“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

Gjoka duhet të bëjë pa shërbimet e kapitenit Ylli Shameti. Mbrojtësi u rikthye para disa javësh në fushat e lojës, por problemet në gju kanë bërë që ai ta mbyllë këtë sezon para kohe. Shameti nuk është problemi i vetëm për Gjokën.

Edhe mesfushori i ardhur me bujë në janar, Eduart Rroca, është stërvitur i diferencuar sot. Shkurtaj vazhdon të mos paraqitet në stërvitje dhe situata te verilindorët nuk duket aspak e mirë. Sulmuesi vlonjat me shumë mundësi nuk do të jetë i gatshëm për ndeshjen me Skënderbeun të shtunën.

Në seancën e sotme stërvitore, trajneri Gjoka ka pasur në dispozicion dyshen e lojtarëve, që i janë bashkuar pjesës tjetër të grupit. Shameti kryente prej disa kohësh stërvitje i diferencuar, ndërsa sot ka bërë një seancë të plotë. Ndërsa për Valdet Ramës, flitej për një operim dhe për mbyllje sezoni, por dhe sulmuesi i majtë është rikthyer të jetë i gatshëm.

Ndreu do të debutojë kundër Partizanit në kampionat, një sfidë që mund të vendosë dhe titullin kampion. Një debutim aspak i lehtë për Ndreun, por për teknikun ka lajme të mira. Siç mëson “SportEkspres.com”, te Kukësi ka rikthime të rëndësishme. Cuculi, Rrumbullaku dhe Uilliam Kordeiro do të jenë të gatshëm në ndeshjen kundër “Demave”.

Megjithatë, kapiteni Shameti është ai që shqetëson, me mbrojtësin gjirokastrit që pritet të mungojë për 3 javët e ardhshme. Titulli kampion është një objektiv ende i arritshëm për verilindorët, por nuk duhet të bëjnë më hapa fals, duke filluar që nga ndeshja kundër Partizanit.

Në mbrojtje, mungonin kapiteni Shameti dhe Cuculi, dy lojtarë me shumë eksperiencë dhe shumë të rëndësishëm për strategun shkodran. Të dy mbrojtësit munguan për shkak kartonësh në sfidën kundër Kamzës. Megjithatë, tashmë i kanë shlyer dënimet dhe do të jenë të gatshëm për Cungun, që do ta ketë prapavijën e plotë për sfidën kundër Luftëtarit.

Reparti i sulmit duket në një moment shumë të mirë, ku përveç dyshës së afirmuar në Superiore, Shkurtaj dhe Rexhinaldo, edhe Valdet Rama po i afrohet formës së tij më të mirë. Ish-sulmuesi i kombëtares realizoi një gol shumë të bukur përballë Ramës dhe ishte një nga lojtarët më të mirë në fushë.

“Unë mendoj se në verë nuk janë bërë goditjet e duhura, prandaj stafi teknik dhe presidenti kanë menduar të bëjnë këto afrime për të mbuluar ato vende ku kemi pasur probleme. Prandaj kemi marrë dy, tre lojtarë që e njohin kampionatin shqiptar, gjë kjo që ndihmon në kolaudimin me ekipin”.

VALDET RAMA – “Ai ka vetëm dy ditë në stërvitje, nuk mund të flas për gjendjen e tij fizike. Loja është ajo që do e tregojë parametrat që ka dhe sa do të mund të në shërbejë, kjo është më e rëndësishmja”

DUELI PËR TITULL – “E rëndësishme është që në vazhdimësi. Të pesta ekipet e kreut do luftojnë për pikë të pIota në çdo ndeshje. I vetmi avantazh që ka Partizani ndaj nesh është pesë pikëshi i diferencës, që iu heq presionin për një hap fals të mundshëm, diçka që ne nuk e kemi, por ata mund të vihen në këtë pozitë në të ardhmen. Këtë diferencë pikësh ne duhet ta rikuperojmë rrugës. Padiskutim do ta bëjë hapin fals”, përfundoi kapiten i Kukësit.

