“Në moshën 5-vjeçare prindërit më çuan në stërvitje. Luajta për katër vite me atë ekip derisa në një turne më pikasi një skaut i Totenhemit. Ai foli me prindërit dhe u paraqita mirë në ndeshjen e provës. Aty qëndrova dy vite”.

“Në një ndeshje kundër Çelsit u futa si rezervë në pjesën e dytë. Kur u futa unë rezultati ishte 2 – 0, shënova një gol dhe asistova tjetrin. Aty më panë për herë të parë. Më pas në një ndeshje tjetër mes ekipeve rezervë të grupmoshave shënova 9 gola, pas kësaj ndeshje ata më kontaktuan dhe thanë hajde te ne. Ishte diçka shumë e bukur pasi kam qenë që i vogël tifoz i kësaj skuadre”.

“Jam stërvitur disa herë me ekipin e parë dhe me skuadrën U21. Shpresoj që në të ardhmen nëse bëj mirë pse jo të mos kaloj një grupmoshë më lart te skuadra U21”, përfundon Broja.

17-vjeçari shënoi fillimisht në minutën e 48’, duke zhbllokuar sfidën. Më pas, në minutën e 60’, Broja shënon sërish, duke dyfishuar avantazhin e kuqezinjve tanë. Uellsi do të shkurtonte diferencat në minutën e 80’ me anë të Pjuh, por Shpresat ia dolën që të ruanin rezultatin deri në fund dhe të merrnin fitoren në këtë miqësore.

Miqësore, U-21

Shqipëri – Uells  2-1
Broja 48’ 60’ / Pjuh 80’

Ishin vendasit ata që shënuan të parët, me anë të sulmuesit Alaez, që ishte dhe kapiten i skuadrës. Në minutën e 19’, Shqipëria e sheh veten në disavantazh. Megjithatë, të besuarit e Bushit ia dolën që të reagonin, pas në minutën e 33’ barazojnë shifrat me anë të Imerit, por vetëm dy minuta më vonë, e pësojnë sërish nga kapiteni i vendasve. Kur 21-vjeçarët tanë dukeshin të humbur, Sula gjen golin e barazimit, vetëm në minutën e 88’ të takimit.

Kualifikuese U21, “Euro 2020”

Andorra – Shqipëri  2-2
Alaez 19’ 55′ / Imeri 53′, Sula 88′

Formacionet fillestare

Andorra: Iker, De Pablos, Alavedra, Garsia, Cervos, Martinez, Vales, Guilen, Rebelo, Rosas, Alaez Trajner: Husto Ruiz

Shqipëria: Dajsinani, Maloku, Kryeziu, Mersinaj, Bajrami, Selahi, Kallaku, Sahiti, Zeka, Muçolli, Vrioni Trajner: Alban Bushi

EPISODET

88’ Gooool Shqipëria, shënon Sula. Sulmuesi ndodhet në kohën e duhur dhe në vendin e duhur për të shtyrë topin në rrjetë, duke ndëshkuar portierin vendas poshtë shalëve dhe duke ndarë pikët e këtij takimi

55’ Gol Andorra. Barazimi zgjat vetëm 2 minuta dhe kuqezinjtë tanë ndshkohen sërish. 2-1 vendasit

52’ Gooool Shqipëria, shënon Imeri. Sulmuesi i Shkëndijës përfiton mjaft mirë brenda zonës dhe ndëshkon me kokë porterin vendas, pas një krosimi shumë të mirë nga Sahiti.

19’ Gol Andorra, shënon Alaez. Sulmuesi i Andorrës luajti dhe dje kundër kombëtares A kuqezi, ndërsa sot i shënon Shpresave. Shqipëria në disavantazh

Megjithatë, Shpresat vazhduan të bënin lojën e tyre dhe të rrezikonin shpeshherë portën e kundërshtarit. Tentativat u shpërblyen, pasi në minutën e 21’, Tafa barazon gjithçka. Një krosim nga Kallaku shfrytëzohet mjaft mirë nga qendërmbrojtësi, i cili shënon me kokë nga një distancë e afërt.

