“sportekspres.com”, mëson se Duro kërkon të marrë te Kukësi portierin e Partizanit Dashamir Xhika. 30-vjeçari është pjesë e kryeqytetasve prej pesë sezonesh, madje është pikërisht Duro ai që riktheu Xhikën te Partizani në verën e vitit 2014.

Pas pesë vitesh me aktivizime të pakta te Partizani, Xhika mund të gjejë të Kukësi një mundësi për një vend titullar, çka nëse ndodh do rriste ndjeshëm vlerën e tij në tregun e portierëve shqiptarë.

“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Duke filluar nga sot “baza” e kampionëve të Kupës së Shqipërisë është kompleksi stërvitor “Football Republic”, një investim ky i bërë nga ish-futbollisti i kombëtares shqiptare, Redi Jupi.

Kukësi bëhet skuadra e dytë që zhvillon stërvitje në këtë kompleks pas Partizanit që  shfrytëzoi ambjentet e këtij kompleksi gjatë sezonit të kaluar. Në tre vitet e fundit verilindorët janë stërvitur në kompleksin “Internacional”.

EUROPA – “Duke iu referuar kundërshtarëve që kanë përballë, kam mendimin që Teuta me Kukësin kanë mundësi më të shumta. Më të vështirë normalisht e ka Partizani me Karabakun, por edhe Laçi që ka skuadrën izraelite. Megjithatë them që të gjitha skuadrat të bëjnë maksimumin në ndeshjet e para, pasi janë shumë të rëndësishme”, deklaron Duro për ABC News.

PARTIZANI – “Ishte një ndryshim pas dorëheqjes së Skënder Gegës. Nuk ishte pozitive, klubi bëri zgjedhjen e tij dhe zgjodhi totalisht një staf italian. Ky staf ka pasur kohën e duhur gjatë kësaj faze përgatitore për të njohur ekipin. Ajo që është e rëndësishme te Partizani është fakti që është po ajo skuadër, madje kanë arritur të marrin dy-tre lojtarë të rinj”.

LICENCIMET – “Kur një skuadër fillon me probleme, me humbje, institucioni i federatës të dalë bllok që kjo skuadër të mos marrë pjesë në kampionat. Të mos agravohen problemet vit pas viti dhe situata më pas thellohet edhe më keq. Në këtë aspekt në Kosovë dhe në Maqedoni nuk i lejojnë këto situata. Unë i kam parë vetë. Kanë qenë skuadra që kanë qenë gati për përjashtim, por kanë arritur të zbatojnë ligjin”, tha Duro.

SEZONI I ARDHSHËM – “Vlen për t’u parë si do shkojë situata me Skënderbeun sepse Skënderbeu ka qenë një skuadër dominante këto vite. Tirana po lëviz, por unë jam pak skeptik”, përfundon trajneri i njohur deklaratën e tij.

PORTIER – Shpëtim Duro nuk ka dyshime për portierin më të mirë të këtij sezoni dhe ai është “gardiani” i Partizanit, Alban Hoxha. Trajneri i njohur deklaron: “Nuk ka asnjë dyshim, Alban Hoxha është portieri më i mirë i këtij sezoni në Superiore. Kapiten në portë dhe në gjithë fushën”.

MBROJTJA – Edhe pse ka pasur shpesh kritika për të, më së shumti të drejtuara drejt trajnerit Skënder Gega për aktivizimin, Partizani kampion doli me Labinot Ibrahimin si mbrojtës i djathtë. Duro e vlerëson atë: “Një mbrojtës shumë energjik dhe me karakteristika sulmuesi, i sigurt dhe vendimtar në çdo dyluftim”. Në krahun tjetër është një tjetër i kuq, Lorenc Trashi: “Tregoi nivel të lartë si një mbrojtës i saktë dhe me karakteristika sulmuese. I shpejtë dhe i sigurt me kundërshtarin”.

Në qendër është përfshirë edhe Egzon Belica, një nga shtyllat e prapavijës së “demave”. “Për Partizanin ka qenë ‘arma’ më e fortë në mbrojtje, i pakalueshëm, i sigurt dhe pozicional me çdo kundërshtar”. Krah tij Duro ka përzgjedhur Ardian Cuculin, edhe ky një ish i Partizanit: “Jo vetëm një mbrojtës i fortë, por edhe i shpejtë dhe energjik në ndërtimin e aksioneve nga mbrojtja në sulm”.

