52-vjeçari ka një kërkesë të veçantë për drejtuesit e klubit. Preferenca e tij luan me Milanin dhe është spanjoll. Flasim për Suson, i cili nuk e ka të qartë të ardhmen e tij.

Lopetegui dhe lojtari ofensiv kanë punuar së bashku te kombëtarja iberike dhe trajneri është i dashuruar pas cilësive të 25-vjeçarit.

“Suso është një lojtar që e njohim shumë mirë që nga kategoritë inferiore. Ai ka kualitet dhe cilësi të mëdha në driblim. Është një lojtar dinamik dhe ndodhet në formë të mirë. Më pëlqen shumë dhe do të ishte ideal për stilin tonë të lojës”, përfundon trajneri i Sevijës.

Edhe pse Njanjon protestoi kartonin e kuq, siç duket ai ka reflektuar më pas. Me anë të një postimi në rrjetet sociale 22-vjeçari i ka kërkuar falje lojtarit dhe klubit të Liverpulit për gjestin anti-sportiv.

“Do doja t’i kërkoja falje publike klubit të Liverpulit, familjes së lojtarit  dhe tifozëve. Ishte një veprim i shpifur që nuk duhet të shikohet asnjëherë në fushën e futbollit. Të gjitha lutjet e mija shkojnë për lojtarin dhe familjen e tij”, shkroi Njanjon.

https://twitter.com/Gnagnon_39/status/1153100792221577216

Në fund Sevija fitoi ndeshjen me rezultatin 2 – 1 falë një  goli në minutat e fundit te talenti Pozo, por te Liverpuli rezultati ishte gjëja e fundit që u shkonte në mend.

Episodi më polemik i ndeshjes ishte kartoni i kuq i mbrojtësit të Sevijës Joris Gnangnon. Qendërmbrojtësi francez dëmtoi në mënyrë makabre mbrojtësin 18-vjeçar të Liverpul, Jaser Larusi. Ndërhyrja ishte aq e fortë sa që arbitri i ndeshjes nuk e diskutoi as për një minutë nxjerrjen e kartonit të kuq.

Larusi u detyrua të largohej nga fusha me ndihmën e barelës. Gjithsesi, në daljen për shtyp pak minuta pas përfundim të takimit, trajneri Jyrgen Klop qetësoi tifozët duke konfirmuar se dëmtimi i 18-vjeçarit nuk ishte i rëndë.

Liverpul 1 – 2 Sevija
Shënues: Nolito 37′, Pozo 90′ / Origi 43′

https://www.youtube.com/watch?v=Tl5ukWSxcyE

Argjentinasi është prodhim i akademisë së Boka Zhuniors, nga ku është transferuar në DC Junajtid. Për të ka shumë oferta nga Kina. Ndërkohë edhe Arsenali e PSG janë interesuar për situatën e tij. Kontrata e tij përfundon në dhjetor. Si pasojë pritet të ketë një luftë të ashpër, pasi klubi aktual mund ta lëshojë për një shifër të ulët.

Futbollisti 24-vjeçar është një produkt i Atletiko Madrid, por prej tre sezonesh luan në Portugali me Porton. Për të shkëputur Torres nga portugezët, Sevijës i është dashur të paguajë 12 milion euro.

Torres po kryen vizitat mjekësore në këto momente dhe zyrtarizimi është vetëm çështje orësh. Kontrata e 24-vjeçarit me Sevijën është e vlefshme për pesë sezone.

22-vjeçari nuk bënte pjesë në planet e Zidan dhe tani është gati të nisë aventurën me ekipin andaluzian. Reguilon ishte një ndër zbulimet e bukura të sezonit të fundit për t’u harruar të Realit.

?? @sergio_regui se define y deja claras sus ganas de conocer ya a sus nuevos compañeros. ????#vamosmiSevilla #WeareSevilla

— Sevilla Fútbol Club (@SevillaFC) July 5, 2019

Mbrojtësi luajti 22 ndeshje në të gjithë kompeticionet sezonin e kaluar me Realin, ndërsa në muajin mars erdhi edhe debutimi me Spanjën U21.

Florentino Perez ka huazuar një tjetër lojtar gjatë ditës së sotme. Martin Odegard zhvilloi një sezon shumë të mirë me Viteshen. Ëndrra e madhe e norvegjezit është të luajë në “Santiago Bernabeu”, por i duhet të presë edhe pak.

