Shkelzen Gashi

Gashi me ekip të ri, por milionat nga Amerika i shtyjnë rikthimin

Sport Ekspres — Sun, 14 Jul 2019 15:35:42 +0000

E ardhmja e Shkëlzen Gashit është në Zvicër. Ish-sulmuesi i kombëtares shqiptare është prej gati 6 muajsh pa ekip pasi ndërpreu bashkëpunimin me amerikanët e Colorado Rapids. Mediet zvicerane përflisnin për një rikthim të shqiptarit te klubi i Grasshopers, por së fundmi një tjetër burim e largon 30-vjeçarin nga qyteti i Zyrihut.

Sipas “Aargauer Zeitung”, Gashi do të vijojë futbollin profesionist me skuadrën e Araut, klub ky që militon në “Challenge League”, divizionin e dytë për nga rëndësia. Ky do të jetë një rikthim për mëngjarashin, i cili ka qenë pjesë e këtij klubi gjatë periudhës 2010-2012.

Megjithatë, transferimi ka një detaj shumë të veçantë. Gashit i duhet të presë deri në janar për t’u regjistruar me skuadrën e re. Shkak për këtë është fakti se futbollisti vazhdon të paguhet nga klubi amerikan. Paga vjetore e Gashit është 1.4 milionë euro në sezon.

Largimi i Gashit nga Colorado Rapids ishte njëanshëm dhe për këtë arsye futbollistit i lind e drejta të paguhet deri në fund të kontratës që mbaron në dhjetor të këtij viti.

Gashi gati t’i rikthehet futbollit, në Zvicër e duan me çdo kusht

Sport Ekspres — Fri, 17 May 2019 17:09:08 +0000

Viti 2019 nuk ka nisur siç duhet për Shkëlzen Gashi. Ish-sulmuesi i kombëtares shqiptare ka mbetur pa ekip që prej muajit shkurt, pasi klubi Colorado Rapids vendosi të ndërpriste në mënyrë të njëanshme kontratën me mëngjarashin.

Një rikthim në Zvicër është hapi më logjik për karrierën e 30-vjeçarit. Gjatë ditëve të fundit në mediet e zvicerane kanë filluar të qarkullojnë lajme për një interes të klubit të Grasshopers.

Klubi më i titulluar në Zvicër po kalon një ndër momentet më të errëta të historisë së tij, pasi sezonin tjetër do të rikthehen në kategorinë e dytë zvicerane pas 70 vitesh qëndrim të vazhdueshëm në elitën e futbollit zviceran.

Gashi kur ishte pjesë e Grasshopers

Drejtuesit e klubit kanë një plan ambicioz, ku synohet që investimet të qëndrojnë në nivele të larta dhe në klub të afrohen lojtarë me një të shkuar me klub të suksesshme te klubi nga qyteti i Zyrihut.

Te Grasshopers, Gashi kaloi dy ndër sezonet më të mira të karrierës së tij, ku në njërin prej tyre ishte golashënuesi i kampionatit zviceran me 19 gola, paraqitje kjo që i siguroi një transferim te “gjigantët” e Bazelit.

Vendimi i papritur, Shkëlzen Gashi e mbyll me Koloradon

Sport Ekspres — Sat, 02 Mar 2019 08:35:01 +0000

Shkëlzen Gashi e ka mbyllur me Kolorado Rapids në Shtetet e Bashkuara të Amerikës dhe gjithçka ka marrë formë zyrtare. Sulmuesi shqiptar kishte edhe një vit kontratë me skuadrën që garon në MLS, por bashkëpunimi mes tyre është mbyllur.

Diçka e tillë është njoftuar nga vetë sulmuesi, i cili në rrjetet sociale shkruan: “Një kapitulli i vjen fundi. Faleminderit drejtuesve të Kolorado Rapids dhe fansave të pabesueshem për besimin dhe mbështetjen e tyre gjatë tre viteve të mia në klub. I dëshiroj ekipit një sezon fantastik”.

Sulmuesi 30-vjeçar u transferua te Kolorado Rapids në janarin e vitit 2016 dhe sezoni i parë ishte fantastik për të. Gashi arriti të realizonte 10 gola, madje disa prej tyre spektakolarë nga distanca. Dy sezonet pasardhëse u shoqëruan me dëmtime të shpeshta, që e penalizuan ish-lojtarin e Bazelit. Ai realizoi vetëm 4 gola në MLS, ndërkohë që tani pret të nisë një aventurë të re.