MESFUSHA DHE SULMI– Padyshim gjithçka nis nga ushtar Telushi, për të cilin Duro thotë: “Një mesfushor lider, në krahë dhe në qendër. Ka qenë një vlerë e shtuar e Partizanit në këtë sezon”. Katërshja para tij, pasi moduli i përzgjedhur është 4-1-4-1, është gjithashtu e kuqe. Ai veçon Idriz Bathën e  Flamurtarit: “E vlerësoj për forcën e qëndrueshmërinë në fushë, mesfushor që alternoi mirë në fushë mbrojtjen me sulmin”.

Në qendër ka vend edhe për Esat Malën: “Tregoi nivelin e një mesfushori me karakteristika të mira organizuese, me lëvizshmëri të lartë dhe një sulmues i rrezikshëm”. Krahët janë të frikshëm, me Jasir Asanin dhe Jurgen Bardhin. Për të parin Duro thotë: “Ka qenë një nga më të mirët e këtij reparti te Partizani. Një ‘xhol’ në organizim e shënim, i aftë edhe si sulmues”. Për Bardhin shton: “Është një mesfushor-sulmues i talentuar, me teknikë të lartë në përdorimin e topit, shënues nga çdo pozicion”.

Surpriza e Shpëtim Duros është sulmi, teksa ai nuk ka përfshirë as Rexhinaldon, as Shkurtajn. Valdet Rama, shoku i tyre te Kukësi, sipas tij tregoi shumë klas. “Erdhi në një formë jo të mirë, por tregoi shumë klas. Një nga sulmuesit më të mirë në gjithë Superioren”, është shprehur trajneri kryeqytetas.

TRAJNERI – Këtë sezon ka pasur shumë vlerësime për Ilir Dajën, Bledar Devollin dhe Julian Ahmatajn, por kampioni është Skënder Gega. Duro nuk ka dyshime që ai është trajneri i sezonit, pasi bëri një arritje të madhe me Partizanin, duke kthyer titullin në shtëpinë e kuqë pas 26 vitesh. “Jo vetëm se është trajneri kampion, por Skënder Gega tregoi vlerat e një menaxheri shumë të mirë në skuadër”, përfundon Duro.

AGRON KAJA 

PARTIZANI I DEMIT – “Kam qenë pjesë e stafit në skuadrën kampione të 1993. Kam qenë disa herë tek Partizani, në situate të mira dhe të vështira.  Në 20 vite tek Partizani çfarë nuk kam parë. Është e rëndësishme që për tifozët dhe ne që kemi qenë pjesë e klubit, po i vjen më në fund titulli kampion. Diskutimet pastaj se nëse ky Partizan është më i miri apo jo, janë relative. Pas një periudhë të errët, qysh në momentin kur ka ardhur presidenti Demi, të kuqte kanë qenë në nivele të larta: pretendent për kampion, ose në kupat e Europës.”

GARA PËR TITULL – “Është realitet që Partizanit ia bënë më të lehte edhe disa faktorë. Për shembull fakti që ka munguar në garë Skënderbeu, imagjinoni nuk ka fituar prej muajsh ndeshje në transfertë. Kukësi ka pasur shumë oshilacione, ndonëse arriti deri në -3 pikë. Edhe Partizani ka gabuar, por nuk ka pasur rivalë që të përfitonin. Gjithsesi fituesi nuk gjykohet”.

KRAHASIMI – “Po t’i hysh treguesve teknik tmerrohesh me Tiranën. Ka lojtarë teknik sidomos në krahë, dalin mirë, krijojnë raste, por pësojnë shumë. Është një ekip që pëson gola shumë lehtë. Diferenca kjo është. Po t’i hysh lojtarëve, pse jo mund të themi që Tirana ka lojtarë më të mirë sesa Partizani. Ama të kuqtë pësojnë pak gola dhe janë ekip solid. Tirana ka lojtarë shumë të mirë por çalon shumë mënyra e të luajturit ne mbrojtje”.

DERBI – “Tirana ka ndeshje të vështirë me Partizanin, sepse ka shumë ndeshje që nuk fiton ndaj të kuqve. Ndikon faktori psikologjik. Partizani e ka fituar titullin dhe është i qetë. Tiranën nuk e mendoj kurrë të bjere, ama rrezik ka. Ikja e Kamzës e ka prishur shumë kampionatin. Fat i madh që qëndroi në lojë Kastrioti, sepse kampionati do ishte prishur që para dy muajsh”.