Fantazisti 20-vjeçar është huazuar një sezon te Real Sociedad. Formula është e njëjtë si në rastin e Reguilon. Një zgjidhje perfekte për Realin, që pret që dy lojtarët e rinj të rikthehen vitin e ardhshëm me të fortë dhe me më shumë eksperiencë mbi supe.

COMUNICADO OFICIAL: Acuerdo con el @realmadrid para la cesión de @martinio98 por una temporada #OngiEtorriOdegaard #AurreraReala #RealSociedad ????? https://t.co/z71jKrnabe

— Real Sociedad Fútbol (@RealSociedad) July 5, 2019

Spanjolli është shprehur se janë duke mbyllur negociatat me Realin për të sjellë në formulën e huazimit talentin e krahut të majtë të mbrojtjes. Sevija është klubi i zgjedhur nga ai. Së shpejti madrileni do të vijë për të kryer vizitat mjekësore.

“Negociatat me Realin janë në vazhdim e sipër dhe duhet të them se puna më e madhe është bërë. Reguilon së shpejti do të vijë në Sevije për t’iu nënshtruar vizitave mjekësore. Lojtari dëshiron të vijë këtu. Kjo e përjashton konkurencën dhe na lejon të punojmë me idenë se ai do vijë”, u shpreh Monçi.

Ai është një ndër të vetmit që ka tërhequr vëmendjen e klubeve evropiane, me Marsejen që duhet të grumbullojë të paktën 40 milionë euro këtë merkato, në mënyrë që të evitojë penalizimet nga ana e qeverisë së futbollit evropian.

Sarabia mbylli një sezon super në Spanjë, teksa ia ka dalë të shënojë 12 gola edhe pse nuk është një sulmues. Ky ishte sezoni i tij më i mirë në La Liga, çka bëri që edhe PSG t’i ofronte një kontratë dhe ai pranoi të nënshkruante.

???? @Pablosarabia92, le milieu offensif espagnol du @SevillaFC_FRA, 27 ans, s’est engagé pour 5 saisons avec le Paris Saint-Germain ??
Interview ? et photos ? à découvrir vendredi sur https://t.co/oDgvOgVNCY !#WelcomeSarabia pic.twitter.com/RcguM86gO8

— Paris Saint-Germain (@PSG_inside) July 2, 2019

Sevija ishte një ndër ekipet më të interesuara për 26-vjeçarin. Sipas “Mundo Deportivo”, klubi andaluzian kishte bërë një ofertë prej 30 milionë eurosh për kartonin e Zijesh, por ka qenë vetë lojtari që ka refuzuar menjëherë lëvizjen.

“Me gjithë respektin për klubet që janë të interesuara për mua, me duhet të them se këto nuk janë skuadrat për të cilat do lija Ajaksin. Largimi im varet vetëm nga një gjë: Ekipi im i ardhshëm duhet të jetë i një niveli më të lartë futbollistik. Nëse më kërkon një klub i ngjashëm me Ajaksin nuk kam asnjë arsye pse të largohem”, tha Zijesh për medien holandeze “AD”.

De Jong pritet të kryejë testet mjekësore dhe më pas të nënshkruajë një kontratë deri në vitin 2023. Sevilja për kartonin e tij do të paguajë 12.5 milionë euro. Monçi, i rikthyer te spanjollët, nxitoi ta blinte De Jong dhe e mbylli me sukses këtë operacion.

Sulmuesi ka spikatur vetëm në Holandë. Ai ka provuar të luajë në Gjermani me Borusia M’Gladbah dhe ka shënuar 6 gola, kurse në Angli me Njukasëllin nuk ka realizuar asnjë. Gjatë karrierës së tij ai ka arritur të mbyllë katër sezone me 20 gola e lart. Tani është koha të luajë në La Liga.

Kështu kjo ide bie poshte. Mediet spanjolle e lidhin brazilianin me një tjetër rikthim. Sevija është klubi ku ai debutoi në arenën evropiane. Tani afër fundit të karrierës mund të bashkohen sërish rrugët e tyre.

Dani Alvesh e dëshiron akoma qëndrimin në Evropë dhe klubi andaluzian do të ishte vend mjaft i përshtatshëm. Ai e sheh akoma veten të aftë për të përballuar një nivel kaq të lartë.

Serxho Riko, portieri i parë i Sevijas mund të largohet në Premier Ligë, me Fulhemin që është favorit për shërbimet e tij. Perin pritet të zbarkojë në Spanjë për ta zëvendësuar. Edhe Roma ka dëshiron shërbimet e tij. Olsen nuk ka treguar sigurinë e pritur dhe shtimi i konkurencës do të ishte zgjidhja e duhur. Vlera e tij në merkato është 15 milionë euro.

