Shkupi

VIDEO | 6 gola në Armeni, rezultat pozitiv për Shkupin

Sport Ekspres — Thu, 11 Jul 2019 15:59:20 +0000

Shkupi kreu një paraqitje pozitive në përballjen me Armenët e Pjunik. Ndeshja e luajtur në kryeqytetin e Armenisë u mbyll me rezultatin 3 – 3. Armenët shënuan të parët, por skuadra nga Maqedonia e Veriut ia doli të përmbyste rezultatin duke shënuar tri gola, ku dy prej tyre kishin për autor kapitenin Bajrami.

Në minutat e fundit të takimit vendasit arritën të barazonin rezultatin me dy golat të shpejtë, por edhe me një barazim i vlen shumë skuadrës nga Maqedonia e Veriut që tani ka për detyrë të sigurojë kualifikimin në ndeshjen e kthimit në Shkup.

Një detaj interesant i këtij takimi ishte dhe fakti që në radhët e armenëve luajti për 90 minuta mbrojtësi shqiptar Kristi Marku.

Pjunik 3 – 3 Shkupi
Shënues: Vardanian 4’, Zheztokov 80’, Manuçarian 85’ / Bajrami 26’, 60’, Ilievski 43’

Kuotat e basteve: Vetëm Shkëndija favorite, Partizani e Kukësi “të pashpresë”

Sport Ekspres — Mon, 08 Jul 2019 16:57:17 +0000

Në ditët në vijim shtatë ekipe të trevave shqiptare do të testojnë veten në arenën evropiane. Kampionët e Partizanit, Shkëndijës dhe Feronikelit do ta nisin të parët aventurën në kualifikueset e Champions League.

Kampionët e Kategorisë Superiore presin në Tiranë azerët e Karabag, ku kompanitë e basteve e kuotojnë fitoren e demave me koeficientin 4.33 duke favorizuar ndjeshëm skuadrën udhëtuese. Në një pozitë të krejt të kundërt gjendet Shkëndija fitorja e secilës në transfertën estoneze ndaj Nome Kalju ka koeficientin e ulët 1.46. Ndërkohë Feronikeli do ta ketë tejet të vështirë ndaj kampionëve të Uellsit, fitorja e ekipit nga Drenasi në transfertë ndaj TNS shoqërohet me koeficientin 5.75.

Në kualifikueset e Europa League asnjë prej ekipeve shqiptare nuk futet në takim si favorit. Kukësi, Teuta, Laçi dhe Shkupi do të duhen të bëjnë surprizën në ndeshjet përkatëse. Koeficientin më të ulët e kanë durrsakët e Teutës, fitorja e secilës ndaj Ventspils ka koeficientin 3.96, ndërsa koeficienti më i lartë i takon Laçit që edhe pse është ekipi pritës ka kuotën 7.68 ndaj izraelitëve të Hapoel Ber Sheva.

Shkupi humbet më të mirin, e ardhmja në Superiore

Sport Ekspres — Mon, 24 Jun 2019 07:46:54 +0000

Rron Broja nuk është më lojtar i Shkupit dhe për baedhekaltrit është një humbje e madhe. Mesfushori me tipare mbrojtëse ishte një nga lojtarët më të rëndësishëm të skuadrës shqiptare në Maqedoninë e Veriut.

Ish-futbollisti i Kosovës U21 ka pasur disa oferta, jo vetëm nga rajoni. Gjithsesi, nga ajo që raportohet nga mediat e vendit fqinj, Broja ka një ofertë nga Superiorja dhe gjasat janë që të zgjedhë të luajë në Shqipëri.

Edhe në Kosovë, ku është aktivizuar më parë me Trepça ’89, e kërkojnë. Broja, 23 vjeç, duhet të ndajë mendjen për të ardhmen e tij. Te Shkupi sezonin e fundit është aktivizuar në 31 ndeshje, 28 prej të cilave i ka nisur nga minuta e parë. Ai ka shënuar vetëm një gol me penallti, kundër Sileks.

Kukësi “peshkon” Romën, Teuta e Laçi me rivalë të frikshëm!

Sport Ekspres — Wed, 19 Jun 2019 12:14:41 +0000

Kukësi, Teuta, Laçi dhe Shkupi janë skuadrat që do të marrin pjesë në turin e parë të Europa League. Kukësi duhet të kalojë hungarezët e Debrecen dhe më tutje rivali i mundshëm është Roma. Short mjaft i hidhur për verilindorët, të cilët do të kenë gjigantët italianë në turin e dytë.

Laçit i ka rezervuar shorti Hapoel Ber Sheva. Nëse ndodh mrekullia, atëherë në turin e dytë sfidojnë një midis Shiroki Brijeg ose Kairat Almatit.Teuta ka shortin më të lehtë, pasi përballet me Ventspils. Durrsakët, nëse kalojnë më tej, do të gjejnë si kundërshtar, Hajduk Splitin ose Gziran.

Shkupi diskuton kualifikimin me Pjunik. Në turin e dytë, nëse kualifikohen, bardhekaltrit gjejnë çekët e Jablonec.

Amir Bilali i lirë, Shkupi merr “ish”-in e Partizanit

Sport Ekspres — Mon, 10 Jun 2019 16:59:52 +0000

Partizani e zyrtarizoi në janar, ndërkohë që ende pa u mbyllur merkato dimërore iku. Ata që janë tifozë të “demave” të kuq duhet ta mbajnë mend Fatjon Jusufin, të cilin skuadra kryeqytetase e afroi nga skuadra e Renovës. Ish-trajneri Skënder Gega ia bëri të qartë: hapësirat do të jenë të pakta.

Në këto kushte Jusufi zgjodhi të ndërpriste kontratën dhe u transferua në Armeni, ku u aktivizua me Shirak. Dy ndeshje dhe një gol, ndërkohë që një dëmtim e penalizoi. Pak muaj në Armeni dhe tashmë do të luajë sërish në Maqedoninë e Veriut, pasi ka firmosur një kontratë 1-vjeçare me opsion rinovimi edhe për një sezon tjetër.

“Është kënaqësi dhe nder të vesh fanellën e një klubi historik dhe të madh si Shkupi. Mendova të vazhdoj karrierën te Shkupi sepse më përshtatet filozofia e tyre dhe më pëlqen projekti që kanë. Shpresoj që të përsërisim së bashku sukseset e viteve të fundit edhe në vijim me Shkupin dhe sukseset të mos kenë të ndalur”, ka deklaruar Jusufi për faqen zyrtare të klubit.

BILALI – Ndërkohë te Shkupi janë njoftuar disa largime, mes tyre edhe mbrojtësi Amir Bilali. Ish-lojtari i Bylisit dhe Teutës është i lirë dhe dëshira e tij është të rikthehet në Superiore. “Amir Bilali është futbollisti me të cilin është ndërprerë kontrata, ndërsa bashkëpunimi nuk ka vazhduar pasi që edhe u kishin kaluar kontratat futbollistëve në vijim: Viktor Angelov, Armel Bradji, Maharafa Tandina dhe Ergyn Abdul”, njofton mes të tjerash klubi i Shkupit.

