Shqiperia U19 Femra

Shorti i kombëtares së femrave U19, përballje me Gjermaninë

Sport Ekspres — Fri, 23 Nov 2018 13:19:56 +0000

Shqipëria U19 për femra ka njohur kundërshtarët e eliminatoreve të Euro 2020, që do të zhvillohet në Gjeorgji. Ekipi i drejtuar nga Nevil Dede ndodhet në grupin e tretë nga 12 grupet totale, që formohen me nga katër ekipe.

Gjermania, Portugalia dhe Azerbajxhani janë kundërshtarët e kombëtares tonë, ndërsa sfida e parë do të zhvillohet me datë 2 tetor.

Turneu “Qualifying Round” do të zhvillohet në Portugali, në datat 2, 5 dhe 8 tetor. Dy vendet e para kualifikohen në Europian, ndërsa të njëjtin fat do të kenë dhe katër vendet e treta më të mira të 12 grupeve.

Holanda “zhdëp keq” Shqipërinë U19 të femrave

Sport Ekspres — Wed, 03 Oct 2018 19:29:30 +0000

Shqipëria U19 për femra ka nisur kualifikueset për paraeliminatoret e Europianit dhe ndeshja e parë me Holandën ka përfunduar me rezultatin e thellë 12-0. Vendaset janë treguar të pamëshirshme, duke i mundur keq vajzat e drejtuar nga Nevil Dede.

Pjesa e parë u mbyll me vetëm dy gola, ndërkohë që më pas për gjashtë minuta vajzat e Holandës shënuan plot pesë herë, duke i çuar shifrat në 7-0. Nuk u mbyll me aq, pasi u shënuan edhe pesë gola të tjerë dhe rezultati përfundimtar i regjistruar ishte 12-0.

Në futbollin e femrave jemi inferiorë dhe normalisht që pritej një humbje, por shifrat janë me të vërtetë të rënda. Tanimë kanë mbetur edhe dy ndeshje për t’u luajtur, ajo me Poloninë më 6 tetor (ora 12:00) dhe më 9 tetor (ora 19:00) kundër Bjellorusisë.

Shqipëria e Dedes triumfon ndaj Malit të Zi

Sport Ekspres — Thu, 27 Sep 2018 13:21:05 +0000

Shqipëria U19 ka marrë një fitore të pastër 2-0 në miqësoren me Malin e Zi. Skuadra e drejtuar nga Nevil Dede ka shënuar nga një gol për pjesë dhe protagoniste ka qenë sulmuesja Mesuare Begallo.

Futbollistja e Tirana AS ka shënuar golin e parë që në minutën e 30-të, ndërkohë që në pjesën e dytë ka shënuar sërish, duke i dhënë fitoren kombëtares kuqezi.

MIQËSORE – E ENJTE, MË 27 SHTATOR
Mal i Zi – Shqipëri 0-2
Golat: Begallo 30’, 60’

Shqipëria U19 po përgatitet për paraeliminatoret e Europianit. Në Holandë nga data 3 tetor deri në 9 tetor do të përballen me Holandën vendase, Poloninë dhe Bjellorusinë.

PROGRAMI I NDESHJEVE

3 Tetor, ora 19:00
Holandë-Shqipëri

6 Tetor, ora 12:00
Poloni-Shqipëri

9 Tetor, ora 19:00
Shqipëri-Bjellorusi

Shqipëria U19 grumbullohet në Shkodër, Dede publikon listën

Sport Ekspres — Sat, 22 Sep 2018 11:56:59 +0000

Shqipëria U19 grumbullohet që ditën e nesërme për ndeshjet parakualifikuese të Europianit për 19-vjeçare. Trajneri Nevil Dede ndërkohë ka shpallur edhe listën e vajzave që do të mbrojnë ngjyrat kuqezi në këto takime.

Ndeshjet luhen nga data 3 tetor deri më 9 tetor, teksa Shqipëria U19 do të përballet me skuadra si Holanda, Polonia dhe Bjellorusisë. Ndeshjet do të zhvillohen në Holandë, ndërkohë që grumbullimi do të bëhet në Shkodër.

PROGRAMI I NDESHJEVE
3 Tetor, ora 19:00
Hollandë-Shqipëri

6 Tetor, ora 12:00
Poloni-Shqipëri

9 Tetor, ora 19:00
Shqipëri-Bjellorusi