Përkundrazi, duket se francezët janë gati për të finalizuar blerjen e parë të këtij afati kalimtar. Sipas mediave spanjolle, Pablo Sarabia pritet që të jetë lojtari i ri i PSG.

Mesfushori i avancuar do të kalojë nga Sevija në Paris, me francezët që do të paguajnë klauzolën prej 18 milionë eurosh. 27-vjeçari ishte prej tri vitesh pjesë e andaluzianëve, me këta të fundit që e kishin blerë nga Getafe për vetëm 1 milion euro.

Fiksimi i trajnerit quhet Luis Muriel. Kolumbiani e mbylli sezonin me Fiorentinën, por kartonin e tij e zotëron Sevija. 28-vjeçari pësoi një dëmtim në ndeshjen e parë të Kupës së Amerikës kundër Argjentinës dhe do të qëndrojë 1 muaj e gjysmë pushim.

Diçka e tillë nuk e ka frenuar Atalantën, e cila ka paguar 15 milionë euro në arkat e klubit spanjoll duke përforcuar repartin e sulmit me një lojtar si Muriel. Lajmi raportohet nga “Sky Sport”, ndërsa lojtari do të tentojë rikuperimin e plotë për të qënë gati për nisjen e sezonit të ri.

Muajt e fundit, që nga kalimi te Monterrei, që habiti jo pak e deri tani, Lajun ishte pothuajse i zhdukur, ndërsa tashmë, ai me anë të një video në llogarinë e tij në “Twitter“, ka vendosur të shpjegojë gjithçka.

Një rrëfim emocionues, me meksikanin që rrëfen se ka luftuar gjithë këtë kohë me kancerin. Lajun zbuloi se ka qenë i diagnostikuar me kancer në veshka dhe se tashmë gjithçka ka kaluar me sukses. Mbrojtësi, gjithashtu deklaroi se do mundohet t’i ndihmojë të gjithë personat që janë në luftë me sëmundjen e tmerrshme.

Quiero agradecer a todos los doctores que estuvieron involucrados en mi diagnóstico y tratamiento (cirugía), gracias especiales a Dios por permitirme estar aquí, y ojalá el mensaje que quiero compartirles llegue tal cual me gustaría! pic.twitter.com/vNQul6z0mm

— Miguel Layun (@Miguel_layun) June 9, 2019

Kaparros, 63-vjecc, e ka drejtuar Seviljan për plot 241 ndeshje, më shumë se ccdo trajner tjetër. Prej vitesh tashmë në klubin spanjoll, Kaparros është një nga personat më të rëndësishëm dhe si pasojë, pritet që Sevilja t’i ofrojë një rol tjetër, me shumë mundësi një rol drejtuesi.

Këtë sezon, Kaparros e renditi Seviljan në vend të gjashtë në kampionat, duke siguruar pjesëmarrjen e skuadrës spanjolle në Europa League sezonin e ardhshëm.

Gjithsesi, paraqitjet dhe forma e tij vijoi të ishte në rënië të vazhdueshme. Në Spanjë është mbyllur La Liga dhe për Sevijan sezoni është mbyllur. Për këtë arsye edhe ka ardhur vendimi për Andre Silvën, që me sa duket është rikthimi i tij te Milani.

Portugezi do të rikthehet në “San Siro”, me drejtuesit kuqezinj që e kanë në dorë se çfarë do të bëjnë me të ardhmen e tij. Sulmuesi postoi dhe një foto në Instagram, duke falënderuar Sevijan.

“Përfundon një tjetër sezon. Faleminderit Sevija për mirëpritjen e pabesueshme. Më pëlqeu shpirti i klubit dhe qyteti. Shpresoj që e ardhmja të më sjellë gjëra të bukura”, mbyllte postimin e tij Andre Silva.

Kjo gjë tërboi Kaparrosh, i cili hodhi dyshime mbi shkallën e dëmtimit në gju që ka Andre Silva dhe ka kërkuar ndërhyrjen e UEFA-s, për të mos lejuar që lojtari të luajë për kombëtaren.

Andre Silva ka shënuar vetëm 2 gola në vitin e ri dhe tani ka reaguar ndaj aludimeve të trajnerit.

“Nuk po simuloj ndonjë dëmtim, jam kuruar për problemin që kam”, tha Silva për A Bola.

“Unë e kam ndërgjegjen të pastër. Kam dashur të luaj, por shqetësimi është rritur dhe fizikisht nuk kam qenë mirë.

