Tashmë tetovarët janë dorëzuar dhe kanë pranuar ta shesin një prej lojtarëve më të mirë të tyre. Musliu iu bashkua Shkëndijës në shkurt të vitit 2018, duke i bërë një “rreng” Vardarit. Mbrojtësi kishte një klauzolë që e linte të lirë për t’u transferuar jashtë vendit dhe firmosi te Prishtina. Bardhekaltrit më pas e huazuan te Shkëndija, ku regjistroi dy sezone mjaft të suksesshme.

NJOFTIMI – Shkëndija dhe MOL Fehervar FC kanë arritur marrëveshje për transferimin e mbrojtësit Visar Musliu në radhët e kampionëve të Hungarisë. 24-vjeçari do të firmosë kontratë me MOL Fehervar FC, ndërsa hungarezët në llogari të Shkëndijës do të paguajnë dëmshpërblim për blerjen e kartonit të futbollistit një vit para skadimit të kontratës së tij me kuqezinjtë (30.06.2020).

Visar Musliu largohet nga Shkëndija pas një viti e gjysmë, periudhë gjatë së cilës fitoi 3 trofe me kuqezinjtë, 2 kampionate dhe 1 Kupë. Ai zhvilloi 62 paraqitje zyrtare me fanellën e Shkëndijës (43 kampionale, 7 në Kupë dhe 12 në Europë), duke shënuar 9 gola (6 në kampionat dhe 3 në Kupë).

Pas firmosjes me kuqezinjtë në shkurt të vitit 2018, Musliu shpejt u promovua si shtyllë e mbrojtjes, duke dhënë kontribut të madh në sukseset e skuadrës, ndërsa do të mbahet mend edhe për dy golat e tij në finalen e Kupës së Maqedonisë (2018) kundër Pelisterit të fituar 3:0 nga Shkëndija.

Të gjithë në KF Shkëndija falënderojnë Visar Musliun për kontributin e dhënë në fanellën kuqezi, ndërsa i dëshirojmë gjithë të mirat dhe suksese në të ardhmen.

Tashmë është një tjetër lojtar i prapavijës që kërkohet nga jashtë Maqedonisë së Veriut. Egzon Bejtulai, i pozicionuar në qendër të mbrojtjes, sipas “Sportmedia” ka një ofertë nga Polonia dhe konkretisht nga Jagellonia.

Në kushtet kur Shkëndijën e ndajnë pak ditë nga ndeshja e Europës me Nome Kajlu, gjasat janë që të refuzohet edhe ky propozim. Këtë herë nuk flitet për shifra, por interesimi është konkret dhe Bejtulai pëlqehet shumë nga polakët.

Mbrojtësi 25-vjeçar është pjesë e Shkëndijës prej gjashtë sezonesh dhe është një nga titullarët e Maqedonisë së Veriut, çka tregon qartazi edhe cilësitë e tij dhe rëndësinë në formacionin e trajnerit Qatip Osmani.

Kampionët e Kategorisë Superiore vuajnë pasojat e koeficientit të ulët në garat evropiane, diçka kjo që i ka renditur jashtë vazos së ekipeve favorite. Ndërkohë e kundërta ndodh me Shkëndijën. Klubi tetovar ka pasur një ecuri të shkëlqyer në kualifikueset Europiane gjatë viteve të fundit, gjë që ka rritur koeficientin e tyre, duke i vënë në vazon e favoritëve. Kundërshtarët e mundshëm të Shkëndijës në këtë raund janë Suduca, Kluzh, Ferencvarosh, Nome Kalju dhe Ararat-Armenia.

Shorti ka rëndësi edhe për Feronikelin. Nëse kampionët e “IPKO Superliga”  do t’ia dalin të fitojnë raundin paraeliminator, kundërshtarët e tyre do të jenë Bate Borisov, Helsinki, Maribor, Rosenborg, Dundalk, Nju Seints. Shorti do të mbahet ditën e nesërme ora 14:30 në Nion të Zvicrës, ndërsa datat e ndeshjeve janë 9/10 korrik dhe 16/17 korrik.