“Mendoj në Shqipëri problem për disa situata të tensionuara janë presidentët. Ka shumë presidentë që flasin më shumë se ç’duhet dhe kanë sjellje të pahijshme. Ju jap shembullin e Maqedonisë, atje si njeh askush presidentët. Nazim Destani (presidenti i Shkëndijës) është zotni burrë, vetëm tre herë në vit vjen në Tetovë  për të parë ndeshjen”.

“Në Shqipëri ka pasur raste që presidenti ka rrahur trajnerin. Nuk dua të përmend emra pasi i dimë të gjithë. Sigurisht, jo të gjithë. Çdo president ka stilin e tij, Edmond Hasanbelliu ka 20 vite dhe s’ia dëgjon njëherë zërin, e njëjta gjë dhe me presidentin e Partizanit”.

EKSPERIENCA NË KOSOVË DHE E ARDHMJA – “Te Drita kisha objektiv Kupën dhe pas eliminimit duhej të largohesha. Ishte një gabim që shkova te Drita, pasi skuadra nga kampione kishte përfunduar në vend të fundit dhe çfarë mund të bënte një trajneri në atë lloj situate, por ndonjëherë detyrohesh të marrësh disa vendime dhe për shkak të situatës ekonomike. Dua që në skuadrën e radhës të kem një projekt serioz, ku mund të punoj qetë. Ka disa trajnerë në Shqipëri që ndërrojnë 3-4 skuadra në vit, unë nuk e kuptoj këtë”.

Sipas Duros, Partizani nuk ka kundërshtarë. Tekniku i njohur flet edhe për ndeshjet e tjera që u luajtën këtë javë, tensionin e krijuar në ndeshjen Kastrioti-Tiranan në Fushë-Krujës, si dhe për ndërprerjen e kampionatit.

INTERVISTOI: AGRON KAJA

Sa të pritshme ishin rezultatet e javës së 25-të të Kategorisë Superiore?
– Kukësi nuk mendohej të humbiste në Korçë, po kështu as Tirana me Kastriotin në Fushë-Krujë. Barazimi i Laçit me Flamurtarin edhe pritej. Në tërësi të katër ndeshjet fiksuan rezultate interesante.

Sa përcaktues për renditjen janë rezultatet e javës së 25-të të Kategorisë Superiore?
-Çdo javë ka shumë rëndësi për rezultatet që shënojnë skuadrat. Duke qenë se u luajt e 25-ta dhe jemi drejt fundit, mendoj se deri në fund çdo rezultat do të jetë përcaktues për të gjitha skuadrat.

Me fitoren ndaj Teutës, Partizani shkoi +9 pikë nga Kukësi i vendit të dytë. A e ka vënë realisht një dorë te titulli skuadra e Gegës?
-Ndoshta kjo është njëra-dorë e Partizanit tek titulli kampion, sepse në ndeshjen e javës së ardhshme me Kukësin do të zbardhet më shumë se si do të shkojë gara për kreun. Edhe barazimi e mbyll garën për titullin. Partizani duket se nuk ka kundërshtarë.

Edhe këtë javë pati tension, si i komentoni këto problematika?
 -Unë mendoj se FSHF-ja nuk duhet të licencojë stadiume si ai në Fushë-Krujë. Tashmë duhet të mendojnë të gjithë pjesëmarrësit në garën e Superiores, se dhuna është elementi nga i cili jo vetëm futbolli, por edhe individët janë të humbur. Si Kamza!

Kampionati do të ndërpritet përsëri, sa i shërben kjo vazhdimësisë së garës?
-Janë ndërprerje të detyruara. Kjo e kësaj jave ka qenë e planifikuar, pasi luan Kombëtarja. Ndërsa ajo e një jave më parë erdhi e kushtëzuar nga bojkoti i drejtë i arbitrave. Disa skuadra përfitojnë, disa të tjera dëmtohen nga këto ndërprerje.

INTERVISTOI: AGRON KAJA

Aksi Shqipëri-Kosovë po duket për ju si një autostradë e karrierës, janë zgjedhje të momentit nga ana juaj?
-Të dyja kanë të veçantat e tyre, nga njera anë Kategoria Superiore në Shqipëri, dhe nga ana tjetër IPKO Superliga në Kosovë. Gjithsesi futbolli shqiptar është më lart në infrastrukturë dhe më afër Evropës.  Kjo ishte arsyeja që u largova nga Kosova pas eliminimit në Kupë me Dritën.

