Shanghai SIPG

Një vit luftë, më në fund Arnautoviç ikën në Kinë!

Sport Ekspres — Mon, 08 Jul 2019 10:08:18 +0000

Uest Ham Junajtid ka hequr dorë nga Marko Arnautoviç, i cili ka zgjedhur Kinën për të vazhduar karrierën. Klubi londinez e ka shitur sulmuesin austriak për rreth 23 milionë sterlina, tre milionë më shumë se sa e ka blerë nga Stoke Siti verën e vitit 2017.

“Çekiçët” e kanë zyrtarizuar gjithçka përmes faqes së tyre zyrtare: “Uest Ham Junajtid mund të konfirmojë se Marko Arnautoviç është bashkuar me kampionët e Superligës kineze, Shangai SIGP për një shifër që nuk mund të zbulohet. Austraku 30-vjeçar largohet pas dy sezoneve në Londër, përgjatë të cilëve ka shënuar 22 gola në 65 paraqitje me fanellën e ekipit tonë”.

Arnautoviç e kishte kërkuar prej gati një viti largimin, por Uest Hemi këmbënguli ta mbante. Gjithsesi ata u dorëzuan këtë verë dhe tashmë po tentojnë të afrojnë për sulmin Maksi Gomez, për të cilin Selta Vigo kërkon rreth 45 milionë sterlina.

Marko Arnautovic departs.https://t.co/uX2IhifBBD

— West Ham United (@WestHam) July 8, 2019

Ofertë faraonike nga Kina, El Sharaui merr vendimin

Sport Ekspres — Thu, 27 Jun 2019 17:41:22 +0000

Stefan El Sharaui është ringjallur te Roma. 26-vjeçari pas largimit nga Milani kaloi një periudhë të vështirë. Ardhja në klubin nga kryeqyteti e ka sjellë në vete dhe kemi parë çaste të magjishme që na kujtojnë djaloshin që bënte namin në “San Siro”. Këtë sezon ai e mbylli me 14 gola dhe tre asiste.
Kontrata e tij me Romën skadon verën e ardhshme. Kështu ofertat kanë nisur që tani. E para vjen nga Kina e largët. Sipas medieve italuane, Shangai Shenua është klubi që interesohet për shërbimet e Stefan. Klubi aziatik i ofron një pagë të çmendur, 16 milionë euro në vit për një marrëveshje trevjeçare.

Gjithsesi, italiani nuk e ka pranuar këtë ofertë. Ai mendon se është akoma i ri për t’u larguar nga Evropa. Paratë janë në plan të dytë për të dhe për momentin ka për qëllim të shijojë të luajturit futboll. Roma po mendon rinovimin e kontratës me El Sharauin me një pagë shumë më të përmirësuar.

“Të sëmurë” pas parave, sulmuesi u kërkon drejtuesve transferimin në Kinë

Sport Ekspres — Thu, 10 Jan 2019 19:42:58 +0000

Prej kohës, futbolli në Kinë është zhvilluar shumë dhe shkak për këtë më së shumti janë bërë lojtarët që transferohen nga Evropa në drejtim të Azisë. Përfitimet ekonomike janë marramendëse, mjafton të përmendim këtu, lojtarë si Oskar, Hulk, apo dhe Karlos Tevez dikur, i cili ishte më i paguari në planet.

Nga kjo gjë është infektuar së fundmi dhe ylli i Uest Hemit, pikërisht Marko Arnautoviç. Austriaku, duket se ka kërkuar nga klubi i tij që të largohet në drejtim të Kinës, teksa thuhet se ekipi i interesuar është Shangai SIPG, të cilët kanë ofruar plot 35 milionë sterlina për shërbimet e 29-vjeçarit.
Sulmuesi, thuhet t’u ketë kërkuar drejtuesve që të pranojnë ofertën, pasi dëshiron të largohet drejt Kinës, ku mund të përfitojë ndoshta dy apo trefishin që merr te londinezët. Gjithsesi, oferta e parë është refuzuar nga “çekanët”, por me interes pritet se si do të vijojnë gjërat pas ndërhyrjes nga vetë Arnautoviç.

“Yjet” e sulmit mbeten “thatë”, në Kinë mbretëron një vendas

Sport Ekspres — Sun, 11 Nov 2018 10:02:37 +0000

Në futbollin e sotëm jemi mësuar tashmë që të ketë shpenzime kolosale për blerjen e lojtarëve, apo për pagesën e tyre vjetore. Kina është një nga vendet që ka investuar shumë në lidhje me futbollin, teksa ka shpenzuar miliona euro për të sjellë në kampionatin vendas, lojtarë që kanë bërë bujë në Evropë.

Hulk, Pato, Paulinjo, Oskar, Taliska,Karrasko, Gatian, Graciano Pele, Tardeli, Eder apo dhe Aleks Tekseira e shumë e shumë të tjerë kanë zgjedhur Kinën për të vazhduar karrierën e tyre. Niveli i këtyre lojtarëve ëshë i lartë në krahasim me futbollin që luhet në Kinë, por gjithsesi në përfundim të kampionatit vihet re diçka e veçantë.

Wu Lei, është futbollisti që ka shënuar më shumë gola dhe ai që u kurorëzua si golashënuesi më i mirë i Superligës kineze. Plot 27 gola të shënuar për lojtarin e Shangai SIPG, ekip ku luan Hulk dhe Oskar, të cilët u shpallën kampion për herë të parë në histori. 26-vjeçari luan prej 12 vitesh me kampionët e Shangait, që nga viti 2006.

Hulk dhe Oskar “mbretërojnë” në Kinë, Karrasko e Gaitan gati për “vetëvrasje”

Sport Ekspres — Wed, 07 Nov 2018 14:13:07 +0000

Kampionati kinez ka dhe një javë për të luajtur, por verdiktet duket se janë mbyllur që tani. Kampioni më i ri i Superligës kineze është shpallur ekipi i Shangai SIPG. Klubi ku aktivizohen lojtarë si, Hulk, Oskar apo Akmedov kanë triumfuar ditën e sotme ndaj Bejing Rehne, duke siguruar matematikisht titullin e parë të historisë së tyre.

Shangai kështu, prish hegjemoninë e Guangzhu Evergrandes, të cilët triumfonin dhe dominonin futbollin kinez prej 7 vitesh. Ekipi i drejtuar nga portugezi Viktor Pereira, mori një triumf mjaft të rëndësishëm javën e shkuar në fushën e Guangzhus, duke fituar 4-5, ndërkohë ditën e sotme triumfuan 2-1, duke ia lënë vendin festës.

Guangzhu nga ana tjetër, e cila drejtohet nga legjenda italiane Fabio Kanavaro, ka në ekip mjaft lojtarë me emër si, Paulinjo, Anderson Taliska, po ashtu dhe braziliani Alan, i cili dikur ka luajtur për Salcburg. Ndërkohë, situata duket e keqe për dy ish-lojtarët e Atletiko Madrid, Nikolas Gaitan dhe Ferreira Karrasko, të cilët rrezikojnë të shkojnë një kategori më poshtë me ekipin e tyre Dailan. Javën e fundit do të luajnë ndeshjen e jetës për ekipin e tyre, pasi i duhet të fitojnë patjetër ndaj rivalit të tyre kryesor për të shpëtuar.