Kështu që Shënkollit i duhet që këtë sezon ta nisë trajneri i ri. Sot paradite, tekniku Kruja deklaroi për SportEkspres.com, se arsyet e largimit nga drejtimi i skuadrës së Shënkollit janë personale.

“Situata ime personale më imponoi të marr këtë vendim për largim nga pankina e Shënkollit. I falenderoj të gjithë ata me të cilët bashkëpunova dhe realizuam objektivin e qëndrimit të Kategorinë e Parë. Shënkollit i uroj suksese në këtë sezon të ri”, u shpreh Kruja.

AGRON KAJA

Është për t’u veçuar fakti se dënimi më i rëndë është dhënë për një ngjarje në kampionatin e femrave, ku lojtarja e skuadrës Juban Danjës, Paula Jaku, është dënuar më një vit përjashtim nga futbolli.

Ndërkohë, në kampionatet e moshave vazhdon në masë fenomeni i mosparaqitjeve të skuadrave. Kësaj radhe  Komisioni ka vepruar me dorë të hekurt duke përjashtuar nga aktiviteti futbollistik Kamzën U17, krahas kësaj mase ky ekip është me uljen e një kategorie më poshtë. Në fakt, nuk ekziston në futbollin e moshave një tjetër kategori poshtë së Parës

1. Lojtari i KF “Shënkolli”, Emirjon Mirdita, për dhunë ndaj kundërshtarit, në bazë të Nenit 48/1/e te KDS, dënohet me 8 (tetë) ndeshje pezullim nga aktivitetet.
2. Lojtari i KF “Shënkolli”, Klaudjo Pjetrushi, për goditje ndaj zyrtarit të ekipit kundërshtar ,në bazë të Nenit 48/2e te KDS, dënohet me 10 (dhjetë) ndeshje pezullim nga aktivitetet.
3. Lojtari i KF “Pogradeci”, Anteo Osmanllari, për goditje ndaj kundërshtarit, në bazë të Nenit 48/1/e të KDS, dënohet me 8 (tetë) ndeshje pezullim nga aktivitetet.
4. Lojtari i KF “Tomorri”, Aldo Dervishi, për goditje ndaj kundërshtarit, në bazë të Nenit 48/1/e të KDS, dënohet me 8 (tetë) ndeshje pezullim nga aktivitetet.
5. KF “Turbina”, paralajmërohet se në rast përseritje të vonesave në fillimin e lojës do të jetë subjekt i masave që parashikon Kodi i Disiplinës Sportive dhe rregulloreve të tjera të FSHF.
6. Lojtari i KF “Skrapari”, Sajmir Gega, për sulm ndaj tifozëve, në bazë të Nenit 48/1/e të KDS, dënohet me 5 (pesë) ndeshje pezullim nga aktivitetet.
7. Lojtari i KF “Skrapari”, Florjan Kopace, për sjellje jo sportive ndaj tifozëve, në bazë të Nenit 48/1/d të KDS, dënohet me 2 (dy) ndeshje pezullim nga aktivitetet.
8. KF “Korabi” U-19, për mos paraqitje në ndeshje kundër “Shkëndija B.T” U-19, në bazë të Nenit 55/1 të KDS, humbet ndeshjen në tavolin me rezultatin 3 me 0 dhe zbritjen e 3(tre) pikëve nga klasifikimi.
9. KF “Spartaku” U-19, për mos paraqitje në ndeshje kundër KF “Kukësi” U-19, në bazë të Nenit 55/1 të KDS, humbet ndeshjen në tavolin me rezultatin 3 me 0 dhe zbritjen e 3(tre) pikëve nga klasifikimi.
10. Lojtari i KF “Bylis” U-19, Brahaj Myrto, për sjellje jo sportive ndaj zyrtarit të ndeshjes, në bazë të nenit 49/1/a te KDS, dënohet me 4 (katër) ndeshje pezullim nga aktivitetet.
11. KF “Kamza” U-17, për mosparaqitje në ndeshje me KF “Term” U-17, në bazë t Nenit 55/1 të KDS, dënohet me humbjen e ndeshjes në tavoline me rezultatin 3-0 dhe zbritjen e 3(tre) pikëve nga klasifikimi. Në aplikim të Nenit 40/1 të KDS dhe Nenit 86/2/e dhe 86/2/d të Rregullores së Veprimtarisë Futbollistike, KF “Kamza” U-17, është përsëritës i shkeljes e mësipërme, për këtë arsye dënohet me përjashtimin nga aktiviteti për këtë sezon futbollistik dhe zbritjen e një kategorie më të ulët.
12. Të gjitha pikët që ekipet e tjera kanë marrë në takime direkte me KF “Kamza” U-17, do të përllogariten në bazë të Nenit 86/3/b të Rregullores së Veprimtaris Futbollistike.

13. Lojtarja e “Juban Danja” femra, Paula Jaku, për dhunë ndaj zyrtares të ndeshjes, në bazë të Nenit 49/2/b të KDS, dënohet me 12 (dymbëdhjetë) muaj pezullim nga aktiviteti.
14. Lojtari i KS “Valbona”, Dorelo Aliko, për sjellje jo sportive ndaj zyrtarit të ndeshjes, në bazë të nenit 49/1/a te KDS, dënohet me 4 (katër) ndeshje pezullim nga aktivitetet.
15. Zyrtari i KF “Pashtriku” U-15, Ardjan Poga, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8(tetë) ndeshje pezullim nga aktiviteti.
16. Rrëzimin e kërkesës se lojtarit të KF “Vllaznia” U-19, Angjelo Radovani, si të pa bazuar në Kodin e Disiplinës Sportive.

Klubi nga qyteti i Koplikut ka postuar së fundmi një video të tensionit, ku bie në sy një veprim i një prej futbollistëve të Shënkollit që rrëzon përtokë njërin prej lojtarëve të skuadrës së Veleçikut.

https://www.instagram.com/p/BwSoEI_n5uB/?utm_source=ig_web_copy_link

Nga një duel i tillë, ka mbetur i dëmtuar lojtari i Ilirisë, Flogers Sala, i cili është dërguar me urgjencë në spitalin e Traumës në Tiranë. Mësohet se lojtari ka thyer nofullën dhe dëmtimi i tij është i rëndë.

Aktualisht, Sala po trajtohet në spital dhe nuk ka ende asnjë rezultat për të. Futbollisti u largua me urgjencë me ambulancë nga fusha e lojës gjatë takimit kundër Shënkollit.

