Shkëndija e Tetovës

Lojtari më i mirë në Maqedoninë e Veriut, vlerësohet mbrojtësi shqiptar

Sport Ekspres — Sun, 21 Jul 2019 17:13:36 +0000

Qendërmbrojtësi i Shkëndijës së Tetovës, Visar Musliu, është shpallur si futbollisti më i mirë i kampionatit të Maqedonisë së Veriut nga media maqedonase “MAKFUDBAL”. Mbrojtësi i lindur në Gostivar ka qenë një ndër lojtarët kyç në suksesin e skuadrës tetovare, ndërsa ka dhënë dhe një kontribut te përfaqësuesja e Maqedonisë së Veriut, ku është një titullar i padiskutueshëm.

Futbollisti 24-vjeçar ka dhe një vit kontratë me Shkëndijën, por gjasat që janë që klubi tetovar ta shesë lojtarin te një skuadër e huaj. Për momentin është folur për një interesim të skuadrave të ndryshme në Hungari, por e ardhmja e Musliut mbetet ende një enigmë.

Triumf me goleadë për Shkëndijën, Shkupi mposhtet ne transfertë

Sport Ekspres — Sun, 31 Mar 2019 15:40:40 +0000

Janë luajtur pesë sfida të vlefshme për javën e 25-të të kampionatit maqedonas të futbollit, ku bie në sy fitorja me goleadë e Shkëndijës dhe disfata e Shkupit. Shkëndija shkatërroi Pobedën me rezultatin e thellë 5-2. Golat për kuqezinjtë nga Tetova u shënuan nga Alimi, Totre, Bejtulai, Radeski dhe Zhunior.

Shkupi është mposhtur 2-0 në transfertë kundër Belasicës. Golat nga Gorgiev dhe Saviç me penallti vendosën sfidën. Akademija Pandev triumfoi në fund të takimit 2-1 kundër Renovës, ku iu deshën dy penallti për të marrë pikët e plota. Makedonia dhe Rabotnicki u ndanë në barazim 1-1, ndërsa Vardari mposhti 1-0 Sileksin, falë golit të Cvetanovskit në minutën e 55’.

MAQEDONI E VERIUT LIGA 1 – Java 25
E diel, më 25 prill 2019, ora 15:30

Akademija Pandev-Renova 2-1
Shënues: Doriev 40’ (pen.), Stoilov 89’ (pen.) / Mustafov 83’

Belasica-Shkupi 2-0
Shënues: Gorgiev 9’, Saviç 75’ (pen.)

Makedonija GP-Rabotnicki 1-1
Shënues: Kirovski 63’ / Sharkoski 68’

Shkëndija Tetovë-Pobeda 5-2
Shënues: Alimi 6’, Totre 14’, Bejtulai 27’, Radeski 85’, Zhunior 86’ / Makota 76’

Vardar-Sileks 1-0
Shënues: Cvetanoski 55’

Mici: Shkëndija gati për “Europa League”, ja këshilla ime për Panuçin

Sport Ekspres — Tue, 19 Mar 2019 09:50:17 +0000

Futbollisti i Shkëndijës, Gledi Mici, ishte i ftuar në emisionin “Procesi Sportiv” në “Top Channel”. Mbrojtësi i majtë u pyet në lidhje me vendimin e trajnerit Kristian Panuçi për të lënë jashtë portierin Thomas Strakosha dhe për objektivat me skuadrën e Shkëndijës.

LËNIA JASHTË E STRAKOSHËS – “Unë jam futbollist dhe nuk më lejohet të gjykoj një trajner kombëtareje. Në lidhje me vendimin e Strakoshës, unë e pranoj se disiplina është shumë e rëndësishme, por trajneri duhet të ishte treguar më fleksibël, duke pasur parasysh rëndësinë e dy ndeshjeve të kombëtares”.

