Nevil Dede ka shpallur listën e lojtarëve të grumbulluar (19 të tillë) dhe bie në sy prania e shumë lojtarëve nga Superiorja. Nuk mungojnë as afrime nga shqiptarë të vitlindjes 2001, të cilët luajnë në Itali dhe Angli.

Kuqezinjtë e vegjël do të përballen me Real Madrid, Olimpia Lubjanë dhe Dinamo Zagreb, ndërsa në listën e trajnerit nuk mungojnë edhe tre lojtarë nga Shkëndija e Tetovës.

Ky ishte takimi i parë miqësor midis dy skuadrave, një ndeshje e dytë është programuar të zhvillohet pas dy ditësh.

MIQËSORE
KOSOVË 1 – 3 SHQIPËRI
Shënues: Prapashtica 33’ / Muçi 42’, 69’, Broja 80’

EKIPI U-19 – “Deri diku kjo skuadër po formohet dhe ka marrë një fytyrë. Një nga qëllimet tona apo strategjia jonë është që ne të shohim sa më shumë lojtarë nga Shqipëria. E kam deklaruar që në daljen time të parë diçka të tillë. Arsyeja e parë dhe kryesore është që t’u japim një motiv dhe të tregojmë respekt e vëmendje. Po ashtu dhe t’u japim oksigjen klubeve shqiptare që të mendojnë dhe të fokusohen më mirë në rritjen apo proçesin e rritjes së tyre si për Kombëtaren dhe klubet. Të bëhen sa më shumë funksional.”

TË GRUMBULLUARIT – “Ne duhet të zgjedhim lojtarë sa më të mirë të jetë e mundur dhe me sa më shumë cilësi për të furnizuar ekipin e 21-vjecarëve dhe ekipin e parë. Ne i vëzhgojmë të gjithë lojtarët. FSHF ka strukturat e saj, ka skaut edhe në Europë dhe marrim informacion të saktë e të plotë. Kur këto lojtarë luajnë rregullisht ne u dërgojmë ftesa dhe më pas i shohim nga afër se si përshtaten me filozofinë dhe skuadrën e U19.”

LOJTARËT – “Na mungojnë 2-3 elementë, disa për arsye të shkollës, pasi jemi në sezon provimesh, apo kanë dhe play-out, jemi jashtë datave zyrtare. Bozhani ka një rast specifik, apo Muçi që është në aktivitet në klube. Bozhani mungon se ekipi i tij merr pjesë në play-out. Ne kemi parë një pjesë dhe është një proçes që pëson ndyshime. Niveli ndryshon, por nuk do të thotë se nuk i kemi nën vëzhgim. Ndeshjet i kemi në nëntor dhe duam të krijojmë grupin. Ata që janë të talentuar do mundohemi t’i mbështesim.”

STRATEGJIA – “Nuk janë lojtarë të ekipit Kombëtar, por kandidatë. Janë 30 apo 40 lojtarë. Disa elementë duhet të vëzhgohen. Duhet të shohim dhe 2001-at. Ne pretendojmë që përveç përzgjedhjes dhe bashkëpunimit me trajnerët, duhet të kemi bashkëpunim të mirë dhe të mendojmë e të punojmë nëjsoj, që të kemi një strategji të qartë. Siç U21 po furnizon Kombëtaren e parë, edhe skuadra e 21-vjeçarëve ka marrë nga ekipi U19.

GRUPI – “Me këta lojtarë që kemi po mundohemi që të zgjedhim më të mirët e mundshëm. Mund të ketë dhe të tjerë që nuk u kemi dhënë mundësinë për të ardhur dhe për t’u parë. Kemi një grup me 22 lojtarë dhe shumica janë nga kampionati shqiptar. Jam i kënaqur pasi edhe klubet po i përkrahin lojtarët e rinj. Nuk do të shohim më vetëm jashtë Shqipërisë për të plotësuar një pozicion dhe të hapim atë diskutimin që është shumë i gjerë me specifika të ndryshme që erdhi për ne, iku nga ne etj. Ne duam të kemi një bazë të shëndoshë. Është një proçes.”

KOSOVA – “Përballjet me Kosovën janë gjithnjë interesante. Kam parë edhe kombëtaren A kur kanë luajtur dhe kanë qenë ndeshje të luftuara. Nuk besoj se ka agresivitet, por agonizëm apo ego personale. Në 27 vite në Shqipëri të gjithë shqiptarët kanë pretenduar që të largohen për një jetë më të mirë, ndërsa Kombëtarja në këto 27 vite ka afruar lojtarë nga jashtë. Një nga gjërat më të mira në Shqipëri është Kombëtarja. Shpresoj që edhe shumë shqiptarë të Kosovës t’i bëjmë të vijnë te ne.”

Në një prononcim për FSHF, Hajdaraj deklaroi: “Luaj në Gjermani për Borusia Mënshengladbah. Unë dhe familja ime u gëzuam shumë kur morëm vesh për  ftesën në kombëtare. Idhulli im është Toni Kros sepse kam një stil loje si ai. Idhull shqiptar kam Taulant Xhakën pasi kam luajtur një herë më të në stërvitje dhe më pëlqen shumë”.

