CHAMPIONS – “Ishte diçka e jashtëzakonshme. Të fitosh sërish Champions-in pas 14 vitesh për Liverpulin, ishte diçka unike. Do të jetë një nga netët e paharrueshme në jetën time, një natë shumë speciale.

RONALDO – “Mbrëmë nuk ishte ndeshja e tij më e mirë, por në fund shënoi tre gola dhe vendosi ndeshjen. Kristiano i dha fitoren Portugalisë. Nuk është gjithmonë një lojtar që e fiton takimin, por mbrëmë një nga lojtarët më të mirë në histori vendosi gjithçka”.

LIVERPULI – “E dija që në fillim, nuk firmosa për të luajtur në çdo ndeshje. Por dua të jem këtu, jam i lumtur që jam pjesë i Liverpulit. Këtu të gjithë janë kampionë dhe kemi krijuar një skuadër të pabesueshme”, përfundoi sulmuesi me origjinë shqiptare.

Tekniku gjerman ka bërë ndryshime në çdo repart. Në mbrojtje Gomez është zëvendësuar me Alekandër-Arnold, ndërsa mesfusha nuk është me katër lojtarë, por me tre: Milner, Fabinjo dhe Henderson.

Mbi treshen e mesfushës vendoset një “trinom” i improvizuar për shkak të dëmtimeve të Firminos dhe Salah. Brazilianin e zëvendëson sulmuesi belg Origi, ndërsa Shaqiri i është besuar vendi i lënë bosh nga Salah.

Liverpul – Barcelona  4-0 (0-3)
Origi 7’ 80′, Vijnaldum 54’ 56’

EPISODET – 

80’ – Gooool Liverpuli, përmbysje e çmendur në “Anfield”. Origi shënon të dytin personal dhe të katërtin për Liverpulin. Fantastikë të kuqtë e Jurgen Klop

56’ – Goool Liverpuli, Vijnaldum shënon sërish. Pas një krosimi perfekt nga e majta, mesfushori kërcen më lart se të gjithë dhe shënon me kokë. Baraspeshë totale!

54’ – Goool Liverpuli, përmbysja shumë pranë. Vijnaldum, i futur në pjesën e dytë, shfrytëzon mjaft mirë krosimin e Arnold dhe ndëshkon Ter Shtegen. Rihapen fatet e kualifikimit

7’ – Goool Liverpuli! Divok Origi arrin të gjejë rrjetën që në minutën e 7’ të takimit, duke mposhtur Ter Shtegen. Gjuajtja e Henderson pritet nga portieri gjerman, por Origi është në vendin e duhur për të shënuar me portën e boshatisur.

Formacionet e takimit:

Liverpul – Alison, Aleksander-Arnold, Matip, Van Dijk, Robertson, Fabinjo, Milner, Henderson, Shaqiri, Mane, Origi. Trajner: Jurgen Klop

Barcelona – Ter Shtegen, Roberto, Pike, Longle, Alba, Rakitiç, Buskets, Vidal, Kutinjo, Suarez ,Mesi. Trajner: Ernesto Valverde

Në harkun e shtatë minutave futbollisti nga Gjilani shënoi dy gola duke vulosur njëkohësisht fitoren e Liverpulit dhe shkarkimin e Zhoze Murinjos.

Megjithatë, ai moment i përket së shkuarës, ndërsa e tashmja është krejt ndryshe. Shaqiri është kthyer nga lojtari i parëq që futej në fushë nga stoli në një rezervë të minutave të kohës shtesë, madje janë bërë të shpeshta ndeshjet ku nuk aktivizohet përgjatë të gjithë takimit.

Shkurti ishte muaji ku filluan problemet e 27-vjeçarit, ku aktivizua vetëm 2 herë nga stoli edhe pse axhenda e Liverpulit ishte mjaft e ngjeshur.  Mars më pas ishte krejtësisht për t’u harruar, tri herë në stol, por asnjë aktivizim, ndërsa në Prill ka marrë vetëm dy aktivizime nga stoli në katër takime.

https://www.youtube.com/watch?v=mtMgG62w8nA

Në një intervistë për të medien zvicerane “Blick”, Rama tregon rrethanat në të cilat erdhi ftesa nga trajneri Këbi Kuhn dhe rrugëtimin e tij në Zvicër që filloi nga kategoria e pestë dhe kulminoi me ngritjen në kategorinë e parë disa vite më vone me skuadrën e Tunit.