SHKËNDIJA – “Këtë vit kampion do dalim patjetër, por shpresoj gjatë verës këtë vit që të mbërrijmë në fazën e grupeve të Europa League, ashtu siç bëri Skënderbeu. Shkëndija ka katër vite që i afrohet shumë këtij objektivi, por këtë sezon jemi më të kompletuar. Kontrata? Kam dhe një vit kontratë me Shkëndijën”, përfundoi Mici.

Triumfojnë Shkëndija dhe Shkupi, Renova reziston me të kuqe

Sport Ekspres — Sun, 03 Mar 2019 14:54:15 +0000

Shkëndija e Tetovës ka reaguar pas barazimit në transfertë kundër Makedonijas dhe është rikthyer te fitorja. Kuqezinjtë mposhtën në shtëpi ekipin e Belasicës me rezultatin 3-0. Pjesa e parë u mbyll pa gola, ndërsa djemtë e Osmanit ishin të papërmbajtshëm në 45 minutat e dyta.

Izair Emini zhbllokoi shifrat në minutën e 56-të, ndërsa Agim Ibraimi vulosi fitoren me golin e shënuar në minutën e 78-të. Shkëndija nuk u ndal, duke gjetur dhe golin e tretë me anë të një autogoli të Maslak.

Kjo fitore i ngjit kuqezinjtë në kuotën e 47 pikëve dhe diferenca me Vardarin ndjekës (fitoi 3-1 në shtëpi përballë Makedonijas) mbetet 9 pikë. Fitore të rëndësishme mori dhe ekipi i Shkupit, që fitoi në transfertë përballë Akademisë Pandev. Një autogol i Trajanovskit në minutat shtesë të pjesës së parë dhe goli i Angelov i dhuruan tre pikët ekipit nga kryeqyteti.

Kjo fitore e ngjit Shkupin në vendin e pestë me 30 pikë dhe vendi i tretë që të dërgon në Europë është vetëm 6 pikë larg. Renova mori një pikë me vlera në transfertë përballë Sileksit. Ekipi shqiptar luajti me një lojtar më pak që nga minuta e 39-të pas ndëshkimit me karton të kuq të Emran Ramadanit.

LIGA I MAQEDONIA E VERIUT– JAVA 21

E diel, më 3 mars, ora 14:00

Akademija Pandev-Shkupi 0-2
Shënues: Trajanovski 45+2’ (aut), Angelov 78’

Shkëndija Tetovë-Belasica 3-0
Shënues: Emini 54’, Ibraimi 83’, Maslak (aut) 88’

Sileks-Renova 0-0

Tarashaj gjen golin, shiu i “mohon” fitoren Shkëndijës

Sport Ekspres — Thu, 24 Jan 2019 13:14:55 +0000

Grasshopers ka zhvilluar dy ndeshje miqësore sot. Njëri takim u zhvillua ndaj gjermanëve të Chemnitzer dhe në këtë sfidë u aktivizuan ata që kanë pasur më pak minuta, apo që vijnë nga dëmtimet. Në fushë ishte edhe sulmuesi shqiptar Shani Tarashaj, i cili po rifiton formën sportive dhe më këtë miqësore gjeti edhe rrugën e rrjetës.

Në takimin tjetër Grasshopers ndeshej me Shkëndijën e Tetovës, takim që u ndërpre në fundin e pjesës së parë për shkak të reshjeve të shiut. Emini realizoi një gol mjaft të bukur për kuqezinjtë, ndërsa në fillim zviceranët ngatërruan shënjestër duke shënuar në portën e ture. Arlind Ajeti, Nedim Bajrami, Gjelbrim Taipi dhe Bujar Lika ishin në formacion për Grasshopers dhe dolën të mposhtur për aq sa luajtën.

“Reshjet e dendura të shiut ndërpresin testin me Grasshopperin në minutën e 37-të kur avanconim 2:0. Zhbllokuam rezultatin me një autogol të zviceranëve pas vetëm 21 sekondave lojë, ndërsa Emini në të 19-ën çoi shifrat në 2:0. Kushtet e këqija atmosferike përfundimisht sollën ndërprerjen e ndeshjes dhe e njëjta nuk do të vazhdojë”, njofton klubi nga Tetova.