Grupi A / Play-out

Iliria-Shënkolli 1-0
Shënues: Boçi 63?

Iliria ka marrë tre pikë të arta për mbijetesën, teksa ka kaluar me sukses Shënkollin. Fushë-krujasit iu falën golit të shënuar nga Boçi dhe morën pikët e plota. Skuadra e Fatmir Salës pati mundësinë të shënonte edhe golin e dytë, por portieri Hasanaj ndali Gjokejën nga pika e bardhë e 11-metërshit. Më parë anësori kishte realizuar, por arbitri vendosi që penalltia të përsëritej. Gjithsesi Iliria mori tre pikët e shumëdëshiruara.

Humbja e Shënkollit fut në lojë Vorën, që mposhti skuadrën e Burrelit me rezultatin e ngushtë 1-0. Kapiteni Allmeta shënoi në minutat shtesë të pjesës së parë golin trepikësh nga penalltia dhe tashmë vendi i parafundit është vetëm dy pikë larg.

KATEGORIA E PARË – JAVA 21 

Grupi A / Play-off
Vllaznia-Besëlidhja 4-0
Shënues: Zhunior 54′, Ignat 63′, Kruja 80′, Hajdari 88′

Grupi A / Play-out
Vora-Burreli 1-0
Shënues: Allmeta 45+5′ (pen.)
Iliria-Shënkolli 1-0
Shënues: Boçi 63′

80′ GOLI i ARSID KRUJËS

63′ GOLI I DAN IGNAT

54′ – Supergoli i Zhunior

Për SportEkspres.com, tekniku Kruja deklaroi se në këtë ndeshje skuadra e drejtuar prej tij shkon për të marrë pikë. “Në këto dy javë, asgjë tjetër nuk më shkon ndërmend veç ndeshjes së radhës me Ilirinë në Fushë-Krujë. Duhet vlerësuar, pasi është skuadër e fortë në fushën e saj.

Kemi dy javë kohë që po e përgatisim skuadrën që nga kjo sfidë të mos dalim pa pikë. Të gjitha ndeshjet deri në fundin e kampionatit do të jenë si finale për ne. Edhe kjo me Ilirinë është finalja e radhës për ne”, shprehet Kruja.

AGRON KAJA

Ashtu sikurse edhe në miqësoret e djeshme, ka qenë e pamundur gjetja e një arbitri. Takimi nisi me gol dhe ishte mbrojtësi i majtë Edison Ndreca ai që gjeti i pari rrugën e rrjetës. Goli i tij mbeti në fuqi në 45 minutat e para.

Në pjesën e dytë pati edhe zëvendësime dhe njëri prej atyre që u aktivizua dyfishoi shifrat. Mesfushori Elrind Koreshi ishte autori i golit të dytë, ndërsa Taulant Marku arriti të realizonte edhe të tretin.

Miqësore – E shtunë, më 9 mars, ora 14:00

Kastrioti – Shënkolli 3-0
Shënues: Ndreca 10’, Koreshi 70’ , T.Marku 73′

Në Laç ishin tre arbitra që e kanë mbyllur karrierën, kurse në kryeqytet gjykoi një nga punonjësit e klubit bardheblu. Nesër do të zhvillohet një tjetër miqësore. Kastrioti do të presë Shënkollin dhe ndeshja do të luhet prej orës 14:00 në kompleksin e ekipeve kombëtare në Kamzë.

Flamurtari, që është eliminuar nga Kupa e Shqipërisë, do të zhvillojë nesër një miqësore në Vlorë. Në stadiumin e kuqezinjve ndeshja nis në orën 15:00 dhe përballë do të jetë Bylisi, që pak ditë më parë barazoi me Luftëtarin.

VENDIMET I DISPLINËS
-Zyrtari i KF “Shënkolli”, Armando Loka, për sulm ndaj zyrtarit të ndeshjes, në bazë të Nenit 49/2/b) të KDS, dënohet me 18 (tetëmbëdhjetë) muaj pezullim nga çdo aktivitet futbollistik.

-Lojtari i KF “Shënkolli” , Rinev Danaj, për dhunë ndaj zyrtarit të ndeshjes dhe për shkelje disiplinore të përsëritur gjatë periudhës së provës, në bazë të nenit 49/2/b) të KDS, dënohet me përjashtim të përhershëm nga çdo aktivitet futbollistik.

-Pranimin e kërkesës së lojtarit të KF “Partizani” U-19, Joan Çela dhe pezullimin e pjesës së mbetur të dënimit. Në bazë të Nenit 33/4 të KDS, lojtari Joan Çela vendoset në provë për një periudhë 6 mujore.

Madje ai e vlerëson këtë sfidë në Pukë si një plus për skuadrën e tij, pasi do të jetë një ndeshje e hapur me një rival direkt në renditje. Për SportEkspres.com, Kruja deklaroi se skuadra e Shënkollit do të luajë për rezultat pozitiv në këtë takim.

“Ne e kemi vlerësuar maksimalisht këtë sfidë dhe nuk e kemi problem se do të luhet në Pukë, sepse për Shënkollin kjo është vetëm një ndeshje në transfertë. Skuadra është e kompletuar në formacionin bazë dhe ne do të luajmë me synimin për të fituar. Tri pikët na e bëjnë më të lehtë rrugëtimin tonë në grupin e skuadrave për mbijetesë”.

Pas javës së 17-të të Kategorisë së Parë, në Grupin A Shënkolli  renditet në vendin e 8-të me 20 pikë.  Veleçiku pozicionohet në vendin e 6-të me 22 pikë të grumbulluara.

AGRON KAJA

Për SportEkspres.com, trajneri i Shënkollit, Alket Kruja deklaron se tashmë skuadra është e kompletuar per te realizuar objektivat e gjysmës së dytë të Kampionatit. “Falënderoj presidentin Djala që mundësoi këtë merkato në limitet e fundit të saj. Sot janë bërë pjesë e skuadrës sonë dy mesfushorë: ganezi Franci dhe mesfushori Rubin Met’hasani, si dhe sumuesi Jurgen Kulli.

Janë përforcime cilësore që do ti shërbejnë synimit tonë për renditje në pesë skuadrat e para të Grupit A”, kështu deklaroi trajneri Kruja, i cili përforcime i quan edhe dy futbollistët e falur dje nga Komisioni i Disiplinës në FSHF.

“Unë i quaj përforcime edhe faljet futbollistëve të dënuar, portierin Rinëv Danaj dhe sulmuesin Ruben Danaj. Duke shtuar këtu edhe dy të afruarit në ditët e para të janarit, afrikanët Vitor dhe Idris, unë i quaj shtatë përforcime që Shënkollin do ta bëjnë pretendent serioz në Grupin A. Me Besëlidhjen të shtunën do luajmë vetëm për fitore”.