Pjesa e parë foli vetëm për kuqezinjtë tanë, që vazhduan ritmin edhe në fillimin e pjesës së dytë. Raste nuk munguan, por nuk arritën të konkretizonin me gol. Me kalimin e minutave, Turqia mori në kontroll lojën dhe arriti të shënojë sërish, me anë të kapitenit Ozçan në minutën e 78’. Deri në fund të takimit, kuqezinjtë e Alban Bushit u munduan të shmangnin humbjen, por Turqia u mbrojt mirë dhe mori një fitore të vyer.

Kualifikuese “Euro2020”, 23 mars 2019
Stadiumi “Elbasan Arena”, Elbasan

Shqipëri U21 – Turqi U21   1-2
Shënues: Tafa 21′ / Jëksell 10′, Ozçan 78′

Shqipëria: Dajsinani, Kryeziu, Maloku, Tafa, Kallaku (Zeka 84’), Imeri (Shefiti 76’), Vrioni, Muçolli (Selahi 76’), Shehu, Mala (Sahiti 66’), Bajrami Trajner: Alban Bushi

Turqia: Baindir, Dursun, Turkmen, Muldur, Çiftçi (Oktai 46’), San, Jëksell (Kiprit 82’), Ozçan, Sanglam, Çanbaz (Odemir 82’), Sinik (Ulgun 90’) Trajner: Vedat Inçefe

Kartonë të verdhë: Maloku 29’, Bajrami 54’, Tafa 63’, Shehu 69’, Zeka 90’, Kryeziu 90+3’ / Ozçan 75’, Sari 87’, Kiprit 90+3’

Karton i kuq: Kiprit 90+5’

EPISODET

90′ Mbyllet takimi, Turqia fiton 1-2.

78’ Gol Turqia, shënon kapiteni Ozcan. Numri 10 i miqve bën gjithçka mirë brenda zonës dhe ndëshkon portierin Dajsinani me një gjuajtje të hidhur

21’ Goooooool Shqipëria. Kallaku ekzekuton shumë mirë një goditje nga këndi dhe harkimi i tij gjen mbrojtësin Tafa të lirë në shtyllën e dytë, i cili me portën e boshatisur shënon golin e barazimit

10’ Gol Turqia. Një goditje dënimi shfrytëzohet mjaft mirë nga turqit, që shnëojnë me një goditje me kokë

1′ Nis takimi ne “Elbasan Arena”

Në një intervistë për “SportEkspres.com” ai ka rrëfyer ditët kuqezi, si u ndje, udhërrëfyesin e tij në futboll dhe të ardhmen. E thotë hapur, që nëse do të ketë ndonjë opsion të mirë, do të largohej nga ekipi aktual. Minutat janë të rëndësishme për t’u rritur dhe për të qenë sërish pjesë e Shqipërisë U21.

INTERVISTOI: VLADIMIR PRENGA

Faton, për herë të parë provoni të vishni fanellën e kombëtares. Na tregoni diçka më shumë për veten, që edhe njerëzit t’iu njohin më shumë…
-Po, për herë të parë vesha fanellën e kombëtares kuq e zi. Ishte një ëndërr, dhe një ndjenjë shumë emocionuese për mua, që u bë realitet. Unë jam nga Bujanovci dhe luaj në kampionatin serb tek ekipi FK Radnik. Sikurse e dini, luan në krahun e majtë të mbrojtjes.

Si çdo futbollist do kishit dashur më shumë minuta, por me siguri hera e parë me fanellën kuqezi do të mbahet mend gjithmonë nga ju. Na thoni diçka për ndjenjën që përjetuat në fushë?
-Normalisht do të dëshiroja minuta më shumë, si çdo lojtarë që do të luajë për kombëtaren dhe ta japë më të mirën. Por vendimet e trajnerit duhen respektuar dhe të presim për ndeshjet e radhës. Po do ta mbaj mend gjithmonë gjatë jetës time debutimin me fanellën e kombëtares tonë. Me është dukur si ëndërr, ishte një ndjenjë që nuk mund ta përshkruaj me fjalë. Falënderoj edhe profesor Bushin për shansin që ma dha të debutoj me Shpresat.

