon pak mbi traun e portës.

22′ GOOOL Gudmundson “hedh valle” në zonën e kombëtares shqiptare dhe më pas mposht edhe portierin Etrit Berisha

4′ – Shqipëria i afrohet golit me anë të mbrojtësit Elseid Hysaj, i cili me të majtën goditi në kuadrat dhe portieri vendas shmangu golin.

]]> https://sportekspres.com/video-shqiperi-bujare-islanda-i-prish-debutimin-rejes/feed/ 0 https://sportekspres.com/shqiperi-me-shume-muskuj-reja-zgjedh-formacionin/ https://sportekspres.com/shqiperi-me-shume-muskuj-reja-zgjedh-formacionin/#respond Sat, 08 Jun 2019 11:43:47 +0000 http://sportekspres.com/?p=271872 Edi Reja është gati të debutojë në krye të Shqipërisë, teksa prej orës 15:00 kuqezinjtë përballen me Islandën. Tekniku italian ka përzgjedhur edhe formacionin dhe Berisha do të mbrojë katërkëndëshin, kurse në qendër të mbrojtjes risia është Dermaku. Krah tij do të aktivizohen Ismajli dhe Veseli., kurse Hysaj dhe Lenjani luajnë nga krahët.

Në mesfushë “truri” do të jetë Migjen Basha, kurse krah tij janë përzgjedhur Taulant Xhaka dhe Amir Abrashi. Në sulm do të kemi një dyshë të gjatë, Balaj-Cikalleshi. Një zgjedhje e bërë edhe për aspektin mbrojtës, pasi të dy këta lojtarë në goditjet standarde do të duhet të ndihmojnë skuadrën me shtatlartësinë e tyre. Edhe Islanda ka përcaktuar formacionin e saj.

EUROPEAN QUALIFIERS 2020– GRUPI H

E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

ISLANDA: Halldorsson, Hermannsson, Arnason, R. Sigurdsson, Skulason, Gudmundsson, Gunnarsson, Bjarnason, Sigurjonsson, G. Sigurdsson, Kjartansson

SHQIPËRIA: Berisha – Ismajli, Dermaku, Veseli – Hysaj, Xhaka, Basha, Abrashi, Lenjani – Balaj, Cikalleshi. Trajner: Edi Reja

Gjyqtarë: Bobby Madden (SCO), Douglas Ross (SCO), David Roome (SCO), Donald Robertson (SCO)

Sot është me shumë rëndësi që kuqezinjtë të mos mposhten. Reja ka bërë gati kurthin, teksa në fushë do të zbresë një formacion me 5 mbrojtës. Edhe pse thuhet që do të luajmë me modulin 3-5-2, dy anësorët janë Aliji dhe Hysaj, mbrojtës tipikë.

Për të mbetur te formacioni, Berisha do të mbrojë katërkëndëshin, kurse në qendër të mbrojtjes risia është Dermaku. Krah tij do të aktivizohen Ismajli dhe Veseli. Në mesfushë “truri” do të jetë Migjen Basha, kurse krah tij priten Taulant Xhaka dhe Ergys Kaçe.

Në sulm do të kemi një dyshë të gjatë, Balaj-Cikalleshi. Një zgjedhje e bërë edhe për aspektin mbrojtës, pasi të dy këta lojtarë në goditjet standarde do të duhet të ndihmojnë skuadrën me shtatlartësinë e tyre.

EUROPEAN QUALIFIERS 2020– GRUPI H

E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

SHQIPËRIA: Berisha – Ismajli, Dermaku, Veseli – Hysaj, Xhaka, Basha, Kaçe, Aliji – Balaj, Cikalleshi. Trajner: Edi Reja

Dueli nis në orën 15:00 dhe 73-vjeçari është gati. Gjatë gjithë karrierës së tij të gjatë ka drejtuar vetëm klube, ndërsa nesër do të tentojë ta nisë mbarë aventurën me shqiponjat kuqezi dhe t’i dhurojë një rezultat pozitiv tifozëve shqiptarë. Trajneri ka dalë në konferencë bashkë me Elseid Hysajn, i cili do të mbajë shiritin e kapitenit në sfidën kundër ekipit viking.

