shorti

Gati për marshim, Bundesliga nis me një sfidë “zjarri”

Sport Ekspres — Fri, 28 Jun 2019 14:24:58 +0000

Bundesliga do të çelë sezonin e ri me datë 16 gusht. Kampionët e Bajern Mynih do të presin në shtëpi Hertën e Berlinit, ndërsa tetë ndeshjet e tjera do të zhvillohen një ditë më vonë, të shtunën e 17 gushtit.

Gladbah-Shalke 04 është përballja më e zjarrtë e javës së parë, por nuk mbetet pas as dueli Ajntraht Frankfurt-Hofenhejm. Debutim historik edhe për Union Berlin, ekip që ngjitet për herë të parë në elitën e futbollit gjerman në 56 vite histori.

So it shall begin ?

Which encounter catches your eye? pic.twitter.com/CpjCIBoFrg

— Bundesliga English (@Bundesliga_EN) June 28, 2019

Kryeqytetasit do të presin Lajpcigun në një përballje tepër të vështirë. Transferta aspak të thjeshta edhe për dy klubet e tjera të ngjitura në Bundesligë, Këlnin dhe Paderbornin. Të parët udhëtojnë drejt Volfsburgut, ndërsa të dytët drejt Leverkuzenit.

Në shtëpi do të nisë sezoni i ri për verder Bremen dhe Milot Rashicën, të cilët do të ndeshen me Fortuna Dyseldorfin.

JAVA E PARË

Bajern Mynih – Herta Berlin
Borusia Dortmund – Augsburg
Bajer Leverkuzen – Paderborn
Gladbah – Shalke
Volfsburg – Këln
Ajntraht Frankfurt – Hofenhejm
Verder Bremen – Fortuna Dyseldorf
Fraiburg – Mainc
Union Berlin – RB Laipcig

Europa League, finale të parakohshme! Hysaj me rival londinez

Sport Ekspres — Fri, 15 Mar 2019 12:11:13 +0000

Pas shortit të çerekfinaleve të Champions Ligës, erdhi dhe radha për të mësuar përballjet në Ligën e Europës. Napoli, Arsenali, Çelsi, Sllavia e Pragës, Benfika, Valencia, Vijareali dhe Ajntrahti i Frankfurtit do të luftojnë për dy vende në finalen e madhe, që zhvillohet me datë 29 maj në “Olimpic Stadium” të Bakusë, Azerbajxhan.

Përballje të forta dhe tepër interesante. Napoli i Hysajt do të luajë kundër Arsenalit. Dy ekipet janë ndër favoritët kryesorë për fitimin e trofeut dhe duelet mes tyre parashikohen spektakolare dhe të zjarrta. Ndeshja e parë do të zhvillohet në Londër, ndërsa ajo e kthimit në “San Paolo”. Fituesi i këtij çifti do të luajë në raundin tjetër kundër fituesit të çiftit spanjoll: Vijareal-Valencia.

Derbi spanjoll në çerekfinale. Vijareali dhe Valencia do të luftojnë fort mes tyre për një vend në katër më të mirat. Valencia ka një avantazh shumë të vogël, pasi ndeshjen e dytë e zhvillon në stadiumin e saj.

Duel shumë i bukur dhe ai midis Benfikës dhe Ajntrahtit të Frankfurtit. Ndeshja e parë do të zhvillohet në Portugali, ndërsa ajo e kthimit në Gjermani. Të dy ekipet kanë objektiva të mëdha dhe duan t’i shkojnë deri në fund këtij kompeticioni. Fituesi do të përballet në gjysmëfinale me Çelsin e Sarrit ose Sllavian e Pragës së Piter Olainkës.

Short i pranueshëm për Çelsin e Sarrit, i cili nuk dëshironte Napolin përballë. “Blutë e Londrës” do të luftojnë kundër Sllavias së Pragës, që do të tentojë një tjetër mrekulli pas asaj kundër Seviljes.

ÇEREKFINALET E LIGËS SË EUROPËS

ARSENAL-NAPOLI
VIJAREAL-VALENCIA
BENFIKA-AJNTRAHT FRANKFURT
SLLAVIA PRAGË-ÇELSI

GJYSMËFINALET

(ARSENAL-NAPOLI) – (VIJAREAL-VALENCIA)
(BENFIKA-AJNTRAHT FRANKFURT) – (SLLAVIA PRAGË-ÇELSI)

? The quarter-finals draw in full ?