A chapter comes to an end?? Thanks ? to the @ColoradoRapids Organization and the incredible fans of the Rapids96 for their trust & support during my 3?? years at the club!? Wish the team a fantastic season ?? ? #AllTheBest #Rapids96 #GoodBye #ThankYou? #Gashi #SG11 ??? pic.twitter.com/xhJYPoBAG4

— Shkelzen Gashi (@s_gashi11) March 2, 2019

VIDEO | Gashi i papërmbajtshëm, dopietë për sulmuesin kuqezi

Sport Ekspres — Sat, 16 Feb 2019 20:14:58 +0000

Shkëlzen Gashi ka shkëlqyer në miqësoren e Colorado Rapids kundër Las Vegas. Ekipi i sulmuesit mëngjarash ka fituar me rezultatin 3 – 0 në një të takim ku dy prej golave erdhën nga këmbët e Gashit.

Gashi goal 2??#Rapids96 | #LVvCOL pic.twitter.com/PiymLfvZJL

— Colorado Rapids (@ColoradoRapids) February 16, 2019

Kampionati amerikan i futbollit, “MLS”, fillon në muajin mars dhe periudha e shkurtit i gjen të gjitha ekipet pjesëmarrëse në fazë parapërgatitore.

Shkëlzen Gashi i mungon kombëtares shqiptare që prej ndeshjes kundër Maqedonisë më 6 shtator të 2016-ës. Gjasat që 30-vjeçari të rikthehet pjesë e kombëtares kuqezi janë shumë të pakta.

VIDEO | Pritja e vitit në MLS, protagonist është… Shkëlzen Gashi

Sport Ekspres — Sun, 30 Dec 2018 10:07:25 +0000

Fundviti sjell çmime të shumta, sikurse edhe po ndodh aktualisht në MLS. Protagonist është sulmuesi Shkëlzen Gashi, të cilin jemi mësuar ta shohim të realizojë gola spektakolarë. Por ka raste që ndalet edhe nga portierët kundërshtarë.

Një pritje e bërë pas gjuajtjes së Gashit është cilësuar si “2018 MLS Save of the Year”. Siatëll Sanders po fitonte 2-1 ndaj Kolorado Rapids në transfertë dhe sulmuesi shqiptar u ndal nga portieri Stefan Frei, i cili ndihmoi skuadrën e tij të merrte pikët e plota.

Një rast flagrant për Gashin, i cili mori një pasim në zonë dhe i ndodhur në shtyllën e dytë gjuajti dhe topi u devijua nga Frei. Ky i fundit tashmë i gëzohet vlerësimit, pasi ajo pritje është cilësuar edhe pritja e vitit 2018 në MLS.

Ibra jo më në hijen e Gashit, 37-vjeçari merr kontratën rekord

Sport Ekspres — Sat, 22 Dec 2018 15:34:38 +0000

Pak kohë më parë bëri bujë lajmi se Zllatan Ibrahimoviç paguhej vetëm 1.2 milionë euro nga klubi i La Galakxy. Sulmuesi suedez paguhej më pak se lojtari i kombëtares shqiptare Shkëlzen Gashi, i cili aktivizohet në po të njëjtin kampionat.

Arsyeja pagën relativisht të vogël ishte një marrëveshje midis tij dhe klubit për të ardhurat nga të drejtat e përdorimit të emrit të lojtarit. Së fundmi ky ngërç ka marrë fund, kjo falë rinovimit të pak ditëve më parë.

Me kontratën e e re sulmuesi 37-vjeçar është bërë lojtari më i paguar në kampionatin amerikan “MLS”, me një pagë sezonale preh 7.5 milionë dollarësh në sezon mbas taksave. Ibrahimoviç “parakalon” italianin Sebastian Xhovinko, i cili kryesonte listën e më të paguarve prej tre sezonesh me pagën e tij prej 7 milionë dollarësh në sezon.

Zyrtare: Kolorado Rapids zbulon të ardhmen e Gashit

Sport Ekspres — Thu, 29 Nov 2018 09:55:51 +0000

Kolorado Rapids po mendon për sezonin e ri futbollistik dhe bërja e një bilanci në këto momente është gjëja e duhur. Klubi amerikan që garon në MLS ka publikuar listën e futbollistëve që do të vijojnë të mbeten në ekip.

