SHEVÇENKO TRAJNER – “Vështirësia ime më e madhe është që të bëj njerëzit të kuptojnë faktin që tani jam një trajner dhe jo lojtar. E ndjej veten time 100% takticien, mjeshter taktike. Mendoj, konsideroj dhe veproj totalisht në një mënyrë tjetër nga çfarë kam bërë në të shkuarën. Kam më shumë mendime dhe fle më pak gjumë.”
GATUZO – “Rino ka sjellë entuziazëm në klub dhe te tifozët. Ai është shumë i përgatitur dhe kanë kaluar shumë vite që kur Milani luftonte për një vend në Champions League. Gatuzo ka shumë merita, po ashtu edhe drejtorët Leonardo e Maldini. Ata sollën Piatek në janar.”
KRAHASIMI ME PIATEK – “Po e vërteton se çfarë vlerash ka. I kam dëgjuar krahasimet, por kemi shumë karakteristika të ndryshme. Ai do të krijojë rrugën e tij. E vlerësoj shumë nuhatjen që ka për gol. Shënon në shumë mënyra.

RONALDO DHE JUVENTUSI – “Kristiano ngjan më i ri nga çfarë është në të vërtetë. Nuk duket aspak si 34 vjeç kur e sheh në fushë. Juventusi ishte shumë ekip i fortë edhe përpara Ronaldos, por me sa duket kishin nevojë për një lojtar të klasit botëror për të zgjidhur situatat thuajse të pamundura. Tani që ata kanë Kristianon, mund të fitojnë Championsin.”

ALEGRI – “E vlerësoj shumë Maks Alegrin dhe aftësinë që ai ka për të motivuar grupin. Është trajneri perfekt për të bashkëpunuar me shumë kampionë. Kur ke lojtarë të mëdhenj duhet të gjesh mënyrën e duhur që t’i kombinosh dhe t’u japësh besim dhe Alegri di ta bëjë këtë gjë.”

Sheva ka mbetur mjaft i kënaqur nga barazimi i marrë në miqësoren e mbyllur 1-1 në Xhenova, duke e pranuar se Italia ishte superiore.

“Jam shumë i kënaqur nga skuadra ime. Në pjesën e parë Italia ishte më lart, e kontrolloi ndeshjen. U bëj komplimente. Më pas, duke ndryshuar disa gjëra, erdhën disa kundërzbritje nga në dhe barazimi na kënaq plotësisht. Bëmë shumë gabime dhe në këto nivele është e pafalshme”, tha Sheva, i cili foli edhe për tema të tjera.

“Verrati? Mendoj se është një lojtar shumë i rëndësishëm për mesfushën e Italisë. Ançeloti? Do flas me të, sigurisht. I uroj fat Italisë për ndeshjen kundër Polonisë”.

Më tej Shevçenko foli për gjendjen e skuadrës së tij: “Po përpiqemi të caktojmë në fushë një skuadër kompetitive, edhe pse kemi pasur disa probleme së fundmi. Në këtë periudhë është e vështirë të gjesh ekuilibrin me lojtarët. Nuk kemi Jarmolenkon në këtë ndeshje, pjesën tjetër do ta shihni. Megjithatë në fushë do të shihni një ekip konkurruese që do të kërkojë të bëjë një lojë të mirë. Formacioni? Nuk kam sekrete si Mançini, por kam vështirësi dhe vetëm pas stërvitjes së fundit do të shohim reagimin e lojtarëve”.

VËSHTIRËSITË E ITALISË – “Kanë shumë lojtarë të dëmtuar. Mendoj se Italia është e mbushur me talente. Ndoshta nuk kanë gjetur akoma një lojtar në sulm që të jetë shumë i rëndësishëm. Por kanë shumë talente, Italia gjithmonë ka pasur lojtarë të mirë. Për shembull është një Milan që po bën mirë. Si e shpjegoj vështirësinë që po kalon Italia? Është e vështirë ta shpjegosh, nëse ju nuk mund të gjeni një shpjegim. Unë gjithsesi shoh lojtarë me potencial, të cilët kanë nevojë për pak kohë”.

SHUMË LOJTARË NGA SHAKTJARI – “Është ekipi më i fortë, por për fat të keq shumë lojtarë të mirë nuk luajnë titullarë. Kampionati ynë ka humbur shumë prej problemeve, por unë shoh një vullnet të madh të djemve. Shqetësohem për nesër, sepse të luash në Itali nuk është e lehtë”.

