Parimisht akordi ishte arritur, por është biseduar për detajet e kontratës dhe në fund ka ardhur edhe firma. Marrëveshja është 1 vjeçare, me opsion rinovimi edhe për një sezon tjetër. Për portierin kishte edhe disa oferta të tjera, si Llapi në Kosovë dhe Trim&Lum Struga në Maqedoninë e Veriut.

Ruçi, pas eksperiencave me Elbasanin, Bylisin dhe Luftëtarin, është gati të veshë fanellën e katërt në karrierë. Në Gjilan ai do të gjejë edhe brazilianin Xhekson, i cili ka nënshkruar edhe është prezantuar para pak ditësh. Skuadra e kuqe ka në listën e objektivave edhe sulmuesin Ismael Dunga, i cili spikati gjithashtu te Luftëtari dhe trajneri Mezani e dëshiron në skuadrën e tij.

Luftëtari i detyrohet atij dy rroga, që portieri do t’i marrë së shpejti, sikurse pjesa tjetër e skuadrës. Palët kanë shtrënguar duart dhe Ruçi pritet të vendosë shpejt se ku do të aktivizohet sezonin e ardhshëm. Ofertat nuk i mungojnë dhe janë disa, nga Maqedonia e Veriut dhe Kosova.

Sportekspres.com mëson se Trim&Lum Struga interesohet për portierin, kurse në Kosovë Llapi është një nga klubet që garon për shërbimet e portierit. Gjithashtu edhe Gjilani i drejtuar nga Gentian Mezani e kërkon portierin.

Interesim për të ka edhe nga Superiorja dhe Ruçi po mendohet mirë se ku do ta vazhdojë karrierën. Në të shkuarën ai është aktivizuar edhe me Elbasanin e Bylisin në Superiore.

PENALLTIA – “Normalisht, gjithmonë kam punuar që të pres penalltitë. Jam stërvitur fort dhe kritika ka për të gjithë, jo vetëm për mua. Ndeshja e sotme ishte shumë e mirë dhe besoj se ishte një meritë e të gjithë kolektivit.”

MBIJETESA – “Humbja me Kastriotin ishte një zgjim për ne. Me ardhjen e profesor Julit çdo gjë është rregulluar. Luftëtarin e keni parë dhe vjet, një ekip shumë i mirë dhe që shkoi në Europë. Këtë sezon i kemi kualitetet për të mbijetuar dhe besoj se çdo gjë do të shkojë mirë për ne.”

AHMATAJ – “Me ardhjen e profesorit, shumë gjëra janë rregulluar. Edhe nga ana e drejtuesve, gjërat janë rregulluar realisht shumë. Që kur ka filluar gjysma e dytë e sezonit, çdo gjë është OK.”

PROGNI & OBJEKTIVAT – “Isha përballë Prognit kur kishte topin në dorë. E pashë në sy se ku do të gjuante dhe e prita deri në momentin e fundit. Pastaj, ishte thjesht fat. Kemi marrë shumë penallti kundër dhe kjo ishte e para që prita (qesh). Ishte një ndeshje shumë e fortë përballë një ekipi që për mendimin tim ka cilësi për kampion. Do të synojmë të shkojmë sa më larg edhe në Kupë, edhe në kampionat.”

Vlonjati nuk është aktivizuar në katër ndeshjet e fundit dhe kontrata i përfundon në fund të vitit. Nisur nga problematikat e shumta, sidomos të aspektit financiar, Liçaj nuk do të rinovojë kontratën me Luftëtarin dhe trajneri Mezani duhet t’i bëjë llogaritë pa të.

Të njëjtë rrugë do të ndjekë edhe portieri Shkëlzen Ruçi raporton Supersport. Elbasanasi ka kërkuar të marrë pagat e prapambetura, ose ndryshe ikën. Në Gjirokastër duhet t’i japin drejtim sa më parë kësaj situate të krijuar, pasi mund të humbasin me parametra zero edhe shumë lojtarë të tjerë.