Një idhull me mbiemrin Xhaka ka dhe Albert Raqi: “Jam 15 vjeç dhe luaj futboll që prej moshës 4-vjeçare. Luaj për Totenhem. Jam i lumtur që ndodhem këtu me kombëtaren e Shqipërisë. Po ia kaloj shumë mirë me shokët e tjerë në kombëtare. Idhulli im është Ronaldinjo, ndërsa idhulli shqiptar është Granit Xhaka”.

Kombëtarja U16 vijon përgatitjet për turneun “UEFA Development 2019”, që do të zhvillohet në Slloveni më datë 3-8 prill.

Sulmuesi i Çelsit Armando Broja zhbllokoi ndeshjen me golin në minutën e 10-të, ndërsa skuadra “fqinje” përmbysi rezultatin falë dy golave të shënuar Jeton Dauti dhe Agron Elezi, dy futbollistë të etnisë shqiptare.

Miqësore | Maqedonia e Veriut 2 – 1 Shqipëria
Shënues:  Dauti 40’, Elezi 53’ / Broja 10’

Në një intervistë për “SportEkspres.com” ai thekson se të rinjtë janë rruga e suksesit dhe grumbullimi i lojtarëve nga Superiorja është shtysë e madhe dhe një mundësi për të pasuruar klubet tona. Nora e shikon si një “karburant” thirrjen në kombëtare, por ka edhe një mesazh për të gjithë ata lojtarë që duan të ecin në karrierë. Ai flet edhe për mundësinë e ndryshimit të rregulloreve, sipas të cilave të detyrohet aktivizimi i elementëve të rinj në Kupë e kampionat.

INTERVISTOI: VLADIMIR PRENGA

Gentian, bëni pjesë tek ata persona që ju pëlqen t’ia jepni një dorë lojtarëve të rinj. Është parë kjo te Luftëtari. Si e shikoni faktin që në kombëtaret e moshave janë disa lojtarët e grumbulluar që luajnë në kampionatin tonë?
– Mendimi im është se guximi me  lojtarët e rinj është rruga më e shkurtër drejt suksesit të klubeve. Përveçse më pëlqeu, e vlerësoj shumë këtë veprim dhe më duket diçka inteligjente. Lojtarë që luajnë në kampionate të rëndësishme të Europës nuk kanë nevojë për shumë promovim, ata e kanë shumë të mundur të zënë vend në kombëtaren A. Për lojtarët tanë kjo është një vitrinë dhe shtysë e madhe. Përveç anës logjike, edhe nga ana teknike mendoj që U21 me këtë trajner vitet e kaluara tregoi se me këtë mënyrë mund të kishte sukses dhe në rezultate.

Sa ndikon kjo politikë që po ndihet te klubet tona dhe sa i motivon të rinjtë këtu që të punojnë për të zënë një vend në kombëtaret e moshave?
– Ndikon tej mase dhe i bën klubet produktive. Të kemi parasysh: nëse një lojtar është i aftë të luajë 8 ose 10 ndeshje me U21,  për klubet do të thotë të ardhura. Në vendet e Ballkanit ndjenjat kombëtare janë më të theksuara se në vende të tjera. Prandaj, mundësia dhe ëndrra  që një ditë mund të veshësh bluzën kuqezi kthehet në karburant dhe energji për të rinjtë. Ata punojnë më shumë dhe rritet kështu edhe cilësia.

Duke qenë se shikoni shpesh për të rinj për Luftëtarin, a ka potencial që mund të gjendet në futbollin e moshave për klubet e elitës?
-Në shkurt kemi bërë disa grumbullime me rreth 60 lojtarë nga ekipe të ndryshme dhe kategori të ndryshme. Flasim për lojtarë nën 20 vjeç. Mendoj se nga këta, të paktën 4 lojtarë janë të aftë të aktivizohen në këtë kategori. Madje jo vetëm të aktivizohen, pasi nëse sakrifikojnë do të shkëlqenin në fushë. Talentin e kanë, ju duhet vetëm punë.

Pamë që nuk kishte asnjë lojtarë nga klubi gjirokastrit, ndiheni keq ndopak? Keni elementë në ekip që meritojnë të vëzhgohen me kujdes?
-Do ketë dhe nga Luftëtari. Ju e dini, që kur vijnë nga ky klub, lojtarët shkëlqejnë. Ka dhe lojtarë nga skuadra  jonë, por janë në listat e kombëtares U19. Në skuadrën e parë kemi disa lojtarë poshtë 20 vjeç, të cilët janë paraqitur shumë mirë në  ndeshjet e Kategorisë Superiore. Këta lojtarë duhet të tregohen më vigjilent, ta kapin rastin që do t’u vijë dhe ta shfrytëzojnë atë në mënyrën e duhur që të ekspozohen.