“Në fushë gjatë stërvitjeve u kam dhënë filozofinë lojtarëve dhe e kanë zbatuar disi. 15 ditë nuk janë shumë, por jam munduar të shoh edhe aftësitë individuale të lojtarëve. Është me rëndësi të marrim rezultat, pasi do u jepte besim lojtarëve se sistemi po funksionon dhe mundi nuk u ka shkuar dëm”.

“Pres nga ekipi të jetë i organizuar dhe i ekuilibruar, të përfshihen të gjitha repartet. Duhet të jemi të suksesshëm edhe në finalizim. Nuk do të rrimë prapa. Do shohim nëse kjo punë e bërë do jetë e suksesshme”.

“Mënyra e lojës? Filozofia është të luajmë futboll, jo të mendojmë të futemi në fushë për të marrë një pikë. Ata kanë lojtarë të rëndësishëm, sidomos në goditjet standarde. Duhet të bëjmë presion para se të vijnë në fushën tonë. Do mundohen të na rrezikojnë me topat  futur në zonë. Do më pëlqente që skuadra të futet në fushë me bindjen për të fituar. Formacioni? Nuk ua kam treguar as lojtarëve. Nesër do e merrni vesh”.

“Kundërshtari? I gjithë grupi i Islandës është i mirë, janë një ekip i organizuar. Sigurdgson është një lojtar shumë i mirë, me vlera teknike të larta.  Edhe anësorët e tyre punojnë mirë, por edhe ne kemi lojtarë me vlera. Do mundohemi të mos i lëmë të luajmë, ne do bëjmë pjesën tonë. Janë të rrezikshëm po nuk i penguam në manovrat e tyre”.

“Çështja Grezda? Nuk ka një çështje, nuk është për këto dy ndeshje. Ai e mori këtë vendim dhe përgjegjësia është e tij. Ne e kemi në plane. Për këto dy ndeshje ai vendosi të mënjanohej. Do ulemi sërish të diskutojmë dhe të rivendosim një raport. Ai është shprehur dhe nuk besoj se mund të jem unë pjesë e këtij diskutimi. Ndeshja e nesërme është më e rëndësishme. Më mirë të flasim për grupin, jo për individët. Interpretimi mund të jetë ndryshe, të gjithë lojtarët janë të vlefshëm dhe nuk janë të pazëvendësueshëm”.

Mbrojtësi i djathtë prek disa tema gjatë prononcimit të tij, edhe pse fokusimi i madh mbetet tek arritja e një rezultati pozitiv në Rejkjavik.

GJENDJA – “Jemi të gjithë gati, pasi kemi pasur kohë për t’u përgatitur të gjithë së bashku. Në sistemin 3-5-2 do të jem në krah. Vendos trajneri, por unë jam gati të bëj më të mirën.”

E ARDHMJA – “Zërat e merkatos nuk më shqetësojnë, kam edhe dy vite kontratë. Tani po mendoj për kombëtaren dhe më pas do pushoj.”

KUNDËRSHTARI – “Islanda është ekip i fortë, kanë lojtarë të mirë dhe luajnë në ekipe të forta. Nuk duhet nënvlerësim dhe duhet shumë kujdes. Trajneri na ka treguar taktikat dhe besoj se do arrijmë të bëjmë ndonjë gjë të mirë në fushë.

Nuk është si në Europian, ku ata treguan potencialin e tyre. Tani u ka ardhur ajo faza e keqe, si ne. Ardhja e Rejës na ka sjellë entuziazëm, na ka bërë të ndihemi se jemi më të fortë se sa na bënte të besonim trajneri mëparshëm.”

