Ishte Asani ai që shënoi i pari, në minutën e 29-të të takimit. Solomon bën gjithçka mirë dhe shërben për numrin 10, i cili nuk e ka të vështirë të shënojë me të majtën. Edhe pse në disavantazh, Sherifi nuk u trondit dhe arriti të barazojë në pjesën e dytë, gol që vendosi rezultatin final të sfidës në 1-1.

E enjte, 1 gusht 2019
“Sheriff Stadium” (19:00)

Sherif T. – Partizani  1-1 (1-0)
N’diaje 63′ / Asani 29′

FORMACIONET

Sherif: Mikuliç, Muzek, Balima, Kristiano, Anton, Hordienko, Tambe, Boban, Latifi, Kendish, Diaje

Partizani: Hoxha, Boldor, Belica, Bitri, Trashi, Telushi, Mala, Broja, Asani (Braun 70′), Kordeiro, Solomon

Kartonë të verdhë: Paliç 9’, Muzek 52’, N’diaje 61’ / Solomon 28’, Boldor 62’, Mala 66’

EPISODET – 

90’ – Mbyllet takimi në Moldavi, Partizani eliminohet nga Europa League

63’ – Shënon Sherifi. N’diaje shfrytëzon mjaft mirë një harkim nga një goditje dënimi dhe mposht portierin Hoxha nga një distancë e afërt. Fillimisht, ka një flamurt lart për një pozicion të parregullt, por më pas goli akordohet. 1-1.

51’ – Minuta të qeta, Partizani mbrohet mirë

46’ – Nis pjesa e dytë në Moldavi, skuadrat zbresin në fushë

45′ – Mbyllet pjesa e pare, vendos goli i Asanit (29′)

29’ – Goool Partizani. Solomon lufton mirë me mbrojtjen kundërshtare dhe jep një pasim shumë të bukur te Asani, i cili i vetëm përballë portierit shënon me të majtë. 0-1 për “Demat e Kuq”

10’ – Sherifi synon të gjejë golin me krosime nga krahët, por Belica dhe Bitri largojnë çdo rrezik

1’ – Nis takimi në “Sheriff Stadium”

Të enjten demat mirëpresin në Tiranë një tjetër ekip kampion. Moldavët e Sherif Tiraspol rikthehen në Shqipëri dy vite pasi u përballën me Kukësin e Ernest Gjokës. Skuadra nga territori autonom i Transnistrisë nuk vjen si favoritë këtë në takim në kuotat e kompanive ndërkombëtare të basteve.

Kampionët e Shqipërisë shihen si favoritë me një koeficient fitoreje prej 2.34, ndërsa barazimi kuotohet me 3.24. Triumfi i moldavëve në tokën shqiptare shoqërohet ke koeficientin 2.75.

Skuadra e drejtuar nga Qatip Osmani ka triumfuar në ndeshjen e parë me Sherifin e Tiraspolit me rezultatin minimal 1-0 dhe sot do të tentojë një tjetër rezultat pozitiv në Moldavi, ku do të vendoset dhe fati i kualifikimit. Kuqezinjtë kanë mjaft kualitet në përbërje dhe në ndeshjen e parë me pak fat mund të kishin marrë një rezultat më të thellë, por edhe sot kanë shumë shanse që të regjistrojnë një tjetër rezultat pozitiv.

Sherifi eliminoi Kukësin edicionin e shkuar dhe arriti deri në grupet e Europa League-s, megjithatë nuk është e njëjta skuadër dhe duhet përmendur se ndaj verilindorëve nuk është se ishte ndonjë skuadër që bëri kushedi se çfarë, madje ishte dhe inferiore mund të thuhet në ndeshjen e kthimit. Veç kualifikimit, Shkëndija mund të marrë në një farë mënyre dhe hakmarrje për eliminimin e Kukësit.