Po në lidhje me aktivizimin e të rinjve në Superiore, çfarë mendoni? Është shtuar numri i atyre që luajnë, por a mund të bëhet edhe më mirë në këtë drejtim?
-Përfitoj nga rasti t’i këshilloj këta të rinj: më pak xhel, më pak tatuazhe, më pak Instagram. Dhe më shumë punë, më shumë sakrificë. Superiorja do personalitet, nuk mjafton fusha dhe talenti. Do forcë karakteri, disa do të dorëzohen. Ata që nuk e bëjnë këtë, meritojnë më shumë. E them këtë për t’i dhënë përgjigje pyetjes. Ka mjaftueshëm të rinj, por duhet të luftojnë më shumë.

A mos ndoshta FSHF duhet të vendosë edhe ndonjë shpërblim për klubet që çojnë lojtarë në kombëtaret e moshave? Do ishte një nxitje ekstra kjo për të punuar me elementët e rinj?
-Më duket e panevojshme. Kombëtarja jonë ka karakteristikat e saj. Po të shikojmë, jemi nga të paktat kombëtare që s’kemi lojtarë të natyralizuar. Kjo për shkak se lidhja me fanellën te ne perceptohet ndryshe.

Vetë ju, keni ndonjë propozim që klubet të “detyrohen” në njëfarë mënyrë të mbështesin të rinjtë? Mos ndoshta ka ardhur koha që në Kategorinë e Parë, me rregullore të përcaktohet një numër i caktuar të rinjsh që të luajnë titullarë me detyrim?
– Mendoj se mund të caktojë me detyrim që çdo skuadër të ketë në përbërje dy lojtarë poshtë 19 vjeç, nga 25 futbollistët që federohen. Gara e kampionatit është e ashpër, por mendoj që jo vetëm në Kategorinë e Pare të ketë përcaktime për aktivizimin e të rinj. Të gjitha skuadrat që marrin pjesë në Kupë, të detyrohen që në ndeshjet e këtij kompeticioni të aktivizojnë të paktën dy lojtare nën 20 vjeç deri në çerekfinale. Më pas një të tillë me detyrim. Futbolli jone është i etur për reformë në këtë aspekt dhe do ta thithte në mënyrë shumë natyrale këtë dhe shume ide të tjera që aktorët e sportit mund të kenë.

Djemtë e Nevil Dedes do të luajnë përballë bashkëmoshatarëve të Maqedonisë Veriore, dy ditë pas kombëtares së madhe që pret Turqinë në “Loro Boriçi” të Shkodrës.

Ndeshja do të zhvillohet në stadiumin “Skënderbeu” të Korçës, me datë 24 mars, ora 15:00. Hyrja në stadium do të jetë e lirë, kështu që tifozët korçarë do të kenë mundësinë për të mbështetur kombëtaren kuqezi.

Sulmuesi, i cili në Shqipëri ka qenë pjesë e  Akademia Futbollit, i dha avantazhin e dyfishtë Lokomotivës së Zagrebit me dy golat e realizuar në të 10′ dhe 23′. Gjithsesi në pjesën e dytë vendasit arritën të barazonin dhe kështu Lokomotiva humbet vendin e parë, pasi Hajduk Split ka golaverazh më të mirë. Të dyja skuadrat numërojnë nga 36 pikë pas 16 javësh kampionat.

Në ndeshjen e sotme nga minuta e parë luajti edhe Indrit Tuci. Mesfushori i avancuar një javë më parë shënoi për Lokomotivën dhe këtë herë stafi teknik e preferoi nga fillimi. Tuci qëndroi në fushë deri në minutën e 65-të.

Broja, në një prononcim për “FSHF TV”, tregon pse ka zgjedhur të përfaqësojë ngjyrat kuqezi: “Jam shumë i kënaqur që jam këtu, kam shumë dëshirë të luaj për Shqipërinë. Më pëlqen shumë dhe ekipi  ka lojtarë shumë të mirë. Familja ime është e kënaqur që unë jam këtu”

Më tej 17-vjecari tregon rrugëtimin në futboll dhe zbulon lojtarët e preferuar: “E kam filluar futbollin në moshën 5-vjeçare, duke luajtur në park dhe me shokë. Kanë ardhur të më shikojnë nga Totenhemi, më kanë pëlqyer dhe për vite kam luajtur aty. Në moshën 10-vjeçare më ka blerë Çelsi dhe prej 7 vitesh luaj me skuadrën angleze. Idhulli? Ronaldo, më pëlqen shumë. Nga Shqipëria pëlqej Armando Sadikun, lojtar i mirë dhe për më tepër ka edhe emrin tim”.

Alkeo Bani, qendërmbrojtësi i Uotford, ndjen që i është plotësuar një ëndërr. “Unë luaj për Uotford, me ekipin U-18, në pozicionin e mbrojtësit të qendrës. Ndihem shumë mirë këtu, e kam pasur gjithmonë ëndërr për të luajtur me Shqipërinë. Kur më mbërriti ftesa jam ndjerë shumë i lumtur. Nuk kam shumë emocione, por dua që të luaj gjithmonë. E kam pasur ëndërr dhe tani që jam këtu nuk kam shumë emocione, dua vetëm të luajë në fushë dhe të tregoj cilësitë e mia”.