Festojnë “Shvercerat”, Ustabasi dërgon Shkupin në Europë

Sport Ekspres — Sun, 26 May 2019 16:27:46 +0000

Berat Ustabasi është heroi i Shkupit. Lojtari i lindur në Mançester shënoi dy herë në minutat e fundit, duke përmbysur dizavantazhin e Rabotniçkit. Kjo fitore e arritur në transfertë e ngjiti ekipin kryeqytetas në vendin e katërt, që do të thotë kualifikim në Ligën e Europës.

25-vjeçari shënoi në minutat 89’ dhe 90+2’, duke siguruar një fitore të pabesueshme dhe duke dërguar “Shvercerat” në ekstazë. Të pafata Renova dhe Makedonija GP, të cilave nuk ju mjaftuan fitoret në javën e fundit të kampionatit të Maqedonisë Veriore.

Shkëndija u mposht nga Renova me rezultatin 3-2. Qatip Osmani ju dha mundësinë shumë lojtarëve të rinj për të luajtur, ndërsa drejtuesit do fillojnë punën për përforcimin e ekipit para ndeshjeve të Champions Ligës, kompeticion në të cilin kampionët nga Tetova duan të shkojnë sa më larg.

Renova-Shkëndija 3-2
(Ramadani 40’, 44’, Useini 77’ / Ljuma 12’, Bojku 86’)

Rabotniçki-Shkupi 1-2
(Ilijoski 84’ / Ustabasi 89’, 90+2’)

Shkëndija shkatërron Shkupin në derbi, Vardari e afron me titullin

Sport Ekspres — Sat, 27 Apr 2019 15:55:12 +0000

Shkëndija nuk ka treguar aspak mëshirë për Shkupin. 5-1 për djemtë e Qatip Osmanit u mbyll ndeshja e zhvilluar në Tetovë. Kuqezinjtë kryesues zgjidhën gjithçka që në pjesën e parë.

Dy golat e Omar Imeri dhe rrjeta e Alimit dërguan Shkëndijën në pushim me avantazhin e tre golave. Në të dytën pati gëzim edhe për golin e Ibraimit dhe një tjetër rrjetë të Imerit.

Miqtë gjetën golin e nderit pesë minuta përpara fundit me anë të Bajramit, ndërsa vendasit luajtën me një lojtar më pak gjysmën e pjesës së dytë pas daljes me të kuqe të Egzon Bejtulait.

Kjo ishte një fundjavë fantastike për Shkëndijën, që përfitoi edhe nga ndalesa e Vardarit në shtëpi. Diferenca me ekipin ndjekës ka shkuar në 11 pikë. Nga ana tjetër, Renova nuk ia doli të evitonte humbjen në transfertë kundër Makedonija GP dhe tashmë renditet në mesin e artë me 39 pikë.

MAQEDONI E VERIUT LIGA 1 – JAVA 31

E shtunë, më 27 prill 2019, ora 16:00

Akademija Pandev-Rabotniçki 3-1

Makedonija GP-Renova 3-1
Shënues: Tanturovski 9’, 13’, Da Silva 54’ / Mustafov 35’

Pobeda-Sileks 0-1

Shkëndija Tetovë-Shkupi 5-1
Shënues: Imeri 20’, 42’, 66’ Alimi 29’, Ibraimi 52’ / Bajrami 85′

Vardar-Belasica 1-1

Shkëndija ngec në transfertë, Iseni nderon Shkupin

Sport Ekspres — Wed, 24 Apr 2019 15:53:29 +0000

Shkëndija është rikthyer pas shtatë ndeshjes te humbja dhe i ka dhënë fare pak shpresa Vardarit ndjekës. Kuqezinjtë nga Tetova u mposhtën në transfertë kundër Belasicës. Vendasit fituan 2-1, ndërsa goli i Shefit Shefitit 20 minuta përpara fundit të ndeshjes shërbeu vetëm për të shkurtuar rezultatin.

Vardari ia doli të fitonte kundër Makedonija GB dhe tashmë gjendet 9 pikë poshtë djemve të Osmani, kur kanë mbetur edhe 6 ndeshje deri në fund.

Një gol i Besar Isenit katër minuta nga fundi i ka dhënë tre pikë shprese Shkupit. Bardhekaltrit fituan në shtëpi ndeshjen direkte për një vend në Europë kundër Akademisë Pandev. Diferenca me vendin e tretë është shkurtuar dhe tashmë Akademija Pandev është 5 pikë larg.

Me të njëjtin rezultat fitoi edhe Renova kundër Sileksit. Goli i shpejtë i Miovskit i dhuroi tre pikët vendasve, të cilët renditën në vendin e pestë me 39 pikë.

MAQEDONI E VERIUT LIGA 1 – Java 30
E mërkurë, më 24 prill, ora 16:00

Belasica-Shkëndija Tetovë 2-1
Shënues: Gorgiev 5′, Bejtullai (aut) 64′ / Shefiti 70′
Makedonija GP-Vardar 0-2
Rabotniçki-Pobeda 1-2
Renova-Sileks 1-0
Shënues: Miovski 5′
Shkupi-Akademija Pandev 1-0
Shënues: Iseni 86′

Festojnë Shkëndija e Shkupi, Vardari shumë i fortë për Renovën

Sport Ekspres — Sat, 20 Apr 2019 15:57:37 +0000

Shkëndija është rikthyer te fitorja pas barazimit kundër Vardarit. Kuqezinjtë nga Tetova mposhtën 4-2 në shtëpi ekipin e Makedonija GP. Djemtë e Osmanit zgjidhën gjithçka në pjesën e parë, duke shënuar tre gola me anë të Marjan Radeskit (dygolësh) dhe Omar Imerit.

Visar Musliu shënoi golin e katërt për ekipin kryesues, ndërsa miqtë shkurtuan diferencën e humbjes me dy golat e shënuar. Kjo fitore e ngjit Shkëndijën në kuotën e 66 pikëve. Diferenca me Vardarin ndjekës është 12 pikë dhe deri në fund të kampionatit kanë mbetur 7 ndeshje.

Renova nuk ia doli të frenonte Vardarin në transfertë. Dy golat e Najdovskit dhe Zhuninjos i dhuruan fitoren vendasve, që vazhdojnë ndjekjen e Shkëndijës. Fitore të rëndësishme arriti edhe Shkupi.

Ekipi nga kryeqyteti mposhti Pobedën e vendit të fundit në transfertë me rezultatin 0-3. Të tre golat u shënuan në pjesën e dytë dhe mbajnë firmat e Serzhinjos dhe Angelov (dygolësh).

