Shqiperi U19

Shqipëri U-19 dhe Erzeni ndahen në “paqe”, mposhtet Besa

Sport Ekspres — Wed, 23 Jan 2019 16:51:33 +0000

Shqipëria U-19 dhe Erzeni kanë luajtur sot një miqësore në Durrës, e cila është mbyllur me rezultatin 2-2. Të dyja ekipet i dhanë më shumë prioritet fazës së sulmit dhe në “Olympic Park”, u zhvilluar një ndeshje shumë e bukur.

Për kuqezinjtë U-19, golat u shënuan nga Gashi dhe Prenga, ndërsa golat për Erzenin mbajnë firmën e Mahmutaj dhe Vathit. Kjo sfidë ishte një mundësi shumë e mirë për të dyja ekipet për të parë nivelin dhe gjendjen e tyre fizike, në këtë periudhë pushimi.

Miqësore, 21 janar 2019
“Olympic Park, Durrës

Shqipëri U-19 – Erzeni 2-2
Shënues: Gashi, Prenga / Mahmutaj, Vathi

Sot, edhe skuadra e Besës ka luajtur një miqësore përballë ekipit nga Mitrovica, Trepça ’89. Skuadra kavajase është mposhtur me rezultatin e pastër 0-3, ndeshje kjo që ka folur vetëm për ekipin kosovar.

Miqësore, 23 janar 2019

Besa – Trepça ’89 0-3

Dinamo mposht moshat e Shqipërisë, Erzeni e Tërbuni dhurojnë spektakël

Sport Ekspres — Wed, 16 Jan 2019 12:46:03 +0000

Janë luajtur sot dy takime miqësore, ku tri ekipe të Kategorisë së Parë kanë zbritur në fushën e lojës. Erzeni testoi forcat përballë Tërbunit dhe në Yrshek, u zhvillua një ndeshje shumë e bukur.

Erzeni u mposht nga Tërbuni me rezultatin 4-3, një ndeshje spektakolare. Golat për Tërbunin u shënuan nga Teqa, Xhemalaj dhe Mahmutaj dy herë. Trajneri i Erzenit, Gentian Stojku e quajti këtë miqësore si një ndeshje e ekuilibruar, me të dyja skuadrat që kanë shumë pak diferencë mes njëra-tjetrës.

Miqësore

Erzeni-Tërbuni 3-4
Shënues: Teqaj 30′, Xhemalaj 41′. Peqini 60′ / Sejdini 16′ 24′, Mezini 38′ 46′

Ndeshja tjetër miqësore u zhvillua mes Dinamos dhe Shqipërisë U-19, me kryeqytetasit që triumfuan pastër 3-0. Golat nga Çema, Vrapi dhe Topalli i dhanë fitoren djemve të Igli Allmuçës përballë ekipit të moshave kuqezi.

Miqësore

Dinamo – Shqipëri U-19 3-0
Shënues: Çema, Vrapi, Topalli

Hakmerret Rumania, Shqipëria e Bogdanit “ia dhuron” fitoren

Sport Ekspres — Tue, 20 Nov 2018 14:47:46 +0000

Shqipëria U19 është mposhtur 0-1 në miqësoren e dytë me Rumaninë. Në fakt si ne, ashtu edhe miqtë, luanin në këto miqësore me ekipe U18. Ndeshja e parë u vendos nga një penallti e realizuar nga kapiteni Emiljano Bullari, kurse sot një autogol përcaktoi fatet e takimit.

Ishte sulmuesi Kapllani, ai i cili devijoi me kokë një top të harkuar në zonë dhe portierit tonë iu desh ta nxirrte topin nga rrjeta. Rumania nga minuta e 79-të luajti me një lojtar më pak, por kuqezinjtë nuk ia dolën të realizojnë dot golin që do të shmangte të paktën humbjen.

Trajneri Erjon Bogdani ka pasur mundësinë që të shikojë nga afër disa lojtarë interesantë në këto dy përballje dhe mbetet për t’u parë se cilat kanë bindur më së shumti teknikun e kuqezinjve të rinj.

Miqësore – E martë, më 20 nëntor, ora 14:00
Shqipëri-Rumani 0-1
Shënues: Kapllani 51’ (aut.)