“Të gjithë prisnin më shumë nga ajo ndeshje, pasi ishte ndeshja e parë dhe të gjithë prisnin një paraqitje më të mirë në Europë duke parë se çfarë ndeshjesh kemi bërë në kampionat. Do thosha që ne ia dhuruam ne golat kundërshtarit, se sa i bënë ata”.

“Skuadra beson. Shpresoj që në ndeshjen e kthimit të shënojmë shpejt golin e parë, kjo do ta motivonte shumë për pjesën e mbetur të lojës”.

“Çfarëdolloj skeme që të përdorë trajneri ne mund të përshtatemi shumë mirë. Me modulin 4 – 3 – 3 me të cilin kemi gjatë të gjithë sezonit, por ardhja e Nikaç na mundëson të luajmë dhe me skemën 4 – 4 – 2”, tha Kallaku.

Paraqitja e tij me Partizanin gjithashtu la mbresa te tifozët dhe te specialistët, ndërkohë që së fundmi gazetarët sportivë kanë vendosur t’i japin edhe vlerësimin si “Lojtari i Dhjetorit”. Shoqata “Sporti na bashkon” unanimisht ka vlerësuar Kallakun për paraqitjen e tij gjatë muajit të 12-të të vitit të shkuar.

Sot mesfushori ka marrë edhe çmimin dhe normalisht ndihet i vlerësuar. Kallaku këtë sezon është aktivizuar në 16 ndeshje me durrsakët në kampionat, ndërkohë që në fillim mungoi për shkak të një dëmtimi. Ai ka dhënë kontributin e tij për Teutën, duke realizuar tre herë.

Golat e tij kanë qenë të rëndësishëm, teksa i ka dhënë tre pikët skuadrës së tij me Luftëtarin, ka zhbllokuar ndeshjen me Kastriotin dhe me Laçin i dha një pikë skuadrës së drejtuar nga Bledi Shkëmbi.

Mesfushori pranon ndërkohë që ende ai dhe shokët e tij te Teuta nuk janë në maksimumin e tyre. Gjatë kësaj periudhe kanë marrë ngarkesa të mëdha fizike dhe gjatë këtyre ditëve do të vijë edhe liri.

“Mund të them se jam i rënduar për momentin, kemi punuar intensivisht me nga dy seanca, Gjithsesi kjo do jetë një javë ku do lirohemi”, deklaron për “Supersport”, Kallaku, i cili një vit më parë ishte pjesë e Laçit dhe bëri një sezon të mirë.

Me kurbinasit objektivin Europë e arriti, por më pas pati një dëmtim. Aty përfundoi aventura e tij me Laçin dhe tanimë synon që të sigurojë pjesëmarrjen në kualifikueset e Europa League dhe të luajë me Teutën. Gjithashtu ai nuk i thotë “pas” as titullit kampion.

“Ne e kemi thënë që në fillim, se objektivi i drejtuesve është që të kapim kupat e Europës. Nëse titulli është pranë, pse mos ta tentojmë? Nuk kemi frikë nga titulli”, përfundon Kallaku deklaratën e tij. Mesfushori këtë sezon ka luajtur në 16 ndeshje me Teutën, duke shënuar edhe tre gola.

Mesfushori ka tërhequr edhe vëmendjen e medias dhe për “SportEkspres.com” Kallaku ka folur gjerë e gjatë, duke treguar “ngacmimet” me portierin Selmani, njerëzit që e motivojnë të ecë përpara në futboll, ëndrrën e madhe dhe idhullin e tij. Ai paralajmëron: “Ende nuk e keni para Kallakun në maksimimumin e tij”.

INTERVISTOI: VLADIMIR PRENGA

Sherif, e keni mbyllur vitin në mënyrën më të mirë, duke shënuar një gol që shpëtoi Teutën nga humbja me Laçin. Si e vlerësoni pjesën e parë të këtij sezoni?
-Jam shumë i kënaqur për golin, por jo aq për rezultatin. Mendoj që pjesa e parë e sezonit ishte goxha e mirë dhe me pak më tepër fat mund të kishim disa pikë më tepër.

Për ju nuk ishte speciale vetëm që po përballeshit me Laçin, por kishit përballë edhe mikun tuaj Selmanin. I shënuat, por edhe ai ju “shënoi” në fillimin e pjesës së dytë kur ju hoqi mundësinë për të barazuar. E ngacmuat pas ndeshjes?
–Pas ndeshjes më tha që pse nuk ja lashë goditjen dikujt tjetri. Përgjigja ime ishte që qe fati im ta shënoja atë gol.

Ata që ju kanë ndjekur, e dinë shumë mirë se potenciali juaj është më i madh. Një sezon më parë, me fanellën e kurbinasve. keni qenë edhe më mirë. Kur do e shohim Kallakun në maksimumin e tij?
-E di edhe vetë që s’jam në maksimum. Jam i bindur që mund të jap dhe shumë më tepër. Mendoj që me stërvitje, si dhe duke mos u kursyer për ekipin, do vijnë dhe paraqitje më të mira.