Teë shtunën në 2 shkurt, Shënkolli pret në fushën e tij Besëlidhjen, një “derbi” i Prefekturës që tekniku Kruja e quan edhe hapin e parë drejt suksesit të sezonit. Shënkolli renditet në vendin e 7-të në Grupin A me 17 pikë, ndërsa Besëlidhja mban vendin e 5-të me 20 pikë.

AGRON KAJA

Në atë ndeshje futbollistet e Shënkollit u përfshinë në një sherr kundër lojtarëve vorake dhe arbitrit fierak Elton Hazizi. Por dënimi nuk është hequr për presidentin e Shënkollit Artan Djala, i cili me 16 nëntor 2018 është dënuar me 12 muaj të mos hyjë në stadium.

Kështu, Djala do të vazhdoje ta ndjekë skuadrën vetëm jashtë fushe, por me këto dy falje skuadra e Shënkollit përforcohet seriozisht, sidomos për “derbin” e javës së 15-të me Besëlidhjen me 2 shkurt 2019.

Në vendimet e sotme Disiplina e FSHF-së ka dhënë masë disiplinore për Egnatian me 4 (katër) ndeshje në fushë asnjanëse, por edhe për Vllazninë, që paralajmërohet për mos përmbushje të detyrimeve në ndeshje.

Skuka ishte ai që barazoi ndeshjen, duke shfrytëzuar krosimin e Likës. Sulmuesi i ri mposhtu portierin e Shënkollit me një goditje me kokë. Golin e fitores e realizoi Trimi me një goditje nga jashtë zone. Korabi dhe Shënkolli garojnë në grupin A të Kategorisë së Parë dhe ky test u shërbeu stafeve teknike për të parë gjendjet e skuadrave.

MIQËSORE – E mërkurë, më 23 janar
KORABI-SHËNKOLLI 2-1
Shënues: Skuka, Trimi
Korabi: Birja, Doçi, Hoxha, Kalluci, Koçi, Osmani, Lika, Karaj, Raza, Reçi, Skuka. (U aktivizuan: Mehidri, Laçka, Trimi, Dida, Muça, Lala, Gjediku, Hysi, Haka, Shehu, Bogdani). Trajner: Dorian Bubeqi

https://www.facebook.com/kfkorabi.al/videos/2407216225977649/

Edhe Martinena gjeti rrjetën, ndërsa Rezi dhe Peçi plotësuan listën e golashënuesve për Kamzën. Objektivi i Gjokës dhe skuadrës periferike të kryeqytetit është të jenë në formë sa më optimale për të përballuar gjysmën e dytë të sezonit, ky synojnë me doemos qëndrimin në Superiore.

Miqësore
E shtunë, 19 janar 2019

Erzeni – Kamza  3-5
Shënues: Izazola x2, Martinena, Rezi, Peçi

Shënkolli fiton miqësoren me Spartakun, një sfidë që bindi trajnerin Kruja, i cili vlerësoi ndryshimin në skuadër. Sot në mesditë, Shënkolli luajti një miqësore me Spartakun e Kategorisë së Dytë, skuadër të cilën e mposhti me rezultatin 2-1, një ndeshje që sipas trajnerit Alket Kruja, tregoi ndryshim pozitiv te skuadra e tij.

“Në pjesën e parë u aktivizuan lojtarët titullarë dhe loja që zhvilloi skuadra kishte ndryshim pozitiv nga miqësoret e kaluara. Në pjesën e dytë skuadra ndryshoi, pasi aktivizova të gjithë lojtarët rezervë”,- tha trajneri i Shënkolli.

Miqësore
E shtunë, 19 janar 2019, ora 12:00

Shënkolli – Spartak  2-0
Shënues: Përgjini, R. Danaj

Ka triumfuar Besa, që përballë sot kishte Shqipërinë U20. Një gol i shënuar në pjesën e parë nga Donald Mëllugja ka vendosur fatet e këtij takimi. Ndërkohë edhe Elbasani ka luajtur sot me Vllaznimin dhe është mposhtur me rezultatin 0-1.

Ishte parashikuar të luhej një miqësore me ekipin U19 të Vllaznisë, por sot Shënkolli ka luajtur brenda familjes. Përballë formacionit të Alket Krujës sot ishte skuadra e U17 të Akademisë së futbollit në Shënkoll. Trajneri Kruja deklaroi për SportEkspres.com se ka qenë një ndeshje e luftuar dhe skuadra e tij tregoi stabilitet në lojë. Mesjavën e ardhshme te Shënkolli kanë menduar të zhvillojnë një tjetër miqësore.

MIQESORE – E shtunë, më 12 janar

Shqipëri U20-Besa 0-1
Shënues: Mëllugja 35’

Apolonia-Dinamo 1-1
Shënues: Mehmeti 12’ / CCeliku 85’

Elbasani-Vllaznimi 0-1

Shënkolli-Shënkolli U17 3-0
Shënues: Gjinaj (2), Viktor Kale

“Në mbylljen e gjysmës së parë të këtij sezoni, Shënkolli nuk erdhi në pritshmëritë e duhura. Sepse vetëm në ndeshjen me Erzenin skuadra shfaqi dobësi, ndërsa në takimet e tjera ka luajtur mirë. Por asnjëherë skuadra jonë nuk është mbledhur me gjithë futbollistët bashkë, sepse ka patur dënime të një pas njëshme, e këtu veçoj portierin Danaj”, kështu deklaroi trajneri i Shënkollit, Alket Kruja.

Ndërsa për pjesën tjetër të këtij sezoni, tekniku Kruja deklaron se Shënkolli do të bëjë merkato me lojtarë cilësorë, sepse synimi final është ngjitja në pesë vendet e para në tabelën e renditjes së Grupit A. “Ne kemi shumë lojtarë të rinj që vijnë nga akademitë e futbollit në Lezhë, por për të patur më shumë siguri në synimin tonë, do të bëjmë 3-4 përforcime gjatë muajit janar, me lojtarë cilësorë. Dy nigerianët që nuk u federuan në dy fazat e para do të jenë të gatshëm: mbrojtësi Idris dhe mesfushori Vitor, dhe në fundin e kampionatit ne synojmë ngjitjen në renditje në pesë skuadrat e para”.