MIQËSORE

Shqipëri 4 – 1 Kosova
Shënues: Muçi 23’ (pen), 56’, Broja 40’, 65’ / Bytyqi 48’

Miqësorja tjetër e zhvilluar në Ohër midis skuadrave U17 të Shqipërisë dhe Maqedonisë së Veriut është mbyllur me fitoren 1 – 0 të ekipit vendas. Më 7 qershor ky takim do të përsëritet në stadiumin “Skënderbeu Korçë

SISTEMI I EDI REJËS – “Kemi punuar shumë mirë këto dy javë. I gjithë ekipi është i përqendruar te puna. Besoj se me trajnerin e ri dhe sistemin e ri që do të përdorim do marrim rezultate të mira. Sistemi me tre mbrojtës do japë pak më shumë siguri në mbrojtje, por kërkon komunikim më të mirë midis lojtarëve, pa të do kemi shumë probleme. Kemi tre javë që punojmë me këtë sistem dhe besoj se të gjithë lojtarët e dinë se ç’duhet të bëjnë në këtë sistem”.

“Të gjithë lojtarët e kombëtares janë gati. Duhet të presim momentin kur të na jepet mundësia dhe të japim 100%. Kur të jetë radha ime të futem do të jap 100% të ndihmoj kombëtaren”.

E ARDHMJA – “Kam pasur oferta nga dy ekipe në Itali dhe një nga Holanda, ndërsa dy klube gjermane kanë shfaqur interes, por prej tyre nuk ka oferta. Më duhet të pres, nëse do vazhdoj në Greqi ose do të largohem nuk është në dorën time. Klubi do shqyrtojë ofertat”.

Sezoni i mirë i mëngjarashit ka shkaktuar që vlera e tij në sajtin e njohur “transfermarkt” të pësojë një rritje prej 129%. Nga 3.5 milionë euro vlera e Rexhbeçajt ka shkuar në 8 milionë euro. Asnjë prej lojtarëve të Volfsburg nuk ka pësuar një rritje kaq të madhe.

Djaloshi nga Prizreni është ende i pavendosur për zgjedhjen në arenën ndërkombëtare. Kontaktet nga përfaqësueses të Federatave të Shqipërisë dhe Kosovës nuk kanë munguar, por 21-vjeçari e ka shprehur hapur se për momentin po pret për një ftesë nga kombëtarja gjermane.

https://www.youtube.com/watch?v=ifBU2Vn1ydo

EDI REJA – “Trajneri i ri më duket shumë mirë, kemi bërë stërvitje me intensitet. Atmosfera me lojtarët dhe stafin është shumë mirë. Një gjë e tillë mungonte prej kohësh”.

PRAPAVIJA – “Nuk kam përgjigje, nuk e di pse ishte ashtu. Ne mundohemi të japim maksimumin, pavarësisht trajnerit ne luajmë për kombin tonë. Ka ndeshje që nuk luajmë mirë, por jemi të gjithë fajtorë, shpresoj në ndeshjen e radhës të përmirësohemi”.

FORCA – “Forca jonë është të luajmë me zemër, me mbrojtje të mirë dhe trajneri i ri na ka dhënë disa gjëra ekstra. Do mundohemi të përcjellim ato çfarë do trajneri”.

28-vjeçari i Akhisarspor tregon emocionet e rikthimit, ka një koment për trajnerin e ri dhe analizon transfertën vikinge kundër Islandës.

“Të jesh është pjesë e Kombëtares është kënaqësi dhe kontributi për të është një nder. Kështu do jetë gjithnjë, ndjehemi mirë dhe po punojmë me intensitet të lartë. Me ardhjen e trajnerit të ri punojmë shumë mirë, uroj që këtë punë ta shfaqim në ndeshjen kundër Islandës.

Në dy grumbullimet e fundit kam qenë i dëmtuar, ftesa më ka ardhur, por kam qenë i dëmtuar. Tashmë jemi në kapitull të ri dhe është më mirë ta lëmë pas të shkuarën”.

“Duke iu referuar sistemit të ri, duket se sulmuesit janë më të avantazhuar për të luajtur. Nga katër që jemi luajnë dy, por nuk është përfundimtare. Nuk kemi probleme kush luan, kushdo që ka luajtur e kemi mbështetur. Kur ka luajtur Balaj, Sadiku apo Uzuni, kanë pasur mbështetje. Ajo që është më e rëndësishme, është që kjo harmoni e re që është krijuar do të na ndihmojë në ndeshjet e radhës. Edhe pse futbolli nuk është matematikë, por ndihet diçka e re, një fillimi i ri. Shpresoj ta konkretizojmë me Islandën dhe Moldavinë.