Qendërmbrojtësi Shameti është protagonisti i lojës zbavitëse, pasi është lojtari në qendër të lojtarëve, i cili kalon topin nga një lojtar në tjetrin e më pas në kosh. Video edhe pse e postuar ditën e djeshme, i takon një date të mëparshme, pasi në të shihen edhe lojtarë si Ebipi, Harba e Shkodra, që nuk janë më pjesë e kuksianëve.

“Padiskutim që pas një periudhe të parë të kampionatit që e mbyllëm siç duhet, edhe këtu po ruajmë një ritëm të mirë. Të gjithë po punojnë me profesionalizëm, pasi vetëm kështu do të përballojmë ashtu siç duhet pjesën e dytë të kampionatit.

Çunat janë OK, edhe dy prurjet e reja po ambientohen mirë dhe po punojmë në mënyrën e duhur këtu në Antalia. Them që do të bëjmë më të mirën të gjithë bashkë dhe do ta nisim pjesën e dytë ashtu siç duhet.

Kemi rikuperuar shumë pikë në ndeshjet e fundit, pas hapave fals në javët e para. E rëndësishme është ta nisim siç e mbyllëm vitin e shkuar. Për mua, ekipi nuk duhet të ndryshojë shumë, por dy lojtarët që kanë ardhur e njohin kampionatin tonë dhe besoj se do ta përforcojnë edhe më shumë ekipin.

Mungesë e sigurt është ajo e Iralkli Dzaria, i cili në ndeshjen me Skënderbeun mori kartonin e katërt të verdhë. Gjeorgjiani bëri një ndeshje mjaft të mirë ndaj korçarëve, por është i detyruar që ta ndjekë nga tribuna ndeshjen e radhës.

Vëmendja është nga infermieria, ku shpresohet që të jetë i gatshëm Donjet Shkodra. Ky i fundit ishte në stol në takimin e fundit dhe me shumë gjasa do të jetë i gatshëm për ta nisur nga minuta e parë ndeshjen e së premtes.

Vëmendja është edhe nga Shafik Tigruxha, i cili prej pak javësh nuk është i disponueshëm. Po ashtu edhe kapiteni Ylli Shameti ka postuar ditën e djeshme një foto, ku shihet se po bën terapi, por nuk pritet që gjirokastriti të mungojë.

Shameti, Dzaria, Rexhinaldo dhe Shkodran kanë nga tre kartonë dhe nëse do të ndëshkohen nesër javën e ardhshme do të jenë të detyruar që ta ndjekin takimin me kryesuesit nga tribuna. Në këtë pikë Skënderbeu rrezikon akoma dhe më shumë.

Korçarët kanë plot 5 lojtarë që rrezikojnë të humbasin ndeshjen e javës së ardhshme. Aliti, Abazi, Demte, Dita, Bregu kanë të gjithë nga 3 kartonë dhe një ndëshkim në sfidën e Kamzës ndaj Luftëtarit nuk do të jenë në fushë. Një ndeshje e madhe, por që do kujdes. Kjo gjë mund të privojë disi lojën e fortë, sidomos te Kukësi, pasi askush nuk do të humbasë ndeshjet e mëdha.

Edhe pse mbetet ende për t’u përcaktuar se ku do të luhet supersfida e kësaj jave, ekipet vijojnë normalisht përgatitjet. Kukësi mori një fitore të vuajtur në Gjirokastër, por që i shërben nga ana morale para dy ndeshjeve më të rëndësishme për këtë edicion. Në fazën e parë Kukësi ka dështuar që të marrë pikë ndaj ekipeve kryesuese dhe të premten do të kërkojë që ta thyejë këtë “ters”.

Armando Cungu do të ketë plotësisht gati kapitenin Ylli Shameti dhe mbrojtësin tjetër Simo Rrumbullaku. Kapiteni ishte në stol në takimin  fundit, ndërsa gjirokastriti luajti pak minuta në fund. Të dy janë pika të rëndësishme të skuadrës dhe me shumë mundësi do të jenë nga minuta e parë. Edhe gjendja e Shafik Tigruxhës është në përmirësim dhe francezi mund të jetë në dispozicion për stafin teknik. Një skuadër më e kompletuar për kuksianët, të cilët në takimet e fundit kanë pasur pak alternativa, duke kujtuar se në takimin me Kamzën ishin vetëm 4 lojtarë në stol.