Goli erdhi pas një goditjeje këndi dhe lojtari i Shënkollit me një goditje me kokë e dërgoi topin drejt e në rrjetë. Një gol që për nga vlerat është shumë i rëndësishëm, saqë shoqërohet me një festë të veçantë.

Alcani mori vrull dhe bëri dy salto në ajër, duke dhuruar spektakël. I riu nuk u mjaftoi vetëm me golin e shënuar për skuadrën e  tij, në një ndeshje që luhej pa praninë e publikut.

https://www.instagram.com/p/Bq5EI4FiGzL/?utm_source=ig_share_sheet&igshid=1w9b8udnf4uja

Tashmë lezhjanët duhet të gjejnë një tjetër zgjidhje për pankinën, pasi ndeshja e radhës është në prag. të shtunën Shënkolli pret në shtëpi skuadrën e Ilirisë së Fushë-Krujës dhe tre pikët janë shumë të rëndësishme.

Mungesat janë të shumta, pasi janë disa futbollistët e pezulluar nga Komisioni i Disiplinës. Gjithsesi në shtëpi skuadra lezhjanë ka treguar se nuk fal dhe përgjithësisht rezultatet aty kanë qenë pozitive. kështu që edhe me Ilirinë do tentojnë të përsërisin vetveten.

Edhe në Krujë në ndeshjen Kastrioti-Kukësi U19 ka pasur probleme dhe janë disa lojtarë të pezulluar. Nuk kanë shpëtuar as te Veleçiku, Burreli e Besëlidhja, klube të cilave u është pezulluar nga një futbollist.

VENDIMET E KOMISIONIT TË DISIPLINËS
KF “Veleçiku”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

Zyrtari i KF “Veleçiku”, Zeqir Dukaj, për sjellje jo sportive ndaj zyrtarëve të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktiviteti. Në bazë të nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes dhe territorit përreth fushës.

Lojtari i KF “Veleciku”, Brilant Hasaj, për sjellje jo sportive ndaj lojtarit kundërshtar, në bazë të Nenit 48/1/d të KDS, dënohet me 3 (tre) ndeshje pezullim nga aktiviteti.

KF “Burreli”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

Lojtari i KF “Besëlidhjes”, Issiaga Camara, për sjellje jo sportive ndaj lojtarit kundërshtar, në bazë të Nenit 48/1/d të KDS, dënohet me 2 (dy) ndeshje pezullim nga aktiviteti.

Lojtari i KF “Erzeni”, Jurgen Goxha, për provokim të publikut, në bazë të Nenit 53 të KDS, dënohet me 2(dy) ndeshje pezullim nga aktiviteti.

KF “Vora, për sjellje të gabuar të spektatorëve, në bazë të Nenit 66/3/a të KDS, dënohet me 2(dy) ndeshje pa spektatorë në stadiumin përkatës.

Lojtari i KF “Vora”, Akil Dimo, për goditje ndaj lojtarit kundërshtar dhe si insiator i dhunës në ndeshjen Vora -Shënkolli, në bazë të Nenit 48/1/e të KDS, dënohet me 8 (tetë) ndeshje pezullim nga aktiviteti.

Lojtari i KF “Shënkolli”,Rinev Danaj, për goditje ndaj lojtarit kundërshtar dhe si insiator i dhunës në ndeshjen Vora -Shënkolli, në bazë të Nenit 48/1/e të KDS, dënohet me 8 (tetë) ndeshje pezullim nga aktiviteti.

Lojtari i KF “Shënkolli”,Ervis Dedaj , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari I KF “Shënkolli”,Bledi Zefi , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

KF “Besa”, në bazë të Nenit 13 të KDS, paralajmërohet se në rast përsëritje të hedhjes së sendeve në fushën e lojës , do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

KF “Vllaznia B”, në bazë të Nenit 13 të KDS, paralajmërohet se në rast përsëritje të dështimit në përmbushjen e përgjegjësive, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

KF “Tërbuni”, për sjellje të gabuar të spektatorëve duke hedhur sende brenda rrethimit të fushës, në bazë të Nenit 66/2 të KDS, dënohen me gjobë me vlerë 100.000 (njëqindmijë) lek . Në aplikim të Nenit 136/1/b të KDS, gjoba paguhet në masën 20%.

Lojtari i KF “Naftëtari”,Egland Lamaj , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Skrapari”, Azis Pepa , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Zyrtari i KF “Maliqi”, Gëzim Marjanaku, për prostesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2(dy) ndeshje pezullim nga aktiviteti. Në bazë të nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes dhe territorit përreth fushës.

Urdhërohet riluajtja e ndeshjes së femrave midis FC Term dhe KF Apollonia Femra, në bazë të nenit 86 të Rregullores së Veprimtarisë Futbollistike të Aktivitetit për Futbollin e Femrave;

Lojtari i KF “Partizani” U-19 , Stefano Llalla, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Akademia” U-19, Xhoi Hajderaj, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kastrioti” U-19, Saba Sallaku , për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kukësi” U-19, Ervis Patarria, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kukësi” U-19 ,Enis Jakupi , për sjellje jo sportive, në bazë të Nenit 48/1/d të KDS, dënohet me 2 (dy) ndeshje pezullim nga aktiviteti.

Lojtari i KF “Kastrioti” U-19, Kleandro Demerxhiu, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

KF “Kastrioti” U-19, për dështim në përmbushjen e përgjegjesive, hyrjen e personave të autorizuar në fushën e lojës duke shkaktuar akte dhune dhe ndërprerjen përfundimtare të ndeshjes, në bazë të Nenit 65/3/b të KDS, dënohet me humbjen e ndeshjes në tavoline me rezultatin 3 me 0 dhe zhvillimin e 4 (katër) ndeshje pa spektator në stadiumin përkatës.

KF “Kukësi” U-19, për sjellje të gabuar të spektatorëve duke hyrë në fushën e lojës persona të pa autorizuar dhe duke shkaktuar akte dhune, në bazë të Nenit 66/2 të KDS, dënohet me gjobë me vlerë 1.000.000 (një milion) lek. Në aplikim të Nenit 136/e të KDS, gjoba paguhet në masën 3%.

Zyrtari i SSH “Pepa” U-17, Meridian Kacollja, në bazë të Nenit 13 të KDS, paralajmërohet se në rast përsëritje të protestave ndaj vendimeve të zyrtarit të ndeshjes do të jetë subjekt i masave ndëshkimore që parashikon Kodi i Disiplinës Sportive dhe rregulloret e tjera të FSHF.