Unë kam shënuar 2 gola dhe shumë shtylla, por nuk kam ngelur asnjëherë i pakënaqur. Më kënaq rezultati, duke qenë se luajmë me dy sulmues, shanset janë më të mëdha për të shënuar. Qëllimi kryesor është rezultati pozitiv, pavarësisht kush shënon.”

TITULLI KAMPION – “Vuajtjet dhe sakrificat e gjithë vitit na u shpërblyen me fitoren e kampionatit në fund. Ishte një fund i lumtur, u gëzuam të gjithë”.

STËRVITJA  – “Në stërvitemi pothuajse çdo ditë. Një seancë zgjat diku te një orë o gjysmë ose dy orë. Pjesa tjetër është kohë e lirë. Po të kemi dëshirë mund të bëjmë stërvitje ekstra. Ndonjëherë trajneri vendos të na japë një ditë pushim pas një ndeshje”.

RËNDËSIA E REGJIMIT –“Nëse nuk mban regjim kjo gjë do të pasqyrohet menjëherë në paraqitjet në ndeshje ose stërvitje. Gjithçka është në dëmin tënd”.

HAPAT E PARË – “Futbollin e kam filluar shumë i vogël, diku te 8 vjeç. Babai më thoshte se do i hyja futbollit, pasi ai i kishte luajtur vetë, dhe ky sport do më bënte mirë për shëndetin. Më pas e kuptova se mund të shkoja më larg. Daja më bëri tifoz më Brazilin. Në përgjithësi më pëlqenin të gjithë brazilianët, veçanërisht Ronaldinjo. Më pas u dashurova me Ronaldon, jo me Mesin”.

A KA ZËNKA NË SKUADËR – “Të them drejtën këtë vit kemi pasur shumë harmoni në ekip. Normalisht nuk është e thënë të rrish me 25 çuna. Mund të kesh një grup djemsh që je më i afërt. Këtë vit ka pasur shumë harmoni, prandaj besoj arritëm te ky sukses. Futbolli i njeh acarimet. Janë gjëra që ndodhin në nerva e sipër, por shuhen aty menjëherë”.

E ARDHMJA – “Nuk e di të them të drejtën. Këtu te Partizani jam në huazim. Kam dhe një vit kontratë me Domzhalen në Slloveni. Tani do shoh sa të fillojë merkato. Partizani ka të drejtë të aplikojë të drejtën e blerjes së kartonit. Në rast se jo, atëherë do kthehem në Slloveni e do vazhdoj atje”.

KOMBËTARJA – “Është një ëndërr që e ka çdo shqiptar besoj, sidomos ne që jemi marrë përherë me futboll. Nuk ka arritje më të madhe se sa të luash në kombëtare”.

MIQËSIA ME LOJTARË TË KOMBËTARES – “Po Balajn e kam kushëri, ndërsa Roshin e njoh prej Bekimit. Jam shumë i afërt me ata, komunikoj shpesh. Kur kam qenë pjesë e moshave të Rijekës, ata ishin në ekip të parë dhe më kanë dhënë një ndihmë shumë të madhe. Kalonim çdo ditë bashkë. Më kanë këshilluar si të jem më i qetë dhe si të stërvitem më shumë”.

SKUADRA E ZEMRËS –  “Unë jam formuar si futbollist në Shkodër dhe normalisht kam qenë tifoz i Vllaznisë. Vitin e parë si profesionist e kam kaluar te Vllaznia. Është normale të jem tifoz me Vllazninë. Për Partizanin kam pasur gjithmonë simpati, pasi pavarësisht se ra në kategoritë më të ulëta, u ngrit prapë dhe doli kampion. Është krenari dhe nder për ne që e arritëm ta kthenim në majë të futbollit. Kështu bëjmë që moshat e reja te bëhen tifozë me Partizanin, pasi ka shumë me Tiranën”.

