Në 45 minutat e para Kastrioti kryesonte 1-0 dhe Kukësi shpërdoroi shumë raste, për faj të dy sulmuesve. Trajneri Ernest Gjoka e kuptoi se Rexhinaldo dhe Shkurtaj nuk bashkëpunonin në fushë me njëri-tjetrin dhe disa raste të arta u shpërdoruan thjesht për egoizëm.

Gara për Këpucën e Artë sikur ua kishte errësuar sytë dy futbollistëve të Kukësit, të cilët në dhomat e zhveshjes ishin nervozë, pasi nuk po shënon golat që kishin shpresën se do u jepte çmimin personal të sezonit. Kjo ka nervozuar trajnerin Gjoka, i cili ka ngritur zërin si rrallë ndonjëherë, duke e parë qartë se në atë mënyrë po hidhej poshtë vendi i dytë. Edhe presidenti Safet Gjici, si zakonisht, kishte zbritur në dhomat e zhveshjes, por nuk foli, edhe ai dukshëm nervoz.

Më pas gjërat sikur u qetësuan disi, dy sulmuesit në 45 minutat e dyta shënuan dhe Kukësi përmbysi Kastriotin dhe fitoi 3-1. Rexhinaldo shënoi dy herë dhe me 13 gola arriti të bënte të tijën Këpucën e Artë. Gjithsesi, ajo që ndodhi në dhomat e zhveshjes ka lënë shije të hidhur në kampin verilindor, edhe pse në futboll është mirë të kesh sulmues ambiciozë dhe deri diku egoizmi pranohet, por pa e tepruar.

E ARDHMJA – Ajo që ndodhi në Kamzë dhe zënka në dhomat e zhveshjes nuk do të kalojë lehtësisht. Presidenti Safet Gjici pritet të bëjë një mbledhje dhe sigurisht që nuk përjashtohen masat. Gjithçka është në dorë të numrit një të klubit, që nga ana tjetër do të duhet të mendojë edhe për klimën në skuadër para finales së Kupës.

Duke parë situatën, në klubin e Kukësit duhet të vendosin përfundimisht se çfarë do të bëjnë, për më tepër që Shkurtaj pas ndeshjes ka kërkuar takim me drejtuesit e klubit dhe është parë duke biseduar me drejtorin Nderim Nexhipi.

Rexhinaldo dhe Shkurtaj së bashku është e vështirë të luajnë, ndaj ndoshta do të jenë të detyruar të heqin dorë nga njëri prej tyre. Se si do të zgjidhet kjo situatë, mbetet për t’u parë. Të dy janë nën kontratë, madje për sulmuesin vlonjat është paguar një shifër e konsiderueshme për kartonin te Luftëtari, ndërsa Rexhinaldo sapo ka arritur marrëveshjen për të vijuar edhe një vit me Kukësin.

Në kampionatin shqiptar të futbollit, gara për titullin kampion mori fund disa javë para fundit, por ajo për çmimin e golashënuesit më të mirë, vijoi deri në frymën e fundit. Rexhinaldo, Hasani dhe Shkurtaj zbritën në fushë në javën e fundit të kampionatit në kuotën e 11 golave, në baraspeshë totale.

Sulmuesi mozambikas qëndroi në krye, për shkak se kishte shënuar vetëm një gol me penallti, ndërsa Shkurtaj dhe Hasani nga dy. Roxher dhe Shtubina me nga 10 gola, mbanin pozitat 4 dhe 5. Hasani dhe Shkurtaj arritën të gjenin rrjetën edhe në javën e fundit të kampionatit, duke shkuar në kuotën e 12 golave, por Rexhinaldo shënoi një dopietë në sfidën kundër Kastriotit dhe mposhti rivalët e “Këpucës së Artë”, pasi triumfon me 13 gola të shënuar.

Gjoka duhet të bëjë pa shërbimet e kapitenit Ylli Shameti. Mbrojtësi u rikthye para disa javësh në fushat e lojës, por problemet në gju kanë bërë që ai ta mbyllë këtë sezon para kohe. Shameti nuk është problemi i vetëm për Gjokën.

Edhe mesfushori i ardhur me bujë në janar, Eduart Rroca, është stërvitur i diferencuar sot. Shkurtaj vazhdon të mos paraqitet në stërvitje dhe situata te verilindorët nuk duket aspak e mirë. Sulmuesi vlonjat me shumë mundësi nuk do të jetë i gatshëm për ndeshjen me Skënderbeun të shtunën.

