Kontrata e nënshkruar midis palëve është shumë e veçantë. 22-vjeçari ka firmosur një kontratë 1-vjeçare, ku klubi ka një opsion rinovimi për tri vite të tjera, klauzolë kjo që do të aktivizohet nëse Avdijaj do ia dalë të bindë me paraqitjet e tij.

Donis Avdijaj ve Ahmet Baha Bilgin ile sözle?me imzalad?k

Detaylar ? https://t.co/iQqs7qIuH4 pic.twitter.com/767LLoKEic

— Trabzonspor (@Trabzonspor) July 8, 2019

Firma me ekipin turk është një lajm shumë i mirë dhe për trajnerin e Kosovës Bernard Shaland. Avdijaj është një ndër lojtarët e preferuar të zviceranit, por mbetja pa ekip e të riut shqiptar e bëri të pajustifikueshëm rikthimin e tij në grumbullimet e përfaqësueses.

“Mentaliteti i skuadrës është i rëndësishëm, skuadra duhet të tregojë karakter edhe në momentet negative, ata u përgjigjën mirë kush ishin në disavantazh dhe kjo ka rëndësi për mua. E pamë se luajtëm futboll të mirë, provuam me çdo mënyrë. Kemi një skuadër mesatare shumë të re vetëm 23 vjeç”.

“Europiani? Çdo gjë e madhe ka filluar me një ëndërr. Le të ëndërrojmë kjo është filozofia ime.  Në momentin kur na shënuan golin e dytë, do isha i kënaqur dhe me një barazim, por me aq mundësi sa krijuam në fund të lojës, do të mërzitesha sikur të mos fitonim”.

“Bullgaria ka ndërruar trajner dhe kjo gjë ka sjell që ata të ndryshojnë sistemim e lojës. Mund të them se nesër do të jetë një ndeshje shumë e vështirë për ne. Gjithmonë e kam thënë se do të vazhdojmë të luajmë me të njëjtën filozofi loje, gjithsesi ne në çdo lojë përpiqemi t’i përshtatemi lojës së kundërshtarit”.

“Pashë ndeshjen me Çekinë. E kam të qartë që s’do ta kemi të lehtë në Sofie. Pritshmëritë e mija s’kanë ndryshuar. Pres që të arrijmë fitoren. E respektoj kundërshtarin. Trajnerin e tyre e njoh mirë pasi ka punuar në Zvicër”.

“Skuadra luajti një futboll të mirë. Në pjesën e dytë patëm dy raste për të shënuar golin e dytë. Mund ta kishim vrarë lojën, por s’ia dolëm. Në futbolli rregulli është po nuk shënove do të shënojnë, dhe kështu ndodhi. Kemi luajtur një ndeshja të veçantë në transfertë. Nuk ishte një ndeshje e mrekullueshme, por ishte një ndeshje e mirë”.

PROBLEMET NË FINALIZIM – “Ndoshta duhet të tregohemi të tregojmë më shumë qetësi në metrat e fundit. Kemi shumë shpejtësi e forcë me lojtarë si Rashica etj, por ndoshta është dhe çështje vetëbesimi. Çdo sulmuesi i duhet vetëbesimi”.

ZËVENDËSIM I CELINËS – “Celina luajti mirë, por kemi dhe një ndeshje tjetër. Të mos harrojmë vjen nga një dëmtim dhe kjo ishte ndeshja e tij e parë pas gjashtë javësh. Është një lojtari i mirë, duhet të tregojmë durim me të. Sot luajtëm me një sistem më ndryshe. Halimi bëri shumë mirë në mesfushë sot”.

Ju shqetëson prania e politikanëve në disa nga seancat stërvitore ?

“Unë nuk flas për politikën ose paratë. Mund të them se Kosova është një shtet i ri. Jam shumë i lumtur me mbështetjen e të gjithë popullit dhe politikanëve. Nuk mendoj se ka ndonjë gjë të keqe nëse u japim pak kohë politikanëve ose kompanive sponsorizuesëve. Jemi një familje duhet te qëndrojmë të bashkuar”.

Më pas Shaland u pyet në lidhje me deklaratën e trajnerit të Danimarkës, që e cilësoi miqësoren e nesërme si thjesht një ndeshje stërvitore për skuadrën e tij. “Nuk mendoj se ka pasur dashakeqësi në deklaratën e trajnerit të Danimarkës. Në futboll nuk ka ndeshje të lehta, qoftë edhe sikur të luash me skuadra të nivelit të Gjibraltarit. Danimarka e di se nuk do ta ketë të lehtë të luajë me Kosovën, por në të njëjtën kohë nuk jemi as Franca”.