Si u pritët nga stafi dhe shokët e skuadrës? Me kë prej tyre u lidhët më shumë?
-Si shokët, ashtu edhe stafi i skuadrës, më kanë pritur shumë mirë. I falënderoj të gjithë për pritjen e mirë që ma bënë, e sidomos edhe me surprizën që ma bënë për ditëlindje. Nuk do ta harroj kurrë në jetë.

Kush prej djemve të skuadrës ju bëri më shumë përshtypje? Flasim për cilësitë si futbollistë, por edhe për karakterin e tyre.
-Jemi një grup shumë i mirë. Nuk mund ta ndaj ndonjërin më shumë, ndonjërin më pak. Kaluam shumë mirë të gjithë shokët në këtë grumbullim  të fundit për këtë vit. Të gjithë ishin lojtarë të mirë dhe secili kishte cilësitë e tij. Nuk mund të veçoj asnjë.

A e prisnit grumbullimin me Shpresat, pasi në Serbi nuk është se keni pasur shumë hapësira?
-Edhe pse s’kam shumë hapësira tek ekipi serb, profesor Bushi ma ofroi mundësinë të jem pjesë e kombëtares dhe shpresoj të ketë mbetur i kënaqur me mua.

Si çdo i ri, që e ka një model, në gjurmët e cilit futbollist do të donit të ecnit. Kush është ai që ju frymëzon?
-Unë në pozitën time që kam më pëlqen stili i lojës të David Alaba. Ai me frymëzon.

Ju ngacmuan shokët e tij para se të grumbulloheshit me Shqipërinë U21? Si e priti klubi juaj diçka të tillë?
-Jo nuk pata asnjë ngacmim nga shokët. Përkundrazi, të gjithë më uruan në mënyrën më të mirë. Klubi e mirëpriti shumë mirë këtë lajm dhe e pranuan me dëshirë.

Si është për një djalosh të ri shqiptar të jetë pjesë e kampionatit serb? Sa kohë jeni atje, ju kanë pranuar mes tyre…
-Është një gjë e mirë të jesh i vetmi lojtar në kampionatin serb. Pak e kam vështirë të luaj, por shpresoj në vijim të kem minuta  më shumë.

A po mendoni që në janar të bëni ndonjë lëvizje, ndoshta të shkoni në ndonjë klub ku të keni më shumë mundësi që të luani?
-Nuk do ta anashkaloja ndonjë mundësi të mirë. Në qoftë se do të më vij do shkoja, pasi edhe më nevojiten ndeshje në këmbë.

Do e merrnit në konsideratë një transferim në Superiore?
-Po, besoj se do e merrja në konsideratë Superioren shqiptare. Por të shohim në të ardhmen çfarë do të ndodhë.

Por sërish Selmani nuk do të jetë me Shpresat, sikurse ndodhi edhe në ndeshjet e muajit tetor. Shqipëria luan dy ndeshje miqësore me Maltën dhe për këtë Bushi ka ftuar një tjetër portier.

Do jetë Romeo Harizaj, ai i cili do të jetë në dispozicion të Bushit për dy ndeshjet miqësore. Portieri i Apolonisë, titullar me fierakët në Kategorinë e Parë, i bashkohet Eljon Sotës, shokut të tij të skuadrës. Andrea Hoxha i Vintertur dhe Mario Dajsinani i Skënderbeut janë dy portierët e tjerë që janë pjesë e Shpresave për dy miqësoret me Maltën.

https://www.facebook.com/FutbollKlubApolonia/photos/a.1504312199796719/2279210695640195/?type=3&theater

Në Fier krenohen se pjesë e Shpresave do të jetë mbrojtësi Eljon Sota, i vetmi nga Kategoria e Parë. Klubi i Apolonisë nuk e humb rastin t’i thotë dy fjali dhe të vlerësojë punën që bëhet në klubin e tyre, duke nisur që nga moshat.