Megjithatë, çudia është se Shënkolli ka nofkën Barcelona, sipas FSHF-së, që ka shkruar në kllapa, alias Barcelona.

Dikush tallet, ose Barcelona tani e tutje do të shpërngulet në Shënkoll, ose në FSHF kanë qenë në humor, duke e tepruar.

NDESHJA ME SHËNKOLLIN – “Kemi të bëjmë me një ndeshje të fortë. Edhe ekipi i Shënkollit kërkon të japë maksimumin në fushën e tyre, ashtu si çdo skuadër tjetër për të arritur objektivin që ka, në mënyrë që me mbarimin e fazës së dytë të jenë të pozicionuar në pesëshen e parë të renditjes dhe t’i largohet pjesës së fundit të klasifikimit”, shprehet Lika fillimisht.

Më tej ai shton: “Kështu që jemi të ndërgjegjshëm se na pret një ndeshje e fortë nesër në Shënkoll. Këtë kundërshtar deri diku e njohim, sepse kemi luajtur edhe një miqësore me të kohë më parë. Vërtetë Shënkolli mund të mos jetë ai i asaj miqësoreje, por edhe Vllaznia nuk është ajo e miqësores. Të dyja skuadrat janë rritur dhe shpresoj që të kemi një ndeshje të mirë nesër”.

GJENDJA E SKUADRËS – Sa i takon mungesave, një është e sigurt për ndeshjen me Shënkollin. “Për këtë takim Malota nuk do të jetë i gatshëm, ndërsa Gilmani është pothuajse i gatshëm. Ndoshta jo për 90 minuta të plota, por do jetë me skuadrën”, shtoi trajneri Lika.

OBJEKTIVI – “Ne hyjmë në çdo ndeshje për të fituar dhe kështu do veprojmë edhe ndaj Shënkollit. Dhe nëse e realizojmë këtë ndeshje ashtu si herët e tjera, besoj se do ia dalim me sukses. Po përmirësohemi çdo ditë e më shumë dhe tashmë vëmendja është në aspektin tekniko- taktik, sepse për sa i përket luftës sportive, futbollistët nga ndeshja në ndeshje kanë ardhur duke e rritur atë”, tha Lika, i cili thekson se është i bindur që do e kalojnë me sukses edhe këtë përballje.

“Jam i bindur se do ta kalojmë me sukses edhe këtë takim. E rëndësishme është të krijojmë raste dhe të shënojmë dhe po ashtu të mos e lejojmë kundërshtarin të na rrezikojë. Ne punojmë në të dy drejtimet dhe nëse në njërin duket se jemi më pozitiv, në aspektin mbrojtës, mendojmë se duhet të përmirësohemi akoma edhe më shumë në atë sulmues”, përfundoi tekniku i Vllaznisë.

Katër ndeshje për të këtë të fundsit dhe katër ndeshje pa tifozë për lezhjanët, pasi tifozët kanë hedhur sende të forta në fushë. Po kaq ndeshje pa tifozë është dënuar edhe Iliria. Ndërprerja e ndeshjes prej tifozëve me Korabin ka penalizuar fushë-krujasit. Ka edhe klube të gjobitura dhe vendimtar te tjera.

VENDIMET E DISIPLINËS
-KF “Erzeni”, për sjellje të gabuar të tifozeris së tij duke hedhur sende brenda rrethimit të fushës, në bazë të nenit 66/1 të KDS, dënohet me gjobe në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-Lojtari i KF Shënkolli, Ilir Ccaushaj,për sjellje të gabuar ndaj zyrtarit të ndeshjes, në bazë të nenit 49/1/b te KDS, dënohet 12 (dymbëdhjetë) muaj pezullim nga aktivitetet futbollistike.

-Lojtari i KF Shënkolli, Ruben Danaj, për sjellje të gabuar ndaj zyrtarëve të ndeshjes, në bazë të nenit 49/1.b të KDS,dënohet 12 (dymbëdhjetë) muaj pezullim nga aktivitetet futbollistike.

-Lojtari i KF Shënkolli Emirjon Mirdita, për sjellje të gabuar ndaj zyrtarëve të ndeshjes, në bazë të nenit 49/1/a të KDS, dënohet me 4 (katër) ndeshje pezullim nga aktivitetet futbollistike.

-KF Shënkolli, për sjelle të gabuar të spektatorëve duke hedhur sende brenda rrethimit të fushës e duke shkaktuar akte dhune ndaj zyrtarëve të ndeshjes, në bazë të nenit 66/3/a) të KDS, dënohen me 4 (katër) ndeshje pa spektator në stadiumin përkatës.

-KF Iliria, për sjellje të gabuar të spektatorëve, duke hedhur sende brenda rrethimit të fushës si dhe duke shkaktuar ndërprerjen e përkohshme të ndeshjes, në bazë të nenit 66/3/b të KDS, dënohet me zhvillimin e 4 (katër) ndeshje pa spektatore në stadiumin përkatës.

-Zyrtari i KF Iliria, Fatmir Sala, për protestë ndaj vendimeve të zyrtarit të ndeshjes, në bazë të nenit 56/1/a) të KDS,dënohet me 2 (dy) ndeshje pezullim nga aktivitetet futbollistike.

-KF Tomori, për sjellje të gabuar të tifozëve duke hedhur sende brenda rrethimit të fushës,në bazë të nenit 66/2 të KDS, dënohet me gjobë në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-KF Lushnja për sjellje të gabuar të tifozëve duke hedhur sende brenda rrethimit të fushës,në bazë të nenit 66/2 të KDS,dënohet me gjobë në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-Lojtari i KF Shkumbini, Shamet Luta, për sjellje të gabuar ndaj zyrtarit të ndeshjes, në bazë të nenit 49/1.a të KDS,dënohet me 4 (katër) ndeshje pezullim nga aktiviteti.

-Lojtari i KF Kukësi, Jeremis Bilalaj, për lojë të rëndë ndaj kundërshtarit, në bazë të nenit 48/1.b të KDS, dënohet me 1 (një) ndeshje pezullim nga aktivitetet futbollistike.

KF Butrinti U-19,për dështim në përmbushjen e përgjegjësive duke mos garantuar sigurinë e zyrtarëve në ndeshjen kundër KF Lushnja U-19,në bazë të nenit 64/1.c dhe 65/2 të KDS, dënohet me humbjen e ndeshjes në tavolinë me rezultatin 3-0.