I riu, gjithashtu ka treguar hapat e tij dhe lojtarët e preferuar: “Futbollin e kam filluar i vogël, në moshën 7-vjeçare dhe kam qenë në League 1 në Fletud Toun. Tani ndodhem ke Uotford deri në fund të sezonit dhe shpresoj të marr një kontratë më të mirë. Idhulli im ka qenë Lorik Cana, por momentalisht pëlqej Gjimshitin. Është mbrojtës shumë i mirë, të cilin që e pëlqej dhe e ndjek në ndeshjet tek Atalanta”.

NEVIL DEDE – “Ky është një grumbullim që bëhet për të parë elementët dhe prurjet e reja që vijnë nga seleksionimet që bëjmë nga stafi, si në Maqedoni, Greqi apo Itali dhe në Shqipëri. Informacioni që kam marr është i mirë, por më qartë do të flas pasi t’i shoh. Zhvillimi i lojtarëve në këto mosha është pak delikat, pasi ata mbarojnë te moshat U-19 dhe është e vështirë të kalojnë tek ekipet e para. Kanë shumë ulje ngritje dhe kjo është diçka që nuk më bën të qartë. Kam një listë të gjatë dhe do të kenë vëmendjen time. Mendoj se do të bëjmë një punë të mirë.

Përzgjedhja – “Maqedonia është si një treg për të ushqyer moshat. Nuk ka qenë zero, por meriton një vëmendje të madhe dhe do të jenë të rëndësishëm për ne, pasi janë shqiptarë siç ka qenë Kosova. Edhe në Angli ka shumë shqiptarë dhe duhen parë për të forcuar ekipin tonë kombëtar.

“Nëse dy lojtarë janë të barabartë, them se do të jetë i avantazhuar ai që luan në Shqipëri. Mund të jenë edhe 10% më shumë të avantazhuar. Sa më shumë nxjerrim nga këtu, aq më shumë ndërgjegjësohen ekipet. Nëse vazhdojmë me këto politika, do të jetë më mirë. Raporti do të jetë 60-40 për lojtarët shqiptarë”.

ELVIN BEQIRI –  “Shpresoj që vlerat e lojtarëve që do të grumbullojmë të shfaqin vlerat e tyre dhe të jemi sa më të kënaqur me performanca e tyre gjatë këtij aktiviteti. Të punosh me moshat nuk është e lehtë. Brezat janë të ndryshëm dhe shpresoj që brezi i 2003 të jetë i mirë. Kemi parë shumë elementë cilësor dhe shpresoj të jenë të mirë. Është fat për ne që kemi edhe një tjetër turne pas 2 muajsh në Maltë dhe do të shohim elementë të rinj sërish. Shpresoj të gjejmë më të mirët për eliminatoret zyrtare, megjithatë lufta është e gjatë deri në nëntor dhe kanë rrugë të gjatë deri tek ekipi A”.

“Kam menduar që t’i ndaj në dy grupe pasi kemi shumë lojtarë për t’u grumbulluar. Në pamundësi për t’i thirrur të gjithë i kemi ndarë në dy grupe. Do të shohim cilësitë e tyre, duke shpresuar të gabojmë sa më pak. Në përgjithësi, të gjithë lojtarët kanë pasur dëshirë të madhe të përfaqësojnë Shqipërinë. Dëshira është e madhe dhe ne duam të zgjedhim ata që janë të zotët për të luajtur. Ne falënderojmë prindërit që i afrojnë te Kombëtarja. Kryesorja është që ne zgjedhim më të mirët dhe të denjët për Kombëtaren”.

Tirana ka tre përfaqësues, kurse Partizani dy. Gjithashtu ka edhe lojtarë të marrë nga Vllaznia, Flamurtari, Skënderbeu e Laçi. Pjesa tjetër vijnë nga Greqia e Italia kryesisht, por është edhe sulmuesi Armelindo Mema që është pjesë e QPR në Angli.

Shkodrani Beqiri ka zgjedhur gjithashtu të rinjtë që do jenë pjesë e Shqipërisë U17 në turneun që do të zhvillohet në Turqi. Gjysma e lojtarëve të marrë janë pjesë e klubeve të moshave në vendin tonë.

Kombëtarja U-17 do të marrë pjesë në 2019 MERCEDES BENZ AEGEAN CUP , kompeticion që organizohet nga Federata Turke e Futbollit. Në këtë kompeticion marrin pjesë 8 skuadra Kombëtare të ndara në dy grupe. Shqipëria U-17 bën pjesë në grupin B sëbashku me Spanjën, Rusinë dhe Maqedoninë. Në grupin A bën pjesë Turqia, Anglia, Azerbaxhjani dhe Moldavia. Ndeshjet zhvillohen në 14, 15 dhe 17 Janar.

Dede, nesër do të dalë në konferencë për shtyp prej orës 10:00. Aty do të zbulohet edhe lista e lojtarëve të grumbulluar. E njëjtë situata edhe me Shqipërinë U17, por kuqezinjtë e Beqiriti do të zhvendosen në Turqi dhe do të marrin pjesë në një turne.