Kundërshtarët e mundshëm të Partizanit
Selltik (SKOCI)
Karabag (AZEBAIXHAN)
Sherif Tiraspol (MOLDAVI)
Dudelanzh (LUKSEMBURG)
Slovan Bratislava (SLLOVAKI)

Kundërshtarët e mundshëm të Shkëndijës
Suduva (LITUANI)
CFR Kluzh (ROU)
Ferencvarosh (HUN)
Nome Kalju (EST)
Ararat-Armenia (ARM)

Kundërshtarët e mundshëm të Feronikelit
BATE Borisov (BJELLORUSI)
Maribor (SLLOVENI)
Rosenborg (NORVEGJI)
HJK Helsinki (FINLAND)
Dundalk (IRLAND)
The Nju Seints (Uells)

“Të dashur miq, desha të ju informoj të gjithëve që më keni ndjekur e më keni përcjellë gjithmonë, që prej sot nuk do jem më pjesë e klubit SHKENDIJA pasi që nuk ramë dakord. Njëkohësisht dua t’i falënderoj të gjithë pa përjashtim ata që janë në atë klub. Normal edhe tifozët tonë, sidomos BALLISTËT, dhe u them se gjithmonë do të jenë pjesë e zemrës time. Me respekt, i juaji Izair Emini!”, shkruan Emini në llogarinë e tij në “Facebook”.

OFERTAT – Në Maqedoni janë disa ekipet që e duan Eminin, por gjasat janë që të transferohet në Kosovë. SportEkspres.com mëson se sulmuesi ka marrë një ofertë të mirë nga Gjilani. Trajneri Gentian Mezani e ka parë në aksion Eminin, pasi në të shkuarën ka lujatur te Kukësi në Superiore.

Vlonjati do një sulmues te Gjilani i tij dhe për sulmuesin propozimi i bërë është tundues. Mbetet për t’u parë nëse Emini do të lërë Maqedoninë dhe të provojë të luajë edhe në Kosovë. Futbollisti 33-vjeçar ndjen se është në formë dhe normalisht kërkon të vijojë të jetë protagonist dhe Gjilani po tenton të ndërtojë një skuadër konkurruese.

Sikurse raportohet në mediat e vendit fqinj, Juan Felipe është një prej afrimeve që pritet të zyrtarizohet. Mesfushori me tipare sulmuese e ka mbyllur bashkëpunimin me Vardarin dhe tanimë është lojtar i lirë.

Thuhet se Shkëndija e Tetovës ka një akord me brazilianin, i cili sezonin e fundit shënoi edhe 4 gola. Në të shkuarën ai është aktivizuar edhe me Kairat Almati dhe CSKA Sofie. Juan Felipe nuk është dëshira e vetme e merkatos, pasi po tentohet edhe një rikthim i madh.

Ferhan Hasani, i cili në verë u largua drejt Arabisë, është lojtari që grupi Ecolog dhe familja Destani po bëjnë çmos ta rikthejnë në shtëpi. Sulmuesi 28-vjeçar ka shënuar vetëm dy gola sezonin e fundit me Al Raed, ndërkohë që me Shkëndijën kishte realizuar 22 herë brenda një sezoni.

Në pjesën e parë të sezonit kishte shkëlqyer me Botev Vratsa, duke shënuar 7 gola po në 11 përballje. Tashmë nga Maqedonia e Veriut vjen një lajm i bujshëm dhe është Shkëndija e Tetovës klubi që ka tentuar ta afrojë sulmuesin bullgar.

“Sportmedia.mk” raporton se para pak ditësh tetovarët i kanë bërë një ofertë sulmuesit,  i cili ka qenë i prerë dhe nuk e ka pranuar propozimin e bërë. Shkëndija një ditë më parë ndërpreu bashkëpunimin me sulmuesi Samir Fazli dhe po tentohet afrimi i një sulmuesi cilësor.

Objektivi i tyre për të shkuar të paktën në grupet e Europa League kërkon një ekip të plotë dhe drejtuesit do të bëjnë çmos t’ia ofrojnë trajnerit Qatip Osmani diçka të tillë. Bozhinov refuzoi, por në vazhdim do tentohen emra të tjerë që mund të mbajnë peshë te Shkëndija.

Shkëndija, që prej kohësh kërkon një mbrojtës të djathtë tipik, e ka bindur dhe pritet që të zyrtarizohet marrëveshja. Fejzullahi sezonin e fundit është aktivizuar në elitën e futbollit zviceran në vetëm gjashtë ndeshje, katër prej të cilave nga minuta e parë.

Tanimë mbrojtësi është gati të nisë një eksperiencë të re dhe Shkëndija tregon edhe njëherë që dëshiron me çdo kusht që të ndërtojë një skuadër për të shkuar të paktën në grupet e Europa League. Fejzullahi në të shkuarën ka spikatur te Besa, për të shpërthyer te Partizani.