“E para jam shumë i kënaqur që i dhashë tri pikët ekipit tim. Kur shënon gol, të jep më shumë motivim që të vazhdosh sa më mirë. Nuk kam vendosur një objektiv se sa gola do të shënoj, por thjesht dua që të jem i pari në listën e golashënuesve edhe kur të mbarojë sezoni.

E kam thënë dhe më përpara që unë e Rexhinaldo plotësojmë njëri-tjetrin dhe ai më ndihmon shumë mua. Futbolli ka treguar që shumë gjëra deri në fund mund të ndodhin. Nuk di si ta them, por duhet të luftojmë deri në fund, më pas do të shikojmë.

Nuk besoj se presidenti Gjici do të ma thotë këtë gjë. Çdo lojtar, do kohën e tij për t’u ambientuar. Kam edhe gjashtë ndeshje përpara dhe shpresoj të shënoj më shumë gola.

I festova të dy golat, por nuk është se festoj shumë kur shënoj. E shpreh gëzimin tim në forma të ndryshme, por gjithmonë festoj. Goli i dytë vendosi gjithçka, prandaj nuk kishte shumë nevojë për festë. Unë shpresoj që te jemi ne në finale, ishalla me Luftëtarin.

Dedikimi për Krasniqin? Ka pasur një dëmtim të rëndë dhe ia dedikova golin atij”, përfundoi Shkurtaj.

“Futbollit shqiptar ju i bëni shumë reklamë për atë që jep. Këtu ne flasim për dhunë. Dhuna ekziston në shoqëri. Çka ndodh në shoqërinë, ndodh në stadiume. Është pjesë e edukatës. Në këtë vend funksionon ligji i të fortit. Një mik më tha: ‘Në Shqipëri nuk është a lejohet apo nuk lejohet, por a mundesh apo nuk mundesh’. Çdo gjë bëhet nëse mundesh. Këtë gjykojeni vetë pastaj. Këtu gjërat bëhen me vetëdije. I bwni reklame futbollit shqiptar, si të jetë Premier Liga angleze”.

“Prisja Kukësi më agresiv, që të luante për gjithçka, fitore ose humbje. I mungonte sulmi i vërtetë. Sulmuesi i tyre (i referohet Shkurtajt) një lojtar i thjeshtë, pa ato vlera që trumbetohet. Qendërmbrojtësit nuk patën shpejtësinë dhe agresivitetin e duhur. Uilliam shikohej se kishte vlera. Në mesfushë ishin disi më mirë. Partizani luan njëlloj, mbrohet mirë. Edhe atyre u mungon një sulmues kryesor, që mund ta çojë më lehtë te goli. Ishte një ndeshje e luftuar deri në atë pikë që mua nuk më kënaqi. Rastet ishin të pakta. Golit i Rexhinaldos ishte një vlerë e asaj ndeshjes, si dhe Asani me lëvizshmërinë e tij. Kukësi kishte një mbrojtje të lodhur. Krasniqi ishte shumë i ngadaltë, Cuculi nuk është më ai që ka qenë te Partizani”.

“Kam qenë tifoz i çmendur i Partizanit. Isha tifoz i Ferit Rragamit. E ndiqja në Shkodër atëherë. Kam qenë i vetmi në tribunë, që kur ai i shënoi gol Vllaznisë, kam festuar”.

GREZDA –  “Grezda dje nuk ishte as në 18-she. Ka bërë një lëvizje të madhe, në një futboll tepër të vështirë. Vjen nga futbolli kroat, që luhet në një klime tjetër. Nga një shtet me 300 ditë me diell, kalon në një vend që ka 300 ditë me shi. Është e vështirë. Nuk është përshtatur si duhet. Tani atje pozitat nuk janë të mira as për Stiven Xherard. Kanë bërë shumë blerje dhe janë eliminuar edhe nga Kupa”.

Sulmuesi vlonjat shënoi golin e parë në kampionat me fanellën e Kukësit në takimin kundër Kamzës, duke i dhënë avantazhin verilindorëve. Por gjatë kësaj sfide, Shkurtaj dëmtoi dorën tij, duke sakrifikuar deri në fund të takimit.

Sot, numri 11 i Kukësit ka bërë grafi të dorës së tij, ku duket se ka krisur një nga kockat e gishtave. Fotoja është bërë publike nga vetë sulmuesi në Instagram. Një dëmtim në dorë ka pësuar dhe braziliani Kordeiro, që do të qëndrojë jashtë fushave për 4-6 javë, por për Shkurtajn, pritet që të zbresë në fushë edhe në sfidën përballë Luftëtarit.