MAQEDONI E VERIUT LIGA 1 – Java 29

E diel, më 20 prill 2019, ora 16:00

Akademija Pandev-Belasica 0-2

Pobeda-Shkupi 0-3
Shënues: Serzhinjo 50’, Angelov 73’, 83’

Shkëndija-Makedonija GP 4-2
Shënues: Radeski 8’, 31’, Omeri 40’, Musliu 87’ / Tanturovksi 59’, Karvaljo 90’

Sileks-Rabotnicki 1-0

Vardar-Renova 2-0
Shënues: Najdovksi 45’, Zhuninjo 50’

VIDEO | Shkëndija marshon drejt titullit, Shkupi në “pikiatë”

Sport Ekspres — Sun, 07 Apr 2019 15:27:13 +0000

Shkëndija e Tetovës hedh një hap tjetër drejt titullit kampion me fitoren e sotme me rezultatin 2 – 1 ne derbin ndaj Renovës. Vardari ndjekës ka bërë një hap fals duke barazuar me Akademinë Pandev 1 – 1 në Shkup. Të dielën e ardhshme Shkëndija udhëton drejt Shkupit për t’u përballur me Vardarin me një diferencë të rehatshme prej 12 pikësh kur kanë mbetur edhe nëntë javë kampionat.

Shkupi vazhdon ecurinë e rezultateve negative duke regjistruar humbjen e pestë radhazi. Skuadra kryeqytetase u mund me përmbysje nga vizitorët e Rabotniçkit me rezultatin 2 – 1.

MAQEDONI E VERIUT LIGA 1 – Java 27

Belasica-Sileks 0-1

Makedonija GP-Pobeda 3-0

Shkendija-Renova 2-1
Shënues: Bejtuali 34’, 54’ / Sadiki 38’

Shkupi-Rabotnicki 1-2
Shwnues: Ustabasi 26’ / Peev 55’, Iljoski 57’

Vardar-Akademija Pandev 1-1

Standings provided by Sofascore LiveScore

Shkëndija fitore me aromë titulli, Renova ia del përballë Shkupit

Sport Ekspres — Wed, 03 Apr 2019 15:26:08 +0000

Një gol i Visar Musliut (goli i tretë në kampionat) në pjesën e parë i ka siguruar tre pikë të tjera Shkëndijës. Kuqezinjtë nga Tetova fituan në transfertë përballë Akademija Pandev, ekipit që renditet në vendin e tretë në renditjen e kampionatit të Maqedonisë Veriore dhe që vinte nga katër fitore rresht në kampionat e kupë.

Kjo fitore i ngjit kampionët në fuqi në kuotën e 59 pikëve, duke e çuar në 10 pikë diferencën me Vardarin ndjekës (u ndal në barazim në transfertën e Pobedës).

Renova mposhti Shkupin në shtëpi dhe u ngjit në vendin e katërt. Goli i Stojanovski në fundin e pjesës së parë, i cili kryeson renditjen e golashënuesve më të mirë me 14 gola, vendosi sfidën. Triumfi i dytë rresht në shtëpi për Renovën, ndërsa kjo ishte humbja e katërt rresht në kampionat për ekipin nga kryeqyteti.

MAQEDONIA E VERIUT LIGA 1 – Java 26

E mërkurë, më 3 prill 2019, ora 15:30

Akademija Pandev-Shkëndija Tetovë 0-1
Shënues: Musliu 30’

Pobeda-Vardar 0-0

Rabotnicki-Belasica 1-1

Renova-Shkupi 1-0
Shënues: Stojanovksi 45’

Sileks-Makedonija GP 1-1
Shënues: Aleksovski 66′ / Kirovski 41′

Renditja

Triumf me goleadë për Shkëndijën, Shkupi mposhtet ne transfertë

Sport Ekspres — Sun, 31 Mar 2019 15:40:40 +0000

Janë luajtur pesë sfida të vlefshme për javën e 25-të të kampionatit maqedonas të futbollit, ku bie në sy fitorja me goleadë e Shkëndijës dhe disfata e Shkupit. Shkëndija shkatërroi Pobedën me rezultatin e thellë 5-2. Golat për kuqezinjtë nga Tetova u shënuan nga Alimi, Totre, Bejtulai, Radeski dhe Zhunior.

Shkupi është mposhtur 2-0 në transfertë kundër Belasicës. Golat nga Gorgiev dhe Saviç me penallti vendosën sfidën. Akademija Pandev triumfoi në fund të takimit 2-1 kundër Renovës, ku iu deshën dy penallti për të marrë pikët e plota. Makedonia dhe Rabotnicki u ndanë në barazim 1-1, ndërsa Vardari mposhti 1-0 Sileksin, falë golit të Cvetanovskit në minutën e 55’.

MAQEDONI E VERIUT LIGA 1 – Java 25
E diel, më 25 prill 2019, ora 15:30

Akademija Pandev-Renova 2-1
Shënues: Doriev 40’ (pen.), Stoilov 89’ (pen.) / Mustafov 83’

Belasica-Shkupi 2-0
Shënues: Gorgiev 9’, Saviç 75’ (pen.)

Makedonija GP-Rabotnicki 1-1
Shënues: Kirovski 63’ / Sharkoski 68’

Shkëndija Tetovë-Pobeda 5-2
Shënues: Alimi 6’, Totre 14’, Bejtulai 27’, Radeski 85’, Zhunior 86’ / Makota 76’

Vardar-Sileks 1-0
Shënues: Cvetanoski 55’

Shkëndija vazhdon dominimin dhe fiton me goleadë, thyhet Shkupi

Sport Ekspres — Thu, 28 Mar 2019 15:38:00 +0000

Shkëndija vazhdon marshimin drejt titullit kampion në Maqedoninë e Veriut. Kuqezinjtë nga Tetova mposhtën Sileksin në transfertë me rezultatin 0-3, duke u ngjitur në kuotën e 53 pikëve. Ndeshja u zhbllokua nga një autogol i Milenkovskit në minutën e 25-të. Dy golat e tjerë erdhën në pjesën e dytë.

Agim Ibraimi dyfishoi rezultatin në mesin e pjesës së dytë (goli i dytë në kampionat për 30-vjeçarin), ndërsa Visar Musliu vulosi fitoren me golin e shënuar tre minuta përpara fundit të ndeshjes.

Shëndija vazhdon të ruajë diferencën prej 8 pikësh me Vardarin ndjekës, që fitoi në transfertë përballë Rabotniçkit me rezultatin 0-2. Ndeshja e radhës për djemtë e Osmanit do të zhvillohet të dielën në shtëpi përballë Pobedës.

Shkupi nuk ia doli të evitonte humbjen në shtëpi përballë Makedonija GP. Një gol i pësuar tre minuta nga fundit i dha fitoren miqve, ndërsa kjo ishte humbja e dytë rresht në kampionat për bardhekaltrit.