Pak minuta më parë janë publikuar dhe formacionet zyrtare, me Osmanin që ka hedhur në fushë një skuadër mjaft sulmuese. Ndeshje do të fillojë në orën 19:00.

Një vit më vonë, Sherifi i Tiraspolit përballet me një tjetër skuadër shqiptare, Shkëndijën e Tetovës. Aty luan Izair Emini. Kuqezinjtë e kanë fituar ndeshjen e parë në shtëpi minimalisht 1-0 dhe sot në Moldavi do të kërkojë një tjetër rezultat pozitiv, që do i çonte në turin e tretë të Championsit.

I motivuar në maksimum dhe Izair Emini, i cili do të kërkojë të ndihmojë skuadrën e tij për të shkruar historinë, por dhe për të marrë hak për eliminimin e një viti më parë me Kukësin, diçka që e ka pranuar dhe ai.

Emini realizoi golin e parë në historinë e tetovarëve në Champions. Moldavët sigurisht që nuk e kanë harruar ndeshjen e një viti më parë, ndaj nesër e dinë se Emini do të ketë shumë arsye për të dhënë më shumë se 100%.

Sindrit Guri u afrua në verën e vitit 2016 te Kukësi, me synimin që të ishte një alternativë për Pero Pejiçin dhe Izair Eminin. Muskujt e tij nuk arritën ta mundnin eksperiencën e viteve që kishin mbi shpinë dy goleadorët e Kukësit, megjithatë në çdo moment që i jepej mundësia, bënte maksimumin. Nëse në kampionat nuk pati shumë minuta në dispozicion, shkodranit iu dha mundësia në Kupat e Europës. Ndonëse jo në pozicionin e tij natyral, Guri u adaptua në rolin e një mesfushori krahu mjaft mirë, duke i surprizuar të gjithë. Përshtatja në ketë pozicion nxori më së miri në pah aftësitë e 23-vjeçarit, i cili në të dy takimet bëri mjaft mirë dhe me inkursionet e tij vuri shpesh në vështirësi kundërshtarin, madje një nga lojtarët më të fortë të Sherifit, si braziliani Kristiano. Performanca e tij e mirë nuk kishte si të mos hynte në konsideratë të klubit moldav, që e veçoi Gurin dhe për shkak të moshës së tij premtuese.

OFERTA – Siç “Sport Ekspres” ka raportuar prej ditësh, trajneri i Sherifit të Tiraspolit, Roberto Bordin, u ka kërkuar drejtuesve të skuadrës të interesoheshin veçanërisht për sulmuesin, i cili “ja vështirësoi jetën” mbrojtësit të tyre. Menjëherë klubi ka kontaktuar lojtarin, duke u interesuar për kontratën dhe periudhën kur i përfundon ajo. Shkodrani kishte firmosur një kontratë 1+1, që ishte rinovuar automatikisht, duke e bërë të pamundur largimin nga Kukësi. Në këtë pikë, 23-vjeçari bisedoi me presidentin Gjici, por nuk gjeti mundësinë të largohej si lojtar i lirë. Sapo Sherifi ka mësuar diçka të tillë, ka përgatitur dhe ofertën zyrtare për klubin e Kukësit, që arrin shifrën 100 mijë euro. Fakti se Guri është angazhuar në kampionat vetëm në pesë takime si titullar dhe në 25 të tjera si zëvendësues, kushtëzojnë depozitimin e një shifre më të konsiderueshme. Kukësi nuk e ka pranuar në momentin e parë këtë ofertë, duke kërkuar fillimisht 300 mijë euro, por tashmë mësohet se pretendimet janë ulur, duke kërkuar 200 mijë euro. Duket e vështirë që kundërshtari që i eliminoi nga Kupat e Europës të rrisë ofertën e tij. Në këtë pikë Kukësi ka një mundësi të artë të rrisë buxhetin e klubit, por mbi të gjitha, të futet në tregun e shit-blerjeve, që e ka harruar prej vitesh. Tre sezone më parë Kukësi shiste për të njëjtën shifër Sokol Cikallehsin te RNK e Splitit dhe që asokohe nuk ka arritur që të fitojë të ardhura nga shitja e lojtarëve. Duket një mundësi fantastike, që i hap udhë për të tjera transferime, pasi do të ishte një hap shumë i madh për t’u bërë një klub europian. Mbetet për t’u parë nëse presidenti Gjici do ta marrë në konsideratë këtë mundësi ideale për t’u rikthyer në treg dhe për të mbushur arkën.