GJENDJA E KRYEZIUT – “Kreyziu nuk është gati për nesër, nuk dua të rrezikojmë. Është një mundësi e mirë për të provuar lojtarë të tjerë në mesfushë. Të shpresojmë që të Kryeziu të rikthehet për ndeshjen ndaj Bullgarisë”.

SHIRITI I KAPITENIT – “Në këtë skuadër unë kam disa kapitenë. Ka qenë më parë Valon Berisha, Ujkani ose Kryeziu, pas stërvitjes së sotme do të vendos secili do të jetë kapiteni, ose kapitenët, pasi lojtari mund të zëvendësohet”

FLORENT HASANI – “Hasani ka qenë një lojtari i dalluar te përfaqësuesja U21 dhe tani po luan shumë mirë në Hungari, ai është një lojtar i vlefshëm për Kosovën, por jo për pozicionin ku luan Hekuran Kryeziu, pasi është një lojtar tjetër”.

DANIMARKA – “Ka qenë insistimi im që ta zhvillojmë në Kosovë dhe jo jashtë, pasi kishim mundësi të luanim ndeshje jashtë ndaj Gjermanisë. Tjetër gjë e rëndësishme është se luajmë ndeshjen të enjten dhe jo të premten, diçka që ndihmon të dyja ekipet. Është një test i mirë, sigurisht do të kemi probleme ndaj këtij kundërshtari të fortë. Nëse fitojmë, është diçka e shkëlqyer, nëse barazojmë prapë mbetet diçka e shkëlqyer dhe nëse humbim, atëherë mund të mësojmë diçka nga kjo ndeshje”, përfundoi Shaland.

Bëhet fjalë për mesfushorët Meritan Shabani (Bajern Mynih), Elvis Rexhbexaj (Volfsburg) dhe Florent Muslija (Hanover).

“Jemi në negociata me Meritan Shabanin, Florent Muslija dhe Elvis Rexhbeçaj që të pranojnë të luajnë me Kosovën”, tha Shaland para gazetarëve. Në të njëjtën kohë trajneri i zviceranëve ka pranuar dhe bisedimet me Bastien Tomën dhe Florent Hadërgjonajn.

“Për mua është një sfidë e rëndësishme, kemi kaluar në ligë tjetër tani dhe kemi të bëjmë me rivalë të niveli tjetër. Deri tani kemi pasur sukses në Nations League edhe në miqësore, por tani e dimë ccfarë na pret. Nuk luajmë më me ekipe të ligës D dhe kjo do të thotë se do të jetë emocionuese të luajmë me ekipe të forta. Nis një periudhë e re. Është një procesi i rëndësishëm i zhvillimit të ekipit tonë. Tani e nisim nga zero”.

PRITSHMËRITË ME DANIMARKËN  – “Fokusi është te Bullgaria, por kjo miqësore është një test para kualifikueseve. Është test real për ekipin. Nuk do jetë thjesht miqësore, por më shumë. Është nder të marrim një ofertë të luajmë miqësore me Danimarkën. Është ekipi i 10-të në botë. U eliminuan nga Botëroti me penallti nga Kroacia. Për ne është shumë mirë të luajmë kundër një ekipi si Danimarka në Kosovë, këtu madje, jo jashtë. Nuk do na duhet të udhëtojmë. Mund të luanim me Gjermaninë në Gjermani, apo me Argjentinën në Zvicër. Nuk donim të udhëtonim.

Qëllimi i parë është të përgatitim ndeshjen me Bullgarinë. Qëllimi i dytë është të shohim veten si do të mbrohemi ndaj një ekipi me sulm të fortë dhe me lojtarë si Eriksen. Tjetri objektiv është të shoh se si do ta mbajmë topin dhe si mund të krijojmë. Në Nations League ekipet na prisnin, Danimarka nuk do e bëjë këtë. Kemi sulmues që po shënojnë dhe po paraqiten mirë, si Rashica, Kololli, Zeneli, Muriqi e Celina. Është një test se si do t’i krijojmë shanset ndaj një ekipi që pason pak. Këto janë objektivat për këtë miqësore. Në ndeshje të tilla mund të kesh një ose dy shanse. Unë kam besim shumë te lojtarët e mi. Lojtarët e sulmit po bëjnë shumë mirë nëpër klube. Rashica, i cili e dinim që ka potencial, po shënon. Edhe Zeneli ëshët në një stad tjetër. Është kënaqësi të shohësh lojtarët tanë kundër ekipeve me mbrojtje të forta. Mund të jemi një nga surprizat”.

