Skuadra e re ku do të aktivizohet mesfushori, i cili ka luajtur dhe për Shqipërinë, është në mes të kampionati dhe ka si objektiv mbijetesën, pasi aktualisht ndodhet në zonën e rrezikut për rënie.

“Klub i ri në karrierë. Nga sot jam pjesë e skuadrës norvegjeze IK Start. Më bindi projekti i ri i klubit për të nënshkruar këtu. Shpresojmë se do t’i arrijmë objektivat. Jam mjaft i lumtur për aventurën e re që po nis. Mezi po pres të fillojmë”, përfundon postimi i Shalës.

Shala është rritur në Norvegji, shkëlqeu te Odd dhe prej aty kapi kombëtaren shqiptare. Deri aty, gjithçka perfekte për mesfushorin, që siguroi edhe një kontratë me Spartën e Pragës, por aty nuk ia doli.

Huazim te Liberec, ku shkëlqeu, pastaj në Turqi te Kasimpasha, pa shumë sukses. Sparta ia ka shitur Lingbit dhe tani vjen firma në Norvegji.