Shkupi ka zbritur në vendin e pestë me 33 pikë, në të njëjtën kuotë pikësh me Renovën. Kjo e fundit fitoi në shtëpi përballë Belasicës. 3-2 përfundoi ndeshja për Renovën, që siguroi fitoren e dytë rresht me këtë rezultat. Ekipi shqiptar po kalon një formë të mirë dhe nuk humbet në kampionat prej gjashtë ndeshjesh.

MAQEDONIA E VERIUT LIGA 1 – Java 24

E enjte, më 28 mars 2019, ora 14:30

Sileks-Shkëndija Tetovë 0-3
Shënues: Milenkovksi 25’ (aut), Ibraimi 66’, Musliu 87’

Shkupi- Makedonija GP 0-1
Shënues: Bozinovski 87′

Rabotniçki-Vardar 0-2
Shënues: Cvetanoski 6’, Felipe 55’

Renova-Belasica 3-2
Shënues: Miovski 8’, Ramadani 21’, Useini 75’ / Mirçevski 31’, Saviç 91’

Shkëndijës i mjafton Zhunior, një penallti vendos derbin e kryeqytetit

Sport Ekspres — Sat, 16 Mar 2019 15:27:38 +0000

Shkëndisë i ka mjaftuar një gol i Stenio Zhunior për të fituar në Tetovë kundër Rabotniçkit. Braziliani shënoi në minutat e para të pjesës së dytë dhe ndeshja nuk dhuroi më gola. Kuqezinjtë e ruajtën avantazhin deri në fund, duke u ngjitur kështu në kuotën e 50 pikëve.

Diferenca me Akademinë Pandev dhe Vardarin vazhdon të jetë 8 pikë, ndërsa djemtë e Osmanit do të shfrytëzojnë pushimin e kombëtareve për të pushuar dhe qenë gati për sprintin finale drejt titullit kampion.

Derbi i kryeqytetit shkoi për Vardarin. Shkupi humbi ndeshjen si pasojë e një penalltie të kthyer në gol nga Miçevski në minutën e 20-të. Shkupi vazhdon të qëndrojë në vend të katërt me 33 pikë, nëntë më pak se dyshja e vendit të dytë.

Nuk ia del Shkupi, por buzëqesh Renova. Ekipi shqiptar ia doli të fitonte në transfertë përballë Pobedës së vendit të fundit. 2-3 për Renovën, që ngjitet në kuotën e 30 pikëve duke iu larguar zonës së ftohtë.

MAQEDONI E VERIUT

LIGA 1 – JAVA 23 E shtunë, më 16 mars, ora 14:30

Pobeda-Renova 2-3
Shënues: Tanushev 52’, 61’ / Mustafov 16’, 18’, Stojanovksi 57’

Shkëndija Tetovë-Rabotniçki 1-0
Shënues: Zhunior 54’

Vardar-Shkupi 1-0
Shënues: Miçevksi (pen) 20’

Shkupi fiton derbin me Shkëndijën, ngec Renova

Sport Ekspres — Sun, 10 Mar 2019 15:08:59 +0000

Java e Shkupit në Maqedoni, pasi ka fituar derbin me Shkëndijën e Tetovës. Një gol i shënuar nga Bajrami me penallti në pjesën e parë vendosi fituesin dhe tanimë vendi i dytë dhe i tretë janë vetëm gjashtë pikë larg. Shkupi synon pjesëmarrjen në Europë dhe realisht ky objektiv është i arritshëm.

Shkëndija, pavarësisht humbjes, është e shkëputur në krye, teksa numëron 8 pikë më shumë se Akademija Pandev dhe Vardari. Ndërkohë sot ka luajtur edhe Renova, që në shtëpi duhet ta kishte kaluar me sukses Makedonija GP. Skuadrat ndanë nga një pikë, pasi barazuan pa gola.

LIGA 1 MAQEDONI E VERIUT – JAVA 22

Renova-Makedonija GP 0-0
Shkupi-Shkëndija Tetovë 1-0
Shënues: Bajrami 30’ (pen.)

Triumfojnë Shkëndija dhe Shkupi, Renova reziston me të kuqe

Sport Ekspres — Sun, 03 Mar 2019 14:54:15 +0000

Shkëndija e Tetovës ka reaguar pas barazimit në transfertë kundër Makedonijas dhe është rikthyer te fitorja. Kuqezinjtë mposhtën në shtëpi ekipin e Belasicës me rezultatin 3-0. Pjesa e parë u mbyll pa gola, ndërsa djemtë e Osmanit ishin të papërmbajtshëm në 45 minutat e dyta.

Izair Emini zhbllokoi shifrat në minutën e 56-të, ndërsa Agim Ibraimi vulosi fitoren me golin e shënuar në minutën e 78-të. Shkëndija nuk u ndal, duke gjetur dhe golin e tretë me anë të një autogoli të Maslak.

Kjo fitore i ngjit kuqezinjtë në kuotën e 47 pikëve dhe diferenca me Vardarin ndjekës (fitoi 3-1 në shtëpi përballë Makedonijas) mbetet 9 pikë. Fitore të rëndësishme mori dhe ekipi i Shkupit, që fitoi në transfertë përballë Akademisë Pandev. Një autogol i Trajanovskit në minutat shtesë të pjesës së parë dhe goli i Angelov i dhuruan tre pikët ekipit nga kryeqyteti.

Kjo fitore e ngjit Shkupin në vendin e pestë me 30 pikë dhe vendi i tretë që të dërgon në Europë është vetëm 6 pikë larg. Renova mori një pikë me vlera në transfertë përballë Sileksit. Ekipi shqiptar luajti me një lojtar më pak që nga minuta e 39-të pas ndëshkimit me karton të kuq të Emran Ramadanit.

LIGA I MAQEDONIA E VERIUT– JAVA 21

E diel, më 3 mars, ora 14:00

Akademija Pandev-Shkupi 0-2
Shënues: Trajanovski 45+2’ (aut), Angelov 78’

Shkëndija Tetovë-Belasica 3-0
Shënues: Emini 54’, Ibraimi 83’, Maslak (aut) 88’

Sileks-Renova 0-0

Renova turpëron Vardarin, Shkupi thyen Pobedën. Ngec Shkëndija

Sport Ekspres — Sun, 24 Feb 2019 15:12:39 +0000

Shkëndija e Tetovës nuk ia ka dalë të fitojë në transfertë me Makedonija GP, edhe pse shënoi e parë. Kuqezinjtë shënuan shumë shpejt me Omar Imerin, por në pjesën e dytë vendasit barazuam me anë të Da Silva. Gjithsesi tetovarët kanë një diferencë prej tetë pikësh nga vendi i dytë, që tanimë është marrë nga Akademija Pandev.