“A do ndihet lodhja me Bullgarinë, pasi Danimarka është ekip fizik? Është e qartë që duhet të harxhojmë energji me Danimarkën. Kemi një ditë më shumë se Bullgaria për rikuperimin e energjive, mund të bëjmë 6 zëvendësime, mund të aktivizojmë lojtarë që kanë luajtur pak. Mund të bëjmë një miks. Nuk kam frikë se mund të lodhemi apo për gjëra të tjera. Në vazhdim mund të luajmë me dy ekipe në pak kohë, madje me një ditë më pak se tani. Duhet të jemi të përgatitur për një situatë të tillë”.

SITUATA E EKIPIT – “Valon Berisha është i dëmtuar, por kemi disa mundësi. Kemi Celinën në atë pozicion, po bën mirë te Suonsi. Kjo është jeta normale e një trajneri. Kryeziu u dëmtua dje, por besoj se nuk është diçka serioze. Mund të jetë gati, nuk ka thyerje. Kemi një grup të plotë. Hekurani besojmë se do jetë gati për ndeshjen e dytë”.

OBJEKTIVI NË KUALIFIKUESE – “Kam folur me presidentin Ademi, por jo për objektiva. Ai e di filozofinë time. Unë nuk them dalim të dytët, apo të parët dhe të dalim më poshtë. Nuk kemi objektiv për pikë, apo për vendin në klasifikim. Do i shohim ndeshjet njëra pas tjetrës. Kemi një ekip të ri dhe duhet të rritemi. Kemi ndërtuar një ekip dhe nuk mund të flasim për objektiva konkret, Kemi bërë bazamentin, jo katin e parë. Duhet të vazhdojmë të luajmë futboll, jo të presim prapa. Normalisht ndonjëherë edhe pësojmë gola e të humbim. Normal ka edhe ëndrra për suksese, ato janë edhe në kokën time. Kur u takova me Vokrrin nuk më kërkoi të fitoj Ligën, por të ecim përpara. Kemi nisur udhëtimin dhe falë punës dhe morëm rezultate. Duhet të zhvillohemi, kjo ka rëndësi. Janë kualifikuese, duhet të jemi modest dhe të qëndrojmë me këmbë në tokë. Kemi qenë në Ligën D dhe nuk mund të themi se do kualifikohemi. Duhet të bëjmë mirë tani, të punojmë fort si ekip. Nuk po mendojmë për ndeshjen me Maqedoninë. Të shohim në fund ku e mbyllim. Nëse nuk ia dalim këtu, atëherë mendojmë për gjysmëfinalen e Nations League”.

PRURJET E REJA – “Kam punuar shumë, dimë lojtarët që na duhen. Nuk është e lehtë. Çdo ditë flasim për lojtarë të rinj në Gjermani, apo Zvicër. Vallcci dhe Sadiku janë emra që po lakohen. Nuk janë vendime të lehta. Kemi folur me Hadërgjonajn dhe të tjerë. Nëse ju flisni për lojtarë i bëni dëm Kosovës dhe mua. Nëse ju si gazetarë doni lojtarë të rinj, mos flisni. Ne po punojmë. Shkruhet shumë për Tomën e Hadërgjonajn. Kur të jenë gati letrat, do ua them. Lajmet e pavërteta po na dëmtojnë. Kemi pasur probleme me familjarët e këtyre dy lojtarë pas lajmeve. Ka lojtarë që e kanë shprehur vendimin, sikurse edhe Sadiku. Por ka edhe procedura, kur të përfundojnë do ua them. Spekulimet na dëmtojnë shumë. Asnjë lojtarë nuk më ka thënë jo”.

Qendërmbrojtësi me origjinë nga Kosova është 23 vjeç dhe transferimi i tij nga Vaker Insbruk te Salcburgu u krye gjatë merkatos së janarit për 750 mijë euro.

Vallçi mund të konsiderohet si ato futbollistë që kanë pasur një shpërthim të vonë, pasi ka vetëm pesë muaj që po luan në elitën e futbollit austriak. Në gjashtë vitet e tij të mëparshme si profesionist Vallçi është aktivizuar vetëm me ekipe të kategorive të dyta ose të treta.

Mbetet për t’u parë se cila do të jetë zgjedhja e të riut, i cili për momentin disponon vetëm pasaportën austriake. Një tjetër detaj i rëndësishëm është dhe fakti që Austria nuk i lejon shtetaseve dyshtetësinë, përjashto këtu disa raste të veçanta.

Futbollisti 24-vjeçar, i cili aktivizohet me Hadërsfilld Toun në Premier Ligë, ka qenë pjesë e grumbullimeve të kombëtares zvicerane, por mbrojtësi i krahut të djathtë nuk është aktivizuar ende në një ndeshje zyrtare me përfaqësuesen “helvete”, çka e bën kalimin e tij te përfaqësuesja kosovare, thjesht një çështje procedurash.