Vardari ia doli të fitonte kundër Makedonija GB dhe tashmë gjendet 9 pikë poshtë djemve të Osmani, kur kanë mbetur edhe 6 ndeshje deri në fund.

Një gol i Besar Isenit katër minuta nga fundi i ka dhënë tre pikë shprese Shkupit. Bardhekaltrit fituan në shtëpi ndeshjen direkte për një vend në Europë kundër Akademisë Pandev. Diferenca me vendin e tretë është shkurtuar dhe tashmë Akademija Pandev është 5 pikë larg.

Me të njëjtin rezultat fitoi edhe Renova kundër Sileksit. Goli i shpejtë i Miovskit i dhuroi tre pikët vendasve, të cilët renditën në vendin e pestë me 39 pikë.

MAQEDONI E VERIUT LIGA 1 – Java 30
E mërkurë, më 24 prill, ora 16:00

Belasica-Shkëndija Tetovë 2-1
Shënues: Gorgiev 5′, Bejtullai (aut) 64′ / Shefiti 70′
Makedonija GP-Vardar 0-2
Rabotniçki-Pobeda 1-2
Renova-Sileks 1-0
Shënues: Miovski 5′
Shkupi-Akademija Pandev 1-0
Shënues: Iseni 86′

Vardari është shpartalluar një Renova, që i bën nder Shkëndijës. Plot katër gola të shënuar nga bardheblutë. Emra Ramadani, ish-lojtari i Partizanit, arriti të shënonte dy herë për skuadrën e tij. Emanuel Mbella, “ish”-i i Byllisit, gjithashtu gjeti rrugën e rrjetës. “Pokerin” e realizoi Stojanovski në minutën e 74-t.

Fitore e rëndësishme edhe për Shkupin, që me “tris” likuidoi Pobedën. Bajrami shënoi në pjesën e parë, kurse Angelov dhe Serxho arritën të shënonin edhe dy herë të tjera. Festë për bardhekaltrit, që kërkojnë të marrin pjesë në kupat e Europës.

LIGA 1 MAQEDONI – Java 20
E diel, më 24 shkurt, ora 14:00

Makedonija GP-Shkëndija Tetovë 1-1
Shënues: Da Silva 58’ / Imeri 5’

Renova-Vardari 4-0
Shënues: Ramadani 9’, 48’ Mbela 13’, Stojanovksi 74’

Shkupi-Pobeda 3-0
Shënues: Bajrami 38’, Angelov 50’, Serxho 75’

Flitej prej disa ditësh për afrimin e Ibraimit te Shkëndija, por vetëm sot klubi ka bërë zyrtarizimin e tij. Me anë të një videoje të publikuar në platformën “Facebook”, Shkëndija ka zyrtarizuar gjithçka dhe Ibraimi do të jetë lojtar i tyre.

“Infosport.mk” ka publikuar edhe detajet e kontratës së sulmuesit 30-vjeçar dhe sipas tyre, ky i fundit ka nënshkruar për dy vite dhe do të përfitojë plot 10 mijë euro në muaj, plus bonuse.

Në Superiore ishte Kamza klubi që e dëshironte Adilin. Trajneri Gjoka ka nevojë edhe një qendërmbrojtës tjetër, i cili nuk duhet të jetë i huaj. Tashmë kjo pistë ka rënë, pasi qendërmbrojtësi ka zgjedhur ta vijojë karrieën në Lituani.

“InfOSport.mk” raporton se Adili ka nënshkruar me Zalgiris Vilnius, që u shpall nënkampion sezonin e fundit. Kontrata e tij do të jetë e vlefshme për tre vitet e ardhshme, ndërkohë që qendërmbrojtësi lë për herë të dytë Maqedoninë. Në të shkuarën ai është aktivizuar edhe në Rumani.

“Jam i mjaft i kënaqur dhe kam përshtypjet më të mira nga Shkëndija e Tetovës. Që kur ika në fillim kisha dëgjuar fjalë mjaft të mira për atë klub dhe kur mora ofertën nuk hezitova. Firmosa direkt, pasi gjithë kohën kanë qenë korrekt me lojtarët. Pak a shumë i ngjason një ekipi evropian nga ana organizative dhe nga çdo gjë”, shprehet fillimisht Mici.

