? FICHAJE | Calidad sub 21 https://t.co/Ab8DguYAQS pic.twitter.com/nVEUD5dZlm

— CD San Roque de Lepe (@SanRoqueLepe) August 4, 2019

Maloku i bashkohet ekipit andaluzian në formë huazimi nga klubi i Peskarës ku është nën kontratë edhe për dy vite të tjera. Në tri sezonet e fundit i riu shqiptar ka provuar të luajë me skuadra të ndryshme në Serie C, por aktivizimet kanë qenë të pakta.

Maloku ka qenë pjesë e rregullit e grupmoshave të Shqipërisë duke filluar nga niveli U17, U19 ku mbajti shiritin e kapitenit në disa ndeshje dhe në që prej vitit 2017 një lojtar i përhershëm në listat e kombëtares U21.

“Shqipëria e 21-vjeçarëve, që drejtohet nga trajneri Alban Bushi, do të zhvillojë në muajin shtator një ndeshje miqësore me bashkëmoshatarët e Francës. Kjo ndeshje do të zhvillohet në datë 5 Shtator, në orën 21:00 në Amiens në stadiumin “Stade de la Licorne”.

21-vjeçarët do të testojnë forcën e tyre ndaj Francës dhe më pas do të kthehen në Shqipëri për të zhvilluar përgatitjet për ndeshjen zyrtare të eliminatoreve për Euro 2021 kundër Austrisë, ndeshje e cila do të luhet në datë 9 Shtator. Shqipëria ndodhet në Grupin 3 së bashku me Anglinë, Austrinë, Turqinë, Kosovën dhe Andorrën”, njofton FSHF.

MIQËSORJA – “Të them të drejtën jam i kënaqur, pasi ishin lojtarë që nuk i kemi parë ndonjëherë. Pothuajse katër lojtarë luanin për herë të parë tek ekipi U21. Ishin shumë të vegjël, janë për të luajtur tek ekipi U19. Dy nga ata i morëm dhe nuk e dija si do të reagonin. E kisha me shumë emocion ndeshjen, prandaj kishim vendosur të qëndronim mbrapa dhe të luanim me kundërsulm. Një ekip që nuk është i stërvitur, nuk ka një strategji loje, është e vështirë të bëjë një lojë të veten.

Jam i kënaqur me zbatimin e detyrave nga të gjithë lojtarë.  Mundëm një kundërshtar të fortë, pasi Uellsi është një kundërshtar i fortë, ka dy fitore me Zvicrën dhe Rusinë. Mendoj se kemi grup të mirë për të ardhmen. Kemi shumë mungesa dhe ky është ekipi i tretë i yni. Këta e justifikuan veten dhe është një luks për. Këto miqësore na bëjnë mirë për të përgatitur ndeshjen ndaj Austrisë, në mënyrë që të marrim lojtarët më të mirë”, u shpreh Bushi.

BROJA – Në takimin me Uellsin, sulmuesi Armand Broja ishte autor i dy golave për Shqipërinë dhe Bushi ka fjalë të mira për sulmuesin e Çelsit. “Diskutojmë gjithmonë me stafin teknik dhe të gjithë kemi mendim pozitiv për Brojën, është një lojtar i perspektivës. Mendoj se do të bëhet lojtar i madh, ashtu siç janë edhe Bullari e Vrioni.

Janë të rinj që mund t’i ketë kombëtarja për shumë vite. Broja u fut nuk kishe asnjë diferencë në lojë, edhe pse është 3 vite më i vogël. U përshtatet edhe atyre, pasi është një lojë që e bën në Britani me Çelsin. E justifikoi veten. Edhe po të mos shënonte gola, ai për ne është Broja dhe e dimë që ka potencial për ekipin A”, përfundoi Bushi.

“Kemi luajtur mirë, kemi lëvizur mirë, por dua të them se i gjithë ekipi ka bërë mirë”, thotë mes të tjerash Broja. Nuk dëshiron të marrë të gjitha meritat, por është i kënaqur. Nuk e ka të lehtë të shprehet, teksa ndonjë pyetje edhe nuk e kupton mirë. A e kishte pritur një debutim të tillë me Shpresat? Përgjigja e tij është e qartë.

“Jo, jo. E dini, unë vetëm punoj fort dhe kur më jepen shanset mendoj vetëm t’i shfrytëzoj. Për mendimin tim i shfrytëzova këtë herë dhe jam shumë i kënaqur. Gjithashtu jam shumë i kënaqur edhe se më thirrën te Shqipëria U21 dhe më aktivizuan 45 minuta, sikurse  edhe për dy golat që realizova”, shton sulmuesi shtatlartë.

SHPRESAT – Broja tregon se ka shumë diferencë mes Shqipërisë U19 dhe asaj U21, ndërkohë që veçon Kallakun nga Shpresat. “Këtu janë shumë më të fortë, më të gjatë. Në këto ndeshje duhet të kërkosh më shumë, pasi janë më të mëdhenj. Ka shumë diferenca. Kur hyra në fusha ishte më mirë. Topi luhet më shpejt. Kallaku tek ekipi ynë është nga ata që mund të bëjnë diferencën, duket lojtar i mirë. Ka disa driblime të mira, lëviz topin shpejt dhe duket një lojtar shumë i mirë”, shprehet futbollisti i Çelsit.

ÇELSI DHE RONALDO – Sulmuesi ka provuar të stërvitet me “Blutë” e Londrës, por ende nuk ka luajtur me ekipin e parë. Broja ka edhe një idhull dhe është Ronaldo fenomeni. “Jam stërvitur me ekipin e parë disa herë, por akoma nuk kam luajtur ndeshje. Po pres, duhet të jem me këmbë në tokë dhe të vazhdoj stërvitem mirë”.

“Idhulli? Ronaldo, braziliani, fenomeni. E kam qejf, pasi ka qenë i shpejtë, i fortë, i mirë me kokë, godiste me të dyja këmbët. Ashtu dëshiroj të jem edhe unë. Gjatësia nuk më pengon të jem i shpejtë. Atje, në Angli, jam stërvitur shumë për sprinte. Prandaj jam edhe shumë i shpejtë”, u shpreh Broja.

https://www.instagram.com/p/Buwl_SjgXnv/?utm_source=ig_web_copy_link

FTESA E SHQIPËRISË – Sulmuesi, në momentin e parë që Shqipëria e ka ftuar, ka pranuar të veshë fanellën kuqezi. “Më ka thirrur Shqipëria e para, edhe thashë po vij pasi mami e babi im jetojnë këtu, kanë lindur këtu. Thashë po vij me Shqipërinë se këtu më kanë lindur prindërit, këtu është vendi ku kam gjakun. Thashë ta provoj me Shqipërinë”, shprehet sulmuesi, i cili në shtator mbush 18 vjeç.

DEDIKIMI – Në momentet kur shënoi, babai i Armandos dukej shumë i lumtur. Gjithsesi sulmuesi këtë herë golat i ka për mamanë e tij. “(Qesh) I pashë familjarët e mi që ishin në stadium dhe janë shumë të kënaqur. Babi më tha të lumtë, por pastaj më ngacmoi: ‘ku ishte ai goli i tretë?!”. Normalisht unë qesha. E gjithë familja është gëzuar. Golat ia dedikoj mamit. Nuk erdhi në stadium, por për të i kam bërë golat. Të dy. Herë tjetër, të martën, ndonjë gol për babin”, përfundon duke qeshur deklaratën e tij sulmuesi Armando Broja.