-KF Butrinti U-19, për sjellje të gabuar të spektatorëve për hedhjen e sendeve brenda rrethimit të fushës së lojës duke shkaktuar akte dhunë ndaj zyrtarëve të ndeshjes dhe ndërprerje përfundimtare të lojës,në bazë të nenit 66/3.c të KDS, dënohet me zhvillimin e 6 (gjashtë) ndeshjeve pa tifozë në stadiumin përkatës.

-Lojtari i KF Vlora U-19, Brigeld Islamaj, për sjellje të gabuar ndaj zyrtarit të ndeshjes,në bazë të nenit 49/1.a të KDS, dënohet me 4 (katër) ndeshje pezullim nga aktiviteti.

-Lojtari i KF Vlora U-19, Hitmen Troqe, për sjellje të gabuar ndaj zyrtarit të ndeshjes,në bazë të nenit 49/1.a të KDS, dënohet me 4 (katër) ndeshje pezullim nga aktiviteti.

-Pranimin e kërkesës së zyrtarit të KF Pogradeci U-19, Ardian Abazaj dhe pezullimin e pjesës së mbetur të dënimit. Në bazë të Nenit 33/4 të KDS, zyrtari Ardian Abazaj vendoset në provë për një periudhë 6 mujore.

-Pranimin e kërkesës së lojtarit të KF “Vora”, Florian Peqini dhe pezullimin e pjesës së mbetur të dënimit. Në bazë të Nenit 33/4 të KDS, lojtari Florian Peqini vendoset në provë për një periudhë 6 mujore.

Lezhjanët u udhëhoqën nga sulmuesi Danaj, i cili shënoi dy herë në pjesën e parë dhe i udhë triumfit. Me nisjen e pjesës së dytë Koci shënoi autogol, ndërkohë që në shtesë Përgjini realizoi edhe golin e katërt për Shënkollin, që nuk fal në shtëpi.

KATEGORIA E PARË – JAVA 3

GRUPI A
E diel, më 23 shtator, ora 16:00
Shënkolli – Korabi 4-0
Shënues: Danaj 28’, 40’, Koci 53’ (aut.), Përgjini 92

E shtunë, më 22 shtator, ora 16:00
Besëlidhja – Veleçiku 2-1
Erzeni – Burreli 1-0
Vora – Iliria 1-1

E premte, më 21 shtator, ora 16:00
Vllaznia – Dinamo 2-0

Tomori, edhe pse në shtëpi nuk mundi dot që të fitonte. Beratasit dhe kavajasit e mbyllën pjesën e parë me rrjeta të paprekura, ndërkohë që me nisjen e pjesës së dytë u akordua një penallti. Kapiteni Çaço nuk arriti të shënojë për Tomorin, por gjithsesi goli erdhi dhjetë minuta nga fundi.

Mujkiç ishte ai që shënoi, por barazimi erdhi shpejt. Një penallti e dhënë për Besën nuk u kthye në gol. Topi i kthyer nga portieri u shfrytëzua nga Çelhaka, i cili shënoi golin që i nxori kavajasit të pamposhtur nga Berati.

Grupi B
E diel, më 23 shtator, ora 16:00
Tomori – Besa 1-1
Shënues: Mujkiç 79’ / Çelhaka 85’

E shtunë, më 22 shtator, ora 16:00
Oriku – Pogradeci 1-0
Egnatia – Lushnja 0-0
Turbina – Elbasani 2-1
Apolonia – Bylis 0-0

Në grupin B luhet një takim mjaft interesante dhe Tomori ka shansin të barazojë me pikë Egnatian e vendit të parë. Beratasit kanë grumbulluar katër pikë në dy javët e para dhe rrogozhinasit barazuan dhe me Lushnjën.

Skuadra e drejtuar nga Bledar Devolli do të presë Besën e Gentian Begejës. Një ndeshje jo e lehtë, që pritet të jetë mjaft e luftuar.

KATEGORIA E PARË – JAVA 3

GRUPI A
E diel, më 23 shtator, ora 16:00
Shënkolli – Korabi

E shtunë, më 22 shtator, ora 16:00
Besëlidhja – Veleçiku 2-1
Erzeni – Burreli 1-0
Vora – Iliria 1-1

E premte, më 21 shtator, ora 16:00
Vllaznia – Dinamo 2-0

Grupi B
E diel, më 23 shtator, ora 16:00
Tomori – Besa

E shtunë, më 22 shtator, ora 16:00
Oriku – Pogradeci 1-0
Egnatia – Lushnja 0-0
Turbina – Elbasani 2-1
Apolonia – Bylis 0-0

Shënkolli luan sezonin e tretë në Kategorinë e Parë dhe objektivi sërish do të jetë të qëndrojë në këtë nivel të futbollit shqiptar. Pritet që drejtuesit të bëjnë edhe disa lëvizje në merkato për të zhvilluar edhe sivjet një kampionat të qetë. Mund të kërkohet sërish te Laçi ndonjë lojtar në huazim, sikurse edhe ndodhi në janar, kur morën të rinjtë Erisildo Smaçi dhe Serxhio Ujka.

Sot Bylisi bëri gjithçka në 16 minuta, sepse në minutën e 12-të ish-mbrojtësi i Flamurtarit Nertil Hoxhaj gjeti golin e avantazhit dhe sulmuesi Vjali Mahmuti shënoi golin e dytë 4 minuta më vonë.

Në një terren aspak të mirë për të luajtur futboll, Shënkolli gjeti një gol shprese me të zakonshmin Ruben Danaj në minutën e 30-të, por vetëm kaq, sepse 3 pikët shkuan në Ballsh.

Tashmë skuadra e drejtuar nga Dritan Sadedini është vetëm 4 pikë poshtë Tiranës, ose më saktë 2 pikë, duke ditur se në fazën play-off pikët aktuale do të përgjysmohen.

Ndërkaq, Shënkolli mbetet i shtati në renditje, tre pikë larg vendit të pestë, naj zor se i eviton ndeshjet play-out.

Tirana burgoset në Shënkoll. Pas shtatë fitoreve dhe një humbjeje bardheblutë shijojnë edhe barazimin. Në një ndeshje të luajtur në një fushë modeste si ajo e Shënkollit, vendësit realisht bënë surprizën, ku në sfidën e parë me Tiranën ndalën bardheblutë. Madje ishin shumë pranë fitores, por eksperienca dhe fuqia bënë që bardheblutë të mos humbin ndeshjen e dytë në Kategorinë e Parë. Sa për Tiranën, eksperimenti Ze Maria dështoi, pasi skuadra nuk mori më shumë se një barazim. Shpëtimtarët janë dyshja Hoxhallari-Karabeci, që gatuajnë golin e barazimit, ndonëse skuadra ishte me 10 vetë. Realisht, barazimi në ndeshjen e javës së nëntë mes vendësve të Shënkollit dhe bardhebluve të Ze Marias, konsiderohet për Tiranën një gjysmë dështim, por kryeqytetasit e çojnë në katër diferencën me Bylisin çka e qetëson disi trajnerin brazilian. Elozhe vendësve që ia dolën të shkruajnë emrin e tyre në historinë e futbollit shqiptar.

