Ekskluzive: Gjak i ri në kombëtare, zbuloni emrat e kuqezinjve nën vëzhgim

Sport Ekspres — Mon, 20 May 2019 16:10:09 +0000

Shqipëria nesër nis përgatitjet në Durrës dhe kjo periudhë do të të shërbejë për trajnerin Edi Reja për të parë një pjesë të lojtarëve të kombëtares, por edhe të rinj të tjerë që do të mbahen nën vëzhgim. Sigurisht duhej edhe një numër i përshtatshëm që italiani të zhvillonte seanca stërvitore normale dhe janë ftuar edhe disa lojtarë të kombëtareve të moshave.

SportEkspres.com mëson se janë tre lojtarë të Shkëndijës së Tetovës, Omar Imeri (sulmues krahu), Shefit Shefiti (sulmues) dhe Arbin Zejnullai (mesfushor qendre, organizator), të cilët do të shihen nga trajneri Edi Reja nga afër. Veç këtyre të treve, nga Trim&Lum Struga do të jenë i ftuar edhe Blerton Sheji. Ky i fundit luan si mbrojtës i majtë.

Një tjetër i ri që do të jetë nën urdhrat e trajnerit italian është edhe mesfushori i Leganes, Kleandro Lleshi. Ky i fundit ka postuar edhe një foto në rrjetet sociale. FSHF një ftesë e ka dërguar edhe në klubin e Partizanin për Esat Malën, i cili do të jetë i grumbulluar së bashku me Lorenc Trashin dhe Bruno Telushin.

VIDEO | Ngjashmëria e frikshme, Shefiti shënon si… “laçiani” Xhejms

Sport Ekspres — Mon, 19 Nov 2018 18:27:22 +0000

Shefit Shefiti ka arritur të shënojë gol në miqësoren që Shqipëria U21 po luan me Maltën. Një realizim mjaft i bukur, që erdhi pas një skeme të aplikuar në mënyrë perfekte nga djemtë kuqezi. Gjithçka e mirëmenduar.

Muçolli shërbeu për Imerin dhe ky i fundit asistoi për Shefitin. Ky i fundit arriti të kalonte portierin kundërshtar dhe të bënte kuqezinjtë të festonin. Por një gol i tillë është shënuar edhe në të shkuarën dhe ka ndodhur në stadiumin “Qemal Stafa”.

Në maj të vitit 2015, në finalen e Kupës së Shqipërisë mes Laçit dhe Kukësit, ishin kurbinasit që realizonin me një skemë të përafërt. Veliaj tokazi pasonte për Marko Cetkoviç dhe malazezi shërbente për Xhejms Adeniji. Nigeriani me qetësi e dërgonte më pas topin në rrjetë.