Në fund gëzuan kuksianët, të cilët tani mendojnë për takimin e radhës me Luftëtarin, që do të luhet të shtunën në orën 14:00. Për këtë takim, Armando Cungu do të ketë të gatshëm Vangjel Zguron, i cili kishte plotësuar numrin e katër kartonëve dhe nuk ishte i disponueshëm për takimin me Kamzën.

Vëmendja është në infermieri, ku kapiteni Ylli Shameti ka dhënë sinjale pozitive dhe me shumë gjasa do të jetë në ndeshjen ne javës së 15-të, që për të do të jetë e veçantë, pasi rikthehet në shtëpinë e tij si kundërshtar. Po ashtu pritet nga dita në ditë leja e stafit mjekësor edhe për Simo Rrumbullakut, i cili është bashkuar me ekipin në ushtrimet e thjeshta dhe mund të jetë në stol që në takimin e radhës.

Shafik Tigruxha po ashtu e ka lënë pas shqetësimin fizik që ka ndjerë dhe gjatë javës do të shihet nëse do të ketë më shqetësime apo do të mund të japë kontributin e tij në ndeshjen e radhës.

Në krahun e majtë duket se është problem  më i madh, pasi Zguro mungon për shkak kartonësh, ndërsa Rrumbullaku është në fazën e fundit të rikuperimit dhe stafi mjekësor nuk e jep lejen për të luajtur. Problemi bëhet akoma dhe më i madh, pasi edhe kapiteni Shameti ka prej kohësh shqetësime dhe nuk po gjen qetësi. Në mungesë të gjirokastritit, Cuculi nuk ka asnjë mundësi që të s’postohet në të majtë të mbrojtjes, ndaj do të vendoset në qendër me Qaqin.

Në të majtë me shumë gjasa do të tërhiqet Uillima Kordeiro, i cili edhe më parë është aktivizuar në këtë pozicion. Llogari të ndërlikuara për takimin e radhës që është mjaft i rëndësishëm, pasi nëse do i të vinte dhe një hap tjetër i gabuar atëherë situata do të vështirësohej akoma dhe më shumë.

Nëse bëjmë një krahasim me një edicion më parë, kuksianët kanë marrë një pikë më pak, por kanë plot 10 gola më pak se një vit më parë. Një vit më parë Kukësi e kishte gjetur rrugën e rrjetës plot 22 herë, ndërsa këtë edicion vetëm 12 realizime janë regjistruar pas 13 javësh. Mesatare shumë e dobët, me më pak se një gol për ndeshje.

6 gola Rexhinaldo, 3 Kordeiro, 2 Shameti dhe 1 Shpehar, kjo është “gjeografia” e ndarjes së golave te Kukësi. Vetëm 4 shënues në 13 javë dhe dy prej tyre janë mbrojtës, edhe pse braziliani luan si mesfushor i djathtë. Vetë largimi i Harbës tregoi se llogaritë janë bërë gabim dhe se në sulm Kukësi ka probleme.

Nuk mund të priten në çdo javë gola nga Rexhinaldo apo të jetë besimi se në goditjet standarde Shameti do të jetë ne vendin e duhur e në momentin e duhur, sikurse të presësh që dhe Koredeiro të vijojë të befasojë si një sulmues i improvizuar.

NDESHJA – “Mendoj se sot u futëm më shpejt në lojë. 10 minuta e para Teuta bëri qarkullimin  topit. Bëmë një ndeshje të mirë dhe me këto raste që kishim nuk duhet të kishim dalë me një pikë. Ndëshkohemi nga neglizhenca e të gjithëve dhe na vjen keq, pasi ndodh ndeshje pas ndeshje. Duhet parë kjo situatë. Kundërshtari vjen një herë shënon dhe merr një pikë. Duhet ta fitonim këtë ndeshje, pas atyre rezultateve negative. Kemi ndeshje në të ardhmen dhe duhet të rregullojmë gabimet. I tillë është futbolli.”