NDESHJA “Mendoj që në përgjithësi djemtë bënë një lojë të mirë, ishim në ekuilibër në pjesën e parë dhe cinikë. Si rezultat i kësaj, kaluam në avantazh dhe e mbyllëm pjesën e parë në avantazh. E dinim që do të kishim presion nga kundërshtari në pjesën e parë”.

“Arritëm të dilnim para portë me Rrocën për të siguruar fitoren, por nuk arritëm ta bënim diçka të tillë. Toleruam në mesin e fushë, duke bërë disa faulla në mesfushë shumë të rrezikshme. ekipi i teutës ka shtatlartë më shumë se ne. Lojtarët e qendrës së fushës sakrifikuan: Dzaria me temperaturë dhe Limaj me problem në kavilje”.

KAMPIONATI – “Futbolli i tillë është, por Kukësi ka forca dhe ka fuqi për të vazhduar përpara dhe të bëjë kampionatin e vet. Kampionati nuk ka mbaruar, janë dhe 14 javë. Çdo gjë mund të ndodhi në futboll. Kukësi i ka mundësitë për të luajtur futboll dhe për të marrë pikët e saj. Në fund bëhet bilanci. Për mendimin tim. Kukësi po bën një sezon shumë të mirë deri më tani dhe kaq mund të them”.

RREZIKSHMËRIA – “Sapo e thashë që shkaqet e mesfushorëve që nuk ishin në gjendjne e tyre më të mirë. Nuk kishim alternativa për të bërë lojën më të mirë. Isha i gathsëm për të rrezikuar në 20 minutat e fundit. Pësuam golin e barazimi dhe nuk kisha çfarë të humbja më. Kërkuam të gjenin sërish golin, por i druhesha mesfushës së Teutës. Me situatat dhe mundësitë që kishim, nuk ishim me fat.

PETKU I KAMPIONIT – “Kukësi ka potenciale. Kukësi ka treguar që di të luajë futboll dhe ka bërë një kampionat të shkëlqyeshëm në dy fazat e para. Nuk e kemi filluar mirë këtë gjysmë të dytë, për shkak të ardhjeve të reja. Ekipi ishte i kujdesshëm në fazën mbrojtëse. E theksova dhe më përpara që i druhesha mesfushës së Durrësit, pasi fizikisht janë shumë të fortë, si në tokë, ashtu dhe në ajër. Ne kemi një lojtar prej tri ditëve me temperaturë, si dhe Limaj që u dëmtua në kavilje. Natyrshëm nuk mund të mendonim për të bërë presing lart dhe menduam ta kapim me kundërsulm. Kemi dalë të paktë 3-4 herë me kundërsulme të shpejta. Gjuajtëm shtyllë, humbëm dhe penallti dhe nuk e di se çfarë duhet të bëjmë më shumë”.

“Unë nuk e kam thënë asnjëherë që nuk kam cilësi në skuadër. Kjo cilësi ka bërë që të gjitha ndeshjet të luajmë jashtë shtëpie dhe të luajmë më mirë se kundërshtarët dhe të marrim rezultate të shkëlqyeshme. Nuk e kemi nisur mirë për arsyet që thashë më lart”.

SULMI – “Rexhinaldo e hodha në formacion se isha i bindur se ka gjendje të mirë fizike dhe do të na ndihmonte shumë. Po të luaja me dy sulmues, kemi vështirësi, pasi nuk kemi lojtarë për ta nxjerrë topin në sulm. Luajmë me dy sulmues në momentin kur rezultati nuk është në favorin tonë. E nisa vetëm me Rexhinaldon dhe kjo gjë më dha të drejtë.

SKEMA – “Në fakt, ekipi kishte krijuar një fizionomi loje në fazën e dytë, ku për 6-7 javë nuk pësuam asnjë gol. Arritëm të ngushtonim diferencat me kundërshtarët. Me ardhjet e reja, menduam të bënim një zgjidhje tjetër, për t’iu dhënë mundësinë ardhjeve të ingranohen në fushën e lojës. Të them të drejtën, ndeshja e sotme më pëlqeu. Gjithsesi, ne pretendojmë më tepër dhe e kam thënë dhe herë të tjera që të gjithë lojtarët duan kohën e tyre. Nuk duhet t’i vëmë në presion lojtarët e ardhur dhe kush e njeh futbollin sado pak, e kupton sa kohë i duhet një sportisti.”