NISJA JO E MIRË – Mbrojtësi i majtë pranon që pas ndeshjeve të Europës e ndjenë disi lodhjen dhe kjo ndikoi, ndërkohë që nuk e vë në diskutim titullim kampion. “E nisëm jo mirë kampionatin, shkuar deri në -7 pikë me rivalin e vendit të parë. Mendoj se ndikuan ndeshjet në Champions League dhe ndeshjet në Europa League. Patëm një lodhje dhe në kampionat nuk po jepnim maksimumin. Kur u eliminuam nga ‘play-off’-in i Europa League, atëherë nisëm të mbledhim  energjitë dhe fituam shumë ndeshje. Tani jemi pesë pikë përpara Vardarit”.

“Titulli? Futbollit nuk i dihet asnjëherë, por unë kam 100% besim se titullin e merr Shkëndija. Gjithsesi duhet të jemi serioz çdo javë dhe ta fitojmë këtë titull. Ky është objektivi primar dhe do Zoti më pas shkojmë në grupet e Europa League”.

KRAHASIMI MES KAMPIONATEVE – “Besoj se diferencat janë të pakta. Kampionati shqiptar është më i fortë fizikisht dhe skuadrat kanë tendencë të marrin rezultat dhe ta mbajnë portën zero. Kampionati maqedonas është më sulmues dhe ka lojtarë të rinj premtues. Gjithashtu janë më teknikë”.

GARA NË SUPERIORE – “Shumë skuadra janë dobësuar, nuk është më ai Skënderbeu që dominonte. Partizani është po ai ekip, kurse Kukësi është dobësuar. Ata nuk luajnë as në shtëpinë e tyre. Besoj se Shkëndija do të ishte në vendin e parë në kampionatin tonë. Cilësia ka rënë, por kampionati mbetet i fortë. Kjo pasi nuk ka një skuadër që bën diferencën”.

SKËNDERBEU – “Shehi ka bërë një punë të mirë, nuk është e lehtë kur të ikin 8-9 lojtarë të formacionit. E nisën mirë kampionatin, duke qenë në vend të parë dhe të dytë. Gjithsesi kampionati ka ulje-ngritje, por unë e besoj që Skënderbeu do të jetë lart, minimalisht për Europa League”.

KOMBËTARJA – “Nuk më vjen keq, unë jam gati për kombëtaren sikur të më thërrasin edhe në tre të natës. Kjo është ëndërr e çdo futbollisti. Thjesht pres mundësinë time. Nëse vjen do jem më i lumturi, nëse jo, jeta vazhdon”.

Tetovarët, duke parë problemet që po kalon Luftëtari, i janë rikthyer pistës Eduart Rroca. Mesfushori qendror u kërkua edhe në verë, por nuk pati një marrëveshje mes klubeve. Kështu numri “10” i bluzinjve mbeti në Gjirokastër.

Por nuk është vetëm Rroca objektiv për mesfushën. Rron Broja, mesfushori 22-vjeçar i Shkupit, është gjithashtu në listën e dëshirave të Shkëndijës. Lajmi raportohet nga “infosport.mk”. Broja ka qenë më parë pjesë e Feronikelit, ndërkohë që është aktivizuar edhe me Shqipërinë U21 dhe Kosovën U21.

Kështu ka ndryshuar edhe diferenca e Shkëndijës me Vardarin ndjekës. Tetovarët kanë vetëm tre pikë më shumë në renditje, duke e bërë edhe më interesant kampionatin në Maqedoni. Kuqezinjtë vijin pas shtatë fitoresh radhazi në kampionat.

Ndërkohë sot ka pasur edhe një derbi. Shkupi e Renova u vunë përballë dhe nuk pati fitues. Velija ishte ai që zhbllokoi ndeshjen për Renovën dhe pjesa e parë u mbyll 0-1. Skuadra kryeqytetase reagoi në pjesën e dytë dhe shmangu humbjen falë golit të shënuar nga Stojkoski.

LIGA 1 MAQEDONI – JAVA 17

Shkëndija Tetovë-Akademija Pandev 1-0
Shënues: Krstovksi 26’
Shkupi-Renova 1-1
Shënues: Stojkoski 68’ / Velija 28’

Me fillimin e pjesës së dytë ishte Totre ai që realizoi sërish dhe në njëfarë mënyre hipotekoi edhe fitoren e Shkëndijës. Kundërshtari luajti për më shumë se 30 minuta me një lojtar më pak, çka ia lehtësoi punën tetovarëve.

Fitore e rëndësishme edhe për Shkupin, që iu fal golit të Angelovit në ndeshjen kundër Akademija Pandev. Për momentin bardhekaltrit lënë vendin e fundit, pasi Sileksi mori vetëm një pikë këtë javë. Ata u përballën me Renovën dhe shënuan të parën, por skuadra shqiptare reagoi dhe arriti të barazonte përmes Stojanovksit.