Nisur nga dritëhijet e renditjes në Superioren shqiptare, si e përshkruani situatën në 22 javë?
-Java e 22-të pati ndeshje interesante, jo vetëm në rezultatet që u arritën. Veçohet fitorja e Laçit me Partizanin. Këta të fundit gabuan me këtë humbje, ndërkohë që fitorja me Kamzën e bën Kastriotin që të shpresojë mbijetesën. Ndeshjet e tjera ishin të pritshme, si në Durrës e Vlorë.

Këtë javë Kukësi humbi në Durrës dhe në horizont duket se trajneri Cungu po largohet, është kjo një “fitore” edhe për Partizanin?
-Kur një rival humbet, është e natyrshme që tjetri të përfitojë, por duke qenë se si Kukësi e Partizani humbën në javën e 22-të, askush prej tyre nuk ka bërë diferencën. Ndërsa për Teutën,  kjo fitore me Kukësin i korrigjoi katër gabimet në barazimet që kishte shënuar në javët e kaluara.

Partizani humbi në Laç, por a ka diçka që duhet ta ketë nën kujdes për vazhdimësinë?
-Partizani nuk duhet të gabonte në Laç, minimalisht të merrte barazimin. Diferencat me rivalët i ka të dukshme, por në planin psikologjik, me këtë humbje i dha Teutës e Kukësit shpresën për të synuar kreun. Gjithsesi, mbetet më lart nga të dy këta rivalë.

Keni drejtuar Flamurtarin në sezonin e kaluar, si e përshkruani situatën në skuadrën vlonjate pas fitores dje më Skënderbeun?
-Flamurtari fitoi me meritë ndaj Skënderbeut, por praktikisht ka dalë nga lufta për titull dhe është jashtë objektivit. Ndërsa barazimi i Tiranës me Luftëtarin dhe fitorja e Kastriotit me Kamzën, formuan treshen Tirana-Luftëtari-Kastrioti, skuadra rivale për mbijetesën.

Kjo ka qenë edhe java e largimit të trajnerëve, edhe pse Cungu është ende i pavendosur, pse ndodh kështu me pankinat?
-Unë në këtë rast do të thoja se të dy trajnerët janë treguar profesionistë, jo egoistë. Në të tilla vendimmarrje, dorëheqjet e trajnerëve e forcojnë karakterin e tyre dhe në këtë këndvështrim ata nuk duhet të gjykohen ndryshe.

Ju keni marrë ndonjë telefonatë nga presidenti i Kukësit për t’u ulur ju në atë pankinë?
-Jo, nuk kam marrë. Por edhe po të ishte ndryshe, unë kam menduar që deri në fundin e këtij sezoni të qëndroj pushim. Po mendoj për një projekt me një skuadër që të jetë pretendente për trofetë në futbollin shqiptar, si dhe pjesëmarrëse në Europë.

Mendoni se pas ndeshjeve të javës së 23-të ekstremet e renditjes do të jenë të njëjta?
-Me përjashtim të ndeshjes Kukësi-Kamza, që duket fitore e padiskutueshme për kuksianët, të gjitha ndeshjet e tjera do të kenë rivalitet. Ndërsa Partizani duhet të reagojë ndaj Flamurtarit, sepse një rezultat ndryshe e ve në dyshim titullin kampion.

Ky vendim i Duros vjen pas eliminimit nga Kupa e Kosovës nga Vëllaznimi i Ligës së Parë, ndërkohë që dhe në kampionat klubi ka dalë prej kohësh nga objektivat.

Njoftimi i klubit të Dritës 

Dorëhiqet trajneri SHPËTIM DURO

Klubi jonë FC DRITA ju njofton që ka dhënë dorëheqje trajneri Duro!

Pas një takimi që kishim menjëherë pas ndeshjes së djeshme, me një marrëveshje mes dy palësh është vendosur që të ndërpritet bashkëpunimi!

Pas eliminimit nga kupa e Kosovës, dhe dalja nga objektivi i vetëm i klubit për këtë sezon, z.Duro ka ofruar dorëheqjen, gjë që është pranuar nga klubi bardh e kaltër!

FC DRITA e falënderon profesor Duron për punën profesionale që ka bërë me klubin dhe i dëshiron shumë suksese!