Vardari është shpartalluar një Renova, që i bën nder Shkëndijës. Plot katër gola të shënuar nga bardheblutë. Emra Ramadani, ish-lojtari i Partizanit, arriti të shënonte dy herë për skuadrën e tij. Emanuel Mbella, “ish”-i i Byllisit, gjithashtu gjeti rrugën e rrjetës. “Pokerin” e realizoi Stojanovski në minutën e 74-t.

Fitore e rëndësishme edhe për Shkupin, që me “tris” likuidoi Pobedën. Bajrami shënoi në pjesën e parë, kurse Angelov dhe Serxho arritën të shënonin edhe dy herë të tjera. Festë për bardhekaltrit, që kërkojnë të marrin pjesë në kupat e Europës.

LIGA 1 MAQEDONI – Java 20
E diel, më 24 shkurt, ora 14:00

Makedonija GP-Shkëndija Tetovë 1-1
Shënues: Da Silva 58’ / Imeri 5’

Renova-Vardari 4-0
Shënues: Ramadani 9’, 48’ Mbela 13’, Stojanovksi 74’

Shkupi-Pobeda 3-0
Shënues: Bajrami 38’, Angelov 50’, Serxho 75’

VIDEO | Mjafton një gol i Imerit, Shkëndija “shkelmon” Vardarin dhe sheh titullin

Sport Ekspres — Sun, 17 Feb 2019 14:53:01 +0000

Një gol i Omar Imerit i ka dhuruar fitoren Shkëndijës përballë Vardarit dhe ka lumturuar “Ballistët” dhe tifozërinë kuqezi të ekipit nga Tetova.

Ky trepikësh konfirmon Shkëndijën në vendin e parë dhe tashmë diferenca me Vardarin e vendit të dytë ka shkuar 8 pikë. Ndeshja u zhvillua në një atmosferë shumë të bukur dhe stadiumi “shpërtheu” në minutën e 23-të. Aksion i gjatë i vendasve, që konkretizohet me golin e Imerit.

Shkëndija ruajti avantazhin deri në fund të ndeshjes, duke hedhur një hap të madh drejt titullit kampion. Në ndeshjet e tjera të ekipeve shqiptare, Shkupi dhe Renova siguruan nga një pikë në minutat shtesë.

Ekipi kryeqytetas barazoi në minutën e nëntë shtesë në transfertën përballë Sileksit me rezultatin 2-2, ndërsa dhe Renova siguroi një pikë në fund, duke barazuar në transfertë përballë Rabotniçkit me penalltinë e Mishkovskit.

Shkëndija-Vardar 1-0
(Imeri 23′)

Sileks-Shkupi 2-2
(Georgiev 20′, Rajkoviç 40′ / Kocev (aut) 76′, Veliu 90+9′)

Rabotniçki-Renova 1-1
(Petkovski 45′ / Mishkovski 90+2′)

Shkëndija “tris” në derbi, Shkupi befason Rabotniçkin

Sport Ekspres — Sun, 02 Dec 2018 13:55:44 +0000

Shkëndija e Tetovës ka fituar derbin kundër Renovës me rezultatin 0-3, ndërkohë që ky triumf e ka çuar në pesë pikë diferencën me Vardarin e vendit të dytë. Akademija Pandev i ka ndalur kryeqytetasit dhe kjo ka bërë që Shkëndija të festojë dyfish.

Valmir Nafiu ishte ai që hapi serinë e golave për tetovarët, ndërkohë që në pjesën e dytë realizuan edhe Bojku e Imeri. Ky i fundit është edhe pjesë e Shqipërisë U21. Një fitore me vlera për Shkëndijën, por nga ana tjetër Renova i afrohet zonës së ftohtë.

Feston Shkupi, që ka arritur të mundë me rezultatin e pastër 0-2 Rabotniçkin. Një ndeshje derbi e fituar nga skuadra bardhekaltër. Amir Bilali i shënoi gol ish-skuadrës së tij, ndërkohë që në fund Veliu i dha fund takimit me golin e dytë të realizuar.

LIGA 1 MAQEDONI – Java 18

Renova-Shkëndija Tetovë 0-2
Shënues: Nafiu 23’, Bojku 67’, Imeri 89’

Rabotniçki-Shkupi 0-1
Shënues: Bilali 26’, Veliu 82’

Shkëndija befasohet në shtëpi, “paqe” në derbin Shkupi-Renova

Sport Ekspres — Wed, 28 Nov 2018 14:04:16 +0000

Shkëndija e Tetovës ka bërë një hap fals, teksa është mundur 0-1 në shtëpi nga Akademija Pandev. Kuqezinjtë pësuan gol që në fillim dhe nuk arritën dot që të paktën të barazonin. Rrjeta e tundur nga Krstovksi në të 26’ mbeti në fuqi deri në fund të takimit.

Kështu ka ndryshuar edhe diferenca e Shkëndijës me Vardarin ndjekës. Tetovarët kanë vetëm tre pikë më shumë në renditje, duke e bërë edhe më interesant kampionatin në Maqedoni. Kuqezinjtë vijin pas shtatë fitoresh radhazi në kampionat.

Ndërkohë sot ka pasur edhe një derbi. Shkupi e Renova u vunë përballë dhe nuk pati fitues. Velija ishte ai që zhbllokoi ndeshjen për Renovën dhe pjesa e parë u mbyll 0-1. Skuadra kryeqytetase reagoi në pjesën e dytë dhe shmangu humbjen falë golit të shënuar nga Stojkoski.

LIGA 1 MAQEDONI – JAVA 17

Shkëndija Tetovë-Akademija Pandev 1-0
Shënues: Krstovksi 26’
Shkupi-Renova 1-1
Shënues: Stojkoski 68’ / Velija 28’

Shkëndija marshon, Shkupi “merr frymë” në fund

Sport Ekspres — Sun, 25 Nov 2018 14:00:20 +0000

Shkëndija e Tetovës vijon të fitojë dhe këtë herë në transfertë kundër Pobedës me rezultatin e pastër 0-2. Kuqezinjtë nuk ia kanë dalë të shënojnë dot në pjesën e parë, por në të dytën Bejtulai arriti të zhbllokojë rezultatin.

Tre minuta nga fundi ishte Izair Emini ai që tundi rrjetën për të dytën herë dhe “vulosi” fitoren e Shkëndijës. Triumf në limite për Shkupin, që lë vendin e parafundit në renditje. Bardhekaltrit mundën 1-0 skuadrën e Belasica dhe ishte mbrojtësi Tipuriç që në shtesë realizoi golin e fitores.

Renova nuk ka shkuar më shumë se një barazim 1-1 kundër Akademija Pandev. Miqtë madje shënuan të parët me anë të Kostov, kurse Stojanovksi në fundin e pjesës së parë barazoi. Në fraksionin e dytë të lojës nuk pati ndryshime në rezultat dhe skuadrat ndanë nga një pikë.

