Milan është i interesuar për shërbimet e tij dhe në janar do të tentojë të sigurojë shërbimet e anësorit ofensiv. Golin e parë në Serinë A, Seung Vu Li e shënoi pikërisht përballë kuqezinjve sezonin e kaluar në “San Siro”, kur Verona ishte pjesë e Serisë A. Li është një lojtar i shpejtë dhe i talentuar, por Milanit i duhet të mposhtë konkurrencën e disa klubeve.

Për të interesohen Inter dhe Atalanta, por ka oferta dhe nga Spanja, vend që nuk e ka mbyllur akoma merkaton. Alavesh po tenton të arrijë akordin me Veronën, por interesimi i Milanit mund të bëjë që djaloshi të presë janarin. Gatuzo e konsideron si një lojtar të rëndësishëm për taktikat e tij dhe Milani do të tentojë të arrijë akordin për të transferuar në Milano 20-vjeçarin koreano jugor.