VLADIMIR PRENGA

“E dinim që do të ishte një ndeshje e vështirë dhe e luftuar nga kundërshtari për ta fituar atë. Patëm kohë për ta përgatitur ndeshjen dhe kjo ishte diçka pozitive për ne. Menduam të vendoseshim mirë mbrapa dhe të prisnim shanset tona, që nuk ishin të pakta. Fillimin e pjesës së parë kishim vështirësi kur kishim topin në kontroll, e dorëzonim shumë  shpejt. Kjo na vuri në vështirësi, sepse vraponim më shumë dhe humbnim shumë energji.

Pjesa e dyte ishte ndryshe u futëm në lojën tonë dhe krijuam rastet për shënim dhe golat. Me pak kujdes mund ta fitonim ndeshjen, por edhe ta humbnim. Në këto nivele duhet të jesh shumë i kujdesshëm, të gabosh më pak se kundërshtari dhe të luftosh më shumë se ai. Ne luftuam dhe vrapuam më shumë se ata, nuk donim ta humbnim këtë ndeshje. Kemi pësuar 6 gola gjithsej në 3 ndeshje dhe të 6 golat janë gabime individuale, të vjen keq”, është shprehur Bushi për FSHF.org.

Më tej ai shtoi: “Secili duhet të përmirësohet, janë të vegjël dhe kanë potencial për kombëtaren A. Gjithsesi gabime të tilla nuk duhen bërë, ose të bëjmë sa më pak. Dua të falënderoj të gjithë skuadrën për atë çka dha në fushë për 94 minuta. Ata bënë të pamundurën, vrapuan dhe luftuan me zemër të madhe. Ata kishin grintë, dëshirë, kishin besim tek ajo që po bënin, luajtën me personalitet kundra një kundërshtari me shumë cilësi dhe kualitet. Më vinte shume keq kur i shikoja që luftonin ashtu, saqë doja të futesha në fushë dhe t’i ndihmoja. Por Zoti i shpërbleu në fund për djersën që derdhën. Duhet të vazhdojmë kështu, se futbolli është vazhdimësi dhe këta djem i kanë të gjitha mundësitë për të bërë gjëra të mëdha”.

RISITË NË LISTË – Shqipëria U21 ka në plan dy miqësore me Uellsin, fillimisht në “Selman Stërmasi” më 9 qershor dhe dy ditë më pas në “Niko Dovana”. Trajneri Alban Bushi ka vendosur të afrojë në skuadër edhe tre lojtarë të tjerë: Armando Broja (sulmues, Çelsi), Elion Sota (mbrojtës i djathtë) dhe Redon Mihana (sulmues), këta të fundit nga Apolonia.

Sot ka qenë radha e Kleandro Lleshit dhe Aristidi Kolajt për të dalë në konferencën për shtyp, e organizuar në ambientet e stadiumit “Elbasan Arena”. I pari u stërvit disa ditë me kombëtaren e madhe. Edi Reja përfitoi për të ftuar disa lojtarë të rinj dhe Lleshi ishte një prej tyre.

“Mikpritja e grupit ishte shumë e mirë dhe u ndjeva shumë komod. Të gjithë ishin me dëshirë dhe lojtarët u treguan shumë pozitivë. Sa i përket aktivizimit, i përket trajnerit, ndërsa detyra ime është që të stërvitem dhe të kryej detyrat që më takojnë. Çdo gjë vjen me kohën, duke dhënë maksimumin tënd në çdo hap. Ndeshja me Turqinë është shumë e rëndësishme, pasi duhet të marrim rezultat. Kemi luajtur 2 ndeshje në këto eliminatore dhe nuk kemi marrë atë qe duhet sa i përket rezultatit. Për ne çdo ndeshje është e rëndësishme dhe shkojmë për fitore, pavarësisht kundërshtarit. Ne kemi dhënë maksimumin, por nuk kemi pasur edhe fatin me vete. Për momentin luaj me Leganes B, por kontratën e kam me ekipin A. Shpresoj shumë shpejt ti bashkohem, por është zgjedhje e trajnerit“, përfundon 19-vjeçari, i cili luan në rolin e qendërmbrojtësit dhe mesfushorit shkatërrues.

Më pas e mori fjalën Aristidi Kolaj. 19-vjeçari bën mirë të gjithë rolet e repartit ofensiv dhe aktivizohet me të rinjtë e Sasuolos. Kolaj nuk e ka frikë Turqinë dhe beson fort te fitorja kuqezi. Ekipi i Bushit numëron një pikë pas dy ndeshjeve të para dhe do tentojë fitoren e madhe në tokën turke.

“Ne jemi një skuadër kombëtare shumë e bashkuar dhe shkojmë drejt Turqisë për fitore. Në Itali luaj me ekipin e Sasuolos U-19, kam bërë mirë në kampionat dhe stërvitem me ekipin A. Jam grumbulluar edhe për ndeshje miqësore të kombëtares dhe jam ambientuar me shokët e ekipit”, theksoi sulmuesi i talentuar.

Tashmë vjen lajmi i mirë dhe Kryeziu sot është thyer të stërvitet. Kështu ai do të jetë i gatshëm për ndeshjen me Turqinë më 7 qershor. Mungesat për këtë ndeshje janë të shumta prej dëmtimeve. Bajramaj, Muçolli, Ademi, Kryeziu dhe Sahiti janë të dëmtuar dhe do të mungojnë në grumbullim.

Gjithashtu pjesë e Shqipërisë së madhe do të jetë edhe kapiteni Gentian Selmani. Bushit i duhet të mendojë për formacionin kundër Turqisë dhe është me shumë rëndësi që këtë herë të mos dilet pa pikë, edhe pse kundërshtari ka elementë mjaft cilësorë dhe niset si favorit.

Vetë klubi kroat kishte bërë me dije një ditë më parë se Sahiti është ftuar nga Shqipëria u21, por sot në listën e bërë publike nuk figuron emri i sulmuesit. Interesimit të SportEkspres.com i janë përgjigjur në FSHF dhe mësohet se sulmuesi ka pësuar një dëmtim.

Gjithçka ka ndodhur një ditë më parë dhe nuk mund të jetë gati për ndeshjen me Turqinë. Gjithsesi Sahiti pritet që të vijë në Shqipëri dhe të kryejë kontrollet mjekësore. Një tjetër mungesë e rëndësishme për kuqezinjtë, që kanë një ndeshje shumë të vështirë përpara.

Në listën e bërë publike vihen re lojtarë të shumtë nga vendi ynë, por edhe nga Maqedonia. Sigurisht nuk mungojnë elementët cilësorë që vijnë nga jashtë, ku bie në sy edhe sulmuesi Xhakomo Vrioni.

