Përforcohet Erzeni, firmosin dy ekspertë të së Parës

Sport Ekspres — Mon, 05 Aug 2019 18:47:07 +0000

Skuadra e Erzenit po merr formë dita ditës. Drejtuesit e klubit shijakas duan medoemos që të arrijnë ngjitjen në Superiore dhe për këtë skuadra ka afruar disa lojtarë me emër në Kategorinë e Parë.

Futbollistët më të fundit që i bashkohet Erzenit janë mesfushori Xhynejt Çutra dhe sulmuesi Ermir Rezi. Mesfushori kryeqytetas është një lojtarë me shumë eksperiencë në Kategorinë e Parë. 30-vjeçari është prej 7 vitesh një lojtar i rregullt i këtij kampionati ku ka luajtur me skuadra të ndryshme.

Durrsaku Rezi rikthehet te Erzeni pas tri vitesh. Sulmuesi 25-vjeçar ruan kujtime të bukura nga përvoja e mëparshme me shijakasit, ku në sezonin 2015/2016 shënoi 22 gola.

Merkato në Shijak, Erzeni përforcon sulmin

Sport Ekspres — Thu, 01 Aug 2019 11:26:44 +0000

Erzeni ka filluar merkaton për sezonin e ri. Ditën e sotme klubi shijakas ka zyrtarizuar firmën me sulmuesin Mirjan Hima. Sezonin e kaluar 21-vjeçari ishte pjesë e Spartakut të Tiranës në Kategorinë e Dytë.

Në të shkuarën Hima ka qenë pjesë e skuadrës së Burrelit si dhe ka pasur dy eksperienca në Itali me dy ekipe të Serie D. Kontrata e sulmuesit me klubin e Erzenit është e vlefshme për një sezon.