MAQEDONI LIGA 1 – Java 12

Belasica-Shkëndija Tetovë 0-2
Shënues: Emini 28’, Totre 49’

Renova-Sileks 1-1
Shënues: Stojanovksi 79’ / Aleksovski 67’

Shkupi-Akademija Pandev 1-0
Shënues: Angelov 75’

Goli i Ibraimit në minutën e 23-të bëri që kuqezinjtë të shkonin në pushim në epërsi, por me fillimin e pjesës së dytë Renova përmbysi gjithçka. Stojanovksi për dy minuta arriti të shënojë dy herë dhe rezultati shkoi në 1-2.

Shkëndija u hodh në sulm dhe në minutën e 80-të ishte Bejtullai ai i cili me një goditje potente nga distanca arriti të shënojë. Tetovarët u munduan të shënonin edhe golin e fitores, por Renova u mbrojt mirë dhe ndeshja u mbyll në barazim 2-2.

Kështu Vardari është shkëputur në krye me shtatë pikë më shumë. Situatë jo e mirë edhe për Shkupin, që barazoi në shtëpi me Rabotniçkin. Dimitrovksi shënoi autogol në fillim dhe bardhekaltrit ishin në avantazh për më shumë se një orë, deri kur Petkovski për miqtë shënoi. Rezultati përfundimtar 1-1 bëri që skuadrat të ndanin nga një pikë.

MAQEDONI LIGA 1 – JAVA 9

Shkëndija Tetovë-Renova 1-2
Shënues: Ibraimi 23’, Bejtullai 80’ / Stojanovski 53’, 55’

Shkupi-Rabotniçki 1-1
Shënues: Dimitrovski 8’ (aut.) / Petkovski 63’

Rëndohet situata te Shkupi. Ekipi kryeqytetas ka pësuar një tjetër humbje, kësaj radhe në transfertën ndaj Renovës, ku skuadra tetovare triumfoi me rezultatin 2-0. Me vetëm pesë pikë pas tetë javësh kampionat, Shkupi e gjen veten në fund tabelës, një situatë kjo krejtësisht e kundërt nga ç’kishin imagjinuar drejtuesit e klubit që në fillim të kampionatit kryen disa afrime cilësore .

MAQEDONI LIGA 1 – JAVA 8

Akademija Pandev – Shkëndija Tetovë 0-0

Renova – Shkupi 2-0
Shënues: Jusufi 17’, Stojanovski 56’ (pen.)

Kryesuesi i ri i kampionatit, Vardari, ka parakaluar Shkëndijën dhe Akademinë Pandev,  falë fitores 1-0 ndaj Sileksit, ku golin e vetëm të takimit e shënoi ish-mesfushori i Flamurtarit, Viktor Xhufo. Në pjesën e poshtme të tabelës bie në sy forma e keqe e Shkupit, që u mund në transfertë ndaj Belasicës dhe për momentin ndodhet në vendit e parafundit me pesë pikë. Një fillim ky katastrofik për një ekip që pretendonte renditjen në vendet që të çojnë në Kupat e Europës.

Maqedoni Liga e Parë, Java VII

Akademia Pandev – Renova 0 – 2

Shënues: Stojanovski 14’ 70′

Belasica –  Shkupi  1 -0

Shënues:  Baldovaliev 7’

Makedonija GP – Rabotniçki 3 – 0

Shënues: Stojcevski 6’, Kirovski 26’, Bozinovski 58’

Shkëndija – Pobeda 0 – 2

Shënues: Nuabueze 61’, Tanushev 87’

Vardar – Sileks 1 – 0

Shënues: Xhuvo 71’

Kuqezinjtë e mbyllën në avantazh pjesën e parë, por nga fundi i ndeshjes e pësuan, Në të 81’ Grozdanoski shënoi golin e barazimit. Sigurisht Shkëndijës nuk i shkonte për shtat rezultati dhe me Ibraimin gjetën golin në shtesë.

Fitore edhe për skuadrën tjetër shqiptare: Shkupin. Kundër Makedonija GP arritën të shënojnë dy herë, por edhe miqtë nuk qëndruan duarkryq, pasi e realizuan golin e barazimi të përkohshëm. Humbje për Renovën, që me Belasicën në shtëpi u thye me rezultatin 0-2.