Së fundmi nga Drita është larguar mesfushori Edenilson Bergonsi, i cili ishte rikthyer në Gjilan por në asnjë moment nuk arriti të jepte kontributin e tij për skuadrën. Trajnerin Duro sa duket nuk e kanë bindur cilësitë e tij, ndërkohë që lojtari është shprehur se priste të paktën një tjetër trajtim.

“Dua t’i them mirë u pafshim Dritës, faleminderit për ngrohtësinë që më kanë dhuruar tifozët. Fatkeqësisht nuk kisha mundësinë të luaja dhe të tregoja futbollin time, si dhe të ndihmoja ekipin si herën e parë në Gjilan. Trajneri kurrë nuk foli me mua, kam luajtur në shumë klube të rëndësishme dhe minimumi që doja ishte të trajtohesha me respekt. Por jam i sigurt, që në aspektin profesional unë i jam dedikuar shumë stërvitjes, kam qenë gjithmonë prezent duke pritur për shansin tim. Fat të mbarë Drita. Gjithmonë do kryqëzoj gishtat për Dritën”, shkruan Bergonsi në llogarinë e tij në “Facebook”.

Duro ka zgjedhur modulin 4-3-3, por më e veçantë është se në repartin e sulmit ka vendosur si më të mirët që ka trajnuar dy sulmues shqiptarë nga Maqedonia: Besart Ibrahimin dhe Ferhat Hasanin. Ky i fundit është pjesë e Al Raed në Arabinë Saudite, ku ka nënshkruar për rreth 2 milionë euro. Ibrahimi ndërkohë vjet u shpall më i miri në Maqedoni. Paga? 30 mijë euro në muaj.

Të dy janë afruar te Shkëndija nga Duro në vitin 2015 dhe konsiderata e tij është e lartë për dyshen e sulmit. “Janë dy sulmues race që mund t’i shohim në skuadra më të mëdha se Shkëndija e Tetovës”. Ndërkohë që në këtë repart, Duro gjen vend edhe për Sokol Cikalleshin, të cilin e vlerëson për cilësitë e veçanta në shënim e golit nga çdo pozicion.

Portierin më të mirë në formacionin e karrierës së tij si trajner Duro e zgjodhi pas asnjë hezitim dhe ai është Orges Shehi, të cilin e vlerëson edhe si një lider në fushë. “Shehi ishte një portier lider për skuadrën. Në portë ai kishte siguri dhe jepte gjithmonë garanci në synimet e Skënderbeut”.

Mbrojtja më e mirë për Duron është e gjitha e “kuqe”, me Arbnor Fejzullahin, Ilir Shulkun, Adrian Cuculin dhe Lorenc Trashin. Ata veçohen prej tij si energjikë, luftarakë dhe lider në skuadrat ku kanë luajtur. Mesfusha e përcaktuar nga Shpëtim Duro është një treshe interesante, ku veçon së pari Bledi Shkëmbin te Skënderbeu, Mentor Marekajz dhe Nderim Nexhipi te Partizani. Të tre lojtarë tipikë për një mesfushë të organizuar që e orientonin saktë skuadrën në lojë, por edhe golashënues të aftë.

KARRIERA – Si futbollist, Shpëtim Duro ka luajtur 10 sezone në futbollin elitar shqiptar, ku vetëm 17 vjeç ka qenë pjesë e Shkëndijës së Tiranës, pikërisht në vitin 1982. Por karriera e tij si futbollist vazhdoi edhe në pesë sezone të tjera, këtë herë te Partizani, me të cilin fitoi titullin kampion dhe Kupën e Shqipërisë.  Duro ka lindur në Tiranë më 24 dhjetor 1959 dhe në karrierën e tij si trajner ka shëtitur në disa skuadra me të cilat ka fituar 1 titull kampion, 1 Kupë të Shqipërisë dhe 2 Superkupa, pa harruar edhe ndeshjet që skuadrat e drejtuara prej tij kanë zhvilluar në Europë.

Në karrierën e tij si trajner Duro numëron 11 skuadra, të gjitha në Superioren shqiptare, por edhe në Kosovë e Maqedoni, ndërsa për dy vite ka qenë edhe zëvendëstrajner i Kombëtares së bashku me Oto Bariç. Trajningun në Shqipëri, Shpëtim Duro e ka filluar me Bylisin e Ballshit në sezonin 1999-2000, duke e patur këtë skuadër si trampolinën e parë si trajner i parë në skuadër elite.