Janë plot 18 lojtarë që vijojnë kontratat e tyre, mes tyre edhe sulmuesi Shkëlzen Gashi. Sulmuesi shqiptar do të nisë sezonin e katërt në Shtetet e Bashkuara të Amerikës. Nisja e Gashit ishte e mirë me Koloradon, pasi arriti të shënojë 10 gola në kampionatin debutues.

Dy sezonet e fundit nuk kanë qenë të mira, por jo pa arsye. Sulmuesi ka pësuar disa dëmtime që e kanë lënë shpesh jashtë fushave të blerta dhe nuk është se ka luajtur shumë. Kjo ka bërë që edhe golat të jenë të paktë, nga dy për sezon.

LISTA E LOJTARËVE TË KOLORADOS
Portierë (2): Tim Howard, Zac MacMath
Mbrojtës (7): Kortne Ford, Marlon Hairston, Axel Sjöberg, Tommy Smith, Sam Vines, Danny Wilson, Deklan Wynne
Mesfushorë (7): Kellyn Acosta, Cole Bassett, Nana Boateng, Johan Blomberg, Sam Nicholson, Jack Price, Dillon Serna
Sulmues (2): SHKËLZEN GASHI, Niki Jackson

Paaftësi e sulmuesve, apo aftësi e mbrojtësve?! Gashi “shijon” skenën

Sport Ekspres — Sun, 14 Oct 2018 07:20:08 +0000

Kolorado Rapids fitoi mbrëmë kundër Minesota Junajtid me rezultatin e pastër 0-2 dhe mori tre pikë me mjaft vlera. Në fushë nga minuta e parë ishte edhe sulmuesi shqiptar Shkëlzen Gashi. Ai nuk mundi të shënojë dot, por gjithsesi doli i gëzuar nga fusha.

Por një episod i veçantë mund të veçohet nga ky takim. Portieri Mat Lampson dhe mbrojtësit e Minesotës në një moment arritën të shpëtojnë portën e tyre nga breshëria e gjuajtjeve të lojtarëve të Kolorados.

Gashi ishte gjithashtu në zonë, por në asnjë moment topi nuk shkoi në drejtimin të tij. Ishte nga ato raste që goli nuk donte të hynte. Aftësi e mbrojtësve dhe portierit të Minesotës, apo paaftësi e futbollistëve të Kolorados? Dilemë e madhe…

https://www.facebook.com/MLS/videos/2082219688758443/

VIDEO | 7-vjeçarja emocionon Ibrën, postimi i veçantë i sulmuesit

Sport Ekspres — Mon, 24 Sep 2018 11:36:04 +0000

Zllatan Ibrahimoviç është një person, të cilin është e vështirë ta emocionojë dikush, por një 7-vjeçare e talentuar ia ka dalë. Malea Ema ka kënduar himnin e Amerikës përpara fillimit të ndeshjes, ku Los Anxhelos Galaksi mposhti ekipin e Siatëll Saunders, me rezultatin 3-0.

7-vjeçarja bëri një performancë fantastike dhe emocionoi të gjithë të pranishmit me zërin e saj. Ibrahimoviç postoi videon në rrjetet sociale, ku komentoi “lojtarja më i mirë i vitit”, për vogëlushen.

MVP of the game! https://t.co/eZ2WdQsVN7

— Zlatan Ibrahimovi? (@Ibra_official) September 24, 2018

“Hileqari” Shkëlzen Gashi, çfarë goli befasues!

Sport Ekspres — Sun, 23 Sep 2018 07:42:19 +0000

Shkëlzen Gashi nuk shënonte gol prej pesë muajsh me Koloradon dhe në orët e para të ditës së sotme ka arritur të realizojë, por në fund ka dalë i mposhtur.

Kolumbus Kru ka realizuar dy herë, fillimisht me Zardes. Gashi në të 26’ barazoi shifrat, për të shkuar te goli i Higuain në pjesën e dytë. Disfatë për Kolorado Rapids, që regjistroi humbjen e 17 këtë sezon.

Më keq ka bërë vetëm skuadra e Jahmir Hykës, që dje humbi për të 18-ën herë. Lojtari i kombëtares ishte titullar kundër Los Anxheles në humbjen 2-0 që San Hoze pësoi.

Por goli i shënuar nga Shkëlzen Gashi nuk duhet humbur. Një “hile” e vogël, teksa gjatë një goditje dënimi befasoi portierin kundërshtar që po rregullonte murin mbrojtës. Kundërshtarët protestuan, por goli u konsiderua i vlefshëm.

https://www.facebook.com/coloradorapids/videos/291585024904851/