shaktar karagandi

Rexhinaldo fillon aventurën kazake, prezantohet tek ekipi i ri

Sport Ekspres — Mon, 08 Jul 2019 21:33:23 +0000

Sulmuesi mozambikas Rexhinaldo Artur Faife la kampionatin shqiptar pas tri sezoneve ku provoi të luante për tri ekipe të ndryshme: Luftëtari, Laçi dhe së fundmi Kukësi. 29-vjeçari është prezantuar te kazakët e Shakter Karagandi.

Te skuadra e re Rexhinaldo gjen ish-kolegun e tij te Kukësi, Donjet Shkodra, i cili iu bashkua ekipit kazak në muajin shkurt. Rexhinaldo lë shqipërinë me një rekord prej 39 golash në 96 aktivizime në Kategorinë Superiore, ndërsa në Kupën e Shqipërisë mozambikasi shënoi 14 gola në tetë takime.

https://www.instagram.com/p/Bzqe07iBMPO/?utm_source=ig_web_copy_link

Vlerësime në Azerbaixhan dhe Bjellorusi, shkëlqejnë dy “ish”-ët e Superiores

Sport Ekspres — Tue, 16 Apr 2019 15:11:12 +0000

Ish-futbollisti i Skënderbeut Xhejms Adeniji vazhdon të spikasë në Azerbaixhan me skuadrën e Gabalas. Në takimin e kësaj fundjave nigeriani shënoi një ndër golat e fitores 2 – 1 të Gabalës.

Goli dhe loja e mirë bën që 26-vjeçari të vlerësohet me një vend në formacionin e javës. Përgjatë këtij sezoni Xhejms ka qenë një ndër lojtarët më të aktivizuar tek ekipi i tij, ku 23 ndeshje ka arritur të shënojë 9 gola në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Zhvendosemi në Bjellorusi ku një tjetër “ish” i Superiores po kalon një formë të shkëlqyer. Elis Bakaj shënoi golin e vetëm për skuadrën e Shaktar Soligorks në ndeshjen kundër Slutskit. Teksa janë luajtur 3 javë kampionat, skuadra e shqiptarit kryeson renditjen e tabelës me pikë të barabarta me Dinamo Brest.

VIDEO | Kukësi e mbyll me fitore, paraqitje fantastike e verilindorëve

Sport Ekspres — Mon, 14 Jan 2019 16:05:33 +0000

Kukësi ka luajtur sot miqësoren e tretë dhe të fundit në këtë fazë përgatitore në Antalia, sfidë të cilën e ka fituar pastër 2-0 përballë Shaktar Karagandi.

Djemtë e drejtuar nga Armando Cungu shënuan shumë shpejt në këtë takim dhe goli i parë ishte i ardhjes më të fundit, Vasil Shkurtaj. Ish-sulmuesi i Luftëtarit gjeti rrjetën që në minutën e 9’ të takimit, duke shënuar golin e tij të parë me fanellën e bluve verilindorë.

Golin e dytë që fiksoi rezultatin final të sfidës, e shënoi lojtari më në formë, Arbër Çyrbja. Në minutën e 43’, mesfushori anësor shënoi golin e tretë radhazi personal në miqësoret e zhvilluara në Antalia dhe duket në formë të shkëlqyer.

Kukësi: Frashëri, Maliqi, Shahmeti, Cuculi, Rumbullaku, Krasniqi, Dzaria, Rroca, Kordeiro, Et’hemi, Shkurtaj Trajner: Armando Cungu