Një vazhdimësi e suksesshme mund të quhet për Shpëtim Duron trajner, pasi ai ka drejtuar skuadra si Dinamo, Partizani, Skënderbeu, Apolonia, Besa, Vllaznia e Flamurtari, të gjitha protagoniste në Kategorinë Superiore. Shkëndija e Tetovës ka qenë eksperienca e parë e Duros jashtë vendit, kurse aktualisht është në krye të Dritës së Gjilanit, kampionë në fuqi e Kosovës.

“E kisha me mëdyshje marrjen e Dritës në ato momente. Ishte moment i vështirë, kishte shumë diferencë me kryesuesit dhe kishte fituar titullin një vit më parë. Deri në këto momente jam pjesërisht i kënaqur. Fituam shumë ndeshje fillimisht, por rivalët nuk ndaluan. Jemi jashtë luftës për titull, por jemi në garë për Kupën dhe jemi të përqendruar tek ai trofe”, është shprehur fillimisht Duro për “Supersport”.

DIFERENCAT – Tekniku kryeqytetas bën edhe një krahasim mes kampionatit tonë dhe atij dardan. “Kosova tani vonë luan në Europë. Nuk krahasohet me nivelin e infrastrukturës me Shqipërinë. Është pozitive që ndeshjet transmetohen. Ka shumë futbollistë dhe e them me bindje se do ecin shumë në aspektin e rezultateve”.

SUPERIORJA – “Them që është një kampionat jo shumë cilësor, por ka konkurrencë dhe ekuilibër. I kam ndjekur ndeshjet, patjetër më me kuriozitet ndjek Partizanin. Është vitit i duhur për të fituar titullin kampion. Flamurtari? Prisja shumë më shumë nga vlonjatët, pasi 60-70% janë ekipi i vjetshëm. Shto këtu edhe afrimet e bëra. Kam menduar se do ishin një nga pretendentët për titull dhe jë të renditeshin në vendin e gjashtë”.

“Bardheblutë? Çuditem si Tirana është në këtë situatë. Nuk mjafton vetëm cilësia e lojtarëve, por duhet disiplinë. Duhet të ishin në tre skuadrat e para me grupin që ka. Këtë e them me mjaft përgjegjësi profesionale”.

RIKTHIMI NË SHQIPËRI – “Jam trajner, që sigurisht kisha oferta edhe para se të ikja te Drita. Duhet të isha i kujdesshëm. Nëse do ketë oferta të mira, me pretendime, brenda gjithë rregullave kontraktuale, do të pranoja”.

KONFIRMIMI I PANUÇIT – “Them që Duka e di shumë mirë. E kishte lehtë ta largonte. E ka menduar mirë dhe i ka dhënë një shans. Ndoshta ka bërë mirë, por duhet stabilizuar organika që do na përfaqësojë në eventin e ardhshëm”.

Shpëtim Duro i përket brezit të futbollistëve në vitet 1977-1990, ndërsa ka rreth 25 vite si trajner ku ka drejtuar skuadra të elitës në Superioren shqiptare dhe në Superligën e Kosovës, ndërkohë që për dy vite ka qenë edhe zëvendëstrajner i Kombëtares tonë të futbollit. Aktualisht drejton skuadrën Drita në Superligën e Kosovës, e cila është kampionia në fuqi.

INTERVISTOI: AGRON KAJA

Aktualisht jeni në stolin e Dritës në Superligën e Kosovës, po Superioren shqiptare e keni ndjekur në këtë periudhë?
-Patjetër që e ndjek, sepse futbolli shqiptar është dashuria e karrierës sime. Ngarkesa këtu te skuadra e Dritës, si kampione në fuqi në Superligën e Kosovës, është e madhe, por kur ka ndeshje të Superiores oraret tona kombinohen. Në tërësi, i kam ndjekur të 16 javët e luajtura.

Ndiqni më shumë skuadrat që ju keni drejtuar si trajner, apo në tërësi të gjitha ndeshjet e javës?
-Thuajse të gjitha ndeshjet i ndjek javë pas jave, por duke qenë se unë jam prodhim i Partizanit, te kjo skuadër fokusohem kryesisht. Aq më shumë që në këtë sezon është duke bërë figurën më të mirë në 25 vitet e fundit, e mendoj se është momenti që të rikthehet te trofeu që i ka munguar.

