Moçka rikthehet në Kategorinë e Parë. Në të shkuarën ka qenë pjesë e Mamurrasit në këtë nivel të futbollit shqiptar dhe tanimë ka nënshkruar me Bylisin, klub që kryeson grupin B të së Parës. Drejtuesit pritet t’i besojnë katërkëndorin Moçkës dhe objektivi i vetëm është rikthimi në elitë.

Një lëvizje e mirë e ballshiotëve, që rivalin kryesor kanë Besën e drejtuar nga Gugash Magani. Moçka në të shkuarën ka qenë edhe pjesë e Flamurtarit, Kastriotit, Laçi dhe Teutës. Gjatë kësaj vere Kastrioti dhe Luftëtari janë munduar ta bindin, por vlonjate zgjodhi Bylisin si stacionin e radhës në karrierë.

I larguar konsiderohej edhe Sedat Berisha, por me të ende nuk ishte zgjidhur çështja e kontratës. SportEkspres.com mëson se palët kanë gjetur gjuhën e përbashkët në lidhje me pagesat dhe mbrojtësi qendror ka marrë lejekalimin.

Palët nuk kanë detyrime mes tyre dhe kjo ishte shumë e rëndësishme në këtë ndarje. Berisha me Tiranën u aktivizua vetëm tre ndeshje, dy prej të cilave i nisi si titullar. Kështu 29-vjeçari tashmë duhet të gjejë një tjetër ekip dhe rikthimi në Maqedoni duket opsioni më i mundshëm.

Tani te Tirana duhet të zgjidhin kontratën me Shpëtim Moçkën. Me portierin vlonjat ende nuk është gjetur gjuha e përbashkët, edhe pse nuk është bashkuar me ekipin në stërvitje. Lejekalimi nuk i është lëshuar, por shumë shpejt do të gjendet një zgjidhje edhe me të.

Duke qenë se kampionati do të nisë shpejt, faza përgatitore do të zhvillohet në kryeqytet dhe jo në Turqi. Janë planifikuar të zhvillohen tre ndeshje miqësore dhe deri më tani është konfirmuar një me Skënderbeun në stadiumin “Selman Stërmasi”. Dy të tjerat pritet të konfirmohen në vazhdimësi.

LARGIMET – Deri më tani Tirana nuk ka zyrtarizuar asnjë lëvizje në dalje. I pari që do ta mbyllë me bardheblutë është portieri Shpëtim Moçka. Portieri vlonjat prej kohësh nuk stërvitet me Tiranën dhe  palët pritet të ndërpresin kontratën.

Nuk përjashtohet mundësia që të ketë edhe largime të tjera, por kjo do të varet edhe nga afrimet që drejtuesit do të bëjnë. Duke qenë se merkato e janarit nuk ofron shumë mundësi, edhe drejtuesit do të mundohen të tregohen të kujdesshëm në lëvizjet që do të bëjnë.

Falenderime për Teutën dhe gati për aventurën e re. Tirana është ekipi i shtatë në karrierën e gardianit vlonjat, i cili më parë ka mbrojtur ngjyrat e Flamurtarit, Apolonisë, Kastriotit, Mamurrasit, Laçit dhe të Teutës në tri sezonet e fundit.

“Përshendetje miq! Nga sot për 1 vit jam pjesë e KF Tirona. Dua të falenderoj Teutën për 3 vitet që kaluam së bashku. Dhe mbi te gjitha, zotin e madh”, komenton portieri i bardhebluve.

“Është prezantuar sot në ambientet e klubit, portieri Shpëtim Moçka për Tiranën Superiore. Futbollisti nga Vlora ka qenë i pranishëm në zyrat e klubit për të nënshkruar kontratën 1-vjeçare që e bën zyrtarisht bardheblu. Moçka vjen si një përforcim me vlera për skuadrën në prag të sezonit të ri. Në sezonin e fundit portieri 28-vjeçar ka qenë pjesë e Teutës ndërkohë që numëron dhe të tjera eksperienca në klubet e Superiores”, shkruhet në njoftimin e Tiranës.

Moçka ka edhe opsione të tjera, por për të është e qartë: do që të jetë portier i parë. Te Tirana duan një që të rivalizojë me Ilion Likën. Momentalisht ai është numri një, por problemet e fundit i bëjnë drejtuesit bardheblu të mendojnë për një tjetër portier që u garanton portën. Abibi nuk e bind brazilianin Ze Maria.

Por edhe Kamza do portier. Moçka aty duhet të rivalizojë me Ilir Avdylin. Shanset për të luajtur titullar janë të mëdha. Gjithçka varet nga oferta e klubit periferik të kryeqytetit. Rikthimi te Kastrioti është një mundësi tjetër.

Krutanët në aspektin financiar nuk mund të bëjnë çmenduri. Momentalisht Klajdi Kuka është portieri i parë. Edhe me Kastriotin Moçka mund të luajë titullar. Nuk ka shumë kohë për të vendosur se ku do ta vijojë karrierën.

Së fundmi në media është raportuar se Tirana dhe Kamza kërkojnë një portier. Te bardheblutë ishte Ze Maria ai që pas miqësores me Prishtinën deklaroi se i duhet një “gardian” dhe një sulmues. Në të shkuarën Moçka është kërkuar nga Tirana dhe nuk është aspak çudi që të rikthehet në një pistë reale për ta.

Edhe Kamza gjithashtu është në kërkim të një portieri. Fabio Gjonikaj është transferuar në Kosovë te Vushtrria dhe një rival për Ilir Avdylin po kërkohet nga drejtuesit e klubit periferik të kryeqytetit. Moçka është një portier me eksperiencë në Superiore, ndaj edhe dëshira e tij është që të mbetet në elitën e futbollit shqiptar.