“Sota Kuq & Zi! Mbrojtësi ynë, Eljon Sota, sot është bërë pjesë e listës së trajnerit Alban Bushi në kombëtaren Shpresa. Ai është thirrur për vlerat që ka treguar me fanellën e Apolonisë! Ne jemi krenarë që në ekipin tonë kemi futbollistë të tillë si Sota dhe Mihana, të cilët na përfaqësojnë në kombëtare! Presim edhe të tjerë, natyrisht që ka element për t’u vlerësuar tek Apolonia në saj të punës individuale dhe të grupit, mbi të gjitha e stafeve që punojnë në të gjitha grupmoshat e deri tek ekipi i parë”.

Ndërkohë, emri më i ri që do t’i bashkohet kombëtares shpresa është Kleandro Lleshi. Mesfushori 19-vjeçar luan në Spanjë ekipi B të Leganesit. Lleshi ka qenë pjesë e përhershme e grumbullimeve të kombëtares U17 dhe u19, ndërsa kjo është ftesa e tij e parë te ekipi i U21.

Lajmin e ka bërë të ditur vetë lojtari në profilin e tij në “facebook”.

Ecuria negative vazhdoi edhe në përfaqësuesen Shpresa. Humbje ndaj Spanjës në “Selman Stërmasi”, me një gol të pësuar në minutat e fundit dhe barazim 2-2 në Estoni, me ekipin e Bushit që ishte dy herë në avantazh, por u ndëshkua sërish në fund, duke i mbyllur kualifikueset në vendin e parafundit në grup, me 7 pikë, pas një fitoreje dhe katër barazimeve.

Zhgënjim për përfaqësuesen e 19-vjeçarëve të Erjon Bogdanit, që ndodhej në një grup mjaft të vështirë kualifikues në Europianin e kësaj grupmoshe. Kuqezinjtë e vegjël regjistruan tre humbje në turneun e organizuar në Shqipëri, ndaj Ukrainës, Sllovakisë dhe Norvegjisë, por prej paraqitjes mund të kishin merituar më tepër, ndërsa kualifikimi në “Elite Round” dukej prej fillimit mjaft i vështirë.

Tashmë radhën për të bërë diçka dhe ndoshta për të ndryshuar trendin e ka përfaqësuesja e 17-vjeçarëve, që në turneun kualifikues të Europianit është pritëse. Edhe pse presioni për të regjistruar fitoren e parë kuqezi në muajin tetor është i madh, po kaq e lartë duket edhe shkalla e vështirësisë. Ekipi i Mustedanagiç do të luajë kundër Republikës Çeke, Norvegjisë dhe Azerbajxhanit, ku synimi kryesor është të evitohet pozicionimi në vendin e fundit, por duke shpresuar edhe te kalimi në “Elite Round”.

KOMBËTARJA
Miqësore            Shqipëri-Jordani 0-0 (10 tetor 2018)
Liga e Kombeve Izrael-Shqipëri 2-0 (14 tetor 2018)

SHPRESAT
Kualifikuese       Shqipëri-Spanjë 1-0 (11 tetor 2018)
Kualifikuese       Estoni-Shqipëri 2-2 (16 tetor 2018)

PËRFAQËSUESJA U19
Kualifikuese       Ukrainë-Shqipëri 1-0 (10 tetor 2018)
Kualifikuese       Sllovaki-Shqipëri 3-0 (13 tetor 2018)
Kualifikuese       Shqipëri-Norvegji 0-1 (16 tetor 2018)

PËRFAQËSUESJA U17
Kualifikuese       Rep. Çeke-Shqipëri (23 tetor 2018)
Kualifikuese       Norvegji-Shqipëri (26 tetor 2018)
Kualifikuese       Shqipëri-Azerbajxhan (29 tetor 2018)

Shqipëria e mbyll në vendin e parafundit në renditje me shtatë pikë pas dhjetë takimesh, ku kemi regjistruar vetëm një fitore, katër barazime dhe pesë humbje, një ecuri kjo që duhet përmirësuar.

Estoni – Shqipëri 2 – 2

Shënues: Livak 32’, Kusk 87’ / Seferi 12’ 80’

Shqipëria: Kastrati, Maloku, Toli, Tafa, Kryeziu (Doka 46’), Laci, Seferi, Bare, Mucolli, Mala (Selahi 80’), Sahiti (Zeka 46’). Tr. Alban Bushi

Të gatshëm: Abibi, Ramadani, Lindon Selahi, Hebaj, Albi Doka, Basha,.

