Ndërkohë, sot në është grumbulluar Shqipëria U16. Kuqezinjtë e drejtuar nga Elvis Sina po përgatiten në Durrës dhe më pas do të marrin pjesë në turneun “Etlinger 2019”, që zhvillohet në Kroaci në periudhën 7-9 qershor.

Që ditën e parë do të luajnë dy takime, kundër Spalit në orën 11:30 dhe ndaj Dinamo Brest në orën 16:00. Ndeshja e dytë zhvillohet një ditë më pas, më 8 qershor, kundër Dinamos së Zagrebit. Kjo përballje luhet nga ora 17:30. Më datë 9 qershor luhen finalet.

E fundit dhe më e thella ishte ajo e djeshmja me Danimarkën, që u mbyll me rezultatin 5-0. Trajneri shkodran në këtë takim kishte hedhur këtë formacion: Bukova, Preka, Zalli, Fejzulla, Mitaj (kap.), Abazaj, Shehu, Jahiji, Myftiu, Cereni, Alimi.

UEFA Development Tournament (4-8 mars 2019)
8 Mars 2019: Shqipëri 0-5 Danimarkë
6 Mars 2019: Skoci 3-1 Shqipëri
4 Mars 2019: Maltë 2-0 Shqipëri

Kuqezinjtë e zgjidhën gjithçka në pjesën e dytë. Pas 45 minutave të para pa gola, Gjuzi ishte ai që arriti të kalonte në avantazh Shqipërinë U12, ndërkohë që dy minuta më vonë u realizua edhe goli i dytë.

Ishte kapiteni Mitaj, ai i cili arriti të realizonte me një gjuajtje direkte në portë pas ekzekutimit të një goditjeje dënimi. Në fund ishte Frate që shënoi në portën e Shqipërisë dhe bëri që rezultati i gjithë takimit të ishte 1-2 në favor të skuadrës së Beqirit.

MERCEDEZ BENZ CUP 2019 – NDESHJET NË GRUPE

Moldavi 1-2 Shqipëri
Shënues:  Frate 82’ / Gjuzi 56’, Mitaj 58’
Formacioni: Bekteshi, Burgaj, Preka, Gjuzi, Dervishi, Papa, Kasemi, Mitaj (c), Pengu, Doko, Dervishi

14 Janar, Angli 2-0 Shqipëri

15 Janar, Turqi 3-1 Shqipëri

Kur po përfundonte pjesa e parë ishte Pengu që i dha një “ndihmë” turqve me auogolin e realizuar. Gjithsesi një penallti e fituar dhe e kthyer në gol nga Mitaj bëri që ndizej përkohësisht shpresa se ndeshja do të merrte rrjedhë tjetër. Nuk ndodhi kjo, pasi Bajram realizoi me fillimin e pjesës së dytë dhe golin tretë. Takimi “u vra” aty dhe deri në fund nuk pati më ndryshime.

Ndërkohë, ditën e djeshme skuadra jonë u ndesh me Anglinë, takim që përfundoi me fitoren 2–0 të “Tre Luanëve”. Shqipëria e mbyll paraqitjen në këtë turne më datë 17 janar, ku kuqezinjtë e vegjël do të ndeshen ndaj Moldavisë në orën 15:00.

“Mercedez Benz Cup 2019” | Turqi 3 – 1 Shqipëri  
Shënues: Çaglar 3′ , Pengu (aut) 38′, Bajram 47′ / Mitaj (pen.) 40′

Shqipëria U17: Roko; Pjeshka; Preka; Tajari; Abazaj; M.Dervishi; Papa; Mitaj; Pengu; K.Dervishi; Miftiu

Trajneri shkodran e nisi ndeshjen me këtë formacion: Roko; Burgaj; Pjeshka; Preka; Tajari; Abazaj; Gjuzi; Dervishi; Papa; Kasemi; Mitaj(C). Pjesa e parë u mbyll pa gola, ndërsa përfaqësuesja e Anglisë shënoi dy herë në pjesën e dytë, duke arritur të fitojë ndeshjen.