MAQEDONI LIGA 1 – Java 6
Renova-Belasica 0-2
Shënues: Serafimovski 70’, Ivanovksi 85’

Shkupi-Makedonija GP 2-1
Shënues: Muharem 10’, Ilijoski 75’ (pen.) / Kirovksi 54’

Sileks-Shkëndija Tetovë 1-2
Shënues: Grozdanoski 81’ / Bojku 14’, Ibraimi 92’

Petrovski realizoi që në minutën e 11-të, ndërkohë që Mici, Ibraimi dhe Bojku kanë shënuar tre herë në harkun kohor të katër minutave. Gjithçka ndodhi në minutat e fundit të pjesës së parë së parë, që u mbyll 3-1.

Dhjetë minuta nga nisja e pjesës së dytë, Herrera shënoi autogol, ndërsa Stjepanoviç më pas ngushtoi shifrat në 4-2.,Shkëndija nuk u ndal më kaq dhe me Ibraimin shënoi edhe dy herë të tjera. Fitore me vlera për tetovarët.

Ndryshe ndodhi me Shkupin, që u mposht në derbi me Vardarin. Gjithçka nisi mirë, teksa ishte Serxhio Zhunior ai që kaloi në avantazh bardhekaltrit dhe pjesa e parë u mbyll në fitore, por Vardarit me Sousa dhe Nora shënoi dy herë dhe mori pikët e plota.

Renova u mposht në transfertë me rezultatin 1-0 nga Pobeda. Një gol i realizuar nga Burhan Mustafov (ish-mesfushori i Teutës)  që në minutën nëntë u mjaftoi vendasve për të marrë pikët e plota.

Kampionët e Norvegjisë zhbllokuan takimin me anë të Hovland dhe në minutat e fundit të takimit Reginiusen dyfishoi shifrat pas një shpërqendrimi të lojtarëve të Shkëndijës gjatë një goditje dënimi.

Pikërisht “zjarri” i brendshëm nuk duhet t’i mungojë sonte tetovarëve, ndërkohë që edhe tifozët janë përgatitur dhe kërkojnë që klubi i tyre i zemrës t’i nderojë. Në 20:15 Ballistët do ndezin flakën dhe lojtarët në fushë duhet ta mbajnë ndezur atë.

Veç dëshirës, është një ndeshje që kërkon të luhet me mend në kokë si i thonë. Nuk duhet pësuar gol, në mënyrë që me triumfin 2-0 të arrihet kualifikimi në grupet e Europa League. E sigurt që Shkëndija do provojë deri në fund, ashtu sikurse edhe mbështetjen do e ketë të madhe për të regjistruar një sukses historik.

Gjithccka nis nga ora 20:45 dhe kjo ndeshje transmetohet edhe në “Supersport”. Trajneri Qatip Osmani u ka dhënë direktivat lojtarëve të tij, që duhet të bëjnë ndeshjen perfekte për të shpresuar në kualifikimin në grupet e Europa League.

“E kemi analizuar kundërshtarin dhe mund te them se bëhet fjalë për ekipin më të suksesshëm në Norvegji, ndaj  kemi respekt të madh. Rosenborgu është skuadër me shumë eksperiencë, ky është realiteti, por Shkëndija do të bëjë çmos për të kaluar këtë pengesë, për të hyrë më pas në grupet e UEFA Europa League”, është shprehur kreu i pankinës së Shkëndijës, Qatip Osmani.

Para mediave doli edhe kapiteni Armend Alimi: “Jemi të vetëdijshëm se na presin dy ndeshje të vështira kundër Rosenborgut, mirëpo ne jemi të përgatitur për të bërë hapin e madh në historinë e klubit dhe shpresoj se mund t’ia arrijmë qëllimit”.

Skuadra kuqezi beson tek ëndrra e për të mos e ndalur këtu aventurën në Champions. Synimi i skuadrës së Qatip Osmanit është që të marrë një rezultat sa më pozitiv në ndeshjen e parë që do të zhvillohet në Austri, për të lënë gjithçka të hapur për sfidën e kthimit një javë më vonë në Maqedoni.

Eksperienca në ndeshjet e mëdha tani nuk i mundon skuadrës shqiptare që garon në kampionatin maqedonas, pasi edicionin e shkuar u përball me Milanin. Salcburg është në letër një kundërshtar gati i pamundur për t’u kaluar, por në futboll e pamundura nuk ekziston gjithnjë.