Skeda

Emri: Sindrit

Mbiemri: Guri

Mosha: 23 vjeç

Vendlindja: Shkodër

Pozicioni: Sulmues

Sezoni          Klubi    Ndeshje    Titullar   Gola

2016/2017 Kukësi         25           5           2

2015/2016 Korabi         27           27         20

2014/2015 Vllaznia         7            4           0

2014/2015 Kastrioti       11           10          0

2013/2014 Besa            27           17          1

2011/2013 Vllaznia         13           3           1

Në lidhje me Kukësin: “Mendoj se ekipi i Kukësit nuk na surprizoi, e dinim çfarë na priste. Kukësi është ekip shumë i mirë, ishte shumë i organizuar dhe i drejtuar me shumë zgjuarsi nga trajneri i vet, që ka bërë një punë të shkëlqyer dhe e kërkoi fitoren deri në fund. Kukësi është ekip që luan mirë në grup, na vuri në vështirësi të mëdha, nuk mund të veçoj një lojtar të Kukësit”.

Gjithsesi, mendja është te Kukësi: “Luajtëm gjatë gjithë ndeshjes me skemën 4-3-3 dhe nuk e ndryshuam në asnjë moment. E kemi analizuar ndeshjen e parë me skuadrën shqiptare dhe jemi munduar të lëvizim disa gjëra të vogla për të arritur qëllimin tonë. Ne do të bëjmë lojën tonë për të kaluar në raundin tjetër. Fitorja 1-0 sigurisht që është më mirë se 0-0. Më e rëndësishme është qe nuk kemi humbur dhe pësuar gol në fushën tonë. Mund të shënonim 2 apo tre gola më shumë. Të shohim se çfarë do të ndodhë. Do të udhëtojmë drejt Shqipërisë me shpresën për të marrë rezultat pozitiv.”

Champions League/ Turi i dytë kualifikues, ndeshja e parë

Sherif Tiraspol     1

Kukësi                  0

Goli

79’ – Serran çuditërisht ndal një top me dorë brenda zone, nuk ka dyshime për gjyqtarin që akordon 11-metërsh, Badibanga merr përsipër ekzekutimin, duke kaluar të tijtë në avantazh. Koliçi dhe pse kupton krahun nuk mundi që ta devijonte topin.

Sherif Tiraspol: Mikuliç, Kristiano, Raku, Posmak, Sushiç, Zhardan (Badibanga 69′), Anton, De Nujer (Bordian 90+2′), Brezovec, Bajala, Mugosha (Damashkan 83′). Trajner: Roberto Bordin. Të gatshëm: Juriç, V. Oliveira, J. Oliveira, Oansea.

Kukësi: Koliçi, Hallaçi, Shameti, Serran, Rrumbullaku, Musolli, Guri (Emini 83′),  Lena, Zeqiri (Nasar 66′), Kale (Karioka 90′), Pejiç. Trajner: Ernest Gjoka. Të gatshëm: Koci, Hoxha , Imami.

Gjyqtarë: K. Nikolaides, K. Harallambus, I. Lazarou, V. Dimitrius.

Katonë të verdhë: Sushiç 25′, Anton 62’/ Serran 78′

Episodet

2’ – Rrumbullaku ekzekuton një goditje dënimi, topi largohet nga mbrojtja.

3’ – Brozovec gjen hapësirën për të goditur, pas një aksioni të gjatë të vendasve, topi përfundon pak mbi traversë.

