Shkodran Mustafi

Takim me dy idhuj kuqezinj, talenti i Fiorentinës tregon emocionet

Sport Ekspres — Sun, 21 Jul 2019 16:43:29 +0000

Mesfushori shqiptar i Fiorentinës Erald Lakti pati shansin të takonte Granit Xhakën dhe Shkodran Mustafin në miqësoren e zhvilluar në SHBA midis klubit nga Firence dhe londinezëve të Arsenal. Përballja në fushë më dy bashkëkombësit ishte tepër emocionuese për futbollistin shqiptar.

Me anë të një postimi në ne rrjetet sociale 19-vjeçari shprehu kënaqësinë që i dha përballja me dy shqiptarët e Arsenalit: Për mua ishte nder dhe kënaqësi e veçantë që të luaja përballë lojtarëve si Granit Xhaka apo një kampioni bote si Shkodran Mustafi, shqiptarë të cilët po bëjnë histori me klubet e tyre dhe me ekipet që përfaqësojnë. Jam shumë i lumtur që kisha këtë mundësi dhe shpresoj, që të shihemi sërish.

https://www.instagram.com/p/B0LnJGwIl-B/?utm_source=ig_web_copy_link

Mesfushori shkodran ka qenë kapiten i skuadrës Primavera të Fiorentinës që u shpall kampione e kupës së Italisë. Pak javë më parë 19-vjeçari u përzgjodh nga trajneri Vinçenso Montela si pjesë e skuadrës së grumbulluar për fazën përgatitore që i paraparin sezonit të ardhshëm.

Mustafi lë Arsenalin, mbrojtësi me ekip të ri!

Sport Ekspres — Sat, 29 Jun 2019 11:33:38 +0000

Shkodran Mustafi duket se do të nisë një aventurë të re, me mbrojtësin që do të largohet nga Arsenali për të vijuar karrierën e tij në Turqi me Fenerbaçen.

Sipas mediave angleze gjithçka është e kryer tashmë dhe priten vetëm detajet e fundit. Mustafi do të kalojë në huazim 1-vjeçar te Fenerbaçe, me këta të fundit që do të kenë të drejtën e blerjes në fund të sezonit.

Kështu, largimi i Mustafit i hap dritën jeshile kalimit të talentit francez, Saliba, i cili do të vijë nga Sant-Etien për plot 30 milionë euro.

“Mustafi gaboi sërish? Aspak surprizë, ai është një rrëmujë e madhe!”

Sport Ekspres — Tue, 23 Apr 2019 11:07:32 +0000

Shkodran Mustafi u transferua në vitin 2016 nga Valencia tek Arsenali për shumën e 35 milionë sterlinave. Mbrojtësi i kombëtares gjermane nuk ka zhvilluar ndeshje të mira me “topçinjtë”, sidomos në këtë sezon.

Paraqitje nën nivel dhe gafa të shumta. Kështu ndodhi sërish. Arsenali u mposht në shtëpi nga Kristal Palas me rezultatin 2-3. Një hap fals në momentin e gabuar pasi gara për një vend në Champions po shkon drejt fundit, ndërsa Mustafi gaboi në dy gola të miqve.

Xhimi Karrager, ish-qendërmbrojtës i Liverpulit, e ka kritikuar sërish 27-vjeçarin. Këtë sezon e ka bërë shpesh, sepse edhe Shkodrani ka gabuar pafund.

“Unë nuk u surprizova fare nga gabimet e Mustafit. Ai ka qenë një rrëmujë e madhe që nga koha kur ka ardhur tek Arsenali. Kundër Palas e vërtetoi sërish diçka të tillë. Goli i dytë është totalisht prej fajit të tij”, komenton Xhimi Karrager për Monday Night Football.

Video e Mustafit bën xhiron e botës, mbrojtësi dhuron spektakël

Sport Ekspres — Sat, 20 Apr 2019 11:05:05 +0000

Një video e Shkodran Mustafit është bërë shumë e famshme në rrjetet sociale. Mbrojtësi nga Gostivari ka treguar aftësitë e tij në xhonglimin e topit në mënyrë mbresëlënëse.

Episodi në fjalë ka ndodhur gjatë nxehjes për takimin e kësaj të enjte ndaj Napolit në stadimun “San Paolo”. Video ka çuditur shumë tifozë të Arsenalit, të cilët e konsideronin mbrojtësin si një lojtar që linte shumë për të dëshiruar nga ana teknike.

https://www.instagram.com/p/Bwcw5CghkCG/?utm_source=ig_web_copy_link

Gallatë pa limit, video e Mustafit bëhet hit në internet

Sport Ekspres — Sat, 06 Apr 2019 14:41:08 +0000

Shkodran Mustafi nuk shquhet për aftësitë e tij teknike. Mbrojtësi i Arsenalit ka fituar një popullaritet te tifozët e “topçinjve”, por jo gjithmonë për mirë.

Një fans i lojtarit ka krijuar një video ku ka përmbledhur pothuajse çdo gafë që 26-vjeçari ka bërë me fanellën e ekipit londinez. Llogaria në “twitter” e fansit quhet “Cult of Mustafi” (në shqip: Kulti i Mustafit), pra dallohet që kemi të bëjmë me një person shumë të devotshëm.

Muzika në sfond është perfekt gjithashtu, “Survivor – Eye Of The Tiger”, ndërsa nuk mungojnë as efektet e animuara.

Shkodran Mustafi – The German Wall
Crazy goals, skills, passes.

(Ps. It’s my first compilation likes and Rts will be appreciated) pic.twitter.com/I9mfNEeLAl

— the cult of mustafi (@Abhimeyang) April 4, 2019

Mustafi drejt Turqisë, 25 milionë euro për Arsenalin

Sport Ekspres — Tue, 07 Aug 2018 16:00:46 +0000

Shkodran Mustafi është pranë largimit nga Arsenali. Lajmet që vijnë nga Turqia konfirmojnë interesimin e Gallatasarajt për mbrojtësin 26-vjeçar.

Siç citon “Fanatik”, kampionët në fuqi të Turqisë kërkojnë shërbimet e mbrojtësit me origjinë shqiptare, i cili u shpall Kampion Bote në vitin 2014 me Gjermaninë, dhe që sapo ka mbyllur sezonin e dytë me “Topçinjtë” e Londrës.

Drejtuesit e klubit nga Stambolli janë gati për të derdhur 25 milionë euro në arkat e Arsenalit për të transferuar Mustafin në kampionatin turk.