LISTA E KOMBËTARES PËR NDESHJET ME TURQINË DHE UELLSIN
PORTIERË: Mario Dajsinani (Skënderbeu), Andrea Hoxha (Vintertur), Romeo Harizaj (Apolonia)
MBROJTËS: Jon Mersinaj (Laçi), Shaqir Tafa (Kuneo), Drilon Kryeziu (Triglav), Leonard Maloku (Fermana), Serxho Kalaj (Lacio), Anxhelo Ndrecka (Kievo), Blerton Sheji (Struga), Jorgo Pëllumbi (Skënderbeu)

MESFUSHORË: Omar Imeri (Shkëndija Tetovë), Sherif Kallaku (Teuta), Aristidi Kolaj (Sasuolo), Kleandro Lleshi (Leganes), Esat Mala (Partizani), Julian Shehu (Kastrioti), Arbin Zejnullai (Shkëndija Tetovë), Shefit Shefiti (Shkëndija Tetovë), Lindon Selahi (Standard Liezh), Patrik Bardhi (Kastrioti),
SULMUES: Din Sula (Vasland Beveren), Agim Zeka (Fortuna Sitard), Emiljano Bullari (Olimpiakos), Xhakomo Vrioni (Venecia)

ANDORRA – “U bë një futbollit i pisët, një futboll jo Fair-Play nga lojtarët e Andorrës, gjithsesi kjo ishte strategjia e tyre. Në pjesën e parë pati një nënvlerësim nga ana e lojtarëve, për këtë u indinjova pak, pasi nuk e prisja që të mos jepnin maksimumin, ndërsa në të dytën morën në kontroll lojën, por pati një gabim individual”.

PËRGJEGJËSI – “Do të ndjeja përgjegjësi personale nëse ekipi nuk do të luante në futboll, ata shkuan vetëm dy herë në portë dhe shënuan dy gola, ne ishim gjatë gjithë kohës në portës së tyre dhe shënuam vetëm dy gola. Shpërdoruam shumë, gjithsesi barazimi me Andorrën është i pafalshëm”.

REZULTATE APO EVIDENTIMI I LOJTARËVE – “Unë kam evidentuar shumë lojtarë. Si rasti i Bajramit që luan te Birmingami. Objektivi jonë është që të çojmë lojtarë në ekipin e parë A. Besoj se 3 ose 4 lojtarë që luajnë me shpresat tani do të jenë së shpejti pjesë e ekipit të parë A. Sigurisht dhe rezultatet janë të rëndësishme”.

SHQIPTARËT E MAQEDONISË – “Personalisht unë kam marrë 4 lojtarë nga Maqedonia, ashtu si dhe U19. Do të punojmë akoma me skautët e federatës në Maqedoni, por është një proces që do pak kohë. Unë mendoj që Shqipëria ka lojtarë, por problem është eksperienca e vogël. Kemi probleme në repartin e mbrojtjes, të gjithë shqiptarët duan t’i bëjnë fëmijët mesfushorë ose sulmues”.

AKUZAT PËR QOKA –“Janë mendime individësh dhe mua nuk më interesojnë. Nuk e imagjinoj dot si mund të bësh një qokë në kombëtaren shqiptare. Ne mundohemi gjithmonë të marrim më të mirët, patjetër që mund të gabojmë kur na duhet të zgjedhim mes dy lojtarëve shumë të mirë”.

OBJEKTIVAT – “Objektivat e mi i vendosin disa njerëz të tjerë, nuk i vendosin as specialistët e as gazetarët. Nëse kemi bërë mirë ose kemi bërë keq, janë ata që e vlerësojnë punën tonë. Pavarësisht barazimin me Andorrën që është i papranueshëm, në ndeshje ndaj Turqisë luajtëm shumë mirë”.

DËMTIMI I MALËS – “Mala ka qenë të dëmtuar në gju. Unë do ndjek atë dhe dy tre lojtarë të tjerë këtë javë nëse do të luajnë, pasi me ekipin kombëtar A ose U21 nuk mund të bësh shaka, kur vjen aty duhet të japësh maksimumin. Nëse një lojtarë është i dëmtuar me ekipin kombëtar gjatë ditës së martë e të mërkurë, ndërsa ditën e premte je 100% e tij, atëherë është shumë e vështirë që të jetë përsëri pjesë e kombëtares. Stafi mjekësor më tha se ka një tërheqje në ligament. Doktori më tha se do ishte e pamundur që të luaj për të paktën një javë. S’dua të përmend emra, por dy ose tre trajnerë marrin lojtarët e tyre marrin lojtarët  e tyre duke i thënë mundohuni të luani 30 minuta në Andorra ose fare pasi kemi ndeshje në kampionat. Çdo lojtarë duhet ta dijë se fanella e kombëtares është e shtrenjtë, gjithsesi në grumbullimin e ardhshëm mund të kemi 2 ose 3 mungesa nga këto lojtarë që thashë”.

Një ditë më parë u zhvillua një test me Shqipërinë U20 dhe Bushi nuk është ndarë i kënaqur me lojtarët e tij, madje ka pasur edhe kritika për ta. E gjitha raportohet nga vetë FSHF përmes faqes zyrtare në “Instagram”.

“Shpresojmë të bëjmë maksimumin, si në çdo ndeshje të sezonit të kaluar, dhe të na vijnë sa më shumë njerëz për të na përkrahur. Synimi është të bëjmë më të mirën dhe jemi të sigurt që do e bëjmë këtë. Do kërkojmë tre pikët në çdo takim”, u shpreh Vrioni, i cili nuk a dyshime mbi zgjedhjen e Shqipërisë.

“Unë e kam bërë zgjedhjen time, kam qenë edhe në kombëtaren e madhe dhe luajta 20 minuta kundër Izraelit”, shtoi sulmuesi. Në lidhje me rivalitetin në grup, Vrioni tha: “Të gjitha ekipet në grup janë të forta, të gjithë jemi njësoj. Do japim të gjithë maksimumin për të grumbulluar sa më shumë pikë”

OMAR IMERI – Mesfushori i Shkëndijës së Tetovës e thotë hapur, Shqipëria U21 synon vetëm tre pikët me Turqinë. Sfida e radhës luhet kundër Andorrës. “Nuk na kënaq barazimi, shpresoj të japim maksimumin në fushë dhe të fitojmë ndeshjen. Është e para dhe është ndeshje e rëndësishme. Besoj se do e fitojmë. Shpresojmë t’i marrim gjashtë pikë në këto dy ndeshje”, deklaroi Imeri, i cili flet edhe për zgjedhjen e Shqipërisë. “Na rreh gjaku të luajmë për Shqipërinë. Jam i kënaqur për zgjedhjen që kam bërë”, përfundoi mesfushori.

Në një intervistë për “SportEkspres.com” ai thekson se të rinjtë janë rruga e suksesit dhe grumbullimi i lojtarëve nga Superiorja është shtysë e madhe dhe një mundësi për të pasuruar klubet tona. Nora e shikon si një “karburant” thirrjen në kombëtare, por ka edhe një mesazh për të gjithë ata lojtarë që duan të ecin në karrierë. Ai flet edhe për mundësinë e ndryshimit të rregulloreve, sipas të cilave të detyrohet aktivizimi i elementëve të rinj në Kupë e kampionat.