“Ndoshta kjo situatë nuk është administruar si duhej dhe duhej të kisha bërë pushim në dhjetor, por Sevilja kishte nevojë për mua dhe unë doja të luaja.

“Unë jam futbollist shumë i përkushtuar ndaj klubit tim, që në këtë rast është Sevilja. Ata që më njohin e dinë që dua të jem gjithnjë një lojtar me vlerë për klubin”.

“E di që në 5 qershor Portugalia ka ndeshje, nëse riaftësohem në kohë përse të mos grumbullohem?”.

Zëvendësuesi është piketuar, luan në kampionatin spanjoll dhe quhet Pablo Sarabia. Lojtari mbush 27 vjeç pas katër ditësh, luan në rolin e mesfushorit të avancuar dhe bën mirë krahët e sulmit.

Kontrata me Sevijen i përfundon në fund të sezonit të ardhshëm dhe ai nuk ka ndërmend të rinovojë. Sarabia ka shënuar 20 gola gjatë këtij sezoni dhe ka një klauzolë prej 18 milionë eurosh.

Kjo shumë nuk është aspak problem për klubin italian, që është gati t’i ofrojë një kontratë 4-vjeçare me një rrogë prej 3 milionë eurosh në sezon, dyfishin e asaj që përfiton në Andaluzi.

Një gol i Portu pas një ore lojë vendosi fatet e kësaj përballje. Tre pikë të arta për vendasit, të cilët ngjiten në kuotën e 37 pikëve, duke parakaluar Vajadolidin. Zhirona për momentin është e shpëtuar.

Ndeshja ishte shumë e luftuar, por nuk pati shumë raste të pastra për shënim. Momenti kyç ishte minuta e 60-të. Kundërsulm i Zhironës dhe pasime të bukura mes lojtarëve. Në fund është Portu që shënon dhe tifozët në ekstazë. Ndeshjen e radhës Zhirona udhëton drejt Getafes, ndërsa Sevija pret Leganesin në shtëpi.

Reali i Madridit në pjesën e parë bëri shumë pak dhe Getafe nuk është se tentoi të përfitonte. 45 minuta thuajse në gjumë, me madrilenët që duket se janë me mendjen te pushimet dhe trajnerin Zinedin Zidan që provoi në formacion të rinjtë Reguilon, Valverde e Brahim Diaz, me këtë të fundit që bëri figurë shumë të mirë.

Megjithatë, Getafe ishte e pakalueshme dhe në pjesën e dytë tabloja nuk ndryshoi, me Realin që bëri disa ndryshime për të përforcuar fazën sulmuese, por nuk ndryshoi marsh.

Benzema nuk ishte në mbrëmjen e tij më të mirë dhe në krahun tjetër Kejlor Navas u tregua perfekt me disa ndërhyrje vendimtare.

SEVILJA RIKTHEHET – Një fitore 5-0 ndaj Vajekanos së dobët i ka rikthyer qetësinë Seviljes, që funsjavën e shkuar u mund keqas në Getafe. Gjithçka në pjesën e dytë, sepse deri në minutën e 55-të rezultati ishte 0-0, por sapo Promes shënoi për Seviljen, gjithçka mori fund. Munir shënoi 2 gola dhe Bej Jeder e Zhil mbyllën hesapet, me Vajekanon që tashmë është praktikisht në Segunda. Me këtë fitore Sevilja barazon Getafen në renditje, por takimet direkte anojnë nga madrilenët.

VILAREALI NË FESTË – Pak ditë më parë bënin xhiron e botës lotët e Kazorlas për një peanllti të humbur, por tashmë Vilareali ka rregulluar gjithçka. Sot “nëndetësja” fitoi 1-0 në San Sebastian ndaj Sociedadit, me një gol të shënuar 5 minuta para fundit nga Gerard Moreno, ndaj tashmë mbijetesa është thuajse e sigurt, me 5 pikë avantazh nga zona e ftohtë.

Sivjet ka ndryshuar gjithçka. Getafe, me një vlerë totale prej 84 milionë eurosh, po lufton fort për një vend në Champions. Në fillim të sezonit kanë përfituar 3 milionë euro nga shitjet dhe kanë shpenzuar 20 milionë të tilla për të përforcuar ekipin.

Sot kanë fituar ndeshjen direkte kundër Seviljes për një vend në katërshen e parë. Një 3-0 e pastër për vendasit, të cilët parakalojnë ekipin andaluzian dhe rikthehen në zonën Champions.