Most exciting game? ?#UEL | #UELdraw pic.twitter.com/W3OBTlHM3U

— UEFA Europa League (@EuropaLeague) March 15, 2019

Champions me beteja zjarri, çfarë na ka rezervuar shorti!

Sport Ekspres — Fri, 15 Mar 2019 11:24:53 +0000

Sapo ka nisur shorti i çerekfinaleve të Champions Ligës në Nion të Zvicrës. Tetë ekipe kanë mbetur në lojë për fitimin e trofeut të madh. Liverpuli, Ajaksi, Juventusi, Barcelona, Mançester Siti, Mançester Junajtid, Totenhemi dhe Porto do të luftojnë për dy vende në finalen e 1 qershorit, që do të zhvillohet në “Wanda Metropolitana” të Madridit.

Short pozitiv për Juventusin dhe Liverpulin, dy ndër favoritët kryesorë për fitmin e trofeut. Bardhezinjtë e Alegrit do të përballen me Ajaksin. Ndeshja e parë do të zhvillohet në Holandë. Nëse kualifikohet, Juventusi do të ndeshjet në gjysmëfinale me Totenhemin ose Sitin.

Short shumë i mirë edhe për Liverpulin e Klopit. Finalistët e vjetshëm do të luftojnë kundër Portos për një vend në gjysmëfinale. Ndeshja e parë do të zhvillohet në “Anfield”, ndërsa ajo e kthimit në Portugali. Kush kualifikohet më tej do të luajë kundër fituesit të çiftit Barcelona-Mançester Junajtid.

Stadiumi ku do të zhvillojhet finalja e madhe

Përballje e fortë angleze midis Totenhemit dhe Mançester Sitit. “Qytetarët” janë të lumtur që do të luajnë ndeshjen e kthimit në stadiumin e tyre, ndërsa djemtë e Poçetinos ëndërrojnë finalen e madhe.

Duel i bukur dhe ai midis Barcelonës dhe Mançester Junajtid. Ekipi i Leo Mesit mbetet favorit për të kaluar, por “Djajtë e Kuq” kanë treguar se me Solskjaer në stol mund të dhurojnë surpriza pafund.

Ndeshjet e para do të zhvillohen me datë 9 dhe 10 prill, ndërsa ato të kthimeve do të luhen pas 1 jave, konkretisht me 16 dhe 17 prill.

ÇEREKFINALET

1- AJAKS-JUVENTUS
2- LIVERPUL-PORTO
3- TOTENHEM-MANÇESTER SITI
4- MANÇESTER JUNAJTID-BARCELONA

GJYSMËFINALET

(TOTENHEM-MANÇESTER SITI) – (AJAKS-JUVENTUS)
(MANÇESTER JUNAJTID-BARCELONA) – (LIVERPUL-PORTO)

UEFA ndryshon formulë, të premten short jo vetëm për çerekfinalet

Sport Ekspres — Sat, 09 Mar 2019 07:40:46 +0000

Të premten më datë 15 mars, UEFA do të organizojë si çdo vit shortin e goglave për fazën çerekfinale të Champions League. Megjithatë, këtë vit do të kemi një ndryshim shumë rrënjësor.

Në të gjitha edicionet e shkuara UEFA ka zhvilluar shorte për fazën çerekfinale dhe më pas atë gjysmëfinale, por kësaj radhe formula e shortit ka ndryshuar krejtësisht.

Këtë të premte në Nion të Zvicrës nuk do të përcaktohen vetëm përballjet e çerekfinale, por edhe gjysmëfinalet. E shpjeguar ndryshe, çdo ekip i fazës çerekfinale do të mësojë të nesërmen jo vetëm kundërshtarin në çerekfinale, por edhe me fituesin e cilit çift do të ndeshet në gjysmëfinale nëse ia dalin të kalojnë në këtë fazë.

Shorti i Ligës së Europës: Interi me rival gjerman, Hysaj kundër Salzburgut

Sport Ekspres — Fri, 22 Feb 2019 12:21:35 +0000

Sot është hedhur në Nion të Zvicrës shorti i raundit të 1/8 të Ligës së Europës. Interi, Napoli, Arsenal, Çelsi dhe Sevilja (ka fituar 5 herë trofeun në 13 vitet e fundit) janë ndër pesë ekipet favorite për fitimin e trofeut të dytë më të rëndësishëm për klube.