THUHET SE FUTBOLLISTËT JANË TIPA TË TURPSHËM? – “Varet, nuk janë të gjithë njësoj ka dhe tipa që s’i pushon goja. Unë ndoshta hyj më shumë te të turpshmit, por më mirë të them diku në mes”.

MESAZHI PËR TË RINJTË – “Do i thosha të rinjve që të besojnë në vetvete dhe me punë e përkushtim mund të arrijmë çdo gjë”.

Etrit Berisha, portieri i kombëtares shqiptare, thekson se kuqezinjve u duhet një shkëndijë. “Duhet të fokusohemi në përgatitjen e ndeshjeve dhe të mundohemi të marrim një rezultat pozitiv me Islandën. Ndoshta na duhet një shkëndijë e vogël, që të ëndërrojmë më shumë për një kualifikim të mundshëm në Europian. Nuk duhet të jemi euforikë, por as të kemi presion. Thjesht duhet të punojmë mirë për të përgatitur ndeshjen e radhës”, ka deklaruar futbollisti i Atalantës për Supersport.

TRAJNERI REJA – “Eksperienca e tij është jashtëzakonisht e madhe dhe kjo na duhet shumë. Kjo pasi kemi shumë lojtarë të rinj në grup, që kanë nevojë për përvojë. Reja e ka këtë përvojë dhe mundohet ta përcjellë te grupi, duke kërkuar të jemi kompaktë dhe të mos pësojmë”.

ISLANDA – Shqipëria është përballur edhe në vitin 2013 me Islandën dhe Berisha e kujton atë përballje:  “E kemi filluar mirë ndeshjen dhe kaluam edhe në avantazh, por bëmë shumë gabime më pas. Duhet të jemi shumë kompaktë dhe të sigurt në lojën tonë. Fizikisht Islanda është shumë lart, por duhet të reagojmë mirë ndaj tyre për të tentuar një rezultat të mirë”.

ATALANTA – “Më i gëzuar jam për arritjet e ekipit, pasi kemi qenë të gjithë pjesë e suksesit. Në muajt e fundit ka ndodhur edhe ndryshimi, ndaj tani duhet t’i shikoj me shumë kujdes gjërat dhe pas disa javëve duhet të marr një vendim për të ardhmen. Ende tani është shumë herët dhe jam i përqendruar te Kombëtarja, pasi ka kohë për merkaton”.

TRAJNERËT QË KA KALUAR VESELI NË KOMBËTARE – “Janë trajnerë të ndryshëm dhe secili ka stilin e tij, punon në mënyrën e tij. Është shumë herët të gjykojmë punën e trajnerit edhe nuk kam dëshirë të gjykoj. Jam lojtar dhe bëj punën timë si çdo lojtar i kombëtares. Kryesorja është të marrim rezultate pozitive.”

DY NDESHJET E RADHËS – “Me gjashtë pikë do ishim të kënaqur, por normal futbolli nuk të lejon të fitosh gjithmonë. Qëllimi ynë është të koncentrohemi në ndeshjen e parë. Shpresoj të bëjmë një paraqitje pozitive. Rezultati do të vijë.”

FORMA E ISLANDËS – “Besoj se Islanda si çdo skuadër kur arrin në kulm, ka një rënie tashmë. Nuk është ai ekip që ka qenë dhe shpresoj ta shfrytëzojmë këtë rast, pse jo të dalim dhe me fitore. Jemi përqendruar më shumë në lojën tonë, por do të nisim të studiojmë edhe kundërshtarin tashmë.”

E ARDHMJA E VESELIT – “Kam edhe dy vite kontratë dhe jam lojtar i Empolit. Nëse vjen diçka më e mirë për mua dhe klubin do ta shikojmë. Kam mundësinë të luaj më lart dhe do të shohim çdo të ndodhë.”

28-vjeçari komenton edhe skemën 3-5-2, me të cilët pritet ta vendosë trajneri italian ekipin në transfertën skandinave. Ndryshim i madh, pasi rikthehemi pas shumë vitesh të luajmë me dy sulmues.