Përballja u karakterizuar nga gola, penallti, kartonë të kuq, VAR dhe shumë duele të forta. Goli i parë erdhi në minutën e 35-të dhe u desh ndërhyrja e VAR-it. Një prekje me dorë në zonën e Seviljes dhe penallti për Getafen.

Protesta të shumta të ekipit mik, por arbitri vendos për penallti pas pamjeve të ofruara. Mata tregohet i saktë dhe kalon vendasit në avantazh. Pjesa e parë nuk mbyllet me kaq dhe rezervon një tjetër penallti për Getafen.

Sërish prekje me dorë dhe sërish kërkohet ndihma e teknologjisë. Arbitri kryesor e cilëson si penallti dhe kartoni i dytë i verdhë për Eskuderon, që përkthehet Sevilja me një lojtar më pak. Është minuta e katërt shtesë e pjesës së parë.

Goditjen e merr përsipër Molina, i cili shënon dhe dyfishon shifrat. Getafe arrin të shënojë përsëri në pjesën e dytë dhe të “vrasë” ndeshjen. Molina shënon të dytin personal në minutën e 53-të dhe 3-0 për vendasit.

Ndeshja nuk ka më histori, pavarësisht se numri i lojtarëve barazohet 19 minuta përpara fundit. Karton i kuq për Dakonam, por koha është e pamjaftueshme për të ndryshuar diçka dhe në stadium shpërthen festa e tifozëve.

Kjo fitore e ngjit Getafen në kuotën e 54 pikëve, ndërsa Sevilja e ndjek në vendin e pestë me dy pikë më pak, kur kanë mbetur edhe 5 javë nga fundi i kampionatit.

Getafe-Sevilja 3-0
Shënues: Mata (pen) 35’, Molina (pen) 45+4’, 53’

Di Françesko ka përfituar për të udhëtuar në fundjavë drejt Spanjës, konkretisht në Andaluzi. 49-vjeçari ka ndjekur nga afër derbin Sevilja-Betis dhe ka takuar Monçin, mikun e tij me të cilin punoi te Roma.

Të dy bashkë kanë diskutuar edhe për mundësinë e uljes së Di Françeskos në stolin e Seviljes. E gjitha në kuadër të një bisede normale, edhe pse drejtori sportiv spanjoll do preferonte shumë t’ia besonte këtë rol italianit. Ky i fundit duhet të gjejë akordin me klubin spanjoll dhe të fitojë konkurrencën me Havi Gracian, trajnerin e Uotfordit në Premier Ligë.

Sipas “Telekom Sport”, klubi andaluzian ka rënë dakord të paguajë 3.5 milionë euro për kartonin e 20-vjeçarit, i cili këtë sezon ka shënuar 10 gola në kampionatin rumun, ndërsa Vitoruli do të mbajë 20% të vlerës së kartonit në rast të shitjes së ardhme të lojtarit.

Hajdutët kanë shfrytëzuar momentin kur familjarët e të dy futbollistëve ishin në stadium për të parë ndeshjen dhe kanë hyrë në rrethimet e shtëpive. Fatmirësisht personat e maskuar nuk kanë arritur të hyjnë në asnjërën banesë.

Lojtarët kanë pasur të aktivizuar në shtëpitë e tyre sisteme alarmi të teknologjisë së lartë, çka ka bërë që hajdutët të pikasen shpejt dhe të largohen mënjëherë pa marrë asgjë për t’i shpëtuar policisë. Për familjen e Hoakim ky nuk është rasti i parë, pasi gruaja e tij me të bijat kanë qenë edhe një herë më parë objekt i një grabitjeje në rrugët e qytetit andaluzian.

Derbi Sevija vs Real Betis- “Në Itali kam përjetuar derbin e Romës me Lacion. Ky i sotmi nuk ngjan shumë me të. Më shumë ngjan me Xhenoa-Sampdoria. Ai luhet kudo, në rrugë, lagje apo supermarket. Janë 11 lojtarë që përfaqësojnë 100 mijë të tjerë.”

Kthimi tek Sevija- “U ktheva këtu më herët se e prisja. Rezultatet nuk janë ato që kisha menduar, por nuk pendohem. Sevija ka evoluar dhe kjo më shtyu të vija. Më janë ofruar projekte më interesante, por zgjodha këtë dhe do të qëndroj. Jam 80% drejtor sportiv dhe 20% tifoz. Këtë javë jam më shumë tifoz.”

Koha e kaluar në Romë- “Nata më e mirë ishte përmbysja ndaj Barcelonës. E keqja humbja me Porton. E kisha të vështirë të qëndroja larg familjes. Gjithsesi do të kthehesha pa problem në Romë.”