Mund të thuhet se ishte me fat Shqipëria, e cila mund të kishte pësuar një humbje edhe më të thellë, por miqtë goditën disa herë shtyllën. Gjithsesi, një pakujdesi në mbrojtje, pak minuta para fundit i kushtoi 21-vjeçarëve kuqezinj të, cilët e lejuan sulmuesin e Las Palams, Rafa Mir që të godiste nga brenda zone, duke mos i krijuar mundësi reagimi Kastratit.

Spanja ka arritur që të sigurojë vendin e parë dhe tani e sheh veten në kuotën e 24 pikëve, ndërsa Shqipëria ka vetëm 65 pikë, duke  renditur e parafundit. Sfida e fundit për kuqezinjtë do të luhet vetëm pas pak ditësh në Talin ndaj Estonisë së vendit të fundit, e cila të vetmen pikë që ka e ka marrë në përballjen me Shqipërinë

Ndonëse skuadra është paraqitur mirë gati në të gjitha ndeshjet pikët nuk kanë munguar. Në skuadër ka mjaft cilësi dhe do të kërkohet sot ndaj Spanjës kryesuese që të marri një rezultat pozitiv, më shumë për moral.

Pak minuta më parë janë publikuar dhe formacionet zyrtare ku mund të veçohet se nga minuta e parë do të nisë sulmuesi Xhakomo Vrioni, i cili deri dje ishte me skuadrën e parë kuqezi. Në portë nuk do të jetë Selamni, por Kasttrati, ndërkohë që titullar e nis dhe Doka i Tiranës.

Nga miqtë mund të veçojmë mesfushorët, Pablo Fornals (Vijareal), Fabian Ruiz (Napoli) si dhe sulmuesin Majoral, kartoni i të cilit është në pronësi të Realit të Madridit.

“Gardiani” i Laçit ka pësuar një dëmtim dhe për këtë është larguar jashtë vendit, në mënyrë që të rikuperohet sa më shpejt. Selmani është një nga pikat më të forta të kuqezinjve dhe tashmë trajneri Alban Bushi duhet të mendojë për portierin që do ta nisë nga minuta e parë.

Me shumë mundësi do të jetë Elhan Kastrati, ai cili do të marrë vendin e Selmanit. Ish-portieri i Teutës, pjesë e Peskarës në Itali, do të duhet të ndalë gjuajtjet e spanjollëve. me siguri nuk do të jenë të pakta.

“Ambienti është shumë i mirë, skuadra është e plotë. Objektivi është fitorja, si gjithmonë. Do jetë ndeshje e fortë, por duhet të kemi durim pasi Spanja është e fortë. Kemi luajtur edhe atje, por rezultati nuk është real. Kjo pasi luajtëm mirë, patëm raste dhe pak fat. Uroj ta kemi fatin me vete”.

Kundër Spanjës do të duhet që Shqipëria të bëjë mirë në prapavijë: “Ana mbrojtëse do të jetë shumë e rëndësishme ndaj Spanjës, besoj se do luajmë shumë mirë taktikisht. Po t’u lësh hapësira është problem, pasi janë të mirë në pasime dhe goditje. Taktikisht duhet të jemi perfekt”.

Janë disa lojtarë që nuk kanë pasur minuta në ekipet e tyre dhe kjo komentohet edhe nga Tafa: “Minutat në këmbë nuk është se i kemi shumë prej lojtarëve. Ky është një problem që dihet. Por mendoj se nëse i gjithë ekipi mendon se është mirë, kjo është gjëja më e rëndësishme. Edhe unë vetë nuk kam luajtur shumë këto ndeshje, por jam i gëzuar dhe i gatshëm të luaj”.