BERLUSKONI TE MONZA – “I bëra komplimente për këtë aventurë të guximshme. Është bukur të kthehet përsëri në futboll së bashku me Galianin. Unë në stol? Kemi bërë shumë shaka me këtë gjë, por jam i angazhuar me ekipin kombëtar dhe dua të bëj një punë të mirë dhe ta çoj Ukrainën në Europian”.

TË QENURIT TRAJNER I UKRAINËS – “Është nder për mua të jem trajner i ekipit kombëtare. Kemi një detyrë të rëndësishme përpara. Mora drejtimin e ekipit si trajner pas Euro 2016. Nuk ishte e lehtë për mua, pasi lojtarët ishin poshtë moralisht. Na u desh që të punonim shumë, t’u jepnim siguri dhe të ndryshimin mënyrën e lojës. Për këtë arsye duhet kohë. Humbëm përballë një Kroacie të fortë. Tani kemi gjetur sigurinë, disa lojtarë kanë reaguar mirë dhe më bën ta shoh të ardhmen me sy pozitiv. Qëllimi ynë është të kualifikohemi në Europian dhe të jemi kompetitivë”.

TRAGJEDIA NË XHENOA – “Kemi vizituar edhe urën sot. U përpoqëm të qëndromin pranë popullit italinë, pranë popullsisë xhenoveze në këtë tragjedi. Shumë njerëz kanë vdekur, ka kaq shumë njerëz që kanë mbetur të pastrehë. Është e vështirë të gjesh fjalë për atë që ndodhi. Itali është shtëpia ime e dytë dhe i qëndroj pranë në këto momente”.

Ky besim është shprehur me vendimin për t’i rinovuar kontratën deri në vitin 2020, ndërkohë që ish-sulmuesi do të ketë sërish si krahun e tij të djathtë italianin Mauro Tasoti. Shevçenko e mori drejtimin e Ukrainës në korrik të vitit 2016.

Ndërkohë së fundmi i është ofruar kontratë edhe një ish-sulmuesi të famshëm. Thierri Henri, i cili i është futur fushës së trajningut, kërkohet nga Aston Villa. Francezi ishte në Botëror si asistent i Roberto Martinez te Belgjika dhe u rendit në vendin e tretë në këtë turne.

Më parë është lakuar si një kandidat për të marrë drejtimin e Arsenalit, por Henri nuk e ka parë veten gati për të ndërmarrë një aventurë e tillë. Ndoshta Aston Vila në Championship do ishte një pikënisje e mirë për francezin.

Pikërisht ai, që në 1999 ishte edhe goditja e merkatos së Milanit kampion, i drejtuar nga Zakeroni, i intervistuar nga shtypi ukrainas që nuk flet aspak fjalë të mira për merkaton e Milanit, duke i bërë një analizë që më shumë ngjan me një “dush të ftohtë” për kuqezinjtë. “Milani? Nuk di se çfarë të pres. Ka dy mënyra të ndryshme për të marrë rezultate. Mënyra e programuar dhe ajo e improvizuar. Për mendimin tim aksionet e kuqezinjve janë shumë konfuze, nuk ekziston një plan i vendosur”, ka thënë trajneri aktual i kombëtares së Ukrainës. Sulmuesi, që në 2004 fitoi “Topin e Artë” kur ishte me kuqezinjtë ka folur edhe për trajnerin Montela, duke thënë: “Vinçenco Montela kishte një vizion dhe strategji, por gjatë kësaj kohe ata duhet të lëviznin shumë më shpejt. Pastaj ka shumë lojtarë të rinj. Ata blejnë një lojtar për një pozicion dhe një muaj më pas vjen një tjetër po në të njëjtin rol. Këto vendime janë të improvizuara”.

MERKATOJA VERORE – Akuza të drejtpërdrejta nga ana e Shevës që duhet të analizohen nga Mirabeli dhe Fasone. Mbi të gjitha ardhja e Bonuçit te Milani. Ish-lojtari i bardhezinjve është i duhuri për idenë e lojës së Montelës me atë skemë 4-3-3 që falë ardhjes së Musakios nga Spanja mund të kthehet në një 3-5-2 aq i dashur për trajnerin që në kohët e Fiorentinës dhe Sampdorias, duke llogaritur edhe praninë e Romanjolit. Konti në krahun e djathtë dhe Rodrigez i majtë janë dy “shtylla” të tjera të rëndësishme në projektin e Milanit të ri. Për të mos folur më pas për Bilian, apo Kesien, që së bashku me Xhalhanoglu arrijnë të bëjnë një mesfushë të rëndësishme. Në fund, Mirabeli dhe Fasone kanë vendosur që të investojnë gjithçka për Andre Silvën dhe së shpejti edhe për Kaliniç. Ndërsa Borini do të jetë rezervë.