U lakua për te Laçi e Kamza, tani është lojtar i lirë

Sport Ekspres — Thu, 10 Jan 2019 20:22:11 +0000

Shumë skuadra në Superiore po synojnë të përforcohen sa më shumë këtë merkato janari dhe ekipet nga kampionati ynë po shqyrtojnë shumë alternativa, kryesisht jashtë vendit.

Një nga emrat më të lakuar ka qenë Mevlan Adili, mbrojtësi shqiptar nga Maqedonia që u aktivizua në gjysmën e parë të sezonit te Shkëndija e Tetovës. Por siç raporton “infosport.mk”, Adili është larguar nga kuqezinjtë e Tetovës dhe tashmë është lojtar i lirë.

Nga skuadrat e Superiores, Laçi dhe Kamza janë ekipet e interesuara për shërbimet e 24-vjeçarit dhe me shumë gjasa, Adili do të provojë një eksperiencë të re në kampionatin shqiptar të futbollit.

Mevlan Adili, 24-vjeç

Agim Ibraimi në Superiore? Në Maqedoni i gjejnë ekipin

Sport Ekspres — Tue, 08 Jan 2019 08:29:31 +0000

Agim Ibraimi është lojtar i lirë. Sulmuesi shqiptar nga Maqedonia e ka mbyllur bashkëpunimin me Domzhalen në Slloveni dhe ofertat nuk i mundojnë. Një lojtar me eksperiencën dhe cilësitë e tij do ishte plus për çdo ekip, sidomos në kampionatin tonë.

Partizani është përfolur shpesh për interesimin që ka pasur për të, madje para dy vitesh ka qenë shumë pranë firmës. Gjithsesi ai nuk e zgjidhi dot kontratën me Astanën ashtu si dëshironte dhe nuk iu bashkua të kuqve.

Tanimë për të ka një ofertë të mirë nga Shkëndija e Tetovës, që e ka tentuar edhe më parë sulmuesin 30-vjeçar. Kuqezinjtë nuk duan ta diskutojnë titullin kampion, por e duan Ibraimin edhe për t;i ndihmuar në kupat e Europës në verë.

Kështu ata i kanë paraqitur një ofertë të mirë dhe sipas asaj që raporton “sport.com.mk” gjithçka është drejt finalizimit dhe pritet vetëm një “po” nga ana e sulmuesit. Ibraimi është një lojtar me eksperiencë të madhe, që ka luajtur madhe edhe në Serie A me Kaljarin.

E duan Laçi dhe Kamza, Shkëndija bën “bllokadë”

Sport Ekspres — Sun, 06 Jan 2019 09:11:53 +0000

Laçi dhe Kamza kërkojnë të përforcohen dhe sytë janë hedhur edhe nga Maqedonia. Një nga lojtarët e piketuar është Mevlan Adili, 24-vjeçari që luan në qendër të mbrojtjes dhe në linjën e djathtë në rast të ndonjë urgjence.

Mësohet se për Adilin Laçi dhe Kamza kanë bërë oferta të mira, por lojtari në fjalë është nën kontratë me Shkëndijën. Kuqezinjtë nuk heqin dorë kollaj nga mbrojtësi, i cili në fakt nuk është se ka pasur shumë hapësira këtë sezon.

Ai është preferuar në gjysmën e parë të kampionatit vetëm 4 herë si titullar, nga nëntë ndeshje që numëron në total. Adili u rikthye te Shkëndija janarin e shkuar dhe luajti rregullisht, por situata në verë ndryshoi dhe tani ai do largimin.

Në të shkuarën Adili ka qenë pjesë e Shkupit dhe UTA Arad në Rumani. Gjithashtu ai ka luajtur edhe për Maqedoninë U21. Tanimë kërkon një klub ku të ketë hapësira dhe Laçi e Kamza mund t’ia ofrojnë diçka të tillë. Madje për skuadrën e Ernest Gjokës është domosdoshmëri afrimi i një lojtari për qendrën e prapavijës.

