Shqiperia U16

Shqipëria U16 merr medalje, thyen Kroacinë me penallti

Sport Ekspres — Sun, 09 Jun 2019 09:35:22 +0000

Shqipëria U16 ka mbyllur garimin në turneun ndërkohë Etlinger dhe është renditur në vendin vendin e tretë. Kuqezinjtë e drejtuar nga Elvis Sina u renditën në vendin e dytë në grup dhe sot zhvilluan finalen me vendin e tretë kundër Kroacinë.

Kjo përballje përfundoi me rezultatin e barabartë 1-1. Fabijan Paliç shënoi për Kroacinë, por Shqipëria nuk i dorëzua dhe ia doli të barazonte me futbollistin Rrok Toma. Fituesi duhet të vendosej pas gjuajtjes së 11-metërshave.

Lojtarët e kombëtares sonë u treguan të saktë dhe i realizuan të pesta penalltitë, ndërkohë që portieri ynë ndali njërin prej kroatëve dhe në fund festa ishte e gjitha kuqezi.

TURNEU NDËRKOMBËTAR “ETLINGER 2019”
Shqipëri-Kroaci 1-1
Shënues: Toma 48’ / Paliç 31’
SHQIPËRIA U16: Lena, Kreka, Stafa, Abazaj, Halili, Thaleb, Hysenbelliu, Ajazi, Bajraktari, Neziri, Maksuti. Trajner: Elvis Sina

Shqipëria U16 me karakter, shmang humbjen ndaj SPAL

Sport Ekspres — Fri, 07 Jun 2019 11:43:40 +0000

Shqipëria U16 e ka nisur me barazim turneun ndërkombëtar “Etlinger 2019”. Kuqezinjtë e drejtuar nga Elvis Sina kanë barazuar me rezultatin 2-2 ndaj italianëve të SPAL, që e mbyllën pjesën e parë në avantazh. Malva mposhti portierin Lena për herë të parë, ndërsa me fillimin e pjesës së dytë realizoi edhe D’Andrea.

Bajraktari me penallti hapi takimin, kurse Maksuti realizoi golin e barazimit. Një rezultat befasues, pasi kuqezinjtë po luan prej shumë minutash me një lojtar më pak. Kjo ishte ndeshja e parë për Shqipërinë në këtë turne, ndërkohë që është planifikuar që sot prej orës 16:00 të luhet takimi i dytë ndaj Dinamo Brest. Ndeshjet janë 60-minutëshe.

TURNEU NDËRKOMBËTAR “ETLINGER 2019”
Shqipëri-SPAL 2-2
Shënues: Bajraktari 48’ (pen.), Maksuti 56’ / Malva 21’ , D’Andrea 36’

SHQIPËRIA U16: Lena, Kreka, Stafa, Halili, Cipi, Kurbasha, Ajazi, Bajraktari, Kote, Neziri, Cela. Trajner: Elvis Sina

Moshat kuqezi, talente nga të gjitha anët e Europës

Sport Ekspres — Mon, 03 Jun 2019 18:33:07 +0000

Shqipëria U17 dhe U16 do të jenë në aksion së fundmi, teksa kombëtarja e 17-vjeçarëve, që drejtohet nga tekniku Elvin Beqiri, do të zhvillojë më 5 dhe 7 qershor miqësore me Maqedoninë e Veriut. Ndeshja e parë zhvillohet në Korçë, kurse e dyta në Strugë. Kuqezinjtë janë grumbulluar nga dita e djeshme në qytetin juglindor.

Ndërkohë, sot në është grumbulluar Shqipëria U16. Kuqezinjtë e drejtuar nga Elvis Sina po përgatiten në Durrës dhe më pas do të marrin pjesë në turneun “Etlinger 2019”, që zhvillohet në Kroaci në periudhën 7-9 qershor.

Që ditën e parë do të luajnë dy takime, kundër Spalit në orën 11:30 dhe ndaj Dinamo Brest në orën 16:00. Ndeshja e dytë zhvillohet një ditë më pas, më 8 qershor, kundër Dinamos së Zagrebit. Kjo përballje luhet nga ora 17:30. Më datë 9 qershor luhen finalet.

Kuqezinjtë e Beqirit nuk ia dalin, na ndëshkon Turqia

Sport Ekspres — Thu, 18 Apr 2019 09:08:02 +0000

Shqipëria U16 nuk ia ka dalë të evitojë humbjen përballë Turqisë. Djemtë e drejtuar nga Elvin Beqiri janë mposhtur 1-0 përballë vendit organizator në turneun “International U-16 Tournament”.

Kuqezinjtë e vegjël e nisën ndeshjen me këtë formacion: Simoni; Abazaj; Pano; Kurbasha; Neziri; Kote; Kreka; Stafa; Halili; Bajraktari; Çereni. Pjesa e parë ishte e kujdesshme, por turqit zhbllokuan sfidën me golin e shënuar nga Burak Ince në minutën e 40-të.

Ekipi ynë përfaqësues reagoi në të dytën dhe iu afrua disa herë barazimit, por pa arritur të shënojë. Kjo ishte humbja e parë pas fitores 1-0 kundër Bjellorusisë. Turneu për ekipin e Beqirit mbyllet nesër, në orën 15:00, aty ku kuqezinjtë do të përballen me bashkëmoshatarët e Lituanisë.