INTERVISTOI: VLADIMIR PRENGA

Gentian, bëni pjesë tek ata persona që ju pëlqen t’ia jepni një dorë lojtarëve të rinj. Është parë kjo te Luftëtari. Si e shikoni faktin që në kombëtaret e moshave janë disa lojtarët e grumbulluar që luajnë në kampionatin tonë?
– Mendimi im është se guximi me  lojtarët e rinj është rruga më e shkurtër drejt suksesit të klubeve. Përveçse më pëlqeu, e vlerësoj shumë këtë veprim dhe më duket diçka inteligjente. Lojtarë që luajnë në kampionate të rëndësishme të Europës nuk kanë nevojë për shumë promovim, ata e kanë shumë të mundur të zënë vend në kombëtaren A. Për lojtarët tanë kjo është një vitrinë dhe shtysë e madhe. Përveç anës logjike, edhe nga ana teknike mendoj që U21 me këtë trajner vitet e kaluara tregoi se me këtë mënyrë mund të kishte sukses dhe në rezultate.

Sa ndikon kjo politikë që po ndihet te klubet tona dhe sa i motivon të rinjtë këtu që të punojnë për të zënë një vend në kombëtaret e moshave?
– Ndikon tej mase dhe i bën klubet produktive. Të kemi parasysh: nëse një lojtar është i aftë të luajë 8 ose 10 ndeshje me U21,  për klubet do të thotë të ardhura. Në vendet e Ballkanit ndjenjat kombëtare janë më të theksuara se në vende të tjera. Prandaj, mundësia dhe ëndrra  që një ditë mund të veshësh bluzën kuqezi kthehet në karburant dhe energji për të rinjtë. Ata punojnë më shumë dhe rritet kështu edhe cilësia.

Duke qenë se shikoni shpesh për të rinj për Luftëtarin, a ka potencial që mund të gjendet në futbollin e moshave për klubet e elitës?
-Në shkurt kemi bërë disa grumbullime me rreth 60 lojtarë nga ekipe të ndryshme dhe kategori të ndryshme. Flasim për lojtarë nën 20 vjeç. Mendoj se nga këta, të paktën 4 lojtarë janë të aftë të aktivizohen në këtë kategori. Madje jo vetëm të aktivizohen, pasi nëse sakrifikojnë do të shkëlqenin në fushë. Talentin e kanë, ju duhet vetëm punë.

Pamë që nuk kishte asnjë lojtarë nga klubi gjirokastrit, ndiheni keq ndopak? Keni elementë në ekip që meritojnë të vëzhgohen me kujdes?
-Do ketë dhe nga Luftëtari. Ju e dini, që kur vijnë nga ky klub, lojtarët shkëlqejnë. Ka dhe lojtarë nga skuadra  jonë, por janë në listat e kombëtares U19. Në skuadrën e parë kemi disa lojtarë poshtë 20 vjeç, të cilët janë paraqitur shumë mirë në  ndeshjet e Kategorisë Superiore. Këta lojtarë duhet të tregohen më vigjilent, ta kapin rastin që do t’u vijë dhe ta shfrytëzojnë atë në mënyrën e duhur që të ekspozohen.

Po në lidhje me aktivizimin e të rinjve në Superiore, çfarë mendoni? Është shtuar numri i atyre që luajnë, por a mund të bëhet edhe më mirë në këtë drejtim?
-Përfitoj nga rasti t’i këshilloj këta të rinj: më pak xhel, më pak tatuazhe, më pak Instagram. Dhe më shumë punë, më shumë sakrificë. Superiorja do personalitet, nuk mjafton fusha dhe talenti. Do forcë karakteri, disa do të dorëzohen. Ata që nuk e bëjnë këtë, meritojnë më shumë. E them këtë për t’i dhënë përgjigje pyetjes. Ka mjaftueshëm të rinj, por duhet të luftojnë më shumë.

A mos ndoshta FSHF duhet të vendosë edhe ndonjë shpërblim për klubet që çojnë lojtarë në kombëtaret e moshave? Do ishte një nxitje ekstra kjo për të punuar me elementët e rinj?
-Më duket e panevojshme. Kombëtarja jonë ka karakteristikat e saj. Po të shikojmë, jemi nga të paktat kombëtare që s’kemi lojtarë të natyralizuar. Kjo për shkak se lidhja me fanellën te ne perceptohet ndryshe.

Vetë ju, keni ndonjë propozim që klubet të “detyrohen” në njëfarë mënyrë të mbështesin të rinjtë? Mos ndoshta ka ardhur koha që në Kategorinë e Parë, me rregullore të përcaktohet një numër i caktuar të rinjsh që të luajnë titullarë me detyrim?
– Mendoj se mund të caktojë me detyrim që çdo skuadër të ketë në përbërje dy lojtarë poshtë 19 vjeç, nga 25 futbollistët që federohen. Gara e kampionatit është e ashpër, por mendoj që jo vetëm në Kategorinë e Pare të ketë përcaktime për aktivizimin e të rinj. Të gjitha skuadrat që marrin pjesë në Kupë, të detyrohen që në ndeshjet e këtij kompeticioni të aktivizojnë të paktën dy lojtare nën 20 vjeç deri në çerekfinale. Më pas një të tillë me detyrim. Futbolli jone është i etur për reformë në këtë aspekt dhe do ta thithte në mënyrë shumë natyrale këtë dhe shume ide të tjera që aktorët e sportit mund të kenë.

Aktualisht pjesë e 21-vjeçarëve janë Gentian Selmani, Irlan Ceka, Jon Mersinaj, dhe Sherif Kallaku. Vetëm këta të dy ishin në fushë në takimin e së mërkurës, që u zhvillua në “Olympic Park” ditën e mërkurë.

Bushi ka pasur mundësinë të shohë edhe të tjerë elementë. Fangaj mund të ftohet sërish, pasi ende nuk e ka kaluar moshën. Xhixha i Laçit po ashtu pret një mundësi, po ashtu si Elvi Berisha dhe Enis Çokaj.

Në moshë ende për Shpresat janë akoma edhe Uendi Vecaj e Klinti Qato. Ky i fundit madje edhe shënoi një gol mjaft të bukur në takimin kundër Laçit. Tjetër lojtar që mund të jetë në fokusin e Bushit është edhe Lorenco Vila. Shkëmbi pritet ta aktivizojë më shumë të riun në pjesën e dytë të sezonit dhe nëse paraqitet mirë, sigurisht që nuk do të mungojë ftesa edhe për të.

Prekazi komentoi veçanërisht edhe përballjen me Shqipërinë: “Me siguri jemi vëllezër, por tani jemi dy ekipe. Unë personalisht dhe lojtarët do e shohin vetëm si një ndeshje futbolli”. Trajneri i Kosovës U21 nuk flet në lidhje me kualifikimin.

“Pikësëpari kemi si detyrim të promovohen lojtarët dhe patëm sukses në kualifikueset e fundit. Tani ndërrohet gjeneratat. Anglia është favorite, por kohërat kanë ndryshuar. Ata luajnë në liga të forta, ndërsa ne jemi Kosova dhe kemi ndryshime. Jam realist dhe dua të them se fusha me letrën ndryshojnë. Kosova çdoherë ka pasur brumë, edhe në këtë grup do ketë. Do vijnë edhe lojtarë nga U19. E kemi pak të vështirë”, shtoi Prekazi.