“Kombëtarja U-17 do të marrë pjesë në 2019 MERCEDES BENZ AEGEAN CUP , kompeticion që organizohet nga Federata Turke e Futbollit. Në këtë kompeticion marrin pjesë 8 skuadra Kombëtare të ndara në dy grupe. Shqipëria U-17 bën pjesë në grupin B së bashku me Spanjën, Rusinë dhe Maqedoninë. Në grupin A bën pjesë Turqia, Anglia, Azerbaxhjani dhe Moldavia. Ndeshjet zhvillohen në 14, 15 dhe 17 Janar”, njofton FSHF përmes zyrës së shtypit.

Më parë ka pasur vëzhgime edhe Itali e Greqi, ndërkohë që nga afër gjithë këtë proces e ka ndjekur Xhemal Mustedanagiç, drejtor teknik i kombëtareve. Elementët për kombëtaret U15, U17 dhe U19 janë vëzhguar edhe nga trajnerët e këtyre grupmoshave, Armand Dama, Elvin Beqiri dhe Nevil Dede.

Nuk ka munguar edhe trajneri i Shqipërisë U21, Alban Bushi, apo përfaqësues të sektori të ekipeve kombëtare, Dritan Babamusta, Sulejman Mema dhe Denis Lilo. Tashmë lojtarët e parë gjatë kësaj periudhe do të ndiqen me vëmendje dhe do të jetë trajnerët e kombëtareve ata që do të mund t’i angazhojnë në të ardhmen këta elementë të rinj në kombëtaret e moshave.

Në total gjatë kësaj periudhe janë vëzhguar plot 910 lojtarë, ndërkohë që në seleksionimin e fundit ishin të pranishëm vetëm 120 futbollistë, pikurish ata që edhe kishin tërhequr më së shumti vëmendjen gjatë kësaj periudhe.

Edhe Kosova ka mësuar rivalët dhe do të jetë në grupin 5. Rusia dhe Polonia janë dy prej kundërshtarëve, ndërkohë katërshja plotësohet nga Uellsi. Një grup jo i lehtë edhe për Dardanët, që do mundohen të kualifikohen në Elite Round.

Gjithsej janë 13 grupe me nga 4 skuadra. Dy të parat në grupe kalojnë në Elite Round, ndërkohë edhe 4 vendet e treta më të mira përparojnë në fazën finale. Për Shqipërinë U19 dhe Kosovë U19 nuk do të jetë një mision i lehtë.

Në listën e publikuar vihet re fakti se janë jo pak, por plot dhjetë lojtarë nga klubet shqiptare. Në total janë ftuar 22 futbollistë dhe ka elementë nga klube si Lacio, Olimpiakos, Torino dhe Empoli.

NJOFTIMI I FEDERATËS SHQIPTARE TË FUTBOLLIT – “Trajneri i ekipit përfaqësues së Shqipërisë U-19, Erjon Bogdani, ka shpallur listën e futbollistëve të grumbulluar për dy ndeshjet miqësore që do të zhvillojë ndaj kombëtares U-19 të Rumanisë në stadiumin “Loni Papuçiu” në qytetin e Fierit. Bogdani për këto përballje testuese ka grumbulluar plot 22 futbollistë, ku 12 prej tyre aktivizohen në vendin tonë.

Shqipëri – Rumani (18 Nëntor 2018, ora 14:00; Stadiumi “Loni Papuçiu”, Fier)
Shqipëri – Rumani (20 Nëntor 2018, ora 14:00; Stadiumi “Loni Papuçiu”, Fier)

Sikurse ka ndodhur edhe në të shkuarën, nga Italia do të ketë sërish elementë të rinj dhe për herë të parë është ftuar mbrojtësi i majtë i Kievos, Angelo Ndrecka. Futbollisti 17-vjeçar luan edhe në qendër të prapavijës dhe është një element me të ardhme.

Ndreca më parë është ftuar edhe nga Shqipëria U17 dhe tanimë do të jetë pjesë e kuqezinjve të rinj. Djaloshi, në faqen e tij në “Facebook”, dukshëm është i emocionuar dhe shkruan: “Çfarë të thuash? Shqipëria në zemër”.

Ecuria negative vazhdoi edhe në përfaqësuesen Shpresa. Humbje ndaj Spanjës në “Selman Stërmasi”, me një gol të pësuar në minutat e fundit dhe barazim 2-2 në Estoni, me ekipin e Bushit që ishte dy herë në avantazh, por u ndëshkua sërish në fund, duke i mbyllur kualifikueset në vendin e parafundit në grup, me 7 pikë, pas një fitoreje dhe katër barazimeve.

Zhgënjim për përfaqësuesen e 19-vjeçarëve të Erjon Bogdanit, që ndodhej në një grup mjaft të vështirë kualifikues në Europianin e kësaj grupmoshe. Kuqezinjtë e vegjël regjistruan tre humbje në turneun e organizuar në Shqipëri, ndaj Ukrainës, Sllovakisë dhe Norvegjisë, por prej paraqitjes mund të kishin merituar më tepër, ndërsa kualifikimi në “Elite Round” dukej prej fillimit mjaft i vështirë.