7’ – Raku tenton të godasë nga brenda zone, ndërhyrja e Shametit në momentin e fundit vendimtare, duke çuar topin në këndore.

9’- Kale “vjedh” një top në mesfushë dhe vertikalizon për kroatin Pejiç, i cili shmanget bukur dhe godet, një nga mbrojtësit baht shpëtimtar për Sherifin.

14’ – Brezovec godet bukur nga jashtë zone, spektakolare pritja e Koliçit

18’ – Harkimi i Kristianos nga e majta shkon në krahun tjetër, aty ku Zhardan godet bukur me kokë me topin që përfundon vetëm pak centimetër sipër traversës.

27’ – Aksioni i bukur i Kukësit, Zeqiri harkon nga e djathta, me Pejiç që ul për Kalenë, për tu harruar goditja e brazilianit edhe pse në një pozicion mjaft të favorshëm.

28’ – Miqtë ekzekutojnë një goditje dënimi, Posmak godet me kokë, topi përplaset në shtyllë dhe përfundon tek Bajala, i cili me portën e boshatisur gabon duke çuar topin jashtë.

36’ – Brezovec godet fort nga një goditje dënimi, ndërhyrja e Koliçit është vendimtare, duke çuar topin në këndore.

38’ – Brezovec kthehet në rrezikun numër një të portës së Kukësit, duke rrezikuar nga një tjetër goditje dënimi, por shtylla i mohon golin.

49’ – Koliçi mban në lojë Kukësin, Mugosha Godet bukur me të djathtën, por“gardiani” i Kukësit është në një ditë fantastike.

54’ – Kukësi del bukur përpara, Pejiç vonohet në goditje, dhe ndërhyrja e një prej mbrojtësve kundërshtar çon topin në këndore.

63’ – Brezovec përsëri baht “makth” i Kukësit, por Koliçi i thotë përsëri “jo”.

72’ – Një top i gjatë nga e majta përfundon tek Mugosha që devijon saktë, Koliçi mund të quhet me plot gojë heroi i Kukësit me pritjen që bën.

73′ – Anton gjen një top të ardhur nga këndi dhe godet bukur, Rrumbullaku i merr petkun Koliçit duke qenë ai shpëtimtari kësaj radhe.

85’ –  Nasar nga e djathta krijon rastin ideal për shënim, pasi gjen hapësirën godet bukur, por topi përkëdhel shtyllën, përfundon jashtë.

86′ – Vijon dueli Brozovec-Koliçi, portieri  i Kukësit vijon që të jetë më i miri në fushë.

Formacioni i Sherif Tiraspolit: Mikuliç, Kristiano, Raku, Posmak, Sushiç, Zhardan, Anton, De Nujer, Brezovec, Bajala, Mugosha.

Trajner: Roberto Bordin

Formacioni i Kukësit: Koliçi, Hallaçi, Shameti, Serran, Rrumbullaku, Musolli, Guri, Lena, Zeqiri, Kale, Pejiç.

Trajner: Ernest Gjoka

Mes shumë mungesash, trajneri Gjoka i është dashur që të ndryshojë llogaritë. Porta dhe mbrojtja mbeten të paprekura, me Koliçin që do të vihet mes tre shtyllave dhe para tij Hallaçi, Shameti, Serran dhe Rrumbullaku. Në mesfushë më i tërhequr i paprekshëm duket Musolli, ndërsa para tij do të vihen Lena dhe debutuesi Zeqiri. Në të majtë Kale ka fituar një fanellë titullari, ndërsa në krahun tjetër do të përshtate sulmuesi Guri si një mesfushor. Në majën e sulmit mbetet një pikë referimi veterani kroat Pero Pejiç.

Nëse Kukësi vjen me disa mungesa, në krahun tjetër Sherifi i Tiraspolit, do të zbresë në fushë i plotë.