Kuqezinjtë e vegjël do të zbresin përsëri në fushë ditën e martë. Përballë do të jenë vendasit e Turqisë dhe ndeshja do të nisë në orën 12:00. Në ndeshjen tjetër të zhvilluar sot, Turqia mposhti Moldavinë me rezultatin e thellë 4-0.

NEVIL DEDE – “Ky është një grumbullim që bëhet për të parë elementët dhe prurjet e reja që vijnë nga seleksionimet që bëjmë nga stafi, si në Maqedoni, Greqi apo Itali dhe në Shqipëri. Informacioni që kam marr është i mirë, por më qartë do të flas pasi t’i shoh. Zhvillimi i lojtarëve në këto mosha është pak delikat, pasi ata mbarojnë te moshat U-19 dhe është e vështirë të kalojnë tek ekipet e para. Kanë shumë ulje ngritje dhe kjo është diçka që nuk më bën të qartë. Kam një listë të gjatë dhe do të kenë vëmendjen time. Mendoj se do të bëjmë një punë të mirë.

Përzgjedhja – “Maqedonia është si një treg për të ushqyer moshat. Nuk ka qenë zero, por meriton një vëmendje të madhe dhe do të jenë të rëndësishëm për ne, pasi janë shqiptarë siç ka qenë Kosova. Edhe në Angli ka shumë shqiptarë dhe duhen parë për të forcuar ekipin tonë kombëtar.

“Nëse dy lojtarë janë të barabartë, them se do të jetë i avantazhuar ai që luan në Shqipëri. Mund të jenë edhe 10% më shumë të avantazhuar. Sa më shumë nxjerrim nga këtu, aq më shumë ndërgjegjësohen ekipet. Nëse vazhdojmë me këto politika, do të jetë më mirë. Raporti do të jetë 60-40 për lojtarët shqiptarë”.

ELVIN BEQIRI –  “Shpresoj që vlerat e lojtarëve që do të grumbullojmë të shfaqin vlerat e tyre dhe të jemi sa më të kënaqur me performanca e tyre gjatë këtij aktiviteti. Të punosh me moshat nuk është e lehtë. Brezat janë të ndryshëm dhe shpresoj që brezi i 2003 të jetë i mirë. Kemi parë shumë elementë cilësor dhe shpresoj të jenë të mirë. Është fat për ne që kemi edhe një tjetër turne pas 2 muajsh në Maltë dhe do të shohim elementë të rinj sërish. Shpresoj të gjejmë më të mirët për eliminatoret zyrtare, megjithatë lufta është e gjatë deri në nëntor dhe kanë rrugë të gjatë deri tek ekipi A”.

“Kam menduar që t’i ndaj në dy grupe pasi kemi shumë lojtarë për t’u grumbulluar. Në pamundësi për t’i thirrur të gjithë i kemi ndarë në dy grupe. Do të shohim cilësitë e tyre, duke shpresuar të gabojmë sa më pak. Në përgjithësi, të gjithë lojtarët kanë pasur dëshirë të madhe të përfaqësojnë Shqipërinë. Dëshira është e madhe dhe ne duam të zgjedhim ata që janë të zotët për të luajtur. Ne falënderojmë prindërit që i afrojnë te Kombëtarja. Kryesorja është që ne zgjedhim më të mirët dhe të denjët për Kombëtaren”.

Tirana ka tre përfaqësues, kurse Partizani dy. Gjithashtu ka edhe lojtarë të marrë nga Vllaznia, Flamurtari, Skënderbeu e Laçi. Pjesa tjetër vijnë nga Greqia e Italia kryesisht, por është edhe sulmuesi Armelindo Mema që është pjesë e QPR në Angli.

Shkodrani Beqiri ka zgjedhur gjithashtu të rinjtë që do jenë pjesë e Shqipërisë U17 në turneun që do të zhvillohet në Turqi. Gjysma e lojtarëve të marrë janë pjesë e klubeve të moshave në vendin tonë.