Kukësi nuk di të ndalet, kërkon titullarin e Shkëndijës

Sport Ekspres — Thu, 03 Jan 2019 14:26:34 +0000

Kukësi është skuadra më aktive e merkatos së dimrit në Kategorinë Superiore. Verilindorët afruan Eduart Rrocën nga Luftëtari, ndërsa nga momenti në moment pritet dhe zyrtarizimi me sulmuesin Vasil Shkurtaj.

Por, skuadra e Armando Cungut, pritet të përforcohet edhe në repartin e mbrojtjes. Sipas “Telesport”, Kukësi është i interesuar për të sjellë në Shqipëri portierin e Shkëndijës së Tetovës, Kostandin Zahov.

Kontrata e “Gardianit” me kampionët e Maqedonisë mbaron më datë 15 janar dhe ai mund të vijë në kampionatin tonë me kosto 0. Zahov ka qenë një titullar prej dy sezonesh te Shkëndija dhe mbetet për t’u parë nëse klubi tetovar do të tentojë të nënshkrojë një marrëveshje të re me 31-vjeçarin.

Luftëtari “market”, Shkëndija synon mesfushorin

Sport Ekspres — Mon, 10 Dec 2018 10:29:20 +0000

Shkëndija e Tetovës është në kërkim të një organizatori dhe kuqezinjtë nga Tetova kanë hedhur sytë nga Superiorja shqiptare. Kampionët në fuqi janë të interesuar për Eduart Rrocën. 25-vjeçari është një nga pikat më të forta të Luftëtarit. Ai kaloi një dëmtim të rëndë, ndërsa është rikthyer në formë të mirë.

Siç citon “infosport.mk”, Shkëndija po punon për të ofruar Rrocën në ekip gjatë merkatos së janarit. Lojtari i bluzinjve ishte një objektiv i ekipit shqiptar që në verë, por Luftëtari refuzoi ofertat.

Eduart Rroca

Mesfushorit i mbaron kontrata me ekipin gjirokastrit në verën e ardhshme dhe Luftëtari nuk mund ta humbasë me parametra zero, kështu që do të tentojë të përfitojë shumë nga heqja dorë prej tij. Rroca ka të njëjtin menaxher si Gledi Mici, lojtari i Shkëndijës, dhe një gjë e tillë mund të lehtësojë transferimin e tij te kampionët nga Tetova.

Shkëndija kryeson kampionatin maqedonas me 40 pikë, pesë më shumë se Vardari dhe objektivi kryesor i klubit tetovar është sërish fitimi i titullit kampion.

Shkëndija eliminohet nga Kupa, asnjë ekip shqiptar në gjysmëfinale

Sport Ekspres — Wed, 05 Dec 2018 11:54:27 +0000

Shkëndija e Tetovës është eliminuar nga Kupa e Maqedonisë, pasi e ka humbur edhe ndeshjen e dytë ndaj Pobedës. Makota ka realizuar dy herë në disfatën 2-0 të kuqezinjve, që tanimë do t’i kenë sytë nga kampionati.

Korabi gjithashtu doli nga gara. E pritshme, kur përballë kishte Akademinë Pandev. Ekipi shqiptar i Dibrës së Madhe e kishte humbur 1-3 ndeshjen e parë, kurse sot u thye me rezultatin tenistik 1-6. Më tej ka kaluar Belsica dhe Makedonija GP.