Sfida nisi mjaft e luftuar, me të dyja ekipet që krijuan raste. Sevija ishte ekipi që provoi më shumë në pjesën e parë, por miqtë u trguan cinikë, dhe në minutën 45-të fituan të drejtën e një 11-metërshi, pasi Banega shkaktoi faull ndaj mbrojtësit Gaja.

Te pika e bardhë u paraqit Dani Pareho, i cili u tregua i saktë, duke i dhënë avantazhin të tijve. Në fraksionin e dytë, vendasit u hodhën të gjithë në sulm, por Valencia e administroi në mënyrë perfekte avantazhin, duke marrë tri pikë mjaft të rëndësishme dhe duke u futur në garë për një vend në Champions.

Monçi e la Sevijan disa vite më parë, pasi kaloi tek ekipi i Romës. Gjithsesi, sezoni aktual nuk ishte i mirë për drejtorin, i cili u kritikua shumë për zgjedhjet e tij në merkato si dhe për rezultatet e verdhekuqve. Kështu, ditën e sotme Monçi është rikthyer te klubi ku u bë i njohur.

¡Bienvenido a casa, @leonsfdo! ?

? Toda la información sobre su regreso ?? https://t.co/OTEgBT9s05#vamosmiSevilla #WeareSevilla pic.twitter.com/kK0C2kus0E

— Sevilla Fútbol Club (@SevillaFC) March 17, 2019

Spanjolli pritej t’i bashkohej trajnerit Unai Emeri te Arsenali, pasi kishin punuar së bashku për disa vite te Sevilja, ku ishin shumë të suksesshëm. Por Monçi e ka refuzuar ofertën e “Topçinjve” për t’u rikthyer te Sevilja në La Liga. Skuadra andaluziane po bën një sezon jo shumë të mirë dhe eliminimi nga “Europa League” mbrëmjen e së enjtes ka bërë që drejtuesit e klubit spanjoll të nisin ndryshimet, me ardhjen e Monçit si ndryshimi kryesor në staf.

Vaskez gjeti golin e avantazhit dhe u mendua se ekipi andaluzian, që ka fituar 5 herë këtë kompeticion që nga viti 2006, do të kalonte më tej, por vendasit u treguan të papërmbajtshëm, shënuan dy herë dhe merituan kualifikimin në çerekfinale.

Eliminimi ka lënë pasoja te Sevilja. Drejtuesit e klubit kanë vendosur të shkarkojnë trajnerin Pablo Maçin gjatë ditës së sotme. 43-vjeçari, i cili u bë i njohur për sezonin shumë të mirë të zhvilluar me Zhironën, u bë trajner i Seviljës me 28 maj të vitit të kaluar.

Aventura e tij zgjati më pak se një vit. Rolin e trajnerit e ka marrë Zhoakin Kaparros. Ky i fundit mban rolin e drejtorit sportiv, por nuk është hera e parë që ulet në stol. Vitin e kaluar ai mori drejtimin e përkohshëm të ekipit pas shkarkimit të Vinçenco Montelës.

Djaloshi që mahniti Superioren dhe në verë u ble nga çekët për 3.2 milionë euro ishte vendimtar për skuadrën e tij. Nuk shënoi, por bëri një driblim që çoi në arkat e Slavias plot 1.5 milionë euro. Një lojtar i shtrirë dhe një tjetër dështoi t’ia marrte topin nigerianit, që pasoi për Traore.

Ky i fundit e dërgoi në rrjetë, edhe pse Kjaer në vijën fatale u përpoq ta devijonte sferën. Topi në rrjetë dhe festa e çekëve. Olajinka në qiellin e shtatë. Kush e mendonte të eliminimin Seviljen, klubin që vitet e fundit ka dominuar në Europa League, madje duke e fituar këtë trofe tre herë radhazi (2013-2016). Më parë e ka fituar edhe në 2006-n dhe 2007-n. Sot e eliminoi një djalosh që erdhi plot ëndrra në Shqipëri para disa vitesh. Jeta është një përrallë.

Sllavia Pragë 4 – 3 Sevija
Shënues: Ngadë-Ngadzhui 15’, Sucek 47’ (pen), Van Buren 102’, Traore 120’ / Ben Jeder 44’ (pen), El Hadadi 54’, Vazkez 98’

Benfika 3 – 0 Dinamo Zagreb
Shënues: Zhonas 71’, Ferro 94’, Grimaldo 105’

Dinamo e Zagrebit u mund 3 – 0 nga Benfika në Lisbon. Skuadra kroate e nisi mirë takimin, por me kalimin e minutave Benfika fitoi epërsi. 90 minutëshi u mbyll me rezultatin 1 – 0 dhe ndeshja shkoi në kohën shtesë, ku portugezët vulosën fatin e takimit me golat e Ferros dhe Grimaldos.