SHËNKOLLI – TIRANA 1-1

Shënues: Pjetrushi 18’/ Karabeci 69’ (11-m)

Shënkolli: Rin. Danaj, S. Danaj, Mirdita, Mashi, Baku, Pjetrushi (Selaci 73’), R. Luzi, A. Luzi (Nekaj 91’), Çeku, Kulli (Marku 82’), Gega. Në dispozicion: Hasanaj, Zefi, Dedaj, Merdhoçi. Trajner: Ritvan Kulli

Tirana: Abibi, Cake, Ngo (Hoxhallari 46’), Sentamu, Qilimi, Daja, Çelhaka, Greca, Halili (Doka 56’), Uellison, Kërçiku (Karabeci 66’). Në dispozicion: Lika, Bardhi, Turtulli, Mauexhe. Trajner: Ze Maria

Gjyqtarë: Klajdi Kola, Ani Koçia, Erion Potomi, Kreshnik Bajramaj (Tiranë)

Kartonë të verdhë: Baku 28’, R. Luzi 30’, Pjetrushi 73’/ Çelhaka 45’, 64’

Karton i kuq: Çelhaka 64’

Tjetër minus për Ze Marian: Gabuam 45 minuta

Ndonëse skuadra e tij nuk u mund, madje shtoi me një pikë diferencën me Bylisin, trajneri brazilian i bardhebluve tha se në pjesën e parë skuadra nuk ishte në fushë

Që në zë ndihej zhgënjimi i Ze Marias pas barazimit të djeshëm me Shënkollin. Ndonëse skuadra e tij nuk u mund, madje shtoi me një pikë diferencën me Bylisin, trajneri brazilian i bardhebluve tha se në pjesën e parë skuadra nuk ishte në fushë. “Kemi gabuar në pjesën e parë. Veç golit kemi treguar dobësi në mbrojtje dhe në sulm. U kemi dhuruar kundërshtarëve mundësi për të shënuar. Këtë nuk duhet ta bëjmë më kurrë. Na u desh të ndryshonin disa gjëra që të merrnim pikën në pjesën e dytë”, është shprehur në fillim Ze Maria.

Trajneri i Tiranës tregoi se objektivi ishin tri pikët, por plani u prish në fund të pjesës së parë. “Ne nuk erdhëm për barazimin, por për të fituar ndeshjen. Këtë e bëjmë gjithmonë dhe kundër çdo kundërshtari. Gjetëm një kundërshtar që u mbyll shumë mirë dhe një fushë të vogël për të luajtur. Më pas janë edhe gabimet tona. Dhuruam golin dhe raste pa fund. Në pjesën e dytë skuadra doli në lojën e saj, luajti më mirë dhe barazuam lojën. Patëm mundësi për të fituar, por nuk ia dolëm”, vazhdoi më tej Ze Maria që preku edhe temën e lojtarëve që kishte lënë pushim.

“Kishim lënë pushim disa titullarë, sepse kemi tre ndeshje këtë javë. Nuk ia hoqëm rëndësinë ekipit. Kanë luajtur gjashtë lojtarë nga 11 të ndeshjes së fundit dhe më pas të tjerët. Qilimi është pjesë e skuadrës. Nuk është mungesë respekti, por vetëm një “rrotacion”  për dy ndeshjet e radhës. Objektivi ynë është kthimi në Superligë. Dhe këtë gjë do ta bëjmë. Skuadra është e përqendruar dhe me besim. E meriton të jetë atje. E rëndësishme është që skuadra nuk u mund edhe në ditë jo të mira si kjo e sotmja. Jam i bindur se do t’ia dalim”, ka mbyllur trajneri i bardhebluve.

Pjetrushi: Goli për tim vëlla

Klajdi Pjetrushi, autori i golit të Shënkollit ka qenë shumë i emocionuar në sfidën e djeshme me Tiranën. Shënoi një gol që i dha një pikë Shënkollit, gol për të cilin ka një dedikim special.

“E pata thënë që Tirana është skuadra më e mirë e kësaj kategorie, por në fushën tonë të gjithë do ta kenë të vështirë. Golin ia dedikoj vëllait tim që nuk jeton më. Duhet të them se sporti është i tillë. Miqtë barazuan me një penallti. Edhe një pikë na gëzon. Ne kemi si synim pesëshen e parë, siç ia dolëm edhe vjet, ndonëse është fusha që vendos. Kemi dy ndeshje me Apoloninë dhe Bylisin ku shpresojmë të fitojmë”, mbylli lojtari shënkollas.

Kulli: Duam pesëshen e parë të grupit B

Ritvan Kulli, trajneri i Shënkollit thotë se ishte mëkat që skuadra humbi dy pikë. Sipas tij, lojtarët u trembën nga emri i Tiranës, por ai gjithsesi është i kënaqur me pikën e marrë. “Ne e dinim kë kishim përballë. Edhe pse pjesa e parë u mbyll në favorin tonë, ne e dinim që Tirana do të sulmonte dhe u tërhoqëm pak pas. Ne kemi luajtur të barabartë me Tiranën. Kjo tregon se skuadra ka grintë e forcë. Më vjen keq, sepse ndeshja duhej të mbyllej me fitoren tonë. Kam mendimin tim për 11-metërshin, por e gjykojnë të tjerët. Unë jam i kënaqur nga loja e skuadrës që edhe me mungesa po ia dalim. Them se jemi në objektivin tonë, pesëshen e parë të grupit B”, mbylli Kulli.

Benard Gjikolaj

Derbi fitohet nga Besëlidhja. Skuadra e drejtuar nga Anteu Pepaj ka thyer Shënkollin në shtëpinë e këtyre të fundit dhe kualifikimi në raundin tjetër të Kupës duket i vendosur tashmë. Në fragmentin e parë të lojës asnjëra skuadër nuk arriti të shënojë, ndërkohë që në të dytën Dyca hapi takimin me golin e tij. Një tjetër shkodran, Samet Bajri, u bë protagonist, pasi i priti penalltinë Ruben Danajt. Portieri 19-vjeçar ka dëshmuar edhe te Vllaznia U19 se ka “nuhatje” për 11-metërshat, ndaj nuk mund të konsiderohet rastësi. Për të mbyllur llogaritë mendoi Konte me golin e shënuar në limitet e takimit.

