Për “RTSH Sport”, flet për pritshmëritë që ka për takimin e radhës me Laçin, por njëkohësisht tregon se detyra e tij dhe ekipit është që të mbajë tifozerinë, tani që mundën t’i rikthenin në shkallët e stadiumit.

NDESHJA ME LAÇIN – “Laçi ka një ekip shumë të mirë. Normalisht që ne pretendojmë që ta fitojmë edhe këtë takim. Do të futemi për të marrë tre pikë nga kjo sfidë, e cila është mjaft e vështirë, pasi kemi kaq shumë ndeshje pa humbje. Shpresoj që ta mbyllim pa humbje edhe ndeshjen e fundit të vitit”.

TIFOZËT – “Tifozeria dihet që është lojtari i 12-të, siç e thonë të gjithë. I kemi rikthyer në stadium dhe shpresoj që t’i mbajmë tani, pasi po nuk dhamë ne edhe tifozët nuk do të jenë të kënaqur”.

OBJEKTIVAT – “Teutës i duhet kjo vazhdimësi që ka, por të bëjë edhe pak më shumë. Shpresojmë që deri në fund fare, pse të mos pretendojmë edhe për titull. të themi që jemi për Kupat e Europës”.

“Normalisht çdo sfidë kundër Skënderbeut unë e kam pak si speciale, për vetë faktin që kam kaluar shumë mirë në atë qytet, kam shumë kujtime dhe kam fituar shumë trofe. Kështu që do të jetë një sfidë speciale, sigurisht si gjithmonë ndaj Skënderbeut”, shprehet fillimisht Bicaj në “RTSH Sport”.

Më tej ai thekson se synojnë pikët maksimale: “Vijmë nga një sërë rezultatesh pozitive, nuk jemi ajo Teutë e fazës së parë. Grupi tani është më i lidhur në çdo repart. Them se do jetë një ndeshje e bukur. Teuta, ndaj çdo kundërshtari luan për fitore. Këtë e kemi treguar edhe ndaj Skënderbeut, që i kemi shkaktuar humbjen e parë. Edhe në Korçë objektivi ynë është fitorja”.

SILVESTER SHKALLA – Mbrojtësi po luan titullar ndeshjet e fundit dhe analizon përballjen me Skënderbeun. “Është një ekip shumë i fortë, është pretendent për titullin kampion. Është një ndeshje e rëndësishme për ne, jemi përgatitur 100% dhe shpresojmë të dalim me rezultat pozitiv, siç kemi dalë këto ndeshje. Rëndësia e fitores? Ecim me këmbë në tokë, është shumë e rëndësishme për ne. Me këtë trepikësh të bëjmë një hap të madh në kampionat”, shprehet Shkalla.

Ditët e fundit ka pasur lajme të ndryshme në lidhje me të ardhmen e mbrojtësit, madje që e çojnë atë te Tirana. Gjithsesi ai është i përqendruar momentalisht tek ekipi aktual. “Jam i fokusuar 100% te Teuta, po kaloj një moment të mirë dhe do të ndodhë çfarë të jetë kismet”, përfundon mbrojtësi për RTSH Sport.

Mbrojtësi: Kemi gabuar me Flamurtarin dhe Kamzën. S’flasim për objektiva, pasi duam vetëm të punojmë

Teuta do të luajë kundër Partizanit ditën e mërkurë. Kampionati pas pushimit për shkak të ndeshjeve të kombëtares do të rezervojë një sfidë mjaft impenjative për durrsakët. Në një prononcim për “Sport Ekspres”, futbollisti i durrsakëve, Silvester Shkalla, foli për vështirësinë e sfidës, por edhe për objektivat që ka Teuta në këtë sezon. Mbrojtësi ka shpjeguar edhe oshilacionet e skuadrës në dy javët e fundit të kampionatit, pasi ka humbur në shtëpi me Flamurtarin dhe barazoi me Kamzën në një sfidë me lojë të dobët.

OSHILACIONET – Ai e shpjegon me lodhje rezultatet e dobëta. ”Nuk mund të themi se ka diçka që nuk shkon. Ne nuk luajtën në maksimumin tonë, nuk e di se çfarë ndodhi. Mbase ndikoi edhe lodhja. Na vjen keq që lamë pikë, sidomos humbja me Flamurtarin në stadiumin tonë. Gjithsesi, tani nuk kemi kohë të qajmë pikët e lëna, por të mendojmë për ndeshjet e ardhshme dhe të bëjmë maksimumin për t’i fituar”.

PARTIZANI – Shkalla vlerëson “demat” dhe nuk mendon se ecuria e tyre e dobët do të ndikojë në paraqitjen e tyre. “Nuk do të mendojmë për formën e tyre aktuale, pasi nuk duam të shpërqendrohemi. Nuk i nënvlerësojmë, pasi e dimë se kanë një grup me elemente cilësorë në përbërje. Ne duam ta fitojmë këtë ndeshje, po ashtu si ekipi i tyre. Jemi duke punuar gjatë gjithë javës dhe po studiojmë edhe kundërshtarin, besoj se do të ia dalim me sukses. Ne duam të bëjmë kthesën në kampionat”.

OBJEKTIVAT – Të flasësh për objektiva në skuadrën e Teutës është thuajse e ndaluar, pasi është vetë trajneri Magani që kërkon të mbajë me këmbë në tokë dhe të karikuar lojtarët e tij. “Nuk duam të flasim për objektiva, pasi është ende herët. Ne do të bëjmë kampionatin tonë dhe më pas do të shohim pas gjysmës së tij se ku do të përfundojmë. Nuk duam të mendojmë për Kupa të Europës, duam të punojmë dhe të përfundojmë sa më lart në tabelën e klasifikimit”.