Tashmë radhën për të bërë diçka dhe ndoshta për të ndryshuar trendin e ka përfaqësuesja e 17-vjeçarëve, që në turneun kualifikues të Europianit është pritëse. Edhe pse presioni për të regjistruar fitoren e parë kuqezi në muajin tetor është i madh, po kaq e lartë duket edhe shkalla e vështirësisë. Ekipi i Mustedanagiç do të luajë kundër Republikës Çeke, Norvegjisë dhe Azerbajxhanit, ku synimi kryesor është të evitohet pozicionimi në vendin e fundit, por duke shpresuar edhe te kalimi në “Elite Round”.

KOMBËTARJA
Miqësore            Shqipëri-Jordani 0-0 (10 tetor 2018)
Liga e Kombeve Izrael-Shqipëri 2-0 (14 tetor 2018)

SHPRESAT
Kualifikuese       Shqipëri-Spanjë 1-0 (11 tetor 2018)
Kualifikuese       Estoni-Shqipëri 2-2 (16 tetor 2018)

PËRFAQËSUESJA U19
Kualifikuese       Ukrainë-Shqipëri 1-0 (10 tetor 2018)
Kualifikuese       Sllovaki-Shqipëri 3-0 (13 tetor 2018)
Kualifikuese       Shqipëri-Norvegji 0-1 (16 tetor 2018)

PËRFAQËSUESJA U17
Kualifikuese       Rep. Çeke-Shqipëri (23 tetor 2018)
Kualifikuese       Norvegji-Shqipëri (26 tetor 2018)
Kualifikuese       Shqipëri-Azerbajxhan (29 tetor 2018)

Kuqezinjtë ishin mposhtur nga Ukraina dhe Sllovakia më parë, ndërkohë që sot me Norvegjinë kuqezinjtë u munduan të marrin një pikë.  Një gabim i bërë në mbrojtje në minutën 30-të u shfrytëzua nga nordikët, që realizuan përmes Botheim. Pjesa e parë e takimit është mbyllur me rezultatin minimal 0-1 në favor të Norvegjisë.

Në të dytën kuqezinjtë u munduan të bëjnë diçka dhe të barazojnë, por nuk ia dolën dot. Norvegjia iu gëzua fitores, pasi u ngjit në vendin e dytë me tre pikët e marra. Sllovakia, që i kish fituar dy ndeshjet e para, u mposht me rezultatin 4-1 nga Ukraina dhe u eliminua.

KUALIFIKUESET E EUROPIANIT – GRUPI 8

E martë, më 16 tetor, ora 14:00
Stadiumi “Niko Dovana”, Durrës

Shqipëri-Norvegji 0-1
Shënues: Botheim 30’

Shqipëria: Alia, Ismailgeci, Pjetri, Isufi, Doda, Rama, Çelhaka (Kocci 74’), Lakti (Frroku 82’), Karica, Gkertsos (Halili 57’), Nezha

Norvegjia: Klaesson, Evjen, Sandberg, Fredriksen, Ugland, Botheim (Larsen 78’), Stenevik, Kristensen (Naustdal 94’), Daland, Solbaken, Tagseth

Gjyqtarë: Horatiu Fesnic (Rumani), Alexandru Cerei (Rumani), Fredrik Klyver (Suedi), Mohammed Al-Hakim (Suedi)

Kartonë të verdhë: Doda 11’ / Kristensen 63’, Solbaken 65’, Ublang 75’

“Me vjen keq për djemtë, dhanë shumë. Futbolli është i tillë. Në futboll në rastet që paraqiten duhet të jesh më i egër dhe të shënosh. Keqardhje sepse kemi prodhuar shumë futboll, shumë raste, por kemi zero pikë dhe zero gola”, tha fillimisht Bogdani.

Më tej ai shtoi: “Lojtarët marrin eksperiencën. Tani është detyra ime t’i flas lojtarëve. Si trajner nuk dua të përsëris rastet e humbura, por shoh me sa lojtarë dilnim në aksione. Golat erdhën nga gabimet teknike. Luajmë në një grup shumë të fortë, me Sllovakinë dhe Ukrainën. Këto ekipe kaq të forta të ndëshkojnë me dy raste e gjysmë dhe të shënojnë tre gola”.

Kmet shënoi që në minutën e dytë, ndërkohë që dyfishoi shifrat pas gjysmë orë lojë. Në çdo dalje tonën Sllovakia na rrezikon dhe në të 32’ kemi pësuar edhe golin e tretë. Autori i tij ishte Kadak. Pjesa e parë është mbyllur me rezultatin 3-0 në favor të Sllovakisë.