LIGA 1 MAQEDONI – Java 16

Pobeda-Shkëndija 0-2
Shënues: Bejtulai 74’, Emini 88’
Renova-Akademija Pandev 1-1
Shënues: Stojanovski 39’ / Kostov 27’
Shkupi-Belasica 1-0
Shënues: Tipuriç 93’

Shkëndija arratiset në krye, Shkupit i ikën fitorja nga duart

Sport Ekspres — Thu, 22 Nov 2018 15:33:24 +0000

Shkëndija vijon të shkëputet në krye të klasifikimit, pasi sot ka mposhtur 5-0 Sileksin e vendit të fundit. Tetovarët dominuan dhe fituan, ndërkohë që Vardari rival u mund në shtëpi nga Rabotniçki. Tashmë kuqezinjtë kanë gjashtë pikë më shumë.

Në ndeshjen e sotme ishte Valmir Nafiu ai që hapi takimin, ndërsa më pas Emini shënoi edhe dy herë të tjera. Shefiti dhe Fazli realizuan gjithashtu dhe Shkëndija mori tre pikët e radhës. Edhe Shkupi ishte pranë fitores, por në fund takimi me Makedonija GP u mbyll 2-2.

Bozhinavkoski për maqedonasit shënoi i pari, por Angelov dhe Muarem përmbysën gjithçka. Shkupi mbeti me një lojtar më pak në fund të pjesës së dytë dhe Da Silva realizoi golin e barazimit. Sot luajti edhe Renova, që u mund 3-1 nga Belasica.

LIGA 1 MAQEDONI – Java 15
Shkëndija Tetovë-Sileks 5-0
Shënues: Nafiu 25’, Emini 28’, 64’, Shefiti 69’, Fazli 76’
Belasica-Renova 3-1
Shënues: Ivanovksi 9’, Baldovaliev 80’, Gjorgiev 92’ / Mishkovski 45’
Makedonija GP-Shkupi 2-2
Shënues: Bozhinovksi 15’, Da Silva 87’ / Angelov 19’, Muarem 24’

Festë kuqezi në Maqedoni: Shkëndija nis shkëputjen, festojnë Shkupi dhe Renova

Sport Ekspres — Sat, 10 Nov 2018 13:54:39 +0000

Shkëndija nuk ndalet dhe arrin të fitojë në transfertë përballë Rabotniçkit me rezultatin 1-2. Fitorja e pestë radhazi në kampionat për kuqezinjtë nga Tetova, të cilët kryesojnë në kuotën e 31 pikëve, duke iu shkëputur Vardarit me tre pikë. Izair Emini dhe një autogol i Mitrev ishin autorët e golave të fitores, ndërsa për vendasit barazoi përkohësisht rezultatin Oliver Pev.

Të fitosh derbin e qytetit është gjithmonë një kënaqësi dhe krenari e madhe. Shkupi ia ka dalë të lumturojë “Shvercerat”, duke mposhtur Vardarin në stadiumin e Çairit me rezultatin 1-0. Braziliani Serxhinjo ishte heroi i ekipit shqiptar me golin e shënuar në minutën e 57. Trepikësh shumë i rëndësishëm për moralin dhe renditjen, duke e ngjitur Shkupin në vendin e tetë me 15 pikë.

Fitore dhe për ekipin tjetër shqiptar, që garon në kampionatin maqedonas të futbollit. Renova ka fituar me përmbysje përballë Pobedës me rezultatin 2-1. Stojanovski dhe Argjend Gafuri ishin heronjtë e vendasve, të cilët parakalojnë Pobedën në renditje dhe shfrytëzojnë ndalesën e Akademisë Pandev. Ky trepikësh e ngjit Renovën në vendin e katërt me 19 pikë, tre më pak se vendi që të dërgon në Europë, që mbahet nga Akademija Pandev.

Rabotniçki-Shkëndija 1-2
(Pev 28’ / Emini 20’, Mitrev (aut) 51’)

Renova-Pobeda 2-1
(Stojanovski 45’, Gafuri 85′ / Tanushev 33’)

Shkupi-Vardar 1-0
(Serxhinjo 57’)

Shkëndija fiton derbin me Shkupin dhe “komandon” kampionatin maqedonas

Sport Ekspres — Sun, 04 Nov 2018 14:42:04 +0000

Shkëndija e Tetovës ka marrë një fitore të madhe në derbin e skuadrave shqiptare. Kuqezinjtë kanë triumfuar 3-0 në shtëpi falë golave të Fazlit, Eminit në pjesën e parë dhe Alimit në fraksionin e dytë.

Një fitore me vlerë jo vetëm se regjistrohet në një derbi, por tashmë skuadra e Qatip Osmanit rikthehet në krye të klasifikimit të futbollit maqedonas, kjo për shkak se është ndalur Vardari në barazim 1-1 me Belasican.

Pas 13 javësh, Shkëndija merr vendin e parë me 23 pikë, po aq sa dhe Vardari. Siç dihet synimi i tetovarëve është titulli kampion dhe pas një nisje jo shumë të mirë tani janë rikthyer në rrugën e mbarë.

Shkëndija “pullë poste” Vardarit, Shkupi lë vendin e fundit

Sport Ekspres — Wed, 31 Oct 2018 14:43:29 +0000

Shkëndija e Tetovës ka likuiduar Belasicën në transfertë dhe vijon ndjekjen e Vardarit. Këta të fundit fituan në shtesë sot kundër Makedonija GP. Kuqezinjtë e Tetovës triumfuan 0-2, teksa ishte Emini ai që zhbllokoi takimin në pjesën e parë.

Me fillimin e pjesës së dytë ishte Totre ai që realizoi sërish dhe në njëfarë mënyre hipotekoi edhe fitoren e Shkëndijës. Kundërshtari luajti për më shumë se 30 minuta me një lojtar më pak, çka ia lehtësoi punën tetovarëve.

Fitore e rëndësishme edhe për Shkupin, që iu fal golit të Angelovit në ndeshjen kundër Akademija Pandev. Për momentin bardhekaltrit lënë vendin e fundit, pasi Sileksi mori vetëm një pikë këtë javë. Ata u përballën me Renovën dhe shënuan të parën, por skuadra shqiptare reagoi dhe arriti të barazonte përmes Stojanovksit.

MAQEDONI LIGA 1 – Java 12

Belasica-Shkëndija Tetovë 0-2
Shënues: Emini 28’, Totre 49’

Renova-Sileks 1-1
Shënues: Stojanovksi 79’ / Aleksovski 67’

Shkupi-Akademija Pandev 1-0
Shënues: Angelov 75’

Shkëndija thyen Renovën, feston edhe Shkupi

Sport Ekspres — Sun, 21 Oct 2018 14:42:23 +0000

Festojnë Shkëndija dhe Shkupi, pasi kanë fituar ditën e sotme. Ndryshe situata për Renovën, që u thye në shtëpi nga Rabotniçki. Për tetovarët ishte një ndeshje shumë e rëndësishme ajo përballë Vardarit.