Në fund ai flet edhe në lidhje me tratativat për lojtarë të tjerë që po tentojnë të afrojnë në përfaqësuese. “Asnjëherë nuk flas me emra, futbolli është kolektiv. Ka lojtarë që po mundohemi t’i marrim, por kanë probleme me pasaportat. janë disa shtete që nuk e lejojnë dyshtetësinë. Federata po mundohet për anën teknike. Ata janë të bindur të vijnë me ne, po erdhën është më lehtë për të bërë një skuadër të fortë”, përfundoi trajneri i Kosovës U21.

Ky i fundit, për Supersport e ka komentuar kështu shortin: “Ndjenjë e mirë që na ra Turqia në grup, me trajnerin e tyre jam mik. Kosovën e prita si çdo ekip tjetër, do luhet fort. Janë 3-4 lojtarë që kanë zgjedhur Kosovën para nesh. Na thanë se do vinin me ne, por më pas vendosën ndryshe. Gjithsesi është zgjedhja e tyre”.

“Ndeshja me Kosovën? E ashpër nuk diskutohet, jam unë i pari që kërkoj ashpërsi ndaj çdo ekipi. Nuk e kërkoj vetëm kundër Kosovës. Është si ndeshjet e tjera dhe duhet fituar”, shtoi trajneri i Shqipërisë U21”.

“Kualifikimi? Çdo gjë mund të ndodhë. Përveç Anglisë, që do të dalë në vend të parë. Por prapë nuk i dihet. Edhe Spanja na mundi në fund. Kemi një grup të mirë dhe shpresojmë të luajnë me ekioet. Duam që edhe Vrioni të vijë me ne. Do jetë pjesa më e madhe e lojtarëve që ishin edicionin e shkuar. Shqipëria do të jetë një ekip shumë i fortë, madje edhe për Anglinë. Vjet pas ndeshjes së pestë çuam 4 lojtarë tek ekipi i parë, si Ramadani, Manaj, Ndoj  Me ata mund të merrnin rezultate të mira. Është gjë e mirë që thirren atje, por është më mirë të forcohen këtu. Por nuk i vë faj Panuçit, pasi edhe ai ka pasur shumë mungesa”.

Lojtari ofensiv shënoi golin e dytë të Sasuolos në minutën e 56, duke u ngjitur në kuotën e 6 golave në kampionat. 19-vjeçari i Shqipërisë U21 luan në rolin e sulmuesit të krahut, ndërkohë që është pjesë e Sasuolos që nga vera e vitit të kaluar.

Kolaj debutoi me ekipin e Alban Bushit me datë 28 maj të këtij viti, në humbjen 0-2 kundër Bosnje Hercegovinës. Lojtari ka talent dhe potencial të madh, rëndësi ka të vazhdojë të luajë, fitojë besim, të rritet e të shënojë.

Malta bëri një ndeshje të mirë dhe 45 minutat e para u mbyllën në barazim 1-1. Shefit Shefiti ishte ai që kaloi në avantazh kuqezinjtë dhe diçka të tillë e bëri përmes një goli mjaft të bukur të realizuar që në minutën e 11-të.

Skuadra drejtuar nga Alban Bushi u mundua të shënonte edhe golin e dytë, por nga ana tjetër Malta nuk u dorëzua dhe në dy momente rrezikoi portën e Dajsinanit. Ky i fundit u mposht në minutën e 37-të, kur Brinket u shërbye si duhet pas shpinës së mbrojtjes dhe i vetëm me portierin kavajas arriti të realizojë golin e barazimit.

Në fundin e pjesës së parë pati probleme për Arbnor Muçollin. Mesfushori i Vejle BK u dëmtua dhe në vend të tij u aktivizua Arbër Basha. Dy minutat shtesë nuk dhuruan asgjë të re dhe me rezultatin 1-1 në fuqi skuadrat iu drejtuan dhomave të zhveshjes.

Bushi bëri një tjetër lëvizje, duke larguar Malën për Selahin. Kuqezinjtë i afrohen shumë shpejt golit me anë të Hebajt, por shkodrani gjen traversën nga goditja e dënimit. Maltezët kanë befasuar përmes Brinket, i cili pas një rrëmuje në zonë shënoi golin e avantazhin për skuadrën e tij.

Rreth dhjetë minuta më pas Shqipëria barazoi. Një penallti e dyshimtë, e akorduar nga gjyqtari Hamitaj, u kthye në gol nga Rubin Hebaj. Barazim 2-2 dhe djemtë kuqezi nuk dorëzohen dhe pak minuta nga fundi shkodrani realizoi edhe golin e tretë dhe të fitores.

Protesta nga miqtë për pozicion jashtë loje, por për anësorin gjithçka ishte e rregullt. Deri në fund nuk pati më ndryshim rezultati dhe Shqipëria U21 fitoi me rezultatin 3-2.

MIQËSORE – E HËNË, MË 19 NËNTOR, ORA 19:00

SHQIPËRI-MALTË 3-2
Shënues: Shefiti 11’, Hebaj 76’ (pen.), 87’ / Brinket 37’, 66’

Shqipëri: Dajsinani, Kryeziu, Mersinaj, Tafa, Maloku, Muçolli (Basha 45’), Mala (Selahi 46’ – Ndraxhi 81’), Imeri (Fazliu 59’), Shefiti, Zeka, Hebaj. Trajner: Alban Bushi

Malta: Vela, Borg, Guilomjer, Sansone, Frixheri, Zamit, Pulis, Birman, Shou, Brinket, Zerafa. Trajner: Silvio Vela

Gjyqtarë: Eldorian Hamiti, Melis Dervishi, Fisnik Thorja, Edvin Hoxha

Karton i verdhë: Mersinaj 63’ / Birman 53’, Sansone 82’

Muçolli shërbeu për Imerin dhe ky i fundit asistoi për Shefitin. Ky i fundit arriti të kalonte portierin kundërshtar dhe të bënte kuqezinjtë të festonin. Por një gol i tillë është shënuar edhe në të shkuarën dhe ka ndodhur në stadiumin “Qemal Stafa”.

Në maj të vitit 2015, në finalen e Kupës së Shqipërisë mes Laçit dhe Kukësit, ishin kurbinasit që realizonin me një skemë të përafërt. Veliaj tokazi pasonte për Marko Cetkoviç dhe malazezi shërbente për Xhejms Adeniji. Nigeriani me qetësi e dërgonte më pas topin në rrjetë.

Mala është përzgjedhur titullar në mesfushë, ndërkohë që edhe Hebaj sërish luan në formacion. Më poshtë formacionet e plota të të dyja ekipeve.

MIQËSORE – E HËNË, MË 19 NËNTOR, ORA 19:00

SHQIPËRI-MALTË

Shqipëri: Dajsinani, Kryeziu, Mersinaj, Tafa, Maloku, Muccolli, Mala, Imeri, Shefiti, Zeka, Hebaj. Trajner: Alban Bushi

Malta: Vela, Borg, Guilomjer, Sansone, Frixheri, Zamit, Pulis, Birma, Shou, Brinket, Zerafa. Trajner: Silvio Vela

Gjyqtarë: Eldorian Hamiti, Melis Dervishi, Fisnik Thorja, Edvin Hoxha

Kontrata e re për Kumbullën do të jetë e vlefshme deri në vitin 2022. Qendërmbrojtësi këtë sezon është grumbulluar në 10 ndeshje të Serie B, por ende nuk ka luajtur në kampionat. Me fanellën e Veronës, ai ka luajtur vetëm një ndeshje të plotë në Kupë këtë sezon.