“Kam qenë i pari shqiptar që kam luajtur për përfaqësuesen e Zvicrës. Pas meje erdhi Valon Behrami dhe më pas djemtë e tjerë. Mendoj se dhe për ata ka qenë një ëndërr e bërë realitet”.

KISHTE INTERES NGA SHQIPËRIA ? – “Federata e Shqipërisë më kontaktoi, por asnjë herë nuk u bë një gjë konkrete. Kur më erdhi ftesa nga Zvicra e pranova menjëherë. Më mbush me krenari fakti që kam luajtur shtatë herë për kombëtaren e Zvicrës. Do t’i jem përjetë mirënjohës trajnerit Këbi Kuhn”.

“Kurrë nuk e kisha përfytyruar se një ditë do të luaja për Zvicrën. U rrita në Kosovë, më pas kur erdha në Zvicër fillova të luaja për një ekip të kategorisë së pestë. Gjithçka ndodhi shumë shpejt, mu duk si një mrekulli kur më kërkoi klubi i Tunit. Në vitin 2002 ekipi jonë kaloi nga kategoria e dytë në të parën. Goli që shënova në ndeshjen e play-off ndaj Vinterthurit është goli më i rëndësishëm i karrierës sime”.

SI U PRITE SI SHQIPTARI I PARË I ZVICRËS – “Më pritën shumë mirë. Nuk u thirra nga Zvicra për shkak të kombësisë sime, e fitova atë ftesë falë golave të mi”.

FESTIMET ME SHQIPONJË TË XHAKËS E SHAQIRIT – “Ajo ndeshje kishte shumë emocione. Lojtarët nuk menduan për pasojat e mundshme. Presioni që ke kur shënon në një ndeshje të tillë është shumë i madh. Festimi me Shqiponjë bëri shumë shqiptarë krenarë, por akoma dhe më i madh ishte gëzimi i fitores. Nëse do të kishim fituar ndaj Suedisë, nuk do të flitej më për çështjen e festimit”.

ME ÇFARË MERRENI TANI? – “Tani punoj në industrinë e sigurimeve, ndërsa si profesion të dytë kam atë të agjentit të lojtarëve. Vazhdoj të luaj futboll me një ekip amator, por tani nuk shënoj gola, pasi kam bërë plot gjatë karrierës sime”, përfundoi Rama.

Disa tifozë të Liverpulit kanë shfrytëzuar rrjetet sociale për të shprehur pakënaqësitë e tyre me rezultatet e fundit, por sidomos pas barazimit kundër rivalëve të përjetshëm, Evertonit.

“Klop ka frikë dhe po luan në mbrojtje!”, “Ku është Shaqiri?!”, këto kanë qenë vetëm disa nga postimet e tifozëve në rrjetet sociale dhe duket qartë se janë të pakënaqur me mënyrën sesi Klop po e drejton skuadrën për momentin. Barazimi kundër Evertonit bëri që Liverpuli ta humbasë vendin e parë në renditje dhe tashmë, favoritë për titullin kampion në Angli shihen “Qytëtarët” e Mançester Sitit.

GOL KUNDËR BAJERNIT ? – “Do të isha shumë i lumtur nëse do të shënoja gol në këto dy takime që kemi ndaj Bajernit. Zakonisht nuk e vras shumë mendjen kur shënoj, por do të ishte shumë e veçantë ndaj Bajernit. Nuk di të them a do festoja ose jo. Kjo do të varet nga gjendja në të cilën jam në momentin”

KUJTIMET – “Kam kujtime shumë të mira nga ndeshje me Bajernin. Momenti im më i mirë në karrierë. Ishin një periudhë prej 2 vitesh e gjysmë me shumë trofe dhe emocione. Mësova shumë atje, jo vetëm në aspektin e sportit, por edhe atë njerëzor. Krijova dhe shumë miqësi. Sa herë shkoj në Mynih ndihem si në shtëpi”.

RIKTHIM – “Një rikthim te Bajerni është krejtësisht i mendueshëm për mua, pasi Bajerni është një ekip që e kam përzemër. Nëse do të kërkonin sigurisht që do të ishte diçka shumë interesante dhe emocionuese për mua. Por tani që jam në klubin perfekt me trajnerin perfekt”.