FORMACIONET

Formacioni i mundshëm i Sherif Tiraspolit (4-5-1)

Mikuliç – Kristiano – Raku – Posmak – Sushiç – Damashkan – Anton – De Nujer – Brezovec – – Bajala – Mugosha

Formacioni i mundshëm i Kukësit (4-1-4-1)

Koliçi – Hallaçi – Shameti – Serran – Rrumbullaku – Musolli – Guri – Lena – Zeqiri – Kale – Pejiç

Fatkeqësisht u eliminuan të dyja, verilindorët nga gjigantët e Trabzonsporit, ndërsa korçarët nga ukrainasit e Odesës me penallti. Arsyeja në ato ditë dukej e drejtë, pasi për të parën herë mund të kishim një skuadër në grupet e Europa League-s, por sot duket e çuditshme pse kampionati duhet të nisë në shtator.

Ndryshe nga ne, në Moldavi kampionati fillon sot, ndërsa kundërshtari i Kukësit do të zbresë në fushë nesër për të sfiduar Zorian, vetëm 3 ditë para një takimi shumë të rëndësishëm me Kukësin. Kjo është një mundësi e mirë për trajnerin Gjoka dhe stafin e Kukësit që të studiojë kundërshtarin, edhe pse me shumë gjasa moldavët do të ruhen në këtë takim, pasi e dinë mirë që do të jenë nën vëzhgimin e kuksianëve.

Sot ka ardhur edhe përforcimi i fundit, sepse është prezantuar zyrtarisht qendërmbrojtësi Veaceslav Posmac. Bëhet fjalë për një futbollist 26-vjeçar nga Moldavia, pikë kyçe e Daçias në 5 sezonet e fundit.

Titullar fiks edhe te kombëtarja e Moldavisë, Posmac shkëlqeu edhe sezonin e fundit dhe tashmë ka arritur marrëveshjen me Sherifin, sepse kontrata me Daçian i kishte përfunduar.

Një përforcim serioz për kampionët moldavë, që kanë zëvendësuar më së miri qendërmbrojtësin serb Vujadin Saviç, i transferuar te Crvena Zvezda në Beograd.

Sot Sherifi ka zyrtarizuar dy goditje mjaft cilësore, sepse i ka marrë Osijekut portierin kroat Zvonimir Mikuliç, 27 vjeç, titullar i paprekshëm me Osijekun prej 4 sezonesh, si dhe ka afruar sulmuesin malazez Stefan Mugosha, 25 vjeç.

Sulmuesi i kombëtares së Malit të Zi është ndeshur me Flamurtarin para disa vitesh, kur luante për Buduçnostin, ndërsa në sezonin 2013/2014 kaloi te Mlladosti, duke realizuar 15 gola në 29 ndeshje.

Që aty, kaloi të Kaizerslauterni në Gjermani, më pas te Aue, te Mynih 1860 e në pjesën e dytë të sezonit të fundit te Karlsruhe në huazim, me 2 gola në 12 ndeshje.

Falimentimi i Mynih 1860 e nxorri Mugoshën të lirë në treg dhe Sherifi përfitoi, duke firmosur sot, një rrezik më shumë për Kukësin.

Aleksei Koshelev, portier 23 vjeç i kombëtares moldave, ka lënë Sherifin, ku luante prej 2 vitesh, duke u transferuar te rumunët e Poli Iashit, që si rastësisht po e zhvillojnë fazën përgatitore pikërisht në Tiraspol dhe kanë mbyllur gjithçka me shpejtësi me Koshelevin, i cili është testuar në miqësoren e fundit, ashtu si portieri kroat Kelava, përforcim tjetër i klubit rumun.

Megjithatë, Sherifi nuk po qëndron duarkryq, sepse ka nisur fushatën e përforcimeve.