Gjithsesi në seancat stërvitore ka bindur dhe klubi i ka ofruar kontratën e re, duke e “blinduar” edhe për katër vite të tjera. Kumbulla ka spikatur me moshat e Veronës, ndërkohë që ka luajtur me Shqipërinë U17 dhe U19. Tanimë Bushi e ka afruar te Shpresat.

Nati a Verona, cresciuti nell'Hellas. Fino all'esordio tra i professionisti. Ora sono con noi fino al 2?0?2?2?. #Danzi #Kumbulla #FuturoGialloblù
Dettagli ?? https://t.co/3vhn7BIJiW#DaiVerona #HVFC pic.twitter.com/DqkD57UN4s

— Hellas Verona FC (@HellasVeronaFC) November 19, 2018

Më tej Bushi ka folur për lojtarët e ftuat dhe për çështje te tjera. “60 për qind e listës ka qenë pranë ekipit, kemi afruar disa lojtarë të rinj. I njoh edhe lojtarët e kampionatit shqiptar që nuk janë grumbulluar tani, por ua njoh potencialin”, tha fillimisht tekniku i Shpresave

“Malta kundërshtar modest? Edhe ne jemi një skuadër modeste. Gjatë edicionit të kaluar zhvilluam dy miqësore të forta me Francën dhe Italinë”.

“Kemi në listë afro 40 lojtarë, presim të përforcohemi me shqiptarë të Maqedonisë, ku do te vijnë edhe tre lojtarë, por që nuk kanë patur minuta. Na duhet një sulmues goli për këtë edicion”.

“Faton Xhemaili që luan ne Serbi? Na duhet një mbrojtës i majtë, kemi parë video të tij, edhe pse prej konkurrencës së madhe nuk ka luajtur shumë tek ekipi i tij. Por është një lojtar që duhet parë”.

“Rinovimi i kontratës? Ende nuk kemi biseduar. Kjo i takon federatës. Unë jam i përqendruar vetëm te këto miqësore me Maltën, sepse duam të fitojmë dhe të masim forcën me një kundërshtar që vjen pak a shumë me lojtarëve të së njëjtës moshë”.

“Lojtarët që nuk janë grumbulluar nga Panuçi, Seferi dhe Durmishaj? Kam dhënë mendimin tim për të gjithë lojtarët, mbi të gjitha për aspektin disiplinor, edhe ne aspektin teknik, pavarësisht se trajneri i njeh, i sheh duke luajtur edhe ia di cilësitë”.

Ecuria negative vazhdoi edhe në përfaqësuesen Shpresa. Humbje ndaj Spanjës në “Selman Stërmasi”, me një gol të pësuar në minutat e fundit dhe barazim 2-2 në Estoni, me ekipin e Bushit që ishte dy herë në avantazh, por u ndëshkua sërish në fund, duke i mbyllur kualifikueset në vendin e parafundit në grup, me 7 pikë, pas një fitoreje dhe katër barazimeve.

Zhgënjim për përfaqësuesen e 19-vjeçarëve të Erjon Bogdanit, që ndodhej në një grup mjaft të vështirë kualifikues në Europianin e kësaj grupmoshe. Kuqezinjtë e vegjël regjistruan tre humbje në turneun e organizuar në Shqipëri, ndaj Ukrainës, Sllovakisë dhe Norvegjisë, por prej paraqitjes mund të kishin merituar më tepër, ndërsa kualifikimi në “Elite Round” dukej prej fillimit mjaft i vështirë.

Tashmë radhën për të bërë diçka dhe ndoshta për të ndryshuar trendin e ka përfaqësuesja e 17-vjeçarëve, që në turneun kualifikues të Europianit është pritëse. Edhe pse presioni për të regjistruar fitoren e parë kuqezi në muajin tetor është i madh, po kaq e lartë duket edhe shkalla e vështirësisë. Ekipi i Mustedanagiç do të luajë kundër Republikës Çeke, Norvegjisë dhe Azerbajxhanit, ku synimi kryesor është të evitohet pozicionimi në vendin e fundit, por duke shpresuar edhe te kalimi në “Elite Round”.

KOMBËTARJA
Miqësore            Shqipëri-Jordani 0-0 (10 tetor 2018)
Liga e Kombeve Izrael-Shqipëri 2-0 (14 tetor 2018)

SHPRESAT
Kualifikuese       Shqipëri-Spanjë 1-0 (11 tetor 2018)
Kualifikuese       Estoni-Shqipëri 2-2 (16 tetor 2018)

PËRFAQËSUESJA U19
Kualifikuese       Ukrainë-Shqipëri 1-0 (10 tetor 2018)
Kualifikuese       Sllovaki-Shqipëri 3-0 (13 tetor 2018)
Kualifikuese       Shqipëri-Norvegji 0-1 (16 tetor 2018)

PËRFAQËSUESJA U17
Kualifikuese       Rep. Çeke-Shqipëri (23 tetor 2018)
Kualifikuese       Norvegji-Shqipëri (26 tetor 2018)
Kualifikuese       Shqipëri-Azerbajxhan (29 tetor 2018)

“Ndjesia është e veçantë, por unë dua të fitoj ndeshje. Të futemi të gjithë me një objektiv, e lëmë pjesën që kam luajtur dhe kam shokë aty”, u shpreh Bare, i cili nuk bën polemika për ftesën e munguar nga kombëtarja A.

“E vendos trajneri, unë jam i gatshëm gjithmonë. Shpresoj që në një të ardhme të jem atje”, shtoi mesfushori i Malagës, i cili më pas bëri edhe një analizë të kualifikueseve. “Si ekip më vjen keq, pasi kemi qenë ekip dominues në shumë ndeshje. Më vjen keq për pozicionin. Mund të jepnim më shumë dhe të arrinim qëllime më të mëdha. Fati bën pjesën e vet, po nuk pate është e vështirë. Të gjithë thonë puna, puna. Por duhet edhe fat. Na ka munguar goli, na ka munguar faza sulmuese. Kemi pasur raste dhe nuk i kemi shfrytëzuar”.

Bare është kapiteni, por kjo nuk ia shton barrën. “Nuk ekziston fjala presion për mua. Nuk kam asnjëherë. Duhet të futemi me mentalitetin për të fituar, edhe pse kemi lojtarë të rinj. Ata duan të bëjnë më të mirën dhe shpresoj të fitojmë”.

Kalimi nga Atletiko Madrid te Malaga dhe ndryshimi mes klubeve, ishte gjithashtu temë diskutimi në konferencën e sotme”. “Në futboll nuk shkon gjithçka vaj. Ka ulje dhe ngritje. I zoti është ai që ngrihet. Shpresoj të arrij synimin tim për të luajtur në Malaga dhe të kap kombëtaren. Atletiko është Atletiko, ka shumë lojtarë të mirë. Grizman është kampion bote, Lukas Hernandez gjithashtu. Një lojtar duhet të ulë disa shkalle për t’u ngjitur. Duhet të stërvitesh shumë për të fituar një vend. Me kalimin e kohës do e kap një vend te Malaga”.