MUNGESAT – “Kam nja 10 javë që sakrifikoj. Që nga ndeshja me Tiranën në fazën e parë. Janë gjëra të vogla, në fushë duhet të japim maksimumin. Dëmtimet janë shumë të rëndësishme, si Simo dhe Musolli. Futbolli i ka dhe nuk mund të varemi nga ata. Pjesa tjetër duhet të japë më të mirën dhe të ketë një marsh më tepër. Pikët po ikin dhe rivalët po shkëputen, por ne jemi Kukësi dhe nuk heqim dorë duhet të shohim para dhe të rikthemi te trepikëshat.”

TITULLI – “Presidenti ka të drejtë që të vërë objektivat e tij. Kukësi çdo vit është për kampion. Një ekip që duhet të dalë kampion pa stadium është e vështirë, por ne e kemi marrë përsipër dhe duhet të japim më shumë në fushë dhe të rregullojmë gabimet. Duhet të minimizojmë gabimet dhe kjo vetëm na ka penalizuar deri tani. Ne kemi zhvilluar ndeshje të mira në vazhdimësi.”

Pushimi i ka bërë mirë Shametit, i cili tashmë do të jetë gati për ndeshjen e radhës, por së bashku me të në fushën e kompleksit “Internacional” është bashkuar dhe mbrojtësi Simo Rrumbullaku. Mëngjarashi u dëmtua në ndeshjen me Kastriotin dhe pritej që të mungonte për 6 javë, por gjërat kanë shkuar mirë dhe mund të rikuperohet para kohe edhe pse duket e vështirë që të jetë gati për takimin e kësaj jave.

Të dy gjirokastritët kanë bërë vrapime të lehta rreth fushe, por së bashku kanë qenë dhe në palestër paradite, ku janë ushtruar së bashku me Besar Musollin, i cili po ashtu vijon që të punojë me shumë intensitet, në mënyrë që të rikthehet sa më parë.

Kapiteni i verilindorëve ka “shtrënguar  dhëmbët” në ndeshjen e fundit ndaj Flamurtarit, ku ka luajtur i dëmtuar, por për takimin e sotëm stafi mjekësor nuk i ka dhënë gjirokastritit “dritën jeshile”. Në mungesë të Shametit te Kukësi i duhet të hedhin një sy nga stoli.

Me shumë gjasa  Cungu do t’i besojë një vend titullari lojtarit të ardhur nga Laçi, Harallamb Qaqi, i cili në këtë sezon të Superiores është aktivuar në tri takime, ku në vetëm një prej tyre e ka nisur që nga minuta e parë.

“E rëndësishme është që morëm fitore dhe kemi vazhdimësinë. Goli të kënaq dhe personalisht, por kur feston 3 pikë është me më shumë vlerë. Kemi vazhdimësi dhe je mi mirë. Duhet të jemi me këmbë në tokë, pasi ky kampionat është shumë i fortë”.

“Nuk është vetëm Skënderbeu, ka disa skuadra. Duhet të bëjmë maksimumin në çdo ndeshje, të marrim maksimumin pas një jave me Luftëtarin dhe më pas ta vlerësojmë Skënderbeun si çdo skuadër tjetër”.

“Nëse shohim ndeshjet që nga Laçi dhe deri tani kemi krijuar shumë rast, por nuk i kemi kthyer në gola. Një ekip që formatohet gati krejtësisht në verë normalisht duhet pak kohë që të integrohen afrimet. Në javët në vazhdim do të përmirësohemi akoma dhe më shumë. Sot kishim shumë raste dhe humbëm disa mundësi. Duhet ta zgjidhim më shpejt ndeshjen”.

“Kukësi më i qetë? Kam pasur qejf dhe u kam thënë lojtarëve t’i marrin një e nga një. Kjo është mënyra më e mirë. Ne duhet të stërvitemi fort dhe të marrim maksimumin në çdo ndeshje e të plotësojmë objektivat e klubit”.