Për 16 javët e luajtura, ju si e vlerësoni Partizanin?
-Partizani në këto 16 javë kampionat ka ecuri pozitive, jo vetëm se renditet me meritë në vendin e parë. Është skuadër më e kompletuar dhe e stabilizuar, por tregohet një skuadër që bind në kreun e renditjes. Unë ndjehem shumë optimist se këtë sezon do të jetë skuadra kampione e Superiores.

Të premten Partizani pret Kukësin, rivalin për titullin, si e shikoni këtë sfidë?
-Është një ndeshje rivalësh mes dy skuadrave më të mira në Kategorinë Superiore. Por Partizani ka më shumë stabilitet e qëndrueshmëri në këto 16 javë, ndërsa Kukësi ka pasur shumë oshilacione dhe vetëm në tre javët e fundit ka treguar përmirësim. Partizanin e shoh favorit.

Ndeshjet e tjera të javës së 16-të i parashikoni të vështira, apo brenda normalitetit të tyre?
-Asnjëherë nuk mund të thuash se ka ndeshje të lehta, që nga java e parë e deri në fund të kampionatit. Kështu edhe këtë javë, ku Tirana do ta ketë të vështirë në Laç e po kështu Teuta në Krujë. Flamurtari është më i avantazhuar me Kamzën, si edhe Skënderbeu ndaj Luftëtarit.

Edhe dy javë dhe mbyllet faza e dytë e Kategorisë Superiore, mund të kemi surpriza në renditje?
-Natyrisht që po, sepse janë 18 ndeshje me 54 pikë brenda dhe gjithçka mund të ndodhë. Futbolli prandaj është i bukur edhe për surprizat që ofron, por besoj se kjo do të jetë “lufta”: gjashtë skuadrat e para që do të luftojnë për titullin dhe Europën, dhe katër të fundit për mbijetesën.

Po Partizani çfarë duhet të bëjë ndryshe në fazën e tretë dhe të katërt që të mbajë kryesimin?
-Mendoj se Partizani duhet të ketë vazhdimësi në këtë stabilitet që ka treguar në dy fazat e para. Është një skuadër e kompletuar në çdo repart, e duke pasur parasysh merkaton e dimrit me ndonjë përforcim, në dy fazat e tjera Partizani duhet të mbajë këtë ritëm në krye të Superiores.

Sipas asaj që raporton “infosport.mk”, Duro është kandidati kryesor për të marrë drejtimin e Shkupit. Sigurisht që eksperienca e tij në krye të Shkëndijës së Tetovës në të shkuarën e favorizon, pasi tekniku kryeqytetas e njeh mirë kampionatin maqedonas.

Sa i takon Ahmtajt, thuhet se i është sugjeruar Shkupit përmes menaxherëve. Drejtuesit e klubit shqiptar në Maqedoni duhet të vendosin për trajnerin e ri. Ahmataj vjet drejtoi skuadrën e Kamzës në Superiore, ndërkohë që më parë ka punuar edhe me Teutën, Besën dhe Burrelin.

Flamurtari e nis nga Korça sezonin futbollistik të këtij viti, ashtu si edhe një vit më parë kur luante pikërisht ndaj Skënderbeut. Ndryshimet në kampin kuq e zi nuk kanë munguar gjatë kësaj periudhe, me afrime dhe largime të shumta, ndërkohë që trajneri Shpëtim Duro beson në një nisje të mbarë të këtij kampionati. Sipas kreut të pankinës luhet përballë një kundërshtari mjaft cilësor, që ndoshta është edhe skuadra më e mirë e futbollit shqiptar. Vetë Duro ruan kujtimet më të mira nga koha kur ka drejtuar Skënderbeun, skuadër me të cilën ka fituar titullin kampion, por tani është i fokusuar tek ekipi i tij dhe beson shumë te Flamurtari, një skuadër e ndërtuar nga vetë ai. Natyrisht që besohet te rezultati pozitiv, ndërkohë sipas Duros nuk ka rëndësi kalendari, kur pyetet nëse do të kishte dëshirë  ta niste jo nga Korça, por nga një tjetër transfertë.

-Profesor, tashmë nis kampionati dhe Flamurtari luan përballë Skënderbeut. Si e shihni këtë përballje?