Kombëtarja U-17 do të marrë pjesë në 2019 MERCEDES BENZ AEGEAN CUP , kompeticion që organizohet nga Federata Turke e Futbollit. Në këtë kompeticion marrin pjesë 8 skuadra Kombëtare të ndara në dy grupe. Shqipëria U-17 bën pjesë në grupin B sëbashku me Spanjën, Rusinë dhe Maqedoninë. Në grupin A bën pjesë Turqia, Anglia, Azerbaxhjani dhe Moldavia. Ndeshjet zhvillohen në 14, 15 dhe 17 Janar.

Dede, nesër do të dalë në konferencë për shtyp prej orës 10:00. Aty do të zbulohet edhe lista e lojtarëve të grumbulluar. E njëjtë situata edhe me Shqipërinë U17, por kuqezinjtë e Beqiriti do të zhvendosen në Turqi dhe do të marrin pjesë në një turne.

“Kombëtarja U-17 do të marrë pjesë në 2019 MERCEDES BENZ AEGEAN CUP , kompeticion që organizohet nga Federata Turke e Futbollit. Në këtë kompeticion marrin pjesë 8 skuadra Kombëtare të ndara në dy grupe. Shqipëria U-17 bën pjesë në grupin B së bashku me Spanjën, Rusinë dhe Maqedoninë. Në grupin A bën pjesë Turqia, Anglia, Azerbaxhjani dhe Moldavia. Ndeshjet zhvillohen në 14, 15 dhe 17 Janar”, njofton FSHF përmes zyrës së shtypit.

Më parë ka pasur vëzhgime edhe Itali e Greqi, ndërkohë që nga afër gjithë këtë proces e ka ndjekur Xhemal Mustedanagiç, drejtor teknik i kombëtareve. Elementët për kombëtaret U15, U17 dhe U19 janë vëzhguar edhe nga trajnerët e këtyre grupmoshave, Armand Dama, Elvin Beqiri dhe Nevil Dede.

Nuk ka munguar edhe trajneri i Shqipërisë U21, Alban Bushi, apo përfaqësues të sektori të ekipeve kombëtare, Dritan Babamusta, Sulejman Mema dhe Denis Lilo. Tashmë lojtarët e parë gjatë kësaj periudhe do të ndiqen me vëmendje dhe do të jetë trajnerët e kombëtareve ata që do të mund t’i angazhojnë në të ardhmen këta elementë të rinj në kombëtaret e moshave.

Në total gjatë kësaj periudhe janë vëzhguar plot 910 lojtarë, ndërkohë që në seleksionimin e fundit ishin të pranishëm vetëm 120 futbollistë, pikurish ata që edhe kishin tërhequr më së shumti vëmendjen gjatë kësaj periudhe.

Si zakonisht ndeshjet do të jenë me sistem grumbullimi dhe “Qualifying Round” do të zhvillohet në Portugali në datat 13, 16 dhe 19 nëntor të vitit 2019. Shkodrani do të ketë kohën e mjaftueshme për të përgatitur grupin për këto përballje.

Gjithsej jane 13 grupe me nga 4 skuadra. Dy të parat në grupe kalojnë në Elite Round, ndërkohë edhe 4 vendet e treta më të mira përparojnë në fazën finale. Ndërkohë edhe Kosova ka mësuar rivalët. Dardanët do garojnë në grupin 12 me skuadra si Holanda, Uellsi dhe Sllovenia.

Besniku, tregon arsyet se pse e çuan të bënte këtë zgjedhje atë dhe të birin e tij, por nuk u kursen dhe akuzat në drejtim të Federatës Shqiptare, por duke u rezervuar disi në këtë pjesë. Molla, Marko, sipas babait të tij mund të jetë pjesë e Shqipërisë në të ardhmen, ndërkohë që Besniku tregon edhe për mënyrën se si i kishte shkuar ftesa nga përfaqësuesja “axurre”.