Në fund, ekipi kombëtar A në fokus: “Është ëndërr të shkosh tek ekipi A. Aty ka mbrojtës të mirë. Për momentin po mendoj për ekipin Shpresa, pastaj të shohim. Po bëra mirë këtu, do të ketë mundësi edhe për mua. I njoh ata që vijnë nga Italia, Veselin, Ajetin dhe Mavrajn që më pëlqen shumë. Të shohim, të shkojmë mirë këto dy ndeshje. Ka kohë për ekipin e parë”.

ALBION ADEMI – Sulmuesi, i cili luan për Inter Turkun në Finlandë, flet para ndeshjes me Spanjën. “Atmosfera është e emirë, objektivi është të fitojmë dhe ta luajmë sikurse na ka kërkuar trajneri. Normal do mbrojmë më shumë. Të luajmë si grup dhe kur të na vijë momenti do të kundërsulmojmë”.

Më tej ai tregon se Shqipëria ka qenë zgjedhje e parë: “Kam pasur dëshirë të luaj për Shqipërinë, kam folur me trajnerin shumë herë dhe doja të vija. Unë dua të luaj për vendin tim. Kombëtarja A? Është e vështirë të shkosh te kombëtarja e madhe. Duhet të luaj mirë në Finlandë dhe me Shpresat”.

Kreu i pankinës së Shpresave foli për tema të ndryshme dhe për emra të veçantë, ndërkohë që zbuloi se sulmuesi Fiorin Durmishaj nuk do të jetë në këtë takim për shkak se po kryen shërbimin ushtarak në Greqi, pasi ka pasaportën e këtij shteti dhe është detyrim ligjor.

SPANJA – “E njohim kundërshtarin, e dimë se si luajnë. pavarësisht se humbëm 3-0 atje, jam i kënaqur nga disa aspekte të lojës. Treguam disa gjëra pozitive, edhe pse rezultati nuk e thotë këtë. Kjo ndeshje do jetë e luftuar, nuk do të jetë si ajo në Spanjë, me atë rezultat. I kemi të gjithë mundësitë për t’i bërë dëm Spanjës, siç i bëri edhe Irlanda pas nesh. Ne me Irlandën jemi paraqitur mjaft mirë, kurse defektet tona kishim problem me daljen në sulm. Ishim të emocionuar. Do mundohem të shënojmë”

SULMI – “Kemi disa sulmues, kishim planifikuar edhe Vrionin të ishte me ne, por e thirri Panuçi. Aty e kishim përqendruar lojën tonë, kishim bërë strategjinë me të. Prej një viti kemi punuar ta marrim në ekipin Shpresa. na duhet të gjejmë sërish sulmues. Hebaj është pjesë e rëndësishme e jona, po ashtu edhe Mustafa. Do ishte edhe Durmishaj, por është duke bërë ushtrinë dhe e ka thirrur shteti grek. Nuk është se do sulmojmë shumë, do jemi të kujdesshëm. Do luajmë me vetëm një në sulm, por do sulmojmë. Jam i kënaqur nga Hebaj dhe Mustafa, pasi janë datëlindja ’98 dhe do i kemi edhe vitin tjetër. Kundërshtarin e kemi të fortë dhe është mirë për ta të luajnë dhe të marrin eksperiencë”.

LOJA E BUKUR – “Kemi dalë nga objektivat, jam i kënaqur nga ndeshjet që kemi bërë. gjithsesi rezultatet flasin. Pavarësisht se jemi ekip Shpresa, unë kërkoj që gjithmonë rezultatin ta marr. Por edhe loja e bukur nuk duhet të mungojë. Na kanë penalizuar mungesat, formacioni ka ndryshuar shpesh. Me këtë ekip, me Ramadanin, Ndojin, Manajn dhe Vrionin, po t’i kishim nga fillimi, patjetër që do të ishim kualifikuar. Loja është e kënaqshme, por mungojnë rezultatet dhe ato mbahen mend. por duhet mbajtur mend që kemi çuar edhe lojtar tek ekipi i parë dhe ky është një objektiv”.

