Sevija

VIDEO | Pendesë pas faullit makabër, francezi i kërkon falje talentit të Liverpulit

Sport Ekspres — Mon, 22 Jul 2019 10:07:04 +0000

Qendërmbrojtësi i Sevijës, Joris Njanjon, u bë protagonisti i një faulli të rëndë në miqësoren e zhvilluar dje kundër Liverpulit. Në një moment tensioni, francezi humbi toruan dhe shkaktoi një faull tejet të rëndë ndaj 18-vjeçarit të Liverpulit, Jaser Larusi, i cili pas ndërhyrjes u shoqërua me barelë jashtë fushës.

Edhe pse Njanjon protestoi kartonin e kuq, siç duket ai ka reflektuar më pas. Me anë të një postimi në rrjetet sociale 22-vjeçari i ka kërkuar falje lojtarit dhe klubit të Liverpulit për gjestin anti-sportiv.

“Do doja t’i kërkoja falje publike klubit të Liverpulit, familjes së lojtarit dhe tifozëve. Ishte një veprim i shpifur që nuk duhet të shikohet asnjëherë në fushën e futbollit. Të gjitha lutjet e mija shkojnë për lojtarin dhe familjen e tij”, shkroi Njanjon.

https://twitter.com/Gnagnon_39/status/1153100792221577216

VIDEO | Sevija s’njeh ndeshje miqësore, “sakatohen” lojtarët e Liverpulit

Sport Ekspres — Mon, 22 Jul 2019 07:16:19 +0000

Ndeshja e zhvilluar ditën e djeshme midis Liverpulit dhe Sevijës nuk ka ngjasuar aspak me një miqësore. Ekipi spanjoll humbi toruan dhe në vend të një takimi ku duhej të mbizotëronte “Fair Play”, skuadrat filluan të zhvillonin një lojë shumë të rëndë, ku më agresiv u treguan andaluzianët.

Në fund Sevija fitoi ndeshjen me rezultatin 2 – 1 falë një goli në minutat e fundit te talenti Pozo, por te Liverpuli rezultati ishte gjëja e fundit që u shkonte në mend.

Episodi më polemik i ndeshjes ishte kartoni i kuq i mbrojtësit të Sevijës Joris Gnangnon. Qendërmbrojtësi francez dëmtoi në mënyrë makabre mbrojtësin 18-vjeçar të Liverpul, Jaser Larusi. Ndërhyrja ishte aq e fortë sa që arbitri i ndeshjes nuk e diskutoi as për një minutë nxjerrjen e kartonit të kuq.

Larusi u detyrua të largohej nga fusha me ndihmën e barelës. Gjithsesi, në daljen për shtyp pak minuta pas përfundim të takimit, trajneri Jyrgen Klop qetësoi tifozët duke konfirmuar se dëmtimi i 18-vjeçarit nuk ishte i rëndë.

Liverpul 1 – 2 Sevija
Shënues: Nolito 37′, Pozo 90′ / Origi 43′

https://www.youtube.com/watch?v=Tl5ukWSxcyE

30 milionë euro nga Spanja, Zijesh refuzon ofertën

Sport Ekspres — Mon, 01 Jul 2019 19:40:19 +0000

Hakim Zijesh ishte një ndër lojtarët kyç të suksesit të Ajaksit gjatë sezonit që lamë pas. Mesfushori me tipare sulmuese ka tërhequr interesin e shumë klubeve evropiane, por ofertat nga klubet më elitë të kontinentit mungojnë.

Sevija ishte një ndër ekipet më të interesuara për 26-vjeçarin. Sipas “Mundo Deportivo”, klubi andaluzian kishte bërë një ofertë prej 30 milionë eurosh për kartonin e Zijesh, por ka qenë vetë lojtari që ka refuzuar menjëherë lëvizjen.