Nuk ka munguar mbështetja nga miqtë e tij, duke nisur që nga shokët e skuadrës, drejtuesit dhe ish-shokët e skuadrës.

I veçantë dedikimi i kapitenit Shameti, i cili i premton mbështetje të plotë mesfushorit: “Disa momente të vështira bëhen më të lehta për t’u kaluar nëse ke afër shokë, kështu që të premtoj që do ta kalojmë bashkë këtë vëllai im Besar Musolli”.

Edhe drejtori sportiv Nderim Nexhipi përmes një postimi ka shprehur mbështetjen e tij për zëvendëskapitenin: “Do rikthehesh edhe më i fortë Muski”

Donjet Shkodra nuk ka qëndruar pa e shprehur mbështeten e tij teksa shkuan: “Do rikthehesh më i fortë vëlla”.

Po ashtu dhe Simo Rrumbullaku e ka cilësuar si një Legjendë Musollin, duke i uruar rikthim të shpejtë: “Forca legjendë kthehu më i fortë se më parë”.

Kristi Joti, i cili luan me Tomorin, nuk e ka harruar Musollin, që e ka pasur shok skuadre tek Kukësi, duke e kujtuar dhe në këtë moment jo të mirë: “Asnjëherë mos hiq dorë vëlla, ktheu më i fortë.

Qendërmbrojtësi 34-vjeçar do të nisë në këtë mënyrë sezonin e tij të gjashtë me Kukësin, ku është tashmë një lider brenda e jashtë fushe.

Në vitin 2013 Shameti u bë pjesë e Kukësit dhe që atëherë ka qenë lojtar kyç, duke qenë konstant në aktivizime dhe paraqitje, ndaj çdo trajner e ka pasur si pikë referimi në fushë.

Këtë verë Shameti luajti në Europa League pa kontratë të re, sepse e mbante te Kukësi kontrata e sezonit të shkuar, por rinovimi ishte praktikisht i sigurt, duke parë rëndësinë e futbollistit për Kukësin. Edhe kontrata e re parashikon pagë të njëjtë me sezonin e shkuar, rreth 5000 euro në muaj.

Në krahun tjetër, Hair Zeqiri do të jetë jashtë fushave të blerta për tri javë. Siç u raportua dje nga gazeta, mesfushori vlonjat ka një problem në kofshë dhe tani është përcaktuar dhe periudha e riaftësimit. 28-vjeçari ka humbur veç ndeshjes me Lushnjën, edhe ato me Teutën dhe Luftëtarin, por dhe ndeshjen e parë të Kupës me Egnatian. Por nuk ka vetëm lajme të këqija për Kukësin. Nga sot me skuadrën do të bashkohet sulmuesi Elis Bakaj, i cili e ka lënë pas dëmtimin dhe do të jetë i gatshëm për ndeshjen me Lushnjën.

Jurgen Zela

Kukësi u është rikthyer përgatitjeve pas humbjes me Skënderbeut. Pas dy ditëve pushim, skuadra është rikthyer në fushën e blertë. Normalisht që humbja në shtëpi me Skënderbeun e ka prishur disi atmosferën dhe në aspektin psikologjik vetë trajneri pas ndeshjes deklaroi se do ketë shumë punë për të bërë. Pavarësisht humbjes koha për të përgatitur ndeshjen e ardhshme nuk është shumë e madhe, pasi skuadra kampionët do të zbresin në fushë mesditën e së enjtes. Stafi teknik ka planifikuar disa ditë stërvitje të ngarkuar, kjo që skuadra të rritet akoma më shumë, por edhe për të korrigjuar gabimet e bëra përballë Skënderbeut. Stafi teknik që në ditën e parë kishte planifikuar dy seanca stërvitore, teksa lojtarët kanë zbritur në fushë që në orën 09:00 të mëngjesit në fushën e kompleksit “Internacional”. Po ashtu dhe pasdite në orën 16:00 lojtarët sërish janë grumbulluar në Pezë, për një tjetër seancë. Mësohet se së paku dhe për dy ditët në vijim ngarkesa do të jetë maksimale me dy seanca në ditë.