ABAZAJ – “Ai stërvitet rregullisht tek Anderlehti, luan me ekipin U21 atje. mendoj se këtu ai mund të bëjë shumë mirë nga lojtarët që kemi në dispozicion. Edhe pse nuk ka minuta loje bën mirë me ne. Sa kohë stërvitet në një ekip të fortë si Anderlehti, ne kemi për detyrë ta ndihmojmë, ta promovojmë duke i dhënë akoma një dorë. Ai do luajë gjatë me kombëtaren dhe nuk duhet ta braktisim pse nuk ka minuta. Kemi dalë nga objektivat dhe pse jo ta ndihmojmë”.

KRASNIQI – “Ai është datëlindja 1997, për këto lojtarë të kësaj datëlindje u mbaron mosha. Kam lënë shumë lojtarë pa marrë, si rasti i Çekiçit. Jo sepse nuk ka meritat për të qenë këtu, por sepse nuk ka më perspektivë me ata lojtarë. Nga nëntori do luajmë me të datëlindjes 98’ dhe 99’. Ata të datëlindjes 96’ dhe 97’ që kam marrë tani, i kam marrë për të ekuilibruar ekipin. Nuk mund të luash me Spanjën komplet me datëlindje ’98. Me Italinë kishin tetë lojtarë të kësaj datëlindje”.

OMAR IMERI – “Nuk ishte e vështirë, sapo i thamë ishte i gatshëm për Shqipërinë. Kemi edhe Zejnullahin dhe Shefitin që janë datëlindje ’98 dhe ’99 dhe nuk janë tani. Po vazhduan me të njëjtën formë do vazhdojnë të jenë pjesë e jona”.

LOJTARËT NGA MAQEDONIA – “E kam thënë, kush flet shqip ne e thirrim në kombatëre. Nuk ka problem nëse është shqiptar i Maqedonisë, apo shqiptar i Kosovës. Vendosin vetë ata. Kemi edhe Besir Ramadanin që e kemi marrë nga Shkupi, është i datëlindjes ‘2000. Janë disa lojtarë dhe nuk përbën asnjë problem për ne”.

Vendasit dominuan gjatë të gjithë minutave, por kuqezinjtë arritën të sprovonin në dy raste portierin  Audero.  Në minutën e 35-të të takimit, trajneri Di Biaxhio zëvendësoi të dëmtuarin Patrik Kutrone edhe pse sulmuesi i Milanit dëshironte të vazhdonte takimin, pavarësisht dhimbjeve që po kalonte.

Itali 1 – 0 Shqipëri

Shënues: Dimarko 27′

Italia : Audero; Luperto, Dimarko, Mandragora (C), Mançini, Depaoli, Orsolini, Vido, Kutrone (Çerri 35′), Lokateli, Pesina.

Në dispozicion:Montipo (GK), Skufet (GK), Kalabria, Pezela, Valzania, Bonacoli, Çerri, Parixhini, Adxhapong, Romanja, Murxhia, Markiza, Kasata. Trajner: Di Biaxhio.

Shqipëria: Selmani; Tafa, Kumbulla, Hakaj, Kryeziu, Selahi, Mucolli, Ademi, Bare (C), Sulejmanov, Vrioni

Në dispozicion: Kastrati (GK), Abibi (GK), Maloku, Nuriu, Ndau, Cuni, Hebaj, Shefiti, Zejnullai, Abazaj, Ramadani, Doka, Ndreu. Trajner: A.Bushi

Trajneri i “axurrëve”, Di Biaxho, ka hedhur në fushë që nga minuta e parë një formacion me shumë lojtarë që aktivizohen në Serie A, ku emrat që vlen të veçohen janë ato të sulmuesit të Milanit, Patrik Kutronte dhe mesfushorit Rolando Mandragora, i cili u transferua nga Juventusi te Udineze për 20 milionë euro.

Alban Bushi ka kryer disa ndryshime duke provuar për herë të parë dy ardhjet e reja, Albion Ademi dhe Xhakomo Vrioni, ky i fundit do të përballet sot ndaj ish-kombëtares së tij, pari ka luajtur për shumë vite në grumbullimet e moshave të Italisë.

Italia : Audero; Luperto, Dimarko, Mandragora (C), Mançini, Depaoli, Orsolini, Vido, Kutrone, Lokateli, Pesina.

