Shakhtyor Soligorsk

Transferta në Torino dhe Angli, Bakaj e Marku tentojnë mrekullinë në Europë

Sport Ekspres — Fri, 02 Aug 2019 15:41:25 +0000

Elis Bakaj dhe Kristi Marku ishin disa nga futbollistët shqiptarë që dolën me kokën e lartë nga fusha e lojës. Të ish-lojtarët e Superiores ia dolën të kalonin në raundin e tretë të kualifikueseve të Europa League me ekipet e tyre përkatëse.

Shakter Soligorsk i Bakajt do të udhëtojë më datë 8 gusht drejt Torinos ku do të ndeshet me ekipin “granata”, që eliminoi në raundin e dytë hungarezët e Debrecen me rezultatin e përgjishëm 7 – 1.

Zhvendosemi në Armeni ku qendërmbrojtësi Kristi Marku duhet të bëjë një udhëtim të gjatë prej 3000 kilometrash me armenët e Pjunik. Kundërshtari i radhës i klubit armen janë anglezët e Ulvërhempton.

Bakaj i bën të gjithë për vete, tifozët e votojnë më të mirin

Sport Ekspres — Tue, 09 Jul 2019 09:11:55 +0000

Pas tri ndeshjesh ku nuk kishte arritur të gjente rrugën e rrjetës, Elis Bakaj u rikthyer me një paraqitje të mrekullueshme në fitoren 3 – 2 të Shakter Soligorsk ndaj kryeqytetasve të FC Minks.

Bakaj luajti rol kyç në çdo gol të skuadrës së tij, duke qenë autori i një dopiete dhe duke shërbyer një asist. Loja e mirë e shqiptarit është vlerësuar dhe nga sportdashësit në Bjellorusi, të cilët e kanë votuar si lojtari më i mirë i javës së 14-të.

Në sondazhin e bërë në një prej faqeve më të mëdha rreth futbollit bjellorus, Bakaj ka marrë vendin e parë me 46.21% të votave. Në 13 aktivizime në sezonin aktual Bakaj ka shënuar 6 gola e regjistruar 6 asiste. Pas dy ditësh futbollisti kryeqytetas do përfaqësojë bjellorusët në arenën evropiane, teksa Soligorsk do të ndeshet me maltezët e Hibernian në raundin e parë të kualifikueseve të “Europa League”.

Vlerësimi i radhës, Bakaj pjesë e më të mirëve në Bjellorusi

Sport Ekspres — Tue, 04 Jun 2019 13:09:45 +0000

Elis Bakaj shënoi të premten një prej golave në fitoren 3-1 të Shaktjor Soligorsk përballë Dniapros në shtëpi. 31-vjeçari ktheu në gol një penallti në minutën e 62-të, duke vulosur triumfin e ekipit të tij.

Ky trepikësh e ngjiti Shaktjorin në vendin e tretë me 24, po aq sa Bate Borisov e vendit të dytë dhe dy pikë më pak se Bresti kryesues. Ky ishte goli i katërt në kampionat për Bakajn, paraqitje pozitive e të cilit është vlerësuar.

Sulmuesi kryeqytetas është zgjedhur pjesë e formacionit të javës në kampionatin bjellorus, diçka që konfirmon formën shumë të mirë që po kalon.

View this post on Instagram

??????? ????? #???2019 10 ???. #???????????????????????2019 #??????????????

A post shared by ??????????? – ???????? ???? (@bvliga) on Jun 4, 2019 at 4:43am PDT

VIDEO | Bakaj fiton “derbin” me Gavazajn, Shaktjori fluturon në krye

Sport Ekspres — Sat, 18 May 2019 18:22:37 +0000

Elis Bakaj ka fituar “derbin” shqiptar me Enis Gavazajn. Shaktjor Soligorski fitoi 3-0 përballë Dinamos së Minskut dhe u ngjit në krye të kampionatit bjellorus me 18 pikë, po aq sa ka edhe Bate Borisov dhe Islok Minsk.

Sulmuesi i njohur shënoi golin e dytë të ndeshjes në minutën e 74-ët, dy minuta pasi Enis Gavazaj ishte hedhur në fushën e lojës.

Goli i tretë në këtë sezon për 31-vjeçarin, i cili ndodhet në një formë shumë të mirë. Reagim i mirë për Shaktjorin, që u rikthye te fitorja pas humbjes së javës së kaluar në fushën e Vitebsk.

Nga ana tjetër, ekipi i Gavazajt renditet në vendin e shtatë me 13 pikë, pesë më pak se tre ekipet kryesuese.