Shkëndija është skuadra e vetme shqiptare që vijon rrugëtimin e saj në Champions, pasi Kukësi dhe Drita janë eliminuar nga ky kompeticionin më herët. Edhe nëse kuqezinjtë nuk arrijnë të avancojnë në turin tjetër të Championsit, ata do të zhvendosen në play-off të Europa League, ku do të përballen me fituesen e çiftit Kork Siti-Rosemborg.

Futbolli është i bukur pasi ka surpriza dhe sot të gjithë shqiptarët presin një surprizë të bukur nga skuadra kuqezi e Tetovës.

Edhe Ansi Agolli ka mësuar rivalin e mundshëm. Karabaku i tij përballet me BATE në turin e tretë, ndërkohë që po kaluan më tej i pret PSV. Më poshtë mund të shikoni rezultatet e shortit të hedhur sot.

KUALIFIKIMI – “Urime lojtarëve për lojën që bën dhe për angazhimin. Edhe pse u orientuam më tepër në fazën mbrojtëse, Shkëndija e meritoi të luajë në turin e tretë të Ligës së Kampioneve”.

RIVALËT – “Është hera e tretë që luaj ndeshje në Moldavi, ku më parë jam ndeshur me Daçian dhe tashmë me Sherifin. Në fillim drejtoja Renovën dhe kur u ndesha me Daçian, në atë periudhë ata kishin një ekip më cilësor krahasuar me vitin pasardhës, kur u përballa ndaj tyre me Shkëndijën. Përsa i takon Sherif Tiraspolit, prej infrastrukturës që ka shihet qartë se çfarë klubi është. Kanë skuadrës mjaft kualitative. Gëzimi ynë është edhe më i madh që mundëm një skuadër si Sherifi”.

STRATEGJIA – “Sigurisht që ndeshja në Tiraspol ishtë më e vështirë. Ne u përqendruam në aspektin mbrojtës dhe provuam ti godisnim kundërshtarët me kundërsulme. Fitorja 1-0 në ndeshjen e parë na dha atë avantazh minimal që na nevojitej dhe ia dolëm të kualifikohemi. Fakti që kaluam një rival si Sherif Tiraspolin na rrit vetëbesimin”.

Një vit më vonë, Sherifi i Tiraspolit përballet me një tjetër skuadër shqiptare, Shkëndijën e Tetovës. Aty luan Izair Emini. Kuqezinjtë e kanë fituar ndeshjen e parë në shtëpi minimalisht 1-0 dhe sot në Moldavi do të kërkojë një tjetër rezultat pozitiv, që do i çonte në turin e tretë të Championsit.

I motivuar në maksimum dhe Izair Emini, i cili do të kërkojë të ndihmojë skuadrën e tij për të shkruar historinë, por dhe për të marrë hak për eliminimin e një viti më parë me Kukësin, diçka që e ka pranuar dhe ai.

Emini realizoi golin e parë në historinë e tetovarëve në Champions. Moldavët sigurisht që nuk e kanë harruar ndeshjen e një viti më parë, ndaj nesër e dinë se Emini do të ketë shumë arsye për të dhënë më shumë se 100%.

“Shkëndija do të jetë pa Marjan Radeskin një periudhë më të gjatë. Dëmtimi i pësuar në Uells në takimin e kthimit të xhiros së parë eliminatore të Champions League kundër The Nju Saints rezulton të jetë serioz. Testimet e detajuara dhe rezonanca magnetike tregojnë këputje të ligamenteve të përparme të kryqëzuara të gjurit të këmbës së djathtë. Kjo nënkupton ndërhyrje kirurgjike dhe pauzë më të gjatë e nevojshme për rehabilitim. Ndërhyrja do të kryhet ditëve në vijim, ndërsa menjëherë do të startohet me procesin e rikuperimit”, njofton klubi i Shkëndijës.

Radeski, vetëm 23 vjeç, është një nga lojtarët që ka spikatur më së shumti te Shkëndija. Sezonin e fundit arriti të shënojë 9 gola në kampionat, ndërkohë që në të të tilla shifra ka realizuar edhe në dy sezonet e mëparshme me tetovarët. Sulmuesi në fjalë është edhe pjesë e përfaqësues së Maqedonisë.

“Filozofia e Shkëndijës është që në çdo ndeshje të dominojë me lojën e vet. Do mundohemi të imponojmë lojën tonë. Ajo humbje e thellë ka bërë të veten, por këta gjëra ndodhin me pavetëdije, Kemi biseduar gjatë javës. Sa i takon këtij aspekti, Shkëndija është gati. Ndoshta gabova se bëra shumë ndryshime, por ndodhi se ndeshja e parë ma krijoi atë komoditete. Ne si Shkëndijë, që duam të jemi klub i madh, nuk duhet të lejojmë të na ndodhin situata të tilla”, përfundoi Osmani.