GJENDJA – Dëmtimet kanë qenë problemi më i madh i Kukësit gjatë këtij fillimsezoni, teksa timonieri Milinkoviç në asnjë takim nuk e ka pasur grupin e plotë, për shkak dëmtimesh. Edhe në seancat e djeshme stërvitore ka pasur mungesa të rëndësishme. Elis Bakaj ka qenë prezent në fillimin e përgatitjeve, por nuk është ndërruar dhe vetëm pas pak minutash nga fillimi i stërvitjes është larguar nga kompleksi sportiv. Sulmuesi kryeqytetas ka zhvilluar terapi intensive me stafin mjekësor dhe me shumë gjasa do të jetë nga minuta e parë në ndeshjen e ardhshme, pavarësisht se ende nuk është gati që të stërvitet me grupin. Nëse për sa i përket repartit të avancuar situata duket e qetë, në prapavijë gjendja ndryshon. Ylli Shameti nuk do të jetë i gatshëm  as për transfertën lushnjare. Gjirokastriti ndien ende probleme në këmbën e tij të djathtë dhe stafi mjekësor i ka komunikuar që nuk duhet të rrezikojë në ndeshjen e ardhshme. Një humbje e madhe për Kukësin, kjo pasi dihet që 33-vjeçari është një nga “shtyllat” kryesore të skuadrës.

MILINKOVIÇ – Para nisjes së stërvitjes, ka qenë trajneri Mlladen Milinkoviç që ka mbajtur një fjalim jo shumë të gjatë para skuadrës. Fillimisht timonieri i skuadrës ka komentuar paraqitjen me Skënderbeun, teksa ka prekur jo pak detajet e lojës dhe momente të takimit. Më pas tekniku serb është përqendruar te ana morale e skuadrës, për të vënë në dukje se duhet shumë punë për ta arritur suksesin e sezonit të shkuar, por njëkohësisht asgjë s’ka mbaruar pasi është luajtur vetëm java e katërt e kampionatit.

Java e pestë e Superiores e vendos Kukësin përballë Lushnjes, e cila vjen me moral të lartë, pas barazimit në kryeqytet, ndaj kampionët nuk mund ta cilësojnë kurrsesi si një përballje të lehtë. Një tjetër mungesë ka qenë ajo e mesfushorit malazez Milosh Kërkotiç, me 30-vjeçarin që ka marrë leje një ditë më shumë për të ikur pranë familjes dhe sot pritet që të bashkohet me skuadrën.

Kukësi është i përqendruar te ndeshja e javës së katërt, teksa përballë do të jetë Skënderbeu. Të hënën në “Zeqir Ymeri” do të luhet “finalja” e titullit të sezonit të shkuar. Në javën e parafundit, mes shumë polemikash kuksianët arritën të shkurorëzonin korçarët dhe të rrëmbenin titullin e parë në histori. Normalisht që tashmë situata ndryshon, megjithatë dhe fakti se të dyja skuadrat janë në të njëjtën kuotë pikësh, bën që të jetë një takim interesant. Përgatitjet për ndeshjen kanë nisur që dje, por sot skuadra është përgatitur me ngarkesën e plotë. Me grupin është bashkuar kapiteni Hallaçi, ndërsa Elis Bakaj ka bërë vetëm vrapime rreth fushës. Sulmuesi ende nuk ka marr garanci të plotë që do të jetë në fushë, por gjasat janë që të jetë në dispozicion të stafit teknik. Shameti vijon terapinë intensive dhe synon që me çdo kusht të jetë në fushë, megjithatë mbete për t’u parë nëse do ia dalë apo jo, pasi ka dhe shumë pak kohë në dispozicion dhe situata nuk është shumë premtuese, gjithsesi në Kukës e duan me çdo kusht në fushën e lojës.

Për fatin e trajnerit Mlladen Milinkoviç, të dy pritet të jenë gati për të hënën. Rezonanca nuk ka evidentuar ndonjë dëmtim në ligamente për Shametin, ndërkohë që edhe Koliçi ka nevojë vetëm për disa ditë pushim.