Plot 7 ndeshje në gjashtë ditë do të zhvillojnë kuqezinjtë, duke nisur që nga data 10 tetor deri në 16 tetor. Do të jetë skuadra e 19-vjeçarëve ajo që do të zbresë në fushë e para, pasi të mërkurën në orën 14:00 në “Niko Dovana” do të presin homologët e tyre nga Ukraina. Pak orë më vonë, saktësisht në 20:00, do të jetë skuadra e Kristian Panuçit apo që do të sfidojë Jordaninë në “Elbasan Arena”. Një ditë më vonë, të enjten në orën 19:00 në “Selman Stërmasi” është radha e 21-vjeçarëve që të mirëpresin Spanjën, në një ndeshje shumë të vështirë.

Më 13 tetor, këtë herë në orën 12:00, do të jetë sërish skuadra e 19-vjeçarëve që në Durrës do të sfidojë Sllovakinë. Më pas do të jetë radha skuadrës së parë të kuqezinjve që të ndeshen me Izraelin në transfertë, takim ky i vlefshëm për Ligën e Kombeve, takim ky i programuar për të dielën në orën 20:45.

Në datën 16 tetor do të luhen dhe dy ndeshjet e fundit. Sërish skuadra e Bogdanit do të mbyllë fazën kualifikuese ndaj Norvegjisë, sërish në Durrës, në orën 14:00, ndërsa 4 orë më vonë në fushë mbyllin javën kuqezi 21-vjeçarët, të cilët do të ndeshen me Estonin.

KALENDARI I PLOTË

10 tetor/ 14:00/ “Niko Dovana”
Ukrainë U19 – Shqipëri U19

10 tetor/ 20:00/ “Elbasan Arena”
Shqipëri – Jordani

11 tetor/ 19:00/ “Selman Stërmasi”
Shqipëri U21 – Spanjë U21

13 tetor/ 12:00/ ”Niko Dovana”
Sllovaki U19 – Shqipëri U19

14 tetor / 20:45/ Izrael
Izrael – Shqipëri

16 tetor/ 14:00/ “Niko Dovana”
Shqipëri U19 – Norvegji U19

16 tetor/ 18:00/ Estoni
Estoni U21 – Shqipëri U21

Esat Mala është ftuar nga Bushi, ndërkohë që është rikthyer mesfushori Qazim Laçi. Kapiteni Keidi Bare vijon të ftohet, sikurse edhe Kristal Abazaj. më poshtë lista e plotë e lojtarëve të ftuar për ndeshjet e radhës.

Portierë: Elhan Kastrati, Gentian Selmani, Mario Dajsninani
Mbrojtës: Drilon Kryeziu, Shaqir Tafa, Leonard Maloku, Esin Hakaj, Albi Doka,
Mesfushorë: Besir ramadani, Omar Imeri, Lindon Selhai, Sherif Kallaku, Emir Sahiti, Keidi Bare, Esat Mala, Arbnor Muçolli, Taulant Sulejmanov, Qazim Laçi
Sulmues: Valdrin Mustafa, Albion Ademi, Rubin Hebaj, Kristal Abazaj

Me largimin e Durmishajt është afruar sulmuesi Ronaldo Ndreu, por ka pasur edhe një tjetër të larguar dhe ai është Emir Sahiti, i cili ka udhëtuar drejt Kroacisë. FSHF ka njoftuar mbi lëvizjet e bëra përmes njoftimit të mëposhtëm:

“Kombëtarja U-21 e drejtuar nga tekniku Alban Bushi vazhdon përgatitjet për ndeshjen miqësore Itali-Shqipëri e cila do të zhvillohet ditën e martë datë 11 shtator ora 18:30 në Cagliari. Bushi në vigjilje të kësaj miqësoreje e cila do ti shërbejë në formimin e grupit për sezonin tjetër eliminator, nuk do të ketë në dispozicion futbollistin Fiorin Durmishaj. Sulmuesi kuqezi i cili aktivizohet në radhët e Panionisit në Greqi ka lënë grumbullimin, për shkak të një dëmtimi dhe është thirrur një sulmues tjetër, Ronaldo Ndreu, që aktivizohet në radhët e VFB Trebbin në Gjermani. Trajneri Bushi pas ndeshjes me Spanjën ka lënë të lirë futbollistin Emir Sahiti për t’iu bashkëngjitur skuadrës së tij në Kroaci Hajduk Split II dhe për ti dhënë mundësi lojtarëve të tjerë të testohen gjatë miqësores me Italinë, ndonëse ishte pjesë e të dyja listave, Sahiti është lënë i lirë për arsye teknike”.

Dominimi i vendasve vazhdoi gjatë të gjithë pjesës së parë, por portieri Selmani dhe Shtylla mbajtën rezultatin e pandryshuar. Në pjesën e dytë, talenti i Real Madrid, Borja Majoral, shënoi golin e dytë për Spanjollët, ndërsa goli i tretë u shënua në minutën e fundit të takimit me autor të zëvendësuarin Rafa Mir.

Spanja mban vendin e parë me pikë të plota pas 7 ndeshjes, ndërsa kombëtarja shqiptare renditet e parafundit, 5 pikë larg vendit të katërt, kur kanë mbetur vetëm dy ndeshje.

Spanjë 3-0 Shqipëri

Shënues: Soler 5’, Majoral 56’, Mir 90+2’

Shqipëria: Selmani; Maloku, Hakaj, Tafa, Kryeziu; Ramadani,  Seferi (Çekiçi 79’),  Bare,  Abazaj (Sahiti 60’), Doka, Durmishaj (Muçolli) . Tr: Alban Bushi

Spanja: Simon; Mafeo, Zhunior,Mere, Nunjez, Zubeldia, Soler (Mendez 80’), Merino, Fornals, Ojarzabal (Pedraza 66’), Majoral (Mir 76’).  Tr. L.De La Fuente

https://twitter.com/fdefutboleros_/status/1037781020311998465

#VÍDEO | ¡Así ha sido el gol de @RafaMir33 en su debut con la Sub-21! pic.twitter.com/x5OI7Dgjpd

— udlaspalmas.NET (@udlaspalmasNET) September 6, 2018

Spanjollët kryesojnë grupin 2, me 6 fitore në 6 takime, ndërsa kombëtarja renditet në vendin e parafundit me 6 pikë pas 7 takimesh.

Në formacionin e vendasve bien në sy emrat e futbollistëve si Soler i Valencias, Ojarzabal i Sociedad dhe sulmuesi i Real Madrid, Borja Majoral.

Shqipëria: Selmani; Maloku, Hakaj, Tafa, Kryeziu; Ramadani,  Sulejmanov,  Bare,  Abazaj, Doka, Durmishaj.

Tr: Alban Bushi

Spanja: Simon; Mafeo, Zhunior,Mere, Nunjez, Zubeldia, Soler, Merino, Fornals, Ojarzabal, Majoral.