KLOP – “Ai ka ndryshuar shumë gjëra këtu. Kur vij në stërvitje vërej që çdo punëtor i klubit nga kopshtarët te kuzhinierët e dashurojnë atë. Është njeri shumë miqësor që flet me këdo. Gjëja më e rëndësishme tek ai është karakteri i tij. Me një karakter të mirë mund arrish shumë gjëra në jetë. Ai di si të ndërtojë raporte njerëzorë”.

SHORTI ME BAJERNIN – “E dija që në moment që do ta kishim shumë të vështirë, gjithsesi mbetet një sfidë interesante. Do të përpiqemi t’i sulmojmë ata në pikat e tyre të dobëta. Duam të rikthehemi në finale ashtu si vitin e kaluar. Bajerni ishte ekipi që doja ta shmangia më shumë nga të gjithë”.

EKIPI FAVORIT – “Do thosha që Bajerni vjen si favorit në këtë takim. Ata ndoshta kanë qenë klubi më i mirë në botë gjatë viteve të fundit. Gjithmonë luajnë për të fituar trofe. Megjithatë dhe ne te Liverpuli jemi në rrugën për shkuar atje ku Bajerni ndodhet tani”.

LARGIMI NGA STOUK SITI –“Kalova tri vite të bukura te Stouk Siti. Ata më dhanë shansin për të luajtur në Premier League, por fatkeqësisht ranë një kategori më poshtë. U zhgënjeva shumë, pasi ai klub nuk e meritonte atë gjë. Por më pas pë duhej një sfidë e re dhe mu dha shansi te Liverpuli. Jyrgeni (Klop) më mori në telefon dhe më tha se i duhesha në skuadër. Nuk hezitova aspak, pasi doja të luajë për një klub të madh”.

KONTAKTI I PARË ME JYRGEN KLOP – “Vëllai im Erdini më njoftoi për telefonatën e tij, më pas Klop më dërgoi një mesazh dhe më pyeti a mund të flisnim me video-telefonatës. I thashë sigurisht dhe ishte bisedë shumë e këndshme”, përfundoi Shaqiri.

Plot 160 ditë ka 27-vjeçari te “The Reds” dhe duket mjaft i lumtur. Vetë anësori ka publikuar një foto ditën e sotme ku tregon se po feston këto 160 ditë me fanellën e Liverpulit duke pirë… çaj.

Çaj njihet nga të gjithë si një pije tradicionale në Angli, por edhe në vendin tonë përdoret jo pak. Shaqiri duket se e ka nuhatur këtë detaj dhe nuk ka nguruar që të “luajë” paksa në Instagramin e tij.

Është ende herët, tepër herët, por nëse Mançester Siti është në humor për të bërë dhurata, nuk ka arsye pse The Reds të mos festojnë.

Sot në Anfield ishte një spektakël i vërtetë, sepse që në minutën e 11-të Lovren shënoi nga distancë e afërt në zonë dhe më pas nuk kishte reagim nga miqtë.

Sapo nisi pjesa e dytë Salah shënoi nga pika e bardhë dhe më pas lajmet nga Lesteri ishin mrekulli, sepse erdhi përmbysja që tashmë ndryshon bujshëm Premier Ligën.

Shaqiri e Fabinjo në fundin e takimit merrnin pjesë në festë dhe tashmë Liverpuli e sheh veten 6 pikë mbi Totenhemin e 7 mbi Mançester Sitin!

Nuk kishte si të ndodhte ndryshe që lojtari më i mirë i Ligës A të mos ishte një futbollist i Zvicrës. Xherdan Shaqiri ka marrë vlerësimin më të larta nga ana e “Ëhoscored.com”. Futbollisti nga Gjilani ka spikatur me paraqitjet e tij, edhe pse ka shënuar vetëm një gol. Lojtari me origjinë shqiptare është vlerësuar me notën 8.28, duke lënë pas lojtarë të Holandës apo dhe Spanjës.

Sajti i specializuar i të dhënave tregon dhe statistikat e Shaqirit, që vërtetë janë të admirueshme. Prej vitesh 27-vjeçari është një lider te “helvetët”.