SITUATA – “Çdo gjë po shkon mirë dhe po përgatitemi seriozisht. Stërvitja ka qenë intensive dhe përqendrimi ka qenë maksimal, që në këto dy ndeshje të arrijmë formën maksimale.”

REJA – “Gjërat ndryshojnë sepse është një trajner i ri dhe metodë e re të punuari. Në çdo ekip ndodh kjo gjë. E rëndësishme është që jemi të gjithë të lumtur, ndihemi të lumtur dhe të gjithë po punojmë maksimalisht.”

SKEMA 3-5-2 – “Është hedhur si opsion, por nuk është vetëm ky modul loje. Po shohim opsione të ndryshme dhe trajneri po bën provat e veta. E rëndësishme është që të jemi gati dhe çfarëdolloj skeme për ne nuk ka rëndësi. Në rast se ne japim më të mirën tonë, çdo rezultat është i mundshëm.”

SULMI – “Kombëtarja ka luajtur prej vitesh me një sulmues. Sigurisht që me dy do të jetë më mirë për sulmuesit, pasi bashkëpunimi do të jetë më i madh. E rëndësishmja është që kushdo që luan, si me 1 sulmues si me 2, është që do të jepet maksimumi.”

OBJEKTIVI – “Jemi këtu për interes të përbashkët. Jemi këtu që Shqipëria të arrijë maksimumin në këto dy ndeshje. Ardhja e lojtarëve si Cikalleshi i bën mirë ekipit dhe do ndihmojë akoma më shumë në arritjen e objektivave.”

Përballja është e vështirë, por një fitore do rriste entuziazmin dhe do ringjallte shpresat për një kualifikim në Euro 2020. 74-vjeçari ka dhënë një prononcim interesant për mediat italiane, duke zbuluar disa detaje dhe prapaskena në lidhje me detyrën e re.

Reja tregon se kush e bindi dhe çfarë objektivash i janë vënë. Impakti i parë është tepër pozitiv dhe ai është mahnitur nga pasioni i madh i shqiptarëve për futbollin dhe kombëtaren. Trajneri falënderon edhe Igli Taren, me të cilin ka punuar te Lacio dhe ka një premtim për tifozët shqiptarë.

SHQIPËRIA – “Kisha premtuar se nuk do të stërvisja më asnjë klub, por një ofertë kombëtareje do e merrja në konsideratë. Kështu ndodhi. Nuk është ai stresi i përditshëm, por përgjegjësitë janë të mëdha. Në Shqipëri ekziston një pasion i jashtëzakonshëm për futbollin. Më kujton pak Napolin, njerëzit e adhurojnë kombëtaren dhe lojtarët e saj. Kjo gjë më mbush me energji dhe ishte ajo çfarë kisha nevojë.

Mendoj se po bëjmë një punë të mirë dhe impakti me lojtarët ka qenë pozitiv. Të hënën nisëm grumbullimin, por kam nisur punën me një grup më të vogël që nga 15 maji. Lojtarët më të rëndësishëm janë të shpërndarë nëpër Europë dhe vijnë me mentalitet dhe filozofi të ndryshme. Vështirësia më e madhe e një trajneri kombëtareje, përveçse të njohë karakteristikat e lojtarëve, është që të krijojë një identitet unik.”

PRAPASKENA – “Më telefonoi presidenti Duka. ‘Mister, çfarë qëllimesh keni? Nëse je i disponueshëm, le të diskutojmë’, më tha dhe filluam të flisnim. Ndoqa ndeshjen me Turqinë në stadium, Isha rastësisht atje, pasi po monitoroja disa futbollistë, të cilët ndiqeshin nga Napoli dhe Atalanta. Më telefonoi edhe kryeministri Edi Rama. E kisha njohur më parë në hotelin tim afër Ponte Milvio. Vinte për të ndjekur Lacion dhe është një tifoz i zjarrtë i Juventusit. Më telefonoi për të më bindur.”