Kuqezinjtë u munduan të ndryshojnë diçka dhe iu afruan golit disa herë, por nuk ishin të saktë paar portieri të Sllovakisë. Në fund të ndeshje goditi tranversën. Edhe nëse shënonte nuk është se do ndryshonte diçka sa i takon ndeshjes, pasi rezultati 3-0 thuajse i kishte mbyllur llogaritë pë fituesin

KUALIFIKUESET E EUROPIANIT – GRUPI 8

E shtunë, më 13 tetor, ora 12:00
Stadiumi “Niko Dovana”, Durrës

Sllovaki-Shqipëri 3-0
Shënues: Kmet 4’, 30’, Kadak 32’

Sllovakia: Fojtícek, Kucera, Pišoja, Mader, Kmet (Parkan 82′), Martišiak, Filipiak, Vojtko, Strelec (Mihalek 77′), Kadák (Gono 69′), Machara

Shqipëria: Alia, Kalaj (Doda 74′), Kumbulla, Isufi, Ismailgeci, Karica, Halili, Koci (Gkertsos 61′), Lakti (Çelhaka 67′), Pasha, Muçi (Nezha 46′)

Gjyqtarë: Mohammed Al-Hakim (Suedi), Fredrik Klyver (Suedi), Darragh Keegan (Irlandë), Paul Mclaughlin (Irlandë)

Kartonë të verdhë: Strelec 26’, Mader 68′ / Kalaj 45’, Nezha 67′

Plot 7 ndeshje në gjashtë ditë do të zhvillojnë kuqezinjtë, duke nisur që nga data 10 tetor deri në 16 tetor. Do të jetë skuadra e 19-vjeçarëve ajo që do të zbresë në fushë e para, pasi të mërkurën në orën 14:00 në “Niko Dovana” do të presin homologët e tyre nga Ukraina. Pak orë më vonë, saktësisht në 20:00, do të jetë skuadra e Kristian Panuçit apo që do të sfidojë Jordaninë në “Elbasan Arena”. Një ditë më vonë, të enjten në orën 19:00 në “Selman Stërmasi” është radha e 21-vjeçarëve që të mirëpresin Spanjën, në një ndeshje shumë të vështirë.

Më 13 tetor, këtë herë në orën 12:00, do të jetë sërish skuadra e 19-vjeçarëve që në Durrës do të sfidojë Sllovakinë. Më pas do të jetë radha skuadrës së parë të kuqezinjve që të ndeshen me Izraelin në transfertë, takim ky i vlefshëm për Ligën e Kombeve, takim ky i programuar për të dielën në orën 20:45.

Në datën 16 tetor do të luhen dhe dy ndeshjet e fundit. Sërish skuadra e Bogdanit do të mbyllë fazën kualifikuese ndaj Norvegjisë, sërish në Durrës, në orën 14:00, ndërsa 4 orë më vonë në fushë mbyllin javën kuqezi 21-vjeçarët, të cilët do të ndeshen me Estonin.

KALENDARI I PLOTË

10 tetor/ 14:00/ “Niko Dovana”
Ukrainë U19 – Shqipëri U19

10 tetor/ 20:00/ “Elbasan Arena”
Shqipëri – Jordani

11 tetor/ 19:00/ “Selman Stërmasi”
Shqipëri U21 – Spanjë U21

13 tetor/ 12:00/ ”Niko Dovana”
Sllovaki U19 – Shqipëri U19

14 tetor / 20:45/ Izrael
Izrael – Shqipëri

16 tetor/ 14:00/ “Niko Dovana”
Shqipëri U19 – Norvegji U19

16 tetor/ 18:00/ Estoni
Estoni U21 – Shqipëri U21

“Kemi disa ditë që po stërvitemi, shokët e skuadrës janë gati. Të gjithë mezi i kemi pritur këto ndeshje dhe në çdo seancë stërvitore po japim 100 % nga vetja, në mënyrë që në këto ndeshje eliminatore të dalim sa më mirë. Shpresojmë shumë të dalim të parët në grup”.

“Ende nuk jemi grupi i plotë, pasi presim edhe disa shokë të tjerë që t’i bashkohen skuadrës përfaqësuese. Sa i përket kundërshtarëve, ne e dimë që ato janë ekipe të forta. Por ne kemi objektivat tona. Kemi disa grumbullime me të njëjtin grup shokësh dhe kemi ndërtuar marrëdhënie shumë të mira”, u shpreh qendërmbrojtësi shkodran, Enes Isufi.

Ismajlgeci, i riu i krahut të majtë të mbrojtjes, i cili është pjesë e Tiranës, deklaroi: “Grumbullimi po shkon shumë mirë, jemi stërvitur fort dhe të gjithë po japim maksimumin. Shpresoj që do të ecim mirë. Në fakt u bënë disa grumbullime që jemi të gjithë së bashku dhe mendoj se jemi përshtatur me lojën e njëri-tjetrit. Gjatë gjithë kohës rrimë bashkë, jemi të afërt si në fushë dhe jashtë saj”.

Norvegjia, Sllovakia dhe Ukraina janë skuadra që do të garojnë me Shqipërinë U19 në grupin 8 të kualifikueseve të Europianit. Në “Niko Dovana” dhe në Kamzë do të zhvillohen ndeshjen në periudhën 10-16 tetor.