Kuqezinjtë fituan falë golave të shënuar nga Izair Emini dhe Besart Ibrahimi, duke e ngushtuar diferencën me Vardarin në katër pikë. Festë legjitime në fund. Shkupi e kishte detyrim fitoren ndaj Sileksit dhe ia ka dalë.

Serxho dhe Stojkoski shënuan dy herë për bardhekaltrit, që lanë vendin e fundit për momentin. Për Renoën ishte programuar një ndeshje e vështirë kundër Rabotniçkit. Këta të fundit shënuan dy herë në portën e skuadrës shqiptare dhe morën tre pikët.

MAQEDONA LIGA 1 – Java 10

Renova-Rabotniçki 0-2
Shënues: Stjepanoviç 26’ (pen.)

Shkupi-Sileks 2-0
Shënues: Serxho 50’, Stojkoski 57’

Vardar-Shkëndija Tetovë 0-2
Shënues: Emini 45+4’, Ibraimi 89’

Renova “frenon” Shkëndijën, Shkupi barazon në derbi

Sport Ekspres — Sat, 06 Oct 2018 15:01:05 +0000

Shkëndija e Tetovës nuk po kalon një moment të mirë në kampionat dhe kjo është reflektuar në rezultatet e kuqezinjve. Këtë herë barazuan 2-2 në shtëpi në derbin me Renovën. U duk se gjithçka do të mbyllej lehtësisht.

Goli i Ibraimit në minutën e 23-të bëri që kuqezinjtë të shkonin në pushim në epërsi, por me fillimin e pjesës së dytë Renova përmbysi gjithçka. Stojanovksi për dy minuta arriti të shënojë dy herë dhe rezultati shkoi në 1-2.

Shkëndija u hodh në sulm dhe në minutën e 80-të ishte Bejtullai ai i cili me një goditje potente nga distanca arriti të shënojë. Tetovarët u munduan të shënonin edhe golin e fitores, por Renova u mbrojt mirë dhe ndeshja u mbyll në barazim 2-2.

Kështu Vardari është shkëputur në krye me shtatë pikë më shumë. Situatë jo e mirë edhe për Shkupin, që barazoi në shtëpi me Rabotniçkin. Dimitrovksi shënoi autogol në fillim dhe bardhekaltrit ishin në avantazh për më shumë se një orë, deri kur Petkovski për miqtë shënoi. Rezultati përfundimtar 1-1 bëri që skuadrat të ndanin nga një pikë.

MAQEDONI LIGA 1 – JAVA 9

Shkëndija Tetovë-Renova 1-2
Shënues: Ibraimi 23’, Bejtullai 80’ / Stojanovski 53’, 55’

Shkupi-Rabotniçki 1-1
Shënues: Dimitrovski 8’ (aut.) / Petkovski 63’

Shkupi prezanton trajnerin e ri, është ish-sulmuesi i Turqisë

Sport Ekspres — Thu, 04 Oct 2018 12:34:11 +0000

Nuk ka eksperiencë si trajner, por si lojtar në Turqi ka bërë mirë. Flasim për Umit Karan, trajnerin e ti të Shkupit. Si futbollist ka provuar të luajë edhe për kombëtarën e vendit të tij, ndërkohë që tanimë nis një eksperiencë të re si trajner.

Shkupi e ka prezantuar sot 41-vjeçarin, i cili prej disa vitesh e ka lënë futbollin e luajtur. Në Turqi ai ka arritur të fitojë titullin tre herë më fanellën e Gallatasarajit, ndërkohë që ka marrë edhe një Superkupë me këtë klub.

Me gjigantët turq numëron 170 ndeshje dhe 72 gola. Gençlerberligi, Ankaraspor dhe Erkiserispor janë klubet e tjera me të cilat është aktivizuar Karan si lojtar. Tanimë pritet shumë prej tij si trajner. Te Shkupi ai zëvendëson turkun Hajat Sojdash.

Ky i fundit e drejtoi Shkupin në pesë ndeshje dhe katër humbjet e pësuara bënë që të ndryshonte sërish trajneri. Në fillim te sezonit ishte në krye të ekipit Zekerija Ramadani, i cili tani drejton në Kosovë Feronikelin kryesues.

Shkupi gjithashtu ka zëvendësuar edhe drejtorin e përgjithshëm Shefshet Demiri. Në vend të tij është emëruar Tufan Tash. Të shtunën Karan do të debutojë në një ndeshje të vështirë kundër Rabotniçkit.

Shkëndija ndalet në Strumicë, Shkupi prek fundin

Sport Ekspres — Sat, 29 Sep 2018 17:50:10 +0000

Shkëndija e Tetovës është ndalur në një barazim pa gola në transfertën e vështira ndaj Akademisë Pandev. Marrja e një pikë në Strumicë është një rezultati i pranueshëm, pasi kampionët në fuqi të kampionatit maqedonas pësuan një humbje shokuese në shtëpi ndaj Pobedës. Barazimi i dy skuadrave pretendente është shfrytëzuar më së mirë nga Vardari, që me fitoren e sotme thellon diferencën me Shkëndijën e vendit të tretë me pesë pikë.

Rëndohet situata te Shkupi. Ekipi kryeqytetas ka pësuar një tjetër humbje, kësaj radhe në transfertën ndaj Renovës, ku skuadra tetovare triumfoi me rezultatin 2-0. Me vetëm pesë pikë pas tetë javësh kampionat, Shkupi e gjen veten në fund tabelës, një situatë kjo krejtësisht e kundërt nga ç’kishin imagjinuar drejtuesit e klubit që në fillim të kampionatit kryen disa afrime cilësore .

MAQEDONI LIGA 1 – JAVA 8

Akademija Pandev – Shkëndija Tetovë 0-0

Renova – Shkupi 2-0
Shënues: Jusufi 17’, Stojanovski 56’ (pen.)

Ibraimi nderon Shkëndijën, triumfon edhe Shkupi

Sport Ekspres — Sun, 23 Sep 2018 15:38:00 +0000

Shkëndija e Tetovës ka fituar me rezultatin 1-2 në frymën e fundit në transfertën kundër Sileksit. Ishte kapiteni Ibrahimi ai që shënoi në shtesë golin që u dha tre pikët tetovarëve. Ndeshja u zhbllokua shpejt, teksa ishte Bojku ai i cili shënoi për Shkëndijën.

Kuqezinjtë e mbyllën në avantazh pjesën e parë, por nga fundi i ndeshjes e pësuan, Në të 81’ Grozdanoski shënoi golin e barazimit. Sigurisht Shkëndijës nuk i shkonte për shtat rezultati dhe me Ibraimin gjetën golin në shtesë.