“Me gjithë respektin për klubet që janë të interesuara për mua, me duhet të them se këto nuk janë skuadrat për të cilat do lija Ajaksin. Largimi im varet vetëm nga një gjë: Ekipi im i ardhshëm duhet të jetë i një niveli më të lartë futbollistik. Nëse më kërkon një klub i ngjashëm me Ajaksin nuk kam asnjë arsye pse të largohem”, tha Zijesh për medien holandeze “AD”.

Dëshira e fundit e Interit, një spanjoll për të zëvendësuar Perishiç

Sport Ekspres — Tue, 07 May 2019 12:39:03 +0000

Ivan Perishiç është drejt largimit nga Interi. Kroati e ka shprehur gjithmonë dëshirën për të luajtur në kampionatin anglez dhe zikaltrit po presin ofertën më të mirë për të.

Zëvendësuesi është piketuar, luan në kampionatin spanjoll dhe quhet Pablo Sarabia. Lojtari mbush 27 vjeç pas katër ditësh, luan në rolin e mesfushorit të avancuar dhe bën mirë krahët e sulmit.

Kontrata me Sevijen i përfundon në fund të sezonit të ardhshëm dhe ai nuk ka ndërmend të rinovojë. Sarabia ka shënuar 20 gola gjatë këtij sezoni dhe ka një klauzolë prej 18 milionë eurosh.

Kjo shumë nuk është aspak problem për klubin italian, që është gati t’i ofrojë një kontratë 4-vjeçare me një rrogë prej 3 milionë eurosh në sezon, dyfishin e asaj që përfiton në Andaluzi.

VIDEO | Pas Valencias bie edhe Sevija, fitore jetike për Zhironën

Sport Ekspres — Sun, 28 Apr 2019 14:03:49 +0000

Sevija ka bërë një hap pas për objektivin Champions. Ekipi andaluzian është mposhtur në transfertën e Zhironës dhe Getafe ka shansin për t’u shkëputur në vendin e katërt.

Një gol i Portu pas një ore lojë vendosi fatet e kësaj përballje. Tre pikë të arta për vendasit, të cilët ngjiten në kuotën e 37 pikëve, duke parakaluar Vajadolidin. Zhirona për momentin është e shpëtuar.

Ndeshja ishte shumë e luftuar, por nuk pati shumë raste të pastra për shënim. Momenti kyç ishte minuta e 60-të. Kundërsulm i Zhironës dhe pasime të bukura mes lojtarëve. Në fund është Portu që shënon dhe tifozët në ekstazë. Ndeshjen e radhës Zhirona udhëton drejt Getafes, ndërsa Sevija pret Leganesin në shtëpi.

VIDEO | Sevija hap merkaton, blen të birin e legjendës rumune

Sport Ekspres — Wed, 17 Apr 2019 14:40:18 +0000

Klubi i Sevijës ka arritur marrëveshjen për transferimin e talentit rumun Ianis Haxhi nga klubi i Vitorul Konstantës. Mesfushori me tipare sulmuese është i biri i legjendës së futbollit rumun, Ianis Haxhi, i cili është njëkohësisht trajneri dhe pronari i Vitorulit.

Sipas “Telekom Sport”, klubi andaluzian ka rënë dakord të paguajë 3.5 milionë euro për kartonin e 20-vjeçarit, i cili këtë sezon ka shënuar 10 gola në kampionatin rumun, ndërsa Vitoruli do të mbajë 20% të vlerës së kartonit në rast të shitjes së ardhme të lojtarit.

Zyrtare | Sevija mposht Liverpulin, firmos goleadori i Europa League

Sport Ekspres — Fri, 18 Jan 2019 19:32:08 +0000

Sevija ka zyrtarizuar blerjen e sulmuesit të Red Bull Salcburg, Munas Dabur. Futbollisti arabo-izraelit do t’i bashkohet skuadrës andaluziane në fund të këtij sezoni, ndërkohë që në gjashtë muaj e ardhshëm do t’i kalojë si i huazuar te kampionët e Austrisë.