“Topçinjtë” e nisën në mënyrë perfekte ndeshjen, pasi kaluan në avantazh pas vetëm 4 minutash me anë të Aleks Ajobit, i cili shënoi dhe pak me fat, ku topi i krosuar prej tij nuk u prek nga askush dhe përfundoi në fundin e rrjetës.

Në fundin e pjesës së parë, Sokratis Papastathopulos u ndëshkua me kartonin e dytë të verdhë dhe la ekipin e tij me dhjetë lojtarë. Pas daljes së mbrojtësit, ishte menjëherë Borizhu, i cili shënoi një supergol, ku goditi një top të kthyer nga muri pas një goditje dënimi.

Fraksioni i dytë ishte më i mirë për vendasit, të cilët përmbysën gjithccka në minutën e 65-të, teksa Kosielni në mënyrë të pafat shënoi në portën e tij. Në fundin e takimit, ishte Ismaila Sarr, i cili shënoi dhe golin e tretë, duke e bërë një malore të vështirë kualifikimin për Arsenalin.

Ndërkohë, në ndeshjet e tjera ra në sy barazimi i Sevijas në shtëpi ndaj Slavias së Pragës, ku gjithçka u mbyll me shifrat 2-2. Triumf i rëndësishëm për Dinamon e Zagrebit ndaj Benfikës 1-0 në shtëpi, teksa Vijareali është me një këmëbë në gjysmëfinale, pasi fitoi 1-3 në Rusi ndaj Zenitit.

Dinamo Zagreb 1-0 Benfika
Shënues: Petkoviç 38’(pen.)

Ajntraht Frankfurt 0-0 Inter

Ren 3-1 Arsenal
Shënues: Borizhu 42’, Kosielni 65’(aut.), Sarr 88′ / Ajobi 4’

Sevija 2-2 Slavia Praga
Shënues: Ben Jeder 1’, Munir 28’ / Stok 25’,

Zenit 1-3 Vijareal
Shënues: Azmun 35’ / Iborra 33’, Moreno 64’, Morlanes 71’

Nisja ishte fantastike për portugezin, i cili ishte ndër golashënuesit më të mirë në javët e para. Gjithsesi, shkëlqimi i 23-vjeçarit nuk zgjati shumë dhe kohët e fundit, duket se nuk po jep rendimentin që pritet. Vetëm dy gola të shënuar në më shumë se 15 ndeshje.

Forma që po kalon në muajt e fundit, kanë bërë që drejtuesit andaluzianë ta rimendojnë blerjen përfundimtare të sulmuesit. Sipas raportimeve të fundit, duket se vendimi që do të marrin për Andre Silvën, është që të rikthehet përsëri në Milano, pasi nuk janë të bindur.

Hezus Navas kaloi vendasit në avantazh në mesin e pjesës së parë pas një kundërsulmi fantastik të Seviljes. Avantazhi i ekipit andaluzian zgjati vetëm katër minuta. Mesi mori një pasim nga Rakitiç dhe shënoi një eurogol.

Sevilja u rikthye përsëri në avantazh tre minuta përpara fundit të pjesës së parë. Mbrojtësi Merkado mori një asist nga Sarabia dhe kaloi përsëri Seviljen në avantazh.

Pjesa e dytë foli për ekipin e Valverdes, që shënoi dhe tri herë të tjera duke rikthyer rezultatin. Mesi barazoi ndeshjen në minutën e 67-të me anë të një goditje të bukur nga brenda zonës.

Argjentinasi nuk u ndal dhe shënoi dhe golin e fitores pesë minuta përpara fundit të ndeshjes. Në fund pati kohë dhe për golin e Suarez, i cili vulosi fitoren e Barcelonës në minutën e tretë shtesë.

Kjo fitore e ngjit Barçën në kuotën e 57 pikëve, ndërsa Sevilja ka zbritur në vendin e pestë me 37 pikë, duke u renditur pas Getafes.

Sevilja-Barcelona 2-4
(Hezus Navas 22’, Merkado 42’ / Mesi 26’, 68’, 85’, Suarez 90+3′)

Sfida nisi mirë për Lacion, me bardhekaltrit që u treguan këmbëngulës dhe rrezikuan dy herë me anë të Luliç dhe Kataldit. Gjithsesi, në minutën e 20-të, ishte i njëjti autor që i ndëshkoi në Itali, Uisam Ben Jeder, i cili shënoi golin e avantazhit për Sevijan.