NDRYSHIMI – “Kam dëgjuar shumë gjëra në lidhje me braktisjen e kombëtares shqiptare nga djali im dhe zgjedhjen e tij për të përfaqësuar Italinë. Askush nuk mundet të na thotë se e kemi “tradhtuar” fanellën kuqezi, sepse ju siguroj se jemi më shqiptarë se shumë shqiptarë të tjerë. Nëse për momentin vendosëm që Marko të përfaqësonte Italinë, kjo nuk do të thotë se në të ardhmen nuk do të rikthehet sërish te Shqipëria. Rregulloret e FIFA-s dhe UEFA-s e lejojnë këtë gjë dhe nuk dihet se çfarë ka për të ndodhur në të ardhmen.”

ARSYET – “Djali siç e dinë të gjithë, u bënë disa muaj që ka firmosur me Bolonjën dhe këtë ua kemi treguar edhe pjestarëve të Federatës. Por që në gusht ka nisur një problem. Në grumbullimin e bërë nga kombëtarja shqiptare, nga FSHF nuk ka mbërritur asnjë ftesë zyrtare tek klubi i Bolonjës për ta lënë Marcon të lirë. Në shtator ndërkohë në grumbullimin tjetër, ai nuk mundi të vinte për shkak të disa provimeve që kishte në shkollën e re si rrjedhojë e transferimit nga një shkollë në tjetrën kur ndërroi qytet. Sakaq, për grumbullimin e tetorit për ndeshjet eliminatore, sërish u shfaq i njëjti problem. Asnjë ftesë zyrtare nga FSHF tek klubi i Bolonjës i cili nuk mund të lejonte futbollistin e tij të largohej pa një ftesë të tillë. Por Marko gjatë kësaj periudhe ka patur edhe një problem dëmtimi në dorën e tij të djathtë”.

FTESA NGA ITALIA – “Sakaq, një natë para se Italia të shpallte listën e kombëtares U17, më telefonoi një pjesëtar i kombëtares së portierëve që në fakt nuk e njihja. Më kërkoi takim dhe ai u realizua. Më tha se ishte trajneri i portierëve të kombëtares italiane të kësaj moshe dhe më bëri kërkesën për ta grumbulluar Markon me këtë kombëtare. Përgjigja ime e parë ishte se djali është ende i dëmtuar, megjithatë ai më befasoi me përgjigjen e tij kur më tha: ‘Jam në dijeni të çdo gjëje sepse kam pesë ditë që jam pas portës së tij në stërvitje. Para se të vija te ju, kam kontaktuar mjekun e ekipit të Bolonjës dhe më garantoi se problemi i ka kaluar”.

SERIOZITETI – Në fakt, u befasova për seriozitetin që shfaqi Kombëtarja italiane për djalin tim ndërkohë që e kundërta ndodhte vazhdimisht me atë shqiptare. Gjithsesi, unë kërkova edhe një tjetër vizitë të specializuar te mjekët specialistë dhe kjo u krye të nesërmen. Gjithçka ishte ‘OK’ dhe dhamë aprovimin për të qenë pjesë e kombëtares italiane”.

SHQIPËRIA – “Janë edhe disa gjëra të tjera që na bënë të marrim vendimin e mësipërm. Markos filluan t’i bëhen disa padrejtësi njëra pas tjetrës. I hoqën fanellën me numrin 1 dhe i dhanë atë me numër 12. Më pas filluan ta aktivizojnë si rezervë dhe vetëm 20 minuta në fund, pa përmendur pastaj edhe disa gjëra të tjera të cilat nuk kam dëshirë t’i përmend. Në kombëtaren shqiptare kishte interesa të ndryshme dhe e pëson ai që ka më pak njohje e lidhje. Ndokush mund të thotë se rezerva te kombëtarja italiane ka shkuar, por në fakt nga mënyra si po shkonin gjërat, më mirë rezervë te Italia, se rezervë te Shqipëria”.