He was hugely influential for a Switzerland side that eventually topped group 2 and with a WhoScored rating of 8.28, @XS_11official is our player of League Ahttps://t.co/y7ODNSGeZ2 pic.twitter.com/X8jmAwf0Kn

— WhoScored.com (@WhoScored) November 21, 2018

27-vjeçari ka folur për të parën herë pas asaj ndeshje, duke e pranuar vendimin e trajnerët. Po ashtu Shaqiri komenti dhe situatën në skuadër, ku nuk la jashtë vëmendjes dhe një krahasim për Liverpulin dhe Bajenrin.

“Do të ishte një atmosferë e nxehtë dhe ishte më mirë që të mos ushtoja me skuadrën e të isha i përqendruar vetëm për futbollin dhe asgjë tjetër”.

“Isha në një gjendje të mirë dhe u stërvita me një pjesë të lojtarëve që nuk ishin për këtë ndeshje. Doja që të paraqitesha mirë në ndeshjen pasardhës dhe ishte diçka e mirë. Është trajneri ai i cili vendos nëse do të luaj nga fillimi apo do të futem në pjesën e dytë. E rëndësishme është që të japim më të mirën tonë dhe të japim ndikimin tonë kur të aktivizohemi. Në një skuadër nuk mund të luajnë më shumë se 11 lojtarë Çdokush duhet t’i pranojë vendimet e trajnerit dhe deri tani gjithçka ka shkuar shumë mirë”.

“Konkurrenca? Kam luajtur me lojtarë si Frank Riberi dhe Arjen Roben te Bajerni. Nuk është diçka e re për mua. Nuk mund të bëj krahasime, pasi lojtarët janë të ndryshëm, të cilët luajnë sipas skemave të trajnerit. Sa i përket intensitetit të ndeshjeve është në të njëjtin nivel si te Bajerni ashtu dhe te Liverpuli”.

MUNGESA E SHAQIRIT – “Shumë herë më duhet të marrë vendime për lojtarët që më duhet të grumbulloj dhe futbollistët e mi duhet ta pranojnë këtë gjë. Kam dhënë një deklaratë në sajtin e klubit ku mund të mësoni më shumë në lidhje më ketë çështje. Është e trishtueshme. Politika ka influencë në çdo fushë të jetës. Jemi këtu për të luajtur futboll. Nuk donim një histori jashtë futbollit prandaj morëm këtë vendim”.

KUNDËRSHTARI – “Janë një skuadër e fortë dhe do të jenë akoma më të rrezikshëm, pasi ndeshja do të ketë një atmosferë më të cilën ata janë mësuar. Luajtëm shumë mirë në ndeshjen e parë në “Anfield”. Ne në Liverpul e dimë sa e rëndësishme është atmosfera e një ndeshje”.

NJOHURI TË SERBISHTES ? – “Kam punuar me shumë persona nga ballkani, por fatkeqësisht nga ata kam mësuar vetëm disa fjalë fyese dhe këtu nuk është vendi i përshtatshëm për t’i thënë ata (qesh)”, përfundoi Klop.

“Kemi dëgjuar e lexuar shumë nga spekulimet se çfarë pritje do të kishte Shaqiri në Beograd. Megjithëse nuk e dimë se çfarë do të ndodhë, duam të shkojmë atje duke qenë të fokusuar 100% në aspektin futbollistik, s’duam të mendojmë për gjëra të tjera”

“Duam që të shmangim shpërqendrime në lojë dhe të fokusohemi te futbolli dhe vetëm të futbollit, prandaj Shaqiri nuk është përfshirë në takimin e nesërm dhe ai e ka pranuar këtë vendim tonin. Ai është lojtari ynë dhe do luajë për ne shumë herë në të ardhmen, por jo të martën”, përfundoi Klop.

“Kurir.rs” shprehet se në klub e dinë mirë se Shaqiri do të jetë në qendër të sulmeve të tifozëve vendas dhe ai ka menduar që të mos jetë në këtë ndeshje. Gjithsesi, nuk specifikohet në asnjë moment që kjo është një zgjedhje e trajnerit, i cili ka kërkuar në momentin që ka bërë publike listën mirëkuptimin e lojtarit, duke nënkuptuar që dëshira e gjilanasit ka qenë që të mos mungonte në këtë ndeshje. Në mediat serbe thuhet s ekjo zgjedhje është bërë për të shmangur problemet.

Ka marrë jo pak jehonë mungesa e 27-vjeçarit, pasi pak kohë më parë një prej drejtuesve të Cervena Zvezdës e kishte këshilluar që të mos udhëtonte drejt Marakanasë, për të shmangur pritjen e ashpër që do i bënin tifozët e Yllit të Kuq.