PENALLTITË – “Nuk kam asnjë lloj pengu. As kur Rexhinaldo ka humbur penalltinë kundër Tiranës, as për Kordeiron. Ai ka qetësinë e duhur dhe aftësi teknike shumë të mira. Humbja e penalltisë mund t’i ndodhi gjithkujt, por fatkeqësisht na ndodhi neve dy herë rresht. Ekipi ka krijuar mundësitë për t’i fituar dy ndeshjet e fundit, por nuk kemi marrë asnjë pikë. Futbolli i tillë është. Mundësi dhe potenciale reale kemi”,- përfundoi Cungu.

Autor i golit ishte Shkurtaj, i cili shkëputet mirë nga mbrojtja e Apolonisë, driblon në hyrje të zonës dhe shënon me të djathtën. Gjatë këtij aksioni, Rexhinaldo kishte mundësinë disa herë të merrte topin dhe të godiste vetë, por krijoi hapësira për shokun e tij të sulmit.

Gjatë gjithë takimit, dyshja e sulmit kombinoi mirë dhe me mbështetjen nga krahët të Çyrbjas, Et’hemit dhe Valdet Ramës në pjesën e dytë, krijuan disa raste të rrezikshme. Megjithatë, pas ndeshjes Cungu tha se nuk e mendon aspak të luajë me dy sulmues si titullarë, por vetëm kur të jetë e domosdoshme.

Bëhet fjalë për Ismahil Akinade.  Futbollisti 190 centimetra i gjatë luan në kampionatin irlandez prej shtatë sezonesh. Aktualisht 24-vjeçari është pjesë e skuadrës së Uaterfordit, me të cilit gjatë sezonit të shkuar shënoi pesë gola në 32 takime.

Në mungesë të Shkurtajt, trajneri i Luftëtarit Gentian Mezani ka në dispozicion vetëm një sulmues, kenian Ismael Dunga, i cili deri më 10 aktivizime ka gjetur vetëm një herë rrugën e rrjetës.

Shkurtaj u shpreh: “Normale që këtu objektivi është ndryshe, të fitojmë kampionatin dhe të arrijmë Ligën e Kampionëve. Unë stërvitem mirë, dua të ndihmoj ekipin dhe të shënoj gola që të arrijmë të gjitha objektivat. Shokët më kanë ndihmuar që të ambientohem dhe jam shumë i lumtur.

Rexhinaldo? Nuk është diçka që unë shqetësohem. Bëj punën time dhe kur të më kërkojë trajneri, do të përgjigjem! Trajneri e di kur do të luaj dhe do e respektoj. Të them të drejtën nuk e njihja si lojtar, por unë dua të shënoj sa më shumë dhe të shikoj vetëm lojën time”.

Më pas, foli dhe afrimi i ri i verilindorëve, Faton Xhemaili. Në fjalën e tij, mbrojtësi tha: “Kukësi ka dy lojtarë shumë cilësorë, si Cuculi dhe Rrumbullaku, por besoj se me punë të vazhdueshme, do të fitoj një vend në formacionin titullar”.

Presidenti i skuadrës verilindore, Safet Gjici, deklaroi se skuadra është më pranë objektivit të titullit kampion, ndërsa paralajmëroi edhe për përforcime të tjera të tjera në repartin e mbrojtjes.

“Rrocën edhe Shkurtaj jemi më pranë objektivit, që gjithmonë ka qenë titulli. Përforcuam mesfushën edhe sulmin, tani mund të shohim për ndërhyrje ne mbrojtje. Shkurtaj është një sulmues i rallë në kampionatin tonë, edhe kombëtarja duhet ta shohë”.

“Nuk ka rrezik për xhelozi brenda ekipit, të gjitheë janë profesionistë. Ekipi është i kompletuar edhe trajneri nuk ka më justifikime. Ia kemi plotësuar të gjitha kërkesat. Madje duke bërë sforco. Tani e kanë në dorë lojtarët edhe stafi, sepse klubi e ka bërë detyrën”, ishin fjalët e presidentit të kuksianëve.

https://www.facebook.com/313559492122738/posts/1645467858931888/

Nga ajo që mëson “SportEkspres.com”, Shkurtaj ka kërkuar fillimisht pagat e prapambetura nga Luftëtari. Në drejtim të Kukësit kërkesa është e qartë: për të nënshkruar me të duhet që presidenti Safet Gjici të zbrazë miliona në llogarinë e sulmuesit.