Pas një topi të goditur nga Sarabia, Strakosha reagoi mjaft mirë, por topin e kthyer nga portieri ynë e shfrytëzoi mjaft mirë sulmuesi francez. Kështu, pjesa e parë u mbyll me avantazhin e Sevijas 1-0.

Heronjtë e takimit ishin mbrojtësi Alvaro dhe Karl Toko Ekambi, të cilët shënuan që në fraksionin e parë, duke “vrarë” ndeshjen në një farë mënyre. Në minutën e 20-të Alvaro shënoi golin e parë, ndërsa në minutën e 45-të, një asist fenomenal i Karlos Bakës, u shndërrua në gol nga Ekambi.

Pjesa e dytë u administrua mjaft mirë nga “nëndetsja e verdhë”, e cila gjeti dhe golin e tretë në fund të takimit me anë të Alfonso Pedrazës.

Gjithsesi, pavarësisht fitores  Vijareal, vijon të mbetet në zonën e ftohtë, ku ndodhet në vendin e 18-të me një pikë më pak se Selta Vigo. Sevija nga ana tjetër, sheh t’i përmbyset sezoni, pasi tani rrezikojnë dhe vendin e katërt, me ndjekësit që janë shumë pranë.

La Liga | Java 24
Vijareal – Sevija 3-0
Shënues: Alvaro 20’, Ekambi 45’, Pedraza 87’

 Drejtori sportiv i Lacios, Igli Tare ka mbetur i zhgënjyer me tifozërinë në sfidën e mbrëmshme. Vetëm 22 mijë të pranishëm në “Olimpico” dhe shqiptarit nuk i ka pëlqyer kjo situatë e krijuar. Ekipi ka nevojë për pasionin e tifozëve, por kësaj radhe shkoi dhe më keq se në ndeshjen e grupit kundër gjermanëve të Ajntrahtit të Frankfurtit.

 “Mendoja se kisha parë diçka shumë të keqe përballë Ajntrahtit të Frankfurtit, kur në stadiumin tonë ishim në minorancë si tifozëri. Por kësaj radhe ishte akoma më keq. Roma është një pjacë e nxehtë dhe tifozët janë shumë të rëndësishëm për ne. Kjo skuadër meriton një prezencë më të madhe të tifozëve në stadium. Dua t’i falënderoj ata që ishin të pranishëm, por kisha pritur një tifozëri të aftë që të luante rolin e lojtarit të 12-të për Lacion”, përfundon Igli Tare.

Edhe Lacio ka pësuar disfatë, por ndryshe nga londinezët, në shtëpi. Djemtë e drejtuar nga Inzagi u mposhtën nga spanjollët e Seviljas, që triumfuan falë një goli të Ben Jeder në minutën e 22’. Ndeshja e kthimit do të jetë shumë më e vështirë për lacialët, që duhet të provojnë gjithçka në Spanjë.

Rezultatet e sfidave të orës 18:55

BATE Borisov – Arsenal 1-0
Shënues: Dragun 45’

Gallatasaraj – Benfika 1-2
Shënues: Luindima 54’ / Salvio 27’ (pen.), Seferoviç 64’

Krasnodar – Bajer Leverkusen 0-0    

Lacio – Sevija 0-1
Shënues: Ben Jeder 22’

Olimpiakos – Dinamo Kiev 2-2
Shënues: Hasan 9’, Dias 40’ / Bujalski 28’, Verbic 90′

Rapid Viena – Inter 0-1
Shënues: Martinez 39’ (pen.)

Rene – Betis 3-3
Shënues: Hunu 2’, Garsia 11’ (aut), Ben Arfa 45+3’ (p) / Lo Selso 32’, Sidnei 62’, Lainez 90′

Slavia Praga – Genk 0-0

Beteja ka pasur një bilanc të rëndë, janë disa të plagosur me thika dhe dy prej tyre janë në spital në gjendje të rëndë. Mes të plagosurve janë dy janë tifozë spanjollë, ndërsa njëri është anglez.

Lufta përfshiu rreth 40 persona dhe ndoshta arsyeja ka qenë kalimi i tifozëve spanjollë pranë një klubi të frekuentuar nga ultrasit lacialë. Mediat italaine raportojnë se autorët e sulmit kanë qenë të maskuar, ndërsa policia po heton ngjarjen e ndodhur.