Vetë trajneri Klop e ka dhënë lajmin, duke theksuar se Shaqiri do të ketë mundësi të tjera për të luajtur me skuadrën e Liverpulit, por kjo në këtë sfidë. Tekniku i “The Reds” beson se lojtari i përfaqësueses së Zvicrës, por me origjinë shqiptare do ta mirëkuptojë këtë vendim. Sigurisht që nga Serbia ka pasur shumë ngacmime, ku thuhej se do i rezervohej një pritje e ashpër lojtarit nga gjilanasit, ndaj klubi ka menduar që të mos e lërë të udhëtojë në këtë ndeshje.

Kujtojmë që Shaqiri festoi me shqiponjë në Kupën e Botës kur i shënoi gol Serbisë. Ky veprim solli shumë reagime dhe nuk duhet harruar se dhe në Angli, në ndeshjen e fundit mes Liverpulit dhe Cervena Zvezdën serbët e ofenduan edhe në shqip Shaqirin.

Vetë Shaqiri ka folur rreth eksperiencave të tij në të shkuarën, ku ka kërkuar më shumë respekt, pasi ai ka mundur që të fitojë Championsin me Bajernin, edhe pse njerëzit i kujtojnë se ai ishte pjesë e Stok Sitit që tra prej kategorie një vit më parë.

Nuk kishte si të mos përmendej dhe ndeshja e radhës që Liverpuli do të ketë në Beograd. Vetë anësori thekson se duhet ndarë sporti nga politika dhe se ngjarja e ndodhur në Kupën e Botës është një ngjarje që i përket të shkuarës.

KARRIERA – “Rënia një kategori më poshtë me Stok Sitin ishte një përvojë shumë e keqe. Uroj që ata të rikthehen sa më parë. Pavarësisht kësaj që ka ndodhur, unë jam një fitues i Champions League-s, ndaj them se meritoj më shumë respekt. Njerëzit duhet të kujtojnë se ku kam luajtur më parë, cilësitë që kam, si dhe çfarë kam arritur. Kam luajtur në një nga skuadra më të mëdha në botë si Bajerni dhe jam duke luajtur për një prej skuadrave më të mëdha. Në të tilla kushte nuk ndjej aspak presion nga fanella e Liverpulit. Sa herë kthehem në Mynih tifozët me tregojnë se sa shumë më duan. Dua që diçka e tillë të ndodhë dhe këtu”.

LIVERPULI – “Them se jam përshtatur mirë dhe po arrij që të kap 100% tim. Është e rëndësishme që kur shkon në një skuadër të re të bësh paraqitje të mira. Duhet pak kohë për të kuptuar atë që kërkon trajneri, por dhe për t’u harmonizuar me shokët e skuadrës. Trajneri po më jep minuta dhe ndihem mirë, pasi po përmirësohem”

OBJEKTIVAT – “Është një ndjenjë e pabesueshme për mua që të luaj sërish në Champions, pas asaj që ndodhi me Stok Sitin edicionin e shkuar. Ëndërroj që të fitoj trofe të rëndësishëm me Liverpulin”.

NDESHJA NË BEOGGRAD – “Nuk besoj se Zervena Zvezda është kundërshtari ynë më i fortë. Të jem i sinqertë nuk shqetësohem aspak për ndeshjen në Beograd. Ajo që ka ndodhur në Kupën e Botës është diçka e shkuar, po flasim vetëm për një ndeshje futbolli. Futbolli është futboll dhe jo politikë. Unë do të shkoj për të luajtur futboll dhe për asgjë tjetër”.  

Xhon Aldrixh, ish legjenda e “The Reds” ka folur me superlativa për Shaqirin, duke e konsideruar se prurjen më të mirë që Jurgen Klop ka bërë në merkaton e verës. 27-vjeçari la Stoks Sitin në verë për të kaluar te Liverpuli, ku deri më tani po bën mjaft mirë, çka dëshmohet dhe nga komplimentet që shkojnë drejt tij.