Republika Çeke na mposhti 6-0, ndërkohë që në ndeshjen e dytë ishte Norvegjia që triumfoi 3-1 ndaj kuqezinjve. Sa i takon ndeshjes së sotme, Azerbajxhani nga minuta e 34-të luajti me një lojtar më pak dhe kombëtarja e drejtuar nga Xhemal Mustedanagiç nuk arriti të shënojë më shumë se një gol. Në fund ka pasu edhe dy kartonë të kuq të tjerë për futbollistët e Azerbajxhanit.

Ndryshe nga Shqipëria U17, Kosova po bën më mirë. Ata kanë reaguar pas humbjes 2-1 me Zvicrën, teksa kanë arritur të mposhtin sot Zvicrën. Ka mjaftuar një gol i realizuar nga Zumberi në minutën e 63-të për t’i dhënë fitoren dardanëve.

Kosova U17 është ngjitur në vendin e dytë në grup dhe ndeshja e radhës me Qipron (renditet e fundit me 1 pikë) do të vendosë se kush do të kalojë më tej. Grupi kryesohet nga Skocia me katër pikë dhe Kosovës mund t’i bëjë edhe një pikë punë në ndeshjen e  fundit, nëse britanikët triumfojnë me Zvicrën.

KUALIFIKUESET – EURO U17

Shqipëri Azerbajxhan 1-0
Shënues: Mitaj 45’ (pen.)

Zvicër-Kosovë 0-1
Shënues: Zumberi 63’

Norvegjezët kaluan ën avantazh me anë të Gelmujden. Në pjesën e dytë miqtë skandinavët realizuan dhe golin e dytë me anë të Opegard, sapo ishte mbushur një orë lojë. Norvegjezët e ndërlikuan situatën 15 minuta para fundit, kur Tveiten la skuadrën e tij me 10 lojtarë.

Shqipëria arriti që të ngushtonte diferencën me një gol të Gjinit në minutën e 80-të, por më pas nuk erdhi pika e parë. Në sekondat e fundit erdhi dhe goli i tretë i miqve  Në këtë mënyrë Shqipëria U17 nuk ka më shpresë për kualifikim, pasi në ndeshjen tjetër të zhvilluar në “Roza Haxhiu”, Çekia U17 kanë mundur homologët nga Azerbajxhani me shifrat 2-0.

Edhe Kosova U17 e ka nisur me humbje aventurën e saj, pasi është mundur nga 17-vjeçarët skocez me rezultatin 2-1. Skuadra nga Britani e gjeti golin pa u mbushur gjysmë ore lojë, ndërsa ekipi i dardanëve barazoi me Husehinin. Gjithsesi, ekuilibri zgjati vetëm 5 minuta, pasi skocezët shënuan golin e epërsisë në të 77-ën. Në grupin e Kosovës U17, veç Skocisë, është dhe Zvicra që ka triumfuar 3-0 ndaj Qipros.

Plot katër gola pësoi Shqipëria në pjesën e parë, teksa Vojaçke ishte ai që i “çmontoi kuqezinjtë”. Dy golat në minutën e 13-të dhe të 19-të hapën serinë e golave, ndërkohë që Svoboda shënoi edhe golin e tretë.

Për të mos mjaftuar ky gol, kapiteni Hozlek në fundin e pjesës së parë gjeti sërish rrugën e rrjetës për Çekinë dhe pjesa e parë u mbyll 4-0. Vojaçke mori sërish skenën, teksa pak minuta nga fillimi i pjesës së dytë shënoi golin e pestë për skuadrën dhe të tretin personal.

Asgjë nuk shkoi mirë për Shqipërinë në këtë ndeshje. Sejk tre minuta nga fundi shënoi edhe golin e gjashtë për Çekinë dhe me rezultatin 6-0 u mbyll i gjithë takimi. Kuqezinjtë tani duhet të mendojnë për ndeshjet me Norvegjinë dhe Azerbajxhanin, rivalë në grupin 8.