Gjithsesi ai theksoi se është më mirë që një humbje e tillë u ndodhi në këtë moment para kualifikueseve të Europianit që zhvillohen në muajin tetor në Shqipëri.“Është e vërtetë që kjo humbje është një leksion. Nuk jam shumë i preokupuar, pasi siç fituam ndeshjen e parë, që nuk isha shumë i gëzuar, edhe kjo ndeshje ishte një miqësore” u shpreh fillimisht Bogdani.

“U përpoqa të shikoj gjendjen e lojtarëve që kisha grumbulluar. Kjo që ndodhi është më mirë që ndodhi tani, sepse edhe lojtarët duhet të përqendrohen më shumë. Kjo pasi grupi është i vështirë, luajmë kundër Ukrainës, Sllovakisë dhe Norvegjisë. Është një grup me tre skuadra të forta dhe duhet shumë përqendrim dhe që të ndjekin detyrat”, shtoi trajneri i Shqipërisë U19 në prononcimin e dhënë pas ndeshjes në Supersport.

Ish-sulmuesi më tej deklaroi se duhet shumë punë për lojtarët në klube, pasi me kombëtaren punohet në periudha të shkurtra: “Duhet të marrim leksione nga minutat e mira që bëmë. Megjithatë këtu punohet vetëm një javë, më shumë punë duhet në skuadrat ku ata luajnë. këto 20 ditë do jem në udhëtim duke parë gjendjen e lojtarëve. Do të marr lojtarët që e meritojnë të luajnë”.

Sa i takon lojtarëve që do të ftohen për kualifikueset, nuk është se priten surpriza të mëdha: “Baza e ekipit kjo është. Megjithatë përforcime mund të ketë, pasi nëse ndonjë lojtar paraqitet shumë mirë, atëherë dyert e kombëtares janë të hapura”.

“Ishte ndeshje e vështirë me Islandën. Edhe të hënën do të jetë. Na shërben kjo ndeshje, pasi ishte përballë një ekip të fortë. Na shërben për ndeshjet e tetorit në kualifikueset e Europianit, kur të ndeshemi me Ukrainën, Sllovakinë dhe Norvegjinë. Luajmë në Shqipëri dhe do mundohemi të bëjmë mirë”, u shpreh Bogdani mes të tjerash në “Supersport”.

Sa i takon lojtarëve që do të grumbullohen, nuk është se do të ketë surpriza. “Ky është grupi, kjo është baza, kanë qenë edhe vjet”, u shpreh Bogdani, që së bashku me të rinjtë e tjerë do kërkojnë të kualifikohen Elite Round.

Një takim i vendosur vetëm në fund, kur ishte sulmuesi i Tiranës, Ernest Muçi, ai që shënoi dhe i dha fitoren Shqipërisë. I riu u aktivizua në pjesën e dytë dhe bëri atë që di: të shënojë. Fundjavën e shkuar, sulmuesi bardheblu realizoi golin e parë në kampionat të kryeqytetasve në humbjen 3-1 që pësuan ndaj Kukësin.

Për t’u rikthyer te të rinjtë kuqezi, ata do të përballen sërish me Islandën të hënën në stadiumin “Elbasan Arena”. Në tetor nisin kualifikueset e Europianit dhe trajnerit Bogdani i duhet të hartojë listën e lojtarëve që do të ftojë.

Shqipëri-Islandë 1-0
Shënues: Muçi 92’

Shqipëria: Alia, Dragoshi, Kalaj, Isufi, Pëllumbi, Rama, Koci, Liço, Oshafi, Gavazaj, Halili. (U aktivizuan: Doda, Lakti, Gkertsos, Karrica, Nezha, Muçi)

Kreu i pankinës kuqezi ka shpallur edhe listën e futbollistëve që do të ketë në dispozicion dhe sytë janë hedhur edhe nga kampionati shqiptar. Lista është e zgjeruar, pasi janë ftuar 28 lojtarë.  

Ndeshja e parë me Islandën luhet më 8 shtator në stadiumin “Roza Haxhiu” të qytetit të Lushnjës prej orës 16:00. Dy ditë më pas, në të njëjtin orar,  takimi tjetër luhet në “Elbasan Arena”.

Karrica i ka hedhur hapat e parë në futboll në Gjakovë, qytet që ka nxjerrë ndër vite lojtarë për kombëtaren, madje emra të njohur si Hasi, Cana, Grezda, Kukeli e Abrashi. I riu është në rrugën e duhur, pasi së fundmi ka qenë edhe në një grumbullim të kombëtares U19.

Në tetor Karrica do të jetë sërish pjesë e Shqipërisë U19 për kualifikueset e Europianit. Luan në të majtë të sulmit dhe i pëlqen të futet nga brenda, për shkak se këmba e preferuar e tij është e djathta.

Një dorë për të kaluar në Kroaci ia ka dhënë edhe Leonard Bisaku, një ish-futbollist që ka provuar të mbrojë ngjyrat e Hajdukut të Splitit dhe Rijekës. Tashmë Karrica e ka në dorë vetë për të treguar se sa vlen. Me kombëtaren sigurisht që do të ketë një marsh më tepër.