“Ne kemi disa lojtarë që duhet të vendosin. Hadërgjonaj është njëri nga këta lojtarë. Konkurrenca te Zvicra në pozicionin e tij është shumë e madhe. Them se aty nuk do ta ketë të lehtë, kështu që shpresoj që ai të vijë të luaj për Kosovën”, tha Shaland.

Pas ndeshjes, në “Supersport” tekniku zviceran theksoi se e dinte që në fillim që do të ishte finalja për këtë grup. Trajneri Shaland e pranon se skuadra luajti mirë, por duket qartë që ai ka nisur që tani të mendojë për takimin e fundit dhe më të rëndësishëm.

“Jam shumë i lumtur me fitoren. Malta luajti mbrojtje të mirë dhe në pjesën e parë shënuam vetëm njëherë. Kishim disa mundësi ta vulosnim ndeshjen që në pjesën e parë, por nuk konkretizuam. Pjesa më e mirë ishte që ishim më të përqendruar se në Prishtinë”.

“Në pjesën e dytë Malta luajti një futboll pak më të mirë se në pjesën e parë. Megjithatë pasi shënuam golin e dytë, ne e kishim shumë më të lehtë. Ishte e rëndësishme që shënuam pesë gola pasi nuk duhet të shpërdorojmë raste si kemi bërë ndeshjet e kaluara”.

“Sa i përket ndeshjes me Azerbajxhanin e dija që në fillim se ajo do të jetë finalja. Ata kanë skuadër të fortë me disa lojtarë të mirë. Ata kanë ëndrrën gjallë dhe mund të rrezikojnë. Ndeshja në Prishtinë do të jetë shumë interesante”.

“U çudita që Ardian Ismajli u largua nga ne, ai i ka premtuar Fadil Vokrrit që do të luante për Kosovën. Nuk është e lehtë të ftosh dikë që të luajë me Kombëtaren kur me skuadrën nuk ka luajtur asnjë minutë. Kur e ftova, ai tha që nuk do të luajë me Kombëtaren A dhe do të qëndroj tek U-21 dhe unë e respektova vendimin e tij. Jam i zhgënjyer pasi nuk mendoj se është një zgjedhje e mirë për të”.

“Preferoj vetëm lojtarë të cilët duan me çdo kusht të luajnë për Kosovën, lojtarë të cilët janë gati të japin çdo gjë për këtë vend. Demhasajn nuk e ftova, sepse i mungojnë minutat me klubin. Ai është një lojtar shumë i mirë, një futbollist për të ardhmen. Kam folur me Meritan Shabanin, Elvis Rexhbecajn, Bastien Tomën dhe ata kanë kërkuar kohë. I respektoj ata dhe vendimin e tyre dhe shpresoj që të vijnë, nëse do ta bëjnë, do të kemi një të ardhme fantastike. Kemi folur edhe me Florent Hadergjonajn e Hudersfildit. Ai e do Kosovën, por ka respekt të madh për Zvicrën, ndaj do që t’i përfaqësojë. Ne e respektojmë, por ka ende pak shpresë, pasi nuk ka luajtur ende me ata”.

“Ky grup është i hapur tani dhe çdo gjë është e mundur dhe gjëja me e rëndësishme për mua është se kemi nevoje për tri pike dhe për performancë te mire këtu”, ka thënë fillimisht trajneri zviceran.
“Ekipet e tjera janë afër nesh përveç Maltës. Grupi është i hapur.
I pyetur për presionin që mund ta ketë Kombëtarja e Ishujve Faroe pas humbjeve të fundit, trajneri i Kosovës u përgjigj kështu: “Nuk dua të flas për presionin e ishujve sepse edhe ne kemi presion. E kemi të qartë se do te luajmë me ekip të fortë dhe është e vështire t’i mposhtësh”.

“Nuk mendoj për presionin e tyre por për ekipin tim”.

Mesfushori i Kosovës, Herolind Shala u pyet se a do të ndikojë mungesa e tifozëve në Ishujt Faroe.

“Nuk besoj qe do te jetë shumë ndryshe qe luajmë jashtë, edhe pse nëse na motivojnë tifozët tanë ne Prishtinë, ama ne jemi te motivuar sepse duhet te fitojmë këtu dhe të marrim tri piket”, tha Shala.
Trajneri i Kosovës u pyet edhe për mungesën e Hekuran Kryeziut, i cili nuk do të luajë për shkak të suspendimit.

“Kemi lojtare te mire ne ketë ekip, por unë jam trajneri dhe duhet ta gjej zgjidhjen. Ne jemi grup dhe të gjithë mund të japin ndihmën e vetë. Te gjithë duhet të tregojnë çfarë mund të japin. Për ne është me rendësi grupi dhe jo individët”