Për shërbimet e 26-vjeçarit, Sevija mposhti konkurrencën e Liverpulit, duke bërë një ofertë prej 20 milionë eurosh, pesë prej të cilave do të paguhen në varësi të ecurisë së lojtarit në kampionatin spanjoll.

? ?

? https://t.co/7Du4t8Z7jP #vamosmisevilla pic.twitter.com/mh8Ocmirmy

— Sevilla Fútbol Club (@SevillaFC) 17 gennaio 2019

Gjatë dy sezoneve të fundit me Salcburgun, Dabur shënoi 31 gola në 40 takime, ndërsa për t’u veçuar ka qenë dhe paraqitja në “Europa League”, ku ka shënuar 6 gola në po aq takime, shifër kjo më e larta deri më tani në këtë kompeticion.

ZYRTARE |Kishte klauzolë 60 milionë euro, Barça e shet për 1

Sport Ekspres — Fri, 11 Jan 2019 21:29:59 +0000

Barcelona ka zyrtarizuar largimin e Munir El Hadadit. Sulmuesi largohet drejt skuadrës së Sevijës që ka ka blerë kartonin e tij nga katalanasit për 1 milionë euro. Kontrata e 23-vjeçarit me kampionët e Spanjës mbaronte në qershor dhe prandaj drejtuesit e klubit janë pajtuar me këtë shumë relativisht të vogël.

Munir iu bashkua Barcelonës në vitin 2011 dhe debutoi tre vite më vonë me ekipin e parë kur ishte vetëm 18 vjeç. Në dy sezonet e fundit sulmuesi marokeno-spanjoll luajti si i huazuar te skuadrat e Valencias dhe Deportivo Alaves.

Së fundmi, Barcelona tentoi të rinovonte kontratën me 23-vjeçarin, duke e parë atë si zgjedhjen e dytë pas Luis Suares për repartin e sulmit, por ky propozim i drejtuesve të klubit nuk u pranua nga Munir, i cili vendosi të vijojë karrierën e tij në një skuadër ku do të ketë më shumë hapësira.

VIDEO | Barça rimerr kreun, por vëmendja është e gjitha te Mesi

Sport Ekspres — Sat, 20 Oct 2018 20:47:18 +0000

Barcelona rigjen fitoren në La Liga duke mposhtur Sevijan në “Camp Nou”, me shifrat 4-2. Një triumf i katalanasve, që i ngjit tashmë në vendin e parë me 18 pikë. Gjithsesi, gëzimi i ekipit të Valverdes u prish nga dëmtimi i kapitenit Leo Mesit. Argjentinasi la fushën e lojës pas vetëm 16 minutave të luajtura dhe me shumë gjasa do të mungojë në El Clasico.

Sfida nisi me gol për blaugranat, teksa Mesi shpiku një asist për Kutinjon, i cili nuk gaboi, ku me një goditje preçize mposhti portierin Vaçklik, pas vetëm tre minutash lojë. Më pas, ishte momenti i Leo Mesit, i cili me një aksion individual depërtoi drejt qendrës dhe me një goditje me të majtën i çoi shifrat në 2-0. Pas dëmtimit të 31-vjeçarit, ritmi i Barçës ra disi dhe pjesa e parë u mbyll me të njëjtat shifra.

Në pjesën e dytë Sevija erdhi me një fytyrë tjetër, teksa pati disa raste për të rihapur sfidën, por Ter Stegen dukej i pakalueshëm. Pas rasteve të shpërdoruara nga miqtë, ishte Suarez, i cili shndërroi në gol një penallti të fituar nga vetë ai. Sarabia shkurtoi diferencën për andaluzianët, përpara se Rakitiç të shënonte të katërtin për Barcelonën. Muriel në minutën e 91-të shënoi një gol që vlen vetëm për statistikë, pasi ndeshja u mbyll me shifrat 4-2.

https://www.youtube.com/watch?v=Z4mN2sNmQ7k