“Kur Shaqiri hyri në fushë ndaj Kardifit, loja jonë ndryshoi dhe ne u bëmë të paparashikueshëm. Na kishin ngulur në mbrojtje para se ai të vinte në fushë, më pas ai me eksperiencën e tij, me pasat dhe lëvizjet e shkëlqyera ndryshoj gjithçka. Dhe goli gjithashtu. E ka vendosur veten në një pozicion të mirë. Ai është absolutisht i shkëlqyer. Mendoj se Shaqiri për 13 milionë sterlina ishte goditja më e mirë e merkatos verore”.

Gjithsesi, anësori duket se është gati që të luajë edhe në ndeshjen që do të zhvillohet pas dy javës, duke theksuar se bëhet fjalë për një ndeshje futbolli dhe se nuk duhet të mendojmë për politikë: “Nuk më intereson se çfarë thuhet.  Unë kam luajtur ndaj serbëve dhe në Kupën e Botës. Jam gati që të shkoj dhe të luaj atje. Flasim për futboll jo për politikë”, ka thënë lojtari nga Gjilani.

27-vjeçari ishte në qendër të vëmendjes gjate Kupës së Botës, pasi e festoi me shqiponjë golin që shënoi ndaj Serbisë. Sigurisht që nëse sulmuesi shkon në Beograd atëherë kjo mund të sillte ndonjë reagim nga tifozët edhe pse dihet se do ta presin jo mirë. Mbete për t’u parë nëse Klop do të vendosë ta marrë me vete Shaqirin në ndeshjen e katërt të Ligës së Kampioneve apo nuk do të rrezikojë, pasi dihet se në organikën e tij ka mjaftueshëm lojtarë me kualitet.

Ndonëse Shaqiri luan për Përfaqësuesen e Zvicrës, asnjëherë nuk e ka mohuar origjinën e tij dhe ka mjaft miq shqiptar. Një prej tyre është dhe Florian Marku, i cili mbrëmjen e djeshme zhvilloi një ndeshje ndaj rumunit Ion Vranceanit, të cilin e mundi në dy raunde.

Shaqiri, në pamundësi për ta ndjekur ndeshjen nga Ferizaj ka shfaqur mbështetjen e tij nga një postim në “Instagram”. 26-vjeçari duket jo pak entuziast, teksa e uron Markun: “Urime Bisha”. Gjithsesi, video ka qenë vetëm pak orë në profilin e lojtarit të Liverpulit, i cili pak minuta më parë e ka fshirë.

Adam e akuzoi Shaqirin si një lojtar arrogant, që si bëhej vonë fare për pjesën tjetër të skuadrës dhe nuk ia ndiente fare për fatin e klubit. Disa muaj pas kritikave të Adams, Shaqiri ka thyer heshtjen në një intervistë për medien britanike “Standard”, ku i është kundërpërgjigjur ish-kolegut.

“Mendoj se deklaratat e tij kanë ardhur si pasojë e xhelozisë, sepse unë u transferova në një klub të madh si Liverpuli. Unë isha ndër lojtarët e vetëm që ndihmoja skuadrën me gola gjatë momentve të vështira, ndërsa ai ishte lojtari që merrte kartonë të kuq dhe humbiste penallti”, tha Shaqiri.

Xherdan Shaqiri rrezikon që të mos udhëtojë fare me Liverpulin në Serbi për ndeshjen që “The Reds” do të luajnë ndaj  Cervena Zvezdës. Në këtë mënyrë, sajti prestigjioz britanik ka listuar dhe arsyet se pse mesfushori i transferuar këtë verë mund ta humbasë këtë ndeshje.

Shaqiri ka lindur në Kosovë dhe diçka të tillë nuk e ka mohuar asnjëherë. Gati për çdo vit ai nuk harron që ta urojë Kosovën për shpalljen e pavarësisë. Në takat e tij ai mban flamurin e Kosovës dhe atë shqiptar.

Udhëtimi në Serbi mund të jetë me rrezik për të dhe tani ka dilema nëse do të jetë në bordin e avionit për këtë transfertë apo do të jetë një zgjedhje më e mirë për të nëse vendos që të mos shkojë në Beograd.

Mesfushori me tipare sulmuese ishte protagonist dhe në Kupën e Botës, pasi i shënoi goli skuadrës së Serbisë nën uniformën e Zvicrës vendosi që të festonte me shqiponjë. Një episod i freskët që mbahet mend nga serbët, por që solli dhe shumë reagime, aq sa u kërkua në FIFA që të pezullohej së bashku me Xhakën, duke i konsideruar festimet e tyre si provokative dhe me nuanca politke.