Emri juaj në media po lakohet shumë, vlerësimet janë të shumta. Si po e përjetoni këtë periudhë?
-Ky fakt më bën të ndihem mirë dhe njëkohësisht me rrit përgjegjësinë të mbaj, por pse jo edhe të rris më tepër nivelin e lojës. Nuk dua të zhgënjej askënd, sidomos njerëzit që më rrinë pranë.

Për ata që nuk ju njohin, na tregoni për hapat e parë në futboll. Keni qenë pjesë e disa ekipeve me moshat…
Kam qene pjesë e moshave tek Iliria për 7 vite, ndaj edhe gjej rastin të përshëndes dhe profesor Dash Cangun. Më ka mbështetur shumë kur isha i vogël. Me pak kalova tek Olimpiku me profesor Ardian Memën, pastaj një vit me Tiranën. Më vonë 6 muaj me Partizanin dhe te Akademia e Futbollit, në atë kohë me profesor Nevil Deden. Kremoneze ishte ekipi im i fundit me moshat.

Keni shënuar 4 gola në Superiore deri më tani. E kishit vënë re që i keni shënuar Partizanit, ish-ekipit tuaj, i shënuat Laçit, po “ish”, keni shënuar ndaj Kastriotit në Fushë-Krujë, qytetin tuaj të vendlindjes. Po ashtu keni realizuar ndaj Luftëtarit dhe në stol ka qenë ish-trajnerit juaj, Gentian Mezani. Një rastësi e bukur…
-Mbase më kanë toleruar (qesh). Në fakt se kisha menduar dhe s’di çfarë të them për këtë pjesë, pasi kur jam në fushë se mendoj kë kam përballë. Gjithsesi kur shënon është një ndjesi e veçantë.

Nga Laçi te Teuta, çfarë ka ndryshuar për ju?  E ndjeni veten lider dhe a ka më shumë presion?
–Nga Laçi te Teuta nuk është se ka shumë ndryshim, pasi edhe këtu njëlloj si në Laç i jepet shumë besim elementit të ri. Po ndryshe nga Laçi i vjetshëm, këtu ka shumë lojtarë me përvojë të madhe. Lider nuk e ndjej veten, pasi ka shumë të tjerë para meje. Por mundohem të bëj më të mirën.

Si çdo i riu, edhe ju keni ëndrra. Cila është ajo më e madhja që dëshironi të arrini përmes futbollit?
Ëndrra më e madhe që kërkoj të arrij përmes futbollit është që të luaj me kombëtaren dhe të arrij të kap nivele evropiane.

A keni një lojtar shembull, të cilin mundoheni ta “imitoni”?
-Zidane, pa diskutim. Shoh pa fund video të tij dhe besoj kuptohet edhe në fushë me lëvizjet që bëj (qesh.)

Kush është njeriu që ju ka motivuar më së shumti për të ecur përpara në futboll dhe a mendoni se i keni bërë krenar me atë që ke bërë deri më tani?
-Njeriu që më motivonte më së shumti në futboll ka qenë babai im, kjo para se te vdiste. Ndërsa tani ata që më motivojnë me tepër dhe që më shtyjnë të kap majat janë Roni dhe Haki, dy djemtë e hallës. Mendoj se kam ende shumë punë që t’i bëj të ndihen krenarë nga mua.

Osmani ju ka krahasuar me Ervin Skelën, si e keni marrë ju atë kompliment?
-Sinqerisht fjalët e tij më kanë nderuar, pasi nuk është pak kur ato i thotë një njëri si Osmani, duke pasur parasysh karrierën e tij. Një kampion me plot kuptimin e fjalës.

Së fundmi, ku mund të arrijë kjo Teutë dhe Kallaku? Keni nisur të ëndërroni për kombëtaren e madhe?
-Kjo Teutë është projektuar për kupat e Europës dhe nëse do kemi pak fat dhe vazhdimësi mund që të tentojmë dhe kampionatin. Sa i takon Kallakut,  të bëjë pjesën e tij. Kombëtaren e madhe e kam ëndërruar qysh 5 vjeç. Të gjithë e ëndërrojnë atë. Me pune dhe paraqitje të mira, pse jo. Shpresoj që mos të jetë e largët dita kur ta vesh atë fanelle dhe në këtë mënyrë do nderoja dhe babanë tim.

PËRBALLJA – “Këto ndeshje duhet të shihen, pasi Partizani është ekip me emër. Po ashtu edhe me Skënderbeun është motivimi më i madh. Ndjejmë keqardhje për rezultatin, pasi bëmë thirrje për tifozëve dhe dua t’u kërkoj falje personalisht për barazimin. Ishte një rezultat jo i mirë për lojën që zhvilluam dhe u kërkoj ndjesë tifozëve.”

EKIPI – “Në ndeshjen e parë humbëm 3-0, por ia falëm Partizanit, pasi bëmë shumë gabime. Ishte një grup i formuar nga fillimi dhe tani kemi krijuar bazën dhe na jep siguri, çka na ka sjellë te këto rezultate.”