-Luajmë përballë një skuadre shumë cilësore, mos të them skuadra më e mirë e kampionatit shqiptar. Kam kujtime dhe ruaj respekte maksimale nga Korça, një skuadër ku edhe unë jam pjesë padyshim e nisjes së rezultateve pozitive, ku në vitin e parë kemi fituar titullin kampion. Pra luhet përballë një skuadre shumë të mirë dhe që gjatë kësaj vere ka bërë mjaft mirë në kupat e Europës, duke u kualifikuar në grupe. Gjithsesi tashmë jam pjesë e Flamurtarit, drejtoj këtë skuadër dhe natyrisht që do të kërkoj rezultatin pozitiv në këtë transfertë.

-Do të dëshironit ta nisnit në një tjetër transfertë dhe jo nga Korça kampionatin?

Në përgjithësi nuk kam preferenca në këtë drejtim, përballë Skënderbeut apo ndonjë tjetër skuadre. Shorti është për të gjitha skuadrat dhe në javën e parë gjen një kundërshtar, në javët e tjera do të ndeshesh me të gjitha skuadrat. Ndaj nuk kam ndonjë preferencë. E rëndësishme mbetet që ta nisim sa më mirë këtë kampionat.

-Skënderbeu vjen pas një vere me mjaft entuziazëm dhe rezultatet pozitive…

-Natyrisht kjo ka anën e saj pozitive, por nga ana tjetër edhe negative. Skënderbeu, si e thashë më lart, ka bërë një paraqitje të  jashtëzakonshme dhe padyshim që ka me vete entuziazmin dhe do të kërkojë të vijojë në këtë rrugë. Por nga ana tjetër ndonjëherë ky aspekt ka edhe anën e vet negative, pasi mund të ndëshkojë dhe të krijojë jo pak probleme. Megjithatë tashmë jemi në kampionat dhe luhet për tjetër gjë.

-Mungesa e Veliut, është një problem?

-Siç dihet mungon Franc Veliu i dëmtuar dhe një dëmtim në rreth një muaj e gjysmë fazë përgatitore më duket normale. Franci është një lojtar shumë i rëndësishëm për skuadrën, por unë mendoj se konkurrenca këtë sezon është rritur ndjeshëm dhe lufta për një vend në formacion mbetet e fortë. Në organikë kam lojtarët që më duhen dhe padyshim që do të jenë ata më në formë në këtë ndeshje.

-Flamurtari ka pësuar shumë ndryshime gjatë verës. Sa do ndikojë kjo në kampionat?

-Unë mendoj se të gjitha skuadrat kanë pësuar ndryshime, me afrime dhe largime. Edhe një vit më parë skuadrën e ndërtoi trajneri që ishte, po ashtu edhe këtë vit e ndërtova unë. Janë afruar lojtarë cilësorë dhe profesionistë, por tashmë duhet që gjithçka të tregohet në fushën e lojës. Skuadra është ndërtuar duke bërë zgjedhjet që mendojmë se janë për këtë Flamurtar dhe padyshim që tashmë duam ta nisim sa më mirë.

– Me çfarë rezultati do kënaqeshit?

-Është një ndeshje që brenda 90 minutave të saj i ka tria rezultatet. E rëndësishme mbetet që të bëjmë një ndeshje cilësore. Vërtet Skënderbeu ka një skuadër cilësore, por edhe Flamurtari duhet të jetë aty ku e meriton kjo skuadër dhe emri i saj.

“Natyrisht që fitorja është fitore, por pak rëndësi ka rezultati në ndeshje të tilla, ndërkohë rëndësi ka përgatitja e skuadrës dhe sot loja ka qenë mjaft e mirë. Kemi dominuar ndaj kundërshtarit, që nuk na kanë vënë asnjëherë në rrezik. Ajo që doja të përmendja lidhet me faktin se kundërshtari ka luajtur mjaft rëndë dhe kemi pasur edhe frikën e ndonjë dëmtimi, por fatmirësisht e kemi përballuar me mjaft sukses. Në miqësore të tilla të luash kështu përbën mjaft rrezik, megjithatë kemi dominuar dhe fituar edhe ndaj lojës së tyre.

“Duhet të kuptojmë se rëndësi kishte gjendja e skuadrës, pasi lojtarët ishin të ngarkuar prej përgatitjeve me dy seanca në ditë. Kemi luajtur pothuajse me dy formacione, në pjesën e parë dhe të dytë, duke ndryshuar rolet dhe rreshtimin në fushën e lojës. kemi fituar falë një supergoli të Kamara. Ne kemi ditë që punojmë në Veria dhe do të vijojmë të punojmë me ritëm të lartë. Deri tani jam i kënaqur”, – ka përfunduar Duro.