Përmes sajtit zyrtar, moldavët kanë zyrtarizuar afrimin e mesfushorit holandez, Zheremi de Nujer, me parametër zero. 25-vjeçari nga Kurasao është aktivizuar tek Levski i Sofjes në sezonin e fundit, duke qenë një titullar i rëndësishëm. Më herët Sherifi zyrtarizoi mesfushorin e kombëtares moldave George Anton, marrë nga Zimbru me kosto zero, ashtu si mbrojtësi i kombëtares Petru Raku, marrë nga Milsami.

Afrimet e Sherif Tiraspol

Petru Raku (mbrojtës, Milsami, kombëtarja moldave)

Zheremi de Nujer (mesfushor, Levski, kombëtarja e Kurasaos)

George Anton (mesfushor, Zimbru, kombëtarja moldave)

Vadim Paireli (Mesfushor, fund huazimi, Dugopolje, divizioni 2 Kroaci)

Titullarët e larguar nga Sherif Tiraspol

Aleksei Koshelev (portier, 22 ndeshje, Poli Iashi)

Vujadin Saviç (mbrojtës 16 ndeshje, Crvena Zvezda)

Rikardinjo (sulmues, 27 ndeshje/15 gola, Crvena Zvezda)

Uilfrid Balima (mesfushor, 23 ndeshje, i lirë)

Kalifa Xhabie (mesfushor, 20 ndeshje, i lirë)

Radu Ginsari (anësor ofensiv, 23 ndeshje/4 gola, i lirë)

Seidu Jahaja (mesfushor, 19 ndeshje, i lirë)

Eugeniu Rebenja (sulmues, 17 ndeshje/4 gola, huazim te Speranca, Moldavi)

Zoran Kvrzhiç (mesfushor, 26 ndeshje/5 gola, Rijeka, fund huazimi)

Tani Soza është 29 vjeç dhe prej dy vitesh luan në Argjentinë,duke preferuar të qëndrojë pranë familjes në Katamarka. Villas Cubas, Defensores de Esquiú dhe tani tek Atlético Policial, ku Soza vazhdon të shënojë e të krijojë gola, duke u transformuar në një sulmues të vërtetë.

Nga Argjentina e largët Rafael Soza flet për përballjen e kampionëve të Kukësit me moldavët e Sherif Tiraspol. Për “Sport Ekspres”, Soza tregon se Kukësi ka shanset e tij që të avancojë më tej duke treguar se Sherif Tiraspol nuk është dhe aq i frikshëm, kjo pasi ai e njeh mjaft mirë futbollin moldav dhe klubin kampion, sepse ka qenë pjesë e tij në sezonin 2011-2012. “Kukësi luan me skuadrën që unë kam luajtur më parë. Besoj shumë që Kukësi i ka të gjitha shanset që të avancojë më tej”.

I pyetur nëse ka diferenca të mëdha mes Kukësit dhe Sherifit, Soza tregohet besimplotë se Kukësi është më lart sesa kampionët moldav: “Po, besoj se Kukësi është më lart. E vetmja gjë që unë do të veçoja tek Sherif është se ata luajnë një futboll të shpejtë. Kjo mund të jetë e vetmja pikë e fortë e tyre”.

Mesfushori tregon se ndjek kampionatin shqiptar dhe se e sheh atë në rritje. Çfarë mund të përmirësohet? Sigurisht mungesa e golave e zbeh bukurinë e lojës: “E kam ndjekur disa ndeshje, por jo shumë. Mendoj se kampionati shqiptar po vjen në rritje. Do të doja që të luhej pak më hapur, pasi realisht prodhohen shumë pak gola”.

Nga Shqipëria në Argjentinë, për Sozën gjërat po shkojnë mirë, edhe pse në kategoritë e ulta argjentinase nuk është asnjëherë e lehtë të luash futboll i qetë, duke pasur parasysh edhe tifozeritë e nxehta, që ndonjëherë e kalojnë masën. Megjithatë, Soza thotë se pas 90-minutëshit gjërat janë në rregull: “Po luaj ne kategorinë e dytë argjentinase. Nuk kam pasur probleme me tifozeritë kundërshtare, të gjitha problemet ndodhin vetëm brenda 90 minutave, më pas gjithçka mbaron”, përfundon Rafael Soza.