“Ju kurrë nuk duhet të përzieni politikën me futbollin, – tha Petkoviç. – Është mirë të jesh një tifoz, është e rëndësishme të tregosh respekt. Atmosfera e mrekullueshme dhe emocionet pozitive duhet të mbizotërojnë në futboll.

Ky nuk është vetëm mendimi im, por i të gjithë federatës dhe ekipeve në mbarë botën. Duhet ta ndajmë bashkarisht këtë mendim, sepse kjo është diçka, për të cilën nuk kemi nevojë këtu. Unë mendoj se nuk duhet të flasim aq shumë, por të tregojmë veten me futboll në fushë”.

Ndonëse u reklamua shumë nga anan e serbëve festimi me shqiponjë, erdhi vetëm një dënim financiar për lojatrët që u dënaun me një shumë të vogël parash si dënim dhe paralajmërim.

Nëse do të vendoset që ai të jetë në stadiumin “Marakana” atëherë do të jetë një pritje shumë e nxehtë për të, diçka që është paralajmëruar dhe nga drejtues të sportit në serbi, kjo për faktin se nuk mund të kontrollohen tifozët për atë çka mund të thonë në drejtim të futbollisti me origjinë shqiptare.

“Unë mendoj se Shaqiri do t’i nënshtrohet presionit të jashtëzakonshëm psikologjik, – tha Terziç për gazetën serbe “Kurir”. – Ai e di se ku do të shkojë. E di mirë se klubi ynë është një simbol i Serbisë.”

Nuk e di nëse ai do të jetë i gatshëm të luajë në Serbi, në këto kushte, kështu që dyshoj se do të vijë. Ne duhet të bëjmë gjithçka që mundemi që Shaqiri të ndihet i sigurt për të luajtur futboll, është detyra jonë ta mbrojmë atë”.

“Sigurisht, kërkoj falje nëse njerëzit ndihen të sulmuar në Zvicër,. Dikujt, nuk e di, ndoshta në male, ku dikush e ndiqte lojën dhe shqetësohej, me siguri do t’i kërkoj falje”. Ishte falja e Shaqirit për shqiponjën, çka me siguri nuk u ka pëlqyer serbëve. Një situatë që mund të krijojë rrezik ndoshta dhe për jetën e Shaqirit, i cili duhet të vendosë vetë në këtë situatë, gjithnjë nëse vetë klubi nuk merr masa paraprake.

Shaqiri beson se do të vijë dhe mundësia e tij, pasi para është një sezon shumë i gjatë. Po ashtu, lojtari anësor ka bërë një krahasim të skuadrës së tij me Bajernin, ku në një farë mënyrë ka treguar dhe mentalitetin që duhet të ketë skuadra e Jurgen Klop.

 “Kalimi tek Liverpuli? Unë e njihja ambientin këtu, duke nisur nga trajneri dhe deri tek  futbollistët. Nuk ishte një surprizë për mua. Ka ndryshim nga Stok Siti tek Liverpuli. Këtu jam në një ekip të madh, por unë edhe në të shkuarën kam qenë pjesë e skuadrave të mëdha si Bajern dhe Inter. Në Mynih ata kanë vetëm mentalitetin për të fituar tituj”.

“Liverpuli është një nga ekipet më të mëdha në botë. Vitin e kaluar bënë një edicion shumë të mirë edhe pse nuk fituan dot titullin. Tani ne synojmë që të bëjmë një hap para dhe të marrim trofe. Ky duhet të jetë synimi ynë”.

“Ndeshja me Totenhem? Ata kanë shumë lojtarë të rrezikshëm. Ata luajnë prej shumë vitesh me njëri-tjetrin dhe kjo është diçka shumë pozitive për ta. Kanë një skuadër të talentuar, por ne do të futemi në fushë me shumë përqendrim për të fituar ndeshjen.

“Mungesa e minutave… Unë jam i qetë dhe e di se mundësia ime do të vijë. Kemi shumë ndeshje përpara dhe jam i bindur se të gjithë lojtarët dol të kenë mundësitë e tyre. edhe pse shumë shpejt po afron ndeshja e Championsit ne duhet të mendojmë vetëm takimin me Totenhemin”.