Nuk është ende e konfirmuar 100% prania e Shametit ndaj Skënderbeut, por stafi i Kukësit do ta presë deri në momentet e fundit para ndeshjes, pasi dyshja e qendrës Shameti-Alla është më e mira në Shqipëri.

Ndërkaq, në ndeshjen ndaj Laçit mungoi Hair Zeqiri për një dëmtim të lehtë, por vlonjati me shumë gjasa do të rimarrë vendin e titullarit të hënën, në një nga ndeshjet e sezonit.

Dëmtimi i Shametit lidhet direkt me fushën në gjendje skandaloze në Kukës, tashmë tërësisht e amortizuar, ndaj pas Shametit, të tjerë mund të kenë fatin e keq të dëmtohen.

Ka mjaftuar një fjali duke qeshur, për t’i kujtuar Çanit se ka ende shumë punë për të bërë. “Nuk ka krahasim me Ekubanin”, ishte fraza e zëvendëskapitenit të Kukësit gjatë daljes nga stadiumi.

SITUATA – “Kukësi ka ndryshuar shumë krahasuar me skuadrën që mbylli sezonin. Ata qe kanë qenë dhe janë larguar kanë bërë shumë mirë por besoj se edhe ata që kanë ardhur janë po aq të mirë. Mbrojtja e titullit s’do të jetë e lehtë.”

OFERTAT – “Luaj prej katër vitesh te Kukësi dhe nuk mendoj se kisha arsye të forta për të ndryshuar ambient prandaj vendosa të jap edhe një vit tjetër kontribut te kjo skuadër.”

RAPORTET – “Unë kam krijuar gjithmonë marrëdhënie korrekte te të gjitha skuadrat ku kam luajtur. Edhe me Gjicin kam pasur marrëdhënie shumë të mirë dhe korrekte, gjë që është reflektuat me këtë bashkëpunim afatgjatë me klubin e Kukësit.”

MILINKOVIÇ – “Nuk i qesh kollaj buza, por është trajner profesionist. Shpresoj të marrë më të mirën prej nesh.”

Mbrojtësi ekspert e kishte përfunduar kontratën me Kukësin pas ndeshjeve në Champions League, ndaj po studionte ofertat e ndryshme nga jashtë vendit.

Sherif Tiraspoli u imporesionua nga ndeshjet e tij dhe pati kontakte zyrtare, por paai u mendua gjatë, gjirokastriti ka preferuar të qëndrojë te Kukësi, ku është lider në mbrojtje dhe prania e tij i jep qetësi gjithë skuadrës.

Ditën e djeshme Shameti ka pasur një takim me presidentin Safet Gjici, por nuk ka arritur asnjë marrëveshje, edhe pse Gjici në eufori e sipër deklaroi se mbrojtësi do të rinovonte. Në fakt, do të ketë sërish një takim në fundjavë, por Shameti po pret me qetësi mbi të gjitha se po tundohet nga një ofertë joshëse nga jashtë. Bëhet fjalë për Sherifin e Tiraspolit, ku trajneri Roberto Bordin ka mbetur i befasuar nga paraqitjet e shqiptarit.

Sherifi këtë verë ka humbur disa titullarë, duke përfshirë edhe një qendërmbrojtës shumë të rëndësishëm, ndaj duket se Bordin kërkon një lojtar me eksperiencë në prapavijë, aq më shumë që Sherifi luan një kampionat të gjatë e të vështirë dhe shpreson të kapë edhe grupet në Europa League, të paktën. Për momentin Shameti pret, sepse nuk është e lehtë të lërë Shqipërinë dhe të shpërngulë familjen në Moldavi në moshën e tij, por nëse oferta moldave është shumë e lartë krahasuar me të tjerat, pse jo.

