Një video e këtij sherri masiv është publikuar menjëherë në internet, ku shihet qartë se është treguar dhunë kundrejt gjyqtarëve të sfidës. Kryesori i takimit, Ndiae, ka shpjeguar:

“Nuk jam unë ai që është rrahur. Duhet të dini të gjithë se te ajo video që ka qarkulluar në internet, nuk jam unë. Askush nuk më ka sulmuar mua, por asistentin tim e kanë goditur”, tha Ndiae për “Les Echos”.

Siç shihet nga pamjet e siguruara nga “SportEkspres”, gjithçka ka nisur nga një tifoz i Tiranës, i cili ka replikuar me djalin e presidentit të Skënderbeut, Gerhard Takaj. Ky i fundit reagoi ashpër, duke goditur me një send tifozin në fjalë. Situata më pas agravoi dhe pati edhe përplasje fizike, por personat e tjerë të pranishëm në tribunë, përfshirë këtu dhe dy presidentët Takaj dhe Halili, bëri që situata të qetësohej disi.

Polica ndërhyri menjëherë dhe mësohet të ketë dhe një person që është shoqëruar në rajon.

E paqartë në fakt ajo që ndodhi, por u desh të ndërhynte policia që të qetësohet e gjithë situata. Një episod që nuk shkon në një ndeshje futbolli, por që fatmirësisht gjërat nuk u përshkallëzuan.

Në pamjet filmike të mëposhtme tregohet e gjithë dinamika e ngjarjes. Kamera e ndodhur në zonën miks ka kapur momentin e një debati midis presidentit Pashk Laska dhe futbollistët të Tiranës Majkëll Ngo.

Situata më pas përkeqësohet me konfrontim fizik midis palëve që zgjat përreth 20 sekonda derisa forcat e sigurisë qetësojnë situatën.

VITI HISTORIK – “Në fakt, 100 vjetori është një datë historike për Vllazninë. Është ekipi më i vjetër në Shqipëri, më me shumë histori dhe askush nuk mundet ta hedh poshtë këtë gjë. Jam shumë i lumtur që jam pjesë e Vllaznisë në këtë vit të shënuar, por nuk më vjen mirë që ndodhemi në këtë kategori”. 

VLLAZNIA – “Ëndrra e çdo fëmije shkodran është që të luajë me Vllazninë. Që kur isha fëmijë doja të luaja me Vllazninë dhe e vlerësoj shumë faktin që arrita këtu. Për mua është ekipi më i mirë në Shqipëri dhe nuk mendoj asnjë gjë tjetër”.

SITUATA – “Vllaznia është në rrugën e duhur për t’u rikthyer në Superligë. Punët kanë ecur mirë dhe jemi 10 pikë larg vendit të dytë. Kemi krijuar një shkëputje të kënaqshme, por nuk duket të mjaftohemi me kaq, por të arrijmë sa më shpejt edhe matematikisht titullin kampion”.

ATMOSFERA BRENDA GRUPIT – “Sigurisht, për ne çdo ndeshje është e rëndësishme për ne dhe kur atmosfera është e mirë në skuadër, mund t’ia dalim. Kampionati ka treguar se nuk ka ekipe të dobëta dhe të gjitha skuadrat duan të mundin Vllazninë”.

STËRVITJA – “Për mua, asnjë ditë e stërvitjes nuk më mërzit. Ne kemi fatin e mirë që e kemi punë një pasion që kemi dhe kjo është gjëja që na motivon më shumë. Në futboll, motivimi më i madh është që të arrijmë sa më shumë dhe të shkojmë sa më lart”.

FILLIMI – “E kam nis futbollin krejt rastësisht. Shkova për të parë vëllanë në stërvitje dhe atë ditë, mungoi një portier. U futa unë në portë dhe rastësisht, kundërshtari nuk më bëri asnjë gol. Trajneri më kërkoi që të shkoja të nesërmen sërish në një ndeshje dhe gjithçka shkoi mirë. Trajneri vendosi të më mbajë dhe aty filloi gjithçka. Isha vetëm 10-vjeç kur kam filluar stërvitjen”.

RRUGËTIMI – “Ka qenë një rrugë shumë e vështirë, sidomos në vitet e para. Kam bërë shumë sakrifica dhe kjo është diçka që një sportist e bën edhe më të fortë. Shkodra ka shumë talente dhe kryesorja është të mos ndalosh asnjëherë së punuari”.

DYSHIMET – “Në fakt, çdo gjë ka ulje-ngritjet e veta. Kur kam pasur uljet më të mëdha, kam pasur disa dyshime nëse do t’ia dal apo jo dhe kam menduar edhe të ndaloj. Por familja ka qenë shtysa ime më e madhe dhe gjithmonë kur shkoja në shtëpi, të gjithë familjarët më mbështesnin që të vazhdoja sërish”.

MARRËDHËNIA ME TIFOZËT – “Shkodra ka edhe shumë tifoze… (qesh). Më vjen mirë që në Shkodër ka shumë tifozë dhe janë një shtysë shumë e madhe për ne. Edhe kur ekipi është në momente të vështira, tifozët na kanë mbështetur. Nuk e di çfarë mendojnë tifozët për mua, por mund të them se gjithçka është mirë deri më tani. Duhet të bashkohemi të gjithë së bashku që të arrijmë qëllimet tona”. 