Elseid Hysaj i Napolit dhe Amir Rrahmani i Dinamos së Zagrebit janë shqiptarët, të cilët kanë mbërritur deri në këtë fazë të Ligës së Europës, pa harruar Xhakën dhe Mustafin e Arsenalit. Shkodrani do të përballet me Salzburgun dhe Napoli-Salzburg është dhe një duel midis dy ekipeve që kanë shënuar më shumë gola deri në këtë fazë të kompeticionit.

Rrahmani do të ketë përballë Benfikën, aty ku Dinamo e Zagrebit do të bëjë të pamundurën për të eliminuar gjigantin portugez. Interi i Spaletit do të luajë kundër Ajntrahtit të Frankfurtit në një përballje shumë të bukur italo-gjermane.

Goglat i kanë rezervuar Çelsit të Sarrit ekipin e Dinamos së Zagrebit, ndërsa ka buzëqeshur Sevilja, që do të luftojë kundër Sllavias së Pragës për një biletë në fazën çerekfinale. Çiftet e tjera kanë rezervuar përballjet Arsenal-Renë, Valencia-Krasnodar dhe Zenit-Vijareal.

Finalja e madhe do të zhvillohet me datë 29 maj në Baku të Azerbajxhanit, ndërsa ndeshjet e këtij raundi do të zhvillohen me datë 7 dhe 14 mars.

ÇIFTET E KËTIJ RAUNDI

Çelsi-Dinamo Kiev
Ajntraht Frankfurt-Inter
Dinamo Zagreb-Benfika
Napoli-Salzburg
Valencia-Krasnodar
Sevilja-Sllavia Praga
Arsenal-Renë
Zenit-Vijareal

Rastësia e çuditshme, çifti i pandarë i javës së fundit

Sport Ekspres — Wed, 18 Jul 2018 09:49:09 +0000

Në ambientet e Federatës Shqiptare të Futbollit është hedhur shorti për kalendarin e sezonit 2018-2019 dhe që në start ka takime mjaft interesante. Luhen tre ndeshje derbi që në javën e parë, duke nisur me atë të Veriut Kukësi-Laçit, atë bregdetar mes Teutës dhe Flamurtarit, si dhe Tirana-Kamza.

Takim mjaft i fortë është ai mes Skënderbeut dhe Partizanit që luhet në Korçë, ndërkohë që gjithçka përmbyllet me sfidën Luftëtari-Kastrioti. Por nëse sheh kalendarin e plotë, vëren një rastësi të çuditshme në javën e fundit dhe lidhet me Laçin e Teutën.

Është sezoni i tretë radhazi që kurbinasit dhe durrsakët përballen mes tyre në javën e fundit të kampionati. Goglat kanë rezervuar sërish Laçin si pritës. Thjesht çështje fati, sikurse fakti që bardhezinjtë javën e dytë, ashtu si vjet, e luajnë në shtëpi kundër Luftëtarit.

Shorti, Humels: Sa mirë që nuk do të udhëtojmë shumë!

Sport Ekspres — Fri, 25 Aug 2017 21:40:51 +0000

Portieri i Bajernit, Manuel Nojer, e ka quajtur interesant shortin e skuadrës së tij në grupin B, por duke theksuar se çdo skuadër ka karakteristikat e veta dhe duhet përgatitje në maksimum, pa nënvlerësime. “Grupi më duket interesant. Për mua është hera e parë qe do të përballem me PSG dhe Selltikun. PSG është skuadër e fortë, Selltiku ka një tifozeri të zjarrtë, ndërsa belgët janë një kundërshtar jo i lehtë”, – ka deklaruar kapiteni i bavarezëve.

“Synimi ynë është të fitojmë grupin, por PSG është kundërshtar serioz. Do të jetë një test i mirë për ne. Jam i lumtur që nuk kemi udhëtime të gjata këtë vit”, – ka shtuar qendërmbrojtësi Mats Humels.

Tomas Myler gjithashtu po i pret me padurim ndeshjet e grupit të Bajernit, sidomos atë me Selltikun dhe jo pa arsye. “Kemi disa skuadra të forta në grup. Do të jetë një ndeshje e bukur në ‘Celtic Park’ nga tifozët e zjarrtë. Qëllimi ynë është fitimi i grupit, kjo nuk diskutohet. Edhe ndeshjet me PSG-në do të jenë madhështore, por besoj se për këto mund të flasin më mirë mediet se unë”, – ka deklaruar gjermani.