Tr. L.Kastijo

Asnjë nuk e do diçka të tillë, plus që shumë prej lojtarëve do të kërkojnë të spikatin për të rënë në sytë e ndonjë klubi. Bushi për këtë takim ka kthyer emra të rëndësishëm si Abazaj e Ramadani, ndërkohë që edhe Bare e Çekiçi janë ende pjesë e kuqezinjve.

Mbetet për t’u parë se si do të rreshtohen sonte 21-vjeçarët, por e sigurt është që nuk kanë shkuar në Spanjë për shëtitje, ndaj do mundohen t’i hapin punë iberikëve.

Mala, si e komentoni fitoren e sotme me Kastriotin?

Ishte një fitore mjaft e vështirë, por shumë e vlefshme për vazhdimësinë tonë. Jemi shumë të lumtur për këto tre pikë.

Si e vlerësoni paraqitjen tuaj?

Jam i lumtur për paraqitjen time dhe të ekipit, por duhet thënë që ka vend për përmirësim. Ndihem mirë për formën fizike dhe jap aq sa mundem.

Ju pamë në një pozicion të ri…

Është e vërtetë që kam provuar çdo pozicion dhe nuk janë diçka e re për mua, pasi jam aktivizuar dhe te moshat e Kombëtares në rolin që më pat sot. Unë mund të luaj në çdo pozicion që do më thotë trajneri me shumë dëshirë dhe pa problem.

Ju vjen keq që nuk u ftuat nga trajneri i Kombëtares së Shpresave?

Është normale që për Kombëtaren është gjithnjë kënaqësi të luash. Unë jam pjesë e Kombëtares vetëm pres thirrjen. Jam i gatshëm çdo herë që të ketë nevojë për mua.

Si janë pritshmëritë e Partizanit?

Jemi optimist. Ekipi po vjen në rritje. Shpresojmë që të bëjmë mirë në çdo ndeshje.  Jemi një ekip i re, kemi një filozofi të re. Jemi vetëm në tre ndeshjet e para. kemi një frymë të mirë në ekip dhe besoj se do të vazhdojmë kështu.

Ishit protagonist me një asist, por dhe mund të kishit shënuar…

Po mundohem që ta ndihmoj skuadrën në çdo mënyrë, duke pasur për gol apo dhe duke shënuar. E nisa për të pasur, por nuk doli siç doja. U mërzita pak që nuk doli siç e prisja, por të tjera raste na presin në të ardhmen dhe do mundohem që çdo aksion ta vlerësoj maksimalisht.

Mos ndiheni më mirë në qendër se në krah?

Nuk e kam problem që të luaj dhe në krah edhe pse edicionin e shkuar jam aktivizuar në qendër. Po e marr veten edhe këtu.

Lojtari i Dinamos së Zagrebit do të jetë vetëm për takimin me spanjollët, ndërkohë që lista për miqësoren me Italinë (11 shtator, ora 18:30) ka tre risi të tjera, pasi do të bashkohen me skuadrën Kastrijot Ndau, Marvin Ccuni dhe Albion Ademi.

Lista për ndeshjet kundër Spanjës dhe Italisë
Portierë: Elhan Kastrati (Peskara), Gentian Selmani (Laçi), Alesio Abibi (Tirana)

Mbrojtës: Drilon Kryeziu (NK Triglav Kranj), Shaqir Tafa (Kuneo 1905), Leonardo Maloku (Alma Juventus Fano 1905), Esin Hakaj (Teuta), Albi Doka (Tirana), Marash Kumbulla (Hellas Verona)

Mesfushorë: Ylber Ramadani (Vejle BK), Lindon Selahi (Standart Liezh), Marlind Nuriu (Dinamo), Keidi Bare (Malaga), Arbin Zejnullai (Shkëndija Tetovë), Arbnor Muçolli (Vejle BK), Taulant Sulejmanov (Vinterfurth), **Endri Çekiçi (Dinamo Zagreb), *Kastrijot Ndau (Zyrih), *Marvin Ccuni (Bajern Mynih)

Sulmues: Kristal Abazaj (Anderleht), Ermir Sahiti (Hajduk Split), Rubin Hebaj (Partizani), Shefit Shefiti (Shkëndija Tetovë), Xhakomo Vrioni (Venecia), *Albion Ademi (Inter Turku)

Shënim: Lojtarët me * janë ftuar vetëm për ndeshjen me Italinë, kurse me ** vetëm për Spanjën

Duke qenë se veç Shqipërisë U21, ai drejton edhe atë U20, tashmë mundësia për të ftuar dhe parë më shumë lojtar është e madhe. Besir Ramadani i Shkupii, Omar Imeri dhe Arbin Zejnulai të Shkëndijës janë gati të luajnë me Shqipërinë.

Edhe Valon Hamdiu i Vintertur është në të njëjtën linjë me lojtarët e lartpërmendur. Tashmë në listë është shtuar edhe një sulmues. Bëhet fjalë për Erdon Dacin. Sulmuesi sezonin e shkuar është aktivizuar me 21-vjeçarët e Konjaspor dhe ka shënuar 10 gola në 20 ndeshje.

Momentalisht sulmuesi 20-vjeçar është huazuar tek Eskishehirspor, klub që garon në ligën e parë në Turqi. Aty do të ketë mundësinë të rritet, ndërkohë që edhe aktivizimi te Shqipëria U21 do të ishte një plus i madh. Ndërkohë mësohet se këtë javë ai nis procedurat për t’u pajisur me pasaportë shqiptare, për të mundësuar aktivizimin e tij me kuqezinjtë.

Nuk është vetëm ai që ka bërë këtë zgjedhje. Omar Imeri, një tjetër mesfushor, do të lërë Maqedoninë U21. Ai ka luajtur vetëm një ndeshje me Shpresat e vendit fqinj në muajin mars dhe tanimë ka vendosur të përfaqësojnë Shqipërinë.

Arbin Zejnullai është lojtari tjetër që ka pranuar ftesën e Bushit. Mesfushori 19-vjeccar, shok skuadre me Omerin te Shkëndija e Tetovës, është përgjigjur pozitivisht dhe do të vishet kuqezi.

Trajneri i Shqipërisë U-21m, Alban Bushi, provoi formacionin titullar për ndeshjen e javës së ardhshme, por edhe Ze Maria e nisi me gjithë titullarët.

Në një ndeshje të ekuilibruar, Tirana fitoi 1-0, me gol të shënuar nga Erando Karabeci me 11-metërsh në fundin e pjesës së parë.

Në të dytën u bënë shumë ndërrime, por nuk pati më gola, ndërsa për Bushin shqetësim i vogël mund të jetë mosshënimi i golit, por gjithsesi ishte një miqësore, ku më shumë u bënë prova, sesa u dha 100%.

Shqipëri U21 – Tirana     0-1

Shënues: Karabeci gol 43′ pen.

Shqipëria U-21: Selmani, Toli, Tafa, Maloku, Ceka, Ramadani, Bare, Çekiçi, Laçi, Abazaj, Hebaj. Trajner: A. Bushi

Tirana: Lika, Kërçiku, Uellison, Turtulli, Hoxhallari, Qilimi, Daja, Karabeci, Greca, Sentamu, Ngoo. Trajner: Ze Maria

Gjyqtarë: A. Beqiri, A. Koçiaj, R. Shaba, E. Spahiu