Shiriti i kapitenit

De Geas nuk i mjaftojnë milionat, kërkon edhe diçka nga Junajtid

Sport Ekspres — Tue, 23 Jul 2019 16:42:44 +0000

David De Gea duket se është bindur për të rinovuar me Juanjtid dhe së shpejti do të vendosë firmën mbi kontratë. Ai do të jetë portieri më i paguar në botë, duke fituar 375 mijë paund në javë. Por spanjolli nuk mjaftohet me kaq.
Në një intervistë për mediet ishullore intervistë ai shprehet se shiriti i kapitenit është një nder i madh dhe mendon se e meriton sepse ndihet si një nga lojtarët më me përvojë pas nëntë vitesh mes katërkëndëshit të “Djajve të Kuq”.

“E kam mbajtur shiritin për disa ndeshje. Është e mahnitshme të jesh kapiten i një klubi si Mançester Juanjtid dhe të mbroj këtë simbol. Do të isha shumë i lumtur nëse shiriti më besohej mua. Është sezoni im i nëntë, ndjehem si një nga lojtarët më me përvojë”, u shpreh De Gea.

Kapiteni i ri i Sitit, ja zgjidhja e Guardiolës

Sport Ekspres — Wed, 17 Jul 2019 20:56:54 +0000

Pas ikjes së Vinsent Kompani ka mbetur pa pronar shiriti i kapitenit të kampionëve të Anglisë. Ka shumë raste që e vendos klubi se kush do të mbajë këtë rol në fushë, por te Siti nuk vlen aspak kjo mënyrë e të zgjedhurit.
Pep Guardiola do e lërë në dorë të lojtarëve për të vendosur kapitenin e ri të “Qytetarëve”. “Kapitenin do e zgjedhim të gjithë së bashku. Kur të kthehen të gjithë do mblidhemi dhe do vendosim se kush do e mbajë shiritin”, u shpreh trajneri.

Pas largimit të Kompani, ka qenë David Silva që e ka mbajtur shiritin e kapitenit. Megjithatë, nuk do të jetë ai kandidati i vetëm. Edhe De Bryjne është dakort ta marrë shiritn nëse e zgjedhin shokët e ekipit.

Hysaj: Shiriti i kapitenit më gëzon, do të jetë një natë fantastike

Sport Ekspres — Fri, 22 Mar 2019 14:42:00 +0000

Në mungesë të Mërgim Mavrajt të pezulluar shiriti i kapitenit të kombëtares shqiptare do t’i kalojë Elseid Hysajt. Në një intervistë për “Supersport”, futbollisti shkodran u shpreh se e gëzon shumë fakti që do të jetë kapiteni i ekipit përfaqësues dhe për më tepër në qytetin e tij të lindjes.

“Të gjithë lojtarët do të donin të ishin kapiteni i kombëtares së futbollit. Është një gëzim shumë i madh për mua aq më tepër që ndeshja luhet në qytetin tim. Besoj se do të jetë një natë fantastike për mua”.

“Besoj se është një kundërshtar shumë i fortë. Do luftojmë për të marrë pikë. Po punojmë fort që të nxjerrim një rezultat të mirë. Klima në ekip është shumë e mirë. Është një grup i mirë, kemi shumë lojtarë që po marrin minutazh të plotë. Shpresoj që të marrim 6 pikë në të dyja ndeshjet, fusha do e tregojë”, përfundoi Hysaj.

Shiriti i kapitenëve: Fiorentina kundër rregullit, ironi nga Gjermania!

Sport Ekspres — Fri, 07 Sep 2018 11:27:27 +0000

Një nga risitë e Serisë A në këtë sezon ka qenë shiriti i kapitenit. Nuk lejohet më që lojtarët të mbajnë në krah shiritë të personalizuar, por ai duhet të jetë i unifikuar për të gjithë. Rregulli është thyer në tre javët e para nga lojtarë si: De Rosi i Romës, Gomez i Atalantës dhe Pezela i Fiorentinës.

Liga e futbollit italian ka vendosur të mos i ndëshkojë “rebelët”, por ka vendosur të thotë mjaft, duke vendosur një kufi për ta. Duke filluar nga java e katërt, askush nuk do të lejohet të mbajë në krah shiritë të personalizuar. Kapiteni i Fiorentinës, Pezela, por dhe gjithë lojtarët e ekipit nga Firence kanë deklaruar se nuk do të heqin dorë nga shiriti i dedikuar për ish-kapitenin Davide Astori, i cili humbi jetën në katër mars të këtij viti.

“Jemi gati për të paguar gjobat”, shprehen lojtarët e Fiorentinës në kor. Damiano Tomazi, presidenti i shoqatës së futbollistëve, ka tentuar të ulë gjakrat. “Rregulli i përcaktuar nuk përjashton përdorimin e shiritave të tjerë, por kjo gjë duhet të marrë autorizimin e Ligës së Serisë A.”

Çështja në fjalë është komentuar dhe në Gjermani. “Bild” nuk humbet rastin dhe komenton situatën e krijuar në futbollin italian. “Çmenduria e kapitenëve në Itali. Sikur futbolli italian nuk ka shqetësime të tjera për të zgjidhur”, përfundon ironia e gazetës gjermane.