EURO U17 Kualifikueset – Grupi 8

E martë, më 23 tetor, ora 14:00
Stadiumi “Elbasan Arena”, Elbasan

Republika Çeke-Shqipëri 6-0
Shënues: Vojaçke 13’, 19’, 49, Svoboda 23’, Hlozek 42’, Sejk 87’

Republika Çeke: Stejskal, Hellebrand, K?rka, Hájek, Hroník, Vojaçke (Pek 72’), Svoboda (Sejk 64’), Hložek, Starý, Koželuh, Vorlicki (Sip 64’)

Shqipëria: Ceka, Shehu, Zaimi, Smajlaj, Doda, Arapi, Stafa (Ismaili 46’), Mitaj, Kuqi (Preka 59’), Memushaj (Gjini 22), Cahani

Kartonë të verdhë: Zaimi 53’, Shehu 64’ / Hellebrand 77’

Ecuria negative vazhdoi edhe në përfaqësuesen Shpresa. Humbje ndaj Spanjës në “Selman Stërmasi”, me një gol të pësuar në minutat e fundit dhe barazim 2-2 në Estoni, me ekipin e Bushit që ishte dy herë në avantazh, por u ndëshkua sërish në fund, duke i mbyllur kualifikueset në vendin e parafundit në grup, me 7 pikë, pas një fitoreje dhe katër barazimeve.

Zhgënjim për përfaqësuesen e 19-vjeçarëve të Erjon Bogdanit, që ndodhej në një grup mjaft të vështirë kualifikues në Europianin e kësaj grupmoshe. Kuqezinjtë e vegjël regjistruan tre humbje në turneun e organizuar në Shqipëri, ndaj Ukrainës, Sllovakisë dhe Norvegjisë, por prej paraqitjes mund të kishin merituar më tepër, ndërsa kualifikimi në “Elite Round” dukej prej fillimit mjaft i vështirë.

Tashmë radhën për të bërë diçka dhe ndoshta për të ndryshuar trendin e ka përfaqësuesja e 17-vjeçarëve, që në turneun kualifikues të Europianit është pritëse. Edhe pse presioni për të regjistruar fitoren e parë kuqezi në muajin tetor është i madh, po kaq e lartë duket edhe shkalla e vështirësisë. Ekipi i Mustedanagiç do të luajë kundër Republikës Çeke, Norvegjisë dhe Azerbajxhanit, ku synimi kryesor është të evitohet pozicionimi në vendin e fundit, por duke shpresuar edhe te kalimi në “Elite Round”.

KOMBËTARJA
Miqësore            Shqipëri-Jordani 0-0 (10 tetor 2018)
Liga e Kombeve Izrael-Shqipëri 2-0 (14 tetor 2018)

SHPRESAT
Kualifikuese       Shqipëri-Spanjë 1-0 (11 tetor 2018)
Kualifikuese       Estoni-Shqipëri 2-2 (16 tetor 2018)

PËRFAQËSUESJA U19
Kualifikuese       Ukrainë-Shqipëri 1-0 (10 tetor 2018)
Kualifikuese       Sllovaki-Shqipëri 3-0 (13 tetor 2018)
Kualifikuese       Shqipëri-Norvegji 0-1 (16 tetor 2018)

PËRFAQËSUESJA U17
Kualifikuese       Rep. Çeke-Shqipëri (23 tetor 2018)
Kualifikuese       Norvegji-Shqipëri (26 tetor 2018)
Kualifikuese       Shqipëri-Azerbajxhan (29 tetor 2018)

Sa i takon listës, “SportEkspres.com” mëson se Usni Ismaili, mbrojtësi i djathtë i datëlindje 2002, do të jetë pjesë e Shqipërisë U17. Adoleshenti po luan në Maqedoni me Pelisterin në ligën e dytë dhe është një element me të ardhme.

Trajneri Mustadanagiç e ka pëlqyer lojtarin në fjalë dhe e ka në planet e tij. Kështu shtohet numri i lojtarëve nga Maqedonia që zgjedhin të veshin fanellën kuqezi. Te moshat janë disa lojtarë që kanë bërë këtë zgjedhje, ndërkohë që ka edhe të tjerë në fokus.

VLADIMIR PRENGA