NDESHJA
Takimi mes Shënkollit dhe Besëlidhjes nisi i qetë, me Besëlidhjen me skuadrën mike që mori kontrollin e lojës. Dhjetë minutat e para nuk sollën asgjë, ndërkohë që sulmi i parë i rrezikshëm u regjistrua me Oumar Kamara dhe Mus Bangura, por ky i fundit nuk ishte i saktë me goditjen e tij. Në mesin e pjesës së parë ishte Shënkolli që iu afrua golit, por gjuajtja e Kullit me kokë shkoi mbi tra. Ndonëse të dyja skuadrat sulmuan zonat respektive, mbrojtjet ishin në lartësinë e duhur për ta mbajtur rezultatin të bardhë në 45 minutat e para. Pjesa e dytë nisi më e fortë. Besëlidhja e mori seriozisht, duke u organizuar dhe në të 49’ ishte I. Kamara që gjuajti fort ngjitur me traun e portës vendase. Kundërpërgjigjen vendasit me një sulm të nisur nga Mirdita, i cili kombinoi me Kullin dhe ky i fundit e çoi sferën te Ruben Danaj. Sulmuesi nuk ia doli të gjuante në kohë dhe mbrojtje e Besëlidhjes largoi rrezikun. Goli do të vinte në minutën e 56-të, teksa Dyca pas pasimit të O. Kamara, duke studiuar pozicionin e portierit shënkollas, gjuajti dhe e kaloi topin në rrjetë. 0-1 dhe Shënkolli vihet në lëvizje, por pa mundur që t’i finalizojnë aksionet, pas mbrojtësit e Besëlidhjes ishin në lartësinë e detyrës. Në minutën e 70-të Danaj pati një mundësi nga një goditje dënimi, por gjuajtja e tij shkoi mbi tra. Pesë minuta më vonë Mirdita u pengua në zonë dhe për kryesorin Dragusha kemi të bëjmë me penallti. Merr përsipër Ruben Daja, që u befasua nga portieri Bajri, i cili grushtoi goditjen e sulmuesit lezhjan, që i hoqi mundësinë për të barazuar shifrat. Kjo ndikon në lojën e Shënkollit, ndërkohë që Besëlidhja arrin të realizojë edhe një gol tjetër në fund të takimit me Konten dhe gjithçka u mbyll me rezultatin 0-2.

13 shtator 2017, ora 16:00, Shënkoll

SHËNKOLLI – BESËLIDHJA   0-2

Shënues: Dyca 56’, Konte 89’

SHËNKOLLI: Rin. Danaj, S. Danaj (Gega 15’), Mashi, Mirdita, Baku, Pjetrushi, Selaci, Ceku (Gjonaj 65’), Kulli, Ramaj, Rub. Danaj. (NË DISPOZICION: Hasanaj, Nekaj, Dodaj, Dedaj, Zefi). TRAJNER: R. Kulli

BESËLIDHJA: Bajri, Hidri, Dore, Ndreca, I. Kamara, Met’hasani, Dyca, Përgjoni, Malaj (Miloti 63’), O. Kamara, Bangura (Konte 85’). (NË DISPOZICION: Dibra, Gomez, Shquti, Hepaj). TRAJNER: A. Pepaj

DELEGAT: Anastas Buneci (Tiranë)

VËZHGUES: Besnik Meço (Tiranë)

GJYQTARË: B. Dragusha, F. Thorja, S. Zeka, A. Pirani (Shkodër)

KARTONË TË VERDHË: Mirdita 25’, Gegaj 36’, Pjetrushi 90+2’/ Dore 25’, Bangura 69’

Bujar Balliu

Iliria-Shënkolli           4-3
Shënues: Bardhi 7’(11-m), Xhabrahimi 25’, 50’, Paplekaj 75’/ Danaj 23’, 62’, Ramaj 27’

Iliria: Ujka, Sala, Paplekaj, Balluku, Doçi, Turkaj, Kurti, Bardhi, Hasaj, Xhabrahimi, Selaci. (U aktivizuan: Baku, Gjoni, Voga, Lamaj, Dedgjonaj). Trajner: F. Sala
Shënkolli: Hasanaj, Gjoni, Mirdita, Mashi, Ramaj, Përgjini, Pjetrushi, Çeku, Doda, Kullaj, Danaj. (U aktivizuan: Suma, Nokaj, Mërdhoçi). Trajner: R. Kulli
Gjyqtarë: I. Ujka, E. Hushi, S. Shehu

Sezonin e ardhshëm grupi B do të ketë një derbi të veriut, pasi Iliria dhe Shënkolli janë zhvendosur në këtë grup dhe do të kenë si mision qëndrimin në këtë kategori ku garojnë. Një sfidë me shumë gola ajo e djeshmja në stadiumin “Redi Maloku”, teksa në fund kanë qenë vendasit që kanë triumfuar me rezultatin 4-3. Ndeshja nisi me mjaft ritëm dhe raste nga të dyja krahët, me Xhabrahimin që iu afrua golit në dy raste, ndërsa miqtë rrezikuan me Danajn. Goli do të vinte në minutën e shtatë, kur Turkaj fitoi një penallti dhe Bardhi u tregua i saktë përballë portierit kundërshtar.

Interesante sfida, pasi miqtë këmbëngulin dhe realizojnë me Danajn në minutën e 23-të. Për katër minuta u shënuan edhe dy gola të tjerë, me Xhabrahimin që riktheu avantazhin për Ilirinë, ndërsa Ramaj i dërgoi shifrat në 2-2, rezultat më të cilin do të mbyllej pjesa e parë e takimit. Iliria nuk u pajtua me rezultatin dhe do ta rikthente avantazhin pesë minuta pas nisjes së pjesës së dytë të takimit, ku protagonist ishte kapiteni Doçi me krosimin e tij për Xhabrahimin, që me kokë realizon golin e dytë personal dhe të tretin për fushë-krujasit.

Ruben Danaj duket se e ka marrë “personale”, teksa tregon edhe njëherë aftësitë e tij, duke barazuar sërish shifrat. Nuk mbaron këtu seria e golave, pasi Paplekaj do shfrytëzonte një krosim të Doçit nga një goditje dënimi dhe do “vuloste” takimin në 4-3 për Ilirinë.