Shkurtaj kërkon që deri në fund të këtij sezoni t’i marrë pagat paradhënie dhe deri më tani ende nuk ka një marrëveshje. Presidenti i Kukësit, Safet Gjici, më parë është shprehur se e ka arritur marrëveshjen me Luftëtarin, por duhet bindur edhe Shkurtaj.

Autori i shtatë golave me bluzinjtë do të donte të transferohej jashtë vendit dhe nuk është se nuk ka patur interesim për të. Kështu për momentin transferimi i tij është pezull dhe mbetët për t’u parë se çfarë do të ndodhë me të ardhmen e tij.

Pazar sërish në Gjirokastër, pasi vetë presidenti i klubit, Safet Gjici ka zbuluar në një prononcim për “A2 CNN” se Vasil Shkurtaj e ka mbyllur marrëveshjen me Kukësin. Numri një i skuadrës verilindorë ka zbuluar se është arritur marrëveshja si me lojtarin ashtu dhe me klubin bluzi për shërbimet e sulmuesit.

“Nuk kemi garë me Partizanin për Vasil Shkurtaj. Ai do të jetë lojtar i Kukësit. Kemi arritur akordin financiar me klubin e Luftëtarit dhe tashmë mbeten vetëm detajet me lojtarin. Besoj se gjithçka do të mbyllet në ditët në vazhdim. Shkurtaj është lojtar i Kukësit”.

Sipas asaj që shkruan “Telesport”, drejtuesit e klubit të “demave” po mendojnë për mesfushorin e Luftëtarit Eduart Rroca. Më parë është lakuar emri i Vasil Shkurtajt, ndërsa tani del në skenë edhe emri i 25-vjeçarit. Të dy janë lojtarë me kualitet dhe janë ndër preferencat e trajnerit Skënder Gega.

fakti që në Gjirokastër kanë probleme me financat e bën të lehtë shkëputjen e bashkëpunimit mes lojtarit dhe klubit, ndaj duket më se e mundur kjo lëvizje. Ndeshja e fundit e këtij viti do të jetë pikërisht ajo mes Luftëtarit dhe Partizanit, çka mund të shfrytëzohet nga drejtuesit e Partizanit për ta joshur lojtarin në fjalë.

Gjithsesi, sipas asaj që raporton RTSH Sport, presidenti Grirgor Tavo ka garantuar se sulmuesi nuk do të shitet në janar, madje as në verë në ndonjë klub të Superiores. Kjo duket një çështje e mbyllur dhe te Luftëtari duan të fokusohen vetëm te gara.

Synimi i tyre është që të mos forcojnë skuadrat e tjera në kampionat, ndërkohë që pohohet se ka disa oferta për Shkurtajn. Bëhet fjalë për klube të huaja, por te Luftëtari e kanë të qartë se nuk mund ta shesin në janar. Në verë do të diskutohet dhe ekziston mundësia që Shkurtaj të rikthehet në Greqi.

“Nuk kisha trupin mirë dhe e gjuajtja lart. Rezultati ishte i drejtë, mund të merrnim edhe tre pikët” u shpreh fillimisht sulmuesi. Vlonjati u ngacmua edhe për të ardhmen dhe normalisht si çdo futbollist do të donte të luante jashtë. Ka provuar edhe në të shkuarën të luajë në Greqi, Portugali, Holandë e Qipro

“Do doja të ikja jashtë, por jam i Luftëtarit dhe po bëj të pamundurën të dalim nga kjo situatë”. Vjet me Bregun dhe Abazajn Luftëtari ishte i rrezikshëm, por Shkurtaj thekson se edhe shokët që ka aktualisht në ekip e ndihmojnë goxha.

“Abazaj e Bregu ishin ndryshe, por edhe këta që janë tani japin shpirtin në fushë. Ata më ndihmojnë shumë kur mbrojnë. Kënaqem kur kam raste për gol. Golat do vijnë”, u shpreh në mbyllje sulmuesi i Luftëtarit..

Nga Greqia, në Portugali, Holandë e së fundi Qipro, Shkurtaj tashmë firmos dhe prezantohet si përforcimi i ri i Luftëtarit, që bën një goditje të madhe.

Shkurtaj, tashmë 25 vjeç, ka qenë pjesë e kombëtares U-21 dhe ka ka qenë edhe në fokusin e kombëtares A, por nuk ka pasur shumë fat në karrierë dhe sezonin e shkuar pati edhe një dëmtim, por është kthyer në formë optimale.

E kërkonin edhe Vllaznia e Kukësi, por vlonjati ka preferuar qetësinë e Gjirokastrës, ku mund të bëhet pikë referimi në sulmin bluzi.