Shqiperia U15

Shqipëria U15, tani provon edhe shijen e humbjes

Sport Ekspres — Sun, 09 Jun 2019 13:40:47 +0000

Pas një fitoreje dhe një barazimi, Shqipëria U15 është mposhtur në turneun që po merr pjesë në Kroaci. Kuqezinjtë u vunë sot përballë skuadrës së NK Hask 1903. Kjo ndeshje u mbyll me rezultatin 2-1 në favor të skuadrës kroate.

Skuadra e drejtuar nga trajneri Armand Dama u përpoq të shënonte golin e barazimit, por pa sukses. Shqipëria U15 luajti me këtë formacion: Pojana, Muça, Hasanago, Gjergji, Musta, Hysa, Syla, Dama, Kaba, Xhixha,Tresa.

REZULTATET KUQEZINJVE
Shqipëria 1-0 NK Interblock
Shqipëria 0-0 Slaven Belupo
NK Hask 1903 2-1 Shqipëria

Shqipëria U15 e nis mbarë, likuidon NK Interblock

Sport Ekspres — Sat, 08 Jun 2019 11:34:09 +0000

Shqipëria U15, e drejtuar nga trajneri Armand Dama, e ka nisur mbarë turneun ndërkombëtar në Kroaci, teksa ka mposhtur NK Interblock me rezultatin e ngushtë 1-0. Pjesa e parë e ndeshjes u mbyll në barazim pa gola.

Në të dytën ishte sulmuesi i Skënderbeut, Skerdi Xhixha, ai i cili gjeti rrugën e rrjetës për kuqezinjtë. Ata iu afruan golit edhe në pjesën e parë, kur goditën tranvesrën. Goli i Xhixhës mbeti në fuqi deri në fund dhe tani Shqipëria U15 mendon për ndeshjen e radhës.

Sot në orën 16:30 ata përballen me kroatët e Slaven Belupo, kurse nesër në plan është sfida me NK Hask 1903. Kjo përballje luhet prej orës 10:00 dhe në vazhdim do zhvillohen edhe sfida finale për vendin e shtatë, të pestë, të tretë dhe për vendin e parë.

Shqipëria U15-NK Interblock 1-0
Shënues: Xhixha 48’

Shqipëria U15: Pojani, Muça, Hasanago, Gjergji, Musta, Hysa, Fikaj, Syla, Dama, Kaba, Xhixha. Trajner: Armand Dama

910 futbollistë të vëzhguar, mbyllen seleksionimet për kombëtaret

Sport Ekspres — Thu, 20 Dec 2018 14:23:22 +0000

Kanë përfunduar seleksionimet për kombëtaret e moshave. Sot ishte dita e fundit, teksa në Kamzë janë vëzhguar ata elementë që kishin spikatur në raundin e parë të seleksionimeve në të gjitha Zyrat Rajonale të FSHF-së (Shkodër, Tiranë, Durrës, Elbasan, Korçë, Fier).

Më parë ka pasur vëzhgime edhe Itali e Greqi, ndërkohë që nga afër gjithë këtë proces e ka ndjekur Xhemal Mustedanagiç, drejtor teknik i kombëtareve. Elementët për kombëtaret U15, U17 dhe U19 janë vëzhguar edhe nga trajnerët e këtyre grupmoshave, Armand Dama, Elvin Beqiri dhe Nevil Dede.

Nuk ka munguar edhe trajneri i Shqipërisë U21, Alban Bushi, apo përfaqësues të sektori të ekipeve kombëtare, Dritan Babamusta, Sulejman Mema dhe Denis Lilo. Tashmë lojtarët e parë gjatë kësaj periudhe do të ndiqen me vëmendje dhe do të jetë trajnerët e kombëtareve ata që do të mund t’i angazhojnë në të ardhmen këta elementë të rinj në kombëtaret e moshave.