Ish-mbrojtësi i Partizanit, Milan Culum, ka reaguar në profilin e tij në “Instagram”, duke postuar një foto nga momenti i zëvendësimit të lojtarit me origjinë shqiptare, por duke vendosur një figurë aspak të përshtatshme në vend të kokës së Shaqirit. (Shikoni foton më poshtë)

Një veprim shumë i ulët nga ana e lojtarit serb që për një edicion ka luajtur në Shqipëri. Simboli i shqiponjës në ndeshjen me Zvicrës dhe Serbisë duket se i ka lënë një shije të hidhur mbrojtësit që tani aktivohet tek Inter Zapreshiç. Culum është aktivizuar për 6 muaj tek skuadra e Partizanit, duke luajtur në 11 ndeshje, por vetëm 2 si titullar.

Një e tillë erdhi sot, 4-1 nga Liverpuli i Jyrgen Klopit, që është goxha më përpara, në çdo drejtim. Një fitore pa vlerë, sepse ishte miqësore korriku, por pas ngacmimeve të ditëve të fundit me siguri Klop e ka shijuar hakmarrjen e tij.

Murinjo kishte shumë pak emra të njohur në dispozicion, duke besuar te forma e Sançez apo Mata, por mbrojtja ishte e zbuluar, ndaj një Liverpuli që sulmonte me Mane e Salah.

Mane shënoi nga pika e bardhë në minutën e 28-të, por tre minuta më vonë barazoi Pereira, i shkëlqyer këto javë për Junajtid.

Megjithatë, dominimi i Liverpulit ishte i dukshëm, në një stadium me 100.000 tifozë në Miçigan.

Edhe pse deri në minutën e 65-të Klop i zëvendësoi të gjithë, ritmi nuk ndryshoi dhe Starixh shënoi në minutën e 66-të, një minutë pasi u fut. Pasimi final ishte i Shaqirit, i cili u fut në pjesën e dytë dhe dhuroi spektakël.

Në minutën e 74-t Oxho nga pika e bardhë nuk gaboi për The Reds, ndërsa në minutën e 82-të Shaqiri shënoi golin e parë si “Red” dhe çfarë goli, me një roveshatë fantastike. Fund, Liverpuli është gati, Junajtid jo…

“Bisedova me Brendan Roxhers para Botërorit 2014, më telefonoi dhe isha i interesuar, por Bajerni tha ‘jo, të duam këtu, sepse je i rëndësishëm për ne’. Natyrisht, mbeta pak i zhgënjyer, sepse ishte mjaft tërheqëse të luaja në Angli, në një prej stadiumeve më madhështorë në botë”, kujton Shaqiri,

Për 26-vjeçarin është e qartë çfarë pritet te Liverpuli: “Kam fituar shumë trofe te Bajerni, ndaj e di ç’do të thotë të luash në skenën e madhe”.

Karriera e Shaqirit është e mbushur me klube të mëdhenj: Bazel, Bajern, Inter, derisa erdhi kalimi te Stouk Siti, për të rilindur. Edhe aty ka pasur luhatje, ka pasur edhe kritika, sidomos nga vëllezërit Geri e Fil Nevil, të cilët tashmë punojnë si opinionistë. Geri Nevil (punon në ITV) e ka quajtur Shaqirin “jo profesionist”, ndërsa Fil Nevil (punon për BBC) e ka quajtur një “turp”. Edhe një “ish” i Stouk Sitit, Çarli Adam, e akuzoi Shaqirin se nuk e ndihmoi sa duhej Stouk Sitin sezonin e fundit, që përfundoi në mënyrë dramatike, me rënie nga Premier Liga.

Megjithatë, Shaqiri kundërpërgjigjet me qetësi: “Geri dhe Fil Nevil kanë qenë futbollistë të Mançester Junajtid. Ndoshta ata thjesht nuk e kanë qejf Liverpulin. Nuk e di, disa njerëz të kanë qejf, disa jo”.

Po kritikat e Adam? “Mendoj se shifrat e mia flasin vetë. Isha shënuesi më i mirë i ekipit, po ashtu lojtari me më shumë asiste”.

Shaqiri bashkohet sërish me Salah, ku për pak kohë luajti në Bazel: “Është lojtar i shkëlqyer, por do gënjeja nëse do thosha që e prisja këtë ecuri fantastike të tij, kur e takova për herë të parë. Askush nuk e imagjinonte, uroj që edhe këtë vit të ecë me të njëjtin ritëm”.