TITULLI – “Të përmendësh fjalën titull është ende herët. Edhe Partizani nuk e përmend fjalën titull. Do të shihet pas këtyre dy ndeshjeve”, përfundoi mesfushori i skuadrës durrsake.”

“Mendoj se me lojtarët që kemi jemi të kënaqur. Nëse del ndonjë lojtar që bën diferencën, që të jetë më i mirë se këta që kemi, patjetër që mund ta afrojmë. Në të kundërt, jemi mirë kështu. Nuk po shikojmë për asnjë lojtar, është shpejt. Unë dhe klubi jemi të kënaqur me lojtarët që kemi. Pastaj ndoshta deri në fund të ndeshjeve që na kanë ngelur do të shoshim se çfarë do të vendosim”, u shpreh Shkëmbi pas ndeshjes me Kukësin.

Ish-mesfushori, i pyetur në lidhje me ekipet që po bëjnë diferencën në kampionat, për “SportEkspres.com” tha: “Deri në këto momente diferencat i ka bërë Skënderbeu me Partizanin. Rezultatet tregojnë që ato të dyja po bëjnë diferencën. Megjithatë kampionati është i gjatë dhe të shohim”.

KALLAKU – Mesfushori i Shpresave la Laçin në verë dhe kaloi te Teuta. Sherif Kallaku është një element me të ardhme dhe fillimin nuk e pati të lehtë në Durrës, pasi pat pësuar një dëmtim që kur ishte te kurbinasit.

“Të them të drejtën dua të falënderoj edhe profesor Shkëmbin, i cili më ka dhënë besimin e duhur. Shpresoj t’ia kem shpërblyer deri tani. Do vazhdoj të punoj akoma më shumë. Ngadalë-ngadalë po e marr veten mirë, nuk jam aty duhet. Gjithsesi do punoj të arrij maksimumin tim”, u shpreh Kallaku.

Më tej ai u shpreh i kënaqur me atë që ka bërë Teuta deri më tani. “Mendoj se jemi një grup i ri. Mund të kishim marrë edhe më shumë pikë, por jemi të kënaqur me punën që kemi bërë”, shtoi mesfushori.

Kallaku ka mundësinë të marrë leksione nga Bledi Shkëmbi, pasi luan edhe vetë si organizator. “Gjithmonë përfitoj rasti të mësoj nga ai, mundohem të marr shumë gjëra nga profesori, pasi ka qenë një lojtar shumë i mirë”, përfundoi mesfushori i Teutës.

VLADIMIR PRENGA

“Të them të drejtën nuk e kam menduar në asnjë moment se ishte e qëllimshme. Ishte një ndërhyrje që i përket futbollit. Kam folur me të, e kam pasur shumë shokë kur isha te Laçi. Është mbyllur çdo gjë. Ai më kërkoi falje. Nuk besoj të ketë qenë e qëllimshme”, është shprehur Kallaku në “Supersport.

Teuta është një ekip që pëson pak. Nga nëntë ndeshjet e luajtura deri më tani, durrsakët gjashtë prej tyre i kanë mbyllur pa pësuar gol. Për Kallakun kjo është pozitive, ndërkohë që thekson se në Vlorë shkojnë për të marrë pikët maksimale.

“Realisht është pozitive që nuk pëson. Goli vjen edhe gradualisht. Na pret një ndeshje e vështirë me Flamurtarin dhe shpresojmë ta mbajmë këtë ritëm. E njoh mirë kundërshtarin, kanë kualitet. Gjithsesi ne shkojmë atje për të fituar”, shton mesfushori.

Në fund dy fjalë edhe për objektivat e klubit durrsak dhe për ndërthurjen e brezave. “Djemtë e rinj i ndihmon eksperienca e Osmanit, Hidit, Bicajt, Prognit dhe djemve të tjerë. Objektivi i klubit janë kupat e Europës dhe t’i marrim një e nga një ndeshjet deri në fund.

Kur ka mbetur edhe një muaj për të nisur kampionati, ky është një lajm i mirë për Teutën. Hakaj është një nga lojtarët kryesorë të ekipit, ndërkohë që alternativë për të është Edison Ndreca, i cili është marrë nga Besëlidhja këtë verë.

Shqetësimi kryesor për momentin është mesfushori Sherif Kallaku. I marrë nga Laçi, fushë-krujasi i Shpresave, ka probleme me muskujt e barkut dhe ende nuk është bashkuar me grupin të stërvitet normalisht, çka e lë prapa atë me pjesën tjetër të ekipit.

Stafi teknik shpreson që Kallaku ta lërë sa më shpejt pas dëmtimin e pësuar, pasi bëhet fjalë për një lojtar me cilësi dhe që mund t’i japë goxha Teutën këtë sezon dhe në të ardhmen. Mesfushori është një element me perspektivë dhe që i ka të gjitha mundësitë që ta vijojë karrierën edhe jashtë vendit në të ardhmen. Pas Laçit, Teuta është “trampolina” e tij për më lart.