Në total gjatë kësaj periudhe janë vëzhguar plot 910 lojtarë, ndërkohë që në seleksionimin e fundit ishin të pranishëm vetëm 120 futbollistë, pikurish ata që edhe kishin tërhequr më së shumti vëmendjen gjatë kësaj periudhe.

Kuqezinjtë e vegjël mposhtin Malin e Zi, vendos goli i Maksutit

Sport Ekspres — Sat, 24 Nov 2018 13:04:59 +0000

Shqipëria U15 ka arritur një fitore në ndeshjen e zhvilluar gjatë ditës së sotme. Kuqezinjtë e vegjël triumfuan në miqësoren përballë moshatarëve malazezë, e zhvilluar në Podgoricë në orën 11:00.

Djemtë e Eqerem Memushajt fituan me rezultatin 0-1, ndërsa goli i fitores u shënuar nga Eraldo Maksuti. Lojtari shënoi në fundin e pjesës së parë, duke i dhuruar një fitore ekipit të tij.

Kjo ishte fitorja e dytë radhazi përballë malazezëve, pas fitores 3-0 në ndeshjen miqësore të zhvilluar në Shkodër me datë 22 nëntor.

Dopio miqësorja me Maqedoninë, tjetër humbje për Shqipërinë U15

Sport Ekspres — Thu, 20 Sep 2018 16:59:35 +0000

Shqipëria U15 ka pësuar humbjen e dytë brenda pak ditëve me moshatarët e tyre maqedonas. Djemtë e drejtuar nga Eqerem Memushaj kanë humbur me rezultatin 1-0.

Sfida u luajt në Ohër, në orën 16:00, në stadiumin “Biljanini”. Goli i Maqedonisë u shënua nga Stojanovski në minutën e 66-të të ndeshjes.

Memushaj e nisi ndeshjen me këtë formacion: Ujka, Kreka, Rahimi, Stafa, Cupi, Bajraktari, Kote, Strefaj, Ndreu, Çereni, Karaj.

Humbje e dyfishtë për Shqipërinë U15, pas asaj me rezultatin 1-2 të zhvilluar në stadiumin “Skënderbeu” të Korçës. Golin e vetëm për përfaqësuesen tonë e shënoi Merli Cereni.

Munden kuqezinjtë e vegjël, Maqedonia fiton në Korçë

Sport Ekspres — Tue, 18 Sep 2018 16:14:16 +0000

Kombëtarja shqiptare U15, ekip që drejtohet nga tekniku vlonjat Eqerem Memushaj ka zhvilluar një ndeshje ndaj Maqedonisë në qytetin e Korçës. Takimi ka përfunduar 1-2 për përfaqësuesen mike. Golin e vetëm të Shqipërisë e realizoi lojtari i grupmoshave të Tiranës Melsi Cereni.

View this post on Instagram

#U15 Shqipëri 1-2 Maqedoni Golin për Shqipërinë e shënoi: Melsi Cereni ’27. #Miqësore #Kombëtarja #ALB ? ??? ?

A post shared by FSHF (@fshforg) on Sep 18, 2018 at 8:55am PDT

Dy miqësore me Maqedoninë, publikohet lista e Shqipërisë U15

Sport Ekspres — Fri, 14 Sep 2018 14:49:07 +0000

Shqipëria U15, e drejtuar nga trajneri vlonjat Eqerem Memushaj, do të zhvilloje dy ndeshje miqësore me Maqedoninë të martën dhe të enjten. Fillimisht kuqezinjtë e vegjël do të luajnë në Korçë më 18 shtator prej orës 16:00.

Ndeshja e dytë zhvillohet më 20 shtator në stadiumin “Biljanini” në qytetin e Ohrit. Ndërkohë është publikuar edhe lista e lojtarëve të grumbulluar për këto dy takime. Bien në sy më së shumti lojtarë që luajnë kryesisht në vendin tonë, por ka edhe nga ata që vijnë nga klube evropiane.