Fitore edhe për skuadrën tjetër shqiptare: Shkupin. Kundër Makedonija GP arritën të shënojnë dy herë, por edhe miqtë nuk qëndruan duarkryq, pasi e realizuan golin e barazimi të përkohshëm. Humbje për Renovën, që me Belasicën në shtëpi u thye me rezultatin 0-2.

MAQEDONI LIGA 1 – Java 6
Renova-Belasica 0-2
Shënues: Serafimovski 70’, Ivanovksi 85’

Shkupi-Makedonija GP 2-1
Shënues: Muharem 10’, Ilijoski 75’ (pen.) / Kirovksi 54’

Sileks-Shkëndija Tetovë 1-2
Shënues: Grozdanoski 81’ / Bojku 14’, Ibraimi 92’

Shkëndija luan “tenis” me Rabotniçkin, Shkupi nuk ia del me Vardarin

Sport Ekspres — Sun, 16 Sep 2018 16:40:46 +0000

Shkëndija ka triumfuar në derbin me Rabotniçkin. Rezultat tenistik ai i regjistruar në fitoren e kuqezinjve, që shënuan gjashtë herë në portën e miqve. Takimi u mbyll me rezultatin 6-2, ndërkohë që Rabotniçki shënoi i pari.

Petrovski realizoi që në minutën e 11-të, ndërkohë që Mici, Ibraimi dhe Bojku kanë shënuar tre herë në harkun kohor të katër minutave. Gjithçka ndodhi në minutat e fundit të pjesës së parë së parë, që u mbyll 3-1.

Dhjetë minuta nga nisja e pjesës së dytë, Herrera shënoi autogol, ndërsa Stjepanoviç më pas ngushtoi shifrat në 4-2.,Shkëndija nuk u ndal më kaq dhe me Ibraimin shënoi edhe dy herë të tjera. Fitore me vlera për tetovarët.

Ndryshe ndodhi me Shkupin, që u mposht në derbi me Vardarin. Gjithçka nisi mirë, teksa ishte Serxhio Zhunior ai që kaloi në avantazh bardhekaltrit dhe pjesa e parë u mbyll në fitore, por Vardarit me Sousa dhe Nora shënoi dy herë dhe mori pikët e plota.

Renova u mposht në transfertë me rezultatin 1-0 nga Pobeda. Një gol i realizuar nga Burhan Mustafov (ish-mesfushori i Teutës) që në minutën nëntë u mjaftoi vendasve për të marrë pikët e plota.

Shabani lë Shkupin, ish-futbollisti i Partizanit shkon në Armeni

Sport Ekspres — Wed, 01 Aug 2018 11:29:12 +0000

Në të shkuarën ka luajtur në Superiore dhe binte në sy për shpejtësinë e tij, por nuk qëndroi gjatë. Flasim për anësorin Bunjamin Shabani, i cili sezonin e ardhshëm do të luajë në Armeni. Me të kuqtë e drejtuar asokohe nga Shpëtim Duro, 27-vjeçari u aktivizua në 18 ndeshje. Vetëm 6 prej tyre i nis nga minuta e parë.

Në verën e vitit 2015 u rikthye në Maqedoni dhe për dy sezone luajti me Renovën, kurse më pas kaloi te Shkupi. Vjet zhvilloi një kampionat të mirë: 29 ndeshje dhe katër gola të realizuar. Pasi i përfundoi kontrata vendosi të provonte një aventurë të re.

Tashmë ka nënshkruar në Armeni me FC Shirak, klub që shpallej kampion në rast se nuk do t’i ishin hequr disa pikë për shkak të mosplotësimit të kushteve të licencimit. Shabani ka nënshkruar për një vit dhe nëse bën mirë, atëherë mund të nënshkruajë një kontratë edhe më të mirë.

VIDEO | Atmosferë dhe koreografi super, Shvercerat e djegin

Sport Ekspres — Tue, 17 Jul 2018 16:08:52 +0000

Shkupi sfidon Rejnxhërs, në një ndeshje që ka nisur tashmë, ndërkohë që ultrasit bardhekaltër, “Shvercerat”, kishin përgatitur një koreografi mjaft të bukur, shoqëruar edhe me një mesazh interesant dhe motivues për lojtarët, që në ndeshjen e sotme nuk duhet të mposhten.

Një kala e madhe, me Shvercerat në mbrojtje të saj, ndërkohë që mesazhi është: “Kala që nuk thyhet është or vlla Dardania, të pamposhtur në Shkup na njeh historia”. Sfida e parë në Skoci është mbyllur me fitoren e Rejnxhërs 2-0, ndërkohë që atmosfera në stadium është mjaft e zjarrë.

https://www.facebook.com/ShverceratShkup89/videos/10156035117708171/

Që para takimit Shvercareta ishin mbledhur dhe po këndonin, teksa në faqen e tyre kanë publikuar edhe video të ndryshme.

https://www.facebook.com/ShverceratShkup89/videos/10156034904578171/

Shkëndija për të festuar, Drita e Shkupi pa “pengje”

Sport Ekspres — Tue, 17 Jul 2018 08:16:33 +0000

Shkëndija mban lart emrin e klubeve shqiptare në Europë. Kuqezinjtë janë vetëm një hap larg kualifikimit në raundin e dytë të Champions League dhe dëshira e madhe janë grupet. Në klubin tetovar investimet në vitet e fundit kanë qenë të mëdha dhe ka ardhur momenti që diçka të kthehet mbrapsht. Sigurisht tifozëve të tyre u kanë dhuruar kënaqësi, por duhet që edhe drejtuesit të gëzojnë, pasi nuk mund të vijohet të shpenzohet pafundësisht. Takimin e parë na uellsianëve të TNS e kanë fituar 5-0 dhe çështja e kualifikimit është një formalitet.

Edhe për Dritën e Gjilanit është njëjtë, por jo për t’u kualifikuar. Skuadra e drejtuar nga Bekim Isufi është mposhtur 0-3 nga Malmo në Kosovë dhe në Suedi do tentohet të dilet me kokën lart. Kjo bëhet duke dhënë maksimumin në fushën e blertë. Kundërshtari dukshëm është më lart dhe pritej eliminimi i kampionëve. Kalimi i fazës paraeliminatore nga Drita është për t’u përgëzuar.

Por festa tani është në Shkupi. Vendasit presin Rejnxhërsin e drejtuar nga legjenda Stiven Zherard. Në stadiumin “Filipi i II-të” nuk do të mungojnë tifozët e zjarrtë të Shkupit. Ndeshjen e parë bardhekaltrit e kanë humbur 2-0 dhe tani do tentojnë të bëjnë figurë të mirë. Sigurisht skocezët janë favoritë për të fituar sërish.

NDESHJET E SOTME

SHKUPI-REJNXHËRS 17:55
MALMO – DRITA 19:00
TNS-SHKËNDIJA TETOVË 20:00