Duke nisur nga sulmuesi Rikardinjo, i cili ishte lojtari me më shumë prezenca e gola. Gjatë kampionatit braziliani zhvilloi 27 ndeshje, duke shënuar 15 gola. Një lajm i mirë ky për të besuarit e Gjokës. Rikardinjo është larguar si lojtar i lirë dhe ka firmosur me Yllin e Kuq të Beogradit.

Mbrojtësi Saviç është një tjetër emër i rëndësishëm i skuadrës moldave, i cili ashtu si braziliani është larguar në drejtim të Serbisë.

Mes të tjerësh mund të veçojmë dhe Kvërzhiç, i cili ka luajtur 26 ndeshje me Sherifin. Largime me shumë peshë, që favorizojnë jo pak Kukësin.

Të larguar nga skuadra e Sherif Tiraspol

1. Vujadin Saviç – mbrojtës – 16 ndeshje/ 3 gola
2. Rikardinjo – sulmues – 27 ndeshje/ 15 gola
3. Eugenio Rebenja – sulmues – 26 ndeshje/ 4 gola
4. Zoran Kvërzhiç – mesfushor – 26 ndeshje/ 5 gola
5. Vladimir Ambros – mesfushor – 5 ndeshje
6. Ibrahim Kone – Mesfushor – 2 ndeshje
7. Uilfred Balima – mesfushor – 23 ndeshje/ 1 gol
8. Kalifa Jabie – mesfushor 20 ndeshje/ 1 gol
9. Radu Ginsari – mesfushor – 23 ndeshje / 4 gola
10. Sejdu Jahaja – mesfushor – 19 ndeshje

Bordin ka folur për faqen zyrtare të klubit moldav, që duhet thënë se është shumë më e organizuar dhe e pasur se faqen e klubeve tona.

Italiani ka vlerësuar futbollin shqiptar dhe i druhet Kukësit.

…

Tani e njohim kundërshtarin tonë në Champions League. Ç’mund të na thoni për Kukësin?

E kam thënë edhe në intervista të tjera, çdo rival është i vështirë, pavarësisht nga emri që mbart. Të gjitha janë kampione në vendet përkatëse. Për mua Kukësi është një skuadër shumë e mirë. Do të jetë e vështirë, por do të mundohemi t’i mposhtim.

Sa e njihni futbollin shqiptar?

Kam pak njohuri për Shqipërinë. Më kanë thënë që futbolli shqiptar është në rritje, skuadrat po paraqiten mirë në arenën ndërkombëtare. Kukësi luftoi deri në fund për titull me Partizanin, pak a shumë si ne me Daçian (Sherifi e fitoi me 11-metërsha titullin, në ndeshje shtesë). Të shohim, fusha do të tregojë kush është më i fortë.

Sa e rëndësishme është ta luash ndeshjen e parë në shtëpi apo në udhëtim?

Rëndësi ka të përgatitesh mirë. Nëse përgatitesh mirë, nuk ka fare rëndësi ku e luan ndeshjen e parë. Faktori psikologjik është i rëndësishëm, Champions League mbart shumë emocione. Kundërshtari është i fortë. Ndoshta është më mirë që e luajmë ndeshjen e parë në shtëpi. Do të mundohemi të marrim rezultatin më të mirë të mundshëm.

Skuadra po pëson ndryshime. Si do të ndikojë fakti që janë larguar disa lojtarë me peshë?

Unë kujdesem për grupin aktual, jam i kënaqur që do të luftojmë për titull dhe Champions League. Është një mundësi unike, për t’u përgatitur mirë me skuadrën aktuale, si dhe me përforcimet që presim.