ARMEND ALIMI – Kapiteni i Shkëndijës, në konferencën për shtyp, deklaroi: Objektivi jonë së pari është të bëjmë lojën më të mirë. Normal që në shtëpi duhet të fitojmë dhe të mos pësojmë, sidomos kundër Sherifit që ka ekip të mirë. Jemi përgatitur për një ndeshje të fortë”.

Sa i takon humbjes 4-0 me TNS, Alimi shtoi: “Me rëndësi është që e kemi kaluar traumën e pësuar në humbjen me TNS. Ne si lojtarë e kemi marrë si mësim për ndeshjen e ardhshme, por edhe si motivim për të treguar se ajo nuk është pasqyra reale e Shkëndijës. Presim me padurim ndeshjen me Sherifin për të treguar vlerat tona. Tifozët janë shtysë për ekipin, shpresoj që do jenë sa më të shumtë. Kemi nevojë për ta që të zhvillojmë një ndeshje pozitive”.

Për Shkëndijën e Tetovës do të jetë më e vështirë nëse bëjnë tutje. Kuqezinjtë gjejnë austriakët e Salzburg, por për t’u përballur me ta duhet që të kalojnë me sukses moldavët e Sherifit të Tiraspolit.

CHAMPIONS LEAGUE – Turi i tretë
Shorti për ekipet kampione
Sëlltik (SCO)/Rosenborg (NOR) – AEK Athinë (GRE)
Salzburg (AUT) – Shkëndija (MKD)/Sherif (MDA)
Crvena Zvezda (SRB)/Suduva (LTU) – Legia Varshava (POL)/Spartak Trnava (SVK)
Kukësi (ALB)/Karabak (AZE) – BATE Borisov (BLR)/HJK Helsinki (FIN)
Astana (KAZ)/Midtjylland (DEN) – Dinamo Zagreb (CRO)/Hapoel Beer-Sheva (ISR)
CFR Kluzh (ROU)/Malm0 (SWE) – Ludogorets Razgrad (BUL)/Vidi (HUN)

Shorti për ekipet jo kampione
Standard Liezh (BEL) – Ajaks (NED)/Sturm Graz (AUT)
Benfika (POR) v Fenerbahçe (TUR)
Slavia Praga (CZE) – Dinamo Kiev (UKR)
PAOK (GRE)/Bazel (SUI) – Spartak Moskë (RUS)

#UCL 3rd qualifying round draw ??

Benfica v Fenerbahçe ? pic.twitter.com/qheMyIQYWK

— UEFA Champions League (@ChampionsLeague) July 23, 2018

Edhe për Dritën e Gjilanit është njëjtë, por jo për t’u kualifikuar. Skuadra e drejtuar nga Bekim Isufi është mposhtur 0-3 nga Malmo në Kosovë dhe në Suedi do tentohet të dilet me kokën lart. Kjo bëhet duke dhënë maksimumin në fushën e blertë. Kundërshtari dukshëm është më lart dhe pritej eliminimi i kampionëve. Kalimi i fazës paraeliminatore nga Drita është për t’u përgëzuar.

Por festa tani është në Shkupi. Vendasit presin Rejnxhërsin e drejtuar nga legjenda Stiven Zherard. Në stadiumin “Filipi i II-të” nuk do të mungojnë tifozët e zjarrtë të Shkupit. Ndeshjen e parë bardhekaltrit e kanë humbur 2-0 dhe tani do tentojnë të bëjnë figurë të mirë. Sigurisht skocezët janë favoritë për të fituar sërish.

NDESHJET E SOTME

SHKUPI-REJNXHËRS 17:55
MALMO – DRITA 19:00
TNS-SHKËNDIJA TETOVË 20:00

Edhe në këto kushte për të nuk mungojnë ofertat dhe një të tillë ia ka bërë së fundmi Shkëndija e Tetovës vetë lojtarit, por asgjë nuk mund të konkretizohet pa biseduar me Luftëtarin. Rroca është nën kontratë dhe për kartonin e tij duhet paguar.

Presidenti Grigor Tavo sigurisht që do të dëgjonte ofertën, por duhet më parë t’i arrijë një e tillë në klub, sikurse ndodhi më parë me Kristal Abazajn dhe Dejvi Bregun. Për Rrocën më parë është interesuar edhe Pas Janina.