HUMBJET – “Kur humbasin ndonjë ndeshje, dita më pas është më e vështira. Duket sikur s’ke motivim dhe asgjë s’ia vlen. Gjithsesi, gjithmonë i lëmë pas dhe punojmë më shumë. Në Shkodër, është e vështirë që të kalosh në rrugë dhe të mos hasësh tifozë, prandaj humbjet duhen anashkaluar (qesh)”.

NDESHJA MË E MIRË – “Ndeshjen e parë timen e kujtoj shumë mirë. Ka qenë një derbi me Tiranën dhe ka qenë një ndër derbit më të bukur në Shqipëri. Ajo ndeshje do të mbahet mend gjatë. Ndërsa ndeshja më e mirë ka qenë një fitore që morëm kundër Skënderbeut në Shkodër, pasi i gjithë ekipi ishte perfekt”.

IDHULLI – “Për mua influenca më e madhe është Iker Kasijas. Edhe Nojer është një portier i madh, por më duhet të them Kasijas”- përfundoi Sherri.

“Është një bast i imi dhe i klubit. Është i ri, eksperienca i mungon, por ka talent dhe kemi pritshmëri të jashtëzakonshme për të, do të shkojë larg dhe jam i bindur për këtë. Nuk është ende i kompletuar, ka bërë ndonjë gabim në ndeshjet që ka luajtur, por nga ana tjetër ka hapësira të mëdha përmirësimi dhe kam shumë besim se do të rritet e Vllaznia do të fitojë një portier për një dekadë. Është e qartë që po rrezikoj, sepse e di që do të më kritikojnë nëse Sherri gabon, por jam i bindur se e ardhmja i përket atij”.

Rasti Atletik Bilbao flet qartë: ekip i tëri bask, lojtarë vendas që rriten dhe promovohen, me klubin që qëndron në nivele të larta, luan në kupat e Europës dhe ka stabilitet financiar. Stabilitet që i mungon Vllaznisë, natyrisht, por mungon edhe largpamësia.

Realiteti është që në Shkodër nuk mungojnë vetëm paratë: ato janë një justifikim i mirë për të thënë që “ja pse nuk kami sukses, nuk merr dot lojtarë të mirë falas”. E megjithatë, këtë verë në Shkodër u kthyen Vucaj, Hasani e Gilman Lika, lojtarë jo dosido, që kanë emër dhe kontrata të rënda. Pra, paratë nuk është se mungojnë.

Ajo që mungon, është aftësia për të rritur dhe reklamuar si duhet talentet. Mungon një strategji, një plan afatgjatë, një model “Skënderbeu” në miniaturë, sepse është e pakonceptueshme që Tirana e rënë nga Superiorja të arkëtojë qindra milionë lek nga shitja e talenteve të saj, ndërsa Vllaznia nuk merr asgjë dhe nuk shet askënd. Mungojnë talentet? Gafë e rëndë ta thuash: mjafton të kujtojmë që Rubin Hebaj iku falas në Slloveni, ku po shënon, ndëra Uendi Vecaj shkoi te Dinamo e Zagrebit, ku u pëlqye, ndërsa në Shkodër nuk është se vlerësohej shumë.

Po aktualisht? Ekziston një rast tipik që flet qartë për mungesën e largpamësisë në Shkodër dhe ai quhet Alen Sherri, një emër për të cilin flitet prej kohësh dhe të gjithë ata që e kanë parë të stërvitet dhe të luajë, thonë që është talent i madh. Portier 19 vjeç, thuajse 2 metra i gjatë, prej 4 vitesh pjesë e ekipit të parë, që në sezonin 2014/2015 luajti edhe 7 ndeshje si titullar në Superiore. E kërkuan klube të huaj, u provua edhe te Roma, i vëzhguar dhe i pëlqyer nga një mjeshtër si Valter Sabatini, por nuk u bë asgjë, për çështje dokumentacioni dhe financiare. Normalisht, një klub tjetër do ta kuptonte që ka në dorë një “xhevahir” të vogël, që duhet rritur dhe reklamuar sa më shumë të jetë e mundur. Thuhet shpesh se Skënderbeu aktivizon disa lojtarë më shumë nga të tjerët vetëm e vetëm për t’i bërë të njohur dhe për t’u rritur vlerën në treg, duke ia dalë mbanë me sukses, mjafton të shihet që iku Latifi, erdhi Sahiti dhe ky i fundit ishte më i miri në fushë dje ndaj Jang Bojs.

Te Vllaznia ndjekin rrugë të tjera, prej vitesh marrin lojtarë të huaj, akuzojnë portierë për paaftësi apo për mungesë impenjimi, provojnë shumë të tjerë dhe në fund ankohen që nuk gjejnë dot lojtarë cilësorë. Mungesë vlerësimi edhe për portierët aktualë, Selimaj e Sherri. Dashja pa dashje, Selimaj është titullar, ndëra Vllaznia nuk ka menduar as ta huazojë diku Sherrin për të luajtur rregullisht. Tipik rasti i Gentian Selmanit në Laç: aty patën guximin t’i japin një fanellë titullari dhe tashmë duket si veteran, një garanci në portë.

Sherri në këtë moment nuk po luan, kontrata i përfundon në 2019 dhe ndoshta deri atëherë do të detyrohet të presë, para se të largohet falas, ndërsa Vllaznia do të shpresojë që të kapë ndonjë euro nga taksa e formimit, nëse Sherri ikën jashtë Shqipërie. Përndryshe…