PREMTIMI PËR TIFOZËT – “Angazhim të plotë dhe shpirt sakrifice. Besoj shumë te grupi. Ka kualitet dhe nëse japim 100 për qind, do të përjetojmë momente të bukura. Lojtarë më kanë dhënë përshtypjen që janë shumë të karikuar. ka besim, shikoj dëshirë të madhe dhe qetësi. Europiani është ëndrra. Për t’u bërë realitet, duhet besuar. ka vetëm diçka që na pengon, frika që nuk ia dalim dot. Nuk duhet të kemi dyshime.”

TARE – “Ju ka ndihmuar Tare? Po, sigurisht që më ndihmoi. Më ka dhënë një dorë të madhe, kemi folur me lojtarët. Kam bërë një xhiro nëpër Europë për t’i parë, por Igli i njeh edhe më shumë. Jam njohur me vlerësimet e tij. Duhet ta falënderoj atë, pasi ka folur fjalë të mira për mua në FSHF dhe te kryeministri Rama.”

KONTRATA – “Mund ta them me krenari që, pas 35-36 viteve punë si trajner, ndihem akoma i fortë fizikisht. Kam nënshkruar deri në nëntor dhe janë për t’u zhvilluar 6 ndeshje zyrtare. Më propozuan një kontratë edhe për dy vite të tjera. Ju thashë që të presin. Nëse rezultatet do të vijnë, atëherë do të vazhdojmë bashkëpunimin. Nëse gjërat na ecin mbarë, do të ecim përpara edhe për dy vite të tjera.”

OBJEKTIVI – “Më kanë kërkuar që të bëj mirë dhe të tentoj kualifikimin në Euro 2020. Duke lënë mënjanë Francën, mendoj se mund të rivalizojmë me gjithë skuadrat e tjera, përfshirë edhe Turqinë. Do japim gjithçka. Respekt për të gjithë, frikë për asnjë. Kam biseduar me lojtarët dhe ju kam transmetuar bindje. Shoh që ka harmoni. Shqiptarët zbresin në fushë me krenari. E ndjejnë shumë faktin që përfaqësojnë vendin dhe popullin e tyre. Shpeshherë janë më të karikuar se duhet, edhe në stërvitje.”

Fillimisht ka folur Odise Roshi, i cili është shprehur i lumtur për rikthimin në Kombëtare, pasi kujtojmë “raketa” vuante një dëmtim që e mbajti jashtë fushave për një kohë të gjatë. Gjithashtu, mesfushori anësor ka folur edhe për trajnerin e ri Edi Reja, si dhe për sfidë ndaj Islandës.

“E kemi nisur shumë mirë me trajnerin e ri. Stërvitjet kanë shkuar perfekt, përgatitemi çdo ditë pë ndeshjen me Islandën dhe jemi shumë të përqendruar. Për trajnerin Panuçi kemi respekt, nuk e hedhim dot poshtë. Do flas për Rejën, është shumë i komunikueshëm. Me çfarë kam parë çdo gjë është perfekt. Çunat janë të lirshëm dhe ka ritëm në stërvitje. Po mendojmë për ndeshjen me Islandën”.

“Përgjegjësitë? Çdo gjë është OK, kemi bërë më të mirën gjithmonë. Nuk duhet të shohim prapa, e ardhmja janë lojtarët që janë grumbulluar dhe trajneri Reja që po punon mirë deri tani”.

“Skema 3-5-2? Kemi kualitet, e kemi provuar. Besoj se duhet të punosh shumë në mbrojtje dhe në sulm. T’ia lëmë ndeshjes çfarë mund të ndodhë. Edhe mund të fitojmë me Islandën”.

“Kam ardhur nga një dëmtim shumë i gjatë, kam punuar të kap formën. Prej dy muajsh luaj rregullisht. Ndihem mirë dhe do jap më të mirën time nëse luaj nga fillimi. Jam gati në 100 për qind të formës time”.

“Islanda ka pasur një ekip të mirë dhe të fortë. I kam parë me Francën, edhe pse humbën 4-0 kanë kualitet. Janë ekip ofensiv dhe është një përballje direkte me të”.