Në dispozicion:Montipo (GK), Skufet (GK), Kalabria, Pezela, Valzania, Bonacoli, Çerri, Parixhini, Adxhapong, Romanja, Murxhia, Markiza, Kasata. Trajner: Di Biaxhio.

Shqipëria: Selmani; Tafa, Kumbulla, Hakaj, Kryeziu, Selahi, Mucolli, Ademi, Bare (C), Sulejmanov, Vrioni

Në dispozicion: Kastrati (GK), Abibi (GK), Maloku, Nuriu, Ndau, Cuni, Hebaj, Shefiti, Zejnullai, Abazaj, Ramadani, Doka, Ndreu. Trajner: A.Bushi

Dominimi i vendasve vazhdoi gjatë të gjithë pjesës së parë, por portieri Selmani dhe Shtylla mbajtën rezultatin e pandryshuar. Në pjesën e dytë, talenti i Real Madrid, Borja Majoral, shënoi golin e dytë për Spanjollët, ndërsa goli i tretë u shënua në minutën e fundit të takimit me autor të zëvendësuarin Rafa Mir.

Spanja mban vendin e parë me pikë të plota pas 7 ndeshjes, ndërsa kombëtarja shqiptare renditet e parafundit, 5 pikë larg vendit të katërt, kur kanë mbetur vetëm dy ndeshje.

Spanjë 3-0 Shqipëri

Shënues: Soler 5’, Majoral 56’, Mir 90+2’

Shqipëria: Selmani; Maloku, Hakaj, Tafa, Kryeziu; Ramadani,  Seferi (Çekiçi 79’),  Bare,  Abazaj (Sahiti 60’), Doka, Durmishaj (Muçolli) . Tr: Alban Bushi

Spanja: Simon; Mafeo, Zhunior,Mere, Nunjez, Zubeldia, Soler (Mendez 80’), Merino, Fornals, Ojarzabal (Pedraza 66’), Majoral (Mir 76’).  Tr. L.De La Fuente

https://twitter.com/fdefutboleros_/status/1037781020311998465

#VÍDEO | ¡Así ha sido el gol de @RafaMir33 en su debut con la Sub-21! pic.twitter.com/x5OI7Dgjpd

— udlaspalmas.NET (@udlaspalmasNET) September 6, 2018

Në listën prej 22 lojtarësh të spanjollëve bien në sy emrat e disa lojtarëve si blerja e 25 milionë eurosh e Napolit Fabian Ruiz, Soler i Valencias, Roka i Espanjol dhe sulmuesit Borja Majoral dhe Mikel Ojarzabal, ky i fundit një titullar prej dy sezonesh te Real Sociedad. Shanset për një mrekulli në tokën spanjolle janë thuajse inekzistente.

“Mendoj se ka ardhur momenti im dhe jam i kënaqur që u riktheva këtu. Këto dy vite larg Peskarës më kanë shërbyer shumë, jam rritur dhe përmirësuar. Ndihem mirë që përgatitësi i portierëve, Aldegani, më cilëson një portier të madh dhe ka shumë besim tek unë. Është një kënaqësi e madhe të jem mbas Fiorelos, një nga portierët më të mirë në Serinë B, i cili do të më ndihmojë shumë të rritem”, thotë portieri i lindur në Has për “Il Messaggero”.

“Skuadra më pëlqen, po punojmë mirë dhe është formuar një grup i bukur. Besoj se do të jemi surpriza e kampionatit. Roli i portierit është i veçantë dhe më i vështiri, pasi qëndrojmë mbrapa dhe vetëm…Sa i përket huazimeve, mund të them që tek Piaçenca nuk arrita të gjeja hapësirën e nevojshme dhe kam zhvilluar vetëm një ndeshje, ndërsa në Shqipëri e kisha këtë hapësirë që më shtyu të kthehesha këtu. Peskara mund të mbështetet tek unë dhe të më linçojë drejt futbollit të madh.

Idhulli im? Ai është Manuel Nojer, ndërsa Memu (Memushaj) është si një vëlla i madh për mua. E njoha këtu para dy vitesh dhe është kënaqësi ta rigjej këtu. Kam një raport shumë të mirë me Ledianin.”