Kuqezinjtë e Beqirit e nisin me fitore, Bajraktari ndëshkon Bjellorusinë

Sport Ekspres — Mon, 15 Apr 2019 13:25:41 +0000

Shqipëria U16 e ka nisur me sukses rrugëtimin në “International U-16 Tournament” që zhvillohet në Turqi. Djemtë e Elvin Beqirit mposhtën 1-0 bashkëmoshatarët bjellorusë.

Trajneri shkodran e nisi ndeshjen me këtë formacion: Ujkaj; Abazaj; Pano; Kurbasha; Neziri; Kote; Kreka; Stafa; Halili; Bajraktari; Çereni.

Goli u shënua nga Danilo Bajraktari në fundin e pjesës së parë. Mesfushori i Internacionalit konkretizoi me sukses një aksion shumë të bukur të ekipit tonë në minutën e 39-të.

Pjesa e dytë ishte njësoj e luftuar, por kombëtarja shqiptare arriti të ruante avantazhin dhe të siguronte fitoren. Në këtë turne do të përballemi dhe me Turqinë e Lituaninë. Ndeshja e radhës është kundër ekipi vendas, ndeshje që zhvillohet të mërkurën në orën 16:00.

Tjetër humbje për Shqipërinë e Beqirit, Sllovenia na mund

Sport Ekspres — Mon, 08 Apr 2019 10:10:39 +0000

“UEFA Development 2019” është mbyllur dhe Shqipëria U16 nuk ka mundur të marrë fitore. Sfida e fundit ishte parashikuar të zhvillohej sot kundër Sllovenisë vendase dhe kuqezinjtë e Elvin Beqirit janë mundur me rezultatin minimal 1-0.

Një gol i kapitenit Radnik ka vendosur fatet e ndeshjes, ndërkohë që Shqipëria e nisi më këtë formacion: Gega, Burgaj, Zalli (c), Abazaj, Frroku, Janaqi, Raci, Hajdari, Bocaj, Hajdaraj dhe Torra. Më parë Shqipëria ishte mundur nga Peruja me penallti dhe Italia me shifrat 1-0.

Këto tre ndeshje i kanë shërbyer trajnerit Beqiri për të parë nga afër futbollistët e grumbulluar, të cilët do t’i ketë në fokus për ndeshjet zyrtare që Shqipëria U17 pritet të zhvillojë në vazhdim. Sigurisht që këto sfida kanë shërbyer shumë dhe në të ardhmen do vijohet me vëzhgime lojtarët, me synim evidentimin e elementëve cilësorë që i shërbejnë të ardhmes së kombëtareve të moshave dhe asaj A.

UEFA DEVELOPMENT 2019
4 prill | Peru 1-1 Shqipëri
6 prill | Shqipëri 0-1 Itali
8 prill | Slloveni 1-0 Shqipëri

Shqipëria U16, humbje edhe ndaj Italisë

Sport Ekspres — Sun, 07 Apr 2019 11:10:22 +0000

Shqipëria U16 po merr pjesë në “UEFA Development 2019” dhe ka pësuar humbjen e dytë. Kuqezinjt ëu mundën nga Peruja me penallti ndeshjen e parë, ndërsa këtë herë janë thyer nga Italia me rezultatin e ngushtë 1-0.

Skuadra e drejtuar nga Elvin Beqiri e nisi me këtë formacion: Burgaj, Zalli (c), Abazaj, Frroku, Janaqi, Raci, Hajdari, Bokova, Mataj, Torra dhe Kasemi. Kuqezinjtë e vegjël patën disa raste shënimi, por nuk u treguan të saktë para portës. Alesio Rosa, në minutën e 42-të, shënoi dhe vendosi fatet e takimit.

Shqipëria tanimë mendon për ndeshjen e radhës, e projektuar të zhvillohet nesër prej orës 11:00. Përballë skuadrës së Beqirit do të vendoset Sllovenia vendase.

UEFA DEVELOPMENT 2019
Itali-Shqipëri 1-0
Shënues: Rosa 42’

Shqipëria U16, Beqiri fton edhe dy lojtarë të Totenhemit

Sport Ekspres — Sat, 30 Mar 2019 10:51:58 +0000

Shqipëria U16 do të marrë pjesë në UEFA Development 2019, që zhvillohet në Slloveni. Trajneri Elvin Beqiri do të ketë të shohë lojtarët e tij në tre përballjet me Perunë, Italinë dhe Slloveninë. Sot kuqezinjtë e vegjël kanë nisur grumbullimin në “Tropikal” në Durrës dhe do të qëndrojnë aty deri më 3 prill. Më pas do të zhvendosen në Slloveni, ku janë programuar takimet e mëposhtme.

Peru-Shqipëri (4 prill 2019, ora 16:00)
Shqipëri-Itali (6 prill 2019, ora 16:00)
Slloveni-Shqipëri (8 prill 2019, ora 11:00)

FSHF sot ka publikuar listën e futbollistëve që do të jenë nën urdhrat e trajnerit Beqiri, ku bie në sy Renaldo Torraj, sulmuesi i skuadrës së Totenhemit. Ai është i vetmi i datëlindjes 2004, ndërsa të tjerët janë të gjithë të datëlindjes 2003.