KUPA E MAQEDONISË – ÇEREKFINALET

Pobeda-Shkëndija 2-0 (1-0)
Shënues: Makota 23’, 57’

Belasica-Sileks 2-0 (2-0)

Korabi-Akademija Pandev 1-6 (1-3)

Rabotnicki-Makedonija GP 0-1 (0-1)

Shkëndija “tris” në derbi, Shkupi befason Rabotniçkin

Sport Ekspres — Sun, 02 Dec 2018 13:55:44 +0000

Shkëndija e Tetovës ka fituar derbin kundër Renovës me rezultatin 0-3, ndërkohë që ky triumf e ka çuar në pesë pikë diferencën me Vardarin e vendit të dytë. Akademija Pandev i ka ndalur kryeqytetasit dhe kjo ka bërë që Shkëndija të festojë dyfish.

Valmir Nafiu ishte ai që hapi serinë e golave për tetovarët, ndërkohë që në pjesën e dytë realizuan edhe Bojku e Imeri. Ky i fundit është edhe pjesë e Shqipërisë U21. Një fitore me vlera për Shkëndijën, por nga ana tjetër Renova i afrohet zonës së ftohtë.

Feston Shkupi, që ka arritur të mundë me rezultatin e pastër 0-2 Rabotniçkin. Një ndeshje derbi e fituar nga skuadra bardhekaltër. Amir Bilali i shënoi gol ish-skuadrës së tij, ndërkohë që në fund Veliu i dha fund takimit me golin e dytë të realizuar.

LIGA 1 MAQEDONI – Java 18

Renova-Shkëndija Tetovë 0-2
Shënues: Nafiu 23’, Bojku 67’, Imeri 89’

Rabotniçki-Shkupi 0-1
Shënues: Bilali 26’, Veliu 82’

Shkëndija thyen Renovën, feston edhe Shkupi

Sport Ekspres — Sun, 21 Oct 2018 14:42:23 +0000

Festojnë Shkëndija dhe Shkupi, pasi kanë fituar ditën e sotme. Ndryshe situata për Renovën, që u thye në shtëpi nga Rabotniçki. Për tetovarët ishte një ndeshje shumë e rëndësishme ajo përballë Vardarit.

Kuqezinjtë fituan falë golave të shënuar nga Izair Emini dhe Besart Ibrahimi, duke e ngushtuar diferencën me Vardarin në katër pikë. Festë legjitime në fund. Shkupi e kishte detyrim fitoren ndaj Sileksit dhe ia ka dalë.

Serxho dhe Stojkoski shënuan dy herë për bardhekaltrit, që lanë vendin e fundit për momentin. Për Renoën ishte programuar një ndeshje e vështirë kundër Rabotniçkit. Këta të fundit shënuan dy herë në portën e skuadrës shqiptare dhe morën tre pikët.

MAQEDONA LIGA 1 – Java 10

Renova-Rabotniçki 0-2
Shënues: Stjepanoviç 26’ (pen.)

Shkupi-Sileks 2-0
Shënues: Serxho 50’, Stojkoski 57’

Vardar-Shkëndija Tetovë 0-2
Shënues: Emini 45+4’, Ibraimi 89’

Shkëndija shkatërron Pehçevon në Kupë, shkëlqen Shefiti

Sport Ekspres — Wed, 03 Oct 2018 15:59:02 +0000

Shkëndija e Tetovës është rikthyer te fitorja në Kupë pas dy ndeshjeve pa fitore në kampionat. Djemtë e Osmanit mposhtën Kit Go Pehçevon në transfertë me rezultatin e thellë 0-5. 20-vjeçari Shefit Shefiti ishte njeriu i ndeshjes me një tripletë, ndërkohë që Gledi Mici dhe Samir Fazli ishin autorët e dy golave të tjerë.

Kampionët në fuqi të Maqedonisë kishin fituar ndeshjen e parë me rezultatin 2-0 dhe tashmë kualifikohen në fazën çerekfinale të Kupës së Maqedonisë.

Shkëndija renditet në vendin e tretë në kampionat pas javës së tetë, me pesë pikë më pak se kryesuesit e Vardarit dhe një pikë më pak se Akademija Pandev. Ndeshja e radhës i vendos kuqezinjtë përballë Renovës në shtëpi, një ndeshje derbi, që zhvillohet ditën e shtunë.