Shkelqim Demhasaj

VIDEO | Shtatë muaj pritje, Demhasaj rikthehet te goli me një dopietë

Sport Ekspres — Wed, 15 May 2019 20:26:14 +0000

Shkëlqim Demhasaj është rikthyer të shënojë në Zvicër pas më shumë se shtatë muajsh pritje. Sulmuesi i Lucernës ishte autori i një dopiete në ndeshjen e sotme ndaj Bazelit. Pavarësisht golave të 23-vjeçarit, Lucerna nuk ia doli të dilte me pikë nga kjo transfertë ku u mund me rezultatin 3 – 2.

Një shqiptar tjetër që gjeti rrugën e rrjetës ditën e sotme ishte Bastien Toma, goli i të cilit i dha tri pikët Sionit dhe mbijetesa tanimë mund të konsiderohet çështje e mbyllur.

Benzhamin Kololli është rikthyer të shënojë me Zyrihun. Skuadra e sulmuesit shqiptar mundi Tunin 3 – 0, rezultat ky që rikthen Zyrihun në zonën evropiane dhe siguron matematikisht qëndrimin në superligën zvicerane.

VIDEO | Xhaka i papërmbajtshëm: As që më plas fare!

Sport Ekspres — Mon, 26 Nov 2018 18:29:58 +0000

Ndeshja e së shtunës midis Lucernës dhe Bazelit u shoqërua me shumë tension midis lojtarëve të të dyja skuadrave. Rasti më polemik i ndeshjes ishte ai minutës së 37-të, ku Taulant Xhaka ndali me faull sulmuesin i Lucernës, Shkëlqim Demhasaj, i cili po vraponte i vetëm drejt portës kundërshtare.

Për habinë e të gjithëve gjyqtari i takimit Alen Bier e ndëshkon me të verdhë mesfushorin, veprim ky që sjell protesta nga lojtarët dhe tifozët e Lucernës. Loja vazhdoi të ishte acaruar deri në fund dhe gjithsej u morën katër kartonë të verdhë.

Në fund Bazeli arriti të barazonte me një gol në minutën e pestë të shtesës, duke marrë një pikë shumë të vlefshme në garën për vendin e dytë që të çon në kualifikueset e Champions. Në një intervistë në përfundim të ndeshjes, Xhaka u shpreh se veprimi i arbitrit ishte i duhur: “Demhasaj ndaloi dhe filloi të më tërhiqte, më pas unë dola gabova në ndërhyrjen e radhës. Protestat e Lucernës? Nuk më plas fare se çfarë thonë ata”, përfundoi Xhaka.

Formacioni i javës në Zvicër, dominim nga lojtarët shqiptarë

Sport Ekspres — Mon, 26 Nov 2018 10:21:44 +0000

Zvicra është oazi i lojtarëve shqiptarë. Si në ligën e parë ashtu dhe në kategoritë më të ulëta skuadrat zvicerane u japin besim sportistëve nga vendi ynë. Java që sapo u mbyll ishte mjaft e suksesshme për shqiptarët që luajnë në Zvicër, të cilët spikatën me paraqitjeje e tyre, por njëkohësisht një pjesë e tyre arritën që të gjenin rrugën e rrjetës.

Sot, është publikuar dhe formacioni i javës, ku jo pak por 4 lojtarë shqiptarë janë në ekipin më të mirë. Arlind Ajeti dalloi nga pjesa tjetër e skuadrës në suksesin e Grasshopersit ndaj St.Gallen. Nuk kishte si të mungonte Hekuran Kryeziu, i cili shënoi 2 gola fantastik në barazim 3-3 që Zyrihu regjistroi me Ksamaksin.

Bastian Toma po ashtu ishte vendimtar me golin e tij, duke i dhënë fitoren Sionit ndaj Thunit. Shkëlqim Demhasaj po ashtu ishte protagonist në barazimin 1-1 që Luzerna arriti me Bazelin, duke dhënë asistin e golit.

VIDEO | Ajeti dhe Demhasaj, gola e fitore në Zvicër

Sport Ekspres — Sat, 06 Oct 2018 19:29:41 +0000

Dy sulmues shqiptarë kanë shijuar golat dhe fitoret me ekipet respektive. Bazeli përmbysi St. Gallen dhe Arlind Ajeti ishte autori i golit të barazimit 1-1. Sulmuesi shqiptar që luan me Zvicrën, i vetëm me portierin u tregua i saktë dhe shënoi.

Në pjesën e dytë Bazeli shënoi edhe dy herë të tjera dhe me shifrat 1-3 mori pikët e plota. Taulant Xhaka ndërkohë nuk ishte përzgjedhur titullar në këtë takim. Lojtari polivalent i kombëtares sonë u aktivizua në minutën e 83-të.

Fitore befasuese mori edhe Lucerna, që mundi kryesuesit e Jang Bojs me rezultatin 2-3. Shkëlqim Demhasaj, sulmuesi shqiptar, arriti të zhbllokonte ndeshjen që në minutën e 16-të me një goditje me kokë.

Më pas Jang Bojs shënoi dy herë, por Lucerna nuk u dorëzua dhe me golat e Shulz dhe Knezeviç arriti të rikthejë epërsinë dhe të marrë pikët e plota. tashmë numëron 12 pikë në klasifikim dhe ngjitet në vendin e gjashtë. Kurse Bazeli është i dyti, me 11 pikë larg Jang Bojsit.