Kapiteni Hallaci u shpreh për “Sport Ekspres” pas ndeshjes se bënë një lojë të madhe dhe se dalin me kokën lartë nga kjo aventurë në Champions League. “E kishim përgatitur mjaft mirë ndeshjen. Zhvilluam një ndeshje të madhe, ashtu si në Moldavi, ndaj një kundërshtari të fortë që ka investuar shumë ndër vite. Duhet të ngremë kokën lart, ta pranojmë rezultatin si profesionistë. Futbolli i tillë është, sulmuam deri në fund. E provuam nivelin e lartë të Champions Ligës dhe treguam që jemi të denjë për të luajtur në këtë nivel. Ndeshjen e parë nuk e njihnim shumë kundërshtarin, pavarësisht se e kishim studiuar me videokaseta. Nuk kishim çfarë prisnim më, duhet të sulmonin pasi ishim në disavantazh. Bëmë një ndeshje të madhe, në pjesën e parë shënuam dy gola, treguam forcën tonë dhe mund të shënonim edhe golin e tretë. E thashë edhe më parë, nuk kemi çfarë bëjmë, duhet ta pranojmë rezultatin”, deklaroi Hallaçi.

SHAMETI – Qendërmbrojtësi gjirokastrit u shpreh pas ndeshjes për gazetën se Kukësi e meritoi kualifikimin. “Kemi bërë një lojë shumë të mirë dhe me rastet që krijuam mendoj se duhet të kualifikoheshim ne. Ndikoi rezultati i ndeshjes së parë. Duhet të kishim më pak fat. Ky Kukës për titull? Tani për momentin duhet të pushojmë dhe të ulemi me klubin për rinovimin e kontratave dhe të shikojmë projektin që ka”.

RRUMBULLAKU – Në të njëjtën linjë me Hallaçin dhe Shametin ishte edhe mbrojtësi tjetër Rrumbullaku. “Ne si lojtarë dhamë maksimumin. Që në minutat e para të ndeshjes hymë në fushën e lojës shumë të mobilizuar duke besuar tek përmbysja dhe ja dolëm deri diku. Por, një shpërqendrim në mbrojtje bëri që ne të pësonim gol. Fati na penalizoi në këtë mbrëmje, krijuam shumë volum loje, dominuam thuajse tërë ndeshjen, shtyllë dhe raste, penallti, por në fund nuk mundëm të kualifikoheshim dot. Kështu është futbolli, një lojë gabimesh. Duhet që të vazhdojmë sërish me kokën lart. Ky i sotmi është Kukësi më i mirë. Besoj që e ëndërronim të gjithë. Besoj se edhe drejtuesit, dhe të gjithë ata sportdashës kuksianë dhe jo vetëm, kanë parë një Kukës si asnjëherë tjetër. Fati nuk donte që ne të kualifikoheshim”.

Në një rrugëtim katër-vjeçar që duket i destinuar që të vazhdojë, Shameti arrit që t’i fitonte të gjithë trofetë kombëtarë, ashtu si Kukësi, për të parën herë. Një mbrojtës nuk e ka të përcaktuar moshën se kur mund të tërhiqet nga futbolli, por për një 33-vjeçar fitimi i të gjithë trofeve në një moshë të tillë nuk është pak, madje mund të konsiderohet dhe si marrja e fryteve të një pune shumëvjeçare, për të arritur majat, ose korrja e asaj që është mbjellë. Kjo e fundit mund t’i shkojë më shumë, pasi presidenti i Kukësit, Safet Gjici, i ka vendosur një nofkë të çuditshme. “Traktori i skuadrës”, kështu preferon bosi i kuksianëve ta cilësojë gjirokastritin, që tashmë veç valles së Kukësit që e ka mësuar mirë, nuk nguron të tregojë se ka mësuar dhe dialektin verilindor, pasi në foto e tij që poston jo rrallë i shoqëron me një “or ti”. Duhej bashkuar Shameti dhe Kukësi që së bashku të fitoheshin trofe. Së bashku me kapitenin Hallaçi po përfundojnë kursin e trajnerit dhe këpucët mund të varen në gozhdë së shpejti, por grinda e tij nuk e tregon aspak moshën në fushë, çka do të thotë se “traktori” i Kukësit, ndryshe nga kapiteni Hallaçi që ka deklaruar se në fund të këtij sezoni do të tërhiqet, mund të shtyjë për pak më gjatë divorcin e përhershëm me futbollin e luajtur.